TITUS
Black Yajur-Veda: Maitrayani-Samhita
Part No. 4
Previous part

Prapathaka: 4  
Anuvaka: 1  
Page: 47  
Line : 1  Pada: a     mámāgne várco vihavéṣv astu vayáṃ tvéndʰānās tanvàṃ puṣema /

Line : 2  Pada: b     máhyaṃ namantāṃ pradíśaś cátasras tváyā́dʰyakṣeṇa pr̥tanā jayema //

Line : 3  Pada: c     ágne vratapate vratám ā́lapsye

Pada: d     tát te prábrūmas

Pada: e     tán no gopāya

Pada: f     táñ śakeyam //

Line : 4  Pada: g     agním̐ hótāram úpa tám̐ huve devā́n yajñíyān ihá yā́nyájāmahai /

Line : 5  Pada: h     vyántu devā́ havíṣo me asyā́ devā́ yantu sumanasyámānāḥ //

Line : 6  Pada: i     yunájmi tvā bráhmaṇā daívyena havyā́yāsmaí vóḍʰave jātavedaḥ /

Line : 7  Pada: j     índʰānās tvā suprajásaḥ suvī́rā jyóg jīvema balihŕ̥to vayáṃ te //

Line : 8  Pada: k     asmā́sv índra indriyáṃ dadʰātv asmā́n rā́yo magʰávānaḥ sacantām /

Line : 9  Pada: l     asmā́kam̐ santv āśíṣaḥ //

Line : 10  Pada: m     ā́m āśíṣo dóhakāmā índravanto havāmahe /

Line : 11  Pada: n     dʰukṣīmáhi prajā́m íṣam //

Line : 12  Pada: o     sā́ me satyā́śīr devā́n gamyājj úṣṭāj júṣṭatarā páṇyāt páṇyatarā //

Page: 48  
Line : 1  Pada: p     áreḍatā mánasā devā́n gacʰa

Pada: q     yajñó devā́n gacʰatu

Pada: r     yajñó devā́n gamyāt //

Line : 2  Pada: s     ví te muñcāmi raśanā́m̐ ví raśmī́n ví yóktrāṇi paricártanāni /

Line : 3  Pada: t     dʰattā́d asmábʰyaṃ dráviṇehá bʰadráṃ prá mā brūtād bʰāgadā́ṃ devátāsu //

Line : 4  Pada: u     iṣṭó yajñó bʰŕ̥gubʰir draviṇodā́ yátibʰir āśīrdā́ vásubʰiḥ /

Line : 5  Pada: v     áṅgiraso me asyá yajñásya prātaranuvākaír ahauṣuḥ //

Line : 6  Pada: w     tásya mā yajñásyeṣṭásya vītásya dráviṇehā́gamyāt \

Pada: x     vásur yajñás \

Pada: y     vásumān yajñás

Line : 7  Pada: z     tásya mā yajñásya vásor vásumato vásv ihā́gacʰatu \

Pada: aa     adó mā́gacʰatu \

Pada: ab     adó mā́gamyāt //


Anuvaka: 2  
Line : 9  Pada: a     sám̐ yajñápatir āśíṣā

Pada: b     sád asi

Pada: c     sán me bʰūyāḥ

Pada: d     pūrṇám asi

Pada: e     pūrṇáṃ me bʰūyāḥ

Line : 10  Pada: f     sárvam asi

Pada: g     sárvaṃ me bʰūyās \

Pada: h     ákṣitam asi \

Pada: i     ákṣitaṃ me bʰūyāḥ

Pada: j     prā́cyā diśā́ devā́ r̥tvíjo mārjayantām \

Line : 11  Pada: k     dákṣiṇayā diśā́ mā́sāḥ pitáro mārjayantām \

Line : 12  Pada: l     pratī́cyā diśā́ gr̥hā́ḥ paśávo mārjayantām

Pada: m     údīcyā diśā́pā óṣadʰayo vánaspátayo mārjayantām

Line : 13  Pada: n     ūrdʰváyā diśā́ yajñáḥ sam̐vatsaró mārjayatām \

Line : 14  Pada: o     víṣṇuḥ pr̥tʰivyā́m̐ vyàkram̐sta gāyatréṇa cʰándasā

Pada: p     nírbʰaktaḥ sá yáṃ dviṣmás \

Line : 15  Pada: q     víṣṇur antárikṣe vyàkram̐sta traíṣṭubʰena cʰándasā

Pada: r     nírbʰaktaḥ sá yáṃ dviṣmás \

Line : 16  Pada: s     víṣṇur diví vyàkram̐sta jā́gatena cʰándasā

Pada: t     nírbʰaktaḥ sá yáṃ dviṣmás \

Line : 17  Pada: u     áganma svàḥ

Pada: v     sáṃ jyótiṣābʰūma \

Pada: w     idám ahám amúṣya prāṇáṃ níveṣṭayāmi

Pada: x     téjo 'si

Line : 18  Pada: y     sám aháṃ prajáyā

Pada: z     sáṃ máyā prajā́

Pada: aa     sám aháṃ paśúbʰiḥ

Pada: ab     sáṃ máyā paśávas \

Line : 19  Pada: ac     ágne gr̥hapate sugr̥hapatír aháṃ tváyā gr̥hápatinā bʰūyā́sam \

Pada: ad     sugr̥hapatís tváṃ máyā gr̥hápatinā bʰūyās \

Page: 49  
Line : 1  Pada: ae     astʰūrí ṇau gā́rhapatyaṃ dīdāyañ śatám̐ hímā dvāyū́

Line : 2  Pada: af     rā́dʰām̐si saṃprñcānā́ ásaṃpr̥ñcānau tanvàs \

Pada: ag     ásā ánu mā tanu \

Pada: ah     ácʰinno divyás tántur mā́ mānuṣáś cʰedi

Line : 3  Pada: ai     divyā́d dʰā́mno mā́ cʰitsi mā́ mānuṣā́t \

Line : 4  Pada: aj     jyótiṣe tántave tvā //


Anuvaka: 3  
Line : 5  Pada: a     yé devā́ yajñahánaḥ pr̥tʰivyā́m ádʰy ā́sate /

Line : 6  Pada: b     agnír nas tébʰyo rakṣatu gácʰema sukŕ̥to vayám //

Line : 7  Pada: c     yé devā́ yajñamúṣaḥ pr̥tʰivyā́m ádʰy ā́sate /

Line : 8  Pada: d     agnír nas tébʰyo rakṣatu gácʰema sukŕ̥to vayám //

Line : 9  Pada: e     yā́s te rā́trayaḥ savitar devayā́nīḥ sahasrayajñám abʰí saṃbabʰūvúḥ /

Page: 50  
Line : 1  Pada: f     gr̥haíś ca sárvaiḥ prajáyā nv ágre svò rúhāṇās taratā rájām̐si //

Line : 2  Pada: g     yé devā́ yajñaháno antárikṣe ádʰy ā́sate /

Line : 3  Pada: h     vāyúr nas tébʰyo rakṣatu gácʰema sukŕ̥to vayám //

Line : 4  Pada: i     yé devā́ yajñamúṣo antárikṣe ádʰy ā́sate /

Line : 5  Pada: j     vāyúr nas tébʰyo rakṣatu gácʰema sukŕ̥to vayám //

Line : 6  Pada: k     ā́ganma mitrāvaruṇā váreṇa rā́trīṇāṃ bʰāgo yuváyor yó ásti /

Line : 8  Pada: l     nā́kaṃ gr̥bʰṇānā́ḥ sukr̥tásya loké tr̥tī́ye pr̥ṣṭʰé ádʰi rocané diváḥ //

Line : 10  Pada: m     yé devā́ yajñaháno divy ádʰy ā́sate

Line : 11  Pada: n     sū́ryo nas tébʰyo rakṣatu gácʰema sukŕ̥to vayám //

Line : 12  Pada: o     yé devā́ yajñamúṣo divy ádʰy ā́sate /

Line : 13  Pada: p     sū́ryo nas tébʰyo rakṣatu gácʰema sukŕ̥to vayám //

Line : 14  Pada: q     yénéndrāya samábʰaran páyām̐sy uttaména havíṣā jātavedaḥ /

Line : 15  Pada: r     ténāgne tvám utá vardʰayā mā́m̐ sajātā́nāṃ mádʰye śraíṣṭʰyā ā́ dʰehi mā //

Line : 17  Pada: s     vedò 'si

Pada: t     védo mā ā́bʰara

Pada: u     tr̥ptò 'hám \

Pada: v     tr̥ptás tvám //

Line : 18  Pada: w     gʰr̥távantaṃ kulāyínam̐ rāyáspóṣam̐ sahasríṇam /

Line : 19  Pada: x     vedó vā́jaṃ dadātu me //

Page: 51  
Line : 1  Pada: y     nír dviṣántaṃ nír árātiṃ daha

Pada: z     rudrā́s tvāyacʰan \

Pada: aa     ādityā́s tvāstr̥ṇan //

Line : 2  Pada: ab     gómaṃ agné 'vimaṃ aśvī́ yajñó nr̥vátsakʰā sádam íd apramr̥ṣyáḥ /

Line : 3  Pada: ac     íḍāvān eṣó asura prajā́vān dīrgʰó rayíḥ pr̥tʰubudʰnáḥ sabʰā́vān //

Line : 4  Pada: ad     sáṃ pátnī pátyā sukr̥téṣu gacʰatām̐ yajñásya yuktaú dʰúryā abʰūtām * /
      FN Correcturen und Conjecturen zu dem ganzen Werk.

Line : 5  Pada: ae     āprīṇānaú vijáhatā árātiṃ diví jyótir uttamám ā́rabʰetʰām̐ svā́hā //

Line : 7  Pada: af     pátni patny eṣá te lokás \

Pada: ag     námas te astu

Pada: ah     mā́ mā him̐sīs \

Pada: ai     yā́ sárasvatī veśayámanī tásyai svā́hā //

Line : 8  Pada: aj     yā́ sárasvatī veśabʰagī́nā tásyās te bʰaktivā́no bʰūyāsma //

Line : 10  Pada: ak     ayā́ś cāgné 'sy anabʰiśastíś ca satyám ít tvám ayā́ asi /

Line : 11  Pada: al     ayā́ḥ sán mánasā kr̥ttò 'yā́ḥ sán havyám ūhiṣe \

Pada: am     ayā́ no dʰehi bʰeṣajám̐ svā́hā //


Anuvaka: 4  
Line : 13  Pada: a     devā́n jánam agan yajñás

Pada: b     táto mā yajñásyāśīr ā́gacʰatu

Pada: c     pitŕ̥̄n jánam agan yajñás

Line : 14  Pada: d     táto mā yajñásyāśī́r āgacʰatu

Pada: e     manuṣyā̀n jánam agan yajñás

Pada: f     táto mā yajñásyāśī́r ā́gacʰatu \

Line : 15  Pada: g     apá óṣadʰīr vánaspátīn jánam agan yajñás

Pada: h     táto mā yajñásyāśī́r ā́gacʰatu

Line : 16  Pada: i     pañcajanáṃ jánam agan yajñás

Pada: j     táto mā yajñásyāśī́r ā́gacʰatu

Pada: k     pañcānā́ṃ tvā vā́tānāṃ dʰartrā́ya gr̥hṇāmi

Page: 52  
Line : 1  Pada: l     pañcānā́ṃ tvā diśā́ṃ dʰartrā́ya gr̥hṇāmi

Line : 2  Pada: m     pañcānā́ṃ tvā salilā́nāṃ dʰartrā́ya gr̥hṇāmi

Pada: n     pañcānā́ṃ tvā pr̥ṣṭʰā́nāṃ dʰartrā́ya gr̥hṇāmi

Line : 3  Pada: o     pañcānā́ṃ tvā pañcajanā́nāṃ dʰartrā́ya gr̥hṇāmi

Pada: p     carós tvā pañcabilasya dʰartrā́ya gr̥hṇāmi //

Line : 5  Pada: q     dʰā́māsi priyáṃ devā́nām ánādʰr̥ṣṭaṃ devayájanam /

Line : 6  Pada: r     devávītyai tvā gr̥hṇāmi //

Line : 7  Pada: s     bʰū́r asmā́kam \

Pada: t     havyáṃ devā́nām

Pada: u     āśíṣo yájamānasya

Pada: v     devátābʰyas tvā devátābʰir gr̥hṇāmi //


Anuvaka: 5  
Line : 9  Pada: a     samr̥tayajñó vā́ eṣá yád darśapūrṇamāsaú

Pada: b     kásya vā́ha yakṣyámāṇasya devátā yajñám āgácʰanti kásya vā ná

Line : 10  Pada: c     bahūnā́m̐ samānám áhar yájamānānām \

Line : 11  Pada: d     yáḥ pūrvedyúr agníṃ gr̥hṇā́ti sá śvó bʰūté devátā abʰíyajate

Pada: e     mámāgne várco vihavéṣv astv íti pū́rvam agníṃ gr̥hṇāti

Line : 12  Pada: f     devátā vā́ etát pūrvedyúr agrahīt

Pada: g     tā́ḥ śvó bʰūtè 'bʰíyajate

Line : 13  Pada: h     barhíṣā vaí pūrṇámāse vratám upayánti vatsaír amāvāsyā̀yām \

Line : 14  Pada: i     purā́ vatsā́nām apā́kartor dáṃpatī aśnīyātām \

Pada: j     hástā avaníjya dakṣiṇatò 'gním úpatiṣṭʰeta \ ágne vratapate vratám ā́lapsye \ íti \

Line : 15  Pada: k     agnír vaí devā́nām̐ vratápatir brāhmaṇó vratabʰŕ̥t \

Line : 16  Pada: l     vratápataya evá prócya vratám ā́labʰate \

Line : 17  Pada: m     agním̐ hótāram úpa tám̐ huve \ íti yéna havír nirvapsyánt syā́t tád abʰímr̥śet \

Line : 18  Pada: n     devátānām̐ vā́ eṣá gráhas \

Pada: o     devátā vā́ etád agrahīt \

Pada: p     yunájmi tvā bráhmaṇā daívyena \ íti paridʰíṣu paridʰīyámāṇeṣu vadet \

Page: 53  
Line : 1  Pada: q     agnér vā́ eṣá yógas \

Pada: r     agním etád yunakti

Line : 2  Pada: s     yunaktò 'smai havyám̐ vahati \

Pada: t     asmā́sv índra indriyáṃ dadʰātu \ íti \ íḍāyām upahūyámānāyām̐ vadet \

Line : 3  Pada: u     íḍāyā vā́ eṣá dóhās \

Pada: v     íḍām̐ vā́ etád duhe \

Pada: w     átʰo indriyám̐ vā́ íḍā \

Line : 4  Pada: x     indriyám evā́tmán dʰatte \

Pada: y     ā́m āśiṣo dóhakāmās \ íti \

Pada: z     āśíṣo vaí dóhakāmā yájamānam abʰísarpanti

Line : 5  Pada: aa     tā́ dakṣiṇató yájamānalokam úpatiṣṭʰate

Line : 6  Pada: ab     tā́ yátʰā dʰenávó 'dugdʰā apakrā́manty evám asmād āśíṣó 'dugdʰā ápakrāmanti yá eváṃ ná véda \

Line : 7  Pada: ac     átʰa yá evám̐ védāśíṣa evá duhe

Pada: ad     sā́ me satyā́śīr devā́n gamyāt \ íti prastaré prahriyámāṇe vadet

Line : 8  Pada: ae     satyā́m̐ vā́ etád āśíṣaṃ devā́n gamayitvā́tʰa váram̐ vr̥ṇīte \

Line : 9  Pada: af     etád dʰa sma vā́ āhaúpāvir jānaśruteyáḥ

Line : 10  Pada: ag     sahásreṇeṣṭvā́ kám u ṣvid átó 'dʰi váram̐ variṣyāmahe \ íti

Line : 11  Pada: ah     sahásreṇa yakṣīya \ íti ha sma vā́vá tátaḥ purā́ha

Pada: ai     ví te muñcāmi raśanā́m̐ ví raśmī́n íti paridʰíṣu prahriyámāṇeṣu vadet \

Line : 12  Pada: aj     devátā vā́ etát svargáṃ lokáṃ gamayitvā́ pratiṣṭʰā́pya vyàmauk \

Line : 13  Pada: ak     iṣṭó yajñó bʰŕ̥gubʰir íti

Pada: al     yajñásya vā́ eṣá dóhas \

Line : 14  Pada: am     yajñám etád duhe \

Pada: an     etád dʰa sma vā́ āha kapivanó bʰauvāyanáḥ

Pada: ao     kím u sá yajñéna yajeta yó gā́m iva yajñáṃ ná duhītá

Line : 15  Pada: ap     sudóhataro hí gór íti //


Anuvaka: 6  
Line : 16  Pada: a     sám̐ yajñápatir āśíṣā \ íti yájamāno yajamānabʰāgáṃ prā́śnāti

Pada: b     yájamāno vaí yajñápatis \

Line : 17  Pada: c     yajñó yajamānabʰāgás \

Pada: d     yád yájamāno yajamānabʰāgáṃ prāśnā́ti

Line : 18  Pada: e     yajñápatā evá yajñáṃ prátiṣṭʰāpayati

Pada: f     yádi praváset samiṣṭayajúṣā sahá juhuyāt \

Pada: g     agnā́ evá yajñáṃ prátiṣṭʰāpayati

Line : 19  Pada: h     yád dʰavír nirvapsyánn agnaú niṣṭápati \

Pada: i     agnér evá yajñáṃ nírmimīte \

Line : 20  Pada: j     átʰa yád dʰavír nirvapsyán yájamānāya prā́ha

Pada: k     yajñápater evā́dʰi yajñáṃ nírmimīte \


Page: 54  
Line : 1  Pada: l     agnír vaí bʰū́yām̐saṃ prádahati \

Pada: m     etám̐ vaí lokám̐ yájamāno nv átimucyate yád etā́ ā́po 'tisr̥jyánte \

Line : 2  Pada: n     ácʰinnam̐ srāvāyitavyā̀s \

Pada: o     adbʰír vā́ etád yájamāno 'gnér ātmā́nam antárdʰatte

Line : 3  Pada: p     dvayā́ vaí devā́ yájamānasya gr̥hám ā́gacʰanti somapā́ anyé 'somapā anyé hutā́do 'nyé 'hutādo 'nyé \

Line : 4  Pada: q     eté vaí devā́ áhutādo yád brāhmaṇā́s \

Line : 5  Pada: r     etaddevatyà eṣá yáḥ purā́nījānas \

Pada: s     eté vā́ etásya prajā́yāḥ paśūnā́m īśate

Line : 6  Pada: t     tè 'syā́prītā íṣam ū́rjam ādā́yā́pakrāmanti

Line : 7  Pada: u     yád anvāhāryàm anvāhárati

Pada: v     tā́n evá téna prīṇāti

Pada: w     dakṣiṇataḥsádbʰyaḥ párihartavā́ āha

Line : 8  Pada: x     dákṣiṇāvataivá yajñéna yajate \

Pada: y     ā́hutibʰir evá devā́n hutā́daḥ prīṇāti

Line : 9  Pada: z     tè 'smai prītā́ íṣam ū́rjaṃ níyacʰanti //


Anuvaka: 7  
Line : 10  Pada: a     sád asi sán me bʰūyās \ íti \

Pada: b     āśíṣo vā́ etā́s

Pada: c     tā́ evā́varunddʰe

Pada: d     pūrṇám asi pūrṇáṃ me bʰūyās \ íti

Line : 11  Pada: e     pūrṇó ha vā́ amútrā́ṅgaiḥ sáṃbʰavati

Pada: f     sárvam asi sárvaṃ me bʰūyās \ íti

Line : 12  Pada: g     sárvo ha vā́ amútrā́ṅgaiḥ sáṃbʰavati \

Pada: h     ákṣitam asy ákṣitaṃ me bʰūyās \ íti \

Line : 13  Pada: i     ákṣito ha vā́ amútrā́ṅgaiḥ sáṃbʰavati

Pada: j     prā́cyā diśā́ devā́ r̥tvíjo mārjayantām íti \

Line : 14  Pada: k     etā́ vaí yajñásya mŕ̥ṣṭayas \

Pada: l     etā́ḥ śā́ntayas

Pada: m     tā́ baíjavāpayo vidā́m akran \

Line : 15  Pada: n     téṣāṃ mr̥ṣṭó yajñáḥ śāntó 'bʰūd * ágʰātukaḥ paśupátiḥ paśū́n \
      FN from ábʰūd. Ed.: bʰūd

Line : 16  Pada: o     tád yá evám̐ véda mr̥ṣṭá evā́sya yajñáḥ śāntó bʰavaty ágʰātukaḥ paśupátiḥ paśū́n

Line : 17  Pada: p     víṣṇuḥ pr̥tʰivyā́m̐ vyàkram̐sta gāyatréṇa cʰándasā \ íti

Line : 18  Pada: q     víṣṇumukʰā vaí devā́ ásurān ebʰyó lokébʰyaḥ praṇúdya svargáṃ lokám āyan \

Page: 55  
Line : 1  Pada: r     tád víṣṇumukʰo vā́ etád yájamāno bʰrā́tr̥vyam ebʰyó lokébʰyaḥ praṇúdya svargáṃ lokám eti \

Line : 2  Pada: s     áganma svàr íti

Pada: t     svargam evá lokám eti

Pada: u     sáṃ jyótiṣābʰūma \ íti

Line : 3  Pada: v     jyótir hí svargó lokás \

Pada: w     idám ahám amúṣya prāṇáṃ níveṣṭayāmi \ íti

Line : 4  Pada: x     prāṇám evā́sya níveṣṭayati \

Pada: y     ittʰáṃ paryā́vartate \

Pada: z     evám̐ hí yajñáḥ paryāvártate \

Line : 5  Pada: aa     átʰo amúṣya vā́ etád ādityásyāvŕ̥tam ánu paryā́vartate

Pada: ab     téjo 'si \ íty āha

Line : 6  Pada: ac     téjo hy àgníḥ

Pada: ad     sá vaí hitvā́ prajā́ṃ ca paśū́m̐ś ca svàr eti

Pada: ae     yád ā́ha

Pada: af     sám aháṃ prajáyā sáṃ máyā prajā́ sám aháṃ paśúbʰiḥ sáṃ máyā paśávas \ íti

Line : 7  Pada: ag     prajā́yāṃ caivá paśúṣu ca prátitiṣṭʰati \

Line : 8  Pada: ah     ágne gr̥hapate sugr̥hapatír aháṃ tváyā gr̥hápatinā bʰūyā́sam \

Line : 9  Pada: ai     sugr̥hapatís tváṃ máyā gr̥hápatinā bʰūyās \ íti \

Pada: aj     ágrahaṇau sáṃjīryataḥ

Line : 10  Pada: ak     sárvam ā́yur itas \

Pada: al     nā́rtiṃ nī̀taḥ

Pada: am     putrásya nā́ma gr̥hṇāti

Pada: an     prajā́m evā́nu sámatānīt

Line : 11  Pada: ao     sá vaí mānuṣám evā́bʰy upā́vartate

Pada: ap     manuṣyàsya hí nā́ma gr̥hṇā́ti

Line : 12  Pada: aq     yád ā́ha \

Pada: ar     ácʰinno divyàs tántur mā́ mānuṣáś cʰedi \ íti

Pada: as     divyáṃ caivá mānuṣáṃ ca sámatānīt \

Line : 13  Pada: at     divyā́d dʰā́mno mā́ cʰitsi mā́ mānuṣā́t \ íti \

Pada: au     ubʰā́ imáṃ lokáṃ jayataḥ

Line : 14  Pada: av     sahá svargé loké bʰavataḥ //


Anuvaka: 8  
Line : 15  Pada: a     íti

Pada: b     yá evá devā́ yajñahánaś ca yajñamúṣaś ca pr̥tʰivyā́ṃ tā́m̐s tīrtvā́ntárikṣam ā́ruhat \

Line : 16  Pada: c     yá evá devā́ yajñahánaś ca yajñamúṣaś cāntárikṣe tā́m̐s tīrtvā́ dívam agan

Line : 17  Pada: d     yá evá devā́ yajñahánaś ca yajñamúṣaś ca diví tā́m̐s tīrtvā́ sajātā́nāṃ mádʰye śraiṣṭʰyā ā́dʰād enam \

Line : 18  Pada: e     śíro vā́ etád yajñásya yát puroḍā́śaḥ kéśā vedás \

Line : 19  Pada: f     yád vedéna puroḍā́śam̐ saṃmā́rṣṭi

Pada: g     yajñásya sarvatvā́ya \

Pada: h     átʰo medʰyatvā́ya

Pada: i     yajñó vaí devébʰyas tirò 'bʰavat

Page: 56  
Line : 1  Pada: j     táṃ devā́ vedénāvindan \

Pada: k     tád vedásya vedatvám \

Pada: l     yád vedéna védyām ā́ste

Line : 2  Pada: m     yajñám evā́smai vindati

Pada: n     pátnyai vedáṃ práyacʰati

Pada: o     duranuvédo vā́ amútra yajñás \

Line : 3  Pada: p     yajñám evā́smai vindati

Pada: q     tríḥ práyacʰati

Pada: r     tríṣatyā hí devā́s \

Line : 4  Pada: s     upástʰā ā́syate

Pada: t     púmām̐saṃ jā́nukā bʰavati

Pada: u     paśávo vaí vedás \

Pada: v     óṣadʰayo hy èṣá

Line : 5  Pada: w     eṣá kʰálu vaí paśūnā́ṃ lokó yád antarā́gnī́

Pada: x     své vā́ etál loké yájamāno bʰrā́tr̥vyasya paśū́n vr̥ṅkte \

Line : 6  Pada: y     ardʰamāsè'rdʰamāse vaí yajñó vícʰidyate

Line : 7  Pada: z     sáṃtatam āhavanī́yāt str̥ṇánn eti

Pada: aa     yajñásya sáṃtatyai

Pada: ab     tám̐ sáṃtatam úttare 'rdʰamāsè 'bʰíyajate

Line : 8  Pada: ac     gómaṃ agné 'vimaṃ aśvī́ yajñás \ íti

Pada: ad     gómantam evā́vimantam aśvínam̐ yajñám akar

Line : 9  Pada: ae     íḍāvān eṣó asura prajā́vān dīrgʰó rayíḥ pr̥tʰubudʰnáḥ sabʰā́vān íti \

Pada: af     āśíṣam evā́śāste

Line : 10  Pada: ag     sáṃ pátnī pátyā sukr̥téṣu gacʰatām íti \

Pada: ah     eṣá vaí pátnyā yajñásyānvārambʰáḥ

Line : 11  Pada: ai     sahá svargé loké bʰavatas \

Pada: aj     yā́ vā́ etásya pátnī saítám̐ saṃpratí paścā́d ánvāste

Line : 12  Pada: ak     yát saṃpratí paścā́d anvā́sīta prajā́m asyā nírdahet \

Pada: al     yád ā́ha

Line : 13  Pada: am     pátni patny eṣá te lokás \ íti

Pada: an     lokám evā́syā akar

Pada: ao     ánirdāhuko 'syāḥ prajā́ṃ bʰavati

Line : 14  Pada: ap     yā́ sárasvatī veśayámanī \ íti

Pada: aq     veśayámanam \

Pada: ar     veśā́n evā́smai téna yacʰati \

Line : 15  Pada: as     utā́syā́jīvantaḥ sajātā́ úpāsate

Pada: at     vā́cam ín nv asyá * brāhmaṇásya vā rājanyàsya vópāsmahe \ íti
      FN Mittwede. Ed.: vācamínvasya

Line : 16  Pada: au     mām̐sáṃ tú ná paceyus tásminn agnaú

Pada: av     yát páceyuḥ kravyā́daṃ kuryus \

Line : 17  Pada: aw     ná hí tásminn agnaú mām̐sáṃ pácanti yásminn ā́hutīr júhvati \

Pada: ax     ayā́ś cāgné 'sy anabʰiśastíś ca \ íti \

Line : 18  Pada: ay     ayā́ vaí nā́maiṣā́gnéḥ priyā́ tanū́s \

Pada: az     ayā́ maryādʰaír yéṇa \ íti kʰálu vā́ ā́hus \

Page: 57  
Line : 1  Pada: ba     yác caivā́tra yajñé kriyáte yác ca ná

Pada: bb     yā́ṃ caivā́tra yajñásya prā́yaścittim̐ vidmá yā́ṃ ca ná

Line : 2  Pada: bc     tásyaiṣóbʰáyasya prā́yaścittiḥ //


Anuvaka: 9  
Line : 3  Pada: a     devā́n jánam agan yajñás \ íti skannám abʰímantrayeta

Pada: b     jánam̐ vā́ etád yajñásya gacʰati yát skándati

Line : 4  Pada: c     jáno hī̀yám asmád ádʰi

Pada: d     yajñásya vā́ etáj jánaṃ gatásyāśíṣam ávarunddʰe

Line : 5  Pada: e     pañcānā́ṃ tvā vā́tānāṃ dʰartrā́ya gr̥hṇāmī́ti

Pada: f     pā́ṅkto yajñás \

Line : 6  Pada: g     yā́vān evá yajñás tám ā́labdʰa \

Pada: h     ayám̐ vā́vá yáḥ pávata eṣá yajñás

Pada: i     tám evā́grahīt

Line : 7  Pada: j     pañcānā́ṃ tvā diśā́ṃ dʰartrā́ya gr̥hṇāmi \ íti \

Pada: k     imā́ evá pañca díśo 'grahīt

Line : 8  Pada: l     pañcānā́ṃ tvā salilā́nāṃ dʰartrā́ya gr̥hṇāmī́ti

Pada: m     paśávo vaí salilám \

Line : 9  Pada: n     paśū́n evā́grahīt

Pada: o     pañcānā́ṃ tvā pr̥ṣṭʰā́nāṃ dʰartrā́ya gr̥hṇāmi \ íti

Pada: p     pr̥ṣṭʰā́ny evā́grahīt

Line : 10  Pada: q     ténāsya pr̥ṣṭʰávantau darśapūrṇamāsaú sáṃtatā ávicʰinnau bʰavataḥ

Line : 11  Pada: r     pañcānā́ṃ tvā pañcajanā́nāṃ dʰartrā́ya gr̥hṇāmī́ti

Pada: s     cʰándām̐si vaí páñca pañcajanā́s \

Line : 12  Pada: t     cʰándām̐sy evā́grahīt \

Pada: u     carós tvā pañcabilasya dʰartrā́ya gr̥hṇāmī́ti \

Pada: v     imé vaí lokā́ś carúḥ páñcabilas \

Line : 13  Pada: w     imā́n evá lokā́n agrahīt //

Line : 14  Pada: x     dʰā́māsi priyáṃ devā́nām ánādʰr̥ṣṭaṃ devayájanam /

Line : 15  Pada: y     devávītyai tvā gr̥hṇāmi //

Line : 16  Pada: z     íti

Pada: aa     prájñāta ājyagraháḥ patʰā́gāt \

Pada: ab     bʰū́r asmā́kam \

Pada: ac     havyáṃ devā́nām

Pada: ad     āśíṣo yájamānasya \ íti

Line : 17  Pada: ae     bʰū́tim evā́tmána āśā́ste

Pada: af     havyáṃ devébʰyas \

Pada: ag     āśíṣo yájamānāya

Line : 18  Pada: ah     devátābʰyas tvā devátābʰir gr̥hṇāmi \ íti

Pada: ai     devátābʰya evaínaṃ devátābʰir agrahīt //


Anuvaka: 10  
Page: 58  
Line : 1  Pada: a     devátānām̐ vā́ etád āyátanam̐ yád āhavanī́yas \

Pada: b     yád antarā́gnī́ tát paśūnā́m \

Line : 2  Pada: c     manuṣyā̀ṇāṃ gā́rhapatyaḥ

Pada: d     pitr̥̄ṇā́m odanapácanaḥ

Pada: e     sárvā ha vā́ asya yakṣyámāṇasya devátā yajñám ā́gacʰanti yá evám̐ véda

Line : 3  Pada: f     pū́rvaṃ cāgním áparaṃ ca páristarītavā́ āha

Line : 4  Pada: g     manuṣyā̀ṇām̐ vaí návāvasānaṃ priyám \

Pada: h     návāvasānam evā́kar

Line : 5  Pada: i     medʰyatvā́ya \

Pada: j     agnér jihvā́si vācó visárjanam íti puroḍāśyā̀n ā́vapati

Line : 6  Pada: k     devátānām̐ vā́ eṣá gráhas \

Pada: l     devátā vā́ etád agrahīt \

Pada: m     etád dʰa sma vā́ āhāruṇá aúpaveśis \

Line : 7  Pada: n     áhutāsu vā́ ahám ā́hutiṣu devátā havyáṃ gamáyāmi

Line : 8  Pada: o     sám̐stʰitena yajñéna sam̐stʰā́ṃ gacʰāni \ íti

Pada: p     tád yá evám̐ védā́hutāsv evā́syā́hutiṣu devátā havyáṃ gácʰati sám̐stʰitena yajñéna sam̐stʰā́ṃ gacʰati \

Line : 9  Pada: q     aulūkʰalā́bʰyām̐ vaí dr̥ṣádā háviṣkr̥d éhi // íti devā́ yajñā́d rákṣām̐sy ápāgʰnata

Line : 10  Pada: r     yád aulūkʰalā́ udvādáyanti dr̥ṣádau samāgʰnánti // háviṣkr̥d éhi // íty āha

Line : 12  Pada: s     rákṣasām ápahatyai \

Pada: t     apáḥ praṇī́ya vā́cam̐ yacʰati

Pada: u     mánasā vaí prajā́patir yajñám atanuta \

Line : 13  Pada: v     aúlūkʰaláyor údvaditor adʰvaryúś ca yájamānaś ca vā́cam̐ yacʰetām \

Pada: w     prajā́patir evá bʰūtvā́ mánasā yajñáṃ tanvāte

Line : 14  Pada: x     ná sárvāṇi sahá yajñāyudʰā́ni prahŕ̥tyāni

Line : 15  Pada: y     mānuṣáṃ tát kriyate

Pada: z     naíkamekam \

Pada: aa     pitr̥devatyàṃ tát \

Pada: ab     dvédve sahá prahŕ̥tye

Line : 16  Pada: ac     yājyānuvākyáyo rūpám úpavasati \

Pada: ad     ubʰáyām̐s téna paśū́n ávarunddʰe grāmyā́m̐s cāraṇyā́m̐ś ca

Line : 17  Pada: ae     yád grāmyásya nā́śnā́ti

Pada: af     téna grāmyā́n ávarunddʰe \

Pada: ag     átʰa yád āraṇyásyāśnā́ti

Line : 18  Pada: ah     ténāraṇyā́n

Pada: ai     átʰo indriyám̐ vā́ āraṇyám

Pada: aj     indriyám evā́tmán dʰatte

Line : 19  Pada: ak     ná mā́ṣāṇām aśnīyāt \

Pada: al     ayajñiyā́ vaí mā́ṣās \

Pada: am     ná tásya sāyám aśnīyād yásya prātár yakṣyámāṇaḥ syā́t \

Line : 20  Pada: an     ápratijagdʰena vaí devā́ havyéna vasīyobʰū́yam ágacʰan

Page: 59  
Line : 1  Pada: ao     prátijagdʰenā́surāḥ párābʰavan \

Pada: ap     tád ápratijagdʰena vā́ etád dʰavyéna yájamāno vasīyobʰū́yaṃ gácʰati párāsya bʰrā́tr̥vyo bʰavati

Line : 2  Pada: aq     yó vaí śraddʰā́m ánālabʰya yájate pā́pīyān bʰavati \

Line : 3  Pada: ar     ā́po vaí śraddʰā́

Pada: as     ná vācā́ gr̥hyánte ná yájuṣā \

Line : 4  Pada: at     áti vā́ etā́ vā́caṃ nédanty áti vártram \

Pada: au     mánas tú nā́tinedanti

Line : 5  Pada: av     yárhy apó gr̥hṇīyā́d imā́ṃ tárhi mánasā dʰyāyet \

Pada: aw     iyám̐ vā́ etā́sāṃ pā́tram

Pada: ax     anáyaivaínā ágrahīt \

Line : 6  Pada: ay     śraddʰā́m ālábʰya yajate

Pada: az     ná pā́pīyān bʰavati //


Anuvaka: 11  
Line : 7  Pada: a     brahmavādíno vadanti

Pada: b     prédʰmám ukṣánti prá havís \

Pada: c     idʰmáḥ pratʰamá ā́hutīnām \

Line : 8  Pada: d     kásmād anyéṣām̐ havíṣām̐ yājyānuvākyā̀ḥ sánti

Pada: e     kásmād idʰmásya néti //

Line : 9  Pada: f     agnáye samidʰyámānāyā́nubrūhi // íti

Pada: g     puronuvākyā̀ sāmidʰenī́r yājyòpavākó vaṣaṭkārás \

Line : 10  Pada: h     yátra vaí yajñásyā́tiriktaṃ kriyáte tád yájamānasyā́tiriktam ātmán jāyate

Line : 11  Pada: i     yád ánāptam̐ ví yajñáś cʰidyáte kṣódʰuko yájamāno bʰavati

Line : 12  Pada: j     paridʰānī́yayā sāmidʰenī́nām uttamám idʰmásya sámardʰayati \

Line : 13  Pada: k     ákṣodʰuko yájamāno bʰavati

Pada: l     nā́syā́tiriktam ātmán jāyate

Pada: m     yó vaí prajā́patim̐ saptadaśám̐ yajñè 'nvā́yattam̐ véda nā́sya yajñó vyátʰate prajā́patau yajñéna prátitiṣṭʰati //

Line : 15  Pada: n     ó śrāvaya // íti

Pada: o     cáturakṣaram //

Pada: p     ástu śraúṣaṭ // íti

Line : 16  Pada: q     cáturakṣaram //

Pada: r     yé yájāmahe // íti

Page: 60  
Line : 1  Pada: s     páñcākṣaram \

Pada: t     dvyàkṣaro vaṣaṭkārás \

Pada: u     eṣá vaí prajā́patiḥ saptadaśó yajñè 'nvā́yattas \

Line : 2  Pada: v     yády anuvākyā̀yā éti yádi yājyā̀yā átaś céd evá naíti nā́sya yajñó vyátʰate prajā́patau yajñéna prátitiṣṭʰati

Line : 3  Pada: w     ná vaí tád vidma yádi brāhmaṇā́ vā smó 'brāhmaṇā vā yádi tásya vā ŕ̥ṣeḥ smò 'nyásya vā yásya brūmáhe

Line : 5  Pada: x     yásya ha tv èvá bruvāṇó yájate táṃ tád iṣṭám ā́gacʰati

Pada: y     nétaram úpanamati

Line : 6  Pada: z     tát pravaré pravaryámāṇe brūyāt //

Pada: aa     dévāḥ pitaraḥ pítaro devās \

Pada: ab     yó 'smi sá sán yajé

Line : 7  Pada: ac     yó 'smi sá sán karomi

Pada: ad     śunáṃ ma iṣṭám̐ śunám̐ śāntám̐ śunáṃ kr̥táṃ bʰūyāt // íti

Line : 8  Pada: ae     tád yá evá káś ca sá sán yajate táṃ tád iṣṭám ā́gacʰati

Line : 9  Pada: af     nétaram úpanamati //

Pada: ag     yajñásya tvā pramáyābʰimáyā parimáyonmáyā párigr̥hṇāmi // íti

Line : 10  Pada: ah     gāyatrī́ vaí yajñásya pramā́

Pada: ai     triṣṭúb abʰimā́

Pada: aj     jágatī parimā́ \

Line : 11  Pada: ak     anuṣṭúb unmā́ \

Pada: al     etā́ni vaí cʰándām̐si yajñám̐ vahanti

Pada: am     taír evaínaṃ párigr̥hṇāti //


Anuvaka: 12  
Line : 13  Pada: a     keśínam̐ vaí dārbʰyáṃ gandʰarvāpsaráso 'pr̥cʰan

Pada: b     katʰā́ yájamāno yájamānena bʰrā́tr̥vyeṇa sadŕ̥ṅṅ asi \ íti \

Line : 14  Pada: c     ahám̐ védā íty abravīt

Pada: d     tè 'bruvan \

Pada: e     aṅgá no yajñám̐ vyācákṣvā íti

Line : 15  Pada: f     tebʰyo yajñám̐ vyā́caṣṭa

Pada: g     tè 'bruvan \

Pada: h     utaítena yájamāno yájamānād bʰrā́tr̥vyāt pā́pīyānt syād íti

Line : 16  Pada: i     tè 'bruvan \

Pada: j     tátʰā vaí te yajñám̐ vídʰāsyāmo yátʰā yájamāno yájamānaṃ bʰrā́tr̥vyam abʰibʰaviṣyási \ íti

Line : 17  Pada: k     tásmā ā́hutīr yajñám̐ vyàdadʰus

Line : 18  Pada: l     tátaḥ keśī́ ṣáṇḍikam aúdbʰārim abʰyàbʰavat \

Pada: m     abʰí bʰrā́tr̥vyam̐ yajñéna bʰavati yá evám̐ véda


Page: 61  
Line : 1  Pada: n     prāṇó vā́ āgʰāráḥ

Pada: o     pūrvārdʰé hotavyàs \

Line : 2  Pada: p     mukʰatá evā́sya prāṇáṃ dadʰāti

Pada: q     prāṇó vā́ āgʰārás \

Pada: r     madʰyató hotavyàs \

Line : 3  Pada: s     madʰyatá evā́sya prāṇáṃ dadʰāti \

Pada: t     āgʰāráṃ bʰū́yiṣṭʰam ā́hutīnāṃ juhuyāt

Pada: u     prāṇó vā́ āgʰāráḥ

Line : 4  Pada: v     prāṇám evā́sya bʰū́yiṣṭʰaṃ karoti

Pada: w     sáṃtatam āgʰārám ā́gʰārayet

Pada: x     prāṇó vā́ āgʰāráḥ

Line : 5  Pada: y     prāṇásya sáṃtatyai \

Pada: z     ūrdʰvám āgʰārám ā́gʰārayet svargákāmasya

Pada: aa     yájamāno vā́ āgʰārás \

Line : 6  Pada: ab     yájamānam evá svargáṃ lokáṃ gamayati

Pada: ac     yáṃ dviṣyā́t tásya nyàñcam ā́gʰārayet

Line : 7  Pada: ad     pā́pīyān bʰavati \

Pada: ae     abʰikrā́mantī vā́ ékā́hutis \

Pada: af     apakrā́manty ékā

Line : 8  Pada: ag     prátiṣṭʰitaíkā

Pada: ah     yā́m abʰikrā́maṃ juhóti sā́bʰikrā́mantī

Pada: ai     yā́m apakrā́maṃ juhóti sā́pakrāmantī

Line : 9  Pada: aj     yā́m̐ samānátra tíṣṭʰan juhóti sā́ prátiṣṭʰitā

Pada: ak     yáṃ kāmáyeta \ abʰitarám̐ vásīyāñ śréyānt syād íti tásyābʰikrā́maṃ juhuyāt

Line : 10  Pada: al     téna sò 'bʰitarám̐ vásīyāñ śréyān bʰavati \

Line : 11  Pada: am     átʰa yáṃ kāmáyeta \ apataráṃ pā́pīyānt syād íti tásyāpakrā́maṃ juhuyāt

Line : 12  Pada: an     téna sò 'pataráṃ pā́pīyān bʰavati \

Pada: ao     átʰa yáṃ kāmáyeta ná vásīyānt syān ná pā́pīyān íti tásya samānátra tíṣṭʰan juhuyāt

Line : 14  Pada: ap     téna sá ná vásīyān ná pā́pīyān bʰavati \

Pada: aq     r̥távo vaí prayājā́ḥ

Pada: ar     samānátra hotavyā̀s \

Line : 15  Pada: as     r̥tūnā́ṃ prátiṣṭʰityai

Pada: at     yā́gnér ā́jyabʰāgasya sóttarārdʰé hotavyā̀

Line : 16  Pada: au     táto yóttarā sā́ rakṣodevatyā̀

Pada: av     yā́ sómasyā́jyabʰāgasya sā́ dakṣiṇārdʰé hotavyā̀

Line : 17  Pada: aw     táto yā́ dákṣiṇā sā́ pitr̥devatyā̀ \

Pada: ax     etád vā́ antarā́hutīnāṃ lokáḥ

Line : 18  Pada: ay     kl̥ptā́ asyā́hutayo yatʰāpūrvám̐ hūyante yá evám̐ véda

Pada: az     dʰūmé juhóti tā́ṃ támasi juhoti

Pada: ba     táto yájamāno 'rocukó bʰavati

Pada: bb     yā́m áṅgāreṣu juhóti sā́ndʰā́hutis

Page: 62  
Line : 1  Pada: bc     táto yájamānasya cákṣuḥ pramā́yukaṃ bʰavati \

Pada: bd     ubʰé jyótiṣmati hotavyè

Pada: be     rócuko yájamāno bʰavati

Pada: bf     nā́sya cákṣuḥ prámīyate

Line : 2  Pada: bg     yā́m ábrāhmaṇaḥ prāśnā́ti sā́ skannā́hutis

Pada: bh     tásyā vásiṣṭʰa evá prā́yaścittim̐ vidā́ṃcakāra //

Line : 4  Pada: bi     brádʰna pāhí // íti puroḍā́śam abʰímr̥śet \

Pada: bj     bʰájatāṃ bʰāgī́

Line : 5  Pada: bk     mā́bʰāgó bʰakta

Pada: bl     brāhmaṇā́nām idám̐ havíḥ somyā́nām̐ somapā́nām \

Line : 6  Pada: bm     néhā́brāhmaṇasyā́py asti

Pada: bn     kurvató me mā́ kṣeṣṭa

Pada: bo     dádato me mópadasat // íti

Line : 7  Pada: bp     dakṣiṇī́yeṣv evá yajñáṃ prátiṣṭʰāpayaty áskannam ávikṣubdʰam

Pada: bq     utá yā́m ábrāhmaṇaḥ prāśnā́ti sā́sya hutaívá bʰavati //


Anuvaka: 13  
Line : 9  Pada: a     yásyā́jyam ánutpūtam̐ skándati sā́ vaí citrā́ nā́mā́hutis

Pada: b     táto yájamānasya citráṃ pramā́yukaṃ bʰavati

Line : 10  Pada: c     citráṃ déyam \

Pada: d     saívá tásya prā́yaścittis \

Pada: e     átʰa yásyótpūtam̐ skándati sā́ vaí skannā́ nā́mā́hutis

Line : 11  Pada: f     táto yájamānaḥ pramā́yuko bʰavati

Line : 12  Pada: g     váro déyaḥ

Pada: h     saívá tásya prā́yaścittis \

Pada: i     átʰa yásya puroḍāśau dúḥśr̥tau bʰávatas tád dʰavír yamadevatyàm \

Line : 13  Pada: j     yadā́ tád dʰavíḥ saṃtíṣṭʰetā́tʰa cátuḥśarāvam odanáṃ paktvā́ brāhamaṇébʰyo jīvátaṇḍulam ivópaharet

Line : 14  Pada: k     saívá tásya prā́yaścittis \

Pada: l     átʰa yásya puroḍā́śau kṣā́yatas tám̐ yajñám̐ váruṇo gr̥hṇāti

Line : 15  Pada: m     yadā́ tád dʰavíḥ saṃtíṣṭʰetā́tʰa tád evá havír nírvapet \

Line : 16  Pada: n     yajñó hí yajñásya prā́yaścittis \

Pada: o     átʰa yò 'dakṣiṇéna yajñéna * yájate tám̐ yájamānam̐ vidyāt \ adakṣiṇéna hí vā́ ayám̐ yajñéna yájaté 'tʰa ná vásīyān bʰavatī́ti \
      FN Correcturen und Conjecturen zu dem ganzen Werk.

Line : 18  Pada: p     urvárā sámr̥ddʰā déyā

Pada: q     saívá tásya prā́yaścittis \

Line : 19  Pada: r     átʰa yásya kapā́laṃ bʰidyéta tát sáṃdadʰyāt \

Pada: s     gāyatryā́ tvā śatā́kṣarayā sáṃdadʰāmi // íti

Line : 20  Pada: t     vā́g vaí gāyatrī́ śatā́kṣarā

Pada: u     vācaívaínat sáṃdadʰāti \

Pada: v     átʰa yásya kapā́laṃ náśyati tám̐ vā́ iyám̐ svargā́l lokā́d antárdadʰāti

Page: 63  
Line : 1  Pada: w     yadā́ tád dʰavíḥ saṃtíṣṭʰetā́tʰāgnáye vaiśvānarā́ya dvā́daśakapālaṃ nírvapet \

Line : 2  Pada: x     ayám̐ vā́ agnír vaiśvānarás \

Line : 3  Pada: y     imā́m evá bʰāgadʰéyenópāsarat

Pada: z     svargásya lokásyā́nantarhityai \

Pada: aa     átʰa yásyā́hutir bahiṣparidʰí skándati sā́ vaí jīvanáḍ ā́hutis \

Line : 4  Pada: ab     agnī́dʰaṃ brūyāt //

Line : 5  Pada: ac     etā́m̐ saṃkáṣya juhudʰi // íti \

Pada: ad     agnír vaí sárvā devátāḥ

Pada: ae     sárvābʰir evā́sya devátābʰir hutáṃ bʰavati

Line : 6  Pada: af     pūrṇapātrám agnī́dʰe déyam \

Pada: ag     saívá tásya prā́yaścittis \

Line : 7  Pada: ah     yájamāno vaí juhū́s \

Pada: ai     bʰrā́tr̥vya upabʰŕ̥t \

Pada: aj     ná prakṣiṇatéva hotavyàm \

Pada: ak     yát prakṣiṇīyā́d yájamānaṃ prákṣiṇīyāt \

Line : 8  Pada: al     vyr̥ṣatéva hotavyàm \

Pada: am     deveṣávo vā́ etā́ yád ā́hutayas \

Line : 9  Pada: an     yáṃ dviṣyā́t táṃ tárhi mánasā dʰyāyet \

Pada: ao     deveṣúbʰir evaínam̐ vyr̥̀ṣati

Line : 10  Pada: ap     str̥ṇutá evá

Pada: aq     paśávo vā́ ā́hutayo rudrò 'gníḥ sviṣṭakŕ̥t \

Pada: ar     ná sahá hotavyàm \

Line : 11  Pada: as     yát sahá juhuyā́d rudrā́yāsya paśū́n ápidadʰyāt \

Pada: at     uttarārdʰápūrvārdʰe hotavyàm

Line : 12  Pada: au     ā́hutīnām ásam̐sr̥ṣṭyai \

Pada: av     átʰo evám asya rudráḥ paśū́n ánabʰimānuko bʰavati //


Anuvaka: 14  
Line : 13  Pada: a     āgnāvaiṣṇavám ékādaśakapālaṃ nírvaped darśapūrṇamāsā́ ālapsyámānas \

Line : 14  Pada: b     agnír vaí sárvā devátās \

Pada: c     víṣṇur yajñás \

Pada: d     devátāś caivá yajñáṃ cālábʰya darśapūrṇamāsā́ ā́labʰate

Line : 15  Pada: e     jáyān u tvo juhvati

Pada: f     devā́ś ca vā́ ásurāś cāspardʰanta

Pada: g     sá prajā́patir etā́n jáyān apaśyat

Line : 16  Pada: h     tā́n índrāya prā́yacʰat

Pada: i     taíḥ sam̐stambʰám̐sam̐stambʰam ásurān ajayat

Pada: j     sam̐stambʰám̐sam̐stambʰaṃ bʰrā́tr̥vyaṃ jayati yásyaité hūyánte //

Line : 17  Pada: k     ā́kūtaṃ cā́kūtiś ca // íti

Page: 64  
Line : 1  Pada: l     yajñó vā́ ā́kūtam \

Pada: m     dákṣiṇā́kūtiḥ //

Pada: n     cittáṃ ca cíttiś ca // íti

Line : 2  Pada: o     máno vaí cittám \

Pada: p     vā́k cíttiḥ //

Pada: q     ā́dʰītaṃ cā́dʰītiś ca // íti

Pada: r     prajā́ vā́ ā́dʰītam \

Line : 3  Pada: s     paśávā ā́dʰītiḥ //

Pada: t     víjñātaṃ ca víjñātiś ca // íti \

Pada: u     ŕ̥g vaí víjñātam \

Line : 4  Pada: v     sā́ma víjñātiḥ //

Pada: w     bʰágaś ca krátuś ca // íti

Pada: x     prajā́patir vaí bʰágas \

Pada: y     yajñáḥ krátuḥ //

Line : 5  Pada: z     dárśaś ca pūrṇámāsaś ca // íti

Pada: aa     darśapūrṇamāsā́ evá

Pada: ab     tád dvā́daśa *
      FN cf. 4.5.7:74.8

Pada: ac     dvā́daśa mā́sāḥ sam̐vatsaráḥ

Line : 6  Pada: ad     sam̐vatsarám evā́ptvā́varunddʰe

Pada: ae     prajā́patiḥ prā́yaccʰaj jáyān índrāya vŕ̥ṣṇa ugráḥ pŕ̥tanāsu jiṣṇúḥ //

Line : 7  Pada: af     tébʰir vā́jam̐ vājayánto jayema tébʰir víśvāḥ pŕ̥tanā abʰíṣyāma // íti

Line : 8  Pada: ag     trayodaśīm ā́hutiṃ juhuyāt \

Pada: ah     ásti mā́sas trayodaśás

Line : 9  Pada: ai     tám evaítáyāptvā́varunddʰe //

Pada: aj     ágne balada sáhā ójaḥ krámamāṇāya me dā abʰiśastikŕ̥te 'nabʰiśastenyā́ya //

Line : 10  Pada: ak     asyā́ janátāyāḥ śraíṣṭʰyāya svā́hā // íti juhuyād yátra kāmáyeta citrám asyā́ṃ janátāyām̐ syām íti

Line : 12  Pada: al     citrám áha tásyāṃ janátāyāṃ bʰávati śabálaṃ tv àsyātmán jāyate //


Anuvaka: 15  
Line : 14  Pada: a     agnáye bʰagíne 'ṣṭā́kapālaṃ nírvaped yáḥ kāmáyeta bʰagy ànnādáḥ syām íti

Line : 15  Pada: b     prajā́patir vaí bʰágas \

Pada: c     yajñáḥ krátuḥ

Line : 16  Pada: d     tásmāt sárvo manyate

Pada: e     mā́ṃ bʰágo 'riṣyati mā́ṃ bʰágo 'riṣyatī́ti

Pada: f     yád agnáye bʰagíne

Line : 17  Pada: g     bʰágam evá sākṣā́d āptvā́varunddʰe

Pada: h     bʰagy ànnādó bʰavati \

Pada: i     ubʰaú sahá darśapūrṇamāsā́ ālábʰyau \

Line : 18  Pada: j     úd vā́ anyaśr̥ṅgé sitó mucyate

Pada: k     dárśo vā́ etáyoḥ pū́rvaḥ pūrṇámāsā úttaras \

Page: 65  
Line : 1  Pada: l     átʰa pūrṇámāsaṃ pū́rvam ā́labʰante

Pada: m     tád áyatʰāpūrvaṃ kriyate

Line : 2  Pada: n     tát pūrṇámāsam ālábʰamānaḥ sárasvatyai carúṃ nírvapet sárasvate dvā́daśakapālam

Line : 3  Pada: o     amāvāsyā̀ vaí sárasvatī pūrṇámāsaḥ sárasvān

Pada: p     ubʰā́ evaínau yatʰāpūrváṃ kalpayitvā́labʰate \

Line : 4  Pada: q     ŕ̥ddʰyai \

Pada: r     r̥dʰnóty evá \

Pada: s     átʰo mitʰunatvā́ya //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.