TITUS
Black Yajur-Veda: Taittiriya-Brahmana
Part No. 6
Previous part

Chapter: 6 
Paragraph: 1 
Verse: 1    {BS 1.6.1.1}
Sentence: 1    ánumatyai puroḍā́śam aṣṭākapālaṃ nírvapati /
Sentence: 2    yé pratyáñcaḥ śámyāyā avaśī́yante /
Sentence: 3    tán náirr̥tám ékakapālam /
Sentence: 4    iyáṃ vā́ ánumatiḥ /
Sentence: 5    iyáṃ nírr̥tiḥ /
Sentence: 6    nairr̥téna pū́rveṇa prácarati /
Sentence: 7    pāpmā́nam evá nírr̥tiṃ pū́rvāṃ nirávadayate /
Sentence: 8    ékakapālo bʰavati /
Sentence: 9    ekadʰā_évá nírr̥tiṃ nirávadayate /
Sentence: 10    yád áhutvā gā́rhapatya īyúḥ //

Verse: 2    {BS 1.6.1.2}
Sentence: 1    rudró bʰūtvā́_agnír anūttʰā́ya /
Sentence: 2    adʰvaryúṃ ca yájamānaṃ ca hanyāt /
Sentence: 3    vī́hi svā́hā_ā́hutiṃ juṣāṇá íty āha /
Sentence: 4    ā́hutyā_eváinam̐ śamayati /
Sentence: 5    ná_ārtim ā́rccʰaty adʰvaryúr ná yájamānaḥ /
Sentence: 6    eka_ulmukéna yanti /
Sentence: 7    tád dʰí nírr̥tyai bʰāgadʰéyam /
Sentence: 8    imā́ṃ díśam yanti {AS nayati} /
Sentence: 9    eṣā́ vai nírr̥tyai dík /
Sentence: 10    svā́yām evá diśí nírr̥tiṃ nirávadayate //

Verse: 3    {BS 1.6.1.3}
Sentence: 1    svákr̥ta íriṇe juhoti pradaré vā /
Sentence: 2    etád vái nírr̥tyā āyátanam /
Sentence: 3    svá evá_āyátane nírr̥tiṃ nirávadayate /
Sentence: 4    eṣá te nírr̥te bʰāgá íty āha /
Sentence: 5    nírdiśaty eváinām /
Sentence: 6    bʰū́te havíṣmaty asi_íty āha /
Sentence: 7    bʰū́tim evá_upā́vartate /
Sentence: 8    muñcá_imám ám̐hasa íty āha /
Sentence: 9    ám̐hasa eváinaṃ muñcati /
Sentence: 10    aṅguṣṭhā́bʰyāṃ juhoti //

Verse: 4    {BS 1.6.1.4}
Sentence: 1    antatá evá nírr̥tiṃ nirávadayate /
Sentence: 2    kr̥ṣṇáṃ vā́saḥ kr̥ṣṇátūṣaṃ dákṣiṇā /
Sentence: 3    etád vái nírr̥tyai rūpám /
Sentence: 4    rūpeṇa_evá nírr̥tiṃ nirávadayate /
Sentence: 5    ápratīkṣam ā́yanti /
Sentence: 6    nírr̥tyā antárhityai /
Sentence: 7    svā́hā námo yá idáṃ cakā́ra_íti púnar étya gā́rhapatye juhoti /
Sentence: 8    ā́hutyā_evá namasyánto gā́rhapatyamupā́vartante /
Sentence: 9    ānumaténa prácarati /
Sentence: 10    iyáṃ vā́ ánumatiḥ //

Verse: 5    {BS 1.6.1.5}
Sentence: 1    iyám evā́smai rājyám ánumanyate /
Sentence: 2    dʰenúr dákṣiṇā /
Sentence: 3    imā́m evá dʰenúṃ kurute /
Sentence: 4    ādityáṃ carúṃ nírvapati /
Sentence: 5    ubʰáyīṣv evá prajā́sv abʰíṣicyate /
Sentence: 6    dáivīṣu ca mā́nuṣīṣu ca /
Sentence: 7    váro dákṣiṇā /
Sentence: 8    váro hí rājyám̐ sámr̥ddʰyai /
Sentence: 9    āgnāvaiṣṇavám ékādaśakapālaṃ nírvapati /
Sentence: 10    agníḥ sárvā devátāḥ //

Verse: 6    {BS 1.6.1.6}
Sentence: 1    víṣṇur yajñáḥ /
Sentence: 2    devátāś caivá yajñáṃ ca_ávarundʰe /
Sentence: 3    vāmanó vahī́ dákṣiṇā /
Sentence: 4    yád vahī́ /
Sentence: 5    téna_āgneyáḥ /
Sentence: 6    yád vāmanáḥ /
Sentence: 7    téna vaiṣṇaváḥ sámr̥ddʰyai /
Sentence: 8    agnīṣomī́yam ékādaśakapālaṃ nírvapati /
Sentence: 9    agnī́ṣómābʰyāṃ vā́ índro vr̥trám ahann íti /
Sentence: 10    yád agnīṣomī́yam ékādaśakapālaṃ nírvapati //

Verse: 7    {BS 1.6.1.7}
Sentence: 1    vā́rtragʰnam evá víjityai /
Sentence: 2    híraṇyaṃ dákṣiṇā sámr̥ddʰyai /
Sentence: 3    índro vr̥trám̐ hatvā́ /
Sentence: 4    devátābʰiś ca_indriyéṇa ca vyā̀rdʰyata /
Sentence: 5    sá etám aindrāgnám ékādaśakapālam apaśyat /
Sentence: 6    táṃ níravapat /
Sentence: 7    téna vái sá devátāś ca_indriyáṃ ca_ávārundʰa {AS cā́vārundʰe} /
Sentence: 8    yád aindrāgnám ékādaśakapālaṃ nirvápati /
Sentence: 9    devátāś caivá téna_indriyáṃ ca yájamāno 'varundʰe /
Sentence: 10    r̥ṣabʰó vahī́ dákṣiṇā //

Verse: 8    {BS 1.6.1.8}
Sentence: 1    yád vahī́ /
Sentence: 2    téna_āgneyáḥ /
Sentence: 3    yád r̥ṣabʰáḥ /
Sentence: 4    téna_aindráḥ sámr̥ddʰyai /
Sentence: 5    āgneyám aṣṭā́kapālaṃ nírvapati /
Sentence: 6    aindráṃ dádʰi /
Sentence: 7    yád āgneyó bʰávati /
Sentence: 8    agnír vái yajñamukʰám /
Sentence: 9    yajñamukʰám evá_r̥ddʰiṃ purā́stād dʰatte /
Sentence: 10    yád aindráṃ dádʰi //

Verse: 9    {BS 1.6.1.9}
Sentence: 1    indriyám evá_avarundʰe /
Sentence: 2    r̥ṣabʰó vahī́ dákṣiṇā /
Sentence: 3    yád vahī́ /
Sentence: 4    téna_āgneyáḥ /
Sentence: 5    yád r̥ṣabʰáḥ /
Sentence: 6    téna_aindráḥ sámr̥ddʰyai /
Sentence: 7    yā́vatīr vái prajā́ óṣadʰīnām áhutānām ā́śnan /
Sentence: 8    tā́ḥ párābʰavan /
Sentence: 9    āgrayaṇáṃ bʰavati huta_ádyāya /
Sentence: 10    yájamānasya_áparābʰāvāya //

Verse: 10    {BS 1.6.1.10}
Sentence: 1    devā́ vā́ óṣadʰīṣv ājím ayuḥ /
Sentence: 2    tā́ indrāgnī́ údajayatām /
Sentence: 3    tā́v etám aindrāgnáṃ dvā́daśakapālaṃ níravr̥ṇātām /
Sentence: 4    yád aindrāgnó bʰávaty újjityai /
Sentence: 5    dvā́daśakapālo bʰavati /
Sentence: 6    dvā́daśa mā́sāḥ saṃvatsaráḥ /
Sentence: 7    saṃvatsaréṇa_evā́smā ánnam ávarundʰe /
Sentence: 8    vaiśvadeváś carúr bʰavati /
Sentence: 9    vaiśvadeváṃ vā́ ánnam /
Sentence: 10    ánnam evā́smai svadayati //

Verse: 11    {BS 1.6.1.11}
Sentence: 1    pratʰamajó vatsó dákṣiṇā sámr̥ddʰyai /
Sentence: 2    saumyám̐ śyāmākáṃ carúṃ nírvapati /
Sentence: 3    sómo vā́ akr̥ṣṭapacyásya {AS akr̥ṣṭapacásya} rā́jā /
Sentence: 4    akr̥ṣṭapacyám evā́smai svadayati /
Sentence: 5    vā́so dákṣiṇā /
Sentence: 6    saumyám̐ hí devátayā vā́saḥ sámr̥ddʰyai /
Sentence: 7    sárasvatyai carúṃ nírvapati /
Sentence: 8    sárasvate carúm /
Sentence: 9    mitʰunám evá_avarundʰe /
Sentence: 10    mitʰunáu gā́vau dákṣiṇā sámr̥ddʰyai /
Sentence: 11    éti vā́ eṣá yajñamukʰā́d ŕ̥ddʰyāḥ /
Sentence: 12    yò 'gnér devátāyā éti /
Sentence: 13    aṣṭā́v etā́ni havī́m̐ṣi bʰavanti /
Sentence: 14    aṣṭā́kṣarā gāyatrī́ /
Sentence: 15    gāyatrò 'gníḥ /
Sentence: 16    ténaivá yajñamukʰā́d ŕ̥ddʰyā agnér devátāyai ná_eti //

Paragraph: 2 
Verse: 1    {BS 1.6.2.12}
Sentence: 1    vaiśvadevéna vái prajā́patiḥ prajā́ asr̥jata /
Sentence: 2    tā́ḥ sr̥ṣṭá ná prā́jāyanta /
Sentence: 3    sò 'gnir akāmayata /
Sentence: 4    ahám imā́ḥ prájanayeyam íti /
Sentence: 5    sá prajā́pataye /
Sentence: 6    śúcam adadʰāt /
Sentence: 7    sò 'śocat prajā́m iccʰámānaḥ /
Sentence: 8    tásmād yáṃ ca prajā́ bʰunákti yáṃ ca ná /
Sentence: 9    tā́v ubʰáu śocataḥ prajā́m iccʰámānau /
Sentence: 10    tā́sv agním ápyasr̥jat /
Sentence: 11    tā́ agnír ádʰyait //

Verse: 2    {BS 1.6.2.13}
Sentence: 1    sómo réto 'dadʰāt /
Sentence: 2    savitā́ prā́janayat /
Sentence: 3    sárasvatī vā́cam adadʰāt /
Sentence: 4    pūṣā́_apoṣayat /
Sentence: 5    té vā́ eté tríḥ saṃvatsarásya práyujyante /
Sentence: 6    yé devā́ḥ púṣṭipatayaḥ /
Sentence: 7    saṃvatsaró vái prajā́patiḥ /
Sentence: 8    saṃvatsaréṇa_evā́smai prajā́ḥ prā́janayat /
Sentence: 9    tā́ḥ prajā́ jātā́ marúto 'gʰnan /
Sentence: 10    asmā́n ápi ná prāyukṣata_íti //

Verse: 3    {BS 1.6.2.14}
Sentence: 1    sá etáṃ prajā́patir mārutám̐ saptákapālam apaśyat /
Sentence: 2    táṃ níravapat /
Sentence: 3    táto vái prajā́bʰyo 'kalpata /
Sentence: 4    yán māruto nirupyáte /
Sentence: 5    yajñásya kŀ̥ptyai /
Sentence: 6    prajā́nām ágʰātāya /
Sentence: 7    saptákapālo bʰavati /
Sentence: 8    saptágaṇā vái marútaḥ /
Sentence: 9    gaṇaśá evā́smai víśaṃ kalpayati /
Sentence: 10    sá prajā́patir aśocat //

Verse: 4    {BS 1.6.2.15}
Sentence: 1    yā́ḥ pū́rvāḥ prajā́ ásr̥kṣi /
Sentence: 2    marútas tā́ avadʰiṣuḥ /
Sentence: 3    katʰám áparāḥ sr̥jeyā_íti /
Sentence: 4    tásya śúṣma āṇḍáṃ bʰūtáṃ níravartata /
Sentence: 5    tád vyúdaharat /
Sentence: 6    tád apoṣayat /
Sentence: 7    tát prā́jāyata /
Sentence: 8    āṇḍásya vā́ etád rūpám /
Sentence: 9    yád āmíkṣā /
Sentence: 10    yád vyuddʰárati //

Verse: 5    {BS 1.6.2.16}
Sentence: 1    prajā́ evá tád yájamānaḥ poṣayati /
Sentence: 2    vaiśvadevy ā̀míkṣā bʰavati /
Sentence: 3    vaiśvadevyò vái prajā́ḥ /
Sentence: 4    prajā́ evā́smai prájanayati /
Sentence: 5    vā́jinam ā́nayati /
Sentence: 6    prajā́sv evá prájātāsu réto dadʰāti /
Sentence: 7    dyāvāpr̥tʰivyà ékakapālo bʰavati /
Sentence: 8    prajā́ evá prájātā dyā́vāpr̥tʰivī́bʰyām ubʰayátaḥ párigr̥hṇāti /
Sentence: 9    deva_asurā́ḥ sáṃyattā āsan /
Sentence: 10    sò 'gnír abravīt //

Verse: 6    {BS 1.6.2.17}
Sentence: 1    mā́m ágre yajata /
Sentence: 2    máyā múkʰena_ásurāñ jeṣyatʰa_íti /
Sentence: 3    mā́ṃ dvitī́yam íti sómo 'bravīt /
Sentence: 4    máyā rā́jñā jeṣyatʰa_íti /
Sentence: 5    mā́ṃ tr̥tī́yam íti savitā́ /
Sentence: 6    máyā prásūtā jeṣyatʰa_íti /
Sentence: 7    mā́ṃ caturtʰī́m íti sárasvatī /
Sentence: 8    indriyáṃ vo 'háṃ dʰāsyāmi_íti mā́ṃ pañcamám íti pūṣā́ /
Sentence: 9    máyā pratiṣṭháyā jeṣyatʰa_íti //

Verse: 7    {BS 1.6.2.18}
Sentence: 1    tè 'gnínā múkʰena_ásurān ajayan /
Sentence: 2    sómena rā́jñā /
Sentence: 3    savitrā́ prásūtāḥ /
Sentence: 4    sárasvatī_indriyám adadʰāt /
Sentence: 5    pūṣā́ pratiṣṭhā́_āsīt /
Sentence: 6    táto vái devā́ vyajayanta /
Sentence: 7    yád etā́ni havī́m̐ṣi nirupyánte víjityai /
Sentence: 8    ná_uttaravedím úpavapati /
Sentence: 9    paśávo vā́ uttaravedíḥ /
Sentence: 10    ájātā iva hy ètárhi paśávaḥ //

Paragraph: 3 
Verse: 1    {BS 1.6.3.19}
Sentence: 1    trivŕ̥d barhír bʰavati /
Sentence: 2    mātā́ pitā́ putráḥ /
Sentence: 3    tád evá tán mitʰunám /
Sentence: 4    úlbaṃ gárbʰo jarā́yu /
Sentence: 5    tád evá tán mitʰunám /
Sentence: 6    tredʰā́ barhíḥ sáṃnaddʰaṃ bʰavati /
Sentence: 7    tráya imé lokā́ḥ /
Sentence: 8    eṣv èvá lokéṣu prátitiṣṭhati /
Sentence: 9    ekadʰā́ púnaḥ sáṃnaddʰaṃ bʰavati /
Sentence: 10    éka iva hy àyáṃ lokáḥ //

Verse: 2    {BS 1.6.3.20}
Sentence: 1    asmínn evá téna loké prátitiṣṭhati /
Sentence: 2    prasúvo bʰavanti /
Sentence: 3    pratʰamajā́m evá púṣṭim ávarundʰe /
Sentence: 4    pratʰamajó vatsó dákṣiṇā sámr̥ddʰyai /
Sentence: 5    pr̥ṣadājyáṃ gr̥hṇāti /
Sentence: 6    paśávo vái pr̥ṣadājyám /
Sentence: 7    paśū́nā_iva_ávarundʰe /
Sentence: 8    pañcagr̥hītáṃ bʰavati /
Sentence: 9    pā́ṅktā hí paśávaḥ /
Sentence: 10    bahurūpáṃ bʰavati //

Verse: 3    {BS 1.6.3.21}
Sentence: 1    bahurūpā́ hí paśávaḥ sámr̥ddʰyai /
Sentence: 2    agníṃ mantʰanti /
Sentence: 3    agnímukʰā vái prajā́patiḥ prajā́ asr̥jata /
Sentence: 4    yád agníṃ mántʰanti /
Sentence: 5    agnímukʰā evá tát prajā́ yájamānaḥ sr̥jate /
Sentence: 6    náva prayājā́ ijyante /
Sentence: 7    náva_anūyājā́ḥ /
Sentence: 8    aṣṭáu havī́m̐ṣi /
Sentence: 9    dvā́v āgʰāráu /
Sentence: 10    dvā́v ā́jyabʰāgau //

Verse: 4    {BS 1.6.3.22}
Sentence: 1    trim̐śát sáṃpadyante /
Sentence: 2    trim̐śádakṣarā virā́ṭ /
Sentence: 3    ánnaṃ virā́ṭ /
Sentence: 4    virā́jā_evá_annā́dyam ávarundʰe /
Sentence: 5    yájamāno vā́ ékakapālaḥ /
Sentence: 6    téja ā́jyam /
Sentence: 7    yád ékakapāla ā́jyam ānáyati /
Sentence: 8    yájamānam evá téjasā sámardʰayati /
Sentence: 9    yájamāno vā́ ékakapālaḥ /
Sentence: 10    paśáva ā́jyam //

Verse: 5    {BS 1.6.3.23}
Sentence: 1    yád ékakapāla ā́jyam ānáyati /
Sentence: 2    yájamānam evá paśubʰiḥ sámardʰayati /
Sentence: 3    yád álpam ānáyet /
Sentence: 4    álpā enaṃ paśávo bʰuñjánta úpatiṣṭheran /
Sentence: 5    yád bahu_ ā̀nayet /
Sentence: 6    baháva enaṃ paśávo bʰuñjánta úpatiṣṭheran /
Sentence: 7    bahv ā̀nīya_āvíḥ pr̥ṣṭhaṃ kuryāt /
Sentence: 8    baháva eváinaṃ paśávo bʰuñjánta úpatiṣṭhante /
Sentence: 9    yájamāno vā́ ékakapālaḥ /
Sentence: 10    yád ékakapālasya_ávadyet //

Verse: 6    {BS 1.6.3.24}
Sentence: 1    yájamānasya_ávadyet /
Sentence: 2    úd vā mádyed yájamānaḥ /
Sentence: 3    prá vā mīyeta /
Sentence: 4    sakŕ̥d evá hotavyàḥ /
Sentence: 5    sakŕ̥d iva hí suvargó lokáḥ /
Sentence: 6    hutvā́_abʰíjuhoti /
Sentence: 7    yájamānam evá suvargáṃ lokáṃ gamayitvā́ /
Sentence: 8    téjasā sámardʰayati /
Sentence: 9    yájamāno vā́ ékakapālaḥ /
Sentence: 10    suvargó loká āhavanī́yaḥ //

Verse: 7    {BS 1.6.3.25}
Sentence: 1    yád ékakapālam āhavanī́ye juhóti /
Sentence: 2    yájamānam evá suvargáṃ lokáṃ gamayati /
Sentence: 3    yád dʰástena juhuyā́t /
Sentence: 4    suvargā́l lokā́d yájamānamávavidʰyet /
Sentence: 5    srucā́ juhoti /
Sentence: 6    suvargásya lokásya sámaṣṭyai /
Sentence: 7    yát prā́ṅ pádyeta /
Sentence: 8    devalokám abʰíjayet /
Sentence: 9    yád dakṣiṇā́ pitr̥lokám /
Sentence: 10    yát pratyák //

Verse: 8    {BS 1.6.3.26}
Sentence: 1    rákṣām̐si yajñám̐ hanyuḥ /
Sentence: 2    yád údaṅ /
Sentence: 3    manuṣyalokám abʰíjayet /
Sentence: 4    prátiṣṭhito hotavyàḥ /
Sentence: 5    ékakapālaṃ vái pratitíṣṭhantaṃ dyā́vāpr̥tʰivī́ ánu prátitiṣtʰataḥ /
Sentence: 6    dyā́vāpr̥tʰivī́ r̥távaḥ /
Sentence: 7    r̥tū́n yajñáḥ /
Sentence: 8    yajñáṃ yájamānaḥ /
Sentence: 9    yájamānaṃ prajā́ḥ /
Sentence: 10    tásmāt prátiṣṭhito hotavyàḥ //

Verse: 9    {BS 1.6.3.27}
Sentence: 1    vā́jino yajati /
Sentence: 2    agnír vāyúḥ sū́ryaḥ /
Sentence: 3    té vái vājínaḥ /
Sentence: 4    tána_ivá tád yajati /
Sentence: 5    átʰo kʰálv āhuḥ /
Sentence: 6    cʰándām̐si vái vā́jina íti /
Sentence: 7    tā́ny evá tád yajati /
Sentence: 8    r̥ksāmé vā́ índrasya hárī somapā́nau /
Sentence: 9    táyoḥ paridʰáya ādʰā́nam /
Sentence: 10    vā́jinaṃ bʰāgadʰéyam //

Verse: 10    {BS 1.6.3.28}
Sentence: 1    yád áprahr̥tya paridʰī́ñ juhuyāt /
Sentence: 2    antárādʰānābʰyāṃ gʰāsáṃ {AS dyā sáṃ} práyaccʰet /
Sentence: 3    prahŕ̥tya paridʰī́ñ juhoti /
Sentence: 4    nírādʰānābʰyām evá gʰāsáṃ {AS dyā sáṃ} práyaccʰati /
Sentence: 5    barhíṣi viṣiñcán vā́jinam ā́nayati /
Sentence: 6    prajā́ vái barhíḥ /
Sentence: 7    réto vā́jinam /
Sentence: 8    prajā́sv evá réto dadʰāti /
Sentence: 9    samupahū́ya bʰakṣayanti /
Sentence: 10    etát somapītʰā hy ete /
Sentence: 11    átʰo ātmánn evá réto dadʰate /
Sentence: 12    yájamāna úttamó bʰakṣayati /
Sentence: 13    paśávo vái vā́jinam /
Sentence: 14    yájamāna evá paśū́n prátiṣṭhāpayanti //

Paragraph: 4 
Verse: 1    {BS 1.6.4.29}
Sentence: 1    prajā́patiḥ savitā́ bʰūtvā́ prajā́ asr̥jata /
Sentence: 2    tā́ enam átyamanyanta /
Sentence: 3    tā́ asmād ápākrāman /
Sentence: 4    tā́ váruṇo bʰūtvā́ prajā́ váruṇena_agrāhayat /
Sentence: 5    tā́ḥ prajā́ váruṇagr̥hītāḥ /
Sentence: 6    prajā́patiṃ púnar úpādʰāvan nātʰám iccʰámānāḥ /
Sentence: 7    sá etā́n prajā́patir varuṇapragʰāsā́n apaśyat /
Sentence: 8    tā́n níravapat /
Sentence: 9    táir vái sá prajā́ varuṇapāśā́d amuñcat /
Sentence: 10    yád varuṇapragʰāsā́ nirupyánte //

Verse: 2    {BS 1.6.4.30}
Sentence: 1    prajā́nām ávaruṇagrāhāya /
Sentence: 2    tā́sāṃ dákṣiṇo bāhúr nyàkna ā́sīt /
Sentence: 3    savyáḥ prásr̥taḥ /
Sentence: 4    sá etā́ṃ dvitī́yāṃ dakṣiṇató védim údahan /
Sentence: 5    táto vái sá prajā́nāṃ dákṣiṇaṃ bāhúṃ prā́sārayat /
Sentence: 6    yád dvitī́yāṃ dakṣiṇató védim uddʰánti /
Sentence: 7    tásmāc cāturmāsyayājy àmúṣmim̐l loká ubʰayā́bāhuḥ /
Sentence: 8    yajña_ábʰijitam̐ hy àsyá /
Sentence: 9    pr̥tʰamātrā́d védī ásaṃbʰinne bʰavataḥ //

Verse: 3    {BS 1.6.4.31}
Sentence: 1    tásmāt pr̥tʰamātraṃ vyám̐sau /
Sentence: 2    úttarasyāṃ védyām uttaravedím úpavapati /
Sentence: 3    paśávo vā́ uttaravedíḥ /
Sentence: 4    paśū́n evá_avarundʰe /
Sentence: 5    átʰo yajñaparúṣó 'nantarityai /
Sentence: 6    etád brāhmaṇāny evá páñca havī́m̐ṣi /
Sentence: 7    átʰaiṣá aindrāgnó bʰavati /
Sentence: 8    prāṇāpānáu vā́ etáu devā́nām /
Sentence: 9    yád indrāgnī́ /
Sentence: 10    yád aindrāgnó bʰávati //

Verse: 4    {BS 1.6.4.32}
Sentence: 1    prāṇāpānā́v evá_avarundʰe /
Sentence: 2    ójo bálaṃ vā́ etáu devā́nām /
Sentence: 3    yád indrāgnī́ /
Sentence: 4    yád aindrāgnó bʰávati /
Sentence: 5    ójo bálam evá_avarundʰe /
Sentence: 6    māruty ā̀míkṣā bʰavati /
Sentence: 7    vāruṇy ā̀míkṣā /
Sentence: 8    meṣī́ ca meṣáś ca bʰavataḥ /
Sentence: 9    mitʰunā́ evá prajā́ varuṇapāśā́n muñcati /
Sentence: 10    lomaśáu bʰavato medʰyatvā́ya //

Verse: 5    {BS 1.6.4.33}
Sentence: 1    śamīparṇā́ny úpavapati /
Sentence: 2    gʰāsám evá_ābʰyām ápiyaccʰati /
Sentence: 3    prajā́patim annā́dyaṃ ná_upānamat /
Sentence: 4    sá eténa śata_ídʰmena havíṣā_annā́dyam ávārundʰa /
Sentence: 5    yát paraḥśatā́ni śamīparṇā́ni bʰávanti /
Sentence: 6    annā́dyasya_ávaruddʰyai /
Sentence: 7    saumyā́ni vái karī́rāṇi /
Sentence: 8    saumyā́ kʰálu vā́ ā́hutir divó vŕ̥ṣṭiṃ cyāvayati /
Sentence: 9    yát karī́rāṇi bʰávanti /
Sentence: 10    saumyáyā_evá_ā́hutyā divó vŕ̥ṣṭim ávarundʰe /
Sentence: 11    kāyá ékakapālo bʰavati /
Sentence: 12    prajā́naṃ kantvā́ya {BS kaṃtvā́ya} /
Sentence: 13    pratipūruṣáṃ karambʰapātrā́ṇi bʰavanti /
Sentence: 14    jātā́ evá prajā́ varuṇapāśā́n muñcati /
Sentence: 15    ékam átiriktam /
Sentence: 16    janiṣyámāṇā evá prajā́ varuṇapāśā́n muñcati //

Paragraph: 5 
Verse: 1    {BS 1.6.5.34}
Sentence: 1    úttarasyāṃ védyām anyā́ni havī́m̐ṣi sādayati /
Sentence: 2    dákṣiṇāyāṃ mārutī́m /
Sentence: 3    apadʰurám eváināṃ yunakti /
Sentence: 4    átʰo ója evā́sām ávaharati /
Sentence: 5    tásmād bráhmaṇaś ca kṣattrā́c ca víśo 'nyato 'pakramíṇīḥ /
Sentence: 6    mārutyā́ pū́rvayā prácarati /
Sentence: 7    ánr̥tam evā́_avayajate /
Sentence: 8    vāruṇyā_úttarayā /
Sentence: 9    antatá evá {AS évaṃ} váruṇam ávayajate /
Sentence: 10    yád evá_adʰvaryúḥ karóti //

Verse: 2    {BS 1.6.5.35}
Sentence: 1    tát pratiprastʰātā́ karoti /
Sentence: 2    tásmād yát_ śréyān karóti /
Sentence: 3    tát pā́pīyān karoti /
Sentence: 4    pátnīṃ vācayati /
Sentence: 5    médʰyām eváināṃ karoti /
Sentence: 6    átʰo tápa eváinām úpanayati /
Sentence: 7    yát_ jārám̐ sántaṃ ná prabrūyāt /
Sentence: 8    priyáṃ jñātím̐ rundʰyāt /
Sentence: 9    asáu me jārá íti nírdiśet /
Sentence: 10    nirdíśya_eváinaṃ varuṇapāśéna grāhayati //

Verse: 3    {BS 1.6.5.36}
Sentence: 1    pragʰāsyā́n havāmaha íti pátnīm udā́nayati /
Sentence: 2    áhūtā_eváinām {BS áhvataiváinām} /
Sentence: 3    yát pátnī puronuvākyā̀m anubrūyā́t /
Sentence: 4    nírvīryo yájamānaḥ syāt /
Sentence: 5    yájamāno 'nvāha /
Sentence: 6    ātmánn evá vīryàṃ dʰatte /
Sentence: 7    ubʰáu yājyā̀m̐ savīryatvā́ya /
Sentence: 8    yád grā́me yád áraṇya íty āha /
Sentence: 9    yatʰā_uditám evá váruṇam ávayajate /
Sentence: 10    yajamānadevatyò vā́ āhavanī́yaḥ //

Verse: 4    {BS 1.6.5.37}
Sentence: 1    bʰrātr̥vyadevatyò dákṣiṇaḥ /
Sentence: 2    yád āhavanī́ye juhuyā́t /
Sentence: 3    yájamānaṃ varuṇapāśéna grāhayet /
Sentence: 4    dákṣiṇe 'gnau juhoti /
Sentence: 5    bʰrā́tr̥vyam evá varuṇapāśéna grāhayati /
Sentence: 6    śū́rpeṇa juhoti /
Sentence: 7    ányam evá váruṇam ávayajate /
Sentence: 8    śīrṣánn adʰinidʰā́ya juhoti /
Sentence: 9    śīrṣatá evá váruṇam ávayajate /
Sentence: 10    pratyáṅ tiṣṭhan_juhoti //
Sentence: 11    {AS editor's note catuṣkoṇagatā kaṇḍikā_iyaṃ pradapātabʰrameṇa daṇḍapātabʰrameṇa vā_aṣṭapadā jātā}

Verse: 5    {BS 1.6.5.38}
Sentence: 1    pratyáṅṅ evá varuṇapāśā́n nirmucyate /
Sentence: 2    ákran kárma karmakŕ̥ta íty āha /
Sentence: 3    devā́n r̥ṇáṃ niravadā́ya /
Sentence: 4    anr̥ṇā gr̥hā́n úpapréta_íti vā́va_étád āha /
Sentence: 5    váruṇagr̥hītaṃ vā́ etád yajñásya /
Sentence: 6    yád yájuṣā gr̥hītásya_atirícyate /
Sentence: 7    túṣāś ca niṣkāsáś ca /
Sentence: 8    túṣaiś ca niṣkāséna ca_avabʰr̥tʰám ávaiti /
Sentence: 9    váruṇagr̥hītena_evá váruṇam ávayajate /
Sentence: 10    apò 'vabʰr̥tʰám ávaiti //

Verse: 6    {BS 1.6.5.39}
Sentence: 1    apsú vái váruṇaḥ /
Sentence: 2    sākṣā́d evá váruṇam ávayajate /
Sentence: 3    prátiyuto váruṇasya pā́śa íty āha /
Sentence: 4    varuṇapāśā́d evá nírmucyate /
Sentence: 5    ápratīkṣam ā́yanti /
Sentence: 6    váruṇasya_antárhityai /
Sentence: 7    édʰo 'sya_idʰiṣīmáhi_íty āha /
Sentence: 8    samídʰā_evá_agníṃ namasyánta upā́yanti /
Sentence: 9    téjo 'si téjo máyi dʰehi_íty āha /
Sentence: 10    téja evá_ātmán dʰatte //

Paragraph: 6 
Verse: 1    {BS 1.6.6.40}
Sentence: 1    deva_asurā́ḥ sáṃyattā āsan /
Sentence: 2    sò 'gnír abravīt /
Sentence: 3    máma_iyám ánīkavatī tanū́ḥ /
Sentence: 4    tā́ṃ prīṇīta /
Sentence: 5    átʰa_asurān abʰíbʰaviṣyatʰa_íti /
Sentence: 6    té devā́ agnáyé 'nīkavate puroḍā́śam aṣṭā́kapālaṃ níravapan /
Sentence: 7    sò 'gnír ánīkavān svéna bʰāgadʰéyena prītáḥ /
Sentence: 8    caturdʰā_ánīkāny ajanayata /
Sentence: 9    táto devā́ ábʰavan /
Sentence: 10    párā_asurāḥ //

Verse: 2    {BS 1.6.6.41}
Sentence: 1    yád agnáye 'nīkavate púroḍā́śam aṣṭā́kapālaṃ nirvápati /
Sentence: 2    agním evá_ánīkavantam̐ svéna bʰágadʰéyena prīṇāti /
Sentence: 3    sò 'gnír ánīkavān svéna bʰāgadʰéyena prītáḥ /
Sentence: 4    caturdʰā_ánīkāni janayate /
Sentence: 5    asáu vā́ ādityò 'gnír ánīkavān /
Sentence: 6    tásya raśmáyó 'nīkāni /
Sentence: 7    sākám̐ sū́ryeṇa_udyatā́ nírvapati /
Sentence: 8    sākṣā́d evā́smā ánīkāni janayati /
Sentence: 9    té 'surāḥ párājitā yántaḥ /
Sentence: 10    dyā́vāpr̥tʰivī́ úpāśrayan //

Verse: 3    {BS 1.6.6.42}
Sentence: 1    té devā́ marúdbʰyaḥ sāṃtapanébʰyaś carúṃ níravapan /
Sentence: 2    tā́ṃ dyā́vāpr̥tʰivī́bʰyām eva_úbʰayátaḥ sámatapan /
Sentence: 3    yán marúdbʰyaḥ sāṃtapanébʰyaś carúṃ nirvápati /
Sentence: 4    dyā́vāpr̥tʰivī́bʰyām evá tád ubʰayáto yájamāno bʰrā́tr̥vyān sáṃtapati /
Sentence: 5    madʰyáṃdine nírvapati /
Sentence: 6    tárhi hité 'kṣniṣṭhaṃ tápati /
Sentence: 7    carúr bʰavati /
Sentence: 8    sarváta eváinān sáṃtapati /
Sentence: 9    té devā́ḥ śvovijayínaḥ sántaḥ /
Sentence: 10    sárvāsāṃ dugdʰé gr̥hamedʰī́yaṃ carúṃ níravapan //

Verse: 4    {BS 1.6.6.43}
Sentence: 1    ā́śitā evá_adya_úpavasāma /
Sentence: 2    kásya vā́ ha_ídam /
Sentence: 3    kásya vā śvó bʰavitā_íti /
Sentence: 4    sá śr̥tò 'bʰavat /
Sentence: 5    tásya_áhutasya ná_aśnann /
Sentence: 6    ná hí devā́ áhutasya_aśnánti /
Sentence: 7    tè 'bruvan /
Sentence: 8    kásmā imám̐ hoṣyāma íti /
Sentence: 9    marúdbʰyo gr̥hamedʰíbʰya íty abruvan {BS abruvam} /
Sentence: 10    táṃ marúdbʰyo gr̥hamedʰíbʰyo 'juhavuḥ //

Verse: 5    {BS 1.6.6.44}
Sentence: 1    táto devā́ ábʰavan /
Sentence: 2    párā_ásurāḥ /
Sentence: 3    yásya_eváṃ vidúṣo marúdbʰyo gr̥hamedʰíbʰyo gr̥hé júhvati /
Sentence: 4    bʰávaty ātmánā /
Sentence: 5    párā_asya bʰrā́tr̥vyo bʰavati /
Sentence: 6    yád vái yajñásya pākatrā́ kriyáte /
Sentence: 7    paśavyàṃ tat /
Sentence: 8    pākatrā́ vā́ etát kriyate /
Sentence: 9    yán ná_idʰmā́barhír bʰávati /
Sentence: 10    ná sāmidʰenī́r anvā́ha //

Verse: 6    {BS 1.6.6.45}
Sentence: 1    ná prayājā́ ijyánte /
Sentence: 2    ná_anūyājā́ḥ /
Sentence: 3    yá eváṃ véda /
Sentence: 4    paśumā́n bʰavati /
Sentence: 5    ā́jyabʰāgau yajati /
Sentence: 6    yajñásyaivá cákṣuṣī ná_antáreti /
Sentence: 7    marúto gr̥hamedʰíno yajati /
Sentence: 8    bʰāgadʰéyena_eváinān sámardʰayati /
Sentence: 9    agním̐ sviṣṭakŕ̥taṃ yajati prátiṣṭhityai /
Sentence: 10    íḍānto bʰavati /
Sentence: 11    paśávo vā́ íḍā /
Sentence: 12    paśúṣv evá_upáriṣṭāt prátitiṣṭhati //

Paragraph: 7 
Verse: 1    {BS 1.6.7.46}
Sentence: 1    yát pátnī gr̥hamedʰī́yasya_aśnīyā́t /
Sentence: 2    gr̥hamedʰy èvá syāt /
Sentence: 3    ví tv asya yajñá r̥dʰyeta /
Sentence: 4    yán ná_aśnīyāt /
Sentence: 5    ágr̥hamedʰī syāt /
Sentence: 6    ná_asya yajñó vyr̥ddʰyeta /
Sentence: 7    prátiveśaṃ paceyuḥ /
Sentence: 8    tásya_aśnīyā́t /
Sentence: 9    gr̥hamedʰy èvá bʰavati /
Sentence: 10    ná_asya yajñó vyr̥dʰyate //

Verse: 2    {BS 1.6.7.47}
Sentence: 1    té devā́ gr̥hamedʰī́yena_iṣṭvā́ /
Sentence: 2    ā́śitā abʰavan /
Sentence: 3    ā́ñjata_abʰyàñjata /
Sentence: 4    ánu vatsā́n avāsayan /
Sentence: 5    tébʰyó 'surāḥ kṣudʰaṃ prā́hiṇvan /
Sentence: 6    sā́ devéṣu lokám ávittvā /
Sentence: 7    ásurān púnar agaccʰat /
Sentence: 8    gr̥hamedʰī́yena_iṣṭvā́ /
Sentence: 9    ā́śitā bʰavanti /
Sentence: 10    ā́ñjate 'bʰyàñjate //

Verse: 3    {BS 1.6.7.48}
Sentence: 1    ánu vatsā́n vāsayanti /
Sentence: 2    bʰrā́tr̥vyāyaivá tád yájamānaḥ kṣúdʰaṃ práhiṇoti /
Sentence: 3    té devā́ gr̥hamedʰī́yena_iṣṭvā́ /
Sentence: 4    índrāya niṣkāsáṃ nyadadʰuḥ /
Sentence: 5    asmā́n evá śvá índro níhitabʰāga upāvartitā_íti /
Sentence: 6    tā́n índro níhitabʰāga upā́vartata /
Sentence: 7    gr̥hamedʰī́yena_iṣṭvā́ /
Sentence: 8    índrāya niṣkāsáṃ nídadʰyāt /
Sentence: 9    índra eváinaṃ níhitabʰāga upā́vartate /
Sentence: 10    gā́rhapatye juhoti //

Verse: 4    {BS 1.6.7.49}
Sentence: 1    bʰāgadʰéyenaivainam̐ {BS bʰagadʰéyeneváinam̐} sámardʰayati /
Sentence: 2    r̥ṣabʰám ā́hvayati /
Sentence: 3    vaṣaṭkārá evā́sya sáḥ /
Sentence: 4    átʰo indriyám evá tád vīryàṃ yájamāno bʰrā́tr̥vyasya vr̥ṅkte /
Sentence: 5    índro vr̥trám̐ hatvā́ /
Sentence: 6    párāṃ parāvátam agaccʰat /
Sentence: 7    ápārādʰam íti mányamānaḥ /
Sentence: 8    sò 'bravīt /
Sentence: 9    ká idáṃ vediṣyati_íti /
Sentence: 10    tè 'bruvan marúto váraṃ vr̥ṇāmahai //

Verse: 5    {BS 1.6.7.50}
Sentence: 1    átʰa vayáṃ vedāma /
Sentence: 2    asmábʰyam evá pratʰamám̐ havírnírupyātā íti /
Sentence: 3    tá enam ádʰyakrīḍan /
Sentence: 4    tát krīḍínāṃ krīḍitvám /
Sentence: 5    yán marúdbʰyaḥ krīḍíbʰyaḥ pratʰámam̐ havír nirupyáte víjityai /
Sentence: 6    sākám̐ sū́ryeṇa_udyatā́ nírvapati /
Sentence: 7    etásmin vái loká índro vr̥trám ahan sámr̥ddʰyai /
Sentence: 8    etád brāhmaṇāny evá páñca havī́m̐ṣi /
Sentence: 9    etád brāhmaṇa aindrāgnáḥ /
Sentence: 10    átʰaiṣá aindráś carúr bʰavati //
{BS 1.6.7.51}
Sentence: 11    uddʰāráṃ vā́ etám índra údaharata /
Sentence: 12    vr̥trám̐ hatvā́ /
Sentence: 13    anyā́su devátāsv ádʰi /
Sentence: 14    yád eṣá aindráś carúr bʰávati /
Sentence: 15    uddʰārám evá táṃ yájamāna úddʰarate /
Sentence: 16    anyā́su prajā́sv ádʰi /
Sentence: 17    vaiśvakarmaṇá ékakapālo bʰavati /
Sentence: 18    víśvāny evá téna kármāṇi yájamānó 'varundʰe //

Paragraph: 8 
Verse: 1    {BS 1.6.8.52}
Sentence: 1    vaiśvadevéna vái prajā́patiḥ prajā́ asr̥jata /
Sentence: 2    tā́ varuṇapragʰāsáir varuṇapāśā́d amuñcat /
Sentence: 3    sākamedʰáiḥ prátyastʰāpayat /
Sentence: 4    tryàmbakai {AS tryàmbakair} rudráṃ nirávādayata /
Sentence: 5    pitr̥yajñéna suvargáṃ lokám agamayat /
Sentence: 6    yád vaiśvadevéna yájate /
Sentence: 7    prajā́ evá tád yájamānaḥ sr̥jate /
Sentence: 8    tā́ varuṇapragʰāsáir varuṇapāśā́n muñcati /
Sentence: 9    sākamedʰáiḥ prátiṣṭhāpayati /
Sentence: 10    tryàmbakai {AS tryàmbakair} rudráṃ nírávadayate //

Verse: 2    {BS 1.6.8.53}
Sentence: 1    pitr̥yajñéna suvargáṃ lokáṃ gamayati /
Sentence: 2    dakṣiṇatáḥ prācīnāvītī́ nírvapati /
Sentence: 3    dakṣiṇā́vr̥d dʰí pitr̥ṇā́m /
Sentence: 4    ánādr̥tya tát /
Sentence: 5    uttaratá evá_upavī́ya nírvapet /
Sentence: 6    ubʰáye hí devā́ś ca pitáraś ca_ijyánte /
Sentence: 7    átʰo yád evá dakṣiṇārdʰè 'dʰiśráyati /
Sentence: 8    téna dakṣiṇā́vr̥t /
Sentence: 9    sómāya pitr̥máte puroḍā́śam̐ ṣáṭkapālaṃ nírvapati /
Sentence: 10    saṃvatsaró vái sómaḥ pitr̥mā́n //

Verse: 3    {BS 1.6.8.54}
Sentence: 1    saṃvatsarám evá prīṇāti /
Sentence: 2    pitŕ̥bʰyo barhiṣádbʰyo dʰānā́ḥ /
Sentence: 3    mā́sā vái pitáro barhiṣádaḥ /
Sentence: 4    mā́sān evá prīṇāti /
Sentence: 5    yásmin vā́ r̥táu púruṣaḥ pramī́yate /
Sentence: 6    sò 'sya_amúṣmim̐l loké bʰavati /
Sentence: 7    bahurūpā́ dʰānā́ bʰavanti /
Sentence: 8    ahorātrā́ṇām abʰíjityai /
Sentence: 9    pitŕ̥bʰyo 'gniṣvāttébʰyo mantʰám /
Sentence: 10    ardʰamāsā́ vái pitáro 'gniṣvātā́ḥ //

Verse: 4    {BS 1.6.8.55}
Sentence: 1    ardʰamāsā́n evá prīṇāti /
Sentence: 2    abʰivānyā̀yai dugdʰé bʰavati /
Sentence: 3    sā́ hí pitr̥devatyàṃ duhé /
Sentence: 4    yát pūrṇám /
Sentence: 5    tán manuṣyā̀ṇām /
Sentence: 6    uparyardʰó devā́nām /
Sentence: 7    ardʰáḥ pitr̥ṇām /
Sentence: 8    ardʰá úpamantʰati /
Sentence: 9    ardʰó hí pitr̥ṇām /
Sentence: 10    ékayā_úpamantʰati //

Verse: 5    {BS 1.6.8.56}
Sentence: 1    ékā hí pitr̥ṇām /
Sentence: 2    dakṣiṇā_úpamantʰati /
Sentence: 3    dakṣiṇā́vr̥d dʰí pitr̥ṇā́m /
Sentence: 4    ánārabʰya_úpamantʰati /
Sentence: 5    tád dʰí pitŕ̥̄n gáccʰati /
Sentence: 6    imā́ṃ díśaṃ védim úddʰanti /
Sentence: 7    umáye hí devā́ś ca pitáraś ca_ijyánte /
Sentence: 8    cátuḥsraktir bʰavati /
Sentence: 9    sárvā hy ánu díśaḥ pitáraḥ /
Sentence: 10    ákʰātā bʰavati //

Verse: 6    {BS 1.6.8.57}
Sentence: 1    kʰātā́ hí devā́nām /
Sentence: 2    madʰyatò 'gnír ā́dʰīyate /
Sentence: 3    antató hí devā́nām ādʰīyáte /
Sentence: 4    várṣīyān idʰmá idʰmā́d bʰavati vyā́vr̥ttyai /
Sentence: 5    páriśrayati /
Sentence: 6    antárhito hí pitr̥lokó manuṣyalokā́t /
Sentence: 7    yát páruṣi dinám /
Sentence: 8    tád devā́nām /
Sentence: 9    yád antarā́ /
Sentence: 10    tán manuṣyā̀ṇām //

Verse: 7    {BS 1.6.8.58}
Sentence: 1    yát sámūlam /
Sentence: 2    tát pitr̥ṇā́m /
Sentence: 3    sámūlaṃ barhír bʰavati vyā́vr̥ttyai /
Sentence: 4    dakṣiṇā́ str̥ṇāti /
Sentence: 5    dakṣiṇā́vr̥d dʰí pitr̥ṇā́m /
Sentence: 6    tríḥ páryeti /
Sentence: 7    tr̥tī́ye vā́ itó loké pitáraḥ /
Sentence: 8    tā́n evá prīṇāti /
Sentence: 9    tríḥ púnaḥ páryeti /
Sentence: 10    ṣáṭ sáṃpadyante //

Verse: 8    {BS 1.6.8.59}
Sentence: 1    ṣáḍ vā́ r̥távaḥ /
Sentence: 2    r̥tū́n evá prīṇāti /
Sentence: 3    yát prastaráṃ yájuṣā gr̥hṇīyā́t /
Sentence: 4    pramā́yuko yájamānaḥ syāt /
Sentence: 5    yán ná gr̥hṇīyā́t /
Sentence: 6    anāyatanáḥ syāt /
Sentence: 7    tūṣṇī́m evá nyasyet /
Sentence: 8    ná pramā́yuko bʰávati /
Sentence: 9    ná_anāyatanáḥ /
Sentence: 10    yát trī́n paridʰī́n paridadʰyā́t //

Verse: 9    {BS 1.6.8.60}
Sentence: 1    mr̥tyúnā yájamānaṃ párigr̥hṇīyāt /
Sentence: 2    yán ná paridadʰyā́t /
Sentence: 3    rákṣām̐si yajñám̐ hanyuḥ /
Sentence: 4    dváu paridʰī́ páridadʰāti /
Sentence: 5    rákṣasām ápahatyai /
Sentence: 6    átʰo mr̥tyór evá yájamānam útsr̥jati /
Sentence: 7    yát trī́ṇi_trīṇi havī́m̐ṣy udāháreyuḥ /
Sentence: 8    tráyas_traya eṣā́m̐ sākáṃ prámīyeran /
Sentence: 9    ékaikam anūcī́nāny udā́haranti /
Sentence: 10    ékaika eváiṣām anváñcaḥ prámīyate /
Sentence: 11    kaśípu kaśipavyā̀ya /
Sentence: 12    upabárhaṇam upabarhaṇyā̀ya /
Sentence: 13    ā́ñjanam āñjanyā̀ya /
Sentence: 14    abʰyáñjanam abʰyañjanyā̀ya /
Sentence: 15    yatʰābʰāgám eváinān prīṇāti //

Paragraph: 9 
Verse: 1    {BS 1.6.9.61}
Sentence: 1    agnáye devébʰyaḥ pitŕ̥bʰyaḥ samidʰyámānāya_ánubrūhi_íty āha /
Sentence: 2    ubʰáye hí devā́ś ca pitáraś ca_ijyánte /
Sentence: 3    ékām ánvāha /
Sentence: 4    ékā hí pitr̥ṇā́m /
Sentence: 5    trír ánvāha /
Sentence: 6    trír hí devā́nām /
Sentence: 7    āgʰārā́v ā́gʰārayati /
Sentence: 8    yajñaparúṣor ánantarityai /
Sentence: 9    ná_ārṣeyáṃ vr̥ṇīte /
Sentence: 10    ná hótāram //

Verse: 2    {BS 1.6.9.62}
Sentence: 1    yád ārṣeyáṃ vr̥ṇītá /
Sentence: 2    yád dʰótāram /
Sentence: 3    pramā́yuko yájamānaḥ syāt /
Sentence: 4    pramā́yuko hótā /
Sentence: 5    tásmān ná vr̥ṇīte /
Sentence: 6    yájamānasya hótur gopītʰā́ya /
Sentence: 7    ápabarhiṣaḥ prayājā́n yajati /
Sentence: 8    prajā́ vái barhíḥ /
Sentence: 9    prajā́ evá mr̥tyór útsr̥jati /
Sentence: 10    ā́jyabʰāgau yajati //

Verse: 3    {BS 1.6.9.63}
Sentence: 1    yajñásyaivá cákṣuṣī ná_antáreti /
Sentence: 2    prācīnāvītī́ sómaṃ yajati /
Sentence: 3    pitr̥devatyā̀ hí /
Sentence: 4    eṣā_ā́hutīḥ /
Sentence: 5    páñcakŕ̥tvó 'vadyati /
Sentence: 6    páñca hy ètā́ devátāḥ /
Sentence: 7    dvé puro'nuvākyè /
Sentence: 8    yājyā̀ devátā vaṣaṭkāráḥ /
Sentence: 9    tā́ evá prīṇāti /
Sentence: 10    sántatam ávadyati //

Verse: 4    {BS 1.6.9.64}
Sentence: 1    r̥tūnā́m̐ sáṃtatyai /
Sentence: 2    pra_évaibʰyaḥ pū́rvayā puro'nuvākyàyā_āha /
Sentence: 3    práṇayati dvitī́yayā /
Sentence: 4    gamáyati yājyàyā /
Sentence: 5    tr̥tī́ye vā́ itó loké pitáraḥ /
Sentence: 6    áhna eváinān {AS eváināṃ} pū́rvayā puro'nuvākyàyā_atyā́nayati /
Sentence: 7    rā́triyai dvitī́yayā /
Sentence: 8    ā_éváinān yājyàyā gamayati /
Sentence: 9    dakṣiṇatò 'vadā́ya /
Sentence: 10    údaṅṅ átikrāmati vyā́vr̥ttyai //

Verse: 5    {BS 1.6.9.65}
Sentence: 1    ā́ svadʰā_íty ā́śrāvayati /
Sentence: 2    ástu svadʰā_íti pratyā́śrāvayati /
Sentence: 3    svadʰā́ náma íti váṣaṭkaroti /
Sentence: 4    svadʰākāró hí pitr̥ṇā́m /
Sentence: 5    sómam ágre yajati /
Sentence: 6    sómaprayājā hí pitáraḥ /
Sentence: 7    sómaṃ pitr̥mántaṃ yajati /
Sentence: 8    saṃvatsaró vái sómaḥ pitr̥mā́n /
Sentence: 9    saṃvatsarám evá tád yajati /
Sentence: 10    pitŕ̥̄n barhiṣádo yajati //

Verse: 6    {BS 1.6.9.66}
Sentence: 1    yé vái yájvānaḥ /
Sentence: 2    té pitáro barhiṣádaḥ /
Sentence: 3    tā́n evá tád yajati /
Sentence: 4    pitŕ̥̄n agniṣvāttā́n yajati /
Sentence: 5    yé vā́ áyajvāno gr̥hamedʰínaḥ /
Sentence: 6    té pitáro 'gniṣvāttā́ḥ /
Sentence: 7    tā́n evá tád yajati /
Sentence: 8    agníṃ kavyavā́hanaṃ yajati /
Sentence: 9    yá evá pitr̥ṇā́m agníḥ /
Sentence: 10    tám evá tád yajati //

Verse: 7    {BS 1.6.9.67}
Sentence: 1    átʰo yátʰā_agním̐ sviṣṭakŕ̥taṃ yájati /
Sentence: 2    tādŕ̥g evá tát /
Sentence: 3    etát te táta yé ca tvā́m ánv íti tisŕ̥ṣu sraktī́ṣu nídadʰāti /
Sentence: 4    tásmād ā́ tr̥tīyāt púruṣān nā́ma nígr̥hṇanti {BS nā́ma ná gr̥hṇanti} /
Sentence: 5    etā́vanto hi_íjyánte /
Sentence: 6    átra pitaro yatʰābʰāgáṃ mandadʰvam íty āha /
Sentence: 7    hlī́kā hí pitáraḥ /
Sentence: 8    údañco níṣkrāmanti /
Sentence: 9    eṣā́ vái manuṣyā̀ṇāṃ dik /
Sentence: 10    svā́m evá tád díśam ánu níṣkrāmanti //

Verse: 8    {BS 1.6.9.68}
Sentence: 1    āhavanī́yam úpatiṣṭhante /
Sentence: 2    ny èvā́smai tád dʰnuvate /
Sentence: 3    yát saty ā̀havanī́ye /
Sentence: 4    átʰa_anyátra cáranti /
Sentence: 5    ā́ támitor úpatiṣṭhante /
Sentence: 6    agním evá_upadraṣṭā́raṃ kr̥tvā́ /
Sentence: 7    pitŕ̥̄n nirávadayante /
Sentence: 8    ántaṃ vā́ eté prāṇā́nāṃ gaccʰanti /
Sentence: 9    yá ā́ támitor upatíṣṭhante /
Sentence: 10    susaṃdŕ̥śaṃ tvā vayám íty āha //

Verse: 9    {BS 1.6.9.69}
Sentence: 1    prāṇó vái susaṃdŕ̥k /
Sentence: 2    prāṇám evá_ātmán dadʰate /
Sentence: 3    yójā nv ìndra te hárī íty āha /
Sentence: 4    prāṇám evá púnar ayuṅkta /
Sentence: 5    ákṣann ámīmadanta hi_íti gā́rhapatyam úpatiṣṭhante /
Sentence: 6    ákṣann ámīmadanta_átʰa tvā_úpatiṣṭhāmaha íti vā́va_étád āha /
Sentence: 7    ámīmadanta pitáraḥ somyā́ íty abʰíprápadyante /
Sentence: 8    ámīmadanta pitáró 'tʰa tvā_abʰíprápadyāmaha íti vā́va_étád āha /
Sentence: 9    apáḥ páriṣiñcati /
Sentence: 10    mārjáyaty eváinān //

Verse: 10    {BS 1.6.9.70}
Sentence: 1    átʰo tarpáyaty evá /
Sentence: 2    tŕ̥pyati prajáyā paśúbʰiḥ /
Sentence: 3    yá eváṃ véda /
Sentence: 4    ápabarhiṣāv anūyājáu yajati /
Sentence: 5    prajā́ vái barhíḥ /
Sentence: 6    prajā́ evá mr̥tyór útsr̥jati /
Sentence: 7    catúraḥ prayājā́n yajati /
Sentence: 8    dvā́v anūyājáu /
Sentence: 9    ṣáṭ sáṃpadyante /
Sentence: 10    ṣáḍ vā́ r̥távaḥ //
{BS 1.6.9.71}
Sentence: 11    r̥tū́n evá prīṇāti /
Sentence: 12    ná pátny ánvāste /
Sentence: 13    ná sáṃyājayanti /
Sentence: 14    yát pátny anvā́sīta /
Sentence: 15    yát saṃyājáyeyuḥ /
Sentence: 16    pramā́yukā syāt /
Sentence: 17    tásmān ná_anvāste /
Sentence: 18    ná sáṃyājayanti /
Sentence: 19    pátniyai gopītʰā́ya //

Paragraph: 10 
Verse: 1    {BS 1.6.10.72}
Sentence: 1    pratipūruṣám ékakapālān nírvapati /
Sentence: 2    jātā́ eva prajā́ rudrā́n nirávadayate /
Sentence: 3    ékam átiriktam /
Sentence: 4    janiṣyámāṇā evá prajā́ rudrā́n nirávadayate /
Sentence: 5    ékakapālā bʰavanti /
Sentence: 6    ekadʰā_evá rudráṃ nirávadayate /
Sentence: 7    ná_abʰígʰārayati /
Sentence: 8    yád abʰigʰāráyet /
Sentence: 9    antaravacāríṇam̐ rudráṃ kuryāt /
Sentence: 10    eka_úlmukéna yanti //

Verse: 2    {BS 1.6.10.73}
Sentence: 1    tád dʰí rudrásya bʰāgadʰéyam /
Sentence: 2    imā́ṃ díśaṃ yanti /
Sentence: 3    eṣā́ vái rudrásya dík /
Sentence: 4    svā́yām evá diśí rudráṃ nirávadayate /
Sentence: 5    rudró vā́ apaśúkāyā ā́hutyai ná_atiṣṭhata /
Sentence: 6    asáu te paśúr íti nírdiśed yáṃ dviṣyā́t /
Sentence: 7    yám evá dvéṣṭi /
Sentence: 8    tám asmai paśúṃ nírdiśati /
Sentence: 9    yádi ná dviṣyā́t /
Sentence: 10    ākʰús te paśúr íti brūyāt //

Verse: 3    {BS 1.6.10.74}
Sentence: 1    ná grāmyā́n paśū́n hinásti /
Sentence: 2    ná_araṇyā́n /
Sentence: 3    catuṣpatʰé juhoti /
Sentence: 4    eṣá vā́ agnīnā́ṃ páḍbīśo nā́ma /
Sentence: 5    agniváty evá juhoti /
Sentence: 6    madʰyaména parṇéna juhoti /
Sentence: 7    srúgd hy eṣā /
Sentence: 8    átʰo kʰálu /
Sentence: 9    antaménaivá hotavyàm /
Sentence: 10    antatá evá rudráṃ nirávadayate //

Verse: 4    {BS 1.6.10.75}
Sentence: 1    eṣá te rudra bʰāgáḥ sahá svásrā_ámbikayā íty āha /
Sentence: 2    śarád vā́ asya_ámbikā svásā /
Sentence: 3    táyā vā́ eṣá hinasti /
Sentence: 4    yám̐ hinásti /
Sentence: 5    táyā_eváinam̐ sahá śamayati /
Sentence: 6    bʰeṣajáṃ gáva íty āha /
Sentence: 7    yā́vanta evá grāmyā́ḥ paśávaḥ /
Sentence: 8    tébʰyo bʰeṣajáṃ karoti /
Sentence: 9    áva_amba rudrám adimahi_íty āha /
Sentence: 10    āśíṣam eváitā́m ā́śāste //

Verse: 5    {BS 1.6.10.76}
Sentence: 1    tryàmbakaṃ yajāmaha íty āha /
Sentence: 2    mr̥tyór mukṣīya mā́_amŕ̥tād íti vā́vá_etád āha /
Sentence: 3    útkiranti /
Sentence: 4    bʰágasya līpsante /
Sentence: 5    mū́te kr̥tvā́ sajanti /
Sentence: 6    yátʰā jánaṃ yatè 'vasáṃ {AS yatèvasáṃ} karóti /
Sentence: 7    tādŕ̥g evá tát /
Sentence: 8    eṣá te rudra bʰāgá íty āha nirávattyai /
Sentence: 9    ágratīkṣam ā́yanti /
Sentence: 10    apáḥ páriṣiñcati /
Sentence: 11    rudrásya_antárhityai /
Sentence: 12    prá vā́ etè 'smā́l lokā́c cyavante /
Sentence: 13    yé tryambakaiś cáranti /
Sentence: 14    ādityáṃ carúṃ púnar étya nírvapati /
Sentence: 15    iyáṃ vā́ áditiḥ /
Sentence: 16    asyā́m evá prátitiṣṭhanti //

Next part


This text is part of the TITUS edition of Black Yajur-Veda: Taittiriya-Brahmana.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.