TITUS
Sama-Veda: Khadira-Grhyasutra
Part No. 6
Previous part

Patala: 2 
Khanda: 1 
Verse: 1    paurṇamāsopakramau darśapūrṇamāsau / 1
Verse: 2    dārśaṃ cetpūrvamupapadyeta paurṇamāseneṣṭvā 'tʰa tatkuryāt / 2
Verse: 3    akurvan paurṇamāsīmākāṅkṣedityeke / 3
Verse: 4    aparāhṇe snātvaupavasatʰikaṃ dampatī bʰuñjīyātām / 4
Verse: 5    mānatantavya uvāca śreyasīṃ prajāṃ vindate kāmyo bʰavatyakṣodʰukī kṣodʰuko ya aupavasatʰikaṃ bʰuṅkte / 5
Verse: 6    tasmādyatkāmayeta tadbʰuñjīta / 6
Verse: 7    nāvratyamācaret / 7
Verse: 8    prātarāhutiṃ hutvā / 8
Verse: 9    havinirnirvapedamuṣmai tvā juṣṭaṃ nirvapāmīti devatāśrayaṃ sakr̥dyajurvā dvistūṣṇīm / 9
Verse: 10    trirdevebʰyaḥ prakṣālayet / 10
Verse: 11    dvirmanuṣyebʰyaḥ / 11
Verse: 12    sakr̥tpitr̥bʰyaḥ / 12
Verse: 13    mekṣaṇena pradakṣiṇamudāyuvaṃ śrapayet / 13
Verse: 14    śr̥tamabʰigʰāryodagudvāsya pratyabʰigʰārayet / 14
Verse: 15    sarvāṇyevaṃ havīṃṣi / 15
Verse: 16    barhiṣyā sādya / 16
Verse: 17    ājyabʰāgau juhuyāccaturgr̥hītamājyaṃ gr̥hītvā pañcāvattaṃ bʰr̥gūṇāṃ jāmadagnyānāmagnaye svāhetyuttaratassomāyeti dakṣiṇataḥ / 17
Verse: 18    viparītamitare / 18
Verse: 19    ājyamupastīrya haviṣo 'vadyenmekṣaṇena madʰyātpurastāditi / 19
Verse: 20    paścācca pañcāvattī / 20
Verse: 21    abʰigʰārya pratyanaktyavadānastʰānāni / 21
Verse: 22    na sviṣṭakr̥taḥ / 22
Verse: 23    amuṣmai svāheti juhuyādyaddevatyaṃ syāt / 23
Verse: 24    sviṣṭakr̥tassakr̥dupastīrya dvirbʰr̥gūṇāṃ sakr̥ddʰaviṣo dvirabʰigʰāryāgnaye sviṣṭakr̥te svāheti prāgudīcyāṃ juhuyāt / 24
Verse: 25    samidʰamādʰāya / 25
Verse: 26    darbʰānājye haviṣi vā triravadʰāyāgramadʰyamūlānyaktaṃ rihāṇā viyantu vaya ityabʰyukṣyāgnāvanumahared yaḥ paśūnāmadʰipatī rudrastanticaro vr̥ṣā paśūnasmākaṃ mā hiṃsīretadastu hutaṃ tava svāheti / 26
Verse: 27    tadyajñavāstu / 27
Verse: 28    sarvatra kuryāt / 28
Verse: 29    haviruccʰiṣṭamudagudvāsya brahmaṇe dadyāt / 29
Verse: 30    pūrṇapātraṃ dakṣiṇā / 30
Verse: 31    yatʰotsāhaṃ vā / 31


iti pratʰamaḥ kʰaṇḍaḥ



Next part


This text is part of the TITUS edition of Sama-Veda: Khadira-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.