TITUS
Ulenspieghel
Part No. 5
Previous part

Chapter: 4  
HOE ULESPIEGHEL ACHTER SINEN VADER
SADT OP EEN PEERT THONENDE SIJN
SCALCHEYT.


Sentence: 1     Groote clachten quamen voor Ulespiegels vader hoe sijn sone een scalc was als hi so groot was dat hi gaen ende staen konde, want hi was seer avontuerlijck als hi inder wieghen lach, want hi tumelde op dat cussen ende bedde ende stack den eers om hooge. Sentence: 2   Ende als hi .x. Sentence: 3   iaren oudt was so en liet hi hem gheene scalcheyt ontgaen soe dat die ghebueren al over hem claechden. Sentence: 4   Doe seyde die vader, lieve sone hoe comet dat dye luyden segghen dat ghi een scalck sijt. Sentence: 5   Doen seyde Ulespieghel, icken doe niemant quaet dat sal ick u wel bewijsen. Sentence: 6   Gaet sitten op een peert ende ic sal achter u sitten ende noch sullen si segghen wat si willen. Sentence: 7   Doe sette hem sijn vader op sijn peert achter hem. Sentence: 8   Doe lichte Ulespiegel sijn hemde ende wijsde die lieden in sinen eers. Sentence: 9   Doen seyden dye lieden, siet wat een ionc scalc is dat. Sentence: 10   Doe seyde Ulespiegel, siet lieve vader ick sit al stille ende ic en doe nyemant nyet, nochtans segghen si dat ick een scalck ben. Sentence: 11   Doen sette hem die vader voor hem opt peert ende Page of edition: 4  hi sadt al stille, maer hi stack sijn tonghe wt ende begrees die luyden dattet sijn vader Niclaes nyet en sach, doen seyden weder die lieden. Sentence: 12   Siet wat een quaet scalck is dye ionghe boeve. Sentence: 13   Doen seyde dye vader, ghy moet wel in eenen ongheluckighen tijt geboren sijn want ghi sidt al stille ende en misdoet niemant, ende noch segghen die lieden dat ghi een scalck syt. Sentence: 14   Ende doe vertrack Ulespiegels vader int lant van Meyborch in een dorpe van daer sijn moder was, ende corts daer nae sterf sijn vader, ende doe bleef die moeder bi haren sone ende aten ende droncken als sijt hadden want die moeder werdt arm ende Ulespieghel en wilde geen ambacht leeren maer als hi .xvi. Sentence: 15   iaer oudt was so leerde hi spelen opter coorden ende met ander goekelijen.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.