უკუეთუ უჩინო-ყვნეს უფალმან ღმერთმან შენმან ნათესავნი, რომელთასა ღმერთი შენი მოგცემს შენ ქუეყანასა მათსა, და დაიმკჳდრნეთ იგინი და დაემკჳდრნეთ ქალაქთა შინა მათთა და სახლთა შინა მათთა,
სამნი ქალაქნი გამოიყვანე თავისა შენისად ქუეყანასა შინა შენსა, რომელი უფალმან ღმერთმან შენმან მოგცეს შენ.
მოწონე გზაჲ და განასამწილენ საზღვარნი ქუეყანისა შენისანი, რომელსა განგინაწილებს შენ უფალი ღმერთი შენი, და იყოს მუნ შესალტოლველი ყოვლისა კაცისმკვლელისაჲ.
და ესე არს ბრძანებაჲ კაცისმკვლელისაჲ, რომელიცა შეივლტოდის მუნ და ცხოვნდეს, რომელმან უკუეთუ სცეს მოყუასსა უნებლიეთ და ამან არა მოძულემან მისმან პირველ გუშინდელისა და პირველ მესამისა.
და რომელი უკუეთუ განვიდეს გზად მოყუსისა თანა შეკრებად შეშისა და მოიქნიოს ჴელითა თჳსითა ცული განკუეთად შეშისა და წარვრდომილი რკინაჲ შეშისაგან ეცეს მოყუასსა და მოკუდეს, ესე შეივლტოდის ერთსა ქალაქთა ამათგანსა და ცხოვნდეს.
რაჲთა არა დევნა-უყოს მეძიებელმან სისხლისამან უკუანა მკლველისა, რამეთუ განჴურვებულ არს გულითა, და ეწიოს მას. და უკუეთუ შორს იყოს გზაჲ და სცეს მან სული იგი და ესე არა არს საშჯელი სიკუდილისაჲ, რამეთუ არა მოძულე იყო მისსა პირველ გუშინდელისა და პირველ მესამისა.
ამისთჳს მე გამცნებ შენ სიტყუასა ამას, მეტყუელი: სამნი ქალაქნი გამოიყვანე თავისა შენისად.
უკუეთუ განავრცნეს უფალმან ღმერთმან შენმან საზღვარნი შენნი, ვითარ-სახედ ეფ\უცა Page of ms. Ga: 251v ღმერთი შენი მამათა შენთა.
უკუეთუ ისმინო ქმნაჲ ყოველთა ამათ მცნებათაჲ, რაოდენთა მე გამცნებ შენ დღეს: შეყუარებად უფალი ღმერთი შენი, სლვად ყოველთა შინა გზათა მისთა ყოველთა დღეთა და შესძინნე თავისა შენისად მერმე ხუთნიღა ქალაქნი სამთა ამათ თანა.
და არა დაითხიოს სისხლი უმიზეზოჲ ქუეყანასა შინა შენსა, რომელსა უფალი ღმერთი შენი მიგცემს წილითა, და არა იყოს შენ შორის თანამდები სისხლისაჲ.
ხოლო უკუეთუ იყოს კაცი მოძულე მოყუსისაჲ და დაუმზიროს მას და დასცეს სული მისი და მოკუდეს და შევარდეს ერთსა ქალაქთა ამთგანსა,
და მოავლინოს ბერობამან ქალაქისა მისისამან და მიიყვანონ მუნით და მისცენ იგი ჴელთა სისჴლისმეძიებელისათა და მოკუდეს.
არა ერიდოს თუალი შენი მის ზედა და განსწმიდო სისხლი უმიზეზოჲ ისრაელისაგან და კეთის იყოს შენდა.
არა გარდასძრნე საზღვარნი მოყუსისა შენისანი, რომელნი დაამტკიცნეს მამათა შენთა დამკჳდრებასა მას შენსა, ოდეს დაემკჳდრე ქუეყანასა მას ზედა, რომელი უფალმან ღმერთმან შენმან მოგცა შენ წილითა განწილშჯულვად იგი.
არა სარწმუნო იყოს მოწამე ერთი წამებად კაცისათჳს ყოველსა ზედა უსამართლოებასა და ყოველსა ზედა ცოდვასა, რომელი ცოდოს, პირითა ორთა მოწამეთაჲთა და პირითა სამთა მოწამეთაჲთა დადგეს ყოველი სიტყუაჲ.
წარმო-თუ-დგეს მოწამე უსამართლოჲ კაცისათჳს და მსიტყუელი მისი უღმრთოებასა,
და დადგენ ორნი კაცნი, რომელთაჲ იყოს მათი ცილობაჲ წინაშე უფლისა და წინაშე მღდელთა და წინაშე მსაჯულთა, რომელნი იყვნენ მათ დღეთა შინა.
და გამოიძიონ მსაჯულთა განმკაცრებით და, აფა, მოწამემან უსმართლომან წამა უსამართლოჲ, აღდგა ვაშტად ძმისა თჳსისა,
და ეყოს მას, ვითარ-სახედ იძმაცუა ყოფად ძმისა თჳსისა, და სპეთ ბოროტი თქუენ მაგ\ათგან Page of ms. Ga: 252r .
და ნეშტთა ამათ ესმეს რაჲ, შეეშინოს და არღა შესძინონ მერმე ქმნად სიტყჳსა ამისებრ ბოროტისა თქუენ შორის.
არა ერიდოს სული შენი მის ზედა. სული ნაცვალად სულისა, თუალი ნაცვალად თუალისა, კბილი ნაცვალად კბილისა, ჴელი ნაცვალად ჴელისა, ფერჴი ნაცვალად ფერჴისა, ვითარ-იგი სცა ძჳრი მოყუასსა, ეგრეთ ეცეს მას.
