TITUS
Text collection: YVB 
Black Yajur-Veda
Text: KS 
Kāṭhaka-Saṃhitā

On the basis of the edition by
Leopold von Schroeder,
Kāṭhaka. Die Saṃhitā der Kaṭha-Śākhā,
Leizig: Verlag der Deutschen Morgenländischen Gesellschaft 1900-1910 /
Repr. Wiesbaden: Steiner 1970-1972
electronically prepared by Makoto Fushimi, Ōsaka, 2015;
TITUS version by Jost Gippert,
Frankfurt a/M, 7.5.2016

Divisions: stʰānaka (vacana) - anuvāka / page - line.
" \ " means that the sandhi is undone there



Sthanaka: 1 
Anuvaka: 1 
Page: 1 
Line : 1  Pada: a     om //

Pada: b     iṣé tvā \

Pada: c     ūrjé tvā

Pada: d     vāyávas stʰa \

Pada: e     upāyávas stʰa

Pada: f     devó vas savitā́ prā́rpayatu śréṣṭʰatamāya kármaṇe //

Line : 2  Pada: g     ā́pyāyadʰvam agʰnyā devabʰāgáṃ prajā́vatīr anamīvā́ ayakṣmā́ḥ //

Line : 3  Pada: h     mā́ vas stená īśata mā́gʰáśam̐saḥ

Pada: i     pári vo rudrásya hetír vr̥ṇaktu //

Line : 4  Pada: j     dʰruvā́ asmín gópatau syāta bahvī́s \

Pada: k     yájamānasya paśū́n pāhi

Line : 5  Pada: l     yájamānasya paśupā́ asi //


Anuvaka: 2  
Line : 6  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade

Line : 7  Pada: b     goṣád asi

Pada: c     prátyuṣṭaṃ rákṣaḥ

Pada: d     prátyuṣṭā́rātiḥ

Pada: e     préyám agād dʰiṣáṇā barhír áccʰa

Pada: f     mánunā kr̥tā́ svadʰáyā vítaṣṭā //

Line : 8  Pada: g     urv àntárikṣaṃ vī̀hi \

Pada: h     índrasya pariṣūtám asi

Line : 9  Pada: i     mā́dʰó mópári párus ta r̥dʰyāsam

Pada: j     āccʰettā́ te mā́ riṣat //

Pada: k     déva barhiś śatávalśaṃ víroha

Line : 10  Pada: l     sahásravalśā ví vayáṃ ruhema //

Pada: m     ádityā rā́snāsi \

Pada: n     indrāṇyā́s saṃnáhanam \

Line : 11  Pada: o     pūṣā́ te grantʰíṃ gratʰnātu

Pada: p     sá te mā́stʰāt * \
      FN Mittwede, Textkritische Bemerkungen, p. 36

Pada: q     índrasya tvā bāhúbʰyām údyaccʰe

Line : 12  Pada: r     bŕ̥haspátes tvā mūrdʰnā́ harāmi *
      FN Mittwede, Textkritische Bemerkungen, p. 36

Pada: s     devaṅgamám asi //

Pada: t     tád ā́haranti kaváyaḥ purástāt \

Line : 13  Pada: u     devébʰyo júṣṭam ihá barhír āsáde //


Anuvaka: 3  
Line : 14  Pada: a     vásoḥ pavítram asi śatádʰāraṃ vásūnāṃ pavítram asi sahásradʰāram //

Line : 15  Pada: b     ayakṣmā́ vaḥ prajáyā sám̐sr̥jāmi rāyáspóṣeṇa bahulā́ bʰávantīḥ /

Line : 16  Pada: c     mádʰumad gʰr̥távat pínvamānā jīvā́ jī́vantīr úpa vas sadema //

Page: 2  
Line : 1  Pada: d     mātaríśvano gʰarmò 'si

Pada: e     dyaúr asi

Pada: f     pr̥tʰivy àsi

Pada: g     viśvádʰāyāḥ páreṇa dʰā́mnā \

Line : 2  Pada: h     áhrutāsi

Pada: i     mā́ hvās *
      FN < hvār

Pada: j     sā́ viśvā́yus

Pada: k     sā́ viśvávyacās

Pada: l     sā́ viśvádʰāyās \

Pada: m     hutás stokás \

Line : 3  Pada: n     hutó drapsás \

Pada: o     agnáye br̥haté nā́kāya svā́hā dyā́vāpr̥tʰivī́bʰyām //

Line : 5  Pada: p     sáṃpr̥cyadʰvam r̥tāvarīr ūrmíṇā mádʰumattamāḥ /

Line : 6  Pada: q     mandrā́ dʰánasya sātáye * //
      FN emended. Ed.: sātáyaḥ. Raghuvira, KpS, xxiii, p.32, n.2. Oertel, Zur Kapiṣṭʰala-Kaṭʰa-Saṃhitā, pp. 5, 115. Mittwede, Textkritische Bemerkungen, p. 36

Line : 7  Pada: r     índrasya tvā bʰāgám̐ sómenā́tanacmi \

Pada: s     ádastam asi víṣṇave

Pada: t     víṣṇo havyáṃ rakṣasva \

Line : 8  Pada: u     ā́po jāgr̥tá //


Anuvaka: 4  
Line : 9  Pada: a     kármaṇe vām \

Pada: b     vānaspatyám asi

Pada: c     prátyuṣṭaṃ rákṣaḥ

Pada: d     prátyuṣṭā́rātiḥ //

Pada: e     urv àntárikṣaṃ vī̀hi

Line : 10  Pada: f     dʰū́r asi

Pada: g     dʰū́rva dʰū́rvantam \

Pada: h     yò 'smā́n dʰū́rvati táṃ dʰūrva

Pada: i     yáṃ vayáṃ dʰū́rvāmas táṃ ca dʰūrva //

Line : 11  Pada: j     devā́nām asi váhnitamaṃ sásnitamaṃ pápritamaṃ júṣṭatamaṃ deváhūtamam \

Line : 12  Pada: k     víṣṇoḥ krámo 'si \

Pada: l     áhrutam asi havirdʰā́nam \

Pada: m     dŕ̥m̐hasva

Pada: n     mā́ hvār

Line : 13  Pada: o     mitrásya tvā cákṣuṣā prékṣe \

Pada: p     urú tvā vā́tāya

Pada: q     devasya tvā savituḥ prasave 'śvinor bāhubʰyāṃ pūṣṇo hastābʰyām agnaye juṣṭaṃ nirvapāmi

Line : 14  Pada: r     yaccʰantu tvā pañca

Line : 15  Pada: s     rakṣāyai tvā nārātyai \

Pada: t     idaṃ devānām idaṃ nas saha

Pada: u     svar abʰivyakʰyaṃ jyotir vaiśvānaram \

Line : 16  Pada: v     dr̥m̐hantāṃ duryās

Pada: w     svāhā pr̥tʰivyām

Pada: x     urv antarikṣaṃ prehi \

Pada: y     agne havyaṃ rakṣasva //


Anuvaka: 5  
Line : 18  Pada: a     viṣṇor manasā pūte stʰaḥ //

Pada: b     devo vas savitotpunātv accʰidreṇa pavitreṇa sūryasya raśmibʰiḥ //

Line : 19  Pada: c     devasya tvā savituḥ prasave 'śvinor bāhubʰyāṃ pūṣṇo hastābʰyām agnaye juṣṭaṃ prokṣāmi

Line : 20  Pada: d     śundʰantāṃ pātrāṇi devayajyāyai

Pada: e     yad aśuddʰaḥ * parājagʰāna tad va etena śundʰantām *
      FN Raghuvira, KpS, xxiii: yad vo 'śuddʰaḥ. Mittwede, Textkritische Bemerkungen, p. 36
      FN Mittwede, Textkritische Bemerkungen, p. 37

Line : 21  Pada: f     avadʰūtaṃ rakṣas \

Pada: g     avadʰūtārātir

Pada: h     adityās tvag asi

Page: 3  
Line : 1  Pada: i     prati tvā pr̥tʰivī vettu \

Pada: j     adʰiṣavaṇam asi vānaspatyam \

Pada: k     prati tvādityās tvag vettu

Line : 2  Pada: l     pr̥tʰivīṃ dr̥m̐ha \

Pada: m     agnes tanūr asi vāco visarjanam \

Pada: n     devatābʰyas tvā devavītaye gr̥hṇāmi

Line : 3  Pada: o     br̥hadgrāvāsi vānaspatyas

Pada: p     sa idaṃ devebʰyo havyam̐ śamnīṣva

Line : 4  Pada: q     suśami śamnīṣva \

Pada: r     adrir asi ślokakr̥t \

Pada: s     apahataṃ rakṣas \

Pada: t     apahatārātir

Line : 5  Pada: u     vayam̐ saṃgʰātam̐saṃgʰātam̐ jayema *
      FN emended. Ed.: saṃjayema. Raghuvira, KpS, xxiii. Mittwede, Textkritische Bemerkungen, p. 37

Pada: v     varṣavr̥ddʰam asi

Pada: w     prati tvā varṣavr̥ddʰaṃ vettu

Line : 6  Pada: x     parāpūtaṃ rakṣaḥ parāpūtārātir

Pada: y     nirasto agʰaśam̐sas \

Pada: z     vāyur va iṣa ūrje vivinaktu //


Anuvaka: 6  
Line : 8  Pada: a     avadʰūtaṃ rakṣas \

Pada: b     avadʰūtārātis \

Pada: c     adityās tvag asi

Pada: d     prati tvā pr̥tʰivī vettu

Line : 9  Pada: e     dʰiṣaṇāsi pārvatī *
      FN Mittwede, Textkritische Bemerkungen, p. 37

Pada: f     prati tvādityās tvag vettu

Pada: g     pr̥tʰivīṃ dr̥m̐ha

Pada: h     dʰiṣaṇāsi pārvateyī

Pada: i     prati tvā pārvatī vettu

Line : 10  Pada: j     divaṃ dr̥m̐ha

Pada: k     divas skambʰany asi

Pada: l     dʰānyam asi *
      FN emended. Ed.: divas skambʰadʰānyam asi. cf. Oertel, Zur Kapiṣṭʰala-Kaṭʰa-Saṃhitā, p. 98. Mittwede, Textkritische Bemerkungen, p. 37. KS.31.5:6.7: divas skambʰany asi. KS.31.5:6.9: dʰānyam asi

Pada: m     dʰinuhi devān

Pada: n     dʰinuhi yajñam \

Pada: o     dʰinuhi yajñapatim \

Pada: p     dʰinuhi māṃ yajñanyam \

Line : 11  Pada: q     prāṇāya tvā

Line : 12  Pada: r     vyānāya tvā \

Pada: s     apānāya tvā

Pada: t     dīrgʰām anu prasr̥tim * āyuṣe tvā
      FN emended. Ed.: samr̥tim. Raghuvira, KpS, xxiii. Mittwede, Textkritische Bemerkungen, p. 37

Pada: u     devo vas savitā hiraṇyapāṇiḥ pratigr̥hṇātu \

Line : 13  Pada: v     adabdʰena vaś cakṣuṣāvapaśyāmi rāyaspoṣāya suprajastvāya //


Anuvaka: 7  
Line : 15  Pada: a     nirdagdʰaṃ rakṣas \

Pada: b     nirdagdʰārātir

Pada: c     apāgne agnim āmādaṃ jahi

Pada: d     niṣ kravyādam̐ sedʰa \

Line : 16  Pada: e     ā devayajanaṃ vaha

Pada: f     dʰruvam asi

Pada: g     pr̥tʰivīṃ dr̥m̐ha \

Pada: h     āyur dehi

Pada: i     prāṇaṃ dehi

Pada: j     sajātān asmai yajamānāya paryūha

Line : 17  Pada: k     dʰaruṇam asi \

Pada: l     antarikṣaṃ dr̥m̐ha

Pada: m     cakṣur dehi

Pada: n     śrotraṃ dehi

Pada: o     sajātān asmai yajamānāya paryūha

Line : 18  Pada: p     dʰartram asi

Pada: q     divaṃ dr̥m̐ha \

Pada: r     ojo dehi

Pada: s     balaṃ dehi

Line : 19  Pada: t     sajātān asmai yajamānāya paryūha

Pada: u     dʰarmāsi

Pada: v     diśo dr̥m̐ha

Pada: w     rayiṃ dehi

Pada: x     poṣaṃ dehi

Line : 20  Pada: y     sajātān asmai yajamānāya paryūha

Pada: z     yantram asi \

Pada: aa     āśā dr̥m̐ha

Pada: ab     rūpaṃ dehi

Pada: ac     varṇaṃ * dehi
      FN emended. Ed.: balaṃ. Raghuvira, KpS, xxiii. Mittwede, Textkritische Bemerkungen, p. 38

Line : 21  Pada: ad     sajātān asmai yajamānāya paryūha

Pada: ae     citas stʰa paricito yajamānasya sajātās \

Line : 22  Pada: af     bʰr̥gūṇām{FN emended. Ed.: bʰr̥gūnām. Mittwede, Textkritische Bemerkungen, p. 38 aṅgirasāṃ tapasā tapyadʰvam //

Line : 23  Pada: ag     yāni gʰarme kapālāny upacinvanti vedʰasaḥ /

Line : 24  Pada: ah     pūṣṇas tāny api vrata indravāyū vimuñcatām //


Anuvaka: 8  
Page: 4  
Line : 1  Pada: a     devasya tvā savituḥ prasave 'śvinor bāhubʰyāṃ pūṣṇo hastābʰyām agnaye juṣṭaṃ saṃvapāmi

Line : 2  Pada: b     sam āpa oṣadʰībʰis sam oṣadʰayo rasena madʰunā madʰumatīḥ pr̥cyantām \

Line : 3  Pada: c     yad vo revatī revatyaṃ yad vo haviṣyā haviṣyaṃ yad vo jagatīr jagatyaṃ tenāsmai yajñapataya āśāsānā madʰunā madʰumatīs saṃpr̥cyadʰvam \

Line : 4  Pada: d     janayatyai tvā

Line : 5  Pada: e     makʰasya śiro 'si

Pada: f     gʰarmo 'si viśvāyur

Pada: g     uru pratʰasva \

Pada: h     uru te yajñapatiḥ pratʰatām \

Line : 6  Pada: i     pratyuṣṭaṃ rakṣaḥ

Pada: j     pratyuṣṭārātis \

Pada: k     devas tvā savitā śrapayatu varṣiṣṭʰe 'dʰi nāke \

Line : 7  Pada: l     agnis te tanvaṃ mā him̐sīt \

Pada: m     agne brahma gr̥hīṣva * \
      FN Mittwede, Textkritische Bemerkungen, p. 38

Pada: n     ekatāya svāhā

Pada: o     dvitāya svāhā

Line : 8  Pada: p     tritāya svāhā //


Anuvaka: 9  
Line : 9  Pada: a     devasya tvā savituḥ prasave 'śvinor bāhubʰyāṃ pūṣṇo hastābʰyām ādade \

Line : 10  Pada: b     indrasya bāhur asi dakṣiṇas sahasrabʰr̥ṣṭiś śatatejās \

Pada: c     vāyur asi tigmatejāḥ

Line : 11  Pada: d     pr̥tʰivi devayajany oṣadʰyās te mūlaṃ mā him̐siṣam \

Pada: e     vrajaṃ gaccʰa gostʰānam \

Line : 12  Pada: f     varṣatu te dyaur

Pada: g     badʰāna deva savitaḥ paramasyāṃ pr̥tʰivyām̐ śatena pāśais \

Pada: h     yo 'smān dipsati yaṃ vayaṃ dipsāmas tam ato mā mauk \

Line : 13  Pada: i     drapsas te dyāṃ mā skān

Pada: j     vrajaṃ gaccʰa gostʰānam \

Line : 14  Pada: k     varṣatu te dyaur

Pada: l     badʰāna deva savitaḥ paramasyāṃ pr̥tʰivyām̐ śatena pāśair

Line : 15  Pada: m     yo 'smān dipsati yaṃ vayaṃ dipsāmas tam ato mā mauk \

Pada: n     ararur dyāṃ mā paptat \

Line : 16  Pada: o     vrajam gaccʰa gostʰānam \

Pada: p     varṣatu te dyaur

Pada: q     badʰāna deva savitaḥ paramasyāṃ pr̥tʰivyām̐ śatena pāśair

Line : 17  Pada: r     yo 'smān dipsati yaṃ vayaṃ dipsāmas tam ato mā mauk \

Line : 18  Pada: s     apārarum adevayajanaṃ pr̥tʰivyā devayajanāj * jahi //
      FN Mittwede, Textkritische Bemerkungen, p. 38f.

Pada: t     imāṃ naraḥ kr̥ṇuta vo * devebʰyo juṣṭām adityā upastʰe //
      FN Raghuvira, KpS, xxiii: vedim eta. Mittwede, Textkritische Bemerkungen, p. 39: vedim etya, or vedim eta

Line : 19  Pada: u     imāṃ devā ajuṣanta viśve rāyaspoṣā yajamānaṃ viśantu //

Line : 20  Pada: v     vasavas tvā parigr̥hṇāntu gāyatreṇa ccʰandasāṅgirasvat \

Line : 21  Pada: w     rudrās tvā parigr̥hṇantu traiṣṭubʰena ccʰandasāṅgirasvat \

Line : 22  Pada: x     ādityās tvā parigr̥hṇantu jāgatena ccʰandasāṅgirasvat \

Pada: y     dʰā asi

Pada: z     svadʰā asi //

Page: 5  
Line : 1  Pada: aa     purā krūrasya visr̥po virapśinn udādāya pr̥tʰivīṃ jīradānum /

Line : 2  Pada: ab     tām airayam̐ś candramasi svadʰābʰis tāṃ dʰīrāso anudr̥śyāyajanta kavayaḥ //


Anuvaka: 10  
Line : 3  Pada: a     pr̥śnyāḥ payo 'si

Pada: b     tasya te 'kṣīyamānasya * pinvamānasya pinvamānaṃ nirvapāmi //
      FN Mittwede, Textkritische Bemerkungen, p. 39

Line : 5  Pada: c     āśāsānā saumanasaṃ prajāṃ saubʰāgyaṃ rayim /

Line : 6  Pada: d     agner anuvratā bʰūtvā saṃnahya * sukr̥tāya kam //
      FN Raghuvira, KpS, xxiii: saṃnahye. Mittwede, Textkritische Bemerkungen, p. 39

Line : 7  Pada: e     agne gr̥hapata upa mā hvayasva

Pada: f     devānāṃ patnīr upa mā hvayadʰvam

Pada: g     aditir iva tvā suputropaniṣadeyam indrāṇīvāvidʰavā \

Line : 8  Pada: h     iṣe tvā \

Pada: i     adabdʰena tvā cakṣuṣāvapaśyāmi rāyaspoṣāya suprajāstvāya \

Line : 9  Pada: j     ūrje tvā \

Pada: k     agner jihvāsi supūr devebʰyas \

Line : 10  Pada: l     dʰāmnedʰāmne tvā yajuṣeyajuṣe

Pada: m     havir asi vaiśvānaram unnītaśuṣmam̐ satyaujās

Line : 11  Pada: n     saho nāmāsi

Pada: o     sahasvārātim̐ sahasva pr̥tanāyatas

Pada: p     sahasravīryam asi tan mārjitvā * \
      FN Raghuvira, KpS, xxiii: tan mā jinva. Mittwede, Textkritische Bemerkungen, p. 39

Line : 12  Pada: q     ājyasyājyam asi haviṣo havis

Pada: r     satyābʰigʰr̥tam asi

Pada: s     satyena tvābʰigʰārayāmi //

Line : 13  Pada: t     tejo 'si

Pada: u     śukram asi

Pada: v     jyotir asi

Pada: w     dʰāmāsi priyaṃ devānām anādʰr̥ṣṭaṃ devayajanam \

Line : 14  Pada: x     devatābʰyas tvā yajñiyebʰyo gr̥hṇāmi

Pada: y     pratyuṣṭaṃ rakṣaḥ

Pada: z     pratyuṣṭārātir

Line : 15  Pada: aa     aniśitās stʰa sapatnakṣayaṇīr

Pada: ab     āyuḥ prāṇaṃ mā nirdr̥kṣam * \
      FN Raghuvira, KpS, xxiii, Mittwede, Textkritische Bemerkungen, p. 39: nirmr̥kṣaṃ

Pada: ac     vājinaṃ tvā vājin vājayatyāyai saṃmārjmi

Line : 16  Pada: ad     cakṣuḥ śrotraṃ mā nirdr̥kṣam * \
      FN Raghuvira, KpS, xxiii, Mittwede, Textkritische Bemerkungen, p. 39: nirmr̥kṣaṃ

Pada: ae     vājinīṃ tvā vājini vājayatyāyai * saṃmārjmi
      FN Mittwede, Textkritische Bemerkungen, p. 40

Line : 17  Pada: af     prajāṃ yoniṃ mā nirdr̥kṣam * \
      FN Raghuvira, KpS, xxiii, Mittwede, Textkritische Bemerkungen, p. 39: nirmr̥kṣaṃ

Pada: ag     vājinīṃ tvā * vājayatyāyai * saṃmārjmi
      FN Raghuvira, KpS, xxiii: vājinīṃ tvā vājini
      FN Mittwede, Textkritische Bemerkungen, p. 40

Line : 18  Pada: ah     goṣṭʰaṃ yajamānasya rāyaspoṣaṃ mā nirdr̥kṣam * \
      FN Raghuvira, KpS, xxiii, Mittwede, Textkritische Bemerkungen, p. 39: nirmr̥kṣaṃ

Pada: ai     vājinīṃ tvā vājini vājayatyāyai * saṃmārjmi //
      FN Mittwede, Textkritische Bemerkungen, p. 40


Anuvaka: 11  
Line : 20  Pada: a     devīr āpo agreguvaḥ premaṃ yajñaṃ nayata

Pada: b     pra yajñapatiṃ tirata

Pada: c     yuṣmān indro 'vr̥ṇīta vr̥tratūrye

Line : 21  Pada: d     yūyam indram avr̥ṇīdʰvaṃ vr̥tratūrye

Pada: e     prokṣitās * stʰa
      FN emended. Ed.: mekṣitās. Raghuvira, KpS, xxiii, Mittwede, Textkritische Bemerkungen, p. 40

Pada: f     kr̥ṣṇo 'sy ākʰareṣṭʰās \

Line : 22  Pada: g     agnaye tvā juṣṭaṃ prokṣāmi

Pada: h     vedir asi

Pada: i     barhiṣe tvā juṣṭaṃ prokṣāmi

Page: 6  
Line : 1  Pada: j     barhir asi

Pada: k     srugbʰyas tvā juṣṭaṃ prokṣāmi

Pada: l     pitr̥̄ṇāṃ bʰāgadʰeyīs stʰa \

Pada: m     ūrjā pr̥tʰivīṃ gaccʰata

Line : 2  Pada: n     viṣṇos stupo 'si \

Pada: o     ūrṇamradaḥ * pratʰasva svāsastʰaṃ devebʰyas \
      FN Mittwede, Textkritische Bemerkungen, p. 40

Line : 3  Pada: p     gandʰarvo 'si viśvāvasur

Pada: q     viśvasmād īṣatas \

Pada: r     yajamānasya paridʰir iḍa īḍitas \

Line : 4  Pada: s     indrasya bāhur asi dakṣiṇas \

Pada: t     yajamānasya paridʰir iḍa īḍitas \

Pada: u     mitrāvaruṇau tvā paridʰattāṃ dʰruveṇa dʰarmaṇeḍa īḍitam //

Line : 6  Pada: v     vītihotraṃ tvā kave dyumantas samidʰīmahi /

Line : 7  Pada: w     agne br̥hantam adʰvare //

Line : 8  Pada: x     sūryas tvā purastāt pātu kasyāś cid abʰiśastyāḥ /

Line : 9  Pada: y     varṣiṣṭʰe 'dʰi nāke //

Line : 10  Pada: z     savitur bāhū stʰo devajanānāṃ vidʰaraṇir

Pada: aa     vasūnāṃ rudrāṇām ādityānāṃ sadanam asi

Line : 11  Pada: ab     juhv ehi gʰr̥tācī dyaur janmanā \

Pada: ac     aditir accʰinnapatrā priyā devānāṃ priyeṇa dʰāmnā priye sadasi sīda \

Line : 12  Pada: ad     upabʰr̥d ehi gʰr̥tācy antarikṣaṃ janmanā \

Pada: ae     aditir accʰinnapatrā priyā devānāṃ priyeṇa dʰāmnā priye sadasi sīda

Line : 13  Pada: af     dʰruva ehi gʰr̥tācī pr̥tʰivī janmanā \

Line : 14  Pada: ag     aditir accʰinnapatrā priyā devānāṃ priyeṇa dʰāmnā priye sadasi sīda \

Line : 15  Pada: ah     r̥ṣabʰo 'si śākvaro vāyur janmanā \

Pada: ai     aditir accʰinnapatraḥ priyo devānāṃ priyeṇa dʰāmnā priye sadasi sīda

Line : 16  Pada: aj     dʰruvā asadann r̥tasya yonau sukr̥tasya loke

Line : 17  Pada: ak     tā viṣṇo pāhi

Pada: al     pāhi yajñam \

Pada: am     pāhi yajñapatim \

Line : 18  Pada: an     pāhi māṃ yajñanyam //


Anuvaka: 12  
Line : 19  Pada: a     bʰuvanam asi

Pada: b     vipratʰasva \

Pada: c     agnir yaṣṭedaṃ namas \

Pada: d     juhv ehi \

Pada: e     agnis tvāhvayati devayajyāyai \

Line : 20  Pada: f     upabʰr̥d ehi

Pada: g     devas tvā savitāhvayati devayajyāyai \

Pada: h     aṅgʰriṇā viṣṇū * mā vām avakramiṣam \
      FN Mittwede, Textkritische Bemerkungen, p. 40

Line : 21  Pada: i     pāhi māgne duścaritāt \

Pada: j     ā mā sucarite bʰaja

Pada: k     vijihātʰām \

Page: 7  
Line : 1  Pada: l     mā mā saṃtāptam \

Pada: m     lokaṃ me lokakr̥tau kr̥ṇutam \

Pada: n     viṣṇos stʰāmnas \

Pada: o     ita indro vīryam akr̥ṇot //

Line : 2  Pada: p     ūrdʰvo adʰvaro divispr̥k \

Pada: q     ahruto yajño yajñapateḥ //

Line : 3  Pada: r     indravān br̥had bʰās svāhā //

Pada: s     saṃ jyotiṣā jyotir

Pada: t     vājasyāhaṃ prasavenāgnīṣomābʰyāṃ devatayojjayāmi

Line : 4  Pada: u     vājasyāhaṃ prasavenāgnīṣomābʰyāṃ devatayāmuṃ * pratinude //
      FN emended. Ed.: devatayāsuṃ. Raghuvira, KpS, xxiii, Mittwede, Textkritische Bemerkungen, p. 40

Line : 6  Pada: v     vājasya mā prasavenodgrābʰenodajīgrabʰam * /
      FN Other texts: grābʰeṇa.

Line : 7  Pada: w     atʰā sapatnām̐ indro me nigrābʰenādʰarām̐ * akaḥ //
      FN Other texts: grābʰeṇa.

Line : 8  Pada: x     udgrābʰaś ca nigrābʰaś ca brahma devām̐ avīvr̥dʰat /

Line : 9  Pada: y     atʰā sapatnān indrāgnī me viṣūcīnān vyasyatām //

Line : 10  Pada: z     pr̥tʰivyai tvā \

Pada: aa     antarikṣāya tvā

Pada: ab     dive tvā \

Pada: ac     aktaṃ * rihāṇā vyantu vayaḥ //
      FN emended. Ed.: artʰaṃ. Raghuvira, KpS, xxiii, Mittwede, Textkritische Bemerkungen, p. 40

Line : 11  Pada: ad     marutāṃ pr̥ṣatī vaśā pr̥śnir bʰūtvā divaṃ gaccʰa /

Line : 12  Pada: ae     tato no vr̥ṣṭim eraya //

Line : 13  Pada: af     ahīnaḥ prāṇas \

Pada: ag     cakṣuṣpā asi

Pada: ah     cakṣur me pāhi //

Line : 14  Pada: ai     yaṃ paridʰiṃ paryadʰattʰā agne deva paṇibʰir idʰyamānaḥ /

Line : 15  Pada: aj     taṃ ta etam anu joṣaṃ bʰarāmy eṣa net tvad apacetayātai //

Line : 16  Pada: ak     agneḥ pātʰa upehi \

Pada: al     indrasya pātʰa upehi

Pada: am     viśveṣāṃ devānāṃ pātʰa upehi

Line : 17  Pada: an     yajamānaṃ pratʰata //

Line : 18  Pada: ao     sam̐srāvabʰāgās stʰeṣā br̥hantaḥ prastareṣṭʰāḥ paridʰeyāś * ca devāḥ /
      FN Raghuvira, KpS, xxiv: paridʰīyāś. Mittwede, Textkritische Bemerkungen, p. 40

Line : 19  Pada: ap     yajñasya gopā uta rakṣitāras svāhā devā amr̥tā mādayantām //

Line : 20  Pada: aq     agne 'dabdʰāyo 'śīrtatano pāhi vidyot pāhi prasityāḥ pāhi duriṣṭyāḥ pāhi duradmanyās \

Line : 21  Pada: ar     aviṣaṃ naḥ pituṃ kr̥dʰi sudʰīn yonīn suṣadāṃ pr̥tʰivīm̐ svāhā

Page: 8  
Line : 1  Pada: as     devā gātuvido gātuṃ vittvā gātum ita

Pada: at     manasaspata imaṃ deva yajñam̐ * svāhā vāci svāhā vāte dʰāḥ //
      FN Raghuvira, KpS, xxiv, Mittwede, Textkritische Bemerkungen, p. 41


Line : 3  Pada: au     iti śrīyajuṣi kāṭʰake carakaśākʰāyāmiṭʰimikāyāṃ puroḍāśastʰānakaṃ nāma pratʰamaṃ saṃpūrṇaṃ samāptam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.