TITUS
Vetus testamentum iberice, redactio Gelatica
Part No. 56
Previous part

Chapter: 29  
თავი XXIX


Verse: 1   Link to mcat Link to sept   და თთუესა მეშჳდესა, ერთსა თთჳსასა, ჩინებულ წმიდა იყოს თქუენდა, ყოველი საქმე მსახურებრივი არა ჰქმნათ; დღე შესწავებისაჲ იყოს თქუენდა.

Verse: 2   Link to mcat Link to sept   და ჰყვნეთ ყოვლად-დასაწუველნი სულად სულნელებისად უფლისა: ზუარაკი ერთი ზროხათაგან, ვერძი ერთი, ტარიგნი წელ\იწდეულნი Page of ms. Gb: 85r  შჳდნი უბიწონი.

Verse: 3   Link to mcat Link to sept   მსხუერპლი მათი სამინდოჲ, აღსუარული ზეთითა, სამნი მეათენი ზუარაკსა ერთსა და ორნი მეათენი ვერძსა ერთსა,

Verse: 4   Link to mcat Link to sept   Page of ms. Ga: 298v   მეათედ-მეათედი ტარიგსა ერთსა შჳდთავე ტარიგთა,

Verse: 5   Link to mcat Link to sept   და ვაცი თხათაგან ერთი ცოდვისათჳს სალხინებელად თქუენდა,

Verse: 6   Link to mcat Link to sept   გარნა ყოვლად-დასაწუველთაებრ ახალთათთჳსათა იყვნედ მსხუერპლნიცა მათნი და შესაწირავნი მათნი თანა-შეტყუებისაებრ მათისა სულად სულნელებისად უფლისა.

Verse: 7   Link to mcat Link to sept   და მეათე ამის თთჳსაჲ ჩინებულ წმიდა იყავნ თქუენდა და ყოველი საქმე მსახურებრივი არა ჰქმნათ.

Verse: 8   Link to mcat Link to sept   და შესწირნეთ ყოვლად-დასაწუველნი სულად სულნელებისად ნაყოფებად უფალსა: ზუარაკი ზროხათაგან ერთი, ვერძი ერთი, ტარიგნი წელიწდეულნი შჳდნი; უბიწონი იყვნენ თქუენდა.

Verse: 9   Link to mcat Link to sept   მსხუერპლი მათი სამინდოჲ, აღსუარულ ზეთითა, სამნი მეათედნი ზუარაკსა ერთსა და ორნი მეათედნი ვერძსა ერთსა,

Verse: 10   Link to mcat Link to sept   მეათედ-მეათედი ტარიგსა ერთსა შჳდთა ტარიგთა,

Verse: 11   Link to mcat Link to sept   და ვაცი თხათაგან ერთი ცოდვისათჳს სალხინებელად თქუენდა, გარნა ცოდვისა ძლითი სალხინებელი, და ყოვლად-დასაწუავი სამარადისოჲ, მსხუერპლი მისი და შესაწირავი მისი თანა-შეტყუებისაებრ სულად სულნელებისად ნაყოფებად უფლისა.

Verse: 12   Link to mcat Link to sept   და მეათხუთმეტე დღე თთჳსა ამის პირველისაჲ ჩინებულ წმიდა იყოს თქუენდა, ყოველი საქმე მსახურებრივი არა ჰქმნათ და უდღესასწაულეთ იგი დღესასწაულად უფალსა შჳდთა დღეთა

Verse: 13   Link to mcat Link to sept   და მოართუენით ყოვლად-დასაწუველებნი ნაყოფებნი სულად სულნელებისად უფალსა: პირველსა დღესა ზუარაკნი ზროხათაგან ათცამეტნი, ვერძნი ორნი, ტარიგნი წელიწდეულნი ათოთხმეტნი; უბიწონი იყვნენ,

Verse: 14   Link to mcat Link to sept   მსხუერპლნი მათნი სამინდოჲ, აღსუარულ ზეთითა, სამი ათეული ზუარაკსა ერთსა ათცამეტთა ზუარაკთა და ორი ათეული ვერძსა ერთსა ორთავე ვერძთა,

Verse: 15   Link to mcat Link to sept   ათეულ-ათეული ტარიგსა ერთსა ათოთხმეტთავე ტარიგთა

Verse: 16   Link to mcat Link to sept   და ვაცი მსხუერპლნი მათნი და შესაწირავნი მათნი.

Verse: 17   Link to mcat Link to sept   და დღესა მეორესა ზუარაკნი ათორმეტნი, ვერძნი ორნი, ტარიგნი წელიწდეულნი ათოთხმეტნი უბიწონი,

Verse: 18   Link to mcat Link to sept   მსხუერპლნი მათნი და შესაწირავნი მათნი ზუარაკთა და ვერძთა და ტარიგთანი რიცხჳსაებრ მათისა, თანა-შეტყუებისაებრ მათისა,

Verse: 19   Link to mcat Link to sept   და ვაცი თხათაგან ერთი ცოდვისათჳს, გარნა ყოვლად დასაწუავისა სამარადისოჲსა მსხუერპლნი მათნი და შესაწირავნი მათნი.

Verse: 20   Link to mcat Link to sept   დღესა მესამესა ზუარაკნი ათერთმეტნი, ვერძნი ორნი, ტარიგნი ათოთხმეტნი უბიწონი,

Verse: 21   Link to mcat Link to sept   მსხუერპლნი მათნი და შესაწირავნი მათნი ზუარაკთა და ვერძთა და ტარიგთანი რიცხჳსაებრ მათისა, თანა-შეტყუებისაებრ მათისა,

Verse: 22   Link to mcat Link to sept   და ვაცი თხათაგან ერთი ცოდვისათჳს, Page of ms. Gb: 85v  გარნა ყოვლად-დასაწუავისა სამარადისოჲსა მსხუერპლნი მათნი და შესაწირავნი მათნი.

Verse: 23   Link to mcat Link to sept   დღესა მეოთხესა ზუარაკნი ათნი, ვერძნი ორნი, ტარიგნი წელიწდეულნი ათოთხმეტნი უბიწონი,

Verse: 24   Link to mcat Link to sept   მსხუერპლნი მათნი და შესაწირავნი მათნი ზუარაკთა და ვერძთა და ტარიგთანი რიცხჳსაებრ მათისა,

Verse: 25   Link to mcat Link to sept   და ვაცი თხათაგან ერთი ცოდვისათჳს, გარეშე ყოვლად-დასაწუველისა სამარადისოჲსა მსხუერპლნი მათნი და შესაწირავნი მათნი.

Verse: 26   Link to mcat Link to sept   დღესა მეხუთესა ზუარაკნი ცხრანი, ვერძნი ორნი, ტარიგნი წელიწდეულნი ათოთხმეტნი უბიწონი,

Verse: 27   Link to mcat Link to sept   მსხუერპლნი მათნი და შესაწირავნი Page of ms. Ga: 299r   მათნი ზუარაკთა და ვერძთა და ტარიგთანი რიცხჳსაებრ მათისა, თანა-შეტყუებისაებრ მათისა,

Verse: 28   Link to mcat Link to sept   და ვაცი თხათაგან ერთი ცოდვისათჳს, გარეშე ყოვლად-დასაწუველისა სამარადისოჲსაჲ მსხუერპლ\ნი Page of ms. Ga: 299v   მათნი და შესაწირავნი მათნი.

Verse: 29   Link to mcat Link to sept   დღესა მეექუსესა ზუარაკნი რვანი, ვერძნი ორნი, ტარიგნი წელიწდეულნი ათოთხმეტნი უბიწონი,

Verse: 30   Link to mcat Link to sept   მსხუერპლნი მათნი და შესაწირავნი მათნი ზუარაკთა და ვერძთა და ტარიგთა\ნი Page of ms. Ga: 196r   რიცხჳსაებრ მათისა, თანა-შეტყუებისაებრ მათისა,

Verse: 31   Link to mcat Link to sept   და ვაცი თხათაგან ერთი ცოდვისათჳს, გარეშე ყოვლად-დასაწუავისა სამარადისოჲსა მსხუერპლნი მათნი და შესაწირავნი მათნი.

Verse: 32   Link to mcat Link to sept   დღესა მეშჳდესა ზუარაკნი შჳდნი, ვერძნი ორნი, ტარიგნი წელიწდეულნი ათოთხმეტნი უბიწონი,

Verse: 33   Link to mcat Link to sept   მსხუერპლნი მათნი და შესაწირავნი მათნი ზუარაკთა და ვერძთა და ტარიგთანი რიცხჳსაებრ მათისა, თანა-შეტყუებისაებრ მათისა,

Verse: 34   Link to mcat Link to sept   და ვაცი თხათაგან ერთი ცოდვისათჳს, გარეშე ყოვლად-დასაწუავისა სამარადისოჲსა მსხუერპლნი მათნი და შესაწირავნი მათნი.

Verse: 35   Link to mcat Link to sept   დღესა მერვესა განჯმნაჲ იყოს თქუენი: ყოველი საქმე მსახურებრივი არა ჰქმნათ მას შინა.

Verse: 36   Link to mcat Link to sept   და მოართუნეთ ყოვლად-დასაწუველნი ნაყოფებად სულად სულნელებისად უფალსა: ზუარაკი ერთი, ვერძი ერთი, ტარიგნი წელიწდეულნი შჳდნი უბიწონი,

Verse: 37   Link to mcat Link to sept   მსხუერპლნი მათნი და შესაწირავნი მათნი ზუარაკისა და ვერძისა და ტარიგთანი რიცხჳსაებრ მათისა,

Verse: 38   Link to mcat Link to sept   და ვაცი თხათაგან ერთი ცოდვისათჳს, გარეშე ყოვლად დასაწუავისა სამარადისოჲსა მსხუერპლნი მათნი და შესაწირავნი მათნი.

Verse: 39   Link to mcat Link to sept   ესენი უქმნნეთ უფალსა დღესასწაულთა შინა თქუენთა, გარეშე აღთქუმათა თქუენთა და ნეფსთთა თქუენთა და ყოვლად-დასაწუველთა თქუენთა და მსხუერპლთა თქუენთა და შესაწირავთა თქუენთა და სამაცხოვარებოთა თქუენთა.



Next part


This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.