TITUS
Vikramacarita (MR)
Part No. 5
Previous part

Chapter: F4 
IV. Frame-Story: Fourth Section
Death of Vikrama and hiding of the throne

Metrical Recension of iv


Paragraph: 1 
Line: 1    tataḥ kālena mahatā vikramādityanāśakaḥ
Line: 2    pratiṣṭʰānapure śreṣṭʰe samabʰūc cʰālivāhanaḥ.
Line: 3    ujjayinyām udabʰavan durnimittāny anekaśaḥ,
Line: 4    bʰūmyantarikṣadeśeṣu sūcayanti mahad bʰayam.
Line: 5    tadānīṃ vikramādityo bʰaṭṭim āhūya mantriṇam
Line: 6    uvaca: durnimittāni kiṃ vadiṣyanti me vada.
Line: 7    ity ukto bʰaṭṭir avadat: kiṃ vaktum iha śakyate?
Line: 8    viruddʰam iva me bʰāti; pramāṇaṃ daivam eva naḥ.
Line: 9    tac cʰrutvā sāhasāṅko 'pi punar evā 'ha mantriṇam:
Line: 10    viruddʰam iti kiṃ brūṣe? mama nā 'sti bʰayaṃ kvacit;
Line: 11    śr̥ṇv atra kāranaṃ bʰaṭṭe, vakṣyāmy akʰilam āditaḥ.
Line: 12    mayā maheśvaraḥ pūrvaṃ tapasā paritoṣitaḥ
Line: 13    āvirbabʰūva bʰagavān kālakaṇṭʰas trilocanaḥ;
Line: 14    taṃ vilokya mahādevaṃ praṇamyā 'nandanirbʰaraḥ,
Line: 15    itikartavyatājātaṃ kiṃcin nā 'jñāsiṣaṃ kṣaṇam;
Line: 16    tato 'ham ukto devena: vāñcʰitaṃ vriyatām iti.
Line: 17    amaratvābʰilāṣeṇa devadevaṃ vyajijñapam;
Line: 18    dinādʰikaikavarṣayāṃ kanyakāyāṃ suto yadi
Line: 19    jāyate, maraṇaṃ puṅsas tato, mr̥tyur na me 'nyataḥ.
Line: 20    sa tatʰe 'ti varaṃ dattva prāyāt kailāsam īśvaraḥ.
Line: 21    tadāprabʰr̥ti sarvatra nirbʰayo vicarāmy aham.
Line: 22    ity ākarṇyā 'tʰa rājānam āha mantrī mahāmatiḥ:
Line: 23    tarhi saṃbʰāvyate sarvaṃ, vicitrā vedʰaso gatiḥ
Line: 24    tārakasya; pura rājañ cʰivayor nai 'kamastakaḥ.
Line: 25    kāraṇaṃ maranāya 'bʰūt kumāro varadānataḥ,
Line: 26    na naro na mr̥gaḥ ko 'pi hiraṇyakaśipor api.
Line: 27    taṃ vicāraya cārais tvaṃ yato 'sti bʰavato bʰayam.
Line: 28    tatʰe 'ti vikramādityaḥ smaraṇād āgataṃ kṣanāt
Line: 29    vetālaṃ preṣayām āsa: tādr̥śo mr̥gyatām iti.
Line: 30    ādʰāyā 'jñāṃ sa śirasa tasya ra~aśiromaṇeḥ
Line: 31    agād ambaramārgeṇa vegād vijitamārutaḥ.
Line: 32    saptadvīpeṣu saptādriṣv api saptārṇaveṣu ca
Line: 33    vicinvann, atʰa vijñāya pratyāgatya nyavedayat.
Line: 34    draṣṭavyam akʰilam dr̥ṣṭam, pratiṣṭʰanahvaye pure
Line: 35    kasyacit kumbʰakarasya bʰavane bʰuvaneśvara,
Line: 36    dinādʰikaikavarṣayāḥ kanyayāḥ saṃnidʰāv aham
Line: 37    apaśyam bālakam bālabʰānumantam iva stʰitam.
Line: 38    tatra pravayasaṃ vipram aham prāpya vinītavat
Line: 39    apr̥ccʰam etatsambandʰam; so 'pi sarvaṃ nyavedayat:
Line: 40    eṣā mama sutā ramyā, reme 'syaṃ bʰujageśvaraḥ;




Next part


This text is part of the TITUS edition of Vikramacarita (MR).

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.