TITUS
Ulenspieghel
Part No. 4
Previous part

Chapter: 3  
HOE ULESPIEGHEL ANTWOORDE EENEN
MAN DIE NAE DEN WECH VRAGHEDE.


Sentence: 1     Als Ulespieghel noch een kint was so waren sijn ouders op een tijt wt ghegaen ende hadden hem alleen thuys ghelaten. Sentence: 2   Soe quam daer een man rijden aent huys ende vraechde nae den wech, ende want hi niemant en sach so riep hi, isser niemant in huys. Sentence: 3   Doe seyde dat kint Ulenspieghel, iaet, anderhalf man ende een peerts hooft, want ghi sidt metten halven lijve in huys met dat hooft vanden peerde, ende ick ben een gheheel man. Sentence: 4   Doe vraechde die man waer is u vader ende moeder, doe seyde dat kint, mijn vader die is van quaet quader maken, ende mijn moeder is om schade oft om schande. Sentence: 5   Die man seyde Page of edition: 3  hoe dat, dat kint seyde mijn vader die maect eenen quaden wech noch quader want hij maect putten datmen opt dbesayde lant niet en soude riden ende mijn moeder is broot leenen, ende gheeftse min weder dat is scande, gheeftse te vele dat is scade. Sentence: 6   Doe seyde die man, waer sal ick te rechte rijden, dat kint seyde daer die gansen gaen. Sentence: 7   Ende als die man quam rijden vlogen doe die gansen int water, doe had die man twifel ende reedt weder om ende seyde, die gansen sijn int water dus en weet ick waer rijden, dat kint seyde, ghi sout rijden daer die gansen gingen, ende niet daer si swemmen. Sentence: 8   Doe reedt die man wech ende hem verwonderde seer van die antwoorde des kints.



Next part


This text is part of the TITUS edition of Ulenspieghel.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.