TITUS
Beatrijs
Part No. 5
Previous part

Chapter: (5) 
Verse: 119    Hi antworde met sinne:
Verse: 120    'Ghi wet wel, lieue vriendinne,

Verse: 121    Dat wi langhe hebben ghedragen
Verse: 122    Minne al onsen daghen;

Verse: 123    Wi en hadden nye soe uele rusten,
Verse: 124    Dat wi ons eens ondercusten.

Verse: 125    Vrouwe venus, die godinne,
Verse: 126    Die dit brachte in onsen sinne,

Verse: 127    Moete god, onse here, v[er]doemen,
Verse: 128    Dat si twee soe scoen bloemen

Verse: 129    Doet v[er]ualuen en[de] bederuen.
Verse: 130    Constic wel ane v v[er]weruen

Verse: 131    En[de] ghi dabijt wout ned[er] leggen,
Verse: 132    En[de] mi ene[n] sekeren tijt seggen,

Verse: 133    Hoe ic v vte mochte leiden,
Verse: 134    Jc woude riden en[de] ghereiden

Verse: 135    Goede cleder, diere van wullen,
Verse: 136    En[de] die met bonten doen vullen:

Verse: 137    Mantel, roc en[de] sercoet.
Verse: 138    Jn begheue v te ghere noet.

Verse: 139    Met v willic mi auentueren:
Verse: 140    Lief, leet, tsuete metten sueren.

Verse: 141    Nemt te pande mijn trouwe.'
Verse: 142    'V[er]corne vrient', sp[ra]c die ioncfrouwe,

Verse: 143    'Die willic gherne van v ontfaen,
Verse: 144    Ende met v soe verre gaen,

Verse: 145    Dat niemen en sal wete[n] i[n] dit couent
Verse: 146    W[er]waert dat wi sijn bewent.

Verse: 147    Van tauont, ouer .viij. nachte,
Verse: 148    Comt en[de] nemt mijns wachte

Verse: 149    D[ae]r buten inden vergier,
Verse: 150    Onder enen eglentier:

Verse: 151    Wacht d[aer] mijns; ic come wt
Verse: 152    En[de] wille wesen uwe bruut,

Verse: 153    Te varen d[aer] ghi begheert,
Verse: 154    En si dat mi siecheit deert

Verse: 155    Ocht saken die mi sijn te swaer,
Verse: 156    Jc come sekerlike daer;

Verse: 157    En[de] ic begheert van v sere,
Verse: 158    Dat ghi d[aer] comt, lieue ionch[er]e.'


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.