TITUS
Divyavadana
Part No. 5
Previous part

Chapter: 5 
********** Avadāna 5 **********

Page of edition: 45 
Line of edition: 1 
5 stutibrāhmaṇāvadānam \


Line of edition: 2    atʰa bʰagavān hastināpuramanuprāptaḥ \
Line of edition: 2    anyatamo brāhmaṇo bʰagavantaṃ dūrādeva dvātriṃśatā mahāpuruṣalakṣaṇaiḥ samalaṃkr̥tamaśītyānuvyañjanairvirājitagātraṃ vyāmaprabʰālaṃkr̥taṃ sūryasahasrātirekaprabʰaṃ jaṅgamamiva parvataṃ samantato bʰadrakaṃ dr̥ṣṭvā ca punarbʰagavantamabʰigamya gātʰābʰiḥ stotumārabdʰaḥ -

Line of edition: 4       suvarṇavarṇo nayanābʰirāmaḥ prītyākaraḥ sarvaguṇairupetaḥ \
Line of edition: 6       devātidevo naradamyasāratʰis tīrṇo 'si pāraṃ bʰavasāgarasya \\ 1 \\ iti \\

Line of edition: 9    tato bʰagavatā smitamupadarśitam \
Line of edition: 9    dʰarmatā kʰalu yasmin samaye buddʰā bʰagavantaḥ smitaṃ prāviṣkurvanti, pūrvavad yāvad bʰagavata ūrṇāyāmantarhitāḥ \
Line of edition: 10    atʰāyuṣmānānandaḥ kr̥takarapuṭo bʰagavantaṃ papraccʰa -

Line of edition: 12       nānāvidʰo raṅgasahasracitro vaktrāntarānnṣkramitaḥ kalāpaḥ \
Line of edition: 14       avabʰāsitā yena diśaḥ samantāddivākareṇodayatā yatʰaiva \\ 2 \\

Line of edition: 16    gātʰāṃ ca bʰāṣate -

Line of edition: 17       vigatodbʰavā dainyamadaprahīṇā buddʰā jagatyuttamahetubʰūtāḥ \
Line of edition: 19       nākāraṇaṃ śaṅkʰamr̥ṇālagauraṃ smitamupadarśayanti jinā jitārayaḥ \\ 3 \\

Line of edition: 21       tatkālaṃ svayamadʰigamya dʰīra buddʰyā śrotr̥̄ṇāṃ śramaṇa jinendra kāṅkṣitānām \
Line of edition: 23       dʰīrābʰirmunivr̥ṣa vāgbʰiruttamābʰirutpannaṃ vyapanaya saṃśayaṃ śubʰābʰiḥ \\ 4 \\

Line of edition: 25       nākasmāllavaṇajalādrirājadʰairyāḥ saṃbuddʰāḥ smitamupadarśayanti nātʰāḥ \
Line of edition: 27       yasyārtʰe smitamupadarśayanti dʰīrāstaṃ śrotuṃ samabʰilaṣanti te janaugʰāḥ \\ 5 \\ iti \\

Line of edition: 29    bʰagavānāha - evametadānanda, evametat \
Line of edition: 29    nāhetupratyayamānanda tatʰāgatā arhantaḥ samyakṣambuddʰāḥ smitaṃ prāviṣkurvanti \
Line of edition: 30    dr̥ṣṭaste ānanda brāhmaṇo yena tatʰāgato gātʰayā abʰiṣṭutah? <46> dr̥ṣṭo bʰadanta \
Page of edition: 46  Line of edition: 1    asau anena kuśalamūlena viṃśatikalpaṃ vinipātaṃ na gamiṣyati \
Line of edition: 2    kiṃ tu devāṃśca manuṣyāṃśca gatvā saṃsr̥tya paścime nikete paścime samuccʰraye paścime ātmabʰāvapratilambʰe stavārho nāma pratyekabuddʰo bʰaviṣyati \
Line of edition: 3    bʰikṣavaḥ saṃśayajātāḥ sarvasaṃśayaccʰettāraṃ buddʰaṃ bʰagavantaṃ pr̥ccʰanti - paśya bʰadanta anena brāhmaṇena bʰagavānekayā gātʰayā stuto bʰagavatā ca pratyekāyāṃ bodʰau vyākr̥ta iti \
Line of edition: 5    bʰagavānāha - na bʰikṣava etarhi, yatʰā atīte 'dʰvani anenāhamekayā gātʰayā stutaḥ, mayā ca pañcasu grāmavareṣu pratiṣṭʰāpitaḥ \
Line of edition: 6    taccʰr̥ṇu{ta}, sādʰu ca suṣṭʰu ca manasi kuru{ta}, bʰāṣiṣye \\
Line of edition: 8    bʰūtapūrvaṃ bʰikṣavo 'tīte 'dʰvani vārāṇasyāṃ nagaryāṃ brahmadatto nāma rājā rājyaṃ kārayati r̥ddʰaṃ ca spʰītaṃ ca subʰikṣaṃ ca ākīrṇabahujanamanuṣyaṃ ca \
Line of edition: 9    sa cātīva kavipriyaḥ \
Line of edition: 9    vārāṇasyāmanyatamo brāhmaṇaḥ kaviḥ \
Line of edition: 10    sa brāhmaṇyocyate - brāhmaṇa śītakālo vartate \
Line of edition: 10    gaccʰa, asya rājñaḥ kaccidanukūlaṃ bʰāṣitaṃ kr̥tvā kadācit kiṃcit śītatrāṇaṃ saṃpadyata iti \
Line of edition: 11    sa saṃprastʰitaḥ \
Line of edition: 12    yāvadrājā hastiskandʰārūḍʰo nirgaccʰati \
Line of edition: 12    sa brāhmaṇaḥ saṃlakṣayati - kiṃ tāvadrājānaṃ stunomi āhosvid hastināgamiti \
Line of edition: 13    tasyaitadabʰavat - ayaṃ hastināgaḥ sarvalokasya priyo manāpaśca \
Line of edition: 14    tiṣṭʰatu tāvadrājā, hastināgaṃ tāvadabʰiṣṭaumīti \
Line of edition: 14    gātʰāṃ ca bʰāṣate -

Line of edition: 15       erāvaṇasyākr̥titulyadeho rūpopapanno varalakṣaṇaiśca \
Line of edition: 17       lakṣe praśasto 'si mahāgajendra varṇapramāṇena surūparūpa \\ 6 \\ iti \\

Line of edition: 19    tato rājā abʰiprasanno gātʰāṃ bʰāṣate -

Line of edition: 20       yo me gajendro dayito manāpaḥ prītiprado dr̥ṣṭiharo narāṇām \
Line of edition: 22       taṃ bʰāṣase varṇapadāni tasya dadāmi te grāmavarāṇi pañca \\ 7 \\ iti \\

Line of edition: 24    kiṃ manyadʰve bʰikṣavo yo 'sau hastināgaḥ, ahameva tena kālena tena samayena \
Line of edition: 25    tadāpyahamanenaikayā gātʰayā stutaḥ, mayā cāyaṃ pañcagrāmavareṣu pratiṣṭʰāpitaḥ \
Line of edition: 25    etarhi anenaikagātʰayā stutaḥ, mayāpi cāyaṃ pratyekabodʰau vyākr̥ta iti \\
Line of edition: 27    idamavocadbʰagavān \
Line of edition: 27    āttamanasas te bʰikṣavo bʰagavato bʰāṣitamabʰyanandan \\

Line of edition: 28    iti śrīdivyāvadāne stutibrāhmaṇāvadānaṃ pañcamam \\




Next part


This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.