TITUS
Black Yajur-Veda: Kathaka-Samhita
Part No. 2
Previous part

Sthanaka: 2  
Anuvaka: 1  
Line : 5  Pada: a     ārdradānavas stʰa

Pada: b     jīvadānavas stʰa \

Pada: c     undatīr iha māvata \

Pada: d     āpa undantu jīvase

Line : 6  Pada: e     dīrgʰāyutvāya varcase{FN emended. Ed.: vacase. Mittwede, Textkritische Bemerkungen, p. 41

Pada: f     oṣadʰe trāyasvainam \

Pada: g     svadʰite mainam̐ him̐sīr

Pada: h     devāyur imān pravape *
      FN Oertel, Zur Kapiṣṭʰala-Kaṭʰa-Saṃhitā, p. 100: pravapet. Mittwede, Textkritische Bemerkungen, p. 41

Line : 7  Pada: i     svasty uttarām̐ aśīya //

Line : 8  Pada: j     śaṃ na āpo dʰanvanyāś śaṃ nas santv anūpyāḥ /

Line : 9  Pada: k     śaṃ nas samudriyā āpaś śam u nas santu kūpyāḥ //

Line : 10  Pada: l     āpo asmān mātaras sūdayantu gʰr̥tena mā gʰr̥tapvaḥ punantu /

Line : 11  Pada: m     viśvam̐ ha * ripraṃ pravahanti devīr ud id ābʰyaḥ śucir ā pūta * emi //
      FN Raghuvira, KpS, xxiv: hi. Mittwede, Textkritische Bemerkungen, p. 41
      FN Corrigenda. Mittwede, Textkritische Bemerkungen, p. 41

Line : 12  Pada: n     somasya dātram asi

Pada: o     tanūr asi

Pada: p     tanvaṃ me pāhi

Pada: q     mahīnāṃ payo 'si \

Pada: r     apām oṣadʰīnāṃ rasas \

Line : 13  Pada: s     varcodʰā asi

Pada: t     varco me dʰehi

Pada: u     mitrasyāsi * kanīnikā \
      FN Raghuvira, KpS, xxiv: vr̥trasya ??. Mittwede, Textkritische Bemerkungen, p. 42

Line : 14  Pada: v     antar ahaṃ tvayā dveṣam antar arātīr dadʰe

Pada: w     cakṣurdʰā asi

Pada: x     cakṣur me dʰehi

Pada: y     citpatis tvā punātu

Line : 15  Pada: z     vākpatis tvā punātu

Pada: aa     devas tvā savitā punātv accʰidreṇa pavitreṇa sūryasya raśmibʰis

Line : 16  Pada: ab     tasya te pavitrapate pavitreṇa yasmai kaṃ pune

Line : 17  Pada: ac     tac cʰakeyam //


Anuvaka: 2  
Line : 18  Pada: a     ākūtyai prayuje agnaye svāhā

Pada: b     medʰāyai manase agnaye svāhā

Pada: c     dīkṣāyai tapase agnaye svāhā

Line : 19  Pada: d     sarasvatyai pūṣṇe agnaye svāhā \

Pada: e     āpo devīr br̥hatīr viśvaśambʰuvo dyāvāpr̥tʰivī uro antarikṣa

Line : 20  Pada: f     br̥haspataye haviṣā vidʰema svāhā * //
      FN registered without svāhā in VC

Page: 9  
Line : 1  Pada: g     viśvo devasya netur marto vareta sakʰyam /

Line : 2  Pada: h     viśvo rāya iṣudʰyati dyumnaṃ * vareta puṣyatu // svāhā \
      FN emended. Ed.: dyumne. Mittwede, Textkritische Bemerkungen, p. 42

Line : 3  Pada: i     indrāgnī dyāvāpr̥tʰivī āpa oṣadʰayas \

Pada: j     uro antarikṣa \

Pada: k     anu me dīkṣāṃ dīkṣāpatayo manyadʰvam anu tapas tapaspatayas \

Line : 4  Pada: l     agniś ca deva sūryeṣam ūrjaṃ dadʰātana

Line : 5  Pada: m     deva savitas tvaṃ dīkṣāṇāṃ dīkṣāpatir asi \

Pada: n     ittʰaṃ mā santaṃ pāhi \

Pada: o     ā modr̥caḥ pāhi //


Anuvaka: 3  
Line : 7  Pada: a     r̥ksāmayoś śilpe stʰas

Pada: b     te vām ārabʰe \

Pada: c     ā modr̥caḥ pātam \

Pada: d     śarmāsi

Line : 8  Pada: e     śarma me yaccʰa

Pada: f     namas te astu

Pada: g     mā mā him̐sīḥ //

Line : 9  Pada: h     imāṃ dʰiyam̐ śikṣamānasya * deva kratuṃ dakṣaṃ varuṇa * sam̐śiśādʰi /
      FN Mittwede, Textkritische Bemerkungen, p. 42
      FN emended. Ed.: varuṇam̐. Raghuvira, KpS, xxiv. Mittwede, Textkritische Bemerkungen, p. 42

Line : 10  Pada: i     yayāti viśvā duritā tarema sutarmāṇam adʰi nāvaṃ ruheyam * //
      FN Mittwede, Textkritische Bemerkungen, p. 42

Line : 11  Pada: j     imām̐ su nāvam āruham ariṣṭāṃ pārayiṣṇum /

Line : 12  Pada: k     śatāritrām̐ svastaye //

Line : 13  Pada: l     sutrāmāṇaṃ pr̥tʰivīṃ dyām anehasam̐ suśarmāṇam aditim̐ supraṇītim /

Line : 14  Pada: m     daivīṃ nāvam̐ svaritrām anāgasam asravantīm āruhema svastaye //

Line : 15  Pada: n     ūrg asy āṅgirasy ūrṇamradās \

Pada: o     ūrjaṃ mayi dʰehi

Pada: p     mā mā him̐sīs

Pada: q     somasya nīvir asi

Line : 16  Pada: r     mā mā him̐sīr

Pada: s     indrasya yonir asi

Pada: t     mā mā him̐sīḥ

Pada: u     kr̥ṣyai tvā susasyāyai *
      FN emended. Ed.: sumanasyāyai. Raghuvira, KpS, xxiv. Oertel, Zur Kapiṣṭʰala-Kaṭʰa-Saṃhitā, p. 89. Mittwede, Textkritische Bemerkungen, p. 42

Line : 17  Pada: v     kr̥ṣim̐ susasyām utkr̥dʰi

Pada: w     viṣṇoś śarmāsi

Pada: x     śarma yajamānasya

Line : 18  Pada: y     śarma me yaccʰa

Pada: z     namas te astu

Pada: aa     mā mā him̐sīr

Pada: ab     nakṣatrāṇāṃ mātīkāśāt pāhi

Line : 19  Pada: ac     sūpastʰāvā vanaspata ūrdʰvo mā pāhy odr̥cas

Pada: ad     svāhā yajñaṃ manasas *
      FN emended. Ed.: yajñamanasas. Raghuvira, KpS, xxiv. Mittwede, Textkritische Bemerkungen, p. 43

Pada: ae     svāhā divas

Line : 20  Pada: af     svāhā pr̥tʰivyās

Pada: ag     svāhoror antarikṣāt

Pada: ah     svāhā vātāt pratigr̥hṇāmi yajñam //


Anuvaka: 4  
Line : 22  Pada: a     vrataṃ kr̥ṇuta

Pada: b     tac cʰakeyam //

Page: 10  
Line : 1  Pada: c     daivīṃ dʰiyaṃ manāmahe sumr̥ḍīkām abʰiṣṭaye /

Line : 2  Pada: d     varcodʰāṃ viśvadʰāyasam̐ sutīrtʰā no asad vaśe //

Line : 3  Pada: e     ye devā manujātā manuyujas * sudakṣā dakṣapitaraḥ /
      FN Raghuvira, KpS, p.14 note 1, on 1.16:14.3: manoyujas. Mittwede, Textkritische Bemerkungen, p. 43

Pada: f     te naḥ pāntu

Pada: g     te no 'vantu

Line : 4  Pada: h     tebʰyas svāhā //

Line : 5  Pada: i     agne tvam̐ su jāgr̥hi vayam̐ su mandiṣāmahe /

Line : 6  Pada: j     gopāya no aprayuccʰan prabudʰe naḥ puras kr̥dʰi //

Line : 7  Pada: k     tvam agne vratapā asi deva ā martyeṣv ā //

Line : 8  Pada: l     tvaṃ yajñeṣv īḍyaḥ //

Line : 9  Pada: m     pūṣā sanīnām \

Pada: n     somo rādʰasām \

Pada: o     rāsveyat soma \

Pada: p     ā bʰūyo bʰara

Pada: q     devas savitā vasor vasudāvā

Line : 10  Pada: r     mā pr̥ṇan pūrtyā virādʰiṣṭa

Pada: s     māham āyuṣā varcasā virādʰiṣi //

Line : 11  Pada: t     devīr āpo apāṃ napād ya ūrmir haviṣya indriyāvām̐s taṃ vo mā kramiṣam \

Line : 12  Pada: u     sakṣehi *
      FN Ed.: sakṣemahi. KS.23.6:82.14 Ed.: sakʰyehy, KpS. 1.16:14.12, 36.3:222.1: sakṣehi. Oertel, Zur Kapiṣṭʰala-Kaṭʰa-Saṃhitā, p.55. Raghuvira, KpS, xxiv. Mittwede, Textkritische Bemerkungen, p. 43

Pada: v     yā te yajñiyā tanūs tayāroha //

Line : 13  Pada: w     ayaṃ te yonir r̥tviyo yato jāto arocatʰāḥ /

Line : 14  Pada: x     taṃ jānann agna āroha tato no vardʰayā rayim //

Line : 15  Pada: y     edam aganma devayajanaṃ pr̥tʰivyā yatra devā ajuṣanta viśve /

Line : 16  Pada: z     r̥ksāmābʰyām̐ saṃtaranto yajurbʰī rāyaspoṣeṇa * sam iṣā madema //
      FN emended. Ed.: Raghuvira, KpS, xxiv. Mittwede, Textkritische Bemerkungen, p. 43


Anuvaka: 5  
Line : 17  Pada: a     iyáṃ te śukra tanū́r idáṃ várcas táyā sáṃbʰava

Pada: b     bʰrā́jaṃ gaccʰa //

Pada: c     jū́r asi dʰr̥tā́ mánasā júṣṭā víṣṇave

Line : 18  Pada: d     tásyās te satyásavasaḥ prasavé tanvò yantrám aśīya svā́hā //

Line : 19  Pada: e     śukrám asi

Pada: f     candrám asi \

Pada: g     amŕ̥tam asi

Pada: h     vaiśvadevám̐ havír asi

Pada: i     cíd asi

Pada: j     manā́ asi

Line : 20  Pada: k     dʰī́r asi

Pada: l     dákṣiṇāsi

Pada: m     yajñíyāsi

Pada: n     kṣatríyāsi \

Pada: o     áditir asy ubʰayátaśśīrṣṇī

Line : 21  Pada: p     sā́ mā súprācī súpratīcī bʰava

Pada: q     mitrás tvā padí badʰnātu

Pada: r     pūṣā́dʰvanas pātu \

Line : 22  Pada: s     índrāyā́dʰyakṣāya \

Pada: t     ánu tvā mātā́ manyatām ánu pitā́nu bʰrā́tā ságarbʰyas \

Page: 11  
Line : 1  Pada: u     ánu sákʰā sáyūtʰyaḥ //

Pada: v     sā́ devi devám áccʰehi \

Pada: w     índrāya sómam \

Pada: x     rudrás tvā́vartayatu

Line : 2  Pada: y     svastí sómasakʰā púnar éhi

Pada: z     vásvy asi

Pada: aa     rudrā́si \

Pada: ab     áditir asi \

Pada: ac     ādityā́si

Pada: ad     candrā́si

Line : 3  Pada: ae     rudrā́si

Pada: af     bŕ̥haspátis tvā sumné ramṇātu

Pada: ag     rudró vásubʰir ā́cake

Pada: ah     pr̥tʰivyā́s tvā mūrdʰánn ā́jigʰarmi devayájana íḍāyās padé gʰr̥távati svā́hā \

Line : 4  Pada: ai     idám aháṃ rákṣaso grīvā́ ápikr̥ntāmi \

Line : 5  Pada: aj     idám aháṃ yó nas samānó yó 'samāno 'rātīyáti tásya grīvā́ ápikr̥ntāmi \

Line : 6  Pada: ak     asmé ramasva \

Pada: al     asmé te * rā́yas \
      FN Mittwede, Textkritische Bemerkungen, p. 43

Pada: am     mé rā́yas

Pada: an     távatáva rā́yas \

Line : 7  Pada: ao     mā́háṃ rāyáspóṣeṇa víyoṣam \

Pada: ap     sáṃ devī́ devyórváśyākʰyata

Pada: aq     surétā réto dádʰānās

Line : 8  Pada: ar     tváṣṭr̥mantas tvā sapema

Pada: as     mā́ ma ā́yuḥ prámoṣīr mó aháṃ táva

Pada: at     vīráṃ videya táva saṃdŕ̥śi //


Anuvaka: 6  
Line : 10  Pada: a     déva sūrya sómaṃ kreṣyāmas

Pada: b     táṃ te prábrūmas

Pada: c     táṃ tváṃ víśvebʰyo devébʰya r̥tū́n kalpaya

Line : 11  Pada: d     dákṣiṇāḥ kalpaya yatʰarṣí yatʰādevatám

Pada: e     āsmākò 'si

Pada: f     śukrás te gráhaḥ //

Line : 13  Pada: g     abʰí tyáṃ devám̐ savitā́ram oṇyòḥ kavíkratum /

Line : 14  Pada: h     árcāmi satyásavaṃ ratnadʰā́m abʰí priyáṃ matím //

Line : 15  Pada: i     ūrdʰvā́ yásyāmátir bʰā́ ádidyutat sávīmani /

Line : 16  Pada: j     híraṇyapāṇir amimīta sukrátuḥ kr̥pā́ svàḥ //

Line : 17  Pada: k     prajā́bʰyas tvā

Pada: l     prajā́s tvānuprā́ṇantu

Pada: m     prajā́s tvám ánu prā́ṇihi

Pada: n     sómaṃ te krīṇāmy ū́rjasvantaṃ páyasvantaṃ vīryā̀vantaṃ bahvargʰám̐ śóbʰamānam //

Page: 12  
Line : 2  Pada: o     śukráṃ te śukréṇa krīṇāmi candráṃ candréṇāmŕ̥tam amŕ̥tena

Pada: p     śákma yát te gór

Pada: q     asmé te candrā́ṇi

Line : 3  Pada: r     tápasas tanū́r asi prajā́pater várṇas

Pada: s     sahasrapoṣáṃ púṣyantī

Pada: t     paraméṇa paśúnā krīyase \

Line : 4  Pada: u     asmé te bándʰur

Pada: v     mitró na éhi súmitradʰās \

Pada: w     índrasyorúm ā́viśa dákṣiṇam uśánn uśántam̐ syonás syonám //

Line : 5  Pada: x     svān * nábʰrāḍ áṅgʰāre bámbʰāre hásta súhasta kŕ̥śāno \
      FN MS: súvāṅ.

Line : 6  Pada: y     eté vas somakráyaṇās

Pada: z     tā́n rakṣadʰvam \

Pada: aa     mā́ vo dabʰan //

Line : 7  Pada: ab     úd ā́yuṣā svāyúṣód rásenaúṣadʰīnām /

Line : 8  Pada: ac     út parjányasya vr̥ṣṭyód astʰām amŕ̥tām̐ ánu //

Line : 9  Pada: ad     urv àntárikṣaṃ vī̀hi //

Line : 10  Pada: ae     ápi pántʰām aganmahi svastigā́m anehásam /

Line : 11  Pada: af     yéna víśvāḥ pári dvíṣo vr̥ṇákti vindáte vásu //

Line : 12  Pada: ag     ádityās tvág asi \

Pada: ah     ádityās sádane sīda //

Line : 13  Pada: ai     ástabʰnād dyā́m r̥ṣabʰó viśvávedā ámimīta varimā́ṇaṃ pr̥tʰivyā́ḥ /

Line : 14  Pada: aj     ā́sīdad víśvā bʰúvanāni samrā́ḍ víśvét tā́ni váruṇasya vratā́ni //

Line : 15  Pada: ak     váneṣu vy àntárikṣaṃ tatāna vā́jam árvatsu páyo agʰnyā́su /

Line : 16  Pada: al     hr̥tsú krátuṃ váruṇo vikṣv àgníṃ diví sū́ryam adadʰāt sómam ádrau //

Line : 17  Pada: am     sū́ryasya cákṣur ā́ruham agnér akṣṇáḥ kanī́nikām /

Line : 18  Pada: an     yád étaśebʰir ī́yase bʰrā́jamāno vipaścítā //


Anuvaka: 7  
Line : 19  Pada: a     úsrā étaṃ dʰūrbādʰā́ ávīrahaṇā anaśrū́ * brahmacódanau
      FN emended. Ed.: anaśśū́. Mittwede, Textkritische Bemerkungen, p. 44

Pada: b     yajñásyā́yuḥ pratirántau

Page: 13  
Line : 1  Pada: c     svastí gr̥hā́n gaccʰatam \

Pada: d     dʰū́r asi

Pada: e     dʰū́rva dʰū́rvantam \

Pada: f     yò 'smā́n dʰū́rvati táṃ dʰūrva

Line : 2  Pada: g     yáṃ vayáṃ dʰū́rvāmas táṃ ca dʰūrva

Pada: h     vāruṇám asi

Pada: i     váruṇasya skámbʰany asi

Pada: j     prácyavasva bʰuvanaspate víśvāny abʰí dʰā́māni

Line : 3  Pada: k     mā́ tvā pariparíṇo vidan mā́ paripantʰínas \

Line : 4  Pada: l     mā́ tvā vŕ̥kā agʰāyávo vidan //

Pada: m     śyenó bʰūtvā́ párāpata

Line : 5  Pada: n     yájamānasya no gr̥hé sam̐skr̥tám //

Line : 6  Pada: o     námo mitrásya váruṇasya cákṣase mahó devā́ya tád r̥tám̐ saparyata /

Line : 7  Pada: p     dūredŕ̥śe devájātāya ketáve divás putrā́ya sū́ryāya śam̐sata //

Line : 8  Pada: q     vāruṇám asi

Pada: r     váruṇas tvóttabʰnātu

Pada: s     váruṇasya skambʰasárjany asi

Pada: t     prámukto váruṇasya pā́śas \

Line : 9  Pada: u     váruṇo 'si dʰr̥távrató 'ccʰinnapatraḥ

Pada: v     prajā́ upā́varoha

Line : 10  Pada: w     váruṇasyartasádanam asi \

Pada: x     ádityās tvág asi \

Pada: y     ádityās sádane sīda //

Line : 11  Pada: z     níṣasāda dʰr̥távrato váruṇaḥ pastyā̀sv ā́ /

Line : 12  Pada: aa     sā́mrājyāya sukrátuḥ //

Line : 13  Pada: ab     vāruṇám asi

Pada: ac     váruṇāya tvā //


Anuvaka: 8  
Line : 14  Pada: a     agnés tanū́r asi

Pada: b     víṣṇave tvā

Pada: c     sómasya tanū́r asi

Pada: d     víṣṇave tvā \

Pada: e     átitʰer ātitʰyám asi

Line : 15  Pada: f     víṣṇave tvā \

Pada: g     agnáye tvā rāyaspoṣadé

Pada: h     víṣṇave tvā

Pada: i     śyenā́ya tvā somabʰŕ̥te

Line : 16  Pada: j     víṣṇave tvā \

Pada: k     ā́pataye tvā páripataye gr̥hṇāmi tánūnáptre śakmane śākvarā́ya śakmann ójiṣṭʰāya \

Line : 17  Pada: l     ánādʰr̥ṣṭam asy anādʰr̥ṣyáṃ devā́nām ójo 'bʰiśastipā́ anabʰiśastenyám

Line : 18  Pada: m     áñjasā satyám úpāgām \

Pada: n     suvité mā dʰās \

Pada: o     ágne vratapā asmé vratapās tvé vratapāḥ punár vratapā vratínāṃ vratā́ni

Line : 19  Pada: p     yā́gne máma tanū́r eṣā́ sā́ tváyi yā́ táva tanū́r iyám̐ sā́ máyi

Line : 20  Pada: q     sahá nau * vratapā vratínāṃ vratā́ni //
      FN Mittwede, Textkritische Bemerkungen, p. 44: no.

Line : 21  Pada: r     yā́ te agne rudríyā tanū́s táyā naḥ pāhi tásyai te svā́hā \

Pada: s     am̐śúram̐śus te deva somā́pyāyatām

Line : 22  Pada: t     índrāyaikadʰanavíde * \
      FN emended. Ed.: índrāyaikadʰané. Mittwede, Textkritische Bemerkungen, p. 44

Pada: u     ā́ túbʰyam índraḥ pyā́yatām

Pada: v     ā́ tvám índrāya pyāyasva \

Page: 14  
Line : 1  Pada: w     ā́pyāyaya sákʰīn sanyā́ medʰáyā

Pada: x     svastí te deva soma sutyā́m aśīya svasty òdŕ̥cam *
      FN Mittwede, Textkritische Bemerkungen, p. 44: ùdŕ̥cam

Line : 2  Pada: y     éṣṭā rā́ya éṣṭā vāmā́ni préṣé bʰágāya \

Pada: z     r̥tám r̥tavādíbʰyas \

Line : 3  Pada: aa     námo divé

Pada: ab     námaḥ pr̥tʰivyaí

Pada: ac     yā́ te agne 'yāśayā́ tanū́r várṣiṣṭʰā gahaneṣṭʰā́ várṣiṣṭʰā gahvareṣṭʰā́

Line : 4  Pada: ad     ugráṃ vácó 'pāvadʰīt

Pada: ae     tveṣáṃ vácó 'pāvadʰīt svā́hā

Line : 5  Pada: af     yā́ te agne rajāśayā́ harāśayā́ tanū́r várṣiṣṭʰā gahaneṣṭʰā́ várṣiṣṭʰā gahvareṣṭʰā́ *
      FN no saṃdʰi with following mantra.

Line : 6  Pada: ag     ugráṃ vácó 'pāvadʰīt

Pada: ah     tveṣáṃ vácó 'pāvadʰīt svā́hā //


Anuvaka: 9  
Line : 7  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade

Line : 8  Pada: b     nā́ry asi \

Pada: c     idám aháṃ rákṣaso grīvā́ ápikr̥ntāmi \

Line : 9  Pada: d     idám aháṃ yó nas samānó yó 'samāno 'rātīyáti tásya grīvā́ ápikr̥ntāmi

Pada: e     taptā́yany asi

Pada: f     vittā́yany asi \

Line : 10  Pada: g     ávatān mā nātʰitám

Pada: h     ávatād vyatʰitám

Pada: i     ágne aṅgiro yò 'syā́ṃ pr̥tʰivyā́m ásy āyúnā nā́mnéhi

Line : 11  Pada: j     yát té 'nādʰr̥ṣṭaṃ nā́mānādʰr̥ṣyáṃ téna tvā́dadʰe \

Pada: k     ágne aṅgiro yó dvitī́yasyāṃ yás tr̥tī́yasyāṃ pr̥tʰivyā́m ásy āyúnā nā́mnéhi

Line : 12  Pada: l     yát té 'nādʰr̥ṣṭaṃ nā́mānādʰr̥ṣyáṃ téna tvā́dadʰe

Line : 13  Pada: m     vidéd agnír nábʰo nā́ma

Pada: n     sim̐hy àsi

Pada: o     mahiṣy àsi

Line : 14  Pada: p     devébʰyaḥ pratʰasva

Pada: q     devébʰyaḥ kalpasva

Pada: r     devébʰyaḥ śundʰasva

Pada: s     devébʰyaḥ śumbʰasva //

Line : 16  Pada: t     vibʰrā́ḍ br̥hát pibatu somyáṃ mádʰv ā́yur dádʰad yajñápatā ávihrutam /

Line : 17  Pada: u     vā́tajūto yó abʰirákṣati tmánā prajā́ḥ piparti bahudʰā́ vírājati //

Line : 18  Pada: v     indragʰoṣā́s tvā vásavaḥ purástāt pāntu

Pada: w     mánojavās tvā pitáro dakṣiṇatáḥ pāntu

Line : 19  Pada: x     prácetās tvā rudraíḥ paścā́t pātu

Pada: y     viśvákarmā tvādityaír uttarā́t pātu

Line : 20  Pada: z     tváṣṭā tvā rūpaír upáriṣṭāt pātu

Pada: aa     sim̐hy àsi sapatnasāhī́ svāhā

Pada: ab     sim̐hy àsi rāyaspoṣavánis svā́hā

Line : 21  Pada: ac     sim̐hy àsi suprajāvánis svā́hā

Pada: ad     sim̐hy àsy ādityavánis svā́hā

Page: 15  
Line : 1  Pada: ae     sim̐hy àsy ā́vaha devā́n devāyaté yájamānāya svā́hā

Pada: af     bʰūtébʰyas tvā

Line : 2  Pada: ag     viśvā́yur asi

Pada: ah     pr̥tʰivī́m̐ skabʰāna \

Pada: ai     acyutakṣíd asi \

Pada: aj     antárikṣam̐ skabʰāna

Pada: ak     dʰruvakṣíd asi

Line : 3  Pada: al     dívam̐ skabʰāna \

Pada: am     agnéḥ kulā́yam asi \

Pada: an     agnéḥ púrīṣam asi

Pada: ao     yajñáḥ prátyaṣṭʰāt //

Line : 4  Pada: ap     manuṣvát tvā nídʰīmahi manuṣvát sámidʰīmahi /

Line : 5  Pada: aq     ágne manuṣvád aṅgiro devā́n devayaté yaja //



Anuvaka: 10  
Line : 6  Pada: a     yuñjáte mána utá yuñjate dʰíyo víprā víprasya br̥ható vipaścítaḥ /

Line : 7  Pada: b     ví hótrā dadʰe vayunāvíd éka ín mahī́ devásya savitúḥ páriṣṭutiḥ //

Line : 8  Pada: c     devaśrútau devéṣv ā́gʰoṣetʰām //

Line : 9  Pada: d     idáṃ víṣṇur vícakrame tredʰā́ nídadʰe padám /

Line : 10  Pada: e     sámūḍʰam asya pām̐suré //

Line : 11  Pada: f     íḍāvatī dʰenumátī hí bʰūtám̐ sūyavasínī mā́nuṣe yaśasyè /

Line : 12  Pada: g     vyàṣṭabʰnā ródasī viṣṇa eté dādʰártʰa pr̥tʰivī́m abʰíto mayū́kʰaiḥ //

Line : 13  Pada: h     vaiṣṇavám asi

Pada: i     víṣṇus tvóttabʰnātu //

Line : 14  Pada: j     divó vā viṣṇa utá vā pr̥tʰivyā́ mahó vā viṣṇa urór antárikṣāt /

Line : 15  Pada: k     hástau pr̥ṇasva bahúbʰir vasavyaìr āpráyaccʰa dákṣiṇād ótá savyā́t //

Line : 16  Pada: l     víṣṇor nú kaṃ vīryā̀ṇi právocaṃ yáḥ pā́rtʰivāni vimamé rájām̐si /

Line : 17  Pada: m     yó áskabʰāyad úttaram̐ sadʰástʰaṃ vicakramāṇás tredʰórugāyáḥ //

Page: 16  
Line : 1  Pada: n     víṣṇoḥ pr̥ṣṭʰám asi

Pada: o     víṣṇo rarā́ṭam asi

Pada: p     víṣṇoś śnáptre stʰas \

Pada: q     víṣṇos syū́r asi

Line : 2  Pada: r     víṣṇor dʰruvò 'si

Pada: s     vaiṣṇavám asi

Pada: t     víṣṇave tvā //

Line : 3  Pada: u     prá tád víṣṇus stavate vīryèṇa mr̥gó ná bʰīmáḥ kucaró giriṣṭʰā́ḥ /

Line : 4  Pada: v     yásyorúṣu triṣú vikrámaṇeṣv adʰikṣiyánti bʰúvanāni víśvā //


Anuvaka: 11  
Line : 5  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade \

Line : 6  Pada: b     idám aháṃ rákṣaso grīvā́ ápikr̥ntāmi \

Pada: c     idam aháṃ yó nas samānó yó 'samāno 'rātīyáti tásya grīvā́ ápikr̥ntāmi

Line : 7  Pada: d     br̥hánn asi br̥hádgrāvā

Pada: e     br̥hatī́m índrāya vā́caṃ vada

Line : 8  Pada: f     rakṣoháṇaṃ valagahánaṃ vaiṣṇavī́m

Pada: g     idám aháṃ tā́n valagā́n údvapāmi yā́n nas samānó yā́n ásamāno nicakʰā́na \

Line : 9  Pada: h     idám aháṃ tā́n valagā́n údvapāmi yā́n nas sábandʰur yā́n ásabandʰur nicakʰā́na \

Line : 10  Pada: i     idám aháṃ tā́n valagā́n údvapāmi yā́n nas sánābʰir yā́n ásanābʰir nicakʰā́na \

Line : 11  Pada: j     idám aháṃ tā́n valagā́n údvapāmi yā́n nas svó yā́n áraṇo nicakʰā́na

Line : 12  Pada: k     rā́ḍ asi

Pada: l     virā́ḍ asi

Pada: m     samrā́ḍ asi *
      FN Corrigenda. Mittwede, Textkritische Bemerkungen, p. 44

Pada: n     svarā́ḍ asi

Pada: o     gāyatréṇa ccʰándasā́vabāḍʰo yáṃ dviṣmás

Line : 13  Pada: p     traíṣṭubʰena jā́gatenā́nuṣṭubʰena pā́ṅktena ccʰándasā́vabāḍʰo yáṃ dviṣmáḥ //

Line : 14  Pada: q     kím átra

Pada: r     bʰadrám \

Pada: s     tán nau sahá

Pada: t     nírasto valagás \

Pada: u     avabāḍʰo durasyús \

Line : 15  Pada: v     rakṣogʰnó valagagʰnáḥ prókṣāmi vaiṣṇavā́n

Pada: w     rakṣogʰnó valagagʰnó 'vasiñcāmi vaiṣṇavā́n

Line : 16  Pada: x     rakṣogʰnó valagagʰnó 'vastr̥ṇāmi vaiṣṇavā́n

Pada: y     rakṣoháṇau valagahánau prókṣāmi vaiṣṇavī́

Line : 17  Pada: z     rakṣoháṇau valagahánā úpadadʰāmi vaiṣṇavī́

Line : 18  Pada: aa     rakṣoháṇau valagahánau páryūhāmi vaiṣṇavī́

Pada: ab     rakṣohā́ tvā valagahā́ prókṣāmi vaiṣṇavám \

Line : 19  Pada: ac     rakṣohā́ tvā valagahā́str̥ṇāmi * vaiṣṇavám \
      FN Mittwede, Textkritische Bemerkungen, p. 44

Pada: ad     rakṣogʰnó valagagʰnás sám̐sādayāmi vaiṣṇavā́n //


Anuvaka: 12  
Page: 17  
Line : 1  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade \

Line : 2  Pada: b     idám aháṃ rákṣaso grīvā́ ápikr̥ntāmi \

Pada: c     idám aháṃ yó nas samānó yó 'samāno 'rātīyáti tásya grīvā́ ápikr̥ntāmi

Line : 3  Pada: d     divé tvā \

Pada: e     antárikṣāya tvā

Pada: f     pr̥tʰivyaí tvā

Line : 4  Pada: g     śúndʰantāṃ lokā́ḥ pitr̥ṣádanās \

Pada: h     yávo 'si

Pada: i     yāváyāsmád dvéṣam * \
      FN Mittwede, Textkritische Bemerkungen, p. 45: dvéṣo

Pada: j     yāváyā́rātim \

Line : 5  Pada: k     pitr̥ṣádanaṃ tvā lokám ā́str̥ṇāmi \

Pada: l     úd dyā́m̐ stabʰāna \

Pada: m     ā́ntárikṣaṃ pr̥ṇa

Line : 6  Pada: n     dŕ̥m̐hasva pr̥tʰivyā́m \

Pada: o     nitānás tvā mārutó níhantu

Pada: p     mitrā́váruṇayor dʰruvéṇa dʰármaṇā //

Line : 7  Pada: q     brahmavániṃ tvā kṣatravániṃ devávánim̐ sajātavániṃ rāyaspoṣavániṃ páryūhāmi

Line : 8  Pada: r     bráhma dr̥m̐ha

Pada: s     kṣatráṃ dr̥m̐ha

Pada: t     prajā́ṃ dr̥m̐ha

Pada: u     rāyáspóṣaṃ dr̥m̐ha

Pada: v     gʰr̥téna dyāvāpr̥tʰivī ā́pr̥ṇetʰām \

Line : 9  Pada: w     viśvajanásya ccʰāyā́si \

Pada: x     índrasya syū́r asi \

Pada: y     índrasya dʰruvò 'si

Line : 10  Pada: z     aindrám asi \

Pada: aa     índrāya tvā //

Line : 11  Pada: ab     pári tvā girvaṇo gíra imā́ bʰavantu viśvátaḥ /

Line : 12  Pada: ac     vr̥ddʰā́yum ánu vŕ̥ddʰayo júṣṭā bʰavantu júṣṭayaḥ //


Anuvaka: 13  
Line : 13  Pada: a     vibʰū́r asi pravā́haṇas \

Pada: b     váhnir asi havyavā́hanas \

Pada: c     śvātrò 'si prácetās

Pada: d     tutʰò 'si viśvávedās \

Line : 14  Pada: e     uśíg asi kavír

Pada: f     aṅgʰā́rir asi bambʰā́rir

Pada: g     avasyúr asi dúvasvān \

Line : 15  Pada: h     śundʰyúr asi mārjālī́yas

Pada: i     samrā́ḍ asi kr̥śā́nuḥ

Pada: j     pariṣádyo 'sy āstavyàs \

Line : 16  Pada: k     nábʰo 'si pratákvā \

Pada: l     ásaṃmr̥ṣṭo 'si havyasū́danas \

Pada: m     r̥tádʰāmāsi svàrjyotis

Pada: n     samudrò 'si viśvávyacās \

Line : 17  Pada: o     ajò 'sy ékapāt \

Pada: p     áhir asi budʰnyàḥ

Pada: q     kavyò 'si kavyavā́hanas \

Line : 18  Pada: r     raúdreṇā́nīkena pāhí māgne

Pada: s     pipr̥hí māgne

Pada: t     námas te astu

Pada: u     mā́ mā him̐sīḥ //


Anuvaka: 14  
Page: 18  
Line : 1  Pada: a     agnír vr̥trā́ṇi jaṅgʰanad draviṇasyúr vipanyáyā /

Line : 2  Pada: b     sámiddʰaś śukrá ā́hutaḥ //

Line : 3  Pada: c     tvám̐ somāsi sátpatis tváṃ rā́jotá vr̥trahā́ /

Line : 4  Pada: d     tváṃ bʰadró asi krátuḥ //

Line : 5  Pada: e     ágne yáṃ yajñám adʰvaráṃ viśvátaḥ paribʰū́r ási /

Line : 6  Pada: f     sá íd devéṣu gaccʰati //

Line : 7  Pada: g     tváṃ nas soma viśváto rákṣā rājann agʰāyatáḥ /

Line : 8  Pada: h     ná riṣyet tvā́vatas sákʰā //

Line : 9  Pada: i     sá tváṃ víprāya dāśúṣe rayíṃ dehi sahasríṇam /

Line : 10  Pada: j     ágne vīrávatīm íṣam //

Line : 11  Pada: k     vŕ̥ṣā soma dyumā́m̐ asi vŕ̥ṣā deva vŕ̥ṣavrataḥ /

Line : 12  Pada: l     vŕ̥ṣā dʰármāṇi dadʰiṣe //

Line : 13  Pada: m     ā́ no agne sucetúnā rayíṃ viśvā́yupoṣasam /

Line : 14  Pada: n     mārḍīkáṃ dʰehi jīváse //

Line : 15  Pada: o     gayaspʰā́no amīvahā́ vasuvít puṣṭivárdʰanaḥ /

Line : 16  Pada: p     sumitrás soma no bʰava //

Line : 17  Pada: q     tvám agne saprátʰā asi júṣṭo hótā váreṇyaḥ /

Line : 18  Pada: r     tváyā yajñáṃ vítanvate //

Line : 19  Pada: s     tvám̐ soma mahé bʰágaṃ tváṃ yū́na r̥tāyaté /

Line : 20  Pada: t     dákṣaṃ dadāsi jīváse //

Line : 21  Pada: u     ágne rákṣā ṇo ám̐hasaḥ práti ṣma deva rī́ṣataḥ /

Line : 22  Pada: v     tápiṣṭʰair ajáro daha //

Page: 19  
Line : 1  Pada: w     ágne nákṣatram ajáram ā́ sū́ryaṃ rohayo diví /

Line : 2  Pada: x     dádʰaj jyótir jánebʰyaḥ //

Line : 3  Pada: y     ā́d it pratnásya rétaso jyótiṣ paśyanti vāsarám /

Line : 4  Pada: z     paró yád idʰyáte divā́ //

Line : 5  Pada: aa     agníḥ pratnéna mánmanā stámbʰānas tanvàm̐ svā́m /

Line : 6  Pada: ab     kavír vípreṇa vāvr̥dʰe //

Line : 7  Pada: ac     sóma yā́s te mayobʰúva ūtáyas sánti dāśúṣe /

Line : 8  Pada: ad     tā́bʰir no 'vitā́ bʰava //

Line : 9  Pada: ae     apsv àgne //

Line : 10  Pada: af     apsú me sómo abravīd antár víśvāni bʰeṣajā́ /

Line : 11  Pada: ag     agníṃ ca viśváśambʰuvam //

Line : 12  Pada: ah     agnī́ rákṣām̐si sedʰati śukráśocir ámartyaḥ /

Line : 13  Pada: ai     śúciṣ pāvaká ī́ḍyaḥ //

Line : 14  Pada: aj     éhy ū ṣú brávāṇi té 'gna ittʰétarā gíraḥ /

Line : 15  Pada: ak     ebʰír vardʰāsa índubʰiḥ //

Line : 16  Pada: al     imáṃ yajñám idáṃ váco jujuṣāṇá upā́gahi /

Line : 17  Pada: am     sóma tváṃ no vr̥dʰé bʰava //

Line : 18  Pada: an     úd agne śúcayas táva //

Line : 19  Pada: ao     ny àgníṃ jātávedasam̐ hotravā́haṃ yáviṣṭʰyam /

Line : 20  Pada: ap     dádʰātā devám r̥tvíjam //

Line : 21  Pada: aq     agním īḍe puróhitaṃ yajñasya devám r̥tvíjam /

Line : 22  Pada: ar     hótāraṃ ratnadʰā́tamam //

Page: 20  
Line : 1  Pada: as     sóma gīrbʰíṣ ṭvā vayáṃ vardʰáyāmo vacovídaḥ /

Line : 2  Pada: at     sumr̥ḍīkó na ā́viśa //


Anuvaka: 15  
Line : 3  Pada: a     júṣṭo dámūnā átitʰir duroṇa imáṃ no yajñám úpayāhi vidvā́n /

Line : 4  Pada: b     víśvā agne abʰiyújo vihátyā śatrūyatā́m ā́bʰarā bʰójanāni //

Line : 5  Pada: c     ágne śárdʰa mahaté saúbʰagāya táva dyumnā́ny uttamā́ni santu /

Line : 6  Pada: d     sáṃ jāspatyám̐ suyámam ā́kr̥ṇuṣva śatrūyatā́m abʰítiṣṭʰā máhām̐si //

Line : 7  Pada: e     sám̐sam íd yuvase vr̥ṣann ágne víśvāny aryá ā́ /

Line : 8  Pada: f     íḍas páde sámidʰyase sá no vásūny ā́bʰara //

Line : 9  Pada: g     sákʰāyas sáṃ vas samyáñcam íṣam̐ stómaṃ cāgnáye /

Line : 10  Pada: h     várṣiṣṭʰāya kṣitīnā́m ūrjó náptre sáhasvate //

Line : 11  Pada: i     agnís tuvíśravastamaṃ tuvíbrahmāṇam uttamám /

Line : 12  Pada: j     atū́rtam̐ śrāvayátpatiṃ putráṃ dadāti dāśúṣe //

Line : 13  Pada: k     agnír dadāti sátpatim̐ sāsā́ha yó yudʰā́ nŕ̥bʰiḥ /

Line : 14  Pada: l     agnír átyaṃ ragʰuṣyádaṃ jétāram áparājitam //

Line : 15  Pada: m     préddʰo agne \

Pada: n     imó agne //

Line : 16  Pada: o     utá no bráhmann aviṣa uktʰéṣu devahū́tamaḥ /

Line : 17  Pada: p     śáṃ naḥ śocā marúdvr̥dʰó 'gne sahasrasā́tamaḥ //

Line : 18  Pada: q     nū́ no rāsva sahásravat tokávat puṣṭimád vásu /

Line : 19  Pada: r     dyumád agne suvī́ryaṃ várṣiṣṭʰam ánupakṣitam //

Line : 20  Pada: s     tvā́ṃ citraśravastama

Pada: t     tvā́m agne havíṣmantas \

Pada: u     ví pā́jasā //

Line : 21  Pada: v     bʰávā no agne 'vitótá gopā́ bʰávā vayaskŕ̥d utá no vayodʰā́ḥ /

Line : 22  Pada: w     rā́svā ca nas sumaho havyádātiṃ trā́svotá nas tanvò áprayuccʰan //

Page: 21  
Line : 1  Pada: x     havyavā́ham abʰimātiṣā́haṃ rakṣoháṇaṃ pŕ̥tanāsu jiṣṇúm /

Line : 2  Pada: y     jyótiṣmantaṃ dī́dyataṃ púraṃdʰim agním̐ sviṣṭakŕ̥tam ā́huvema //

Line : 3  Pada: z     svìṣṭam agne abʰí tád gr̥ṇīhi víśvāś ca deva pŕ̥tanā abʰíṣyāḥ /

Line : 4  Pada: aa     sugáṃ nú pántʰāṃ pradiśán víbʰāhi jyótiṣmad dʰehy ajáraṃ na ā́yuḥ //

Line : 5  Pada: ab     sómasya mā tavásaṃ vákṣy agne váhniṃ cakartʰa vidátʰe yájadʰyai /

Line : 6  Pada: ac     devā́m̐ áccʰā dī́dyad yuñjé ádrim̐ śamāyé agne tanvàṃ juṣasva //

Line : 7  Pada: ad     śrīṇā́m udāráḥ //

Line : 8  Pada: ae     yác cid dʰí te puruṣatrā́ yaviṣṭʰā́cittibʰiś cakr̥mā́ kác cid ā́gaḥ /

Line : 9  Pada: af     kr̥dʰī́ ṣv asmā́m̐ áditer ánāgān vy énām̐si śiśratʰo víśvag agne //

Line : 10  Pada: ag     maháś cid agna énaso abʰī́ka ūrvā́d devā́nām utá mártyānām /

Line : 11  Pada: ah     mā́ te sákʰāyas sádam íd riṣāma yáccʰā tokā́ya tánayāya śáṃ yóḥ //

Line : 12  Pada: ai     yáṃ tvā devā́piḥ śuśucānó agna ārṣṭiṣeṇó * manuṣyàs samīdʰé /
      FN emended. Ed.: ārṣṭiṣenó. Mittwede, Textkritische Bemerkungen, p. 45

Line : 13  Pada: aj     víśvebʰir devaír anumadyámānaḥ prá parjányam īrayā vr̥ṣṭimántam //

Line : 14  Pada: ak     ágne bā́dʰasva ví mŕ̥dʰo ví durgáhā́pā́mīvām ápa rákṣām̐si sédʰa /

Line : 15  Pada: al     asmā́t samudrā́d br̥ható divó no 'pā́ṃ bʰūmā́nam úpa nas sr̥jehá //

Line : 16  Pada: am     yátʰā ha tyád vasavo gauryàṃ cit padí ṣitā́m ámuñcatā yajatrāḥ /

Line : 17  Pada: an     evó ṣv àsmán muñcatā vy ám̐haḥ prá tāry agne prataráṃ na ā́yuḥ //

Line : 18  Pada: ao     trī́ṇy ā́yūm̐ṣi táva jātavedas tisrá ājā́nīr uṣásas te agne /

Line : 19  Pada: ap     tā́bʰir devā́nām ávo yakṣi vidvā́n átʰā bʰava yájamānāya śáṃ yóḥ //

Line : 20  Pada: aq     piprīhí devā́m̐ uśató yaviṣṭʰa vidvā́m̐ r̥tū́n r̥tupate yajehá /

Line : 21  Pada: ar     yé daívyā r̥tvíjas tébʰir agne tvám̐ hótr̥̄ṇām asy ā́yajiṣṭʰaḥ //

Page: 22  
Line : 1  Pada: as     ā́ devā́nām ápi pántʰām aganma yác cʰaknávāma tád ánu právoḍʰum /

Line : 2  Pada: at     agnír vidvā́n sá yajāt séd u hótā só adʰvarā́n sá r̥tū́n kalpayāti //

Line : 3  Pada: au     ví jyótiṣā br̥hatā́ bʰāty agnír āvírvíśvāni kr̥ṇute mahitvā́ /

Line : 4  Pada: av     prā́devīr māyā́s sahate durévāḥ śíśīte śŕ̥ṅge rákṣase vinákṣe //

Line : 5  Pada: aw     sādʰvī́m akar deváhūtiṃ no adyá yajñásya jihvā́m avidāma gúhyām /

Line : 6  Pada: ax     sá ā́yur ā́gāt surabʰír vásāno mahī́m akar dyumnáhūtiṃ no adyá //

Line : 7  Pada: ay     agnír hótā nyàsīdad yájīyān upástʰe mātús surabʰā́ u loké /

Line : 8  Pada: az     yúvā kavíḥ puruniṣṭʰā́ r̥tā́vā dʰartā́ kr̥ṣṭīnā́m utá mádʰya iddʰáḥ //

Line : 9  Pada: ba     agníṃ dūtáṃ puródadʰe havyavā́ham úpabruve /

Line : 10  Pada: bb     devā́m̐ ā́sādayād ihá //

Line : 11  Pada: bc     agnír hótā puróhito 'dʰvarásya vícarṣaṇiḥ /

Line : 12  Pada: bd     sá veda yajñám ānuṣák //


Line : 13  Pada: be     iti śrīyajuṣi kāṭʰake carakaśākʰāyām iṭʰimikāyām adʰvaraṃ nāma dvitīyaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.