TITUS
Black Yajur-Veda: Hiranyakesi- / Satyasadha-Srautasutra
Part No. 6
Previous part

Patala: 6  
Khanda: 19  
Page: 133 
Sutra: a     āhavanīye gārhapatye vā havīm̐ṣi śrapyante paścād agneḥ /

Sutra: b     yatʰoktam upaveṣam ādatte /

Sutra: c     abʰihatam̐ rakṣas \\ rakṣasaḥ pāṇiṃ daha \\ ahir asi budʰniyas \\ iti vā tena pratyañcāv aṅgārau nirvartayati /

Sutra: d     apāgne \\ ity anyataram uttarāparam avāntaradeśaṃ nirasyāpa upaspr̥śya /

Sutra: e     ā devayajaṃ vaha \\ ity avaśiṣṭam avastʰāpya /

Page: 134 
Sutra: f     dʰruvam asi \\ iti tasmin kapālam upadadʰāti /

Sutra: g     nirdagdʰam iti tasminn aṅgāram adʰivartayati /

Sutra: h     dʰartram asi \\ iti tasmāt pūrvam /

Sutra: i     aṣṭākapālasya dve madʰyamād dakṣiṇe trīṇy uttarāṇi /

Sutra: j     tayor dʰarmāsi \\ iti dakṣiṇapūrvam marutām̐ śardʰas \\ iti dakṣiṇāparam

Sutra: k     yantram asi \\ āśā dr̥m̐ha \ rayiṃ dr̥m̐ha \ poṣaṃ dr̥m̐ha \ sajātān asmai yajamānasya paryūha \\ ity uttarāparam /

Sutra: l     viśvābʰyas tvāśābʰyo 'ccʰidram̐ sajātavanasyāyā upadadʰāmi \\ ity uttarapūrvam /

Sutra: m     cid asi \\ ity avaśiṣṭam uttarataḥ /

Page: 135 
Sutra: n     ekādaśakapālasya yatʰāṣṭākapālasyaivaṃ trīṇy upadadʰāti /

Sutra: o     teṣāṃ varṣiṣṭʰaṃ madʰyamaṃ dve madʰyamāt pūrve /

Sutra: p     tayos \\ cid asi \\ iti pūrvam /

Sutra: q     yatʰoktam avāntaradeśeṣu /

Sutra: r     citaḥ stʰa \\ ity avaśiṣṭāny uttarataḥ /

Page: 136 
Sutra: s     dvādaśakapālasya yatʰaikādaśakapālasyaivam /

Sutra: t     bʰr̥gūṇām aṅgirasāṃ tapasā tapyadʰvam iti vedena kapāleṣv aṅgārān adʰyūhati /

Sutra: u     pātrīṃ niṣṭapyopavātāyām /

Page: 137 
Sutra: v     devasya tvā \\ iti tiraḥpavitraṃ kr̥ṣṇājināt piṣṭāni saṃvapati /

Sutra: w     trir yajuṣā tūṣṇīṃ caturtʰam /

Sutra: x     saṃvapan vācaṃ yaccʰaty abʰivāsayan visr̥jate /

Sutra: y     haryos tvā vārābʰyām utpunāmi \\ ity udagagrābʰyāṃ pavitrābʰyāṃ piṣṭāni trir utpunāti /

Sutra: z     devo vas \\ iti vā /

Sutra: aa     sruveṇa praṇītānām ādāya vedenopayamya sam āpas \\ iti piṣṭeṣv ānayati /

Sutra: ab     yadi praṇītā na vidyeran yā eva kāścāpo yajuṣotpūya tābʰiḥ saṃnayed ity āpadartʰavādaḥ /

Sutra: ac     adbʰyaḥ pari prajātāḥ stʰa \\ iti taptā ānayati /

Page: 138 
Sutra: ad     sam adbʰiḥ pr̥cyadʰvam iti pradakṣiṇam anupariplāvayati /

Sutra: ae     janayatyai tvā saṃyaumi \\ iti saṃyauti janayīte tvā \\ iti vā /

Sutra: af     makʰasya śiro 'si \\ iti piṇḍaṃ karoti /

Sutra: ag     yatʰābʰāgaṃ vyāvartetʰām iti vibʰajati //

Khanda: 20  
Sutra: a     devo vām̐ savitā vibʰajatu \ bʰago vām̐ savitā vibʰajatu \ pūṣā vām̐ savitā vibʰajatu \ vāyur vām̐ savitā vibʰajatu \ janayatyai tvā vibʰajāmi \\ iti vā /

Sutra: b     samau piṇḍau kr̥tvā \\ idam agnaye \\ ity āgneyam abʰimr̥śati \\ idam amuṣmai \\ iti yatʰādevatam uttaram /

Page: 139 
Sutra: c     idam aham̐ senāyā abʰītvaryai mukʰam apohāmi \\ iti vedena dakṣiṇasmāt kapālayogād aṅgārān apohyottarasmād apohati * /
      FN emended. Ed.: apoheti.

Sutra: d     evam anupūrvāṇy eṣāṃ karmāṇi kriyante /

Sutra: e     samānajātīyenaikaikam anusameti kr̥tsnam ekaikam apavarjayati /

Page: 140 
Sutra: f     saṃyuktāni tv ekāpavargāṇi yatʰāvadānapradāne /

Page: 141 
Sutra: g     udvapanaṃ niṣpavanaṃ ca sarvatra pradʰānasaṃnipāte kriyante /

Sutra: h     makʰasya śiro 'si \\ iti dakṣiṇaṃ piṇḍam ādāya gʰarmo 'si viśvāyus \\ iti dakṣiṇe kapālayoge 'dʰiśrayati /

Sutra: i     gʰarma gʰarme śrayasva \\ iti vā /

Sutra: j     evam uttaram /

Page: 142 
Sutra: k     uru pratʰasva \\ iti pratʰayati /

Sutra: l     sarvāṇi kapālāny abʰipratʰayati /

Sutra: m     pātryām apa ānīya tvacaṃ gr̥hṇīṣva \\ iti pradakṣiṇam anatikṣārayam̐l lepenānuparimārṣṭi /

Sutra: n     antaritam̐ rakṣas \\ ity ulmukena triḥ paryagni karoti /

Sutra: o     pari vājapatis \\ iti vā /

Page: 143 
Sutra: p     devas tvā savitā śrapayatu \\ iti darbʰair abʰijvalayati /

Sutra: q     agnis te tanuvaṃ māti dʰāk \\ ity ulmukaiḥ paritapati /

Sutra: r     saṃ brahmaṇā pr̥cyasva \\ iti vedena sāṅgāraṃ bʰasmābʰyūhati /

Sutra: s     brahma gr̥hṇīṣva \\ iti vā /

Sutra: t     avidahantaḥ śrapayata \\ iti saṃpreṣyaty atra vācaṃ visr̥jate /

Page: 144 
Sutra: u     aṅguliprakṣālanaṃ pātrīnirṇejanaṃ colmukenābʰipratapya /

Sutra: v     apareṇāhavanīyam apareṇa vā gārhapatyam̐ spʰyenodīcīs tisro rekʰāḥ kr̥tvā \\ ekatāya svāhā \\ iti paścātpaścād asam̐spandayam̐s trir ninayati /

Page: 145 
Sutra: w     ninīya vābʰitapati /

Sutra: x     apareṇāhavanīyaṃ yajamānamātrīṃ vediṃ karoti /

Sutra: y     yāvadartʰāṃ tiraścīm //

Khanda: 21  
Sutra: a     vedena vediṃ vividuḥ pr̥tʰivīm \\ sā papratʰe pr̥tʰivī pārtʰivāni / \ garbʰaṃ vibʰarti bʰuvaneṣv antar \\ tato yajño jāyate viśvadānis \\ iti purastāt stambayajuṣo vedena vediṃ triḥ saṃmārṣṭi /

Page: 146 
Sutra: b     pūrvārdʰād veder vitr̥tīyadeśe stambayajur harati /

Sutra: c     devasya tvā \\ iti spʰyam ādāya /

Sutra: d     indrasya bāhur asi \\ ity abʰimantrayate /

Sutra: e     sahasrabʰr̥ṣṭiḥ śatatejās \\ iti tasya darbʰeṇāgram̐ sam̐śyati /

Sutra: f     pr̥tʰivyai varmāsi \\ iti prāgagram udagagraṃ vā darbʰaṃ nidadʰāti /

Page: 147 
Sutra: g     pr̥tʰivi devayajani \\ iti tasmin spʰyena praharati /

Sutra: h     apahato 'raruḥ pr̥tʰivyai \\ iti spʰyena satr̥ṇān pām̐sūn apādatte \\ apāraruṃ vadʰyāsam iti vā /

Sutra: i     vrajaṃ gaccʰa gostʰānam iti harati /

Sutra: j     varṣatu te dyaus \\ iti vediṃ pratyavekṣate varṣatu te parjanyas \\ iti yajamānam /

Sutra: k     namo dive namaḥ pr̥tʰivyai \\ ity uttarata uttānau hastau kr̥tvāgnīdʰra upaviśati /

Sutra: l     prakrame veder badʰāna \\ iti tasmā upanivapati /

Page: 148 
Sutra: m     sa utkaro bʰavati /

Sutra: n     avabāḍʰo durasyus \\ ity āgnīdʰra utkaram abʰigr̥hṇāty añjalinā /

Sutra: o     parigr̥hyāste /

Sutra: p     evaṃ dvitīyam̐ haraty evaṃ tr̥tīyam /

Sutra: q     mā vaḥ śivā oṣadʰayo mūlam̐ him̐siṣam iti dvitīyaṃ praharati /

Page: 149 
Sutra: r     apahato 'raruḥ pr̥tʰivyai devayajanyai \\ iti dvitīyam apādatte /

Sutra: s     avabāḍʰā devayajanyā yātudʰānās \\ iti dvitīyam abʰigr̥hṇāti /

Sutra: t     drapsas te divaṃ mā skān iti tr̥tīyaṃ praharati /

Sutra: u     apahato 'raruḥ pr̥tʰivyā adevayajanas \\ iti tr̥tīyam apādatte /

Sutra: v     avabāḍʰo 'gʰaśam̐sas \\ iti tr̥tīyam abʰigr̥hṇāti /

Sutra: w     tūṣṇīṃ caturtʰam /

Sutra: x     sarvaṃ darbʰam̐ harati /

Sutra: y     ararus te divaṃ mā skān iti caturtʰam abʰigr̥hṇāti /

Sutra: z     spʰyena vediṃ parigr̥hṇāti /

Sutra: aa     vasavas tvā parigr̥hṇantu \\ iti dakṣiṇataḥ prācīṃ lekʰāṃ likʰati /

Page: 150 
Sutra: ab     rudrās tvā \\ iti paścād udīcīm /

Sutra: ac     ādityās tvā \\ ity uttarataḥ prācīm /

Sutra: ad     prāñcau vedyam̐sāv unnayaty abʰita āhavanīyaṃ pratīcī śroṇī abʰi gārhapatyaṃ madʰye saṃnatā bʰavati //

Khanda: 22  
Sutra: a     imāṃ narāḥ kr̥ṇuta vedim etya \ vasumatīm̐ rudravatīm ādityavatīm \\ varṣman divo nābʰā pr̥tʰivyās \\ yatʰāyaṃ yajamāno na riṣyādeta \ devebʰyo juṣṭām adityā upastʰe \ imāṃ devā ajuṣanta sarve \ rāyaspoṣā yajamānaṃ viśantu \\ iti saṃpreṣyati /

Sutra: b     apahato 'raruḥ pr̥tʰivyai \\ ā devayajaṃ vaha \\ iti spʰyenottamāṃ tvacam uddʰatyotkare nivapati /

Page: 151 
Sutra: c     devasya savituḥ save \\ iti kʰanati devasya savituḥ save \ karma kr̥ṇvanto mānuṣās \\ mā vaḥ śivā oṣadʰayo mūlam̐ him̐siṣam iti vā /

Sutra: d     dvyaṅgulāṃ tryaṅgulāṃ caturaṅgulām̐ sītāmātrīm̐ ratʰavartmamātrīṃ yāvat pārṣṇiyai śvetaṃ tāvatīṃ vā /

Sutra: e     naitā mātrā atikʰanati /

Sutra: f     dakṣiṇato barṣīyasīṃ purīṣavatīṃ prācīmudīcīṃ pravaṇāṃ karoti /

Sutra: g     yan mūlam atiśete spʰyena tac cʰinatti /

Sutra: h     yat purīṣam atiricyata utkaraṃ tad gamayati /

Sutra: i     āhāryapurīṣāṃ paśukāmasya /

Page: 152 
Sutra: j     yat prāk kʰananāt tat kr̥tvā mantreṇa purīṣaṃ kʰātvā harati /

Sutra: k     atra paurṇamāsyāṃ vediṃ karoti /

Sutra: l     pūrvedyur amāvāsyāyām /

Sutra: m     purastād varhiṣa āharaṇāt /

Sutra: n     yat prāg uttarasmāt parigrāhāt tat pūrvedyuḥ karoti saha vottareṇa parigrāheṇa /

Sutra: o     brahmann uttaraṃ parigrāhaṃ parigrahīṣyāmi \\ ity āmantrya parigr̥hṇāti /

Sutra: p     viparītam eke samāmananti mantraiḥ pūrvaṃ parigrāhaṃ yajurbʰir uttaram /

Page: 153 
Sutra: q     r̥tam asi \\ iti dakṣiṇatas \\ r̥tasadanam asi \\ iti paścāt \\ r̥taśrīr asi \\ ity uttarataḥ /

Sutra: r     dʰā asi \ svadʰā asi \\ iti spʰyena pratīcīm̐ saṃmārṣṭi /

Sutra: s     purā krūrasya \\ ity abʰimantrya /

Sutra: t     paścārdʰe veder vitr̥tīyadeśe spʰyaṃ tiryañcam̐ stabdʰvā prokṣaṇīr āsādaya \\ idʰmābarhir upasādaya \ sruvaṃ ca srucaś ca saṃmr̥ḍḍʰi \ patnīm̐ saṃnahya \\ ājyenodehi \\ iti saṃpreṣyati /

Page: 154 
Sutra: u     agnihotrahavaṇyāṃ pavitrāntarhitāyām apa ānīyodañcam̐ spʰyam apakr̥ṣyāntarvedi dʰārayan spʰyasya vartmann upaninīya \\ r̥tasadʰaḥ stʰa \\ iti spʰyapade sādayati /

Sutra: v     yaṃ dviṣyāt taṃ dʰyāyet /

Page: 155 
Sutra: w     śatabʰr̥ṣṭir asi vānaspatyo dviṣato vadʰas \\ ity utkare spʰyam udasyati /

Sutra: x     purastāt pratyañcam̐ stʰavimata upohati /

Sutra: y     nānavanijya hastau pātrāṇi parāhaṇyān na vediṃ parimr̥śaty āstaraṇāt /

Sutra: z     hastāv avanenikte spʰyaṃ prakṣālayati nāgraṃ parimr̥śati /

Sutra: aa     uttareṇa praṇītā idʰmābarhir upasādayati dakṣiṇam idʰmam uttaraṃ barhiḥ //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.