TITUS
Varahamihira, Brhatsamhita
Part No. 5
Previous part

Chapter: 5  
rāhucārādʰyāyaḥ



Paragraph: (1)  
Strophe: 1  
Verse: ab    amr̥tāsvādaviśeṣāc ccʰinnam api śiraḥ kilāsurasya_idam /
Verse: cd    prāṇair aparityaktaṃ grahatāṃ yātaṃ vadanty eke //

Strophe: 2  
Verse: ab    indu_arkamaṇḍalākr̥tir asitatvāt kila na dr̥śyate gagane /
Verse: cd    anyatra parvakālād varapradānāt kamalayoneḥ //

Strophe: 3  
Verse: ab    mukʰapuccʰavibʰaktāṅgaṃ bʰujaṅgam ākāram upadiśanty anye /
Verse: cd    katʰayanty amūrtam apare tamomayaṃ saiṃhikeyākʰyākʰyam //

Strophe: 4  
Verse: ab    yadi mūrto bʰavicārī śiro +atʰavā bʰavati maṇḍalī rāhuḥ /
Verse: cd    bʰagaṇārdʰenāntaritau {K. _to} gr̥hṇāti katʰaṃ niyatacāraḥ //

Strophe: 5  
Verse: ab    aniyatacāraḥ kʰalu ced upalabdʰih saṃkʰyayā katʰaṃ tasya /
Verse: cd    puccʰānanābʰidʰāno +antareṇa kasmān na gr̥hṇāti //

Strophe: 6  
Verse: ab    atʰa tu bʰujagendrarūpaḥ puccʰena mukʰena vā sa gr̥hṇāti /
Verse: cd    mukʰapuccʰāntarasaṃstʰaṃ stʰagayati kasmān na bʰagaṇārdʰam //

Strophe: 7  
Verse: ab    rāhudvayaṃ yadi syād graste +astamite +atʰavā_udite candre /
Verse: cd    tatsamagatinānyena grastaḥ sūryo +api dr̥śyate //

Strophe: 8  
Verse: ab    bʰūccʰāyāṃ svagrahaṇe bʰāskaram arkagrahe praviśati_induḥ /
Verse: cd    pragrahaṇam ataḥ paścān na_indor bʰānoś ca pūrvārdʰāt //

Strophe: 9  
Verse: ab    vr̥kṣasya svaccʰāyā yatʰā_ekapārśve {K. _na} bʰavati *dīrgʰacayā {K. dīrgʰā ca} /
Verse: cd    niśi niśi tadvad bʰūmer āvaraṇavaśād dineśasya //

Strophe: 10  
Verse: ab    sūryāt saptamarāśau yadi ca_udagdakṣiṇena nātigataḥ /
Verse: cd    candraḥ pūrvābʰimukʰaś cʰāyāmaurvīm tadā viśati //

Strophe: 11  
Verse: ab    candro +adʰaḥstʰaḥ stʰagayati ravim ambudavat samāgataḥ paścāt /
Verse: cd    pratideśam ataś citraṃ dr̥ṣṭivaśād bʰāskaragrahaṇam //

Strophe: 12  
Verse: ab    āvaraṇaṃ mahad indoḥ kuṇṭʰaviṣāṇas tato +ardʰasaṃccʰannaḥ /
Verse: cd    svalpam raver yato +atas tīkṣṇaviṣāṇo ravir bʰavati //

Strophe: 13  
Verse: ab    evam uparāgakāraṇam uktam idaṃ divyadr̥gbʰir ācāryaiḥ /
Verse: cd    rāhur akāraṇam asminn ity uktaḥ śāstrasadbʰāvaḥ //

Strophe: 14  
Verse: ab    yo +asau_asuro rāhus tasya varo brahmaṇā +ayam ājñaptaḥ /
Verse: cd    āpyāyanam uparāge dattahutāṃśena te bʰavitā //

Strophe: 15  
Verse: ab    tasmin kāle sānnidʰyam asya tena_upacaryate rāhuḥ /
Verse: cd    yāmyottarā śaśigatir gaṇite +apy upacaryate tena //

Strophe: 16  
Verse: ab    na katʰaṃcid api nimittair grahaṇaṃ vijñāyate nimittāni /
Verse: cd    anyasminn api kāle bʰavanty atʰa_utpātarūpāṇi //

Strophe: 17  
Verse: ab    pañcagrahasaṃyogān na kila grahaṇasya sambʰavo bʰavati /
Verse: cd    tailaṃ ca jale +aṣṭamyāṃ na vicintyam idaṃ vipaścidbʰiḥ //

Strophe: 18  
Verse: ab    avanatyā +arke grāso digjñeyā valanayā_avanatyā ca /
Verse: cd    titʰyavasānād velā karaṇe katʰitāni tāni mayā //

Strophe: 19  
Verse: ab    ṣaṇmāsottaravr̥ddʰyā parveśāḥ sapta devatāḥ kramaśaḥ /
Verse: cd    brahmaśaśīndrakuberā varuṇāgniyamāś ca vijñeyāḥ //

Strophe: 20  
Verse: ab    brāhme *dvijapaśuvr̥ddʰiḥ kṣemārogyāṇi {K. dvijapaśuvr̥ddʰikṣemārogyāṇi} sasyasampat_ca /
Verse: cd    tadvat saumye tasmin pīḍā viduṣām avr̥ṣṭiś ca //

Strophe: 21  
Verse: ab    aindre bʰūpavirodʰaḥ śāradasasyakṣayo na ca kṣemam /
Verse: cd    kaubere +artʰapatīnām artʰavināśaḥ subʰikṣaṃ ca //

Strophe: 22  
Verse: ab    vāruṇam avanīśāśubʰam anyeṣāṃ kṣemasasyavr̥ddʰikaram /
Verse: cd    āgneyaṃ mitrākʰyaṃ sasyārogyābʰayāmbukaram //

Strophe: 23  
Verse: ab    yāmyaṃ karoty avr̥ṣṭiṃ durbʰikṣaṃ saṃkṣayaṃ ca sasyānām /
Verse: cd    yad ataḥ paraṃ tad asśubʰaṃ kṣut_mārāvr̥ṣṭidaṃ parva //

Strophe: 24  
Verse: ab    velāhīne parvaṇi garbʰavipattiś ca śastrakopaś ca /
Verse: cd    ativele kusumapʰalakṣayo bʰayaṃ sasyanāśaś ca //

Strophe: 25  
Verse: ab    hīnātiriktakāle pʰalam uktaṃ pūrvaśāstradr̥ṣṭatvāt /
Verse: cd    spʰuṭagaṇitavidaḥ kālaḥ katʰañcid api nānyatʰā bʰavati //

Strophe: 26  
Verse: ab    yady ekasmin māse grahaṇaṃ ravisomayos tadā kṣitipāḥ /
Verse: cd    svabalakṣobʰaiḥ saṃkṣayam āyānty atiśastrakopaś ca //

Strophe: 27  
Verse: ab    grastāv uditāstamitau śāradadʰānyāvanīśvarakṣayadau /
Verse: cd    sarvagrastau durbʰikṣamarakadau pāpasandr̥ṣṭau //

Strophe: 28  
Verse: ab    ardʰodita_uparakto naikr̥tikān hanti sarvayajñāṃś ca /
Verse: cd    agnyupajīviguṇādʰikaviprāśramiṇo *yuge +abʰyuditaḥ {K. ayugābʰyuditaḥ} //

Strophe: 29  
Verse: ab    karṣakapākʰaṇḍi {K. -pāṣaṇḍi} vaṇikkṣatriyabalanāyakān *dvitīyāṃśe {K. dvitīye +aṃśe} /
Verse: cd    kārukaśūdramleccʰān kʰatr̥tīyāmśe samantrijanān //

Strophe: 30  
Verse: ab    madʰyāhne narapatimadʰyadeśahā śobʰanaś ca dʰānyārgʰaḥ /
Verse: cd    tr̥ṇabʰugamātyāntaḥpuravaiśyagʰnaḥ pañcame kʰāṃśe /

Strophe: 31  
Verse: ab    strīśūdrān ṣaṣṭʰe +aṃśe dasyupratyantahā_astamayakāle /
Verse: cd    yasmin kʰāṃśe mokṣas tatproktānāṃ śivaṃ bʰavati //

Strophe: 32  
Verse: ab    dvijanr̥patīn udagayane viṭśūdrān dakṣiṇāyane hanti /
Verse: cd    rāhur udagādidr̥ṣṭaḥ pradakṣiṇaṃ hanti viprādīn //

Strophe: 33  
Verse: ab    mleccʰān vidikstʰito yāyinaś ca hanyād dʰutāśasaktāṃś ca /
Verse: cd    salilacaradantigʰātī yāmyena_udag gavām aśubʰaḥ //

Strophe: 34  
Verse: ab    pūrveṇa salilapūrṇāṃ karoti vasudʰāṃ samāgato daityaḥ /
Verse: cd    paścāt karṣakasevakabījavināśāya nirdiṣṭaḥ //

Strophe: 35  
Verse: ab    pāñcālakaliṅgaśūrasenāḥ kāmboja_uḍrakirātaśastravārttāḥ /
Verse: cd    jīvanti ca ye hutāśavr̥ttyā te pīḍām upayānti meṣasaṃstʰe //

Strophe: 36  
Verse: ab    gopāḥ paśavo +atʰa gomino manujā ye ca mahattvam āgatāḥ /
Verse: cd    pīḍām upayānti bʰāskare graste śītakare +atʰavā vr̥ṣe //

Strophe: 37  
Verse: ab    mitʰune pravarāṅganā nr̥pā nr̥pamātrā balinaḥ kalāvidaḥ /
Verse: cd    yamunātaṭajāḥ sabāhlikā matsyāḥ suhmajanaiḥ samanvitāḥ //

Strophe: 38  
Verse: ab    ābʰīrān_śabarān sapahlavān mallān matsyakurūñcʰakān api /
Verse: cd    pāñcālān vikalāṃś ca pīḍayaty annāṃ cāpi nihanti karkaṭe //

Strophe: 39  
Verse: ab    siṃhe pulindagaṇamekalasattvayuktān rājopamān narapatīn vanagocarāṃś ca /
Verse: cd    ṣaṣṭʰe tu sasyakavilekʰakageyasaktān hanty aśmakatripuraśāliyutāṃś ca deśān //

Strophe: 40  
Verse: ab    tulādʰare +avantyaparāntyasādʰūn vaṇigdaśārṇān maruta {K. bʰaruka} kaccʰapāṃś ca /
Verse: cd    aliny atʰa_udumbaramadracolān drumān sayaudʰeyaviṣāyudʰīyān //

Strophe: 41  
Verse: ab    dʰanviny amātyavaravājividehamallān pāñcālavaidyavaṇijo viṣamāyudʰajñān /
Verse: cd    hanyān mr̥ge tu jʰaṣamantrikulāni nīcān mantrauṣadʰīṣu kuśalān stʰavirāyudʰīyān //

Strophe: 42  
Verse: ab    kumbʰe +antargirijān sapaścimajanān bʰārodvahāṃs taskarān ābʰīrān darada_āryasiṃhapurakān hanyāt tatʰā barbarān /
Verse: cd    mīne sāgarakūlasāgarajaladravyāṇi vanyān {K. mānyān} janān prājñān vāryupajīvinaś ca bʰapʰalaṃ kūrmopadeśād vadet //

Strophe: 43  
Verse: ab    savyāpasavyalehagrasananirodʰāvamardanārohāḥ /
Verse: cd    āgʰrātaṃ madʰyatamas tamo +antya iti te daśa grāsāḥ //

Strophe: 44  
Verse: ab    savyagate tamasi jagajjalaplutaṃ bʰavati muditam abʰayaṃ ca /
Verse: cd    apasavye narapatitaskarāvamardaiḥ prajānāśaḥ //

Strophe: 45  
Verse: ab    jihvopaleḍʰi {K. jihvevaleḍʰi} paritas timiranudo maṇḍalaṃ yadi sa lehaḥ /
Verse: cd    pramuditasamastabʰūtā prabʰūtatoyā ca tatra mahī //

Strophe: 46  
Verse: ab    grasanam iti yadā tryaṃśaḥ pādo vā gr̥hyate +atʰavā_apy ardʰam /
Verse: cd    spʰītanr̥pavittahāniḥ pīḍā ca spʰītadeśānām //

Strophe: 47  
Verse: ab    paryanteṣu gr̥hītvā madʰye piṇḍīkr̥taṃ tamas tiṣṭʰet /
Verse: cd    sa nirodʰo vijñeyaḥ pramodakr̥t sarvabʰūtānām //

Strophe: 48  
Verse: ab    avamardanam iti niḥśeṣam eva sañcʰādya yadi ciraṃ tiṣṭʰet /
Verse: cd    hanyāt pradʰānabʰūpān *pradʰānadeśāṃś {K. pradʰānadeśān pradʰānabʰūpāṃś} ca timiramayaḥ //

Strophe: 49  
Verse: ab    vr̥tte grahe yadi tamas tatkṣaṇam āvr̥tya dr̥śyate bʰūyaḥ /
Verse: cd    ārohaṇam ity anyonyamardanair bʰayakaraṃ rājñām //

Strophe: 50  
Verse: ab    darpaṇa iva_ekadeśe sabāṣpa {K. savāṣpa} niḥśvāsamārutopahataḥ /
Verse: cd    dr̥śyeta_āgʰrātaṃ tat suvr̥ṣṭivr̥ddʰyāvahaṃ jagataḥ //

Strophe: 51  
Verse: ab    madʰye tamaḥ praviṣṭaṃ vitamaskaṃ maṇḍalaṃ ca yadi paritaḥ
Verse: cd    tanmadʰyadeśanāśaṃ karoti kukṣyāmayabʰayaṃ ca //

Strophe: 52  
Verse: ab    paryanteṣu_atibahulaṃ svalpaṃ madʰye tamas tato+antyākʰye /
Verse: cd    sasyānām ītibʰayaṃ bʰayam asmiṃs taskarāṇāṃ ca //

Strophe: 53  
Verse: ab    śvete kṣemasubʰikṣaṃ brāhmaṇapīḍāṃ ca nirdiśed rāhau /
Verse: cd    agnibʰayam analavarṇe pīḍā ca hutāśavr̥ttīnām //

Strophe: 54  
Verse: ab    harite roga_ulbaṇatā {K. ulvaṇatā} sasyānām ītibʰiś ca vidʰvaṃsaḥ /
Verse: cd    kapile śīgʰragasattvamleccʰadʰvaṃśo +atʰa durbʰikṣam //

Strophe: 55  
Verse: ab    aruṇakiraṇānurūpe durbʰikṣāvr̥ṣtayo vihagapīḍā /
Verse: cd    ādʰūmre kṣemasubʰikṣam ādiśet_mandavr̥ṣṭiṃ ca //

Strophe: 56  
Verse: ab    kāpotāruṇakapilaśyāvābʰe kṣudbʰayaṃ vinirdeśyam /
Verse: cd    kāpotaḥ śūdrāṇāṃ vyādʰikaraḥ kr̥ṣṇavarṇaś ca //

Strophe: 57  
Verse: ab    vimalakamaṇipītābʰo vaiśyadʰvaṃsī bʰavet subʰikṣāya /
Verse: cd    sārciṣmaty agnibʰayaṃ gairikarūpe tu yuddʰāni //

Strophe: 58  
Verse: ab    dūrvākāṇḍaśyāme hāridre vāpi nirdiśet_marakam /
Verse: cd    aśanibʰayasampradāyī pāṭala {K. pāṭali} kusumopamo rāhuḥ //

Strophe: 59  
Verse: ab    pāṃśuvilohitarūpaḥ kṣatradʰvaṃsāya bʰavati vr̥ṣṭeś ca /
Verse: cd    bālaravikamalasuracāparūpabʰr̥tśastrakopāya //

Strophe: 60  
Verse: ab    paśyan grastaṃ saumyo gʰr̥tamadʰutailakṣayāya rājṇāṃ ca /
Verse: cd    bʰaumaḥ samaravimardaṃ śikʰikopaṃ taskarabʰayaṃ ca //

Strophe: 61  
Verse: ab    śukraḥ sasyavimardaṃ nānākleśāṃś ca janayati dʰaritryām /
Verse: cd    ravijaḥ karoty avr̥ṣṭiṃ durbʰikṣaṃ taskarabʰayaṃ ca //

Strophe: 62  
Verse: ab    yad aśubʰam avalokanābʰir uktaṃ grahajanitaṃ grahaṇe pramokṣaṇe vā /
Verse: cd    surapatiguruṇāvalokite tat_śamam upayāti jalair iva_agnir iddʰaḥ //

Strophe: 63  
Verse: ab    graste kramān nimittaiḥ punar graho māsaṣaṭkaparivr̥ddʰyā /
Verse: cd    pavana_ulkāpātarajaḥ kṣitikampatamo_aśaninipātaiḥ //

Strophe: 64  
Verse: ab    āvantikā janapadāḥ kāverīnarmadātaṭāśrayiṇaḥ /
Verse: cd    dr̥ptāś ca manujapatayaḥ pīḍyante kṣitisute graste //

Strophe: 65  
Verse: ab    antarvedīṃ sarayūṃ nepālaṃ pūrvasāgaraṃ śoṇam /
Verse: cd    strīnr̥payodʰakumārān saha vidvadbʰir budʰo hanti //

Strophe: 66  
Verse: ab    grahaṇa_upagate jīve vidvannr̥pamantrigajahayadʰvaṃsaḥ /
Verse: cd    sindʰutaṭavāsinām apy udagdiśaṃ saṃśritānāṃ ca //

Strophe: 67  
Verse: ab    bʰr̥gutanaye rāhugate dāśeraka {K. daserakāḥ} kaikayāḥ sayaudʰeyāḥ /
Verse: cd    āryāvartāḥ śibayaḥ strīsacivagaṇāś ca pīḍyante //

Strophe: 68  
Verse: ab    saure marubʰavapuṣkarasaurāṣṭrika {K. rāṣtrā} dʰātavo+arbudāntyajanāḥ /
Verse: cd    gomantapāriyātrāśritāś {K's tr. gomantaḥ pāriyātrā-} ca nāśaṃ vrajanty āśu //

Strophe: 69  
Verse: a    kārttikyām analopajīvimagadʰān prācyādʰipān kośalān /
Verse: b    kalmāṣān atʰa śūrasenasahitān kāśīś ca santāpayet /
Verse: c    hanyād {K. hanyād ca} āśu kaliṅgadeśanr̥patiṃ sāmātyabʰr̥tyaṃ tamo /
Verse: d    dr̥ṣṭaṃ kṣatriyatāpadaṃ janayati kṣemaṃ subʰikṣānvitam //

Strophe: 70  
Verse: ab    kāśmīrakān kauśalakān sapuṇḍrān mr̥gāṃś ca hanyād aparāntakāṃś ca /
Verse: cd    ye somapās tāṃś ca nihanty saumye suvr̥ṣṭikr̥t kṣemasubʰikṣakr̥t_ca //

Strophe: 71  
Verse: ab    pauṣe dvijakṣatrajanoparodʰaḥ sasaindʰavākʰyāḥ kukurā videhāḥ /
Verse: cd    dʰvaṃsaṃ vrajanty atra ca mandavr̥ṣṭiṃ bʰayaṃ ca vindyād asubʰikṣayutam //

Strophe: 72  
Verse: a    māgʰe tu mātr̥pitr̥bʰaktavasiṣṭʰagotrān
Verse: b    svādʰyāyadʰarmaniratān kariṇas turaṅgān /
Verse: c    vaṅgāṅgakāśimanujāṃś ca dunoti rāhur
Verse: d    vr̥ṣṭiṃ ca karṣakajanābʰimatāṃ {K. -anumatāṃ} karoti //

Strophe: 73  
Verse: ab    pīḍākaraṃ pʰālgunamāsi parva vaṅgāśmakāvantika {K. -vantaka} mekalānām /
Verse: cd    nr̥tya {K. nr̥tta} jñasasyapravarāṅganānāṃ dʰanuṣkarakṣatratapasvināṃ ca //

Strophe: 74  
Verse: a    caitryāṃ {K. caitre} tu citrakaralekʰageyasaktān /
Verse: b    rūpopajīvinigamajñahiraṇyapaṇyān /
Verse: c    pauṇḍrauḍrakaikayajanān atʰa cāśmakāṃś ca
Verse: d    tāpaḥ spr̥śaty amarapo +atra vicitravarṣī //

Strophe: 75  
Verse: ab    vaiśākʰamāse {K. -māsi} grahaṇe vināśam āyānti karpāsatilāḥ samudgāḥ /
Verse: cd    ikṣvākuyāudʰeyaśakāḥ kaliṅgāḥ sopaplavāḥ {K. sopadravāḥ} kintu subʰikṣam asmin //

Strophe: 76  
Verse: ab    jyeṣṭʰe narendradvijarājapatnyaḥ sasyāni vr̥ṣṭiś ca mahāgaṇāś ca /
Verse: cd    pradʰvaṃsam āyānti narāś ca saumyāḥ sālvaiḥ sametāś ca niṣādasaṅgʰāḥ //

Strophe: 77  
Verse: ab    āṣāḍʰaparvaṇy udapānavapranadīpravāhān pʰalamūlavārttān /
Verse: cd    gāndʰārakāśmīrapulindacīnān hatān vaded maṇḍalavarṣam asmin //

Strophe: 78  
Verse: a    kāśmīrān sapulindacīnayavanān hanyāt kurukṣetrajān
Verse: b    gāndʰārān api madʰyadeśasahitān vr̥ṣṭo grahaḥ śrāvaṇe /
Verse: c    kāmbojaikaśapʰāṃś ca śāradam api tyaktvā yatʰoktān imān
Verse: d    anyatra pracurānnahr̥ṣṭamanujair dʰātrīṃ karoty āvr̥tām //

Strophe: 79  
Verse: a    kaliṅgavaṅgān magadʰān surāṣṭrān
Verse: b    mleccʰān suvīrān *daradāśmakāṃś {K. daradāścʰakāṃś} ca /
Verse: c    strīṇāṃ ca garbʰān asuro nihanti
Verse: d    subʰikṣakr̥d bʰādrapade +abʰyupetaḥ //

Strophe: 80  
Verse: a    kāmbojacīnayavanān saha śalyahr̥dbʰir
Verse: b    bāhlīka {K. vālhīka} sindʰutaṭavāsijanāṃś ca hanyāt /
Verse: c    ānartta {K. ānarta} pauṇḍrabʰiṣajaś ca tatʰā kirātān
Verse: d    dr̥ṣṭo +asuro +aśvayuji bʰūrisubʰikṣakr̥c ca //

Strophe: 81  
Verse: ab    hanukukṣipāyubʰedā dvir dviḥ sañcʰardanaṃ ca jaraṇaṃ ca /
Verse: cd    madʰyāntayoś ca vidaraṇam iti daśa śaśisūryayor mokṣāḥ //

Strophe: 82  
Verse: ab    āgneyyām apagamanaṃ dakṣiṇahanubʰedasaṃjñitaṃ śaśinaḥ /
Verse: cd    sasyavimardo mukʰarug nr̥papīḍā syāt suvr̥ṣṭiś ca //

Strophe: 83  
Verse: ab    pūrvottareṇa vāmo hanubʰedo nr̥pakumārabʰayadāyī /
Verse: cd    mukʰarogaṃ śastrabʰayaṃ tasmin vindyāt subʰikṣaṃ ca //

Strophe: 84  
Verse: ab    dakṣiṇakukṣivibʰedo dakṣiṇapārśvena yadi bʰaven mokṣaḥ /
Verse: cd    pīḍā nr̥paputrāṇām abʰiyojyā dakṣiṇā ripavaḥ //

Strophe: 85  
Verse: ab    vāmas tu kukṣibʰedo yady uttaramārgasaṃstʰito rāhuḥ /
Verse: cd    strīṇāṃ garbʰavipattiḥ sasyāni ca tatra madʰyāni //

Strophe: 86  
Verse: ab    nairr̥tavāyavyastʰau dakṣiṇavāmau tu pāyubʰedau dvau /
Verse: cd    guhyarug alpā vr̥ṣtir dvayos tu rājñīkṣayo vāme //

Strophe: 87  
Verse: ab    pūrveṇa pragrahaṇaṃ kr̥tvā prāg eva cāpasarpeta /
Verse: cd    sañcʰardanam iti tatkṣemasasyahārdipradaṃ jagataḥ //

Strophe: 88  
Verse: ab    prāk pragrahaṇaṃ yasmin paścād apasarpaṇaṃ tu tajjaraṇam /
Verse: cd    kṣut_śastrabʰaya_*udvignā na {K. udvignāḥ kva} śaraṇam upayānti tatra janāḥ //

Strophe: 89  
Verse: ab    madʰye yadi prakāśaḥ pratʰamaṃ tanmadʰyavidaraṇaṃ nāma /
Verse: cd    antaḥkopakaraṃ syāt subʰikṣadaṃ nātivr̥ṣṭikaram //

Strophe: 90  
Verse: ab    paryanteṣu vimalatā bahulaṃ madʰye tamo +anty {K. anta} adaraṇākʰyaḥ /
Verse: cd    madʰyākʰyadeśanāśaḥ śāradasasyakṣayaś cāsmin //

Strophe: 91  
Verse: ab    ete sarve mokṣā vaktavyā bʰāskare +api kintv atra /
Verse: cd    pūrvā dik śaśini yatʰā tatʰā ravau paścimā kalpyā //

Strophe: 92  
Verse: ab    mukte saptāhantaḥ pāṃśunipāto +annasaṃkṣayaṃ kurute /
Verse: cd    nīhāro rogabʰayaṃ bʰūkampaḥ pravaranr̥pamr̥tyum //

Strophe: 93  
Verse: ab    ulkā mantrivināśaṃ nānāvarṇā gʰanāś ca bʰayam atulam /
Verse: cd    stanitaṃ garbʰavināśaṃ vidyunnr̥padaṃṣṭriparipīḍām //

Strophe: 94  
Verse: ab    pariveṣo rukpīḍāṃ digdāho nr̥pabʰayaṃ ca sāgnibʰayaṃ /
Verse: cd    rūkṣo vāyuḥ prabalaś caurasamuttʰaṃ bʰayaṃ dʰatte //

Strophe: 95  
Verse: ab    nirgʰātaḥ suracāpaṃ daṇḍaś ca kṣudbʰayaṃ saparacakram /
Verse: cd    grahayuddʰe {K. grahayuddʰaṃ} nr̥payuddʰaṃ ketuś ca tad eva sandr̥ṣṭaḥ //

Strophe: 96  
Verse: ab    avikr̥tasalilanipātaiḥ {K. -nipāte} saptāhāntaḥ subʰikṣam ādeśyam /
Verse: cd    yac cāśubʰaṃ grahaṇajaṃ tat sarvaṃ nāśan upayāti //

Strophe: 97  
Verse: ab    somagrahe nivr̥tte pakṣānte yadi bʰaved graho +arkasya /
Verse: cd    tatrānayaḥ prajānāṃ dampatyor vairam anyonyam //

Strophe: 98  
Verse: ab    arkagrahāt tu śaśino grahaṇaṃ yadi dr̥śyate tato viprāḥ /
Verse: cd    naikakratupʰalabʰājo bʰavanti muditāḥ prajāś caiva //



Next part


This text is part of the TITUS edition of Varahamihira, Brhatsamhita.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.