TITUS
Alexanderroman (Der Grosse Seelentrost)
Part No. 5
Previous part

Chapter: 0_5  
5. S. Hieronymus


Line: 20    Sunte Jeronimus, de wile, dat he wertlijk was, so plach he yo to lesen wertlike
Line: 21    boke. He wart seik vnde wart geuoret vor godes richte. Do sprak de richter
Line: 22    to em: 'Wat mannes bistu?' 'Ik byn,' sprak he, 'eyn cristen man.' Do sprak de
Line: 23    richter to em: 'Du lugest, du nebist neyn cristen man; du lesest gerne wertlike
Line: 24    boke. Dar dyn schat ys, dar ys dyn herte.' Do sprak de rychter to synen knechten:
Line: 25    'Nemet en vnde slat en myt geyselen.' Dar nemen se en vnde slogen ene sere
Line: 26    vnde lange, vnde he rep: 'O leue here, irbarme deck ouer my. Ik wil dij
Line: 27    dat louen vnde sweren, dat ik nummer neyne wertlike boke mer hebben wille
Line: 28    noch lesen wille.' Do beden vor eme de yene, de bij deme richtere stunden.
Line: 29    Also wart he loß vnde quam to sijk suluen vnde wan de hilgen scrift so leff, dat
Line: 30    he yodesch lerde vnde screff de hilgen scrift vte dem yodeschen in dat latin.
Line: 31    Hirumme so hebbe ik willen, eyn bouck to scriuene van der hilgen scrift vte
Line: 32    deme latine in dat dudesche to godes loue vnde myme euenen kristenen to
Page: 4   Line: 1    vromen. Dat bock wil ik to samne lesen van mannigerhande boke, likerwis
Line: 2    also de beyn dat honich to samne lesen van mannigerhande blomen. Dijt bouck
Line: 3    schal heten der selen trost. Dar in wil ik scriuen van den teyn geboden vnses
Line: 4    heren, van den hilgen seuen sacramenten, van den achten salicheyden, van den
Line: 5    seuen werken der barmherticheit, van den seuen vrauden vnser leuen vruwen,
Line: 6    van den seuen dagetijden, van den seuen gauen des hilgen geystes, van den
Line: 7    seuen houetsunden, van den seuen houetdogeden vnde wat mi god darto gift.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.