TITUS
Avestan Corpus
Part No. 5
Previous part

Chapter: 4 
Paragraph: 1  zōt̰. u. rāspī::
Verse: a    ima. humatāca.1 hūxtāca. huuarštāca.2
Verse: b        (zōt̰::) imą.3 haomąsca. miiazdąsca. zaoϑrā̊sca.
Verse: c       barəsmaca.4 aṣ̌aiia. frastarətəm.5
Verse: d       gąmca. huδā̊ŋhəm.
Verse: e       6hauruuata. amərətāta.
Verse: f       gąmca. huδā̊ŋhəm.6
Verse: g       haoməmca. para.haoməmca.7
Verse: h       aēsmąsca. baoiδīmca.8
Verse: i       imąm. aŋhuiiąmca.9 ^aṣ̌aiiąmca.10 raϑβąmca.11 ratufritīmca.
Verse: j       gāϑanąmca. sraoϑrəm.
Verse: k       huuarštā̊.12 mąϑrā̊.
Verse: l          pairica. dadəmahī.13
Verse: m          āca. vaēδaiiamahī.14::

Paragraph: 2 
Verse: a    1āat̰. dīš. āuuaēδaiiamahī.2
Verse: b       ahurāica. mazdāi.
Verse: c       sraoṣ̌āica. ^aṣ̌iiāi.3
Verse: d       aməṣ̌aēibiiasca.4 spəṇtaēibiiō.
Verse: e       aṣ̌āunąmca.5 frauuaṣ̌ibiiō.
Verse: f       aṣ̌āunąmca.5 uruuōibiiō.6
Verse: g       āϑraēca.7 ahurahe. mazdā̊. raϑβaēca. bərəzaite.
Verse: h       vīspaiiā̊. sącat̰ca.8 aṣ̌aonō. stōiš.
Verse: i          yasnāica. vahmāica. xṣ̌naoϑrāica. frasastaiiaēca.::

Paragraph: 3 
Verse: a    āat̰. dīš. āuuaēδaiiamahī.1
Verse: b       ima. humatāca. hūxtāca. huuarštāca.2
Verse: c       imą. haomąsca. miiazdąsca. zaoϑrā̊sca.3
Verse: d       barəsmaca. aṣ̌aiia. frastarətəm.
Verse: e       gąmca. huδā̊ŋhəm.
Verse: f       hauruuata. amərətāta.
Verse: g       gąmca. huδā̊ŋhəm.
Verse: h       haoməmca. para.haoməmca.
Verse: i       aēsmąsca. baoiδīmca.
Verse: j       imąm.4 aŋhuiiąmca. aš́iiąmca.5 raϑβąmca. ratufritīmca.
Verse: k       gāϑanąmca. sraoϑrəm.
Verse: l       huuarštā̊.6 mąϑrā̊.7
Verse: m          pairica. dadəmahī.8
Verse: n          āca. vaēδaiiamahī.9::

Paragraph: 4 
Verse: a    1āat̰. dīš. āuuaēδaiiamahī.2
Verse: b    aməṣ̌aēibiiō. spəṇtaēibiiō. huxṣ̌aϑraēibiiō. ^huδā̊biiō.3
Verse: c       yauuaējibiiō.4 yauuaēsubiiō.
Verse: d          yōi.5 vaŋhə̄uš. ā. manaŋhō.6 š́iieiṇti.7
Verse: e          yā̊sca. uiti.8::

Paragraph: 5 
Verse: a    āat̰. dīš. āuuaēδaiiamahī.1 frāiiehīš.2
Verse: b       ahe. nmānahe. fradaϑāi.
Verse: c       ahe. nmānahe. pasuuąmca. narąmca. zātanąmca.3 ząhiiamnanąmca.4 aṣ̌aonąm.
Verse: d          yeŋ́he.5 aēm.6 həṇti.::

Paragraph: 6 
Verse: a    āat̰. dīš. āuuaēδaiiamahī.
Verse: b       aṣ̌āunąm.1 vaŋuhibiiō.2 frauuaṣ̌ibiiō.
Verse: c          yā̊. uγrā̊sca. aiβiϑūrā̊sca. aṣ̌aonąm.1 auuaŋhe.3::

Paragraph: 7 
Verse: a    āat̰. dīš. āuuaēδaiiamahī.
Verse: b       daϑuṣ̌ō. ahurahe. mazdā̊. raēuuatō. xvarənaŋuhatō.1
Verse: c       mainiiə̄uš.2 mainiiaoiiehe.3
Verse: d       aməṣ̌anąm. spəṇtanąm.4
Verse: e          yasnāica. vahmāica. xṣ̌naoϑrāica. frasastaiiaēca.::

Paragraph: 8 
Verse: a    āat̰. dīš. āuuaēδaiiamahī.
Verse: b       1asniiaēibiiō. aṣ̌ahe. ratubiiō::
Verse: c       hāuuanə̄e. aṣ̌aone. aṣ̌ahe. raϑβe.
Verse: d          yasnāica. vahmāica. xṣ̌naoϑrāica. frasastaiiaēca::
Verse: e    āat̰. dīš. āuuaēδaiiamahī.
Verse: f       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca::
Verse: h    āat̰. dīš. āuuaēδaiiamahī.
Verse: i       miϑrahe. vouru.gaoiiaotōiš.
Verse: j          hazaŋrō.gaoṣ̌ahe. baēuuarə.caṣ̌manō.
Verse: k          aoxtō.nāmanō. yazatahe.
Verse: l       rāmanō. xvāstrahe.
Verse: m          yasnāica. vahmāica. xṣ̌naoϑrāica. frasastaiiaēca.::

Paragraph: 9 
Verse: a    āat̰. dīš. āuuaēδaiiamahī.
Verse: b       rapiϑβināi. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       frādat̰.fṣ̌auue. zaṇtumāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       aṣ̌ahe. vahištahe.
Verse: i       āϑrasca. ahurahe. mazdā̊.
Verse: j          yasnāica. vahmāica. xṣ̌naoϑrāica. frasastaiiaēca.::

Paragraph: 10 
Verse: a    āat̰. dīš. āuuaēδaiiamahī.
Verse: b       uzaiieirināi.1 aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       frādat̰.vīrāi. dāx́iiumāica.2 aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       bərəzatō. ahurahe. nafəδrō. apąm.
Verse: i       apasca. mazdaδātaiiā̊.
Verse: j          yasnāica. vahmāica. xṣ̌naoϑrāica. frasastaiiaēca.::

Paragraph: 11 
Verse: a    āat̰. dīš. āuuaēδaiiamahī.
Verse: b       aiβisrūϑrimāi.1 aibigaiiāi.2 aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       frādat̰.vīspąm.hujiiātə̄e.3 zaraϑuštrōtəmāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       aṣ̌āunąm.4 frauuaṣ̌inąm.
Verse: i       γənąnąmca. vīrō.vąϑβanąm.
Verse: j       yāiriiaiiā̊sca.5 huṣ̌itōiš.6
Verse: k       amaheca. hutāštahe.7 huraoδahe.
Verse: l       vərəϑraγnaheca. ahuraδātahe.
Verse: m       vanaiṇtiiā̊sca.8 uparatātō.
Verse: n          yasnāica. vahmāica. xṣ̌naoϑrāica. frasastaiiaēca.::

Paragraph: 12 
Verse: a    āat̰. dīš. āuuaēδaiiamahī.
Verse: b       uṣ̌ahināi. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       bərəjiiāi. nmāniiāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       sraoṣ̌ahe. aš́iiehe.1 aṣ̌iuuatō. vərəϑrājanō. frādat̰.gaēϑahe.2
Verse: i       raṣ̌naoš. razištahe.
Verse: j       arštātasca. frādat̰.gaēϑaiiā̊.2 varədat̰.gaēϑaiiā̊.
Verse: k          yasnāica. vahmāica. xṣ̌naoϑrāica. frasastaiiaēca.::

Paragraph: 13 
Verse: a    āat̰. dīš. āuuaēδaiiamahī.
Verse: b       1māhiiaēibiiō. aṣ̌ahe. ratubiiō::
Verse: c       aṇtarəmā̊ŋhāi. aṣ̌aone. aṣ̌ahe. raϑβe.
Verse: d          yasnāica. vahmāica. xṣ̌naoϑrāica. frasastaiiaēca::
Verse: e    āat̰. dīš. āuuaēδaiiamahī.
Verse: f       pərənō.mā̊ŋhāi. vīṣ̌aptaϑāica. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca.::

Paragraph: 14 
Verse: a    āat̰. dīš. āuuaēδaiiamahī.
Verse: b       1yāiriiaēibiiō. aṣ̌ahe. ratubiiō::
Verse: c       maiδiiōizarəmaiiāi.2 aṣ̌aone. aṣ̌ahe. raϑβe.
Verse: d          yasnāica. vahmāica. xṣ̌naoϑrāica. frasastaiiaēca::
Verse: e    āat̰. dīš. āuuaēδaiiamahī.
Verse: f       maiδiiōiṣ̌əmāi.3 aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca::
Verse: h    āat̰. dīš. āuuaēδaiiamahī. paitišhahiiāi.4 aṣ̌aone. aṣ̌ahe. raϑβe.
Verse: i       yasnāica. vahmāica. xṣ̌naoϑrāica. frasastaiiaēca::
Verse: j    āat̰. dīš. āuuaēδaiiamahī.
Verse: k       aiiāϑrimāi.5 fraouruuaēštrimāi.6 varṣ̌niharštāica.7 aṣ̌aone. aṣ̌ahe. raϑβe.
Verse: l          yasnāica. vahmāica. xṣ̌naoϑrāica. frasastaiiaēca::
Verse: m    āat̰. dīš. āuuaēδaiiamahī.
Verse: n       maiδiiāiriiāi. aṣ̌aone. aṣ̌ahe. raϑβe.
Verse: o          yasnāica. vahmāica. xṣ̌naoϑrāica. frasastaiiaēca::
Verse: p    āat̰. dīš. āuuaēδaiiamahī.
Verse: q       hamaspaϑmaēdaiiāi.8 aṣ̌aone. aṣ̌ahe. raϑβe.
Verse: r          yasnāica. vahmāica. xṣ̌naoϑrāica. frasastaiiaēca::
Verse: s    āat̰. dīš. āuuaēδaiiamahī.
Verse: t       sarəδaēibiiō. aṣ̌ahe. ratubiiō.
Verse: u          yasnāica. vahmāica. xṣ̌naoϑrāica. frasastaiiaēca.::

Paragraph: 15 
Verse: a    āat̰. dīš. āuuaēδaiiamahī.
Verse: b       vīspaēibiiō. aēibiiō. ratubiiō.
Verse: c          yōi. həṇti. aṣ̌ahe. ratauuō. ϑraiiasca.1 ϑrisąsca. nazdišta. pairišhāuuanaiiō.2
Verse: d          yōi. həṇti. aṣ̌ahe. yat̰. vahištahe. mazdō.frasāsta. zaraϑuštrō.fraoxta.
Verse: e             yasnāica. vahmāica. xṣ̌naoϑrāica. frasastaiiaēca.::

Paragraph: 16 
Verse: a    āat̰. dīš. āuuaēδaiiamahī.
Verse: b       1ahuraēibiia. miϑraēibiia. bərəzaṇbiia.2 aiϑiiajaŋhaēibiia.3 aṣ̌auuanaēibiia.4
Verse: c       stārąmca. spəṇtō.mainiiauuanąm. dāmanąm.
Verse: d       tištriieheca.5 stārō. raēuuatō. xvarənaŋuhatō.6
Verse: e       mā̊ŋhaheca.7 gaociϑrahe.
Verse: f       huuarəca. xṣ̌aētahe. auruuat̰.aspahe. dōiϑrahe. ahurahe. mazdā̊.
Verse: g       miϑrahe. dax́iiunąm. daiŋ́hupatōiš.8
Verse: h          yasnāica. vahmāica. xṣ̌naoϑrāica. frasastaiiaēca::
Verse: i    āat̰. dīš. āuuaēδaiiamahī.
Verse: j       (rōz.) 9ahurahe. mazdā̊. raēuuatō. xvarənaŋuhatō.6
Verse: k          yasnāica. vahmāica. xṣ̌naoϑrāica. frasastaiiaēca::
Verse: l    āat̰. dīš. āuuaēδaiiamahī.
Verse: m       (māh.) 10aṣ̌āunąm. frauuaṣ̌inąm.
Verse: n          yasnāica. vahmāica. xṣ̌naoϑrāica. frasastaiiaēca.::

Paragraph: 17 
Verse: a    āat̰. dīš. āuuaēδaiiamahī.
Verse: b       tauua. āϑrō. ahurahe. mazdā̊. puϑra. mat̰. vīspaēibiiō. ātərəbiiō.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       aiβiiō. vaŋuhibiiō.1
Verse: f       vīspanąmca. apąm. mazdaδātanąm.
Verse: g       vīspanamca. uruuaranąm. mazdaδātanąm.
Verse: h          yasnāica. vahmāica. xṣ̌naoϑrāica. frasastaiiaēca.::

Paragraph: 18 
Verse: a    āat̰. dīš. āuuaēδaiiamahī.
Verse: b       1mąϑrahe. spəṇtahe. aṣ̌aonō. vərəziiaŋuhahe.2
Verse: c       dātahe. vīdaēuuahe.3
Verse: d       dātahe. zaraϑuštrōiš.4
Verse: e       darəγaiiā̊. upaiianaiiā̊.5
Verse: f       daēnaiiā̊. vaŋhuiiā̊. māzdaiiasnōiš.6
Verse: g          yasnāica. vahmāica. xṣ̌naoϑrāica. frasastaiiaēca.::

Paragraph: 19 
Verse: a    āat̰. dīš. āuuaēδaiiamahī.
Verse: b       garōiš. uṣ̌idarənahe.1 mazdaδātahe. aṣ̌axvāϑrahe.2
Verse: c       vīspaēṣ̌ąmca. gairinąm. aṣ̌axvāϑranąm. pouru.xvāϑranąm.3 mazdaδātanąm.
Verse: d       kāuuaiieheca. xvarənaŋhō. mazdaδātahe.
Verse: e       axvarətaheca. xvarənaŋhō. mazdaδātahe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       aṣ̌ōiš. vaŋhuiiā̊.
Verse: i       cistōiš. vaŋhuiiā̊.
Verse: j       ərəϑə̄.4 vaŋhuiiā̊.
Verse: k       rasąstātō. vaŋhuiiā̊.
Verse: l       xvarənaŋhō. sauuaŋhō. mazdaδātahe.
Verse: m          yasnāica. vahmāica. xṣ̌naoϑrāica. frasastaiiaēca.::

Paragraph: 20 
Verse: a    āat̰. dīš. āuuaēδaiiamahī.
Verse: b       dahmaiiā̊. vaŋhuiiā̊. āfritōiš.
Verse: c       dahmaheca. narš. aṣ̌aonō.
Verse: d       uγraheca. taxmahe. dāmōiš. upamanahe. yazatahe.
Verse: e          yasnāica. vahmāica. xṣ̌naoϑrāica. frasastaiiaēca.::

Paragraph: 21 
Verse: a    āat̰. dīš. āuuaēδaiiamahī.
Verse: b       ā̊ŋhąm. asaŋhąmca. ṣ̌ōiϑranąmca.1 gaoiiaoitinąmca. maēϑananąmca. auuō.xvarənanąmca.
Verse: c       apąmca. zəmąmca. uruuaranąmca.
Verse: d       aiŋ́hā̊sca.2 zəmō.
Verse: e       auuaiŋ́heca.2 aṣ̌nō.3
Verse: f       vātaheca. aṣ̌aonō.
Verse: g       strąm.4 mā̊ŋhō. hūrō. anaγranąm. raocaŋhąm. xvaδātanąm.
Verse: h       vīspanąmca. spəṇtahe. mainiiə̄uš.5 dāmanąm.
Verse: i          aṣ̌aonąm. aṣ̌aoninąmca.
Verse: j       aṣ̌ahe. raϑβąm.
Verse: k          yasnāica. vahmāica. xṣ̌naoϑrāica. frasastaiiaēca.::

Paragraph: 22 
Verse: a    āat̰. dīš. āuuaēδaiiamahī.
Verse: b       raϑβō. bərəzatō. yō.1 aṣ̌ahe::
Verse: c       raϑβąm. aiiaranąmca. asniianąmca.
Verse: d       māhiianąmca. yāiriianąmca. sarəδanąmca.
Verse: e          yōi. həṇti. aṣ̌ahe. ratauuō.
Verse: f       hāuuanōiš. raϑβō.
Verse: g          yasnāica. vahmāica. xṣ̌naoϑrāica. frasastaiiaēca.::

Paragraph: 23 
Verse: a    āat̰. dīš. āuuaēδaiiamahī.
Verse: b        (rāspī::) 1sraoṣ̌ahe. aš́iiehe.2 taxmahe. tanumąϑrahe. darṣ̌i.draoš.3 āhūiriiehe.4
Verse: c          xṣ̌naoϑra. yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       zaraϑuštrahe. spitāmahe.5 aṣ̌aonō. frauuaṣ̌ə̄e.6
Verse: f          xṣ̌naoϑra. yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       tauua. ātarš.7 puϑra. ahurahe. mazdā̊.
Verse: i          xṣ̌naoϑra. yasnāica. vahmāica. xṣ̌naoϑrāica. frasastaiiaēca.::

Paragraph: 24 
Verse: a    āat̰. dīš. āuuaēδaiiamahī.
Verse: b       aṣ̌āunąm.1 frauuaṣ̌inąm. uγranąm. aiβiϑūranąm.
Verse: c       paoiriiō.t̰kaēṣ̌anąm. frauuaṣ̌inąm.
Verse: d       nabānazdištanąm. frauuaṣ̌inąm.
Verse: e          yasnāica. vahmāica. xṣ̌naoϑrāica. frasastaiiaēca.::

Paragraph: 25 
Verse: a    āat̰. dīš. āuuaēδaiiamahī.
Verse: b       vīspaēibiiō. aṣ̌ahe. ratubiiō.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       vīspaēibiiō. vaŋhuδābiiō.1 yazataēibiiō. mainiiaoibiiascā.2 gaēϑiiaēibiiascā.3
Verse: f          yōi. həṇti. yasniiāca.4 vahmiiāca.5 aṣ̌āt̰. haca. yat̰. vahištāt̰.::
Verse: g    aməṣ̌ā. spəṇtā. huxṣ̌aϑrā. huδā̊ŋhō. yazamaide::7


Paragraph: 26 
Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.