Page of ms. Gb: ? ესე სიტყუანი არიან, რომელთა ეტყოდა მოსე ყოველსა ისრაელსა წიაღ იორდანესა, უდაბნოსა შინა დასავალით კერძო, მახლობელად მეწამულისა, შორის ფარანსა, ტოფოლსა და ლოვონსა და ალონსა და ოქროა\ნსა Page of ms. Ga: 212v ,
ათერთმეტთა დღეთასა ხორივად მიმართსა გზასა მთასა სეირსა ვიდრე კადის ბარნედმდე.
და იყო, მეორმეოცესა წელსა მეათერთმეტესა თთუესა ერთსა თთჳსასა იტყოდა მოსე ყოველთა მიმართ ძეთა ისრაელისათა ყოველთაებრ, რომელნი ამცნნა მას უფალმან მათდა მიმართ.
შემდგომად დაცემისა მის მიერ სიონ მეფე აღმორეველთაჲ, Page of ms. Ga: 214r დამკჳდრებულ ესებონს, და ოგ მეფე ბასანისაჲ დამკჳდრებულ ესებონს, და ოგ მეფე ბასანისაჲ დამკჳდრებულ ასტაროთს და ედრაინს,
წიაღ იორდანესა, ქუეყანასა მოაბისასა იწყო მოსემან განმარტებად შჯული ესე მეტყუელმან:
უფალი ღმერთი ჩუენი გუეტყოდა ჩუენ ხორივს მეტყუელი: კმა-იყავნ თქუენდა -- თქუა -- დამკჳდრებაჲ მთასა მას.
მიიქეცით და აღიტრენით Page of ms. Ga: 214v თქუენ და შევედით მთასა აღმორრეველთასა და ყოველთა მიმართ და ზღჳს კიდედ ქუეყანად ქანაანისა და წინა კერძო ლიბანისა ვიდრე მდინარედმდე დიდად ევფრატისა.
ისილეთ, მივეც წინაშე თქუენსა ქუეყანაჲ, რომელ ვეფუცე მამათა თქუენთა -- აბრაჰამსა და ისააკსა და იაკობსა -- მიცემად მათ და თესლსა მათსა შემდგომად მათსა.
და ვთქუ თქუენდა მომართ ჟამსა მას მეტყუელმან: ვერ მიძლავს მარტოსა ტჳრთვაჲ თქუენი.
უფალმან ღმერთმან თქუენმან განგამრავლნა თქუენ და, აჰა, ხართ დღეს ვითარცა ვარსკულავნი ცისანი სიმრავლითა.
უფალმან ღმერთმან მამათა თქუენთამან შეგძინენ თქუენ, ვითარცა ხართ ათას წილად, და გაკუ\რთხენინ Page of ms. Ga: 215r თქუენ, ვითარ-სახედ გეტყოდა თქუენ.
ვითარ ძალ-მიც მარტოსა ტჳრთვად ჭირი თქუენი და ჴდომაჲ თქუენი და ცილობანი თქუენნი?
მომცენით თქუენდად კაცნი ბრძენნი და მიწთომილნი და გულისჴმიერნი ტომთა შორის თქუენთა და დავადგინნე იგინი თქუენ ზედა წინამძღურებად თქუენდა.
და მომიგეთ მე და სთქუთ: კეთილ არს სიტყუაჲ, რომლისაჲ სთქუ ქმნაჲ.
და მოვიყვანენ თქუენგან კაცნი ბრძენნი და მიწთომილნი და გულისჴმიერნი, და დავადგინენ იგინი შერაცხად თქუენ მიერ ათასისთავებად და ასისთავებად და წერილის შემომყვანებელად, განმგებელად მშჯავრისა ნათესავთა თქუენთაჲსა.
და ვამცენ მსაჯულთა თქუენთა მას ჟამსა და ვთქუ: ისმინეთ შორის ძმათა Page of ms. Ga: 215v სიმართლით, შორის კაცისა და ძმისა შორის მისისა და მწირისა.
... თუალ-ღებად პირსა სასჯელსა შინა სიმცირისაებრ და სიდიდისაებრ შჯად; არა თუალ-აღო პირსა საშჯელსა მშჯავრი, რომელი ღმრთისაჲ არს, და სიტყუაჲ, რომელიცა ფიცხელ იყოს თქუენდა, მოაწიოთ იგი ჩემდამო და ვისმინო იგი.
და გამცნენ თქუენ მას ჟამსა ყოველნი სიტყუანი, რომელნი ჰყვნეთ.
და წარმოსტრულნი ხორივით ვიდოდეთ ყოველსა მას უდაბნოსა დიდსა და საშინელსა, რომელი იხილეთ, გზასა მთისა აღმორეველთაჲსასა, ვითარცა მამცნო უფალმან ღმერთმან ჩუენმან, და მოვედით ვიდრე კადის ბარნედმდე.
და ვთქუ თქუენდა მომართ: მოხუედით ვიდრე მთადმდე აღმორეველისათა, რომელი უფალმან ღმერთმან თქუენმან მოგცეს თქუენ.
იხილეთ, მოგცა უფალმან ღმერთმან თქუენმან წინაშე პირსა თქუენსა ქუეყანაჲ. აღსრულთა დაიმკჳდრეთ, ვითარ-სახედ გრქუა უფალმან ღმერთმან მამათა თქუენთამან თქუენ: ნუ გეშინინყე, ნუცა სძრწით.
და მოხუედით ჩემდა ყოველნი და სთქუთ: წარავლინენით კაცნი უპირველესნი ჩუენსა და მომიმგზავრონ ჩუენ მოგებაჲ გზაჲ, რომლისა მიერ აღვიდეთ მას ზედა, და ქალაქნი, რომელთაცა შევალთ მათდა მიმართ.
და სათნო-მიჩნდა ჩემ წინაშე სიტყუაჲ და მოვიყვანენ თქუენგან ათორმეტნი კაცნი, კაცი ერთი ტომისაგან.
და წარვავლინენ იგ\ინი Page of ms. Ga: 216r განმსტურობად ქუეყანისა მის. და წარმოსრულნი აღვიდეს მთად და მოვიდეს ვიდრე ღელედმდე ტევნისა და განიმსტურეს იგი.
და მოიღეს ჴელებითა მათითა ნაყოფისაგან ქუეყანისა და მომართუეს ჩუენ და თქუეს: კეთილ არს ქუეყანაჲ, რომელსა უფალი ღმერთი ჩუენი მომცემს ჩუენ.
და არა ინებეთ აღსლვაჲ და ურწმუნო-ექმნენით სიტყუასა უფლისა ღმრთისა თქუენისასა
და სდრტჳნევდით კარავთა შინა თქუენთა და იტყოდეთ: ვსძულდით ჩუენ უფალსა და გამომიყვანნა ჩუენ ეგჳპტით მიცემად ჩუენდა ჴელთა ამორრეველთასა მოსრულებად ჩუენდა.
სადა აღვალთ ჩუენ, ძმათა თქუენთა განდრიკეს გული თქუენი მეტყუელთა: ნათესავი დიდი და მრავალი და უძლიერესი ჩუენსა და ქალაქნი დიდნი და მოზღუდვილნი ვიდრე ცადმდე, არამედ ძენიცა გმირთანი ვიხილენით მუნ.
და ვთქუ თქუენდა მომართ: ნუ დაჰჴსნდებით, ნუცა შეშინდებით მათგან.
უფალი ღმერთი წინა წარვიდეს წინაშე პირსა თქუენსა და იგი ებრძოლოს მათ თქუენ თანა და ყოველთაებრ, რომელნი გიყვნა თქუენ ქუეყანასა შინა ეგჳპტისასა
და უდაბნოსა ამას, რომელი იხილეთ, ვითარ ზრდილმოსილ-გყოფდა უფალი ღმერთი, ვითარცა ზრდილმოსილ-ყვის კაცმან ძე თჳსი, ყოველსა გზასა, რომელსა ხჳდოდეთ, ვიდრემდის მოხუედით ადგილსა ამას.
და სიტყუასა ამას ზედა არა მრწმუნებელ-\ექმნენით Page of ms. Ga: 216v უფალსა ღმერთსა თქუენსა,
რომელი ვიდოდა პირველად გზასა ზედა თქუენსა გამორჩევად თქუენდა ადგილსა, წინამძღუარი თქუენი ცეცხლითა ღამე მჩუენებელი თქუენდა გზისაჲ, რომელსა ხჳდოდით მას ზედა, და ღრუბლითა -- დღისი.
და ესმა უფალსა ჴმაჲ სიტყუათა თქუენთაჲ და განძჳნებულმან ფუცა მეტყუელმან:
უკუეთუ იხილოს ვინ კაცთა ამათგანმან ქუეყანაჲ კეთილი, რომლისათჳს ვეფუცე მამათა თქუენთა,
თჳნიერ ხალებ, ძემან იეფონისმან, ამან იხილოს იგი და მას მივსცე ქუეყანაჲ, რომელსა ზედა ვლო, და ძეთა მისთა მდებარეობისათჳს მათისა უფლისა კერძო.
და მეცა გამიგულმწყრალნა უფალი თქუენ ძლით მეტყუელი: არცა შენ არა შეხჳდე მუნ.
იისუ, ძე ნავესი, წინაშედგომილი შენი, ესე შევიდეს მუნ. იგი განაძლიერე, რამეთუ მან განუწილოს იგი ისრაელსა.
და შვილნი თქუენნი, რომელთაჲ სთქუთ, დასატაცებელად იყვნენ და ყოველი ყრმაჲ ჭაბუკი, რომელმან არა იცის დღეს კეთილი ანუ ბოროტი, ესენი შევიდენ მუნ. და ამათ მივსცე იგი და მათ დაიმკჳდრონ იგი.
და თქუენ მიიქეცით და დაილაშქრეთ უდაბნოსა გზასა ზღჳსა მეწამულისასა.
და მომიგეთ და მარქუთ მე: ვცოდეთ წინაშე უფლისა ღმრთისა ჩუენისა. ჩუენ აღსრულნი ვებრძოლენით ყოველთაებრ, რაოდენნი გაუმცნნა უფალმან ღმერთმან ჩუენმან. და აღმღებელნი თითოეული ჭურჭელთა საბრძოლელთა თჳსთა და შეკრებულნი აღხუედით მთად.
და Page of ms. Ga: 217r თქუა უფალმან ჩემდამო: არქუ მათ: არა აღხჳდეთ, არცა ებრძოლენით, რამეთუ არა ვარ თქუენ თანა და არა შეიმუსრენით წინაშე მტერთა თქუენთა.
და გეტყოდე თქუენ და არა მერჩდით მე და გარდაჰჴედით სიტყუასა უფლისასა მაიძულებელნი, აღხუედით მთად.
და გამოვიდა აღმორრეველი, დამკჳდრებული მთასა მას, შემთხუევად თქუენდა. და წარგდევნნეს თქუენ, ვითაცა ყვიან გზის ფუთკართა, და გჩხუეპდეს თქუენ სიირითგან ვიდრე ერმადმდე.
და დასხდომილნი სტიროდეთ წინაშე უფლისა ღმრთისა თქუენისა და არა ისმინა უფალმან ჴმისა თქუენისაჲ, არცა მოგხედა თქუენ.
და დადგერით თქუენ კადეს მრავალ დღე, რაოდენიცა იყვენით მუნ.
