TITUS
White Yajur-Veda: Brhad-Aranyaka-Upanisad
Part No. 4
Previous part

Paragraph: 4    {= ŚBM 14.4.2.1-31}    {= ŚBK 16.3.4.1-17}
Verse: MK1 
Sentence: a    ātmaìvèdám ágra āsīt púruṣavidʰaḥ.
   ātmā́~ evá~ idám ágre~ āsīt púruṣavidʰas~

Sentence: b    sò 'nuvī́kṣya nā̀nyád ātmáno 'paśyat.
   sás~ anuvī́kṣya ná~ anyád ātmánas~ apaśyat

Sentence: c    sò 'hám asmī́ty ágre vyā́harat.
   sás~ ahám asmi~ íty ágre vyā́harat

Sentence: d    táto 'haṃnā́mābʰavat.
   tátas~ ahaṃnā́ma~ abʰavat

Sentence: e    tásmād ápy etárhy ā́mantrito:
   tásmād ápi~ etárhi~ ā́mantritas~

Sentence: f       'hám ayám íty evā́gra uktvā́tʰānyán nā́ma prábrūte yád asya bʰávati.
      ahám ayám íti~ evá~ ágre~ uktvā́~ átʰa~ anyád~ nā́ma prábrūte yád asya bʰávati

Verse: M2/K1 
Sentence: a    sá yát pū́rvo 'smāt sárvasmāt sárvān pāpmána aúṣat,
   sá yád~ pū́rvas~ asmād~ sárvasmād~ sárvān pāpmánas~ aúṣat

Sentence: b          tásmāt púruṣa.
         tásmād~ púruṣas~

Sentence: c    óṣati ha vaí sá táṃ,
   óṣati ha vaí sá tám~

Sentence: d          yò 'smāt pū́rvo búbʰūṣati,
         yás~ asmād~ pū́rvas~ búbʰūṣati

Sentence: e          yá eváṃ véda.
         yás~ evám~ véda

Verse: M3/K2 
Sentence: a    sò 'bibʰet;
   sás~ abibʰet

Sentence: b       tásmād ekākī́ bibʰeti.
      tásmād ekākī́ bibʰeti

Sentence: c    sá hāyám īkṣā́ṃ cakre:
   sá ha~ ayám īkṣā́m~ cakre

Sentence: d       yán mád anyán nā́sti,
      yád~ mád anyád~ ná~ ásti

Sentence: e          kásmān nú bibʰemī́ti.
         kásmād~ nú bibʰemi~ íti

Sentence: f    táta evā̀sya bʰayáṃ vī̀yāya.
   tátas~ evá~ asya bʰayám~ vī̀yāya

Sentence: g    kásmād dʰy ábʰeṣyad,
   kásmād ~hí~ ábʰeṣyat~

Sentence: h          dvitī́yād vaí bʰayáṃ bʰavati.
         dvitī́yād vaí bʰayám~ bʰavati

Verse: M4/K3 
Sentence: a    sá vaí naìvá reme;
   sá vaí ná~ evá reme

Sentence: b       tásmād ekākī́ ná ramate.
      tásmād ekākī́ ná ramate

Sentence: c    sá dvitī́yam aiccʰat.
   sá dvitī́yam aiccʰat

Sentence: d    sá haitā́vān āsa yátʰā strīpumā́m̐sau sampáriṣvaktau.
   sá ha~ etā́vān āsa yátʰā strīpumā́m̐sau sampáriṣvaktau

Verse: M5/K3 
Sentence: a    sá imám evā̀tmā́naṃ dvedʰā̀pātayat;
   sá imám evá~ ātmā́nam~ dvedʰā́~ apātayat

Sentence: b       tátaḥ pátiś ca pátnī cābʰavatāṃ.
      tátas~ pátis~ ca pátnī ca~ abʰavatām~

Sentence: c    tásmād idám ardʰabr̥galám iva sva íti ha smāha Yā́jñavalkyas.
   tásmād idám ardʰabr̥galám iva svas~ íti ha sma~ aha Yā́jñavalkyas

Sentence: d    tásmād ayám ākāśáḥ striyā́ pūryáta evá.
   tásmād ayám ākāśás~ striyā́ pūryáte~ evá

Sentence: e    tā́m̐ sámabʰavat:
   tā́m~ sámabʰavat

Sentence: f       táto manuṣyā̀ ajāyanta.
      tátas~ manuṣyā̀s~ ajāyanta

Verse: M6/K4 
Sentence: a    sò heyám īkṣā́ṃ cakre:
   sā́~ u ha~ iyám īkṣā́m~ cakre

Sentence: b       katʰáṃ nú mātmána evá janayitvā́ sámbʰavati.
      katʰám~ nú mā~ ātmánas~ evá janayitvā́ sámbʰavati

Sentence: c    hánta tiró 'sānī́ti.
   hánta tirás~ ásāni~ íti

Verse: M7/K4 
Sentence: a    sā́ gaúr ábʰavad,
   sā́ gaús~ ábʰavat~

Sentence: b          vr̥ṣabʰá ítaras;
         vr̥ṣabʰás~ ítaras

Sentence: c       tām̐ sám evā̀bʰavat:
      tām~ sám evá~ abʰavat

Sentence: d       táto gā́vo 'jāyanta.
      tátas~ gā́vas~ ajāyanta

Verse: M8/K4 
Sentence: a    váḍavétarā́bʰavad,
   váḍavā~ ítarā~ ábʰavat~

Sentence: b          aśvavr̥ṣá ítaro;
         aśvavr̥ṣás~ ítaras~

Sentence: c       gardabʰī́tarā,
      gardabʰī́~ ítarā

Sentence: d          gardabʰá ítaras;
         gardabʰás~ ítaras

Sentence: e       tā́m̐ sám evā̀bʰavat:
      tā́m~ sám evá~ abʰavat

Sentence: f       táta ékaśapʰam ajāyata.
      táta ékaśapʰam ajāyata

Verse: M9/K4 
Sentence: a    ajétarā́bʰavad,
   ajā́~ ítarā~ abʰavat~

Sentence: b          bastá ítaro;
         bastás~ ítaras~

Sentence: c       'vír ítarā,
      avís~ ítarā

Sentence: d          meṣá ítaras;
         meṣás~ ítaras

Sentence: e       tā́m̐ sám evā̀bʰavat:
      tā́m~ sám evá~ abʰavat

Sentence: f       táto 'jāváyo 'jāyantaivám evá yád idáṃ kíñca mitʰunám ā́ pipī́likābʰyas,
      tátas~ ajāváyas~ ajāyanta~ evám evá yád idám~ kíñca mitʰunám ā́ pipī́likābʰyas

Sentence: g          tát sárvam asr̥jata.
         tád~ sárvam asr̥jata

Verse: M10/K5 
Sentence: a    sò 'ved:
   sás~ avet~

Sentence: b       aháṃ vā́vá sŕ̥ṣṭir asmy,
      ahám~ vā́vá sŕ̥ṣṭis~ asmi~

Sentence: c          ahám̐ hī̀dám̐ sárvam ásr̥kṣī́ti.
         ahám~ hí~ idám~ sárvam ásr̥kṣi~ íti

Sentence: d    tátaḥ sŕ̥ṣṭir abʰavat.
   tátas~ sŕ̥ṣṭis~ abʰavat

Sentence: e    sŕ̥ṣṭyām̐ hāsyaitásyāṃ bʰavati,
   sŕ̥ṣṭyām~ ha~ asya~ etásyām~ bʰavati

Sentence: f          yá eváṃ véda.
         yás~ evám~ véda

Verse: M11/K6 
Sentence: a    átʰéty abʰyàmantʰat.
   átʰa~ íti~ abʰyàmantʰat

Sentence: b    sá múkʰāc ca yóner hástābʰyāṃ cāgním asr̥jata.
   sá múkʰād~ ca yónes~ hástābʰyām~ ca~ agním asr̥jata

Sentence: c    tásmād etád ubʰáyam alómakam antaratò,
   tásmād etád ubʰáyam alómakam antaratás~

Sentence: d          'lómakā hí yónir antaratáḥ.
         alómakā hí yónis~ antaratás~

Verse: M12/K6 
Sentence: a    tád yád idám āhur:
   tád yád idám āhur

Sentence: b       amúṃ yajāmúṃ yajéty ékaikaṃ devám,
      amúm~ yaja~ amúm~ yaja~ íti~ ékaikam~ devám

Sentence: c          etásyaivá sā́ vísr̥ṣṭir,
         etásya~ evá sā́ vísr̥ṣṭis~

Sentence: d          eṣá u hy èvá sárve devā́.
         eṣás~ u hí~ evá sárve devā́s~

Verse: M13/K6 
Sentence: a    átʰa yát kíñcedám ārdráṃ,
   átʰa yád~ kíñca~ idám ārdrám~

Sentence: b          tád rétaso 'sr̥jata;
         tád rétasas~ asr̥jata

Sentence: c       tád u sóma.
      tád u sómas~

Sentence: d    etā́vad vā́ idám̐ sárvam ánnaṃ caivā̀nnādáś ca;
   etā́vat~ vaí~ idám~ sárvam ánnam~ ca~ evá~ annadás~ ca

Sentence: e       sóma evā́nnam,
      sóma evá~ ánnam

Sentence: f          agnír annādáḥ.
         agnís~ annādás~

Verse: M14/K6 
Sentence: a    saìṣā́ bráhmaṇó 'tisr̥ṣṭir;
   sā́~ eṣā́ bráhmaṇas~ átisr̥ṣṭis~

Sentence: b       yác cʰréyaso devā́n ásr̥jatā́tʰa yán mártyaḥ sánn amŕ̥tān asr̥jata,
      yád~ śréyasas~ devā́n ásr̥jata~ átʰa yád~ mártyas~ sán~ amŕ̥tān asr̥jata

Sentence: c          tásmād átisr̥ṣṭir,
         tásmād átisr̥ṣṭis~

Sentence: d          átisr̥ṣṭyām̐ hāsyaitásyāṃ bʰavati,
         átisr̥ṣṭyām~ ha~ asya~ etásyām~ bʰavati

Sentence: e          yá eváṃ véda.
         yás~ evám~ véda

Verse: M15/K7 
Sentence: a    tád dʰedáṃ tárhy ávyākr̥tam āsīt.
   tád ~ha~ idám~ tárhi~ ávyākr̥tam āsīt

Sentence: b    tán nāmarūpā́bʰyām evá vyā́kriyatāsaú nā́māyám idám̐rūpa íti.
   tád~ nāmarūpā́bʰyām evá vyā́kriyata~ asaú nā́ma~ ayám idám̐rūpas~ íti

Sentence: c    tád idám ápy etárhi nāmarūpā́bʰyām evá vyā́kriyata asaú nā́māyám idám̐rūpa íti.
   tád idám ápi~ etárhi nāmarūpā́bʰyām evá vyā́kriyate~ asaú nā́ma~ ayám idám̐rūpas~ íti

Verse: M16/K7 
Sentence: a    sá eṣá ihá práviṣṭa ā́ nakʰāgrébʰyo.
   sás~ eṣás~ ihá práviṣṭa ā́ nakʰāgrébʰyas~

Sentence: b    yátʰā kṣuráḥ kṣuradʰāné 'vahitaḥ syā́d,
   yátʰā kṣurás~ kṣuradʰāné ~ávahitas~ syā́t~

Sentence: c          viśvambʰaró vā viśvambʰarakulāyé,
         viśvambʰarás~ vā viśvambʰarakulāyé

Sentence: d          táṃ ná páśyanty,
         tám~ ná páśyanti~

Sentence: e          ákr̥tsno hí sáḥ;
         ákr̥tsnas~ hí sás~

Verse: M17/K7 
Sentence: a    prāṇánn evá prāṇó nā́ma bʰávati,
   prāṇán~ evá prāṇás~ nā́ma bʰávati

Sentence: b          vádan vā́k,
         vádan vā́k

Sentence: c          páśyaṃś cákṣuḥ,
         páśyan~ cákṣus~

Sentence: d          śr̥ṇváñ cʰrótraṃ,
         śr̥ṇván~ śrótram~

Sentence: e          manvānó mánas.
         manvānás~ mánas

Sentence: f    tā́ny asyaitā́ni karmanāmā́ny evá.
   tā́ni~ asya~ etā́ni karmanāmā́ni~ evá

Sentence: g    sá yó 'ta ékaikam upā́ste,
   sá yás~ átas~ ékaikam upā́ste

Sentence: h          ná sá vedā́kr̥tsno hy èṣó 'ta ékaikena bʰávati.
         ná sá veda~ ákr̥tsnas~ hí~ eṣás~ átas~ ékaikena bʰávati

Verse: M18/K7 
Sentence: a    ātméty evópāsītā́tra hy èté sárva ékaṃ bʰávanti.
   ātmā́~ íti~ evá~ úpāsīta~ átra hí~ eté sárve~ ékam~ bʰávanti

Sentence: b    tád etát padanī́yam asya sárvasya yád ayám ātmā̀néna hy ètát sárvaṃ véda.
   tád etád~ padanī́yam asya sárvasya yád ayám ātmā́~ anéna hí~ etád~ sárvam~ véda

Sentence: c    yátʰā ha vaí padénānuvindéd,
   yátʰā ha vaí padéna~ anuvindét~

Sentence: d          eváṃ kīrtím̐ ślókaṃ vindate,
         evám~ kīrtím~ ślókam~ vindate

Sentence: e          yá eváṃ véda.
         yás~ evám~ véda

Verse: M19/K8 
Sentence: a    tád etát préyaḥ putrā́t,
   tád etád~ préyas~ putrā́d~

Sentence: b          préyo vittā́t,
         préyas~ vittā́d~

Sentence: c          préyo 'nyásmāt sárvasmād,
         préyas~ anyásmād~ sárvasmād

Sentence: d          ántarataraṃ,
         ántarataram~

Sentence: e          yád ayám ātmā́.
         yád ayám ātmā́

Sentence: f    sá yò 'nyám ātmánaḥ priyáṃ bruvāṇáṃ brūyā́t:
   sá yás~ anyám ātmánas~ priyám~ bruvāṇám~ brūyā́t

Sentence: g       priyám̐ rotsyatī́tīśvaró ha tátʰaivá syād.
      priyám~ rotsyati~ íti~ īśvarás~ ha tátʰā~ evá syāt~

Sentence: h    ātmā́nam evá priyám úpāsīta.
   ātmā́nam evá priyám úpāsīta

Sentence: i    sá yá ātmā́nam evá priyám upā́ste,
   sá yás~ ātmā́nam evá priyám upā́ste

Sentence: j          ná hāsya priyáṃ pramā́yukaṃ bʰavati.
         ná ha~ asya priyám~ pramā́yukam~ bʰavati

Verse: M20/K9 
Sentence: a    tád āhur:
   tád āhur

Sentence: b       yád brahmavidyáyā sárvaṃ bʰaviṣyánto manuṣyā̀ mányante,
      yád brahmavidyáyā sárvam~ bʰaviṣyántas~ manuṣyā̀s~ mányante

Sentence: c          kím u tád bráhmāved,
         kím u tád bráhma~ avet~

Sentence: d          yásmāt tát sárvam ábʰavad íti.
         yásmād~ tád~ sárvam ábʰavat~ íti

Verse: M21/K10 
Sentence: a    bráhma vā́ idám ágra āsīt.
   bráhma vaí~ idám ágre~ āsīt

Sentence: b    tád ātmā́nam evā̀ved:
   tád ātmā́nam evá~ avet~

Sentence: c       aháṃ bráhmāsmī́ti;
      ahám~ bráhma~ asmi~ íti

Sentence: d       tásmāt tát sárvam abʰavat.
      tásmād~ tád~ sárvam abʰavat

Sentence: e    tád yó-yo devā́nāṃ pratyábudʰyata,
   tád yó-yas~ devā́nām~ pratyábudʰyata

Sentence: f          sá evá tád ábʰavat,
         sás~ evá tád ábʰavat

Sentence: g          tátʰárṣīnāṃ,
         tátʰā~ ŕ̥ṣīnām~

Sentence: h          tátʰā manuṣyā̀ṇām.
         tátʰā manuṣyā̀ṇām

Verse: M22/K10 
Sentence: a    tád dʰaitát páśyann ŕ̥ṣir Vāmádevaḥ prátipede:
   tád ~ha~ etád~ páśyan~ ŕ̥ṣis~ Vāmádevas~ prátipede~

Sentence: b    'háṃ mánur abʰavam̐ sū́ryaś céti.
   ahám~ mánus~ abʰavam~ sū́ryas~ ca~ íti

Sentence: c    tád idám ápy etárhi yá eváṃ védāháṃ bráhmāsmī́ti,
   tád idám ápi~ etárhi yás~ evám~ véda~ ahám~ bráhma~ asmi~ íti

Sentence: d          sá idám̐ sárvaṃ bʰavati,
         sá idám~ sárvam~ bʰavati

Sentence: e          tásya ha ná devā́ś canā́bʰūtyā īśata,
         tásya ha ná devā́s~ caná~ ábʰūtyās~ īśate~

Sentence: f          ātmā́ hy èṣā́m̐ sá bʰávaty.
         ātmā́ hí~ eṣā́m~ sá bʰávati~

Sentence: g    átʰa yò 'nyā́ṃ devátām upā́ste:
   átʰa yás~ anyā́m~ devátām upā́ste~

Sentence: h       'nyò 'sā́v,
      anyás~ asaú

Sentence: i          anyò 'hám asmī́ti,
         anyás~ ahám asmi~ íti

Sentence: j          ná sá veda.
         ná sá veda

Sentence: k    yátʰā paśúr evám̐ sá devā́nāṃ.
   yátʰā paśús~ evám~ sá devā́nām~

Sentence: l    yátʰā ha vaí bahávaḥ paśávo manuṣyàṃ bʰuñjyúr,
   yátʰā ha vaí bahávas~ paśávas~ manuṣyàm~ bʰuñjyúr

Sentence: m          evám ékaikaḥ púruṣo devā́n bʰunakty.
         evám ékaikas~ púruṣas~ devā́n bʰunakti~

Sentence: n    ékasminn evá paśā́v ādīyámāné 'priyaṃ bʰavati,
   ékasmin~ evá paśaú~ ādīyámāne~ ápriyam~ bʰavati

Sentence: o          kím u bahúṣu;
         kím u bahúṣu

Sentence: p       tásmād eṣāṃ tán ná priyáṃ yád etán manuṣyā̀ vidyúḥ.
      tásmād eṣām~ tád~ ná priyám~ yád etád~ manuṣyā̀s~ vidyúr~

Verse: M23/K11 
Sentence: a    bráhma vā́ idám ágra āsīd ékam evá.
   bráhma vaí~ idám ágre~ āsīt~ ékam evá

Sentence: b    tád ékam̐ sán ná vyàbʰavat.
   tád ékam~ sán ná vyàbʰavat

Sentence: c    tác cʰréyo rūpám átyasr̥jata kṣatráṃ,
   tád~ śréyas~ rūpám átyasr̥jata kṣatrám~

Sentence: d          yā́ny etā́ni devatrā́ kṣatrā́ṇī́ndro váruṇaḥ sómo rudráḥ parjányo yamó mr̥tyúr ī́śāna íti.
         yā́ni~ etā́ni devatrā́ kṣatrā́ṇi~ índras~ váruṇas~ sómas~ rudrás~ parjányas~ yamás~ mr̥tyús~ ī́śānas~ íti

Sentence: e    tásmāt kṣatrā́t páraṃ nā̀sti;
   tásmād~ kṣatrā́d~ páram~ ná~ asti

Sentence: f       tásmād {!} brāhmaṇáḥ kṣatríyaṃ adʰástād úpāste rājasū́ye.
      tásmād~ brāhmaṇás~ kṣatríyam~ adʰástād úpāste rājasū́ye

Sentence: g    kṣatrá evá tád yáśo dadʰāti,
   kṣatré~ evá tád yáśas~ dadʰāti

Sentence: h          saìṣā́ kṣatrásya yónir yád bráhma.
         sā́~ eṣā́ kṣatrásya yónis~ yád bráhma

Sentence: i    tásmād yády ápi rā́jā paramátāṃ gáccʰati,
   tásmād yádi~ ápi rā́jā paramátām~ gáccʰati

Sentence: j          bráhmaivā̀ntatá upaníśrayati svā́ṃ yóniṃ.
         bráhma~ evá~ antatás~ upaníśrayati svā́m~ yónim~

Sentence: k    yá u enam̐ hinásti,
   yás~ u enam~ hinásti

Sentence: l          svā́m̐ sá yónim r̥ccʰati.
         svā́m~ sá yónim r̥ccʰati

Sentence: m    sá pā́pīyān bʰavati,
   sá pā́pīyān bʰavati

Sentence: n          yátʰā śréyām̐sam̐ him̐sitvā́.
         yátʰā śréyām̐sam~ him̐sitvā́

Verse: M24/K12 
Sentence: a    sá naìvá vyàbʰavat.
   sá ná~ evá vyàbʰavat

Sentence: b    sá víśam asr̥jata,
   sá víśam asr̥jata

Sentence: c          yā́ny etā́ni devajātā́ni gaṇaśá ākʰyāyánte,
         yā́ni~ etā́ni devajātā́ni gaṇaśás~ ākʰyāyánte

Sentence: d          vásavo rudrā́ ādityā́ víśve devā́ marúta íti.
         vásavas~ rudrā́s~ ādityā́s~ víśve devā́s~ marútas~ íti

Verse: M25/K13 
Sentence: a    sá naìvá vyàbʰavat.
   sá ná~ evá vyàbʰavat

Sentence: b    sá śaúdraṃ várṇam asr̥jata pūṣáṇam.
   sá śaúdram~ várṇam asr̥jata pūṣáṇam

Sentence: c    iyáṃ vaí pūṣèyám̐ hī̀dám̐ sárvaṃ púṣyati yád idáṃ kíñca.
   iyám~ vaí pūṣā́~ íyám~ hí~ idám~ sárvam~ púṣyati yád idám~ kíñca

Verse: M26/K14 
Sentence: a    sá naìvá vyàbʰavat.
   sá ná~ evá vyàbʰavat

Sentence: b    tác cʰréyo rūpám átyasr̥jata dʰármaṃ.
   tád~ śréyas~ rūpám átyasr̥jata dʰármam~

Sentence: c    tád etát kṣatrásya kṣatráṃ yád dʰármas.
   tád etát kṣatrásya kṣatrám~ yád dʰármas

Sentence: d    tásmād dʰármāt páraṃ nā̀sty.
   tásmād dʰármād~ páram~ ná~ asti~

Sentence: e    átʰo ábalīyān bálīyām̐sam ā́śam̐sate dʰármeṇa yátʰā rā́jñaiváṃ.
   átʰa~ u ábalīyān bálīyām̐sam ā́śam̐sate dʰármeṇa yátʰā rā́jñā~ evám~

Sentence: f    yó vaí sá dʰármaḥ,
   yás~ vaí sá dʰármas~

Sentence: g          satyáṃ vaí tát.
         satyám~ vaí tád~

Sentence: h    tásmāt satyáṃ vádantam āhur:
   tásmād~ satyám~ vádantam āhur

Sentence: i       dʰármaṃ vadatī́ti,
      dʰármam~ vadati~ íti

Sentence: j          dʰármaṃ vā vádantam̐:
         dʰármam~ vā vádantam~

Sentence: k       satyáṃ vadatī́ty;
      satyám~ vadati~ íti~

Sentence: l       etád dʰy èvaìtád ubʰáyaṃ bʰávati.
      etád ~hí~ evá~ etád ubʰáyam~ bʰávati

Verse: M27/K15 
Sentence: a    tád etád bráhma kṣatráṃ víṭ śūdrás.
   tád etád bráhma kṣatrám~ víṭ śūdrás

Sentence: b    tád agnínaivá devéṣu bráhmā́bʰavad,
   tád agnínā~ evá devéṣu bráhma~ ábʰavat~

Sentence: c          brāhmaṇó manuṣyèṣu,
         brāhmaṇás~ manuṣyèṣu

Sentence: d          kṣatríyeṇa kṣatríyo,
         kṣatríyeṇa kṣatríyas~

Sentence: e          vaíśyena vaíśyaḥ,
         vaíśyena vaíśyas~

Sentence: f          śūdréṇa śūdrás.
         śūdréṇa śūdrás

Sentence: g    tásmād agnā́v evá devéṣu lokám iccʰante,
   tásmād agnaú~ evá devéṣu lokám iccʰante

Sentence: h          brāhmaṇé manuṣyèṣv;
         brāhmaṇé manuṣyèṣu~

Sentence: i       etā́bʰyām̐ hí rūpā́bʰyāṃ bráhmā́bʰavat.
      etā́bʰyām~ hí rūpā́bʰyām~ bráhma~ ábʰavat

Verse: M28/K15 
Sentence: a    átʰa yó ha vā́ asmā́l lokā́t sváṃ lokám ádr̥ṣṭvā praíti,
   átʰa yás~ ha vaí~ asmā́d~ lokā́d~ svám~ lokám ádr̥ṣṭvā praíti

Sentence: b          sá enam ávidito ná bʰunakti;
         sá enam áviditas~ ná bʰunakti

Sentence: c       yátʰā védo vā́nanūkto 'nyád vā kármā́kr̥taṃ.
      yátʰā védas~ vā~ ánanūktas~ anyád vā kárma~ ákr̥tam~

Sentence: d    yádi ha vā́ ápy ánevaṃvin mahatpúṇyaṃ kárma karóti,
   yádi ha vaí~ ápi~ ánevaṃvid~ mahatpúṇyam~ kárma karóti

Sentence: e          tád dʰāsyāntatáḥ kṣī́yata evā̀tmā́nam evá lokám úpāsīta.
         tád ~ha~ asya~ antatás~ kṣī́yate~ evá~ ātmā́namevá lokám úpāsīta

Sentence: f    sá yá ātmā́nam evá lokám upā́ste,
   sáyás~ ātmā́nam evá lokám upā́ste

Sentence: g          ná hāsya kárma kṣīyate.
         ná ha~ asya kárma kṣīyate~

Sentence: h    'smā́d dʰy èvā̀tmáno yád-yat kāmáyate,
   asmā́d ~hí~ evá~ ātmánas~ yád-yad~ kāmáyate

Sentence: i          tát-tat sr̥jate.
         tát-tad~ sr̥jate

Verse: M29/K16 
Sentence: a    átʰo ayáṃ vā́ ātmā́ sárveṣāṃ bʰūtā́nāṃ lokáḥ;
   átʰa~ u ayám~ vaí~ ātmā́ sárveṣām~ bʰūtā́nām~ lokás~

Sentence: b       sá yáj juhóti,
      sá yád~ juhóti

Sentence: c          yád yájate téna devā́nāṃ lokó;
         yád yájate téna devā́nām~ lokás~

Sentence: d       'tʰa yád anubrūté,
      átʰa yád anubrūté

Sentence: e          ténárṣīṇām;
         téna~ ŕ̥ṣīṇām

Sentence: f       átʰa yát prajā́m iccʰáte,
      átʰa yád~ prajā́m iccʰáte

Sentence: g          yát pitŕ̥bʰyo nipr̥ṇā́ti,
         yád~ pitŕ̥bʰyas~ nipr̥ṇā́ti

Sentence: h          téna pitr̥̄ṇā́m;
         téna pitr̥̄ṇā́m

Sentence: i       átʰa yán manuṣyā̀n vāsáyate,
      átʰa yád~ manuṣyā̀n vāsáyate

Sentence: j          yád ebʰyó 'śanaṃ dádāti,
         yád ebʰyas~ áśanam~ dádāti

Sentence: k          téna manuṣyā̀ṇām;
         téna manuṣyā̀ṇām

Sentence: l       átʰa yát paśúbʰyas tr̥ṇodakáṃ vindáti,
      átʰa yád~ paśúbʰyas tr̥ṇodakám~ vindáti

Sentence: m          téna paśūnā́ṃ;
         téna paśūnā́m~

Sentence: n       yád asya gr̥héṣu śvā́padā váyām̐sy ā́ pipī́likābʰya upajī́vanti,
      yád asya gr̥héṣu śvā́padās~ váyām̐si~ ā́ pipī́likābʰyas~ upajī́vanti

Sentence: o          téna téṣāṃ lokó.
         téna téṣām~ lokás~

Sentence: p    yátʰā ha vaí svā́ya lokā́yā́riṣṭim iccʰéd,
   yátʰā ha vaí svā́ya lokā́ya~ áriṣṭim iccʰét~

Sentence: q          evám̐ haivaṃvíde sarvadā́ sárvāṇi bʰūtā́ny áriṣṭim iccʰanti.
         evám~ ha~ evaṃvíde sarvadā́ sárvāṇi bʰūtā́ni~ áriṣṭim iccʰanti

Sentence: r    tád vā́ etád viditáṃ mīmām̐sitám.
   tád vaí~ etád viditám~ mīmām̐sitám

Verse: M30/K17 
Sentence: a    ātmaìvèdám ágra āsīd,
   ātmā́~ evá~ idám ágre~ āsīt~

Sentence: b          éka evá.
         ékas~ evá

Sentence: c    sò 'kāmayata:
   sás~ akāmayata

Sentence: d       jāyā́ me syād,
      jāyā́ me syāt~

Sentence: e          átʰa prájāyeyā́tʰa vittáṃ me syād,
         átʰa prájāyeya~ átʰa vittám~ me syāt~

Sentence: f          átʰa kárma kurvīyéty.
         átʰa kárma kurvīya~ íti~

Sentence: g    etā́vān vaí kā́mo nèccʰám̐ś canā́to bʰū́yo vindet.
   etā́vān vaí kā́mas~ ná~ iccʰán~ caná~ átas~ bʰū́yas~ vindet

Sentence: h    tásmād ápy etárhy ekākī́ kāmayate:
   tásmād ápi~ etárhi~ ekākī́ kāmayate

Sentence: i       jāyā́ me syād,
      jāyā́ me syāt~

Sentence: j          átʰa prájāyeyā́tʰa vittáṃ me syād,
         átʰa prájāyeya~ átʰa vittám~ me syāt~

Sentence: k          átʰa kárma kurvīyéti.
         átʰa kárma kurvīya~ íti

Sentence: l    sá yā́vad ápy eteṣām ékaikaṃ ná prāpnóty,
   sá yā́vat~ ápi~ eteṣām ékaikam~ ná prāpnóti~

Sentence: m          ákr̥tsna evá tā́van manyate.
         ákr̥tsnas~ evá tā́van manyate

Sentence: n    tásyo kr̥tsnátā.
   tásya~ u kr̥tsnátā

Verse: M31/K17 
Sentence: a    mána evā̀syātmā́;
   mánas~ evá~ asya~ ātmā́

Sentence: b       vā́g jāyā́;
      vā́k~ jāyā́

Sentence: c       prāṇáḥ prajā́;
      prāṇás~ prajā́

Sentence: d       cákṣur mānuṣáṃ vittáṃ,
      cákṣus~ mānuṣám~ vittám~

Sentence: e          cákṣuṣā hí tád vindáti;
         cákṣuṣā hí tád vindáti

Sentence: f       śrótraṃ daívaṃ,
      śrótram~ daívam~

Sentence: g          śrótreṇa hí tác cʰr̥ṇóty;
         śrótreṇa hí tád~ śr̥ṇóti~

Sentence: h       ātmaìvā̀sya kármātmánā hí kárma karóti.
      ātmā́~ evá~ asya kárma~ ātmánā hí kárma karóti

Sentence: i    sá eṣá pā́ṅkto yajñáḥ,
   sás~ eṣá pā́ṅktas~ yajñás~

Sentence: j          pā́ṅktaḥ paśúḥ,
         pā́ṅktas~ paśús~

Sentence: k          pā́ṅktaḥ púruṣaḥ,
         pā́ṅktas~ púruṣas~

Sentence: l          pā́ṅktam idám̐ sárvaṃ yád idáṃ kíñca.
         pā́ṅktam idám~ sárvam~ yád idám~ kíñca

Sentence: m    tád idám̐ sárvam āpnoti,
   tád idám~ sárvam āpnoti

Sentence: n          yá eváṃ véda.
         yás~ evám~ véda

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.