TITUS
Zadonshchina, v. II
Part No. 6
Previous part

Chapter: VI   Link to zad1
Paragraph: 1  
Line: 7       VI. не туры возгремѣли на полѣ Куликовѣ побежени
Line: 8    у Дону великаго: то ти не тури побежени, посечены князи рускыя
Line: 9    и воеводы великого князя, и князи Белозерстии посечени от
Line: 10    поганых Татар, Федор Семеновичь, Тимофѣи Волуевич, Семен
Line: 11    Михаилович, Микула Васильевич, Ондрѣи Серкизович,
Line: 12    Микула Иванович и иная многая дружина.

Paragraph: 2  
Line: 13       черньца Пересвѣта, Бряньского боярина, на суженое
Line: 14    мѣсто привели. и рече Пересвѣт чернец великому князю Дми-
Line: 15    трию Ивановичю: "луче бы посеченым пасти, а не полоня-
Line: 16    нымъ въспѣти от поганых." тако бо Пересвѣт поскакивает
Line: 17    на борзе кони, а злаченым доспѣхомъ посвѣчиваше, а иные
Line: 18    лежат посечены у Дону на брези. добро бы, брате, в то
Line: 19    время стару помолодити ся, а удалым плечо попытати.
Line: 20    и молвяше брат его Ослабе черънецъ: "брате Пересвѣт,
Line: 21    вижу на тѣли твоем рани: уже головѣ твоеи летѣти на траву
Line: 22    ковыль, а чаду моему Якову на ковыли зелене лежати, на
Page: 15   Line: 1    поли Куликовѣ, за вѣру хрѣстьянскую и за обиду великого
Line: 2    князя Дмитрия Ивановича."

Paragraph: 3  
Line: 3       в то время по Резанскои земли около Дону ни пастуси
Line: 4    кличут, но однѣ воронѣ грають, трупу ради человѣчьскаго.
Line: 5    грозно бо бяше и жалостьно тогда слышати, зане трава кровью
Line: 6    пролита, а древеса к земли тугою преклониша ся, въспѣли
Line: 7    бяше птицы жалостные пѣсни.

Paragraph: 4  
Line: 8       вси въсплакали ся кнегини и болярыни избьенныхъ и
Line: 9    воеводины жены. Микулина жена Васильевича да Марьа Дми-
Line: 10    триева рано плакаша ся у Москвы града на
Line: 11    забралах, а ркучи: "Доне, Доне, быстрая рѣка, прорыла
Line: 12    еси горы каменныя, течеши в землю Половецкую, прилилѣи моего
Line: 13    господаря к мнѣ, Микулу Васильевича." Тимофѣева жена Во-
Line: 14    луевича Федосья тако же плака ся, а ркучи: "уже
Line: 15    веселье пониче въ славнъ градъ Москвъ, уже не вижу своего
Line: 16    господаря Тимофея Волуевича в животѣ." да Ондрѣева жена
Line: 17    Марья да Михаилова Оксѣнья рано плакаша ся: "се уже обема
Line: 18    солнце померкне на славнѣ градѣ Москвѣ. припахнули к нам
Line: 19    от быстрого Дону поломяныя вѣсти, носяще великую
Line: 20    беду: выседоша удалцы з боръзыхъ конеи на судное
Line: 21    мѣсто на полѣ Куликовѣ."

Paragraph: 5  
Line: 22       а уже диво кличеть под саблями Татарьскими, а тѣм рускымъ
Line: 23    богатырем под ранами. туто щурове рано въспѣли
Page: 16   Line: 1    жалостные пѣсни у Коломны на забралах на воскресение на Акима
Line: 2    и Аннинъ денъ: то ти было не щурове рано въспѣша
Line: 3    жалостныя пѣсни, всѣ въсплакали ся жены Коломенскыя:
Line: 4    "Москва, Москва, быстрая рѣка, чему еси у насъ мужи наши
Line: 5    залелѣяла в земълю Половецъкую?" а рькучи: "можеши ли,
Line: 6    господине князь великыи, весла Непра запрудити, а Дон
Line: 7    шеломомъ вычерпати, а Мечю трупы Татарскыми запрудити?
Line: 8    замъкни, князь велики, Оки ворота, чтобы потомъ
Line: 9    поганые к намъ не ѣздили: уже бо мужи наши рати трудили."

Next part


This text is part of the TITUS edition of Zadonshchina, v. II.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.