TITUS
Zadonshchina, v. II
Part No. 7
Previous part

Chapter: VII   Link to zad1
Paragraph: 1  
Line: 10       VII. того дни, святыя Богородица, исѣкоша
Line: 11    хрѣстьяне поганыи полкы на полѣ Куликовѣ, на рѣчки Направдѣ.
Line: 12    и нукнувъ князь Владимеръ гораздо скакаше по рати
Line: 13    поганым, златым шеломом посвѣчиваше. гремят мечи булатныа
Line: 14    о шеломы Хиновскые. въсхваляет брата своего князь Дми-
Line: 15    треи Иванович: "брате, то ты еси у зла времени
Line: 16    желѣзная забрала" .... "не уставаи, князь великыи, с своими
Line: 17    великими полкы, не потакаи крамолником. поганыя бо поля наша
Line: 18    наступают, а храбрую дружину теряли, в трупу чело-
Line: 19    вѣчью борзъ конь не может скочити, въ крови по колѣно бродят.
Line: 20    уже бо, брате, жалостно видѣти крови крестьянскои. не
Line: 21    уставаи, князь великыи, съ своими бояры."

Page: 17  
Paragraph: 2  
Line: 1       рече князь великыи своим бояромъ: "братья бояре и воеводы
Line: 2    и дѣти боярскые, то ти, братье, ваши Московъскыя сластныя
Line: 3    меды и великия мѣста себѣ и своим женам: туто стару помолодити
Line: 4    ся, а молоду чти добыти."

Paragraph: 3  
Line: 5       рече князь великыи Дмитреи Ивановичь: "господи Боже мои,
Line: 6    на тя уповах, да не постыжу ся в векъ, ни да посмѣють ми ся
Line: 7    врази мои мнѣ." и помоля ся Богу и святии Богородици и
Line: 8    всѣмъ святымъ, и прослези ся горко и утер слезы.

Paragraph: 4  
Line: 9       и тогда яко орли отлетѣша на быстрыи Донъ: то тѣ
Line: 10    не орлѣ полетѣша за быстрыи Донъ, поскакивает князь великыи
Line: 11    с своими полкы за Дон, съ всею силою. "брате, князе Вла-
Line: 12    димере, туто испити медовеная чаша: наступаемъ, брате,
Line: 13    с своими силными полкы на рать поганых."

Paragraph: 5  
Line: 14       тогда князь великии поля наступает. гремят мечи о шеломы
Line: 15    Хиновъския, поганыи покрыша руками головы своа. тогда по-
Line: 16    гании отступиша ся назад, стязи ревуть от великого
Line: 17    князя. погании бежать, Рускии сынове поля широкыи кликом ого-
Line: 18    родиша, золочеными шлемы осветиша.

Paragraph: 6  
Line: 19       въсталъ уже туръ оборенъ. тогда князь великыи поганых
Line: 20    назадъ победилъ и поворотил гораздо на нихъ. и бьетъ
Line: 21    горко, тоску имъ подаваше. князи их падоша ся с конеи к
Line: 22    земли, трупы Татарскими поля насѣаша, а кровию протекли
Line: 23    рѣкы.

Next part


This text is part of the TITUS edition of Zadonshchina, v. II.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.