TITUS
Avestan Corpus
Part No. 4
Previous part

Chapter: 3 
Paragraph: 1 
Verse: a    barəsmana. paiti.bərəta.1 haδa.zaoϑre. hāuuanōiš.2 raϑβō. xvarəϑəm.3 miiazdəm. āiiese. yešti.4
Verse: b       hauruuata.5 amərətāta.
Verse: c       gāuš. hudā̊.6
Verse: d          xṣ̌nūmaine. ahurahe. mazdā̊.
Verse: e          aməṣ̌anąm. spəṇtanąm.
Verse: f          xṣ̌nūmaine. sraoṣ̌ahe. aš́iiehe. aṣ̌iuuatō.7 vərəϑrājanō.8 frādat̰.gaēϑahe.::

Paragraph: 2 
Verse: a    haoməmca. para.haoməmca. āiiese. yešti.
Verse: b       xṣ̌nūmaine. zaraϑuštrahe. spitāmahe.1 aṣ̌aonō. frauuaṣ̌ə̄e::2
Verse: c    aēsmą.3 āiiese. yešti. *baoiδi.4
Verse: d       xṣ̌nūmaine. tauua.5 āϑrō.6 ahurahe. mazdā̊. puϑra.::

Paragraph: 3 
Verse: a    haomą.1 āiiese. yešti.
Verse: b       xṣ̌nūmaine. *aiβiiō. vaŋuhibiiō.2* apąm. vaŋuhīnąm.3 mazdaδātanąm::
Verse: c    āpəm. haomiiąm.4 āiiese. yešti::
Verse: d    5gąm. jīuuiiąm. āiiese. yešti::
Verse: e    uruuarąm. haδānaēpatąm.6 aṣ̌aiia. uzdātąm.7 āiiese. yešti::
Verse: f       xṣ̌nūmaine. apąm. mazdaδātanąm.::

Paragraph: 4 
Verse: a    imat̰.1 barəsma.2 haδa.zaoϑrəm. haδa.aiβiiā̊ŋhanəm. aṣ̌aiia. frastarətəm.3 āiiese. yešti.
Verse: b       xṣ̌nūmaine. aməṣ̌anąm. spəṇtanąm::
Verse: c    vāca.4 humata. hūxta. huuaršta.5 āiiese. yešti::
Verse: d    gāϑanąmca. sraoϑrəm. āiiese. yešti::
Verse: e    huuarštā̊.6 mąϑrā̊. āiiese. yešti::
Verse: f    imąm. aŋhuiiąmca.7 aš́iiąmca.8 raϑβąmca. ratufritīmca.9 āiiese. yešti.
Verse: g       xṣ̌nūmaine. yazatanąm. aṣ̌aonąm.10 mainiiauuanąm.11 gaēϑiianąm.12
Verse: h       xṣ̌nūmaine. hauuaheca.13 urunō.::

Paragraph: 5 
Verse: a    āiiese. yešti. 1asniiaēibiiō. aṣ̌ahe. ratubiiō::
Verse: b       2hāuuanə̄e. aṣ̌aone. aṣ̌ahe. raϑβe::
Verse: c    āiiese. yešti. sāuuaŋhə̄e.3 vīsiiāica. aṣ̌aone. aṣ̌ahe. raϑβe.
Verse: d    āiiese. yešti. miϑrahe. vouru.gaoiiaotōiš.4
Verse: e          hazaŋrō.gaoṣ̌ahe.5 baēuuarə.caṣ̌manō.
Verse: f          aoxtō.nāmanō. yazatahe.
Verse: g       rāmanō. xvāstrahe.::

Paragraph: 6 
Verse: a    āiiese. yešti. rapiϑβināi.1 aṣ̌aone. aṣ̌ahe. raϑβe::
Verse: b    āiiese. yešti. frādat̰.fṣ̌auue.2 zaṇtumāica. aṣ̌aone. aṣ̌ahe. raϑβe::
Verse: c    āiiese. yešti. aṣ̌ahe. vahištahe.
Verse: d       āϑrasca. ahurahe. mazdā̊.::

Paragraph: 7 
Verse: a    āiiese. yešti. uzaiieirināi.1 aṣ̌aone. aṣ̌ahe. raϑβe::
Verse: b    āiiese. yešti. frādat̰.vīrāi. dāx́iiumāica.2 aṣ̌aone. aṣ̌ahe. raϑβe::
Verse: c    āiiese. yešti:: bərəzatō. ahurahe. nafəδrō. apąm.
Verse: d       apasca. mazdaδātaiiā̊.::

Paragraph: 8 
Verse: a    āiiese. yešti. aiβisrūϑrimāi.1 aibigaiiāi.2 aṣ̌aone. aṣ̌ahe. raϑβe::
Verse: b    āiiese. yešti. frādat̰.vīspąm.hujiiātə̄e.3 zaraϑuštrōtəmāica. aṣ̌aone. aṣ̌ahe. raϑβe::
Verse: c    āiiese. yešti. aṣ̌āunąm.4 frauuaṣ̌inąm.
Verse: d       γənąnąmca.5 vīrō.vąϑβanąm.
Verse: e       yāiriiaiiā̊sca.6 huṣ̌itōiš.7
Verse: f       amaheca. hutāštahe. huraoδahe.
Verse: g       vərəϑraγnaheca.8 ahuraδātahe.
Verse: h       vanaiṇtiiā̊sca.9 uparatātō.::

Paragraph: 9 
Verse: a    āiiese. yešti. uṣ̌ahināi. aṣ̌aone. aṣ̌ahe. raϑβe::
Verse: b    āiiese. yešti. bərəjiiāi. nmāniiāica. aṣ̌aone. aṣ̌ahe. raϑβe::
Verse: c    āiiese. yešti. sraoṣ̌ahe. aš́iiehe. aṣ̌iuuatō.1 vərəϑrājanō. frādat̰.gaēϑahe.
Verse: d       raṣ̌naoš. razištahe.
Verse: e       arštātasca. frādat̰.gaēϑaiiā̊. varədat̰.gaēϑaiiā̊.::

Paragraph: 10 
Verse: a    āiiese. yešti. 1māhiiaēibiiō. aṣ̌ahe. ratubiiō::
Verse: b       aṇtarəmā̊ŋhāi. aṣ̌aone. aṣ̌ahe. raϑβe::
Verse: c    āiiese. yešti. pərənō.mā̊ŋhāi. vīṣ̌aptaϑāica. aṣ̌aone. aṣ̌ahe. raϑβe.::

Paragraph: 11 
Verse: a    āiiese. yešti. 1yāiriiaēibiiō. aṣ̌ahe. ratubiiō::
Verse: b       maiδiiōizarəmaiiāi.2 aṣ̌aone. aṣ̌ahe. raϑβe::
Verse: c    āiiese. yešti. maiδiiōiṣ̌əmāi.3 aṣ̌aone. aṣ̌ahe. raϑβe::
Verse: d    āiiese. yešti. paitišhahiiāi.4 aṣ̌aone. aṣ̌ahe. raϑβe::
Verse: e    āiiese. yešti. aiiāϑrimāi.5 fraouruuaēštrimāi.6 varṣ̌niharštāica.7 aṣ̌aone. aṣ̌ahe. raϑβe::
Verse: f    āiiese. yešti. maiδiiāiriiāi. aṣ̌aone. aṣ̌ahe. raϑβe::
Verse: g    āiiese. yešti. hamaspaϑmaēdaiiāi.8 aṣ̌aone. aṣ̌ahe. raϑβe::
Verse: h    āiiese. yešti. sarəδaēibiiō. aṣ̌ahe. ratubiiō.::

Paragraph: 12 
Verse: a    āiiese. yešti. vīspaēibiiō. aēibiiō. ratubiiō.
Verse: b       yōi. həṇti. aṣ̌ahe. ratauuō. ϑraiiasca.1 ϑrisąsca. nazdišta. pairišhāuuanaiiō.2
Verse: c       yōi. həṇti. aṣ̌ahe. yat̰. vahištahe. mazdō.frasāsta.3 zaraϑuštrō.fraoxta.4::

Paragraph: 13 
Verse: a    āiiese. yešti. 1ahuraēibiia. miϑraēibiia. bərəzaṇbiia.2 aiϑiiajaŋhaēibiia.3 aṣ̌auuanaēibiia.4
Verse: b       stārąmca. spəṇtō.mainiiauuanąm. dāmanąm.
Verse: c       tištriieheca.5 stārō. raēuuatō. xvarənaŋuhatō.6
Verse: d       mā̊ŋhaheca.7 gaociϑrahe.
Verse: e       huuarəca. xṣ̌aētahe. auruuat̰.aspahe. dōiϑrahe. ahurahe. mazdā̊.
Verse: f       miϑrahe. dax́iiunąm. daiŋ́hupatōiš::8
Verse: g    9āiiese. yešti.
Verse: h       (rōz.) 9ahurahe. mazdā̊. raēuuatō. xvarənaŋuhatō::
Verse: i    āiiese. yešti.
Verse: j       (māh.) 10aṣ̌āunąm. frauuaṣ̌inąm.::

Paragraph: 14 
Verse: a    āiiese. yešti. tauua. āϑrō.1 ahurahe. mazdā̊. puϑra. mat̰. vīspaēibiiō. ātərəbiiō::
Verse: b    āiiese. yešti. aiβiiō. vaŋuhibiiō.2
Verse: c       vīspanąmca. apąm. mazdaδātanąm.
Verse: d       vīspanąmca. uruuaranąm. mazdaδātanąm.::

Paragraph: 15 
Verse: a    āiiese. yešti. 1mąϑrahe. spəṇtahe. aṣ̌aonō. vərəziiaŋuhahe.2
Verse: b       dātahe. vīdaēuuahe.
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.3
Verse: e       daēnaiiā̊. vaŋhuiiā̊. māzdaiiasnōiš.::

Paragraph: 16 
Verse: a    āiiese. yešti. garōiš. uṣ̌idarənahe.1 mazdaδātahe. aṣ̌axvāϑrahe.
Verse: b       vīspaēṣ̌ąmca. gairinąm.2 aṣ̌axvāϑranąm. pouru.xvāϑranąm.3 mazdaδātanąm.
Verse: c       kāuuaiieheca. xvarənaŋhō. mazdaδātahe.
Verse: d       axvarətaheca. xvarənaŋhō. mazdaδātahe::
Verse: e    āiiese. yešti. aṣ̌ōiš. vaŋhuiiā̊.
Verse: f       cistōiš. vaŋhuiiā̊.
Verse: g       ərəϑə̄.4 vaŋhuiiā̊.
Verse: h       rasąstātō. vaŋhuiiā̊.
Verse: i       xvarənaŋhō. sauuaŋhō. mazdaδātahe.::

Paragraph: 17 
Verse: a    āiiese. yešti. dahmaiiā̊. vaŋhuiiā̊. āfritōiš.
Verse: b       dahmaheca. narš. aṣ̌aonō.
Verse: c       uγraheca. taxmahe. dāmōiš. upamanahe. yazatahe.::

Paragraph: 18 
Verse: a    āiiese. yešti. ā̊ŋhąm. asaŋhąmca. ṣ̌ōiϑranąmca.1 gaoiiaoitinąmca. maēϑananąmca.2 auuō.xvarənanąmca.
Verse: b       apąmca. zəmąmca.3 uruuaranąmca.
Verse: c       aiŋ́hā̊sca.4 zəmō.
Verse: d       auuaiŋ́heca.5 aṣ̌nō.
Verse: e       vātaheca. aṣ̌aonō.
Verse: f       strąm.6 mā̊ŋhō. hūrō. anaγranąm. raocaŋhąm. xvaδātanąm.7
Verse: g       vīspanąmca. spəṇtahe. mainiiə̄uš.8 dāmanąm.
Verse: h          aṣ̌aonąm. aṣ̌aoninąmca. aṣ̌ahe. raϑβąm.::

Paragraph: 19 
Verse: a    āiiese. yešti. raϑβō. bərəzatō. yō.1 aṣ̌ahe::
Verse: b       raϑβąm. aiiaranąmca. asniianąmca.
Verse: c       māhiianąmca. yāiriianąmca. sarəδanąmca.
Verse: d          yōi. həṇti.2 aṣ̌ahe. ratauuō::
Verse: e       3hāuuanōiš. raϑβō.::

Paragraph: 20 
zōt̰. u. rāspī.

Verse: a    1xvarəϑəm. miiazdəm. āiiese. yešti.
Verse: b       hauruuata. amərətāta.
Verse: c       gāuš. hudā̊.2
Verse: d          xṣ̌nūmaine. sraoṣ̌ahe. aš́iiehe. taxmahe. tanumąϑrahe.3 darṣ̌i.draoš.4 āhūiriiehe.5
Verse: e             aoxtō.nāmanō. yazatahe.6::

Paragraph: 21 
Verse: a    haoməmca.1 para.haoməmca. āiiese. yešti.
Verse: b       xṣ̌nūmaine. zaraϑuštrahe. spitāmahe.2 aṣ̌aonō. frauuaṣ̌ə̄e.3
Verse: c          aoxtō.nāmanō. yazatahe::
Verse: d    aēsmą.4 āiiese. yešti. *baoiδi.5
Verse: e       xṣ̌nūmaine. tauua. āϑrō. ahurahe. mazdā̊. puϑra.
Verse: f          aoxtō.nāmanō. yazatahe.::

Paragraph: 20_R1 
Verse: a    xvarəϑəm. miiazdəm. āiiese. yešti.
Verse: b       hauruuata. amərətāta.
Verse: c       gāuš. hudā̊.
Verse: d          xṣ̌nūmaine. sraoṣ̌ahe. aš́iiehe. taxmahe. tanumąϑrahe. darṣ̌i.draoš. āhūiriiehe.
Verse: e             aoxtō.nāmanō. yazatahe.::

Paragraph: 21_R1 
Verse: a    haoməmca. para.haoməmca. āiiese. yešti.
Verse: b       xṣ̌nūmaine. zaraϑuštrahe. spitāmahe. aṣ̌aonō. frauuaṣ̌ə̄e.
Verse: c          aoxtō.nāmanō. yazatahe::
Verse: d    aēsmą. āiiese. yešti. *baoiδi.
Verse: e       xṣ̌nūmaine. tauua. āϑrō. ahurahe. mazdā̊. puϑra.
Verse: f          aoxtō.nāmanō. yazatahe.::

Paragraph: 22 
Verse: a    1āiiese. yešti. aṣ̌āunąm.2 frauuaṣ̌inąm. uγranąm. aiβiϑūranąm.
Verse: b       paoiriiō.t̰kaēṣ̌anąm. frauuaṣ̌inąm.
Verse: c       nabānazdištanąm. frauuaṣ̌inąm.3::

Paragraph: 23 
Verse: a    āiiese. yešti. vīspaēibiiō. aṣ̌ahe. ratubiiō::
Verse: b    āiiese. yešti. vīspaēibiiō. vaŋhuδābiiō.1 yazataēibiiō. mainiiaoibiiascā.2 gaēϑiiaēibiiascā.
Verse: c       yōi. həṇti. yasniiāca.3 vahmiiāca.4 aṣ̌āt̰. haca. yat̰. vahištāt̰.::

Paragraph: 24  {= Y. 27,12}
Verse: Q1a    1frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō::
Verse: Q1b       2hāuuanə̄e. aṣ̌aone. aṣ̌ahe. raϑβe.
Verse: Q1c          yasnāica. vahmāica. xṣ̌naoϑrāica. frasastaiiaēca::
Verse: Q1d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q1e          yasnāica. vahmāica. xṣ̌naoϑrāica. frasastaiiaēca::
Verse: Q1f       raϑβąm. aiiaranąmca. asniianąmca.
Verse: Q1g          māhiianąmca. yāiriianąmca. sarəδanąmca.
Verse: Q1h             yasnāica. vahmāica. xṣ̌naoϑrāica. (rāspī.) frasastaiiaēca.::

Paragraph: 25  (zōt̰::)
Verse: a    yaϑā. ahū. vairiiō.
Verse: b       zaotā. frā.mē. mrūtē::
Verse: c     2(rāspī::) yaϑā. ahū. vairiiō.
Verse: d       yō. zaotā. frā.mē. mrūtē::2
Verse: e     (zōt̰::) aϑā. ratuš. aṣ̌āt̰cīt̰.3 haca.
Verse: f       frā.4 aṣ̌auua. vīδuuā̊. mraotū.::::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.