TITUS
Black Yajur-Veda: Maitrayani-Samhita
Part No. 5
Previous part

Prapathaka: 5  
Anuvaka: 1  
Line : 6  Pada: a     upaprayánto adʰvaráṃ mántram̐ vocemāgnáye /

Line : 7  Pada: b     āré asmé ca śr̥ṇvaté //

Line : 8  Pada: c     agnír mūrdʰā́ diváḥ kakút pátiḥ pr̥tʰivyā́ ayám //

Line : 9  Pada: d     apā́m̐ rétām̐si jinvati //

Line : 10  Pada: e     ubʰā́ vām indrāgnī āhuvádʰyā ubʰā́ rā́dʰasaḥ sahá mādayádʰyai //

Line : 11  Pada: f     ubʰā́ dātā́rā iṣā́m̐ rayīṇā́m ubʰā́ vā́jasya sātáye huve vām //

Line : 12  Pada: g     ayám ihá pratʰamó dʰāyi dʰātŕ̥bʰir hótā yájiṣṭʰo adʰvaréṣv ī́ḍyaḥ /

Page: 66  
Line : 1  Pada: h     yám ápnavāno bʰŕ̥gavo virurucúr váneṣu citrám̐ vibʰvàm̐ viśéviśe //

Line : 2  Pada: i     asyá pratnā́m ánu dyútam̐ śukráṃ duduhre áhrayaḥ /

Line : 3  Pada: j     páyaḥ sahasrasā́m ŕ̥ṣim //

Line : 4  Pada: k     ayáṃ te yónir r̥tvíyo yáto jātó árocatʰāḥ /

Line : 5  Pada: l     táṃ jānánn ágnā ā́roha táto no vardʰayā rayím //

Line : 6  Pada: m     dadʰikrā́vṇo akāriṣaṃ jiṣṇór áśvasya vājínaḥ /

Line : 7  Pada: n     surabʰí no múkʰā karat prá nā ā́yūm̐ṣi tāriṣat //

Line : 8  Pada: o     ágnā ā́yūm̐ṣi pavasā ā́suvórjam íṣaṃ ca naḥ /

Line : 9  Pada: p     āré bādʰasva ducʰúnām //

Line : 10  Pada: q     agnír ŕ̥ṣiḥ pávamānaḥ pā́ñcajanyaḥ puróhitaḥ /

Line : 11  Pada: r     tám īmahe mahāgayám //

Line : 12  Pada: s     ágne pávasva svápā asme várcaḥ suvī́ryam /

Line : 13  Pada: t     dádʰat póṣam̐ rayíṃ máyi //

Line : 14  Pada: u     ágne pāvaka rocíṣā mandráyā deva jihváyā /

Line : 15  Pada: v     ā́ devā́n vakṣi yákṣi ca //

Line : 16  Pada: w     sá naḥ pāvaka dīdivó 'gne deváṃ ihā́vaha /

Line : 17  Pada: x     úpa yajñám̐ havíś ca naḥ //

Line : 18  Pada: y     agníḥ śúcivratatamaḥ śúcir vípraḥ śúciḥ kavíḥ /

Line : 19  Pada: z     śúcī rocatā ā́hutaḥ //

Page: 67  
Line : 1  Pada: aa     úd agne śúcayas táva śukrā́ bʰrā́janta īrate /

Line : 2  Pada: ab     táva jyótīm̐ṣy arcáyaḥ //

Line : 3  Pada: ac     ágnīṣomā imám̐ sú me śr̥ṇutám̐ vr̥ṣaṇā hávam /

Line : 4  Pada: ad     práti sūktā́ni haryataṃ bʰávataṃ dāśúṣe máyaḥ //

Line : 5  Pada: ae     agnís tigmás tigmátejāḥ práti rákṣo dáhatu sáhatām árātim /

Line : 6  Pada: af     ápāgʰáśam̐saṃ nudatām //

Line : 7  Pada: ag     ágne sapatnasāha sapátnān me sahasva /

Line : 8  Pada: ah     mā́ mā títīrṣan tārīt //


Anuvaka: 2  
Line : 9  Pada: a     tvám agne sū́ryavarcā asi

Pada: b     sáṃ mā́m ā́yuṣā várcasā sr̥ja

Pada: c     sáṃ tvám agne sū́ryasya jyótiṣā́gatʰāḥ //

Line : 10  Pada: d     sám ŕ̥ṣīṇām̐ stuténa sáṃ priyéṇa dʰā́mnā

Pada: e     sám ahám ā́yuṣā sám̐ várcasā sáṃ prajáyā sam̐ rāyáspóṣeṇa gmīya //

Line : 12  Pada: f     índʰānās tvā śatám̐ hímā dyumántaḥ sámidʰīmahi /

Line : 13  Pada: g     váyasvanto vayaskŕ̥tam̐ sáhasvantaḥ sahaskŕ̥tam /

Line : 14  Pada: h     ágne sapatnadámbʰanam̐ suvī́rāso ádābʰyam //

Line : 15  Pada: i     agnéḥ samíd asi \

Pada: j     abʰíśastyā mā pāhi

Pada: k     sómasya samíd asi

Pada: l     paraspā́ ma edʰi

Line : 16  Pada: m     yamásya samíd asi

Pada: n     mr̥tyór mā pāhi \

Pada: o     āyurdʰā́ agne 'si \

Pada: p     ā́yur me dʰehi

Line : 17  Pada: q     varcodʰā́ agne 'si

Pada: r     várco me dʰehi

Pada: s     cakṣuṣpā́ agne 'si

Pada: t     cákṣur me pāhi

Page: 68  
Line : 1  Pada: u     śrotrapā́ agne 'si

Pada: v     śrótraṃ me pāhi

Pada: w     tanūpā́ agne 'si

Pada: x     tanvàṃ me pāhi

Line : 2  Pada: y     yán me agna ūnáṃ tanvàs tán mā ā́pr̥ṇa \

Pada: z     ágne yát te tápas téna táṃ prátitapa yó asmā́n dvéṣṭi yáṃ ca vayáṃ dviṣmás \

Line : 3  Pada: aa     ágne yát te śocís téna táṃ prátiśoca yó asmā́n dvéṣṭi yáṃ ca vayáṃ dviṣmás \

Line : 4  Pada: ab     ágne yát te arcís téna táṃ prátyarca yó asmā́n dvéṣṭi yáṃ ca vayáṃ dviṣmás \

Line : 5  Pada: ac     ágne yát te háras téna táṃ prátihara yó asmā́n dvéṣṭi yáṃ ca vayáṃ dviṣmás \

Line : 6  Pada: ad     ágne yát te téjas téna táṃ prátititigdʰi yó asmā́n dvéṣṭi yáṃ ca vayáṃ dviṣmás \

Line : 7  Pada: ae     ágne rucāṃ pate námas te rucé

Pada: af     máyi rúcaṃ dʰās \

Line : 8  Pada: ag     cítrāvaso svastí te pārám aśīya \

Pada: ah     árvāgvaso svastí te pārám aśīya \

Line : 9  Pada: ai     ámbʰaḥ stʰa \

Pada: aj     ámbʰo vo bʰakṣīya

Pada: ak     máhaḥ stʰa

Pada: al     máho vo bʰakṣīya \

Pada: am     ū́rjaḥ stʰa \

Line : 10  Pada: an     ū́rjam̐ vo bʰakṣīya

Pada: ao     rāyáspóṣaḥ stʰa

Pada: ap     rāyáspóṣam̐ vo bʰakṣīya //

Pada: aq     révatī ramadʰvam asmín yónā asmín goṣṭʰé \

Line : 11  Pada: ar     ayám̐ vo bándʰus \

Pada: as     itó mā́pagāta

Pada: at     bahvī́r bʰavata

Line : 12  Pada: au     mā́ mā hāsiṣṭa //

Pada: av     sam̐hitā́si viśvárūpā \

Pada: aw     ā́ morjā́ viśā́ gaupatyénā́ prajáyā́ rāyáspóṣeṇa //

Page: 69  
Line : 1  Pada: ax     máyi vo rā́yaḥ śrayantām \

Line : 2  Pada: ay     sahasrapoṣám̐ vo 'śīya //


Anuvaka: 3  
Line : 3  Pada: a     úpa tvāgne divédive dóṣāvastar dʰiyā́ vayám /

Line : 4  Pada: b     námo bʰáranta émasi //

Line : 5  Pada: c     rā́jantam adʰvarā́ṇāṃ gopā́m r̥tásya dī́divim /

Line : 6  Pada: d     várdʰamānam̐ své dáme //

Line : 7  Pada: e     sá naḥ pitéva sūnávé 'gne sūpāyanó bʰava /

Line : 8  Pada: f     sácasvā naḥ svatáye //

Line : 9  Pada: g     ágne tváṃ no ántama utá trātā́ śivó bʰavā varūtʰyàḥ /

Line : 10  Pada: h     táṃ tvā śociṣṭʰa dīdivaḥ sumnā́ya nūnám īmahe sákʰibʰyaḥ //

Line : 11  Pada: i     vásur agnír vásuśravā ácʰā nakṣi dyutáttamam̐ rayíṃ dāḥ /

Line : 12  Pada: j     sá no bodʰi śrudʰī́ hávam uruṣyā́ no agʰāyatáḥ samasmāt //

Line : 13  Pada: k     abʰyàstʰām̐ víśvāḥ pŕ̥tanā árātīs tád agnír āha tád u sóma āha /

Line : 15  Pada: l     bŕ̥haspátiḥ saviténdras tád āha pūṣā́ nā ā́dʰāt sukr̥tásya loké //

Line : 16  Pada: m     ūrjā́ vaḥ paśyāmy ūrjā́ mā paśyata /

Line : 17  Pada: n     rayyā́ vaḥ paśyāmi rayyā́ mā paśyata //

Page: 70  
Line : 1  Pada: o     sáṃpaśyāmi prajā́ ahám íḍaprajaso mānavī́ḥ /

Line : 2  Pada: p     sárvā bʰavantu no gr̥hé //

Line : 3  Pada: q     íḍāḥ stʰa madʰukŕ̥taḥ syonā́ mā́viśateraṃmádaḥ /

Line : 4  Pada: r     sahasrapoṣám̐ vo 'śīya //

Line : 5  Pada: s     bʰúvanam asi sahasrapoṣapúṣi

Pada: t     tásya no rāsva

Pada: u     tásya te bʰaktivā́no bʰūyāsma \

Line : 6  Pada: v     íḍāsi vratabʰŕ̥t

Pada: w     tváyi vratám \

Pada: x     vratabʰŕ̥d asi //


Anuvaka: 4  
Line : 7  Pada: a     máhi trīṇā́m ávo 'stu dyukṣáṃ mitrásyāryamṇáḥ /

Line : 8  Pada: b     durādʰárṣam̐ váruṇasya //

Line : 9  Pada: c     nahí téṣām amā́ satā́ṃ nā́dʰvasu vāraṇéṣu ca /

Line : 10  Pada: d     ī́śe ripúr agʰáśam̐saḥ //

Line : 11  Pada: e     té hí putrā́so áditeś cʰardír yácʰanty ájasram /

Line : 12  Pada: f     prá dāśúṣe vā́ryāṇi //

Line : 13  Pada: g     somā́nam̐ sváraṇaṃ kr̥ṇuhí brahmaṇaspate /

Line : 14  Pada: h     kakṣī́vantam̐ yá auśijáḥ //

Line : 15  Pada: i     yó revā́n yó amīvahā́ vasuvít puṣṭivárdʰanaḥ /

Line : 16  Pada: j     sá naḥ siṣaktu yáḥ śiváḥ //

Line : 17  Pada: k     mitrásya carṣaṇīdʰŕ̥taḥ śrávo devásya sānasí /

Page: 71  
Line : 1  Pada: l     dyumnáṃ citráśravastamam //

Line : 2  Pada: m     kadā́ caná starī́r asi

Pada: n     kadā́ caná práyucʰasi //

Line : 3  Pada: o     pári te dūḍábʰo rátʰo 'smáṃ aśnotu viśvátaḥ /

Line : 4  Pada: p     yéna rákṣasi dāśúṣaḥ //

Line : 5  Pada: q     nimradò 'si

Pada: r     ny àháṃ táṃ mr̥dyāsam̐ yó asmā́n dvéṣṭi yáṃ ca vayáṃ dviṣmás \

Line : 6  Pada: s     abʰibʰū́r asi \

Pada: t     abʰy àháṃ táṃ bʰūyāsam̐ yó asmā́n dvéṣṭi yáṃ ca vayáṃ dviṣmáḥ

Line : 7  Pada: u     prabʰū́r asi

Pada: v     prā́háṃ tám átibʰūyāsam̐ yó asmā́n dvéṣṭi yáṃ ca vayáṃ dviṣmáḥ //

Line : 8  Pada: w     pūṣā́ mā patʰipā́ḥ pātu

Pada: x     pūṣā́ mā paśupā́ḥ pātu

Line : 9  Pada: y     pūṣā́ mādʰipā́ḥ pātu

Pada: z     prā́cī díg agnír devátā

Pada: aa     yó maitásyā diśó abʰidā́sād agním̐ sā́ r̥cʰatu

Line : 10  Pada: ab     dáksiṇā díg índro devátā

Line : 11  Pada: ac     yó maitásyā diśó abʰidā́sād índram̐ sā́ r̥cʰatu

Pada: ad     pratī́cī díṅ marúto devátā

Line : 12  Pada: ae     yó maitásyā diśó abʰidā́sān marútaḥ sā́ r̥cʰatu \

Line : 13  Pada: af     údīcī díṅ mitrā́váruṇau devátā

Pada: ag     yó maitásyā diśó abʰidā́sān mitrā́váruṇau sā́ r̥cʰatu \

Line : 14  Pada: ah     ūrdʰvā́ dík sómo devátā

Pada: ai     yó maitásyā diśó abʰidā́sāt sómam̐ sā́ r̥cʰatu

Line : 15  Pada: aj     dʰármo mā dʰármaṇaḥ pātu

Pada: ak     vídʰarmo mā vídʰarmaṇaḥ pātu \

Page: 72  
Line : 1  Pada: al     ā́yuś ca prā́yuś ca cákṣaś ca vicákṣaś ca prā́ṅ cā́pāṅ ca \

Pada: am     uruká urukásya te vācā́ vayám̐ sáṃ bʰakténa gamemahy ágne gr̥hapate //


Anuvaka: 5  
Line : 3  Pada: a     yásya vā́ agnihotré stómo yujyáte svargám asmai bʰavati

Pada: b     áyajño vā́ eṣá yátra stómo ná yujyáte \

Line : 4  Pada: c     upaprayánto adʰvarám íti \

Pada: d     iyám̐ vā́ úpotis \

Pada: e     itá evá sómam̐ yunakti \

Line : 5  Pada: f     átʰo imā́m evá stómam úpayunakti \

Pada: g     átʰo yā́ evá prajā́ bʰūtā́ nāmanvátīs tā́ evá stómam úpayunakti \


Page: 73  
Line : 1  Pada: h     asyá pratnā́m ánu dyútam íti \

Pada: i     asaú vaí lokáḥ pratnám

Line : 2  Pada: j     amúta evá stómam̐ yunakti \

Pada: k     átʰo devā́ vaí pratnám \

Pada: l     tā́n evá stómam úpayunakti \

Line : 3  Pada: m     ubʰayáta evá stómam̐ yunaktītás cāmútaś ca

Pada: n     devā́n vā́ eṣá prayújya svargáṃ lokám eti

Line : 4  Pada: o     yád ā́ha \

Pada: p     úpopén nú magʰavan bʰū́yā ín nú tā íti \

Pada: q     iyám̐ vā́ úpotis \

Line : 5  Pada: r     asyā́m evá prátitiṣṭʰati \

Pada: s     átʰa yád úpavat pádam ā́ha

Pada: t     yā́ evá prajā́ ābʰaviṣyántīs tā́ evá stómam úpayunakti

Line : 6  Pada: u     pári te dūḍábʰo rátʰā íti \

Pada: v     ubʰayáta evaítáyā stómam̐ yuktáṃ párigr̥hṇātītás cāmútaś ca \

Line : 7  Pada: w     agnír mūrdʰéti

Pada: x     svargā́ téna

Line : 8  Pada: y     diváḥ kakúd íti

Pada: z     svargā́ téna

Pada: aa     pátiḥ pr̥tʰivyā́ ayám íti

Pada: ab     mitʰunā́ téna \

Line : 9  Pada: ac     apā́m̐ rétām̐si jinvatī́ti

Pada: ad     rétasvatī paśavyā̀ sarvásamr̥ddʰās \

Line : 10  Pada: ae     gāyatryópāstʰita

Pada: af     gāyatró hy àgnír gāyatrácʰandāḥ

Pada: ag     svénaivaínaṃ cʰándasópāstʰita \

Line : 11  Pada: ah     ubʰā́ vām indrāgnī āhuvádʰyā íti \

Pada: ai     ubʰaú hy ètaú sahá \

Pada: aj     amúm̐ vā́ ayáṃ dívā bʰūté práviśati

Line : 12  Pada: ak     tásmād asaú dívā rocate \

Pada: al     imā́m asaú náktam \

Pada: am     tásmād ayáṃ náktam \

Line : 13  Pada: an     yád ubʰā́ vām íty ā́ha \

Pada: ao     ubʰā́ evaínā ácʰambaṭkāram úpatiṣṭʰate \

Pada: ap     ubʰáyor lokáyo rocate 'smím̐ś cāmúṣmim̐ś ca

Line : 14  Pada: aq     triṣṭúbʰópāstʰita \

Pada: ar     ayám ihá pratʰamó dʰāyi dʰātŕ̥bʰir íti \

Line : 15  Pada: as     agnír hy àsyā́ṃ pratʰamó 'dʰīyata

Pada: at     hótā yájiṣṭʰo adʰvaréṣv ī́ḍyā íti \

Line : 16  Pada: au     eṣá hí hótā yájiṣṭʰo adʰvaréṣv ī́ḍyas \

Pada: av     yám ápnavāno bʰŕ̥gavo virurucur íti \

Line : 17  Pada: aw     ápnavāno hy ètáṃ bʰŕ̥gavo vyárocayan

Pada: ax     váneṣu citrám̐ vibʰvàm̐ viśéviśā íti \

Line : 18  Pada: ay     eṣá hī̀dám̐ sárvam̐ vibʰū́s \

Pada: az     jágatyópāstʰita \

Pada: ba     asyá pratnā́m ánu dyútam íti

Line : 19  Pada: bb     svargó vaí lokáḥ pratnám \

Pada: bc     svargá evá loké prátitiṣṭʰati \


Page: 74  
Line : 1  Pada: bd     ayáṃ te yónir r̥tvíyā íti \

Pada: be     eṣá hy ètásya yónir r̥tvíyas \

Pada: bf     agníḥ sū́ryasya \

Line : 2  Pada: bg     anuṣṭúbʰópāstʰita //


Anuvaka: 6  
Line : 3  Pada: a     upaprayánto adʰvarám íti

Pada: b     právāpayaty evaítayā \

Pada: c     angír mūrdʰéti

Pada: d     právāpita evaítáyā réto dadʰāti \

Line : 4  Pada: e     ubʰā́ vām indrāgnī āhuvádʰyā íti

Pada: f     prāṇāpānaú vā́ indrāgnī́

Line : 5  Pada: g     prāṇāpānaú vā́ etán mukʰató yajñásya dʰīyete //

Pada: h     ayám ihá pratʰamó dʰāyi dʰātŕ̥bʰir íti

Line : 6  Pada: i     gárbʰam evā́dʰāt \

Pada: j     asyá pratnā́m ánu dyútam íti \

Pada: k     údʰar evā́kar

Line : 7  Pada: l     ayáṃ te yónir r̥tvíyā íti \

Pada: m     ájījanac caivā́vīvr̥dʰac ca

Pada: n     ṣaḍbʰír úpatiṣṭʰate

Line : 8  Pada: o     ṣáḍ vaí pr̥ṣṭʰā́ni

Pada: p     pr̥ṣṭʰā́ny evā́cīkl̥pat \

Pada: q     dadʰikrā́vṇo akāriṣam íti dadʰikrā́vatyópatiṣṭʰate \

Line : 9  Pada: r     eṣā́ vā́ agnér dadʰikrā́vatī priyā́ tanū́ḥ paśavyā̀ sarvásamr̥ddʰā \

Pada: s     agnér evaítáyā priyáṃ dʰā́mópaiti \

Line : 10  Pada: t     átʰo paśumā́n bʰavati \

Pada: u     átʰo ātmā́nam evaítáyā yájamānaḥ punīte

Line : 11  Pada: v     saptábʰir úpatiṣṭʰate

Pada: w     saptápadā śákvarī

Pada: x     śā́kvarā́ḥ paśávaḥ

Pada: y     paśū́n evā́varunddʰe

Line : 12  Pada: z     jī́ryati vā́ eṣá ā́hitaḥ

Pada: aa     paśúr hy àgnís

Pada: ab     tád etā́ny evā́gnyādʰéyasya havī́m̐ṣi sam̐vatsarésam̐vatsare nírvapet

Line : 13  Pada: ac     téna vā́ eṣá ná jīryati

Pada: ad     ténainaṃ punarṇaváṃ karoti

Line : 14  Pada: ae     tán ná sū́rkṣyam

Pada: af     etā́bʰir evā́gneyapāvamānī́bʰir agnyādʰéyasya yājyānuvākyā̀bʰir upastʰéyas

Line : 15  Pada: ag     téna vā́ eṣá ná jīryati

Pada: ah     ténainaṃ punarṇaváṃ karoti

Line : 16  Pada: ai     dvādaśabʰir úpatiṣṭʰate

Pada: aj     dvā́daśa mā́sāḥ sam̐vatsaráḥ

Pada: ak     sam̐vatsarám evā́ptvā́varunddʰe \

Line : 17  Pada: al     agnīṣomī́yayā trayodaśyópastʰéyas \

Pada: am     ásti mā́sas trayodaśás

Pada: an     tám evaítáyāptvā́varunddʰe //


Anuvaka: 7  
Page: 75  
Line : 1  Pada: a     brahmavādíno vadanti

Pada: b     kásmāt sāyám agním upatíṣṭʰante kásmāt prātár néti \

Line : 2  Pada: c     asaú vā́ ādityáḥ sāyám ā́suvati

Pada: d     tásmāt sāyám úpatiṣṭʰante \

Pada: e     eṣá prātáḥ prásuvati

Line : 3  Pada: f     tásmāt prātár nópatiṣṭʰante

Pada: g     tásmāt sāyám áhute 'gnihotrè 'gnihotríṇā nā́śitavyàm \

Line : 4  Pada: h     tásmād u prātár áhute nā́śitavyàm \

Pada: i     tásmāt sāyám átitʰaye prátyenasaḥ

Line : 5  Pada: j     puṇyatvā́t tú prātár dadati

Pada: k     prātaravanegéna prātár upastʰéyas \

Line : 6  Pada: l     ádʰiśrita unnīyámāne vā hástā ávanenijīta

Pada: m     tátra vihavyàsya cátasrā ŕ̥co vadet prātaravanegé cátasraḥ

Line : 7  Pada: n     prātaravanegéna vā́ ánāptam āpnóty ánavaruddʰam ávarunddʰe

Line : 8  Pada: o     tád ánāptam evaíténāpnóty ánavaruddʰam ávarunddʰe \

Pada: p     ábibʰed vā́ eṣá úddʰr̥tas

Line : 9  Pada: q     táṃ devā́ś cʰándobʰiḥ páryastr̥ṇan

Pada: r     yád upatíṣṭʰate

Pada: s     cʰándobʰir evaínaṃ páristr̥ṇāti \

Line : 10  Pada: t     úbʰayam asmā akar

Pada: u     agnīṣomī́yayā pūrvapakṣá upastʰéyas \

Pada: v     agnīṣomī́yo vaí pūrvapakṣás \

Line : 11  Pada: w     aparapakṣā́yaivaínaṃ páridadāti \

Pada: x     aindrāgnyā́parapakṣá upastʰéyas \

Line : 12  Pada: y     aindrāgnó vā́ aparapakṣáḥ

Pada: z     pūrvapakṣā́yaivaínaṃ páridadāti

Pada: aa     sárvā ha vā́ enaṃ devátāḥ saṃpradā́yam ánapekṣaṃ gopāyanti yá evám̐ vidvā́n agním upatíṣṭʰate //


Anuvaka: 8  
Line : 15  Pada: a     tvám agne sū́ryavarcā asī́ti vásīyase śréyasa āśíṣam ā́śāste

Line : 16  Pada: b     sáṃ mā́m ā́yuṣā várcasā sr̥jéty ātmánā ā́śāste

Pada: c     sáṃ tvám agne sū́ryasya jyótiṣā́gatʰā íti

Line : 17  Pada: d     sahá hy èté tárhi jyótiṣī bʰávataḥ

Pada: e     sám ŕ̥ṣīṇām̐ stuténéti

Line : 18  Pada: f     cʰándām̐si vā́ ŕ̥ṣīṇām̐ stutám \

Pada: g     cʰándobʰir evaínam̐ sámardʰayati


Page: 76  
Line : 1  Pada: h     sáṃ priyéṇa dʰā́mnéti \

Pada: i     ā́hutayo vā́ agnéḥ priyáṃ dʰā́ma \

Pada: j     ā́hutibʰir evaínam̐ sámardʰayati //

Line : 2  Pada: k     sám ahám ā́yuṣā sám̐ várcasā sáṃ prajáyā sám̐ rāyáspóṣeṇa gmīyéti \

Line : 3  Pada: l     āśíṣam evā́śāste \

Pada: m     índʰānās tvā śatám̐ hímā íti

Pada: n     pr̥tanājíd dʰy ā́hūtis

Line : 4  Pada: o     táyā rājanyā̀ úpatiṣṭʰeta

Pada: p     yadā́ hí rājanyàḥ pr̥tanā jáyaty átʰo bʰávati \

Line : 5  Pada: q     utā́rājanyā úpatiṣṭʰeta

Pada: r     sárvo hí pŕ̥tanā jígīṣati sárvo búbʰūṣati

Line : 6  Pada: s     mánor vaí dáśa jāyā́ āsan

Pada: t     dáśaputrā návaputrāṣṭáputrā saptáputrā ṣáṭputrā páñcaputrā catúṣputrā tríputrā dvíputraíkaputrā

Line : 7  Pada: u     yé návā́sam̐s tā́n éka upasámakrāmat \

Line : 8  Pada: v     yè 'ṣṭaú tā́n dvaú

Pada: w     yé saptá tā́m̐s tráyas \

Pada: x     yé ṣáṭ tā́m̐ś catvā́ras \

Line : 9  Pada: y     átʰa vaí páñcaivá páñcāsan \

Pada: z     tā́ imā́ḥ páñca daśáta imā́n páñca nírabʰajan

Line : 10  Pada: aa     yád evá kíṃca mánoḥ svám ā́sīt

Pada: ab     tásmāt té vaí mánum evópādʰāvan

Pada: ac     mánā anātʰanta

Line : 11  Pada: ad     tébʰya etā́ḥ samídʰaḥ prā́yacʰat

Pada: ae     tā́bʰir vaí té tā́n níradahan \

Pada: af     tā́bʰir enān párābʰāvayan

Line : 12  Pada: ag     párā pāpmā́naṃ bʰrā́tr̥vyaṃ bʰāvayati yá evám̐ vidvā́n etā́ḥ samídʰa ādádʰāti \

Line : 13  Pada: ah     agnéḥ samíd asi \

Pada: ai     abʰíśastyā mā pāhī́ti \

Pada: aj     abʰíśastyā enaṃ pāti

Line : 14  Pada: ak     sómasya samíd asi

Pada: al     paraspā́ ma edʰī́ti

Pada: am     paraspā́ asya bʰavati

Line : 15  Pada: an     yamásya samíd asi

Pada: ao     mr̥tyór mā pāhī́ti

Pada: ap     mr̥tyór enaṃ pāti \

Pada: aq     etád dʰa sma vā́ āha nāradás \

Line : 16  Pada: ar     idám̐ vā́vā́gnyupastʰā́nam āséti \

Pada: as     abʰíśastyā enaṃ pāti

Pada: at     paraspā́ asya bʰavati

Line : 17  Pada: au     mr̥tyór enaṃ pāti //


Anuvaka: 9  
Page: 77  
Line : 1  Pada: a     āyurdʰā́ agne 'si \

Pada: b     ā́yur me dʰehī́ti \

Pada: c     ā́yur evā́smin dadʰāti

Pada: d     varcodʰā́ agne 'si

Line : 2  Pada: e     várco me dʰehī́ti

Pada: f     várca evā́smin dadʰāti

Pada: g     cakṣuṣpā́ agne 'si

Line : 3  Pada: h     cákṣur me pāhī́ti

Pada: i     cákṣur evā́sya pāti

Pada: j     śrotrapā́ agne 'si

Pada: k     śrótraṃ me pāhī́ti

Line : 4  Pada: l     śrótram evā́sya pāti

Pada: m     tanūpā́ agne 'si

Pada: n     tanvàṃ me pāhī́ti

Line : 5  Pada: o     tanvàm evā́sya pāti

Pada: p     yán me agna ūnáṃ tanvàs tán mā ā́pr̥ṇéti

Pada: q     yád evā́syātmána ūnám̐ yát prajā́yā yát paśūnā́ṃ tád evaíténā́pūrayati tád ā́pyāyayati \

Line : 7  Pada: r     ágne yát te tápā íti \

Pada: s     etā́ vā́ agnés tanvò jyótiṣmatīs \

Pada: t     etád dʰa sma vā́ āhāruṇá aúpaveśis \

Line : 8  Pada: u     yā́n vásīyasaḥ śréyasa ātmáno bʰrā́tr̥vyān abʰiprā́jānīm ābʰíṣ ṭā́n agnés tanū́bʰir jyótiṣmatībʰiḥ párābʰāvayāméti

Line : 9  Pada: v     párā pāpmā́naṃ bʰrā́tr̥vyaṃ bʰāvayati yá evám̐ vidvā́n agním upatíṣṭʰate \

Line : 10  Pada: w     ágne rucāṃ pate námas te rucé

Line : 11  Pada: x     máyi rúcaṃ dʰā íti

Pada: y     śāntám evá rúcam ātmán dʰatté tejasvī́ brahmavarcasī́ bʰavati

Line : 12  Pada: z     cítrāvaso svastí te pārám aśīyéti

Line : 13  Pada: aa     rā́trir vaí citrā́vasus \

Pada: ab     áhar arvā́gvasus \

Pada: ac     agnír vaí rā́tris \

Pada: ad     asā́ ādityó 'har

Pada: ae     eté vaí bʰáṅge

Line : 14  Pada: af     té īṭṭe

Pada: ag     trír āha

Pada: ah     tríṣatyā hí devā́s \

Pada: ai     rócate ha vā́ asya yajñó vā bráhma vā yá evám̐ véda \

Line : 15  Pada: aj     ámbʰaḥ stʰa \

Pada: ak     ábʰo vo bʰakṣīyéti \

Pada: al     ámbʰo hy ètā́s \

Pada: am     máhaḥ stʰa

Line : 16  Pada: an     máho vo bʰakṣīyéti

Pada: ao     máho hy ètā́s \

Pada: ap     ū́rjaḥ stʰa \

Pada: aq     ū́rjam̐ vo bʰakṣīyéti \

Line : 17  Pada: ar     ū́rjo hy ètā́s \

Pada: as     rāyáspóṣaḥ stʰa

Pada: at     rāyáspóṣam̐ vo bʰakṣīyéti

Pada: au     rāyáspóṣo hy ètā́s \

Line : 18  Pada: av     révatī rámadʰvam asmín yónā asmín goṣṭʰá íti

Pada: aw     svá evaínā yónau své goṣṭʰé sám̐veśayati \

Line : 19  Pada: ax     ayám̐ vo bándʰus \

Pada: ay     itó mā́pagāta

Pada: az     bahvī́r bʰavata

Line : 20  Pada: ba     mā́ mā hāsiṣṭéti \

Pada: bb     āśíṣam ā́śāste

Pada: bc     vatsám ā́labʰate

Pada: bd     vatsánikāntā hí paśávas \


Page: 78  
Line : 1  Pada: be     eṣá vaí sahasrapoṣásyeśe

Pada: bf     púṣyati sahásraṃ ná sahásrād ávapadyate yá evám̐ véda

Line : 2  Pada: bg     sam̐hitā́si viśvárūpéti

Pada: bh     rūpéṇarūpeṇa hy èṣā́ sám̐hitā

Line : 3  Pada: bi     rūpaír evaínām̐ sámardʰayati

Pada: bj     nā́māsām agrahīt \

Pada: bk     mitrám ābʰir akr̥ta \

Pada: bl     utá hí yadā́ mitrásya nā́ma gr̥hṇā́ti mitrám evaínena kurute //


Anuvaka: 10  
Line : 5  Pada: a     saptá vaí bándʰumatīr íṣṭakā agnaú cítyā úpadʰīyante

Pada: b     tā́ vaí tā́ amúṣmā evá lokā́ya

Line : 6  Pada: c     saptá grāmyā́ íṣṭakās

Pada: d     tā́ átropadʰéyā gaúś cā́śvaś cāśvataráś ca gardabʰò 'jā́ cā́viś ca púruṣas \

Line : 7  Pada: e     yád gā́m ālábʰate

Pada: f     gávaivá citā́ bʰavanti \

Line : 8  Pada: g     átʰo ā́labdʰa evópadʰīyante

Pada: h     párāṅ vā́ eṣá cʰándobʰiḥ svargáṃ lokám ety anyádanyac cʰándaḥ samāróham

Line : 9  Pada: i     úpa tvāgne divédivā íti

Pada: j     yád eténa gāyatreṇa tr̥cénopatíṣṭʰate \

Line : 10  Pada: k     iyám̐ vaí gāyatrī́ \

Pada: l     asyā́m evá prátitiṣṭʰati \

Pada: m     ágne tváṃ no ántamā íti \

Line : 11  Pada: n     eṣā́ vā́ agnér astaryā̀ priyā́ tanū́r varūtʰyā̀

Pada: o     tā́m evá praíti

Line : 12  Pada: p     naínam abʰidā́sant str̥ṇute

Pada: q     catasŕ̥bʰir dvípadābʰir úpatiṣṭʰate

Pada: r     cátuṣpādo vaí paśávas \

Line : 13  Pada: s     dvipā́d yájamānas \

Pada: t     gr̥hā́ gā́rhapatyas \

Pada: u     gr̥héṣu caivá paśúṣu ca prátitiṣṭʰati \

Line : 14  Pada: v     ūrjā́ vaḥ paśyāmy ūrjā́ mā paśyatéti \

Pada: w     ūrjaínāḥ páśyaty ūrjaínaṃ paśyanti

Line : 15  Pada: x     rayyā́ vaḥ paśyāmi rayyā́ mā paśyatéti

Pada: y     rayyaínāḥ páśyati rayyaínaṃ paśyanti //


Page: 79  
Line : 1  Pada: z     sáṃpaśyāmi prajā́ ahám íḍaprajaso mānavī́ḥ /

Line : 2  Pada: aa     sárvā bʰavantu no gr̥hé // íti \

Line : 3  Pada: ab     aiḍīś ca vā́ imā́ḥ prajā́ mānavī́ś ca

Pada: ac     tā́ evā́vāruddʰa *
      FN Correcturen und Conjecturen zu dem ganzen Werk.

Pada: ad     tā́ ādyā̀ akr̥ta \

Line : 4  Pada: ae     íḍāḥ stʰa madʰukŕ̥tā íti \

Pada: af     íḍā hy ètā́ madʰukŕ̥taḥ

Pada: ag     syonā́ mā́viśateraṃmádā íti\

Line : 5  Pada: ah     iraṃmádo hy ètā́s \

Pada: ai     bʰúvanam asi sahasrapoṣapúṣī́ti

Pada: aj     bʰúvanam̐ hy ètát sahasrapoṣapúṣi

Line : 6  Pada: ak     tásya no rāsva

Pada: al     tásya te bʰaktivā́no bʰūyāsméti \

Line : 7  Pada: am     āśíṣam evā́śāste \

Pada: an     íḍāsi vratabʰŕ̥d íti \

Pada: ao     íḍā hy èṣā́ vratabʰŕ̥t

Pada: ap     tváyi vratám̐ vratabʰŕ̥d asī́ti

Line : 8  Pada: aq     vratabʰŕ̥d dʰy èṣā́ //


Anuvaka: 11  
Line : 9  Pada: a     máhi trīṇā́m ávo 'stv íti prājāpatyéna tr̥cénópatiṣṭʰate

Pada: b     prājāpatyā́ vā́ imā́ḥ prajā́s

Line : 10  Pada: c     tā́ evā́vāruddʰa *
      FN Correcturen und Conjecturen zu dem ganzen Werk.

Pada: d     tā́ ādyā̀ akr̥ta \

Pada: e     átʰo prajā́patim evópaiti

Line : 11  Pada: f     prajā́patā evá devátāsu prátitiṣṭʰati

Pada: g     somā́nam̐ sváraṇam íti brāhmaṇaspatyáyópatiṣṭʰate

Line : 12  Pada: h     bráhmaṇi prátitiṣṭʰati \

Pada: i     átʰo brahmavarcasám evā́varunddʰe

Line : 13  Pada: j     yó vaí bráhmaṇi prátiṣṭʰitena spárdʰate pū́rvo 'smāt padyate \

Line : 14  Pada: k     ubʰáyīr vā́ agnihotríṇi devátā ā́śam̐sante yā́bʰyaś ca juhóti yā́bʰyaś ca ná

Line : 15  Pada: l     mitrásya carṣaṇīdʰŕ̥tā íti maitryópatiṣṭʰate \

Pada: m     ubʰayáta evaítáyā mitrám akr̥tetáś cāmútaś ca

Line : 16  Pada: n     kadā́ caná starī́r asī́ty aindrī́bʰyāṃ br̥hatī́bʰyām úpatiṣṭʰate \

Line : 17  Pada: o     aindrā́ vaí paśávas

Pada: p     tā́n evā́vāruddʰa *
      FN Correcturen und Conjecturen zu dem ganzen Werk.

Pada: q     tā́n ādyā̀n akr̥ta

Pada: r     pári te dūḍábʰo rátʰā íti \

Line : 18  Pada: s     asaú vā́ ādityó dūḍábʰo rátʰas \

Pada: t     eṣá vā́ imā́ ubʰaú lokaú sámīyate

Line : 19  Pada: u     sárvam evaítáyā párigr̥hṇāti

Pada: v     nimradò 'si

Pada: w     ny àháṃ táṃ mr̥dyāsam̐ yó asmā́n dvéṣṭi yáṃ ca vayáṃ dviṣmá íti

Line : 20  Pada: x     pā́rṣṇyā́vagr̥hṇīyād yádi pā́pīyasā spárdʰeta \

Line : 21  Pada: y     abʰibʰū́r asi \

Pada: z     abʰy àháṃ táṃ bʰūyāsam̐ yó asmā́n dvéṣṭi yáṃ ca vayáṃ dviṣmá íti

Page: 80  
Line : 1  Pada: aa     dakṣiṇatáḥ padó 'vagr̥hṇīyād yádi sadŕ̥śena spárdʰeta

Line : 2  Pada: ab     prabʰū́r asi

Pada: ac     prā́háṃ tám átibʰūyāsam̐ yó asmā́n dvéṣṭi yáṃ ca vayáṃ dviṣmá íti

Line : 3  Pada: ad     prápadenā́vagr̥hṇīyād yádi śréyasā spárdʰeta

Pada: ae     sárvān evaínān abʰíbʰavati

Pada: af     sárvān átibʰavati

Line : 4  Pada: ag     sárvān átikrāmati

Pada: ah     pūṣā́ mā patʰipā́ḥ pātv íti \

Pada: ai     iyám evá

Pada: aj     pūṣā́ mā paśupā́ḥ pātv íti \

Line : 5  Pada: ak     antárikṣam evá

Pada: al     pūṣā́ mādʰipā́ḥ pātv íti \

Pada: am     asā́ evá \

Pada: an     imā́n evá lokā́n úpāsarat \

Line : 6  Pada: ao     ebʰyó lokébʰya ātmā́naṃ páridʰatte \

Pada: ap     áhim̐sāyai

Line : 7  Pada: aq     prā́cī díg agnír devátéti

Pada: ar     tanūpā́nām evá dikṣú nídʰatte \

Pada: as     átʰa yéna spárdʰate yéna vā vyabʰicárate sá etā́ evá devátā r̥tvā́ pū́rvaḥ párābʰavati

Line : 8  Pada: at     saptá vaí púruṣe mahimā́nas

Line : 9  Pada: au     té vā́ enenéḍyās

Pada: av     té vaí té saptar̥ṣáya evá

Pada: aw     prāṇā́ vaí saptar̥ṣáyaḥ

Line : 10  Pada: ax     prāṇā́n vā́ etád īṭṭe \

Pada: ay     ī́ṭṭe ha vaí svā́n prāṇā́n

Pada: az     vr̥ṅkté bʰrā́tr̥vyasya * prāṇā́n
      FN Correcturen und Conjecturen zu dem ganzen Werk.

Line : 11  Pada: ba     naínam abʰidā́sant str̥ṇute yá evám̐ véda

Pada: bb     dʰármo mā dʰármaṇaḥ pātu

Line : 12  Pada: bc     vídʰarmo mā vídʰarmaṇaḥ pātu \

Pada: bd     ā́yuś ca prā́yuś ca cákṣaś ca vicákṣaś ca prā́ṅ cā́pāṅ coruka íti \

Line : 13  Pada: be     ayám̐ vā́ urukás \

Pada: bf     eṣá víbʰajati

Pada: bg     tád yád eṣá bʰájati tád etásminn evá púnar ā́bʰajati \

Line : 14  Pada: bh     ágne gr̥hapate 'gním̐ sámindʰe yájamānas \

Line : 15  Pada: bi     etád vaí yájamānasya svám̐ yád agnís \

Pada: bj     etád agnér yád yájamānas \

Pada: bk     āyátanam iva vā́ etát kriyate

Line : 16  Pada: bl     jyótiṣe tántave tvéty antarā́gnī́ upavíśya vadet \

Pada: bm     yā́m evá purá āśíṣam āśā́ste yā́ṃ paścā́t tā́m ātmán dʰatte //


Anuvaka: 12  
Line : 18  Pada: a     dádan mā íti vaí dīyate

Pada: b     sadadí vā́ eṣá dadāti yò 'gnihotráṃ juhóti

Line : 19  Pada: c     yádyat kāmáyeta táttad agʰihotry àgním̐ yā́ced úpa hainaṃ tán namati

Pada: d     tád āhus \

Page: 81  
Line : 1  Pada: e     r̥cʰáti vā́ eṣá devā́n yá enānt sadadí yā́catī́ti

Pada: f     tásmāt tárhi nópastʰéyas \

Line : 2  Pada: g     yamó vā́ amriyata

Pada: h     té devā́ yamyā́ yamám ápābruvan \

Pada: i     tā́m̐ yád ápr̥cʰant sā́bravīt \

Line : 3  Pada: j     adyā́mr̥téti

Pada: k     tè 'bruvan

Pada: l     ná vā́ iyám imám ittʰáṃ mr̥ṣyate

Pada: m     rā́trīm̐ sr̥jāmahā * íti \
      FN Correcturen und Conjecturen zu dem ganzen Werk.

Line : 4  Pada: n     áhar vā́vá tárhy ā́sīn ná rā́tris

Pada: o     té devā́ rā́trim asr̥janta

Pada: p     tátaḥ śvástanam abʰavat

Line : 5  Pada: q     tátaḥ sā́ tám amr̥ṣyata

Pada: r     tásmād āhus \

Pada: s     ahorātrā́ṇi vā́vā́gʰáṃ marṣayantī́ti

Line : 6  Pada: t     sā́ vaí rā́triḥ sr̥ṣṭā́ paśū́n abʰisámamīlat *
      FN Correcturen und Conjecturen zu dem ganzen Werk.

Pada: u     té devā́ś cʰándobʰir evá paśū́n anvápaśyan \

Line : 7  Pada: v     cʰándobʰir enān púnar úpāhvayanta

Pada: w     yád upatíṣṭʰate

Pada: x     cʰándobʰir vā́ etát paśū́n anupáśyati

Line : 8  Pada: y     cʰándobʰir enān púnar úpahvayate \

Pada: z     átʰo āhus \

Pada: aa     váruṇo vaí sá tád rā́trir bʰūtvā́ paśū́n agrasatéti

Line : 9  Pada: ab     té devā́ś cʰándobʰir evá váruṇāt prā́muñcam̐ś *
      < prā́muñcan

Line : 10  Pada: ac     cʰándobʰir enān púnar úpāhvayanta

Pada: ad     yád upatíṣṭʰate

Pada: ae     cʰándobʰir vā́ etád váruṇāt paśū́n pramuñcáti

Line : 11  Pada: af     cʰándobʰir enān púnar úpahvayate

Pada: ag     yajñóyajño vaí sámr̥cʰate \

Pada: ah     átʰākasyavído manyante

Line : 12  Pada: ai     sóma evá sámr̥cʰatā íti \

Pada: aj     agnīṣomī́yāyāḥ purástād vihavyàsya cátasrā ŕ̥co vadet \

Line : 13  Pada: ak     āgneyásya puroḍā́śasya dvé yājyānuvākyè kuryāt \

Line : 14  Pada: al     eténaivá havī́m̐ṣy ā́sannāny abʰímr̥śet \

Pada: am     vr̥ṅktè 'nyásya yajñáṃ nā́syānyó yajñám̐ vr̥ṅkte

Line : 15  Pada: an     sáyajño bʰavaty áyajñā ítaraḥ //


Anuvaka: 13  
Page: 82  
Line : 1  Pada: a     agním̐ vā́ eté cítyaṃ cinvate yá ā́hitāgnayo darśapūrṇamāsínas

Line : 2  Pada: b     téṣām̐ vā́ ahorātrā́ṇy evéṣṭakā úpadʰīyante

Pada: c     yátra pañca rā́trīḥ sám̐hitā váset táj juhuyāt

Line : 3  Pada: d     páñca rā́trayaḥ páñcā́hāni sā́ daśát sáṃpadyate

Line : 4  Pada: e     tán naíváṃ kártavaí \

Pada: f     áyataṃ tát \

Pada: g     daśásv evá rā́triṣv antamám̐ hotavyàm \

Pada: h     tátʰā yatáṃ kriyate

Line : 5  Pada: i     ná sárveṣu yuktéṣu hotavyàm \

Pada: j     vā́stau juhuyāt \

Pada: k     nā́yukteṣu \

Pada: l     áyataṃ kriyate

Line : 6  Pada: m     sárvāṇy anyā́ni yuktā́ni syúr agniṣṭʰásya dákṣiṇo yuktáḥ syāt

Pada: n     savyásya yóktraṃ párihr̥tam

Line : 7  Pada: o     átʰa juhuyāt \

Pada: p     ná vā́stau juhóti yatám útkriyate

Pada: q     tán ná sū́rkṣyam \

Line : 8  Pada: r     sárveṣv evá yuktéṣu hotavyàm \

Pada: s     vāstoṣpatyám̐ hy ètát \

Pada: t     ná hīnám anvā́hartavaí

Line : 9  Pada: u     rudrā́ya hí tád dʰīyáte

Pada: v     yád dʰīnám anvāháreyū rudráṃ bʰūtám anvā́hareyus \

Pada: w     yády anuvāháḥ syā́t pū́rvaṃ táṃ právaheyur ápa vóddʰareyus \

Line : 10  Pada: x     yád dʰīyéta hīyétaivá * tát \
      FN emended. Ed.: hīyetaivá

Pada: y     átʰa juhuyāt //

Line : 11  Pada: z     amīvahā́ vāstoṣpate víśvā rūpā́ṇy āviśán /

Line : 12  Pada: aa     sákʰā suśéva edʰi naḥ //

Line : 13  Pada: ab     vā́stoṣpate práti jānīhy asmā́n svāveśó anamīvó bʰavā naḥ /

Line : 14  Pada: ac     yát tvemáhe práti tán no juṣasva śáṃ no bʰava dvipáde śáṃ cátuṣpade //


Anuvaka: 14  
Line : 15  Pada: a     paśū́n me śam̐sya pāhi

Pada: b     tā́n me gopāyā́smā́kaṃ púnar āgamā́t //

Pada: c     ágne sahasrākṣa śatamūrdʰañ śatáṃ te prāṇā́ḥ sahásram apānā́s

Line : 16  Pada: d     tvám̐ sāhasrásya rāyá īśiṣe

Line : 17  Pada: e     tásmai te vidʰema vā́jāya //

Pada: f     prajā́ṃ me narya pāhi

Pada: g     tā́ṃ me gopāyā́smā́kaṃ púnar āgamā́t \

Page: 83  
Line : 1  Pada: h     ágne gr̥hapate sugr̥hapatír aháṃ tváyā gr̥hápatinā bʰūyā́sam \

Line : 2  Pada: i     sugr̥hapatís tváṃ máyā gr̥hápatinā bʰūyās \

Pada: j     ánnaṃ me budʰya pāhi

Pada: k     tán me gopāyā́smā́kaṃ púnar āgamā́t //

Line : 4  Pada: l     imā́n me mitrāvaruṇau gr̥hā́n gopāyatam̐ yuvám /

Line : 5  Pada: m     ávinaṣṭān ávihrutān pūṣaínān abʰírakṣatu \

Pada: n     ā́smā́kaṃ púnar āgamā́t //

Line : 6  Pada: o     paśū́n me śam̐sya pāhi

Pada: p     tā́n me gopāyā́smā́kaṃ púnar āgamā́d íty āhavanī́yam úpatiṣṭʰate \

Line : 7  Pada: q     āhavanī́yāyaivá paśū́n paridā́ya praíti \

Pada: r     ágne sahasrākṣa śatamūrdʰann íti

Line : 8  Pada: s     sahasrākṣó hy èṣá śatámūrdʰā

Pada: t     śatáṃ te prāṇā́ḥ sahásram apānā́ íti

Line : 9  Pada: u     śatám̐ hy ètásya prāṇā́ḥ sahásram apānā́s

Pada: v     tvám̐ sāhasrásya rāyá īśiṣe

Line : 10  Pada: w     tásmai te vidʰema vā́jāyéti \

Pada: x     āśíṣam evā́śāste //

Pada: y     prajā́ṃ me narya pāhi

Line : 11  Pada: z     tā́ṃ me gopāyā́smā́kaṃ púnar āgamā́d íti gā́rhapatyam úpatiṣṭʰate

Pada: aa     gā́rhapatyāyaivá prajā́ṃ paridā́ya praíti \

Line : 12  Pada: ab     ágne gr̥hapate sugr̥hapatír aháṃ tváyā gr̥hápatinā bʰūyā́sam \

Line : 13  Pada: ac     sugr̥hapatís tváṃ máyā gr̥hápatinā bʰūyā íti \

Pada: ad     agrahaṇau sáṃjīryataḥ

Line : 14  Pada: ae     sárvam ā́yur itas \

Pada: af     nā́rtiṃ nī̀tas \

Pada: ag     ánnaṃ me budʰya pāhi

Pada: ah     tán me gopāyā́smā́kaṃ púnar āgamā́d íti dakṣiṇāgnim úpatiṣṭʰate

Line : 15  Pada: ai     dakṣiṇāgnáya evā́nnaṃ paridā́ya praíti //

Line : 17  Pada: aj     imā́n me mitrāvaruṇau gr̥hā́n gopāyatam̐ yuvám /

Line : 18  Pada: ak     ávinaṣṭān ávihrutān pūṣaínān abʰírakṣatu \

Pada: al     ā́smā́kaṃ púnar āgamā́t // íti \

Line : 19  Pada: am     ahorātré vaí mitrā́váruṇau

Pada: an     paśávaḥ pūṣā́ \

Pada: ao     ahorātrā́bʰyāṃ caivá mitrā́váruṇābʰyāṃ ca gr̥hā́n paridā́ya práti //

Line : 20  Pada: ap     agním̐ samā́dʰehi // íty āha

Pada: aq     bʰásma tvā úpatiṣṭʰate //


Page: 84  
Line : 1  Pada: ar     paśū́n me śam̐syājugupas

Pada: as     tā́n me púnar dehi // íty āhavanī́yaṃ púnar étyópatiṣṭʰate \

Line : 2  Pada: at     āhavanī́yenaivá paśū́n guptā́n ātmán dʰatte //

Pada: au     ágne sahasrākṣa śatamūrdʰañ śataṃ te prāṇā́ḥ sahásram apānā́s

Line : 3  Pada: av     tvám̐ sāhasrásya rāyá īśiṣe

Line : 4  Pada: aw     tásmai te vidʰema vā́jāya //

Pada: ax     prajā́ṃ me naryājugupas

Pada: ay     tā́ṃ me púnar dehi // íti gā́rhapatyaṃ púnar étyópatiṣṭʰate

Line : 5  Pada: az     gā́rhapatyenaivá prajā́ṃ guptā́m ātmán dʰatte //

Line : 6  Pada: ba     ágne gr̥hapate sugr̥hapatír aháṃ tváyā gr̥hápatinā bʰūyā́sam \

Pada: bb     sugr̥hapatís tváṃ máyā gr̥hapatinā bʰūyās \

Line : 7  Pada: bc     ánnaṃ me budʰyājugupas

Pada: bd     tán me púnar déhi // íti dakṣiṇāgníṃ púnar étyópatiṣṭʰate

Line : 8  Pada: be     dakṣiṇāgnínaivā́nnaṃ guptám ātmán dʰatte //

Line : 9  Pada: bf     imā́n me mitrāvaruṇau gr̥hā́n jugupatam̐ yuvám /

Line : 10  Pada: bg     ávinaṣṭān ávihrutān pūṣaínān abʰyàrakṣīd ā́smā́kaṃ púnar āgamā́t // íti \

Line : 11  Pada: bh     ahorātré vaí mitrā́váruṇau

Pada: bi     paśávaḥ pūṣā́ \

Pada: bj     ahorātrā́bʰyāṃ caivá mitrā́váruṇābʰyāṃ ca gr̥hā́n guptā́n ātmán dʰatte //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.