TITUS
Black Yajur-Veda: Kapisthala-Katha-Samhita
Part No. 6
Previous part

Adhyaya: 6  
Section: 1  
Page: 69  
Line: 1  Verse: a     dʰanaṃ me śaṃsya pāhīti /

Verse: b     āhavanīyo vai śaṃsyaḥ /

Verse: c     tasmā eva dʰanaṃ paridadāti pravatsyan /

Line: 2  Verse: d     so 'sya dʰanaṃ pravasato gopāyati /


Line: 3  Verse: e     mama nāma pratʰamaṃ jātaveda iti

Verse: f     tanvāv evaitena viparidadʰāte vipravasantau /

Line: 4  Verse: g     na ha pravasann ārtim ārcʰati ya evaṃ vidvān agnim upastʰāya pravasati /


Line: 5  Verse: h     prajāṃ me narya pāhīti /

Verse: i     gārhapatyo vai naryaḥ /

Line: 6  Verse: j     tasmā eva prajāṃ paridadāti pravatsyan /

Verse: k     so 'sya prajāṃ pravasato gopāyati /


Line: 7  Verse: l     imān me mitrāvaruṇāv iti /

Verse: m     ahorātre vai mitrāvaruṇau /

Line: 8  Verse: n     iyaṃ pūṣā /

Verse: o     tebʰya eva gr̥hān paridadāti pravatsyan /

Line: 9  Verse: p     te 'sya gr̥hān pravasato gopāyanti /


Verse: q     annaṃ me purīṣya pāhīti /

Line: 10  Verse: r     odanapacano vai purīṣyaḥ /

Verse: s     tasmā evānnaṃ paridadāti pravatsyan /

Line: 11  Verse: t     so 'syānnaṃ pravasato gopāyati /


Line: 12  Verse: u     dʰanaṃ me śaṃsyājugupa ity āhavanīyaṃ punar etyāpānyopatiṣṭʰate /

Line: 13  Verse: v     āhavanīyo vai śaṃsyaḥ /

Verse: w     tenaiva dʰanaṃ guptam /

Verse: x     tad apānenātman dʰatte /


Page: 70  
Line: 1  Verse: y     mama ca nāma tava ca jātaveda iti

Verse: z     tanvāv evaitena vyākaroty ātmanaś cāgneś ca yau vipravasantau viparidadʰāte /


Line: 2  Verse: aa     agne sahasrākṣa śatamūrdʰañ cʰatateja iti /

Line: 3  Verse: ab     sarveṇa vā etau tejasā sarvaiḥ prāṇaiḥ sarveṇendriyeṇa vyr̥dʰyete vipravasantau /

Line: 4  Verse: ac     tāny evaitenātmaṃś cāgnau ca dadʰāti /


Verse: ad     prajāṃ me naryājugupa iti gārhapatyaṃ punar etyāpānyopatiṣṭʰate /

Line: 5  Verse: ae     gārhapatyo vai naryaḥ /

Line: 6  Verse: af     tenaiva prajā guptā /

Verse: ag     tām apānenātman dʰatte /


Verse: ah     agne gr̥hapata iti

Line: 7  Verse: ai     śataṃ samā jīvato nārtim ārcʰataḥ /


Verse: aj     annaṃ me purīṣyājugupa ity odanapacanaṃ punar etyāpānyopatiṣṭʰate /

Line: 8  Verse: ak     odanapacano vai purīṣyaḥ /

Line: 9  Verse: al     tenaivānnaṃ guptam /

Verse: am     tad apānenātman dʰatte //


Section: 2  
Line: 11  Verse: a     yo aśvattʰaḥ śamīgarbʰa āruroha tvayy api /

Line: 12  Verse: b     taṃ te harāmi yajñiyaiḥ ketubʰiḥ saha //
      FN brahmaṇā is missing after harāmi ?

Line: 13  Verse: c     mayi gr̥hṇāmy aham agre agniṃ rāyaspoṣeṇa saha varcaseha devāḥ /

Line: 14  Verse: d     mayi prajāṃ mayi puṣṭiṃ dadʰāmi madema śatahimāḥ suvīrāḥ //

Line: 15  Verse: e     yo no agniḥ pitaro hr̥tsv antar amartyo martyāṃ āviveśa /

Line: 16  Verse: f     tam ātmani parigr̥hṇīmahe vayaṃ maiṣo asmān avahāya parāgāt //

Line: 17  Verse: g     saṃ vaḥ sr̥jāmi hr̥dayaṃ saṃsr̥ṣṭaṃ mano astu vaḥ /

Line: 18  Verse: h     saṃsr̥ṣṭās tanvaḥ santu vaḥ saṃsr̥ṣṭaḥ prāṇo astu vaḥ /

Line: 19  Verse: i     saṃ yā vaḥ priyās tanvaḥ saṃ priyā hr̥dayāni vaḥ //

Page: 71  
Line: 1  Verse: j     ātmā vo astu saṃpriyaḥ saṃpriyās tanvo mama //

Line: 2  Verse: k     yat pr̥tʰivyā anāmr̥taṃ saṃbabʰūva tve sacā /

Line: 3  Verse: l     tad agnir agnaye dadat tasminn ādʰīyatām ayam //

Line: 4  Verse: m     yad antarikṣasya yad divo anāmr̥taṃ saṃbabʰūva tve sacā /
      FN yad antarikṣasyānāmr̥tam and yad divo anāmr̥tam.

Line: 5  Verse: n     tad agnir agnaye dadat tasminn ādʰīyatām ayam //

Line: 6  Verse: o     agne gr̥hapate 'he budʰnya pariṣadya divaḥ pr̥tʰivyāḥ pary antarikṣāl lokaṃ vinda yajamānāya pr̥tʰivyā mūrdʰan sīda yajñiye loke

Line: 8  Verse: p     yo no agne niṣṭyo yo 'niṣṭyo 'bʰidāsatīdamahaṃ taṃ tvayābʰinidadʰāmi /

Line: 9  Verse: q     ... yajamānāya pr̥tʰivyā mūrdʰan sīda yajñiye loke /

Line: 10  Verse: r     yo no agne niṣṭyo yo 'niṣṭyo 'bʰidāsatīdam ahaṃ taṃ tvayābʰinidadʰāmi //

Line: 12  Verse: s     samidʰāgniṃ duvasyata gʰr̥tair bodʰayatātitʰim /

Line: 13  Verse: t     āsmin havyā juhotana //

Line: 14  Verse: u     ud agne tava tad gʰr̥tād arcī socata āhutam /

Line: 15  Verse: v     niṃsānaṃ juhvo mukʰe //

Line: 16  Verse: w     gʰr̥tenāgniḥ samidʰyate madʰupratīka āhutaḥ /

Line: 17  Verse: x     rocamāno vibʰāvasuḥ //

Line: 18  Verse: y     yās te śivās tanvo jātavedo yā antarikṣe divi yāḥ pr̥tʰivyām /

Line: 19  Verse: z     tābʰiḥ saṃbʰūya sagaṇaḥ sajoṣā hiraṇyayonir vaha havyam agne //


Section: 3  
Line: 21  Verse: a     yā vājinn agneḥ priyā tanūḥ paśuṣu pavamānā tām āvaha / tayā mā jinva /

Line: 22  Verse: b     yā vājinn agneḥ priyā tanūr apsu pāvakā tām āvaha / tayā mā jinva /

Page: 72  
Line: 1  Verse: c     yā vājinn agneḥ priyā tanūḥ sūrye śukrā śucimatī tām āvaha / tayā mā jinva /

Line: 2  Verse: d     ojase balāya tvodyaccʰe vr̥ṣṇe śuṣmāya /

Line: 3  Verse: e     sapatnatūrasi vr̥tratūḥ //

Line: 4  Verse: f     prācīm anu pradiśaṃ prehi vidvān agner agne puro agne bʰaveha /

Line: 5  Verse: g     viśvā āśā dīdyad vibʰāhy ūrjaṃ no dʰehi dvipade catuṣpade //

Line: 6  Verse: h     nāko 'si bradʰno 'si pratiṣṭʰā saṃkramaṇaḥ //

Line: 7  Verse: i     saṃ tvam agne divyena jyotiṣā bʰāhi sam antarikṣyeṇa saṃ pārtʰivena /

Line: 8  Verse: j     vaiśvānaryā samidʰā dīdihī na ūrjasvatyā varcasvatyā bʰāsvatyā raśmivatyā jyotiṣmatyā //

Line: 10  Verse: k     ye agnayo divo ye antarikṣād ye pr̥tʰivyāḥ samājagmur iṣam ūrjaṃ vasānāḥ /

Line: 12  Verse: l     te asmā agnaye draviṇāni dattvā tr̥ptāḥ prītāḥ punar astaṃ pareta //

Line: 14  Verse: m     kalpetāṃ dyāvāpr̥tʰivī kalpantām āpa oṣadʰayaḥ /

Line: 15  Verse: n     kalpantām agnayaḥ pr̥tʰaṅ mama jyaiṣṭʰyāya savratāḥ //

Line: 16  Verse: o     ye agnayaḥ samanasaḥ sacetasa oṣadʰīṣv apsu praviṣṭāḥ /

Line: 17  Verse: p     te samrājam abʰisaṃyantu sarva ūrjaṃ no dʰatta dvipade catuṣpade //

Line: 18  Verse: q     yā te agne pavamānā tanūḥ pr̥tʰivīm anvāviveśa yāgnau yā ratʰantare yā gāyatre cʰandasi yā trivr̥ti stome tāṃ ta etad avarundʰe /

Line: 20  Verse: r     tasyai svāhā /

Verse: s     yā te agne pāvakā tanūr antarikṣam anvāviveśa yā vāte yā vāmadevye yā traiṣṭubʰe cʰandasi yā pañcadaśe stome tāṃ ta etad avarundʰe /

Page: 73  
Line: 1  Verse: t     tasyai svāhā /

Verse: u     yā te agne śucis tanūr divam anvāviveśa yā sūrye yā br̥hati yā jāgate cʰandasi yā saptadaśe stome tāṃ ta etad avarundʰe /

Line: 3  Verse: v     tasyai svāhā //


Section: 4  
Line: 5  Verse: a     vātaḥ prāṇaḥ /

Verse: b     tad ayam ātmā /

Verse: c     purīṣam asi saṃpriyaḥ paśubʰiḥ /

Line: 6  Verse: d     yaccʰā tokāya tanayāya śaṃ yoḥ /

Verse: e     gʰarmaḥ śiraḥ /

Verse: f     tad ayam agniḥ /

Line: 7  Verse: g     purīṣam asi saṃpriyaḥ paśubʰiḥ /

Verse: h     svaditaṃ naḥ pituṃ paca /

Verse: i     arkaś cakṣuḥ /

Line: 8  Verse: j     tad asau sūryaḥ /

Verse: k     purīṣam asi saṃpriyaḥ paśubʰiḥ /

Verse: l     yat te śukra śukraṃ dʰāma śukrā tanūḥ śukraṃ jyotir ajasraṃ yat te 'nādʰr̥ṣṭam nāmānādʰr̥ṣyaṃ tena tvādadʰe //
      FN The ms.: nāmādʰr̥ṣyaṃ. cf. Oertel, Zur Kapiṣṭʰala-Kaṭʰa-Saṃhitā, p. 118

Line: 11  Verse: m     dyaur mahnāsi bʰūmir bʰūmnā /

Verse: n     tasyās te devy adita upastʰe 'nnādam annādyāyānnapatyāyādadʰe //

Line: 13  Verse: o     āyaṃ gauḥ pr̥śnir akramīd asadan mātaraṃ puraḥ /

Line: 14  Verse: p     pitaraṃ ca prayant svaḥ //

Line: 15  Verse: q     asya prāṇād apānaty antaś carati rocanā /

Line: 16  Verse: r     vyakʰyan mahiṣo divam //

Line: 17  Verse: s     triṃśad dʰāma virājati vāk pataṅgā aśiśrayuḥ /

Line: 18  Verse: t     prati vastor aha dyubʰiḥ //


Section: 5  
Line: 20  Verse: a     aditir vai prajākāmaudanam apacat /

Verse: b     tasyoccʰiṣṭam āśnāt /

Verse: c     sā garbʰam adʰatta /

Line: 21  Verse: d     tata ādityā ajāyanta /

Verse: e     ya eṣa odanaḥ pacyata ārambʰaṇam evaitat /

Line: 22  Verse: f     ākramaṇam eva /


Verse: g     prādeśamātrīḥ samidʰo bʰavanti /

Line: 23  Verse: h     etāvān hy ātmā prajāpatinā saṃmitaḥ /


Verse: i     agner vai yā yajñiyā tanūr aśvattʰe tayā samagaccʰata /

Line: 24  Verse: j     eṣāsya gʰr̥tyā tanūr yad gʰr̥tam /

Page: 74  
Line: 1  Verse: k     yad gʰr̥tena samidʰo 'nakti

Verse: l     tābʰyām evainaṃ tanūbʰyāṃ saṃgamayati /


Line: 2  Verse: m     nirmārgasyādadʰāti /

Verse: n     apagūrtyā vai vīryaṃ kriyate /

Verse: o     yan nirmārgasyādadʰāti /

Line: 3  Verse: p     apagūrtyā eva /


Verse: q     saṃvatsaro vai prajananam agniḥ prajanayitā /

Line: 4  Verse: r     tat prajananam /

Verse: s     yat purā saṃvatsarād agnau samidʰa ādadʰāti /

Line: 5  Verse: t     prajananād evainaṃ prajanayitā prajanayati /


Verse: u     abʰaktartur vai puruṣaḥ /

Verse: v     na hi tad veda yam r̥tum abʰijāyate yan nakṣatram /

Line: 6  Verse: w     yat samidʰa ādadʰāti

Verse: x     ya evāsyartur yan nakṣatraṃ tad āpnoti /


Line: 7  Verse: y     ya eṣa odanaḥ pacyate

Verse: z     yonir evaiṣa kriyate /


Line: 8  Verse: aa     yat samidʰa ādʰīyante

Verse: ab     reta evaitad dʰīyate /


Verse: ac     saṃvatsare vai reto hitaṃ prajāyate /

Line: 9  Verse: ad     yat saṃvatsare paryete 'gnim ādʰatte

Verse: ae     prajātam evainam ādʰatte /


Verse: af     dvādaśasu rātrīṣu purādʰeyāḥ /

Line: 10  Verse: ag     tā hi saṃvatsarasya pratimā /

Verse: ah     atʰo tisr̥ṣv atʰo dvayor atʰo pūrvedyur

Line: 11  Verse: ai     ādʰeyās tv evāgnim ādadʰānena /
      FN emended. Ed.: ta. Oertel, Zur Kapiṣṭʰala-Kaṭʰa-Saṃhitā, p. 25


Verse: aj     ādityā vā ita uttamā amuṃ lokam āyan /

Line: 12  Verse: ak     te patʰirakṣayaḥ /

Verse: al     ta iyakṣamāṇaṃ pratinudante /


Line: 13  Verse: am     uccʰeṣaṇabʰāgā vā ādityāḥ /

Verse: an     yad uccʰiṣṭena samidʰo 'nakti

Line: 14  Verse: ao     tebʰya eva prāvocata /

Verse: ap     tebʰya eva procya svargaṃ lokam ārohati //


Section: 6  
Line: 16  Verse: a     diśo vai nākalpanta na prājñāyanta /

Verse: b     tata etām agnaye prācīṃ diśam arocayan yat kr̥ttikāḥ /

Line: 17  Verse: c     yat kr̥ttikāsv agnim ādʰatte

Line: 18  Verse: d     prācyām evainaṃ diśy ādʰatte /


Verse: e     eṣa vāvaikaḥ prāṅ avasyati ya āhitāgniḥ /

Line: 19  Verse: f     pratyañco 'nye /

Verse: g     āgneyam etan nakṣatraṃ yat kr̥ttikāḥ /

Page: 75  
Line: 1  Verse: h     yat kr̥ttikāsv agnim ādʰatte

Verse: i     sva evainaṃ nakṣatra ādʰatte /


Page: 7r̥  
Line: 1  Verse: j     prajāpater vā etac cʰiro yat kr̥ttikāḥ /

Page: 75  
Line: 2  Verse: k     yat kr̥ttikāsv agnim ādʰatte

Verse: l     śīrṣaṇyo mukʰyo bʰavati /


Line: 3  Verse: m     sapta vai kr̥ttikāḥ /

Verse: n     sapta śīrṣaṇyāḥ prāṇāḥ /

Line: 4  Verse: o     prāṇā indriyāṇi /

Verse: p     prāṇān evendriyāṇy āpnoti /


Verse: q     [ rohiṇyām ādʰeyaḥ / ]

Line: 5  Verse: r     rohiṇyāṃ vā etaṃ devā ādadʰata /

Verse: s     tayā roham arohayan /

Line: 6  Verse: t     tad rohiṇyā rohiṇītvam /


Verse: u     rohiṇyāṃ vā etaṃ prajāpatir ādʰatta /

Line: 7  Verse: v     tayā roham arohayat /

Verse: w     tad rohiṇyā rohiṇītvam /

Line: 8  Verse: x     eṣa vai manuṣyasya svargo loko yad asmiṃl loke vasīyān bʰavati /

Line: 9  Verse: y     r̥ddʰyā eva rohiṇyām ādʰeyaḥ //


Line: 10  Verse: z     kālakāñjā vai nāmāsurā āsan /

Verse: aa     ta iṣṭakā acinvata /

Line: 11  Verse: ab     tad indra iṣṭakām apyupādʰatta /

Verse: ac     teṣāṃ mitʰunau divam ākrametām /

Line: 12  Verse: ad     tatas tām āvr̥hat /

Verse: ae     te 'vākīryanta /

Verse: af     tāv etau divyau śvānau /

Line: 13  Verse: ag     yo vyavr̥hyata sa eṣa ūrṇavābʰiḥ svair āntraiḥ saṃtitaṃsati /


Verse: ah     ojo vāvaiṣāṃ tad vīryam ādʰatta /

Line: 14  Verse: ai     oja eva vīryaṃ bʰrātr̥vyasyādʰatte yac citrāyām agnim ādʰatte /

Line: 15  Verse: aj     tad etad aindraṃ nakṣatram abʰibʰūtimat /


Verse: ak     pūrvāsu pʰalguṇīṣv ādadʰīta yaḥ kāmayeta bʰagī syām iti /

Line: 16  Verse: al     bʰagasya vā etan nakṣatram /

Line: 17  Verse: am     bʰagī bʰavati /


Verse: an     uttarāsv ādadʰīta yaḥ kāmayeta dānakāmā me prajāḥ syur iti /

Line: 18  Verse: ao     aryamṇo vā etan nakṣatram /

Line: 19  Verse: ap     eṣo 'ryamā yo dadāti /

Verse: aq     dānam imāḥ prajā upajīvanti /

Line: 20  Verse: ar     dānakāmā asmai bʰavanti /


Verse: as     rājanyasyādadʰyāt /

Verse: at     rājanyo hi dānam upajīvati /


Line: 21  Verse: au     vasante brāhmaṇenādʰeyaḥ /

Verse: av     vasanto vai brāhmaṇasyartuḥ /

Page: 76  
Line: 1  Verse: aw     sva evainam r̥tāv ādʰatte /

Verse: ax     tejo brahmavarcasam upādʰatte /


Line: 2  Verse: ay     grīṣme rājanyenādʰeyaḥ /

Verse: az     grīṣmo vai rājanyasyartuḥ /

Verse: ba     sva evainam r̥tāv ādʰatte /

Line: 3  Verse: bb     ojo vīryam upādʰatte /


Verse: bc     śaradi vaiśyenādʰeyaḥ /

Line: 4  Verse: bd     śarad vai vaiśyasyartuḥ /

Verse: be     sva evainam r̥tāv ādʰatte /

Verse: bf     ūrjaṃ paśūn upādʰatte /


Line: 5  Verse: bg     somena yajā iti vā agnim ādʰatte /

Verse: bh     yasminn eva kasmiṃś cartāv ādadʰīta somena yakṣyamāṇaḥ /

Line: 6  Verse: bi     etad dʰy avardʰayad yaḥ somena yajate /


Line: 7  Verse: bj     pʰalgunīr pūrṇamāsa ādʰeyaḥ /

Verse: bk     etad vā r̥tūnāṃ mukʰam /

Verse: bl     r̥tumukʰa evainam ādʰatte /


Line: 8  Verse: bm     [ śiśira ādʰeyaḥ / ]

Verse: bn     [ śiśiraṃ vā agner janma / ]

Line: 9  Verse: bo     [ prajātam evainam ādʰatte / ]


Verse: bp     sarvāsu dikṣv r̥dʰnavānīti vā agnim ādʰatte /

Line: 10  Verse: bq     sarvāsu dikṣv agniḥ śiśire /

Verse: br     sarvāsv eva dikṣv r̥dʰnoti yaḥ śiśire 'gnim ādʰatte /


Line: 11  Verse: bs     pūrṇamāse vāmāvasyāyāṃ vādadʰīta /

Line: 12  Verse: bt     etad vai puṇyāham /

Verse: bu     puṇyāha evainam ādʰatte /


Verse: bv     tasmād iṣṭyā vāgrāyaṇena vā paśunā vā somena vā pūrṇamāse vāmāvasyāyāṃ vā yajeta /

Line: 14  Verse: bw     eṣa vai yajñaḥ /

Verse: bx     yajñam eva prati yajñam ālabʰate //


Section: 7  
Line: 16  Verse: a     yad vā ime vyaitāṃ yad amuṣyā yajñiyaṃ tad imām abʰyasr̥jyatoṣāḥ /

Page: 77  
Line: 1  Verse: b     yad ūṣā bʰavanti /

Verse: c     anayor evainaṃ yajñiya ādʰatte /


Verse: d     prājāpatyā vā ete /

Line: 2  Verse: e     śvaḥśvo bʰūyāṃso bʰavanti /

Verse: f     prajananāyaivaite /


Verse: g     paśūnāṃ vā etat priyaṃ dʰāma /

Line: 3  Verse: h     yad ūṣā bʰavanti

Verse: i     paśūnām eva priyaṃ dʰāmopāpnoti /


Verse: j     aleled vā iyaṃ pr̥tʰivī /

Line: 4  Verse: k     sābibʰed agnir mātidʰakṣyatīti /

Verse: l     abibʰet agnir haro me vineṣyatīti /
      FN emended. Ed.: vinekṣyatīti. Oertel, Zur Kapiṣṭʰala-Kaṭʰa-Saṃhitā, p. 24

Line: 5  Verse: m     ārdreva hīyam āsīt /

Verse: n     tāṃ devāḥ śarkarābʰir adr̥ṃhan /

Line: 6  Verse: o     tejo 'gnāv adadʰuḥ /

Verse: p     yac cʰarkarā bʰavanti /

Verse: q     imām eva dr̥ṃhati /

Line: 7  Verse: r     tejo 'gnau dadʰāti /


Verse: s     abʰimr̥tā vā iyaṃ vr̥treṇa /

Line: 8  Verse: t     vamriyas tvai tad vidur yatrāsyā jīvaṃ yajñiyam /

Verse: u     yad valmīkavapā bʰavati /

Line: 9  Verse: v     asyā evainaṃ jīve yajñiya ādʰatte /


Verse: w     āpo vā idam āsan /

Line: 10  Verse: x     salilam eva sa prajāpatir varāho bʰūtvopanyamajjat /

Verse: y     tasya yāvan mukʰam āsīt tāvatīṃ mr̥dam udaharat /

Line: 11  Verse: z     seyam abʰavat /

Verse: aa     yad varāhavihataṃ bʰavati /

Verse: ab     asyām evainaṃ pratyakṣam ādʰatte /


Line: 12  Verse: ac     varāho vā asyām annaṃ paśyati /

Line: 13  Verse: ad     tasmā iyaṃ vijihīte /

Verse: ae     yad varāhavihataṃ bʰavati

Verse: af     tad evānnam avarunddʰe /


Line: 14  Verse: ag     yat tad ādatta tad aditir yad apratʰata tat pr̥tʰivī yad abʰavat tad bʰūmiḥ /

Page: 78  
Line: 1  Verse: ah     yad varāhavihataṃ bʰavati

Verse: ai     pratʰata eva prajayā paśubʰiḥ /


Verse: aj     nānā vai paśūnām annāny anyad gor annam anyad aśvasyānyad aver anyad ajāyā anyat puruṣasya /

Line: 3  Verse: ak     āpo 'nnam /

Verse: al     yad apa upasr̥jati

Verse: am     yāvad evānnaṃ tad avarunddʰe /


Line: 4  Verse: an     pañcaite saṃbʰārāḥ /

Verse: ao     pañca vai puruṣe vīryāṇi /

Verse: ap     karoty anayā vīryaṃ karoty anayā karoty anana /
      FN anayā or anena?

Line: 5  Verse: aq     yāvad eva vīryaṃ tad āpnoti /


Verse: ar     pañcaite saṃbʰārāḥ /

Line: 6  Verse: as     pāṅkto yajñaḥ /

Verse: at     yajñam evāvarunddʰe /


Verse: au     na vā r̥ta ūrjo 'nnaṃ dʰinoti /

Line: 7  Verse: av     ūrg udumbaraḥ /

Verse: aw     yad audumbarāṇi bʰavanti /

Verse: ax     anna evorjaṃ dadʰāti /


Line: 8  Verse: ay     śamīmayāni bʰavanti

Verse: az     mitʰunatvāya /


Verse: ba     agniṃ vai sr̥ṣṭaṃ prajāpatis taṃ śamyāgre samainddʰa /

Line: 9  Verse: bb     yac cʰamīmayāni bʰavanti

Line: 10  Verse: bc     svayaivainaṃ samidʰā saminddʰe /


Verse: bd     aśvo vai bʰūtvāgnir devebʰyo 'pākrāmat /

Line: 11  Verse: be     sa yatrātiṣṭʰat tad aśvattʰaḥ samabʰavat /

Verse: bf     tad aśvattʰasyāśvattʰatvam /

Line: 12  Verse: bg     yad āśvattʰāni bʰavanti

Verse: bh     yad evāsya tatra nyaktaṃ tat taiḥ saṃbʰarati /


Line: 13  Verse: bi     agnir vai manuṣyair devebʰyo 'pākrāmat /

Verse: bj     taṃ devā amanyantāyaṃ vāvedaṃ bʰaviṣyatīti /

Line: 14  Verse: bk     tasya maruta stanayitnunā hr̥dayam āccʰindan /

Line: 15  Verse: bl     sā divyāśanir abʰavat

Verse: bm     yad vr̥kṣasyāśanihatasya bʰavanti

Verse: bn     yad evāsya tatra nyaktaṃ tat taiḥ saṃbʰarati /


Line: 16  Verse: bo     parṇamayāni pañcatʰāni bʰavanti

Line: 17  Verse: bp     pāṅktatvāya //


Section: 8  
Line: 19  Verse: a     aṣṭasu prakrāmeṣu brāhmaṇenādʰeyaḥ /

Verse: b     aṣṭākṣarā gāyatrī /

Line: 20  Verse: c     gāyatraccʰandā brāhmaṇaḥ /

Verse: d     svasyaivainaṃ cʰandasaḥ prātyenasya ādʰatte /

Page: 79  
Line: 1  Verse: e     yatʰā pitā putraṃ jinvaty evam enaṃ svaṃ cʰando jinvati /


Verse: f     ekādaśasu prakrāmeṣu rājanyenādʰeyaḥ /

Line: 2  Verse: g     ekādaśākṣarā triṣṭup /

Line: 3  Verse: h     triṣṭupcʰandā rājanyaḥ /

Verse: i     svasyaivainaṃ cʰandasaḥ prātyenasya ādʰatte /

Line: 4  Verse: j     yatʰā pitā putraṃ jinvaty evam enaṃ svaṃ cʰando jinvati /


Verse: k     [ dvādaśasu prakrāmeṣu vaiśyenādʰeyaḥ / ]

Line: 5  Verse: l     [ dvādaśākṣarā jagatī / ]

Verse: m     [ jagaccʰandā vaiśyaḥ / ]

Line: 6  Verse: n     [ svasyaivainaṃ cʰandasḥ prātyenasya ādʰatte / ]

Verse: o     [ yatʰā pitā putraṃ jinvaty evam enaṃ svaṃ cʰando jinvati / ]


Line: 7  Verse: p     aparimitam avaruṇadʰā iti vā agnim ādʰatte /

Line: 8  Verse: q     aparimita ādʰeyas /

Verse: r     aparimitasyāvaruddʰyai /


Line: 9  Verse: s     yāvati cakṣuṣā manyeta tāvaty ādadʰīta /

Verse: t     satyaṃ vai cakṣuḥ /

Line: 10  Verse: u     satya evainam ādʰatte /


Verse: v     pūrvāhṇa ādʰeyaḥ /

Verse: w     etad vai puṇyāham /

Verse: x     puṇyāha evainam ādʰatte /


Line: 11  Verse: y     vyuṣṭāyāṃ purā sūryasyodetor ādʰeyaḥ /

Verse: z     etasmin vai loke prajāpatiḥ prajā asr̥jata /

Line: 12  Verse: aa     tāḥ prājāyanta /

Verse: ab     prajananāyaivam ādʰeyaḥ /


Line: 13  Verse: ac     āgneyī vai rātry aindram ahaḥ /

Verse: ad     yad udite sūrya ādadʰītāgneyād varṇād iyāt /

Line: 14  Verse: ae     yad anudita aindrāt /

Verse: af     anudite 'para ādʰeya udite pūrvaḥ /

Line: 15  Verse: ag     ubʰāv evendrāgnyor varṇāv āpnoti /


Verse: ah     asuryā vai rātrī varṇena śukriyam ahaḥ /

Line: 16  Verse: ai     śukriya ādʰatte yad udite sūrya ādʰatte /


Line: 17  Verse: aj     naktaṃ vā anuditena divoditena /

Verse: ak     divādʰatte yad udite sūrya ādʰatte /


Page: 80  
Line: 1  Verse: al     na vai suvidur iva manuṣyā nakṣatram /

Verse: am     mīmāṃsanta iva hy uditena vāva puṇyāham /

Line: 2  Verse: an     puṇyāha ādʰatte yad udite sūrya ādʰatte //


Line: 3  Verse: ao     sapta te agne samidʰaḥ sapta jihvaḥ sapta r̥ṣayaḥ sapta dʰāma priyāṇi /
      FN The ms. Ed.: saptarṣayaḥ.

Line: 4  Verse: ap     sapta hotrā anuvidvān sapta yonīr āpr̥ṇasva gʰr̥tena //

Line: 5  Verse: aq     iti

Verse: ar     yāvatīr vā agnes tanvaḥ /

Verse: as     yo vā asya tā ādadʰāno vitarṣayati vi ha tr̥ṣyati /

Line: 6  Verse: at     etāvatīr vā agnes tanvaḥ ṣoḍʰā saptasapta /

Line: 7  Verse: au     tā evāsya prīṇāti /

Verse: av     na vitr̥ṣyati /


Verse: aw     pūrṇayā srucā juhoti /

Line: 8  Verse: ax     pūrṇaḥ prajāpatiḥ /

Verse: ay     prajāpatim evāpnoti //


Section: 9  
Line: 10  Verse: a     aṅgirasāṃ tvā devānāṃ vratenādadʰa iti brāhmaṇenādʰeyaḥ /

Verse: b     ye vai devānām aṅgirasas te brāhmaṇasya pratyenaso 'gnir vāyur vāg br̥haspatiḥ /
      FN emended. Ed.: brāhmamaṇasya.

Line: 12  Verse: c     tatobandʰur asya yajñas tataāyanaḥ /

Verse: d     yatobandʰur evāsya yajño yataāyanaḥ /

Line: 13  Verse: e     tata enaṃ pratīccʰati /


Verse: f     indrasya tvā marutvato vratenādadʰa iti rājanyenādʰeyaḥ /

Line: 14  Verse: g     ye vai devānāṃ rājānas te rājanyasya pratyenasa indro varuṇo dʰātā tvaṣṭā /

Line: 15  Verse: h     tatobandʰur asya yajñas tataāyanaḥ /

Line: 16  Verse: i     yatobandʰur evāsya yajño yataāyanaḥ /

Verse: j     tata enaṃ pratīccʰati /


Page: 81  
Line: 1  Verse: k     manos tvā grāmaṇyo vratenādadʰa iti vaiśyenādʰeyaḥ /

Verse: l     maruto vai devānāṃ viśaḥ /

Line: 2  Verse: m     te vaiśyasya pratyenasaḥ /

Verse: n     tatobandʰur asya yajñas tataāyanaḥ /

Line: 3  Verse: o     yatobandʰur evāsya yajño yataāyanaḥ /

Verse: p     tata enaṃ pratīccʰati /


Line: 5  Verse: q     iḍā vai manāv āsīt /

Verse: r     sāsurān agnim ādadʰānān agaccʰat /

Line: 6  Verse: s     ta āhavanīyam agra ādadʰatātʰa gārhapatyam atʰaudanapacanam /

Verse: t     tān abravīd āptvā śriyaṃ pratyavārukṣan puṇyā bʰaviṣyanti parā [ tu ] bʰaviṣyantīti /

Line: 8  Verse: u     sā devān agnim ādadʰānān agaccʰat /

Verse: v     ta odanapacanam agra ādadʰatātʰa gārhapatyam atʰāhavanīyam /

Line: 9  Verse: w     tān abravīd āpañ cʰriyaṃ vīmaṃ lokam accʰindan puṇyā bʰaviṣyanti prajās tv eṣāṃ na bʰaviṣyantīti /

Line: 11  Verse: x     seḍaiva manor ādadʰāt /

Verse: y     sābravīt tatʰā vai te 'gnim ādʰāsyāmi /

Line: 12  Verse: z     yatʰā manuṣyā devān upa prajaniṣyanta iti /

Line: 13  Verse: aa     sā gārhapatyam agra ādadʰād atʰaudanapacanam atʰāhavanīyam anayor lokayor vyavagr̥hītyai /

Line: 14  Verse: ab     tato manuṣyā devān upa prājāyanta /

Verse: ac     prajananāyaivam ādʰeyaḥ /

Line: 15  Verse: ad     atʰo anayor eva lokayor vyavagr̥hītyai //


Line: 16  Verse: ae     prajāpatir vai yad agre vyāharat sa satyam eva vyāharat /

Verse: af     etad vāva sa trir vyāharad bʰūr bʰuvaḥ svar iti /

Line: 17  Verse: ag     etad vai vācaḥ satyam /

Verse: ah     yad eva vācaḥ satyaṃ tenādʰatte /

Line: 18  Verse: ai     bʰūṣṇu vai satyam /

Verse: aj     ya evaṃ vidvān etenādʰatte bʰavaty eva /


Line: 19  Verse: ak     ayaṃ vā aparo bʰūr asau pūrvo bʰuvaḥ /

Verse: al     bʰūr bʰuva iti /

Line: 20  Verse: am     apara ādʰeyaḥ satyasyānanugatyai /


Verse: an     bʰūr bʰuvaḥ svar iti pūrvaḥ /

Page: 82  
Line: 1  Verse: ao     tat puraḥ sarvam āpyate /


Verse: ap     vāg vai devatāṃ niravadata /

Verse: aq     niruditadevatā hi vai vāk /

Line: 2  Verse: ar     atʰa tat sarvaṃ na satyaṃ yad vācā śapate yat prāśūr bʰavati /

Line: 3  Verse: as     yāṃ vai tāṃ vāg devatāṃ niravadataiṣā vāva sā yad etā vyāhr̥tayaḥ /

Line: 4  Verse: at     etad vai vācaḥ sadevam /

Verse: au     yad eva vācaḥ sadevaṃ tenādʰatte /


Verse: av     ayaṃ vā aparo bʰūr asau pūrvo bʰuvaḥ /

Line: 5  Verse: aw     bʰūr bʰuva ity apara ādʰeyaḥ /

Verse: ax     ubʰāv evaino sahādʰatte /

Line: 6  Verse: ay     eṣa hy etasya yoniḥ /
      FN emended. Ed.: eva.

Verse: az     etasmād dʰy eṣo 'dʰisr̥jyate /

Line: 7  Verse: ba     yad dvitīyaṃ jyotis tad eva tat /


Verse: bb     bʰūr bʰuvaḥ svar iti pūrva ādʰeyaḥ /

Line: 8  Verse: bc     ubʰāv evaino sahādʰatte /

Verse: bd     eṣa hy etasya yoniḥ /

Verse: be     etasmād dʰy eṣo 'dʰi prahriyate /
      FN emended. Ed.: prahviyate.

Line: 9  Verse: bf     ayaṃ vāvāgnir yo 'yam antar agniḥ /

Verse: bg     yo 'sau pūrvo asāv evaiṣa ādityo yo 'sāv amuṣmād adʰi prahriyate /
      FN emended. Ed.: prahviyate.

Line: 10  Verse: bh     yat tr̥tīyaṃ jyotis tad eva tenāpyate /

Line: 11  Verse: bi     asau vāvaiṣa ādityaḥ pratyaṅṅ ādʰīyate /

Line: 12  Verse: bj     tasmād eṣa sarvāḥ prajāḥ pratyaṅ /


Verse: bk     agninā vai devā annam adanti /

Line: 13  Verse: bl     pratyag vā annam adyate /

Verse: bm     yat pratyaṅṅ ādʰīyate /

Verse: bn     annādyāya /


Line: 14  Verse: bo     prāco vai devān prajāpatir asr̥jatāpāco 'surān /

Verse: bp     so 'surān brahmaṇāpānudata /

Line: 15  Verse: bq     agnir brahma /

Verse: br     yat pratyaṅṅ ādʰīyate

Verse: bs     bʰrātr̥vyasyāpanuttyai /


Line: 16  Verse: bt     imam ardʰam agninā pariyantīmam ardʰam upacaranti /

Verse: bu     devānām evārdʰaṃ pariyanti devānām ardʰam upacaranti /

Line: 17  Verse: bv     imāṃ diśam abʰyāvr̥tya juhoti /

Line: 18  Verse: bw     etasyāṃ hi devā diśi /

Verse: bx     yasyām eva devā diśi tāṃ diśam abʰyāvr̥tya juhoti //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.