TITUS
Black Yajur-Veda: Varaha-Grhya-Sutra
Part No. 6
Previous part

Khanda: 6 
Sentence: 1    upanayanaprabʰr̥ti vratacārī syāt \1\
Sentence: 2    upanayanena vratādeśā vyākʰyātāḥ \2\
Sentence: 3    mārgavāsāḥ sam̐hatakeśaḥ bʰaikṣācaryavr̥ttiḥ saśalkadaṇḍaḥ saptamauñjīṃ mekʰalāṃ dʰārayed ācāryasyāpratikūlaḥ sarvakārī \3\
Sentence: 4    yadenamupeyāttadasmai dadyāt \ bahūnām̐ yena saṃyuktaḥ \4\
Sentence: 5    nāsya śayyāmāviśet \5\
Sentence: 6    na ratʰamārohet \6\
Sentence: 7    na sam̐vaset \7\
Sentence: 8    na vihārārtʰo jalpet \8\
Sentence: 9    na rucyartʰaḥ kañcanaṃ dʰārayet \9\
Sentence: 10    sarvāṇi sām̐sparśakāni strībʰyo varjayet \10\
Sentence: 11    na snāyāddaṇḍavat \11\
Sentence: 12    nodakamabʰyupeyāt \12\
Sentence: 13    na divā svapet \13\
Sentence: 14    traividyakaṃ brahmacaryaṃ caret \14\
Sentence: 15    indriyasam̐yataḥ sāyaṃ prātarbʰaikṣyavr̥ttiḥ \15\
Sentence: 16    sāyaṃ prātaragniṃ paricaret \16\
Sentence: 17    adʰaśśāyī ācāryādʰīnavr̥ttiḥ tannisargādaśanam ayācitaṃ lavaṇam \17\
Sentence: 18    vāgyato 'śnīyāt \18\
Sentence: 19    madʰumām̐se varjayet \19\
Sentence: 20    accʰannavastrām̐ vivr̥tām̐ striyaṃ na paśyet \20\
Sentence: 21    yaupyasya vr̥kṣasya daṇḍī syāt \21\
Sentence: 22    nānena praharedgave na brāhmaṇāya \22\
Sentence: 23    na nr̥tyagīte gaccʰet \23\
Sentence: 24    na caine kuryāt \24\
Sentence: 25    nāvalikʰet \25\
Sentence: 26    śikʰājaṭaḥ sarvajaṭo vā syāt \26\
Sentence: 27    śāṇīkṣaumājinavāsāḥ \27\
Sentence: 28    raktam̐ vasanakambalam _ eṇeyaṃ brāhmaṇasya rauravaṃ kṣatriyasya ājam̐ vaiśyasya \28\
Sentence: 29    etena dʰarmeṇa dvādaśavarṣāṇyekavede brahmacaryaṃ caret \ caturvim̐śati dvayoḥ ṣaṭtrim̐śati trayāṇām aṣṭācatvārim̐śati sarveṣām \ yāvad grahaṇam̐ vā \29\
Sentence: 30    malajñurabalaḥ kr̥śaḥ snātvā sa sarvaṃ labʰate yatkiñcinmanasaepsitamiti \30\
Sentence: 31    etena dʰarmeṇa sādʰvadʰīte \31\
Sentence: 32    mantrabrāhmaṇānyadʰītya kalpaṃ mīmām̐sāṃ ca yājñiko 'dʰītya vaktraṃ padam̐ smr̥tiṃ caiccʰikaḥ \32\
Sentence: 33    tau snātakau \33\
Sentence: 34    śrotriyo 'nyo vedapāṭʰī \ na tasya snānam \34\
Sentence: 35    upaviśyācamanam̐ vidʰīyate \ antarjānu bāhū kr̥tvā trirācāmet \35\
Sentence: 36    dviḥ parimr̥jet kʰāni copaspr̥śe ccʰīrṣaṇyāni \36\


Sentence: col. 
iti vārāhagr̥hye ṣaṣṭʰaṃ kʰaṇḍam



Next part


This text is part of the TITUS edition of Black Yajur-Veda: Varaha-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.