TITUS
Alexanderroman (Der Grosse Seelentrost)
Part No. 4
Previous part

Chapter: 0_4  
4. Philadelphus


Line: 6    De eddele koningk van Kreken Philadelfus, de ys dar an gepriset, dat he sijk
Line: 7    vele vlitede an boke. He hadde in syner bokameren wol viftich dusent boke.
Line: 8    Do horde he seggen, dat in deme yodeschen lande to Iherusalem were eyn E,
Line: 9    de god suluen gescreuen hadde myt syme vingere. Dar stunt he na myt alle
Line: 10    sime fite, dat he de krege. Dar weren in syme lande gevangen vele yoden. De
Line: 11    kofte he to male vrie; der weren wol hundert dusent vnde twintich dusent. De
Line: 12    sande he deme yodeschen bisschoppe to Jherusalem vnde bat, dat men eme
Line: 13    de E senden wolde. Dar sande eme de bisschop tweyvndetwintich meystere, de
Line: 14    screuen eme de E vte deme yodeschen in dat krekesche. Do sande he de meystere
Line: 15    myt groten eren wedder to lande. Desse koningk was eyn heyden, nochtan so
Line: 16    legede he so grote macht an de boke der hilgen scrift. Michel meer schal eyn
Line: 17    cristen mynsche dar na stan, dat he lese vnde hore de boke der hilgen scrift,
Line: 18    dar der sele trost ane leget, vnde schal vlen de wertliken boke, wente dat
Line: 19    myshaget vnsem heren gode, dat cristene lude dar vele inne lesen.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.