და ეტყოდა უფალი მოსეს და ჰრქუა:
ერთსა დღესა თთჳსა მის პირველისასა, თთჳს თავსა აღსდგა კარავი საწამებელისა.
და დასდგა კიდობანი იგი წამებისა და დაჰბურო იგი საბურველითა.
და შეიღო ტაბლა იგი და დააგო მას ზედა დასაგებელი მისი და შეიღო სასანთლე იგი და დასდგნე მას ზედა სანთელნი მისნი.
შეიღო შენ საკურთხეველი იგი ოქროსა კუმევად საკმეველისა წინაშე კიდობანსა მას საწამებელისასა და დაჰბურო საბურველი იგი კრეთსაბმელისა კარსა მას კარვისა მის საწამებელისასა.
და საკურთხეველი იგი ნაყოფთაჲ დასდგა წინაშე კარსა კარვისა მის საწამებელისასა.
და მოადგა ეზო და წმიდა ჰყო.
და მოიღო ზეთი იგი ცხებისა და სცხო კარავსა მას და ყოველსავე, რა არს მას შინა, და განსწმიდო იგი და ყოველივე ჭურჭელი მისი და იყოს წმიდა.
და სცხო საკურთხეველსა მას სანაყოფეთასა და ყოველსა ჭურჭელსა მისსა. და განსწმიდო საკურთხეველი იგი და იყოს წმიდა წმიდათა
და მოიყვანო აჰრონ და ძენი მისნი წინაშე კარსა კარვისა საწამებელისასა და განჰბანნე იგინი წყლითა.
და შეჰმოსო აჰრონს სამოსელი იგი წმიდა და სცხო მას და წმიდა-ჰყო იგი მღდელად ჩემდა.
და ძენი მისნი მოიყვანნე და შეჰმოსო მათ სამოსელი.
და სცხო, ვითარცა-იგი სცხე მამასა მათსა, და მღდელობდენ იგინი ჩემ წინაშე და იყოს მათა ცხებულება _ მღდელობა უკუნისამდე ნათესავთა შორის მათთა.
და ყო ეგრე მოსე, ვითარცა უბრძანა მას უფალმან. ეგრეთ ქმნა.
და იყო თთუესა მას პირველსა, მეორესა წელსა გამოსლვასა მათსა ეგჳპტით, თთჳსა თავსა ატႿზ̌ჰმართა მოსე ტႿზ̌არავიი იგ
და დაადგნა სუეტის თავნი მისნი და განუთხინა მოქლონნი იგი და აღმართნა სუეტნი მისნი.
და განჰმარტნა ეზოები იგი კარავსა მას და დაჰბურა საბურველი იგი კარვისა მის მას ზედა, ზედა კერძო, ვითარცა-იგი უბრძანა უფალმან მოსეს.
და მოიხუნა საწამებელნი იგი და შთასხნა იგი კიდობანსა მას და განუთხინა უღელნი იგი ქუეშე კერძო კიდობანსა მას.
და შეიღო კიდობანი იგი შინაგან კარავსა მას და დაჰფარა საფარველი იგი კრეთსაბმელისა და დაფარა კიდობანი იგი წამებისა, ვითარცა უბრძანა უფალმან მოსეს.
და დადგა ტაბლა იგი კარავსა მას შინა საწამებელისასა ჩრდილოთ კეოძო, გარეშე კერძო კრეთსაბმელსა მას კარვისა მის საწამებელისასა.
და დააგო მას ზედა პური იგი შესაწირავისა წინაშე უფლისა, ვითარცა უბრძანა უფალმან მოსეს.
და დაღგა სასანთლე იგი კარავსა მას შინა საწამებელისასა, ადგილსა მას სამხრით კერძოჲსა.
და დაადგნა სანთელნი მისნი მას ზედა წინაშე უფლისა, ვითარცა უბრძანა უფალმან მოსეს.
და დადგა საკურთხეველი იგი ოქროსა კარავსა მას შინა საწამებელისასა კრეთსაბმელსა მას.
და აკმია საკმეველი იგი აღზავებული მას ზედა, ვითარცა-იგი უბრძანა უფალმან მოსეს.
და საკურთხეველი იგი ნაყოფთა დადგა კართა თანა კარვისა საწამებელისათა.
და აღდგა ეზო იგი გარემო კარავსა მას და საკურთხეველსა და აღასრულა მოსე ყოველივე იგი საქმე
და დაფარა ღრუბელმან კარავი იგი საწამებელისა და აღივსო დიდებითა უფლისათა კარავი იგი.
და ვერ ჴელ-ეწიფა მოსეს შესლვად კარავსა მას საწამებელისასა, რამეთუ აგრილობდა ღრუბელი იგი და დიდებითა უფლისათა აღივსო კარავი იგი.
და რაჟამს აღმაღლდის ღრუბელი იგი, აღეგნიან ტრვად ძენი ისრაელისანი ვანითურთ მათით.
უკუეთუ არა აღიმაღლის ღრუბელმან მან, არა აღეგნიან ტრვად მუნ დღედმდე, ვიღრემღე აღიმაღლის ღრუბელმან მან.
რამეთუ ღრუბელი იყო კარავსა მას ზედა დღისი და ცეცხლი იყო მას ზედა ღამე წინაშე ყოველსა ისრაელსა ყოველსა მას ვანის ტრვასა მათსა.
