TITUS
White Yajur-Veda: Brhad-Aranyaka-Upanisad
Part No. 5
Previous part

Paragraph: 5    {= ŚBM 14.4.3.1-34}    {= ŚBK 16.3.5.1-23}
Verse: MK1 
Sentence: a    yát saptā́nnāni medʰáyā
   yád~ saptá~ ánnāni medʰáyā

Sentence: b    tápasā́janayat pitaí-
   tápasā~ ájanayat pitā́~

Sentence: c    -kam asya sādʰāraṇáṃ,
   ékam asya sādʰāraṇám~

Sentence: d    dvé devā́n abʰājayat.
   dvé devā́n abʰājayat

Sentence: e    trī́ṇy ātmáne 'kuruta,
   trī́ṇi~ ātmáne~ akuruta

Sentence: f    paśúbʰya ékaṃ prā́yaccʰat;
   paśúbʰyas~ ékam~ prā́yaccʰat

Sentence: g    tásmint sárvaṃ prátiṣṭʰitaṃ,
   tásmin~ sárvam~ prátiṣṭʰitam~

Sentence: h    yácca prā́ṇiti yácca ná.
   yácca prā́ṇiti yácca ná

Sentence: i    kásmāt tā́ni ná kṣīyante,
   kásmād~ tā́ni ná kṣīyante~

Sentence: j    'dyámānāni sarvadā́.
   adyámānāni sarvadā́

Sentence: k    yó vaí tā́m ákṣitiṃ véda,
   yás~ vaí tā́m ákṣitim~ véda

Sentence: l    só 'nnam atti prátīkena,
   sás~ ánnam atti prátīkena

Sentence: m    sá devā́n ápigaccʰati,
   sá devā́n ápigaccʰati

Sentence: n    sá ū́r̥jam úpajīvatī́ti ślókāḥ.
   sás~ ū́r̥jam úpajīvati~ íti ślókās~

Verse: MK2 
Sentence: a    yát saptā́nnāni medʰáyā tápasā́janayat pitéti,
   yád~ saptá~ ánnāni medʰáyā tápasā~ ájanayat pitā́~ íti

Sentence: b          medʰáyā hí tápasā́janayat pitaíkam asya sādʰāraṇám ítīdám evā̀sya tát sādʰāraṇám ánnaṃ,
         medʰáyā hí tápasā~ ájanayat pitā́~ ékam asya sādʰāraṇám íti~ idám evá~ asya tád~ sādʰāraṇám ánnam~

Sentence: c          yád idám adyáte.
         yád idám adyáte

Sentence: d    sá yá etád upā́ste,
   sá yás~ etád upā́ste

Sentence: e          ná sá pāpmáno vyā́vartate;
         ná sá pāpmánas~ vyā́vartate

Sentence: f       miśrám̐ hy ètát.
      miśrám~ hí~ etád~

Verse: M3/K2 
Sentence: a    dvé devā́n abʰājayad íti,
   dvé devā́n abʰājayat~ íti

Sentence: b          hutáṃ ca práhutaṃ ca;
         hutám~ ca práhutam~ ca

Sentence: c       tásmād devébʰyo júhvati ca prá ca juhvaty.
      tásmād devébʰyas~ júhvati ca prá ca juhvati~

Sentence: d    átʰo āhur:
   átʰa~ u āhur

Sentence: e       darśapūrṇamāsā́v íti.
      darśapūrṇamāsaú~ íti

Sentence: f    tásmān nèṣṭiyā́jukaḥ syāt.
   tásmād~ ná~ iṣṭiyā́jukas~ syāt

Verse: M4/K2 
Sentence: a    paśúbʰya ékaṃ prā́yaccʰad íti,
   paśúbʰyas~ ékam~ prā́yaccʰat~ íti

Sentence: b          tát páyaḥ;
         tád~ páyas~

Sentence: c       páyo hy èvā́gre manuṣyā̀ś ca paśávaś copajī́vanti.
      páyas~ hí~ evá~ ágre manuṣyā̀s~ ca paśávas~ ca~ upajī́vanti

Sentence: d    tásmāt kumāráṃ jātáṃ gʰr̥táṃ vaivā́gre pratileháyanti,
   tásmād~ kumārám~ jātám~ gʰr̥tám~ vā~ evá~ ágre pratileháyanti

Sentence: e          stánaṃ vā́nudʰāpayanti;
         stánam~ vā~ ánudʰāpayanti

Verse: M5/K2 
Sentence: a    átʰa vatsáṃ jātám āhur:
   átʰa vatsám~ jātám āhur

Sentence: b       átr̥ṇāda íti.
      átr̥ṇādas~ íti

Sentence: c    tásmint sárvaṃ prátiṣṭʰitaṃ,
   tásmin~ sárvam~ prátiṣṭʰitam~

Sentence: d          yácca prā́ṇiti yácca néti,
         yácca prā́ṇiti yácca na~ íti

Sentence: e          páyasi hī̀dám̐ sárvaṃ prátiṣṭʰitaṃ,
         páyasi hí~ idám~ sárvam~ prátiṣṭʰitam~

Sentence: f          yácca prā́ṇiti yácca ná.
         yácca prā́ṇiti yácca ná

Verse: M6/K2 
Sentence: a    tád yád idám āhúḥ:
   tád yád idám āhúr~

Sentence: b       saṃvatsaráṃ páyasā júhvad ápa punarmr̥tyúṃ jayatī́ti,
      saṃvatsarám~ páyasā júhvat~ ápa punarmr̥tyúm~ jayati~ íti

Sentence: c          ná tátʰā vidyād.
         ná tátʰā vidyāt~

Sentence: d    yád áhar evá juhóti,
   yád áhar evá juhóti

Sentence: e          tád áhaḥ punarmr̥tyúm ápajayaty eváṃ vidvā́nt;
         tád áhar~ punarmr̥tyúm ápajayati~ evám~ vidvā́n~

Sentence: f       sárvam̐ hí devébʰyo 'nnā́dyaṃ prayáccʰati.
      sárvam~ hí devébʰyas~ annā́dyam~ prayáccʰati

Sentence: g    kásmāt tā́ni ná kṣīyante 'dyámānāni sárvadéti.
   kásmād~ tā́ni ná kṣīyante~ adyámānāni sárvadā~ íti

Verse: M7/K2 
Sentence: a    púruṣo vā́ ákṣitiḥ,
   púruṣas~ vaí~ ákṣitis~

Sentence: b          sá hī̀dám ánnaṃ púnaḥ-punar janáyate.
         sá hí~ idám ánnam~ púnaḥ-punar janáyate

Sentence: c    yó vaí tā́m ákṣitiṃ védéti,
   yás~ vaí tā́m ákṣitim~ véda~ íti

Sentence: d          púruṣo vā́ ákṣitiḥ.
         púruṣas~ vaí~ ákṣitis~

Sentence: e    sá hī̀dám ánnaṃ dʰiyā́-dʰiyā janáyate kármabʰir;
   sá hí~ idám ánnam~ dʰiyā́-dʰiyā janáyate kármabʰis~

Sentence: f       yád dʰaitán ná kuryā́t,
      yád ~ha~ etád~ ná kuryā́t

Sentence: g          kṣī́yeta ha.
         kṣī́yeta ha

Sentence: h    só 'nnam atti prátīkenéti,
   sás~ ánnam atti prátīkena~ íti

Sentence: i          múkʰaṃ prátīkaṃ,
         múkʰam~ prátīkam~

Sentence: j          múkʰenéty etát.
         múkʰena~ íti~ etád~

Sentence: k    sá devā́n ápigaccʰati,
   sá devā́n ápigaccʰati

Sentence: l          sá ū́rjam úpajīvatī́ti praśam̐sā́.
         sás~ ū́rjam úpajīvati~ íti praśam̐sā́

Verse: M8/K3 
Sentence: a    trī́ṇy ātmáne 'kurutéti:
   trī́ṇi~ ātmáne~ akuruta~ íti

Sentence: b       máno vā́caṃ prāṇáṃ;
      mánas~ vā́cam~ prāṇám~

Sentence: c       tā́ny ātmáne 'kurutānyátramanā abʰūvaṃ,
      tā́ni~ ātmáne~ akuruta~ anyátramanās~ abʰūvam~

Sentence: d          nā̀darśam;
         ná~ adarśam

Sentence: e       anyátramanā abʰūvaṃ,
      anyátramanās~ abʰūvam~

Sentence: f          nā̀śrauṣam íti:
         ná~ aśrauṣam íti

Sentence: g       mánasā hy èvá páśyati,
      mánasā hí~ evá páśyati

Sentence: h          mánasā śr̥ṇóti.
         mánasā śr̥ṇóti

Verse: M9/K3 
Sentence: a    kā́maḥ saṅkalpó vicikitsā́ śraddʰā́śraddʰā dʰŕ̥tir ádʰr̥tir hrī́r dʰī́r bʰī́r íty etát sárvaṃ mána evá.
   kā́mas~ saṅkalpás~ vicikitsā́ śraddʰā́~ áśraddʰā dʰŕ̥tis~ ádʰr̥tis~ hrī́s~ dʰī́s~ bʰī́s~ íti~ etád~ sárvam~ mánas~ evá

Sentence: b    tásmād ápi pr̥ṣṭʰáta úpaspr̥ṣṭo mánasā víjānāti.
   tásmād ápi pr̥ṣṭʰátas~ úpaspr̥ṣṭas~ mánasā víjānāti

Verse: M10/K3 
Sentence: a    yáḥ káśca śábdo,
   yás~ káśca śábdas~

Sentence: b          vā́g evá saìṣā́ hy ántaṃ ā́yattaiṣā́ hí ná.
         vā́k~ evá sā́~ eṣā́ hí~ ántam~ ā́yattā~ eṣā́ hí ná

Sentence: c    prāṇò 'pānó vyāná udānáḥ samānò 'ná íty etát sárvaṃ prāṇá evaìtanmáyo vā́ ayám ātmā́:
   prāṇás~ apānás~ vyānás~ udānás~ samānás~ anás~ íti~ etád~ sárvam~ prāṇás~ evá~ etanmáyas~ vaí~ ayám ātmā́

Sentence: d       vāṅmáyo,
      vāṅmáyas~

Sentence: e          manomáyaḥ,
         manomáyas~

Sentence: f          prāṇamáyaḥ.
         prāṇamáyas~

Verse: M11/K4 
Sentence: a    tráyo lokā́ etá evá:
   tráyas~ lokā́s~ eté~ evá

Sentence: b       vā́g evā̀yáṃ lokó,
      vā́k~ evá~ ayám~ lokás~

Sentence: c          máno 'ntarikṣalokáḥ,
         mánas~ antarikṣalokás~

Sentence: d          prāṇò 'saú lokáḥ.
         prāṇás~ asaú lokás~

Verse: M12/K5 
Sentence: a    tráyo védā etá evá:
   tráyas~ védās~ eté~ evá

Sentence: b       vā́g evàrgvedó,
      vā́k~ evá~ r̥gvedás~

Sentence: c          máno yajurvedáḥ,
         mánas~ yajurvedás~

Sentence: d          prāṇáḥ sāmavedáḥ.
         prāṇás~ sāmavedás~

Verse: M13/K6 
Verse: MK1 
Sentence: a    devā́ pitáro manuṣyā̀ etá evá: vā́g evá devā́, mánaḥ pitáraḥ, prāṇó mānuṣyā̀ḥ.
   devā́s~ pitáras~ manuṣyā̀s~ eté~ evá vā́k~ evá devā́s~ mánas~ pitáras~ prāṇás~ mānuṣyā̀s~

Verse: M14/K7 
Sentence: a    pitā́ mātā́ prajaìtá evá:
   pitā́ mātā́ prajā́~ eté~ evá

Sentence: b       mána evá pitā́,
      mánas~ evá pitā́

Sentence: c          vā́ṅ mātā́,
         vā́k~ mātā́

Sentence: d          prāṇáḥ prajā́.
         prāṇás~ prajā́

Verse: M15/K8 
Sentence: a    víjñātaṃ vijijñā́syam ávijñātam etá evá:
   víjñātam~ vijijñā́syam ávijñātam eté~ evá

Sentence: b       yát kíñca víjñātaṃ vācás tád rūpáṃ:
      yád~ kíñca víjñātam~ vācás tád rūpám~

Sentence: c       vā́g gʰí víjñātā,
      vā́k~ hí víjñātā

Sentence: d          vā́g enaṃ tád bʰūtvā̀vati.
         vā́k~ enam~ tád bʰūtvā́~ avati

Verse: M16/K9 
Sentence: a    yát kíñca vijijñā́syaṃ mánasas tád rūpáṃ:
   yád~ kíñca vijijñā́syam~ mánasas tád rūpám~

Sentence: b       máno hí vijijñā́syaṃ,
      mánas~ hí vijijñā́syam~

Sentence: c          mána enaṃ tád bʰūtvā̀vati.
         mánas~ enam~ tád bʰūtvā́~ avati

Verse: M17/K10 
Sentence: a    yát kíñcā́vijñātaṃ prāṇásya tád rūpáṃ:
   yád~ kíñca~ ávijñātam~ prāṇásya tád rūpám~

Sentence: b       prāṇó hy ávijñātaḥ,
      prāṇás~ hí~ ávijñātas~

Sentence: c          prāṇá enaṃ tád bʰūtvā̀vati.
         prāṇás~ enam~ tád bʰūtvā́~ avati

Verse: M18/K11 
Sentence: a    tásyai vācáḥ pr̥tʰivī́ śárīraṃ,
   tásyai vācás~ pr̥tʰivī́ śárīram~

Sentence: b          jyótī rūpám ayám agnís.
         jyótis~ rūpám ayám agnís

Sentence: c    tád yā́vaty evá vā́k,
   tád yā́vatī~ evá vā́k

Sentence: d          tā́vatī pr̥tʰivī́,
         tā́vatī pr̥tʰivī́

Sentence: e          tā́vān ayám agníḥ.
         tā́vān ayám agnís~

Verse: M19/K12 
Sentence: a    átʰaitásya mánaso dyaúḥ śárīraṃ,
   átʰa~ etásya mánasas~ dyaús~ śárīram~

Sentence: b          jyótī rūpám asā́v ādityás.
         jyótis~ rūpám asaú~ ādityás

Sentence: c    tád yā́vad evá mánas tā́vatī dyaús,
   tád yā́vat~ evá mánas tā́vatī dyaús

Sentence: d          tā́vān asā́v ādityás.
         tā́vān asaú~ ādityás

Sentence: e    taú mitʰunám̐ sámaitāṃ.
   taú mitʰunám~ sámaitām~

Sentence: f    tátaḥ prāṇò 'jāyata.
   tátas~ prāṇás~ ajāyata

Sentence: g    sá índraḥ,
   sás~ índras~

Sentence: h          sá eṣò 'sapatnó.
         sás~ eṣás~ asapatnás~

Sentence: i    dvitī́yo vaí sapátno.
   dvitī́yas~ vaí sapátnas~

Sentence: j    nā̀sya sapátno bʰavati,
   ná~ asya sapátnas~ bʰavati

Sentence: k          yá eváṃ véda.
         yás~ evám~ véda

Verse: M20/K13 
Sentence: a    átʰaitásya prāṇásyā́paḥ śárīraṃ,
   átʰa~ etásya prāṇásya~ ā́pas~ śárīram~

Sentence: b          jyótī rūpám asaú candrás.
         jyótis~ rūpám asaú candrás

Sentence: c    tád yā́vān evá prāṇás,
   tád yā́vān evá prāṇás

Sentence: d          tā́vatya ā́pas,
         tā́vatyas~ ā́pas

Sentence: e          tā́vān asaú candráḥ.
         tā́vān asaú candrás~

Verse: M21/K13 
Sentence: a    tá eté sárva evá samā́ḥ,
   té~ eté sárve~ evá samā́s~

Sentence: b          sárve 'nantā́ḥ.
         sárve~ anantā́s~

Sentence: c    sá yó haitā́n ántavata upā́sté,
   sá yás~ ha~ etā́n ántavatas~ upā́ste~

Sentence: d          'ntavantam̐ sá lokáṃ jayaty;
         ántavantam~ sá lokám~ jayati~

Sentence: e       átʰa yó haitā́n anantā́n upā́ste,
      átʰa yás~ ha~ etā́n anantā́n upā́ste~

Sentence: f          'nantám̐ sá lokáṃ jayati.
         anantám~ sá lokám~ jayati

Verse: M22/K14 
Sentence: a    sá eṣá saṃvatsaráḥ Prajā́patiṣ ṣóḍaśakalas.
   sás~ eṣá saṃvatsarás~ Prajā́patis~ ṣóḍaśakalas

Sentence: b    tásya rā́traya evá páñcadaśa kalā́;
   tásya rā́trayas~ evá páñcadaśa kalā́s~

Sentence: c       dʰruvaìvā̀sya ṣoḍaśī́ kalā́.
      dʰruvā́~ evá~ asya ṣoḍaśī́ kalā́

Sentence: d    sá rā́tribʰir evā́ ca pūryaté,
   sá rā́tribʰis~ evá~ ā́ ca pūryate~

Sentence: e          'pa ca kṣīyate.
         ápa ca kṣīyate

Sentence: f    sò 'māvāsyā̀m̐ rā́trim etáyā ṣoḍaśyā́ kaláyā sárvam idáṃ prāṇabʰŕ̥d anupravíśya,
   sás~ amāvāsyā̀m~ rā́trim etáyā ṣoḍaśyā́ kaláyā sárvam idám~ prāṇabʰŕ̥t~ anupravíśya

Sentence: g          tátaḥ prātár jāyate.
         tátas~ prātár jāyate

Sentence: h    tásmād etā́m̐ rā́triṃ prāṇabʰŕ̥taḥ prāṇáṃ ná víccʰindyād ápi kr̥kalāsásyaitásyā evá devátāyā ápacityai.
   tásmād etā́m~ rā́trim~ prāṇabʰŕ̥tas~ prāṇám~ ná víccʰindyāt~ ápi kr̥kalāsásya~ etásyās~ evá devátāyās~ ápacityai

Verse: M23/K15 
Sentence: a    yó vaí sá saṃvatsaráḥ Prajā́patiṣ ṣóḍaśakālo,
   yás~ vaí sá saṃvatsarás~ Prajā́patis~ ṣóḍaśakālas~

Sentence: b          'yám evá sá yò 'yám evaṃvít púruṣas.
         ayám evá sá yás~ ayám evaṃvíd~ púruṣas

Sentence: c    tásya vittám evá páñcadaśa kalā́:
   tásya vittám evá páñcadaśa kalā́s~

Sentence: d       ātmaìvā̀sya ṣoḍaśī́ kalā́.
      ātmā́~ evá~ asya ṣoḍaśī́ kalā́

Sentence: e    sá vitténaivā́ ca pūryaté,
   sá vitténa~ evá~ ā́ ca pūryate~

Sentence: f          'pa ca kṣīyate.
         ápa ca kṣīyate

Sentence: g    tád etán nábʰyaṃ yád ayám ātmā́,
   tád etád~ nábʰyam~ yád ayám ātmā́

Sentence: h          pradʰír vittáṃ.
         pradʰís~ vittám~

Sentence: i    tásmād yádi ápi sarvajyāníṃ jī́yata,
   tásmād yádi ápi sarvajyāním~ jī́yate~

Sentence: j          ātmánā céj jī́vati,
         ātmánā céd~ jī́vati

Sentence: k          pradʰínāgād íty āhuḥ.
         pradʰínā~ agāt~ íti~ āhur~

Verse: M24/K16 
Sentence: a    átʰa tráyo vā́vá lokā́:
   átʰa tráyas~ vā́vá lokā́s~

Sentence: b       manuṣyalokáḥ,
      manuṣyalokás~

Sentence: c          pitr̥lokó,
         pitr̥lokás~

Sentence: d          devaloká íti.
         devalokás~ íti

Sentence: e    sò 'yáṃ manuṣyalokáḥ putréṇaivá jáyyo,
   sás~ ayám~ manuṣyalokás~ putréṇa~ evá jáyyas~

Sentence: f          nā̀nyéna kármaṇā;
         ná~ anyéna kármaṇā

Sentence: g       kármaṇā pitr̥lokó;
      kármaṇā pitr̥lokás~

Sentence: h       vidyáyā devalokó.
      vidyáyā devalokás~

Sentence: i    devalokó vaí lokā́nām̐ śréṣṭʰas;
   devalokás~ vaí lokā́nām~ śréṣṭʰas

Sentence: j       tásmād vidyā́ṃ práśam̐santi.
      tásmād vidyā́m~ práśam̐santi

Verse: M25/K17 
Sentence: a    átʰā́taḥ sampráttir.
   átʰa~ átas~ sampráttis~

Sentence: b    yadā́ praiṣyán mányaté,
   yadā́ praiṣyán mányate~

Sentence: c          'tʰa putrám āha:
         átʰa putrám āha

Sentence: d       tváṃ bráhma,
      tvám~ bráhma

Sentence: e          tváṃ yajñás,
         tvám~ yajñás

Sentence: f          tváṃ loká íti.
         tvám~ lokás~ íti

Sentence: g    sá putráḥ prátyāhāháṃ bráhmāháṃ yajñò,
   sá putrás~ prátyāha~ ahám~ bráhma~ ahám~ yajñás~

Sentence: h          'hám loká íti.
         ahám lokás~ íti

Verse: M26/K17 
Sentence: a    yád vaí kíñcā́nūktaṃ,
   yád vaí kíñca~ ánūktam~

Sentence: b          tásya sárvasya bráhméty ekátā.
         tásya sárvasya bráhma~ íti~ ekátā

Sentence: c    yé vaí kéca yajñā́s,
   yé vaí kéca yajñā́s

Sentence: d          téṣām̐ sárveṣāṃ yajñá íty ekátā.
         téṣām~ sárveṣām~ yajñás~ íti~ ekátā

Sentence: e    yé vaí kéca lokā́s,
   yé vaí kéca lokā́s

Sentence: f          téṣām̐ sárveṣāṃ loká íty ekátaitā́vad vā́ idám̐ sárvaṃ:
         téṣām~ sárveṣām~ lokás~ íti~ ekátā~ etā́vat~ vaí~ idám~ sárvam~

Sentence: g       etán mā sárvam̐ sánn ayám itó bʰunajad íti.
      etád~ mā sárvam~ sán~ ayám itás~ bʰunajat~ íti

Sentence: h    tásmāt putrám ánuśiṣṭaṃ lokyàm āhus,
   tásmād~ putrám ánuśiṣṭam~ lokyàm āhur~

Sentence: i          tásmād enam ánuśāsati.
         tásmād enam ánuśāsati

Sentence: j    sá yadaìvaṃvíd asmā́l lokā́t praíty,
   sá yadā́~ evaṃvíd asmā́d~ lokā́d~ praíti~

Sentence: k          átʰaibʰír evá prāṇaíḥ sahá putrám ā́viśati.
         átʰa~ ebʰís~ evá prāṇaís~ sahá putrám ā́viśati

Sentence: l    sá yády anéna kíñcid akṣṇayā́ kr̥táṃ bʰávati,
   sá yádi~ anéna kíñcid akṣṇayā́ kr̥tám~ bʰávati

Sentence: m          tásmād enam̐ sárvasmāt putró muñcati.
         tásmād enam~ sárvasmād~ putrás~ muñcati

Sentence: n    tásmāt putró nā́ma.
   tásmād~ putrás~ nā́ma

Sentence: o    sá putréṇaivā̀smil loké prátitiṣṭʰaty,
   sá putréṇā~ evá~ asmin~ loké prátitiṣṭʰati~

Sentence: p          átʰainam eté devā́ḥ prāṇā́ amŕ̥tā ā́viśanti.
         átʰa~ enam eté devā́s~ prāṇā́s~ amŕ̥tās~ ā́viśanti

Verse: M27/K18 
Sentence: a    pr̥tʰivyaí cainam agnéś ca daívī vā́g ā́viśati.
   pr̥tʰivyaí ca~ enam agnés~ ca daívī vā́k~ ā́viśati

Sentence: b    sā́ vaí daívī vā́g yáyā,
   sā́ vaí daívī vā́k~ yáyā

Sentence: c          yád-yad evá vádati,
         yád-yad evá vádati

Sentence: d          tát-tad bʰavati.
         tát-tad bʰavati

Verse: M28/K19 
Sentence: a    diváś cainam ādityā́c ca daívaṃ mána ā́viśati.
   divás~ ca~ enam ādityā́d~ ca daívam~ mánas~ ā́viśati

Sentence: b    tád vaí daívaṃ máno yénānandy èvá bʰávaty,
   tád vaí daívam~ mánas~ yéna~ ānandī́~ evá bʰávati~

Sentence: c          átʰo ná śocati.
         átʰa~ u ná śocati

Verse: M29/K20 
Sentence: a    adbʰyáś cainaṃ candrámasaś ca daívaḥ prāṇá ā́viśati.
   adbʰyás~ ca~ enam~ candrámasas~ ca daívas~ prāṇás~ ā́viśati

Sentence: b    sá vaí daívaḥ prāṇó yáḥ saṃcáram̐ś cā́saṃcaram̐ś ca ná vyátʰaté,
   sá vaí daívas~ prāṇás~ yás~ saṃcáran~ ca~ ásaṃcaran~ ca ná vyátʰate~

Sentence: c          'tʰo ná ríṣyati.
         átʰa~ u~ ná ríṣyati

Sentence: d    sá eṣá evaṃvít sárveṣāṃ bʰūtā́nām ātmā́ bʰavati.
   sás~ eṣá evaṃvíd~ sárveṣām~ bʰūtā́nām ātmā́ bʰavati

Sentence: e    yátʰaiṣā́ devátaivám̐ sá.
   yátʰā~ eṣā́ devátā~ evám~ sá

Sentence: f    yátʰaitā́ṃ devátām̐ sárvāṇi bʰūtā́ny ávanty,
   yátʰā~ etā́m~ devátām~ sárvāṇi bʰūtā́ni~ ávanti~

Sentence: g          evám̐ haivaṃvídam̐ sárvāṇi bʰūtā́ny avanti.
         evám~ ha~ evaṃvídam~ sárvāṇi bʰūtā́ni~ avanti

Sentence: h    yád u kíñcemā́ḥ prajā́ḥ śócanty,
   yád u kíñca~ imā́s~ prajā́s~ śócanti~

Sentence: i          amaìvā̀sāṃ tád bʰavati,
         amā́~ evá~ āsām~ tád bʰavati

Sentence: j          púṇyam evā̀múṃ gaccʰati,
         púṇyam evá~ amúm~ gaccʰati

Sentence: k          ná ha vaí devā́n pāpáṃ gaccʰati.
         ná ha vaí devā́n pāpám~ gaccʰati

Verse: M30/K21 
Sentence: a    átʰā́to vratamīmām̐sā́.
   átʰa~ átas~ vratamīmām̐sā́

Sentence: b    Prajā́patir ha kármāṇi sasr̥je.
   Prajā́patis~ ha kármāṇi sasr̥je

Sentence: c    tā́ni sr̥ṣṭā́ny anyò 'nyénāspardʰanta:
   tā́ni sr̥ṣṭā́ni~ anyás~ anyéna~ aspardʰanta

Sentence: d       vadiṣyā́my evā̀hám íti vā́g dadʰre;
      vadiṣyā́mi~ evá~ ahám íti vā́k~ dadʰre

Sentence: e       drakṣyā́my ahám íti cákṣuḥ;
      drakṣyā́mi~ ahám íti cákṣus~

Sentence: f       śroṣyā́my ahám íti śrótram;
      śroṣyā́mi~ ahám íti śrótram

Sentence: g       evám anyā́ni kármāṇi yatʰākarmám.
      evám anyā́ni kármāṇi yatʰākarmám

Verse: M31/K21 
Sentence: a    tā́ni mr̥tyúḥ śrámo bʰūtvópayeme,
   tā́ni mr̥tyús~ śrámas~ bʰūtvā́~ úpayeme

Sentence: b          tā́ny āpnot;
         tā́ni~ āpnot

Sentence: c       tā́ny āptvā́ mr̥tyúr ávārunddʰa.
      tā́ni~ āptvā́ mr̥tyúr ávārunddʰa

Sentence: d    tásmāc cʰrā́myaty evá vā́k,
   tásmād~ śrā́myati~ evá vā́k

Sentence: e          śrā́myati cákṣuḥ,
         śrā́myati cákṣus~

Sentence: f          śrā́myati śrótram.
         śrā́myati śrótram

Sentence: g    átʰemám evá nā̀pnod,
   átʰa~ imám evá ná~ āpnot~

Sentence: h          yò 'yáṃ madʰyamáḥ prāṇáḥ.
         yás~ ayám~ madʰyamás~ prāṇás~

Verse: M32/K21 
Sentence: a    tā́ni jñā́tuṃ dadʰrire:
   tā́ni jñā́tum~ dadʰrire~

Sentence: b       'yáṃ vaí naḥ śréṣṭʰo yáḥ saṃcáraṃś cā́saṃcaraṃś ca ná vyátʰaté,
      ayám~ vaí nas~ śréṣṭʰas~ yás~ saṃcáran~ ca~ ásaṃcaran~ ca ná vyátʰate~

Sentence: c          'tʰo ná ríṣyati.
         átʰa~ u ná ríṣyati

Sentence: d    hántāsyaivá sárve rūpáṃ bʰávāméti.
   hánta~ asya~ evá sárve rūpám~ bʰávāma~ íti

Sentence: e    tá etásyaivá sárve rūpám abʰavans.
   té~ etásya~ evá sárve rūpám abʰavan~

Sentence: f    tásmād etá eténā́kʰyāyante prāṇā́ íti.
   tásmād eté~ eténa~ ā́kʰyāyante prāṇā́s~ íti

Sentence: g    téna ha vā́vá tát kúlam ā́cakṣate,
   téna ha vā́vá tád~ kúlam ā́cakṣate

Sentence: h          yásmin kúle bʰávati yá eváṃ véda.
         yásmin kúle bʰávati yás~ evám~ véda

Sentence: i    yá u haivaṃvídā spárdʰate [K add. 'nuśuṣyaty,]
   yás~ u ha~ evaṃvídā spárdʰate~ [K add. ~anuśuṣyati~]

Sentence: j          anuśúṣya haivā̀ntató mriyata.
         anuśúṣya ha~ evá~ antatás~ mriyate~

Sentence: k    íty adʰyātmám.
   íti~ adʰyātmám

Verse: M33/K22 
Sentence: a    átʰādʰidevatáṃ:
   átʰa~ adʰidevatám~

Sentence: b       jvaliṣyā́my evā̀hám íty agnír dadʰre;
      jvaliṣyā́mi~ evá~ ahám íti~ agnís~ dadʰre

Sentence: c       tapsyā́my ahám íty ādityó;
      tapsyā́mi~ ahám íti~ ādityás~

Sentence: d       bʰāsyā́my ahám íti candrámā;
      bʰāsyā́mi~ ahám íti candrámās~

Sentence: e       evám anyā́ devátā yatʰādevatám̐.
      evám anyā́s~ devátās~ yatʰādevatám~

Sentence: f    sá yátʰaiṣā́ṃ prāṇā́nāṃ madʰyamáḥ prāṇá,
   sá yátʰā~ eṣā́m~ prāṇā́nām~ madʰyamás~ prāṇás~

Sentence: g          evám etā́sāṃ devátānāṃ vāyúr.
         evám etā́sām~ devátānām~ vāyús~

Sentence: h    mlócanti hy ànyā́ devátā,
   mlócanti hí~ anyā́s~ devátās~

Sentence: i          ná vāyúḥ.
         ná vāyús~

Sentence: j    saìṣā́nastamitā devátā yád vāyúḥ.
   sā́~ eṣā́~ ánastamitā devátā yád vāyús~

Verse: M34/K23 
Sentence: a    átʰaiṣá ślóko bʰavati:
   átʰa~ eṣá ślókas~ bʰavati

Sentence: b    yátaś codéti sū́ryó,
   yátas~ ca~ udéti sū́ryas~

Sentence: c    'staṃ yátra ca gáccʰatī́ti
   ástam~ yátra ca gáccʰati~ íti

Sentence: d    prāṇā́d vā́ eṣá údeti,
   prāṇā́d vaí~ eṣá údeti

Sentence: e          prāṇé 'stam eti
         prāṇé ~ástam eti

Sentence: f    táṃ devā́ś cakrire dʰármam̐,
   tám~ devā́s~ cakrire dʰármam~

Sentence: g    sá evā̀dyá,
   sás~ evá~ adyá

Sentence: h          sá u śvá íti.
         sás~ u śvás~ íti

Sentence: i    yád vā́ etè 'múrhy ádʰriyanta,
   yád vaí~ eté~ amúrhi~ ádʰriyanta

Sentence: j          tád evā́py adyá kurvanti.
         tád evá~ ápi~ adyá kurvanti

Sentence: k    tásmād ékam evá vratáṃ caret.
   tásmād ékam evá vratám~ caret

Sentence: l    prā́ṇyāc caivā̀pānyā́c ca:
   prā́ṇyād~ ca~ evá~ apānyā́d~ ca

Sentence: m       nén mā pāpmā́ mr̥tyúr āpnavad íti.
      néd~ mā pāpmā́ mr̥tyús~ āpnavat~ íti

Sentence: n    yády u cáret,
   yádi~ u cáret

Sentence: o          sámāpipayiṣet.
         sámāpipayiṣet

Sentence: p    téno etásyai devátāyai sā́yujyam̐ salokátāṃ jayati,
   téna~ u~ etásyai devátāyai sā́yujyam~ salokátām~ jayati

Sentence: q          yá eváṃ véda.
         yás~ evám~ véda

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.