TITUS
Konrad von Megenburg, Buch der Natur
Part No. 4
Previous part

Book: IIIB     III.
Line: 12    
Line: 13    B.
Line: 14    VON DEM GEFÜGEL IN AINER GEMAIN.



Line: 15    Nu schüll wir sagen von allem gefügel und des êr\sten   15
Line: 16    in ainer gemain. ain iegleich vogel, der guot flügel
Line: 17    hât, daz ist der snell fleugt, der hât pœs und kranch
Line: 18    füez, sam die swalben und den geleich. iegleich vogel
Line: 19    klaines leibes singet mêr wan der grôzes leibs ist in der
Line: 20    zeit irr unkäusch. ain iegleich gefügel, daz krum klâen   20
Line: 21    hât, daz ist guotes fluges, und ain iegleich vogel, der an
Line: 22    dem pain ain klâen hât, sam der han, der ist pœses flu\ges
Line: 23    und krankes. ain iegleich vogel, der krump klâen
Line: 24    hât, der lebt des flaisches. aber die andern die lebent
Line: 25    der früht und der würm und der slangen. Aristotiles   25
Line: 26    spricht, daz die vögel, die flaisch ezzent, niht mêr aiern
Line: 27    denne ains mâls in dem jâr, ân die swalben, die aiert
Line: 28    zwier. er spricht auch, daz man der vogel siechtum
Line: 29    erkenne an der flügel geprechen. er spricht auch, daz
Line: 30    under allem gefügel gemaincleich der er lenger leb danne   30
Line: 31    diu si. er spricht auch, wenne die vogel mit enander
Line: 32    streiten, sô legent si auf die wunden ain ackerwurz, diu
Line: 33    haizt origanun, aber von den würzen werd wir her nâch

Page: 165  
Line: 1    sagend. er spricht auch, daz die vâhenden vogel haizer
Line: 2    nâtûr sein und trückner. diu nâtûr haizt ze latein cole\rica.
Line: 3    er spricht auch, daz all vogel krummer klâen wer\fent
Line: 4    iriu kint auz den nesten wenn si nu gevliegen mügent,
Line: 5    und wenne si volkumen sint, sô besorgent si sich nümmer,   5
Line: 6    ân die krâen, diu betracht iriu kint etswie vil zeit. ain
Line: 7    iegleich vogel, der vinger hât an den klâen, der izt
Line: 8    flaisch, und ain iegleich vogel, der væht oder raubt, der
Line: 9    væht anderlai vogel wan seines geslähtes, und mit dem
Line: 10    sint si underschaiden von den vischen, wan der hecht   10
Line: 11    væht den hecht. aber der spärwær darbt der sänftikait.
Line: 12    der vogel flaisch, die ander vogel ezzent, ist pezzer und
Line: 13    paz smeckend wan ander flaisch, ez sei denn ain sunder\leich
Line: 14    dinch. aller vogel hüenel wenne si gar junk sint
Line: 15    sô habent si langeu päuchel; wenne aber si gewahsent,   15
Line: 16    sô werdent si in kurz. die vogel vallent niht auf ain âs,
Line: 17    daz stinkend ist, ez hab denn guoten smack. diu si lebt
Line: 18    dar umb kürzer wan der er, daz si gekrenkt wirt unz in
Line: 19    den tôt von irn gezüchiden. kain vogel hât ain plâsen,
Line: 20    dar umb, daz si wênig trinkent, aber allermaist dar umb,   20
Line: 21    daz sich ir wäzzrig fäuhten verkêrt in ir federn. ain
Line: 22    iegleich vogel, der langeu pain hât, der hât ainen langen
Line: 23    hals, und der kurzeu pain hât, der hât ainen kurzen hals,
Line: 24    ân die vögel, die leder habent zwischen den vingern, sam
Line: 25    diu gans hât. ez ist grœzereu fruhtbærihait an den   25
Line: 26    klainen vogeln wan an den grôzen. Isidorus spricht, daz
Line: 27    der vogel air sô grôz kraft haben, sei daz man ain holz
Line: 28    dâ mit bestreîch, ez prinne niht, und daz auch daz gewant
Line: 29    dar wider niht prinne. ist auch, daz man kalch dar zuo
Line: 30    mischt, sô leimt man dâ mit ain stuck an daz ander.   30
Line: 31    diu zwai sint zweiflig mit uns. die vogel, die vil hüenl
Line: 32    pringent mit ainander, die gepernt oder prüetent gar haim\leich.
Line: 33    sô daz tier ie grœzer ist, sô ez ie lenger geschickt
Line: 34    wirt in der muoter leib. all vogel, die krump klâen
Line: 35    habent, die habent ain scharpf prust und die bedäut zorn   35
Line: 36    behalten an in. die selben vogel tailnt den luft snell.

Page: 166  
Line: 1    alsô tuont die grimmen wüetreich, die mordent und tai\lent
Line: 2    gotes freunt auf ertreich. iedoch mügent si si niht
Line: 3    ertœten an der sêle, ob si si tœten an dem leib.



Chapter / Strophe: 1     1.
Line: 4    
Line: 5    VON DEM ADELARN



Line: 6    Aquila haizt ain adelar, und spricht Augustînus, daz
Line: 7    er der edelst vogel sei und sei ain küng aller vogel. er
Line: 8    ist ain grôzer rauber und lebt neur des flaisches. er hât
Line: 9    gar ain starch scharpf gesiht, alsô daz er die sunnen in
Line: 10    ir clârhait angesehen mag. dar umb sitzet er gern gegen   10
Line: 11    der sunnen. der adlar hât die art, daz er seineu kint
Line: 12    auf hengt mit den klâen gegen der sunnen anplik. wel\hez
Line: 13    dann die sunnen ân wankel ansiht, daz behelt er
Line: 14    sam ainen wirdigen vogel seins geslähtes und fuort ez.
Line: 15    welhez aber diu augen von der sunnen kêrt, daz wirft er   15
Line: 16    hin sam ain unedelz kint. Adelînus spricht, wenne der
Line: 17    adelar beswært wirt von seinem alter, sô merket er gar
Line: 18    ainen kalten prunnen und fleugt ob dem auf über alliu
Line: 19    wolken. sô wirt diu vinster seiner augen verzert von der
Line: 20    sunnen hitz. dâ nâch vellt er zehant nider mit der hitz   20
Line: 21    in den vor geprüeften prunnen und tauchet sich dreistunt
Line: 22    dar inne und fleugt danne in sein nest under seineu star\ken
Line: 23    kinder, diu nu wol gerauben mügent, und mauset
Line: 24    sich dann reht als in ainer küelen zwischen haiz und
Line: 25    kalt nâch ainem fieber. sô speisent in diu kint und nerent   25
Line: 26    in in dem nest, unz er sein federn vernewt und wider ge\wint.
Line: 27    wenn im der snabel sô lang wirt, daz er daz ezzen
Line: 28    niht wol dar mit gevâhen mag, sô sleht er in an ainen
Line: 29    stain und reibt in dar an and kürzt den hâken seins sna\bels,
Line: 30    unz er im eben wirt. des adelars hüenl sint in dem   30
Line: 31    nest ân winseln und ân rüefen. Jacobus spricht, daz der
Line: 32    adlar ainen stain hab in dem nest, der haizt echides oder
Line: 33    gagates. der hât inwendig ain andern stain in im. den
Line: 34    stain hât er in im wider sein grôze hitz. iedoch werd

Page: 167  
Line: 1    wir her nâch sagen von den stainen. hiet er des stains
Line: 2    niht, sô prieten seineu air von grôzer hitz in dem nest.
Line: 3    ander maister sprechent, daz der adlar zwên stain in seim
Line: 4    nest hab, die haizent nides, und ân der kraft müg er niht
Line: 5    geprüeten. der adlar tailt andern vögeln seinen raup mit,   5
Line: 6    aber die gest schüllent sich hüeten vor dem wirt, wan hât
Line: 7    er niht genuog, sô daz ezzen verzert ist, sô greift er die
Line: 8    gest an und frizt si. diu krâ volgt dem adlarn etswenne,
Line: 9    und sô er daz lang vertregt, sô begreift er si ze letzt mit
Line: 10    den klâen. Plinius spricht, des adelarn federn gemischt   10
Line: 11    mit anderr vogel federn unwirdischent von nâtur dar ab
Line: 12    und frezzent si und leident ir gesellschaft niht. aber des
Line: 13    gelaub ich niht. der adlar hât den rehten fuoz grœzer
Line: 14    wan der tenken. er hebt seineu kint auf sein ahseln und
Line: 15    lêrt si fliegen. alle edel vogel erschreckent, wenne si   15
Line: 16    den adlar sehent, und getürrent den tag niht wol ge\rauben,
Line: 17    wan si verliesent ir küenhait, ân den greiffalken,
Line: 18    der væht den adlarn. Alexander spricht, daz der adlar
Line: 19    mit seinem kaiserleichen geschrai den flug anderr vogel
Line: 20    hinder. wenn er ainen tage vast, daz widerpringt er mit   20
Line: 21    vil ezzens an dem andern tag. Gamaliel spricht, daz der
Line: 22    adlar gar vleizig sei, wie er seineu kint lêr vliegen, und
Line: 23    wenn er der schützen lâg fürht, sô tregt er seineu kint
Line: 24    auf dem ruck und setzt alsô seinen leib zwischen den
Line: 25    kinden und dem schützen, ob sein nôt gescheh, daz er   25
Line: 26    den schuz vâhe sam ain schilt vor den kinden.



Chapter / Strophe: 2     2.
Line: 27    
Line: 28    VON DEM ARPEN.



Line: 29    Arpia ist ain vogel, sam Adelînus spricht, der wont
Line: 30    in verren landen an der stat, diu Strapedes haizt, in der   30
Line: 31    wüesten pei dem mer Jonicum. der vogel hât ainen
Line: 32    grimmen hunger und wirt nümmer sat. er hât gar scharpf
Line: 33    klâen, geschickt ze reizen und ze vâhen. der vogel hât
Line: 34    ain menschleich antlütz und hât kain merschleich tugent

Page: 168  
Line: 1    an im, wan er ist sô grimm, daz er unmenschleich ist.
Line: 2    der vogel ertœtt den êrsten menschen, den er ansihtig
Line: 3    wirt in der wüesten, dar nâch wenne er von geschiht
Line: 4    kümt zuo ainem wazzer und siht sein antlütz dar inne,
Line: 5    sô traurt er niht ain clain umb den tôten menschen und   5
Line: 6    traurt etswenne unz in den tôt, dar umb, daz er sein ge\leichz
Line: 7    ertœtt hât, und waint all zeit die weil er lebt umb
Line: 8    den mort. der vogel wenn er gezämt wirt redet mensch\leich
Line: 9    stimm, aber er hât niht menschleich vernunft.



Chapter / Strophe: 3     3.
Line: 10    
Line: 11    VON DEM RAIGEL.



Line: 12    Ardea haizt ain raigel, sam Jacobus und Ambrosius
Line: 13    sprechent. der fleugt gar hôch über diu wolken, wan er
Line: 14    fürht den regen und daz weter, daz auz den wolken kümt.
Line: 15    wenne er nu über daz wolken kümpt, sô fleuht er daz   15
Line: 16    weter. wie auch daz sei, daz der vogel sein waid in den
Line: 17    wazzern suoch, doch macht er sein nest auf gar hôhen
Line: 18    paumen. die habich müegent die raigel gar vil und setzent
Line: 19    in vast zuo. aber der raigel helt seinen aftern gegen dem
Line: 20    habich und verunrainet in mit seim mist, und wâ er in   20
Line: 21    trift, dâ faulent des habichs federn. der raigel hât neur
Line: 22    ainen darm sam der storch.



Chapter / Strophe: 4     4.
Line: 23    
Line: 24    VON DER GANS.



Line: 25    Anser oder auca haizt ain gans. der vogel bezaichent   25
Line: 26    die zeit der naht mit seinem quiteln reht sam der han
Line: 27    mit seinem kræen. die gens meldent auch die dieb mit
Line: 28    irm quiteln, wan, sam Isidorus spricht, kain tier smeckt
Line: 29    den menschen als schier als diu gans. die gens airnt
Line: 30    oft ân den ganzen, aber diu air mügent niht zuo vogeln   30
Line: 31    werden, sam Aristotiles spricht und ander maister. wenne
Line: 32    ireu gensel noch krank sint, sô hüet ain gans allzeit und

Page: 169  
Line: 1    rekt den hals auf, daz der rauber, der ar, iht köm. diu
Line: 2    gans erkent wol den arn vor dem geirn, daz ainem men\schen
Line: 3    gar swær wær. die wilden gens rihtent ir flüg
Line: 4    nâch den winden, sam der sudenwint ist, der ze latein
Line: 5    auster haizt, und der nordenwint, der aquilo haizt, wan   5
Line: 6    wenne der nordenwint wæt, sô vliegent si gegen suden, daz
Line: 7    ist gegen mittem tag, wenne aber der sudenwint wæt, sô
Line: 8    vliegent si gegen norden. den gensen ist vliegen alsô
Line: 9    lustig, daz si selten nümmer ruoent, si ezzen danne. si
Line: 10    slâfent auch selten. aber den haimischen ist der flug gar   10
Line: 11    swær, und emzicleichen ezzen ist in lustig und ruoen und
Line: 12    slâfen ist in girich.



Chapter / Strophe: 5     5.
Line: 13    
Line: 14    VON DER ÄNT.



Line: 15    Anas haizt ain änt. daz ist ain bekanter vogel. des   15
Line: 16    kindel habent die art, daz si zehant swimment, wenne si
Line: 17    auz der schaln sliefent, und nernt sich selber, ob si der
Line: 18    muoter niht hieten. die antreichen sint sô unkäusch und
Line: 19    sô tobent in derlai hitz und gir, wâ ir mêr dan ainr ist und
Line: 20    neur ain änt under in ist, die vogelnt si ze tôd. ie ainer   20
Line: 21    nâch dem andern, und peizent sich dar umb.



Chapter / Strophe: 6     6.
Line: 22    
Line: 23    VON DEM HABICH.



Line: 24    Accipiter haizt ain habich. daz ist gar ain edel vo\gel
Line: 25    und ist grœzer wan der greiffalk, aber er ist verr   25
Line: 26    træger, iedoch ist er im selber sicherr und hüet sich paz
Line: 27    dann der greiffalk, wan er fleugt mæzicleicher. wenn der
Line: 28    habich ainen vogel gevæht, sô reizt er in des êrsten an
Line: 29    der seiten und suocht im daz herz, wan daz izt er aller
Line: 30    gernst. dar umb gebent die herren und die waidman   30
Line: 31    den habichen daz herz von dem raub, wenn daz fuog hât,
Line: 32    und behaltent in selber die übermâz. sô der habich sein

Page: 170  
Line: 1    alt federn wirft, sô strekt er sein plôz flügel gegen
Line: 2    suden, dar umb, daz der sunnen wirm im seineu swaiz\fensterlein
Line: 3    öffen und daz im die neuen federn dester leih\ter
Line: 4    wahsen, wan diu nâtûr ist ain maistrinn des nutzes
Line: 5    und der nôtdurft vil nâh an allen dingen, die dâ sterbent   5
Line: 6    und werdent. wenne der habich gesunt ist, sô hât er,
Line: 7    aufgereht federn; wenne aber er krank ist. sô hât er ge\naiget
Line: 8    federn. man tregt in auf der lenken hant, dar
Line: 9    umb, daz er nach der gerehten swenk nâch dem raub.
Line: 10    der vogel sleht seineu kint mit den vetachen und twinget   10
Line: 11    si ze fliegen nâch dem raub und wirft si auz dem nest
Line: 12    und pringet in kain âz, dar umb, daz si iht træg sein,
Line: 13    wenne si nu gewahsen, alsô spricht Ambrosius. dar umb
Line: 14    ist niht wunder, ob si die müeter versmæhent, wenne si
Line: 15    selber gerauben mügent. wenn der habich gekocht ist   15
Line: 16    in rôsenöl, sô ist er gar gesunt den kranken glidern, sam
Line: 17    Plinius spricht. Alexander spricht, sô der habich win\terszeiten
Line: 18    ainen vogel gevâh gegen der naht, sô halte er
Line: 19    in all die naht under seinen klâen und lâz in des mor\gens
Line: 20    ledig, sô diu sunn auf gê, ob der habich wol hung\rig   20
Line: 21    sei, und bekom im der selb vogel des tages, er tuo
Line: 22    im niht. er ändert seiner augen varb und seinen snabel.
Line: 23    Augustinus spricht, daz daz prôt den habich tœt.



Chapter / Strophe: 7     7.
Line: 24    
Line: 25    VON DEM AMER



Line: 26    Amraam ist ain vogel, sam Aristotiles spricht, in
Line: 27    den landen gegen der sunnen aufganch. der nist auf hôh
Line: 28    perg, dâ kain mensch zuo mag, und dar umb vint man
Line: 29    seins nestes niht noch seineu kindel denn gar selten. si
Line: 30    koment auch niht her ab in daz tal, si sein denn starch   30
Line: 31    worden über al und der muoter gleich. Daz ist wider
Line: 32    die gleichsner, die sich ê hailig machent, ê si sich ge\leichen
Line: 33    unserr hailigen muoter der christenhait.

Page: 171  


Chapter / Strophe: 8     8.
Line: 1    
Line: 2    VON DEM ACHANT.



Line: 3    Achantis ist ain vogel, sam Plinius spricht, der
Line: 4    speist sich von gras und von fuoter, und dar umb haz\zet
Line: 5    er diu pfärt, diu der selben kost lebent, und wâ er   5
Line: 6    si siht, sô fleucht er. doch mag er sich niht an den pfär\den
Line: 7    gerechen denn daz er ir spott mit der stimme, und
Line: 8    wenne si rüehelnt sô rüehelt er auch in ze spott. der
Line: 9    vogel ist gar fruhtpær, wie daz sei daz er clain sei,
Line: 10    wann er pringt zwelf kinder mit enander.   10



Chapter / Strophe: 9     9.
Line: 11    
Line: 12    VON DER LERCHEN.



Line: 13    Alauda haizt ain lerch und ist als vil gesprochen
Line: 14    als ain lobvogel, dar umb, daz er gar frœleich in den
Line: 15    lüften singet in der frœleichen zeit, sam der lenz ist in   15
Line: 16    dem maien. den vogel haizt Plinius galerica. wenne
Line: 17    der himel trüeb ist oder wenne ez regent, sô singet er
Line: 18    selten oder nümmer. diu lerch meldet den tag des mor\gens
Line: 19    fruo, sô der morgenrôt næhent, mit gar frœleichem
Line: 20    gesang. wenne si auf der erd sitzet, sô singet si selten:   20
Line: 21    si singet wunnencleichen in irm aufflug, wanne si fleugt
Line: 22    sänfticleichen auf und fleugt snell nider reht sam ain
Line: 23    stain. Aristotiles spricht, diu lerch fürht den habich sô
Line: 24    sêr, wenn er si jagt, daz si den menschen in sein schôz
Line: 25    flieg und læzt sich oft mit der hant vâhen, dar umb,   25
Line: 26    wan der mensch hât oft ain gewizzen, daz er sich er\parmt,
Line: 27    aber der habich nümmer.



Chapter / Strophe: 10     10.
Line: 28    
Line: 29    VON DEM ALZEN.



Line: 30    Alcio ist ain klainer vogel, sam Plinius spricht. der   30
Line: 31    vogel legt sein air winterszeiten in den sant und aller\maist

Page: 172  
Line: 1    wenne sich daz mer aufzeuht auf daz lant und daz
Line: 2    ûfer oder daz gestat beswært mit seinen ünden. sô nun
Line: 3    der vogel seineu air hât gelegt in der ungestüemikait
Line: 4    des mers, sô wirt daz mer gesänftigt und læzt von allen
Line: 5    ünden und von winden, unz der alz seineu air geprüett,   5
Line: 6    wan der vogel wont in dem mer und prüett seineu air
Line: 7    siben tag. wenne die vergênt, sô zeuht er seineu kindel
Line: 8    auz den airn. dar zuo tuot er dan aht tag, in den speist
Line: 9    er si unz daz si kreftig werdent. sô vil genâden hât der
Line: 10    klain vogel von got, daz sich die schefläut der vierzehen   10
Line: 11    tage fräwent der fridsamen zeit auf dem mer und hai\zent
Line: 12    die vierzehen tag der alzen tag und fürhtent sich
Line: 13    niht auf dem mer in den selben tagen. Der vogel bedäut
Line: 14    uns die läut, die in glückhaftiger zeit træg sint und ân
Line: 15    frühten. aber wenne si widerwärtichait habent, sô kêrent   15
Line: 16    si sich ze got mit vlêhen und mit piten und hoffent, daz
Line: 17    in got genâde, und geschiht etswenne, daz si got erhœrt
Line: 18    und læzt frid werden zwischen im und den sündern durch
Line: 19    sein grôze erparmherzichait, wan er læzt uns niht ver\suochen
Line: 20    über unser maht, noch vodert an uns, des wir   20
Line: 21    niht vermügen.



Chapter / Strophe: 11     11.
Line: 22    
Line: 23    VON DEM BACHAD.



Line: 24    Bachadis haizt ain bachad und haizt etswâ ain wek.
Line: 25    daz ist ain vogel der wehst von holz, und daz holz   25
Line: 26    hât vil äst an im, dar auz die vogel wachsent, alsô daz
Line: 27    ir zemâl vil an dem paum hangt. die vögel sint klainer
Line: 28    wan die gens und habent füez sam die änten, si sint aber
Line: 29    swarz an der varb reht sam aschenvar. si hangent an
Line: 30    den paumen mit den snäbeln und hangent an den rinden   30
Line: 31    und an den stammen der paum. si vallent pei zeit in
Line: 32    daz mer und wahsent auf dem mer, unz si beginnent ze
Line: 33    fliegen. etleich läut âzen die vogel, aber Innocentius der
Line: 34    vierd pâbist des namen verpôt die selben vogel in einem
Line: 35    concili ze Lateran.   35

Page: 173  



Chapter / Strophe: 12     12.
Line: 1    
Line: 2    VON DEM HAUWEN ODER AUFEN.



Line: 3    Bubo haizt ain auf oder in anderm däutsch ain haw.
Line: 4    mit dem vogel væht man ander vögel, und bedäut den
Line: 5    sünder, der offenbâr sündet und pringt ander läut mit im   5
Line: 6    ze sünden. der auf trinket der tauben ir air auz und
Line: 7    frizt die mäus und wont gern in den kirchen und trinket
Line: 8    daz öl auz den ampeln und verunraint doch die kirichen
Line: 9    mit seinem mist. wenn in die andern vogel anvehtent,
Line: 10    sô velt er an den ruk und wert sich mit den fuozkræueln.   10
Line: 11    wer des aufen herz nimt und legt ez ainer slâfenden
Line: 12    frawen an die tenken seiten, sô sagt si allez daz si getân
Line: 13    hât. sein mark gestrichen auf des menschen augen macht
Line: 14    si clâr. Der vogel bedäut die ungezogenen pfaffen in der
Line: 15    christenhait, die vaizt gotsgâb habent von iren kirchen und   15
Line: 16    si doch verunrainent mit iren sünden, und wenne si die
Line: 17    vögel strâfent, die pei dem tag vliegent (daz sint die daz
Line: 18    gots wort sprechent), sô varnt si die an mit den scharpfen
Line: 19    kræueln irr grimmikait. der vogel hât gnuog federn
Line: 20    und ist doch an im selber swær.   20



Chapter / Strophe: 13     13.
Line: 21    
Line: 22    VON DEM CALADER.



Line: 23    Caladrius, sam Jacobus und Isidorus sprechent, ist
Line: 24    ain weizer vogel über al. der hât die art, daz daz inwen\dig
Line: 25    tail seiner hüff benimt den augen ir vinster. er hât   25
Line: 26    auch die art, ist daz man in füert zuo ainem siechen
Line: 27    menschen etswie oft, sô bedäutt er, ob der mensch sterben
Line: 28    schol oder genesen. wan ist, daz er des menschen ant\lütz
Line: 29    versmæht und kêrt sein augen von im, sô stirbt er;
Line: 30    siht aber er den siechen an und kêrt sich niht von im,   30
Line: 31    sô geniset er, wan er bekent sein antlütz und nimt sein
Line: 32    siechtum an sich und fleugt in die lüft und verprent und
Line: 33    zerstræut si; sô wirt der siech zehant gesunt. die vogel

Page: 174  
Line: 1    heten die alten küng hie vor beslozzen in irn säln und
Line: 2    in irr wonung. die vogel vant Alexander in dem lant
Line: 3    Perside. der calader hât ain grôzez pain in seinen pain,
Line: 4    des mark macht die vinstern in den augen clâr, der sich
Line: 5    dâ mit salbet.   5



Chapter / Strophe: 14     14.
Line: 6    
Line: 7    VON DEN ELBIZ ODER SWAN.



Line: 8    Cignus haizt ain elbiz oder ain swan. daz ist ain
Line: 9    weizer vogel und sprechent die maister, er sing gar schôn,
Line: 10    aber daz hân ich nie gehœrt und hân ir doch vil gesehen.   10
Line: 11    Jacobus spricht, der swan hât weiz federn und hât doch
Line: 12    swarzez flaisch. er waiz von nâtûr seinen tôt vor, wan er
Line: 13    singet frœleich und lusticleich vor wenn er sterben schol.
Line: 14    er hât sein sterk in den vetachen. sô der tôt her gêt,
Line: 15    sô fleuht er sein pein in dem hirn und singt alsô süezic\leich   15
Line: 16    unz er stirbt. aber daz puoch hât ze latein: in\stante
Line: 17    morte figit pennam in cerebro. daz spricht: wenne
Line: 18    der tôt kümt, sô stekt er ain federn in daz hirn. daz
Line: 19    hât niht sinnes, dâ von hât der schreiber gevælt und
Line: 20    schol sprechen: fugit penam in cerebro, daz spricht: er   20
Line: 21    fleuht des tôdes pein in dern hirn mit seinem süezem ge\sang,
Line: 22    wie daz sei, daz daz herz indes leid. er ist ainer
Line: 23    haizen nâtûr, dâ von ist er zornig. wenne er swimt mit
Line: 24    ainem fuoz, sô meistert er sich mit dem andern an den
Line: 25    weg den er wil, sam ain schefman. er izt wênig nâch   25
Line: 26    der grœzen, die er hât. er hât underlâzen zend in dem
Line: 27    snabel, dâ mit tailt er sein ezzen. wenn er geslagen wirt
Line: 28    auf daz haupt, sô stirbt er leiht, und mag doch anderr
Line: 29    sêrung vil geleiden.



Chapter / Strophe: 15     15.
Line: 30    
Line: 31    VON DEM CARISTEN.



Line: 32    Carista, sam Solînus spricht, ist ain vogel, der fleugt
Line: 33    in prinnendeu flammen ân all sein pein und ân allen

Page: 175  
Line: 1    smerzen, alsô daz weder sein federn noch sein flaisch von
Line: 2    dem feur leident. Dâ pei verstê wir die hailigen martrær,
Line: 3    die daz feur diser werlt niht versêren moht.



Chapter / Strophe: 16     16.
Line: 4    
Line: 5    VON DEM STORCHEN.



Line: 6    Ciconia haizt ain storch und haizt in anderr däutsch
Line: 7    ain ödbär. der vogel ist aschenvar, sam Isidorus spricht,
Line: 8    und spricht Solînus, daz der vogel kain stimm hab denne
Line: 9    daz er cläpper mit dem snabel. er cläppert auch von
Line: 10    drein sachen. diu êrst ist von der zeit, diu sô wunnec\leich   10
Line: 11    ist und warm. daz cläppern ist vor fräuden. er
Line: 12    cläppert auch durch die übervliegenden vogel durch vorht,
Line: 13    und cläppert vor zorn, wenne er sich rechen schol. wenne
Line: 14    die störch über mer wellent vliegen, sô sint die krâen ir
Line: 15    vorvliegerinn und ir überfüererinn. die storch habent   15
Line: 16    grôzen vleiz und grôz sorg und auch grôz lieb zuo irn
Line: 17    kinden und lâzent ir aigen federn reisen in ir nest, wenne
Line: 18    si prüetent, dar umb, daz diu kindel sanft sitzen. sô
Line: 19    habent auch diu störchel wider grôz trew zuo den müe\tern,
Line: 20    wan als grôz zeit die müeter verzerent ob den kin\den,   20
Line: 21    als grôz zeit verzerent diu kint ob den müetern und
Line: 22    speisent si auch. dâ von haizt man den vogel den sänf\ten
Line: 23    vogel. der vogel ist den slangen gar gehaz und
Line: 24    setzet in vil lâg, und wie daz sei daz er die slangen und
Line: 25    ander vergiftegez dinch ezz, doch stirbt er niht dâ von,   25
Line: 26    sam Adelînus spricht. er izt niht kroten, in twing dann
Line: 27    grôzer hunger. dâ pei prüeft man, daz diu krot gar pœs
Line: 28    ist wider ander vergiftegeu ding. des storchen mägel
Line: 29    ist ain sunderleich erznei wider vergiftigeu dinch, sam
Line: 30    Plinius spricht. ez ist ain velt in Asia, dâ koment si   30
Line: 31    zesamen und cläppernt mit enander sam ob si spræchen,
Line: 32    und welher der letzst ist, den zereizent si und vliegent
Line: 33    von dann. die störch tœtent iriu weip, diu êbrecherinn

Page: 176  
Line: 1    sint und sich niht gereinget habent in den wazzern nâch
Line: 2    irr pôshait. daz hât man oft gesehen.



Chapter / Strophe: 17     17.
Line: 3    
Line: 4    VON DEM GALANDER.



Line: 5    Calandris haizt ain galander. daz ist ain klainer vo\gel   5
Line: 6    und ist nâhent der lerchen geleich. der vogel ge\fräut
Line: 7    all die in hœrent mit seinem süezen gesang. wenne
Line: 8    man in gevæht und in besleuzt in ainem häusel, sô ver\gizt
Line: 9    er seinr vanknüss und seins leidens und ist nümmer
Line: 10    ain stunt des tages ungesungen, und trabt nihts auf die   10
Line: 11    vanknüss noch auf anders ihts denn auf sein gesang: des
Line: 12    fräwet er sich und singt in manger vogel stimm. Pei
Line: 13    dem vogel verstê wir die die êwigen sælichait hie betrah\tent
Line: 14    und sô frô sint mit in selber, daz si vergezzent des
Line: 15    ellendes hie, dâ inne si sint. von den spricht sanctus   15
Line: 16    Paulus, daz die selben ir gemainschaft und ir handlung
Line: 17    ietzunt habent in dem himel. nu sich mir die galandern
Line: 18    an, die tag und naht in der geschrift sitzent und spiegel\schawent
Line: 19    götleicheu werk dar inne. ach muoter der parm\herzichait,
Line: 20    hilf deinen galandern, die tag und naht dein   20
Line: 21    spiegel welzent und handelnt. hilf, hilf, helferinne, hilf
Line: 22    deinem sünder, dû waist allain, frawe, wen ich main.



Chapter / Strophe: 18     18.
Line: 23    
Line: 24    VON DEM RABEN.



Line: 25    Corvus ist ain rab. der vogel hât die art, sam Isi\dorus   25
Line: 26    spricht, wen diu si ir air prüet, sô pringt ir der er
Line: 27    ze ezzen. Augustînus spricht, der rab hât die art, daz er
Line: 28    seineu kindel niht speist unz daz er siht, daz in die federn
Line: 29    swarzent; dâ von beleibent diu jungen räbel siben tag ân
Line: 30    allez ezzen, und an dem sibenden tag sô swarzent si, dâ   30
Line: 31    nâch pringt er in ze ezzen. die raben werfent etleicheu
Line: 32    kint auz dem nest, wenn si der arbait verdreuzt mit in,

Page: 177  
Line: 1    daz si in niht genuog speis pringen mügent. etleich
Line: 2    sprechent, daz die raben mit den snäbeln zuovâhen und
Line: 3    auch gepern. aber Johannes spricht, daz der rab mit
Line: 4    dem snabel zuovâh und seineu air leg, dâ ander vogel
Line: 5    airn. man spricht auch, daz die raben zuogevâhen, wenn   5
Line: 6    si ain rabenai ezzen. der rab ist schraiig und macht
Line: 7    mangerlai stimm, wan, sam Fulgentius spricht, er macht
Line: 8    vierundsehzig stimm. die raben unkäuschent etswenn in
Line: 9    irm flug. der rab ist sterker des tages, sô ist der auf
Line: 10    sterker des nahtes. der rab frizt dem auf seineu air des   10
Line: 11    tages, sô frizt der auf dem raben seineu air des nahtes.
Line: 12    ez ist ain art der raben in dem land pei der sunnen auf
Line: 13    ganch, die streitent mit dem esel und mit dem ochsen,
Line: 14    wan sô diu tier vliehent, sô sitzet der rab auf si und
Line: 15    fleugt in gegen den augen und stœzt in die augen auz   15
Line: 16    und machet si irn herren unnütz. dar umb tœtt si ir herr
Line: 17    und schindet si, sô wirt dem raben sein tail von dem âs.
Line: 18    alsô gesigt der unêr vogel dem starken tier an. sam tuot
Line: 19    ain unêr weip, diu gesigt oft ainem starken manne an,
Line: 20    der doch vest ist seines muotes. dâ vor besleuz dein   20
Line: 21    augen, wan diu tuont den schaden. ich het ains tages
Line: 22    ain frawen in der kirchen angesehen vil und aber vil. dô
Line: 23    sprach ainz in dem slâf zuo mir, ich hiet zwên unken in
Line: 24    den augen, die müesten sterben. hilf, fraw, hilf, daz si
Line: 25    sterben! der rab hât den fuchs liep von nâtûr, und dar   25
Line: 26    umb hilft er im wider die vogel, die achilen haizent, wan
Line: 27    der achilon ist des raben veint.



Chapter / Strophe: 19     19.
Line: 28    
Line: 29    VON DER KRAEN.



Line: 30    Cornix haizt ain krâw und sint des selben geslähtes   30
Line: 31    mit den raben, sam Plinius spricht. die krâen werdent
Line: 32    auch gestrâft mit siehtum in den sümerleichen sün\wenden.
Line: 33    die krâen anvehtent ander edel vögel sam ir
Line: 34    veint, und daz kümt in oft zuo schaden, wan sô die edeln

Page: 178  
Line: 1    vogel der krâen anvehten und ir zuoschiezen lang ver\tragent,
Line: 2    sô werdent si zuo letst ungedultig und zereizent
Line: 3    die krâen. diu krâw izzt gern nuz, und wenn si ain hert
Line: 4    nuz hât, der si mit dem snabel niht geprechen mag, sô
Line: 5    vleugt si in die hœhe ob herten stainen und læzt die nuz   5
Line: 6    dar auf vallen als oft unz daz si zeprist. diu krâw speist
Line: 7    ir sien, wenne diu prüett und niht auzfleugt.



Chapter / Strophe: 20     20.
Line: 8    
Line: 9    VON DEM CUKUK.



Line: 10    Cuculus haizt ain cukuk oder ain gauch. der ver\ändert   10
Line: 11    sein stimm niht, er singt neur cukuk, cukuk, dar
Line: 12    umb spottent sein diu kint. der vogel ist gar træg und
Line: 13    unstæt an ainer stat. er legt sein air in ains andern vö\gelleins
Line: 14    nest, daz haizt ain grasmuk, und nimt im als vil
Line: 15    air her auz als er im hin ein legt, daz ez an der zal iht   15
Line: 16    mêr vind denne ez haben schol und diu übrigen iht auz
Line: 17    werf. sô prüett daz vremd vögellein des gauches air auz
Line: 18    mit den seinen und speiset den jungen gauch mit seinen
Line: 19    kinden und hât der witz niht, daz ez erkenne den gauch
Line: 20    an der grœz auz seinen klainen vögellein. wenne nu der   20
Line: 21    jung gauch an dem nest sitzt mit den grasmuken, sô zuckt
Line: 22    er mit seiner geitichait der alten grasmuken alle zeit daz
Line: 23    ezzen vor den andern, sam Plinius spricht, und alsô wirt
Line: 24    er gar vaizt und gar schœn. sô fräut sich sein amme diu
Line: 25    grasmuk, daz si ain sô schœn kint prâht hât, und dunket   25
Line: 26    sich des edel an ir selber und versmæht iriu aigeneu kint
Line: 27    gegen dem gauch und verzert sich selber sô gar, daz si
Line: 28    gar âkreftich wirt. des wirt ir übel gelônet, wan sô der
Line: 29    gauch erstarket und auz fleugt, sô volgt im diu amme vor
Line: 30    liebe, sô versmæht er si und peizt si ze tôd. der gauch   30
Line: 31    zeuht sein federn auz in dem winter und setzt sich in ain
Line: 32    hol mit den federn in ainen sichern paum; dar ein hât
Line: 33    er den sumer gesament daz ezzen, des er den winter be\darf.
Line: 34    Isidorus schreibt ainz von dem gauch, daz ist doch

Page: 179  
Line: 1    zweivelleich, und spricht, daz die gäuch alsô widerkömen
Line: 2    ze land in der wunnencleichen zeit des lenzen, daz si
Line: 3    sitzen auf der weien ahseln, dar umb, daz si iht müed
Line: 4    werden mit langem vliegen über verreu lant. der gäuch
Line: 5    spaichel pringet ackergrillen, die werdent dar auz. aber   5
Line: 6    ich hân gesehen, daz ain hol rœrl dar auz wart silber\var
Line: 7    gewunden umb ain ästel an ainem paum, dâ er die
Line: 8    spaicheln lie.



Chapter / Strophe: 21     21.
Line: 9    
Line: 10    VON DEM COREDEL



Line: 11    Coredulus ist als vil gesprochen sam ain herzfrâz,
Line: 12    alsô spricht Isidorus, wann ez ist ain vâhend vogel und
Line: 13    lebt des raubes, und wenn er ainen andern vogel gevæht,
Line: 14    sô gert er allermaist des herzen, und wæn, ez sei ain
Line: 15    klain vogel, der haizt auf dem gäw würgelhôch. Der   15
Line: 16    vogel bedäut got den obristen minner und ainen ieglei\chen
Line: 17    minner, der spricht zuo seinem lieb: lieb, gib mir
Line: 18    dein herz, daz wil ich haben; daz ist pilleich umb got.
Line: 19    wan als sant Augustînus spricht, got hât des menschen
Line: 20    herz gar tewr gekauft mit seinem schatzpærn pluot. dar   20
Line: 21    umb besitzet er ez pilleich ain und niemant mêr. ach,
Line: 22    wær dem alsô! niht ain haben verleust meng minnendez
Line: 23    herz.



Chapter / Strophe: 22     22.
Line: 24    
Line: 25    VON DER TAUBEN



Line: 26    Columba haizt ain taub. daz ist gar ain sänftig
Line: 27    vogel. diu taub reizt niht noch grimmt mit irm snabel
Line: 28    und ist ân gallen, sam Beda spricht. aber Aristotiles
Line: 29    spricht, si hab ain gallen, doch niht an der stat, dâ si
Line: 30    andreu tier haben, wan si hab die gallen in ainem in\gwaid.   30
Line: 31    dar umb widerspricht Aristotiles niht dem, daz
Line: 32    Beda spricht, wan Beda maint, diu taub hab kain gallen
Line: 33    an der stat, dâ si andreu tier habent; sô maint Aristo\tiles,

Page: 180  
Line: 1    si hab si anderswâ. diu taub enzünt ir lieb mit
Line: 2    snäbeln sam die menschen mit küssen. die tauben flie\gent
Line: 3    scharot und schadent niemant. si lebt des tôten
Line: 4    niht, wan si izt neur korn und getraid. si waint für ir
Line: 5    singen. si fuort vremdeu kindel. diu taub pringt ir ge\siht   5
Line: 6    neunstunt wider. si nist hôch, sam Jacobus und Beda
Line: 7    sprechent, dâ kain tier si berüeren mag. alsô schol un\ser
Line: 8    wonung in dem hôhen himel sein. diu taub ruot gar
Line: 9    gern pei dem wazzer, dar umb, daz si den durst lesch
Line: 10    und daz si des habichs schaten in dem wazzer vor seh,   10
Line: 11    ê er si begreif. Isidorus spricht, ez sei ain paum pei der
Line: 12    sunnen aufganch, der haizt kriechisch peridixiοn und ze
Line: 13    latein circa dextram, daz haizt ze däutsch pei der rehten
Line: 14    hant. des paumes fruht ist süez. der begert diu taub
Line: 15    wunderleichen vast, und der paum behüett die tauben mit   15
Line: 16    seinen esten und mit seinem schaten, und in den selben
Line: 17    landen sint ainrlai trachen, die den tauben lâg setzent,
Line: 18    und die trachen hazzent den vor genanten paum von
Line: 19    nâtûr alsô sêr, daz si seinen schaten fürhtent. wenn nu
Line: 20    die tauben auf dem paum sitzent, sô sitzt der trach verr   20
Line: 21    her dan und lâgt, ob kain taub auz dem paum vlieg, daz
Line: 22    er si vâh. ist auch, daz des paumes schat zder rehten
Line: 23    hant ist, sô setzet sich der trach zder tenken. ist aber
Line: 24    der schat zder tenken, sô setzet er sich zder rehten.
Line: 25    pei den trachen verstê die pœsen gaist und pei den tau\ben   25
Line: 26    die geläubigen sêl, pei dem paum unsers herren
Line: 27    kräuz, under des rehten arm stêt unser liebiu frawe gotes
Line: 28    muoter. pei des paumes schaten verstê daz zaichen des
Line: 29    hailigen kräuzes, daz wir für uns tuon mit rehtem ge\lauben,
Line: 30    wan daz vliehent die pœsen gaist. Aristotiles   30
Line: 31    spricht, daz die tauben gar stæt sein mit ir unkäusch,
Line: 32    alsô daz si ir ê niht zeprechent. si habent auch die art,
Line: 33    daz si in ain gemain haus suochent, und daz liebt in.
Line: 34    daz selb haus lâzent si niht leiht, ez sei dann ain käu\scheu
Line: 35    taub oder ain witib, diu selb fleuht die andern.   35
Line: 36    die tauben gepernt alle zeit zwai täubel, des êrsten ainen

Page: 181  
Line: 1    er und dar nâch an dem dritten tag ain si. si prüetent
Line: 2    auch paideu, er und si, in zwain zeiten; wan diu si prüett
Line: 3    nâch mittem tag unz ze metten zeit, dar nâch prüett der
Line: 4    er die andern zeit, und an dem ahzênden tag beleibt er
Line: 5    hie auzen. die tauben habent auch die art, wenn si ain   5
Line: 6    irrvliegend tauben vindent, die nement si in ir gesellschaft.
Line: 7    si habent auch die art, daz si stainl ezzent, dar umb, daz
Line: 8    si des magen hitz sänftigen, wann si sint gar haizer nâ\tûr.
Line: 9    wenn si mit enander vehtent, sô zestraubent si ir
Line: 10    federn und allermaist auf den hälsen. si habent gar   10
Line: 11    prinnenden und hitzigen mist, den werfent si auz irn
Line: 12    nesten und lêrent auch ireu kint den mist auzwerfen.
Line: 13    wer pluot nimt auz dem rehten flügel der tauben unden
Line: 14    oder auz dem rehten flügel unden der swalben oder der
Line: 15    turteltauben und daz in die vinstern augen legt, der wirt   15
Line: 16    gesunt, wann daz pluot ist scharpf und hât die kraft, daz
Line: 17    ez die diken materi zesträut und verzert. der taubhai
Line: 18    wirft seineu gewahsen kint auz dem nest, aber ê er si her
Line: 19    auzwerf, sô vogelt er si vor. diu taub wirt gar beswært,
Line: 20    wenn si ir air gepirt, und ist daz si sich vertregt in dem   20
Line: 21    gepern, sô wirt si pitterleich versêrt. die tauben habent
Line: 22    die art under anderm gefügel, daz si ir häls niht auf
Line: 23    hebent wenne si trinkent, unz si genuog habent getrunken.
Line: 24    die jungen tauben sint aller pest und aller gesündischt in
Line: 25    dem lenzen, sô man daz sumergetraid sæt, und in dem   25
Line: 26    herbst, sô man daz wintergetraid sæt, dar umb, daz si
Line: 27    danne neur des korns lebent. Plinius spricht, daz fri\schez
Line: 28    taubenflaisch und swalbenflaisch zuo ainander ge\mischt
Line: 29    und gemachet guot sei für die slangen. ez ist
Line: 30    auch gewisleich wâr, daz etleich tauben die art habent,   30
Line: 31    die nümmer gevogelt werdent und käusch beleibent. ez
Line: 32    sint auch etleich, wenne si ir gemaheln verliesent, daz si
Line: 33    witiben beleibent, und die vermeident auch gemaineu
Line: 34    häuser der tauben, die ir gemahel habent, dâ von, daz si
Line: 35    die ern niht unruoen, und fliehent von in und wonent   35
Line: 36    in den wilden velsen. die tauben habent grôzen vleiz,

Page: 182  
Line: 1    wie si ir federn geslihten und gezieren und mit irm sna\bel
Line: 2    stræln, und wenn si des beginnent, sô lâgt ir der
Line: 3    spärwær allermaist und væht si danne und tœtt si. alsô
Line: 4    lâget unser der pœs gaist, wenn wir unsern vleiz legen
Line: 5    auf diser werlt gespenst und ir üppichait. ach herr, wie   5
Line: 6    oft er mich gevangen hât, daz mich diu aller tugent\leichst,
Line: 7    diu schœnst, diu reichst, diu edelst, diu gewel\tigst
Line: 8    all zeit hât erlœst auz seinen scharpfen klâen, wie
Line: 9    daz sei, daz ich laider ir taub niht sei, sunder ich pin
Line: 10    ein armer rab. nu hilf, edleu kaiserin, hilf mir und   10
Line: 11    allen guoten freunden.



Chapter / Strophe: 23     23.
Line: 12    
Line: 13    VON DER WAHTELN.



Line: 14    Coturnix oder quistula haizt ain wahtel und haizt
Line: 15    in kriechisch οrtigia, dar umb, daz die vogel des êrsten   15
Line: 16    gesehen wurden in ainer inseln, diu haizt Ortigia. er
Line: 17    haizt auch ortigometa. die wahteln habent die art, daz
Line: 18    si gegen winterszeiten über mer varnt in ainer grôzen
Line: 19    meng, und wenne si varn wellent, sô besament si sich
Line: 20    pei dem mer und vallent des nahtes in die segel und in   20
Line: 21    diu schef und ze stunden in sô grôzer meng, daz si diu
Line: 22    schef versenkent. Solînus spricht, wenn der wahteln zeit
Line: 23    kümt, daz si über mer varn wellent und daz si zuo dem
Line: 24    urfär nâhent, sô lâgt ir der habich allermaist. dar umb
Line: 25    wartent si danne irr gelaiter, daz sint die kræen, der   25
Line: 26    vliegent vil mit in und behüetent si vor den häbichen.
Line: 27    alsô, lieber mensch, wenne dû von disem ellenden mer
Line: 28    diser armen werlt schaiden muost und der sumer deins
Line: 29    lebens und deinr üppigen fräud ain end hât, sô scholt dû
Line: 30    dich vor gewarnt haben gewisser gelaiter, daz sint die   30
Line: 31    heiligen engel, die dich sicherleichen füeren vor den hel\lischen
Line: 32    häbichen, daz sint die pœsen gaist. wizz auch,
Line: 33    daz under den wahteln mêr ern sint denn sien, und under

Page: 183  
Line: 1    den vischen, die ze latein pectines haizent, sint auch mêr
Line: 2    ern wann sien; aber under den menschen werdent mêr
Line: 3    dirnkint geporn dann degenkint. daz ist dar umb, daz
Line: 4    der mensch vil genaigt ist zuo unkäusch, und daz er des
Line: 5    âbents gar oft und in der êrsten stunt des nahts unkäu\schet   5
Line: 6    mit seiner frawen, wenne der leip noch voller rauchs
Line: 7    ist und dunstes von ezzen und von trinken, ê die leiplei\chen
Line: 8    gaist gefürwet werdent und gerainigt in dem slâf
Line: 9    von den selben dünsten. in der selben zeit werdent die
Line: 10    frawen swanger des kränkern geslähtes, daz sint dirn\kindel.   10
Line: 11    aber die man, die ir frawen des morgens gegen
Line: 12    tag beslâfent, wenne des rainen pluotes zeit ist, die ma\chent
Line: 13    gar saubreu degenkindel oder gar frecheu röscheu
Line: 14    maidel, wan sô hât sich paideu, fraw und man, ain klain
Line: 15    ergangen von dem pett und dar nâch wider zuo gehüllet   15
Line: 16    und ist diu nâtûr ring, rain und sauber. daz wizzent
Line: 17    wênig laien, dar umb ist der frawen mêr wenne der man.
Line: 18    dû scholt auch wizzen, daz die wahteln under allen tiern
Line: 19    auf erden allein den vallenden siehtum leident sam der
Line: 20    mensch. aber die spärling leident den krampf auf den   20
Line: 21    dächern. diu wahtel neuzt gar swæres ezzens und izt et\leich
Line: 22    vergiftig sâmen, und dar umb versmæhent si et\leich
Line: 23    weis läut ob irn tischen.



Chapter / Strophe: 24     24.
Line: 24    
Line: 25    VON DEM STIGLITZ



Line: 26    Carduelis haizt ain stiglitz. daz ist ain klainr vogel,
Line: 27    sam Isidorus spricht, der nert sich von den disteln, und
Line: 28    daz ist ain grôz wunder, daz der vogel sô wol singt und
Line: 29    daz er doch gespeiset wirt von den scharpfen stichelingen
Line: 30    der disteln. dâ pei verstê die guoten lêrer auf ertreich, die   30
Line: 31    vil leidens habent und doch in den dornen diser werlt
Line: 32    frœleich got dienent. ach got, dû waist wol, wâ dein
Line: 33    stiglitz singent, dû waist auch ir haimleich dornezzen wol:

Page: 184  
Line: 1    dû hâst selber gesungen auf erden unz in den pittern tôt.
Line: 2    war umb leident dein guot freund niht auch auf erden?
Line: 3    der stiglitz ist an dem leib swarzer und gelber varb und
Line: 4    an dem haupt ist er rôt. er hât die art, sô er gevangen
Line: 5    wirt und beslozzen in ainem vogelhäusel, sô zeuht er waz\zer   5
Line: 6    auf in ainem väzzel an ainem vadem mit seinem sna\bel
Line: 7    und helt ez ze stunden mit ainem füezel unz er ge\trinket.
Line: 8    daz ist ain wunder von der nâtûr, daz si dem
Line: 9    klainen vogel die kündichait geit und tailt die witz doch
Line: 10    niht mit ainem rind oder mit ainem esel oder mit ainem   10
Line: 11    andern grôzen tier. alsô geschiht dike, daz von diemüe\tigen
Line: 12    armen läuten ain gar vernünftig witzig kint geporn
Line: 13    wirt und von grôzen fürsten ain narr und esel kümt. got,
Line: 14    des sei dir gedanket, daz dû armuot nie versmæht hâst.



Chapter / Strophe: 25     25.
Line: 15    
Line: 16    VON DEM KÜNIGEL.



Line: 17    Crochilus haizt ain künigel. von dem spricht Plinius,
Line: 18    daz ez ain küng und ain herr sei der andern vogel in
Line: 19    dem land Italia, daz ist pei Venedig und in Lamparten.
Line: 20    daz küngel ist der klainst vogel under allen vögeln. aber   20
Line: 21    als vil und ez klainer ist an dem leib, als vil ist ez snel\ler
Line: 22    an dem flug, sam Plinius spricht. dâ pei verstê die
Line: 23    diemüetigen diser werlt, sô si ie diemüetiger sint, sô si
Line: 24    ie hœher und sneller vliegent in die êwigen fräud. wan
Line: 25    diu diemüetichait ist ain wurzel aller tugent, sam Gre\gorius   25
Line: 26    spricht. daz vögel ist sô muotig und sô manhaft,
Line: 27    daz ez sich wider den adlarn getar setzen und überhebt
Line: 28    sich seins snellen flugs. sô getâneu herzen vint man
Line: 29    auch in guoten läuten in gerechtikait. die küngel ha\bent
Line: 30    die art, daz sich ir vil besament in ain hol winters\zeiten,   30
Line: 31    dar umb, daz diu klain hitz in dem klainen leibel
Line: 32    sich von der schar mêre. ir nernt sich auch zeminsten
Line: 33    zwai mit enander.

Page: 185  



Chapter / Strophe: 26     26.
Line: 1    
Line: 2    VON DEM KÜNIGSVOGEL.



Line: 3    Diomedica oder herodias mag ze däutsch haizen
Line: 4    künigsvogel, dar umb, daz er den namen hât von dem
Line: 5    küng Diomedes, sam Solînus spricht. aber er haizt krie\chisch   5
Line: 6    herodias. der vogel ist an der grœzen sam ain
Line: 7    swan und ist snêweiz. sein augen seint liehtprinnend in
Line: 8    dem haupt und hât ainen snabel wol gezendet. die vo\gel
Line: 9    fliegent scharot sam die kränch und der êrst an der
Line: 10    schar füert die andern und ist ir belaiter. aber der letscht   10
Line: 11    an der schar maistert die andern und twingt si, daz si
Line: 12    die rehten ordnung haltent an dem flug. alsô schol in
Line: 13    ainem iegleichen convent sein ain haupt, dem man volg
Line: 14    an witzen, und ain gewalt, der twinge. der zwair ist nôt
Line: 15    in ainer iegleichen gemain. der vogel hât die art, wenn   15
Line: 16    ain küng sich schol verändern oder sterben in dem lande,
Line: 17    dâ er wont, sô hât er klägleich und wainleich stimme.
Line: 18    Solînus und Jacobus sprechent, wenn ain Kriech zuo den
Line: 19    vogeln gê, sô sein si gar sänftig gegen im; wenne aber
Line: 20    ain ander mensch zuo in gêt, sô peizent si ez. si fliegent   20
Line: 21    an die waid von irn nesten gegen der sunnen aufganch,
Line: 22    aber des nestes tür ist gegen der sunnen underganch, dar
Line: 23    umb müezent si sich verkêren an dem einflug von der waid.



Chapter / Strophe: 27     27.
Line: 24    
Line: 25    VON DEM GREIFFALKEN



Line: 26    Grifalcus haizt ain greiffalk und haizt auch herodius,
Line: 27    sam diu glôs sagt über daz puoch Leviticum an der stat,
Line: 28    dâ Moyses die unrainen vogel verpeut. der vogel ist der
Line: 29    aller edlist under allen vogeln. er ist gel als ain wahs,
Line: 30    iedoch daz mêrer tail seins leibes ist weizlot, ân an dem   30
Line: 31    herzen oder an der prust. der vogel ist sô starch und
Line: 32    sô grôz, sam diu glôs sagt über Leviticum, daz er den

Page: 186  
Line: 1    adlarn væht und im angesigt. wenn er fleugt, sô smuckt
Line: 2    er sein füez an sein prust und sleht den raup mit den
Line: 3    füezen. ist daz er den raup mit dem êrsten zuoschuz
Line: 4    niht begreift, sô fleugt er über sich hôch auf in die lüft
Line: 5    und von rehter unwirdichait und vor zorn kümt er kaum   5
Line: 6    wider an sein naigstat. wenne er den raup siht den er
Line: 7    vâhen wil, sô swingt er sich auz und schawet, ob er im
Line: 8    eben sei und gevellig, und ist er im sô endleich, sô væht
Line: 9    er in. Pei dem verstê ainen muotigen man, der mit
Line: 10    witzen und mit dem rehten angesigt den adlärn, die   10
Line: 11    mit unreht über ander läut vliegen wellent. hilf, Marîâ,
Line: 12    obersteu kaiserinne, dem gesprochen ist in seim slâf: dû
Line: 13    greiffalk, greiffalk!



Chapter / Strophe: 28     28.
Line: 14    
Line: 15    VON DEM FENICEN



Line: 16    Fenix ist ain vogel in dem land Arabia. der ist alle
Line: 17    zeit neur ainer, sam Solînus, Jacobus, Isidorus und Am\sius
Line: 18    sprechent, und lebt dreuhundert und vierzig jâr. er
Line: 19    ist an der grœz als ain adlar und hât ain gekrœnt haupt
Line: 20    sam ain pfâwe und gevalten guomen. er ist auch goltvar   20
Line: 21    pei dem hals, aber an dem aftern tail ist er purpervar.
Line: 22    er hât ain wahsvarben zagel, dâ sint rôsenvarb federn ein
Line: 23    gemischt mit wunderleicher manigvärbichait. der fenix
Line: 24    hât die art, wenn in daz alter beswært, sô suocht er im
Line: 25    in den landen gegen der sunnen aufganch den aller   25
Line: 26    schœnsten paum auf den hœhsten pergen ob ainem aller
Line: 27    lustigisten prunnen und machet im ain nest auf den paum
Line: 28    von weirauch, von mirren und von cinamon und von an\dern
Line: 29    edeln würzen und kräutern, und wenn diu sunn ir
Line: 30    hitz auf daz nest wirft, sô wæt der fenix zuo mit seinen   30
Line: 31    vetachen, unz diu pürd des edeln dinges enprint. sô daz
Line: 32    geschiht, sô legt er sich in daz feur und verprinnet. dar
Line: 33    nâch über wênig tag wirt ain würmel auz dem aschen
Line: 34    und gewint dar nâch flügel. dar nâch wirt dar auz ain

Page: 187  
Line: 1    vollkomener fenix. Isidorus spricht, daz ain fenix hie
Line: 2    vor flüg in die stat Heliopolis, diu gelegen ist in dem land
Line: 3    Egypten, in dem mônât adar, daz ist aprilis der næhst
Line: 4    vor dem maien, und fuort auf seinen flüglen mangerlai
Line: 5    edel würz und kräuter und saz auf den haufen holz, den   5
Line: 6    der priester zesamen gelegt het und angezündet zuo einem
Line: 7    opfer, und verprant sich dâ zwischen den edeln würzen,
Line: 8    die er dar het prâht auf seinen flügeln. an dem næhsten
Line: 9    tag nâch dem prand kom der priester zuo dem altar und
Line: 10    vant diu hölzer verprant. dô er den aschen durchschawt,   10
Line: 11    dô vant er ain würmel, daz smeckôt auz der mâzen süez\leich
Line: 12    und lusticleich. an dem andern tag dâ nâch was
Line: 13    daz würml zuo ainem vogel worden. an dem dritten tag
Line: 14    was ez ain ganzer volkomenr fenix und vlog auz sein
Line: 15    strâz. in der stat, sam Haimo spricht, was vor Christi   15
Line: 16    zuokunft ain tempel gepawen in der êre des obristen go\tes.
Line: 17    der tempel was gemacht nâch dem tempel, den Sa\lomôn
Line: 18    pawt ze Jerusalem, und macht in Onîas, des küngs
Line: 19    sun Onîe, von des küngs gepot Ptolomêi, der küng in
Line: 20    Egypto was nâch dem spruch Isaie, der dâ sprach: un\sers   20
Line: 21    herren altar wirt in Egypten lant. ez spricht auch
Line: 22    Haimo, daz unser fraw in der stat oft wær, diu dâ haizt
Line: 23    Heliopolis, mit irem lieben kind, dô si Herodem vlôch
Line: 24    von Judêâ in Egyptum. Der fenix bedäut die hailigen
Line: 25    sêl, diu ist mit irem spiegelschawen in die götleichen   25
Line: 26    sunnen grôz sam der adlar. si ist schôn gekrœnt an
Line: 27    dem haupt als der pfâwe mit dem, daz si lauter und rain
Line: 28    ist an dem muot. diu sêl hât gevalten guomen mit zwair\lai
Line: 29    gir in irm gepet, wan si begert ir selbes hail und
Line: 30    auch der næhsten hail. ir hals ist goltvar, daz ist diu   30
Line: 31    hailig lêr und der guot rât, den si andern läuten vor\tregt.
Line: 32    diu hailig sêl ist an dem aftern tail purpervar,
Line: 33    daz ist ir nâchvolg der martrær Christi, wan die mag
Line: 34    niemant vermeiden, der zuo got wil. auch maht dû
Line: 35    Christum dem vogel wol geleichen mit seiner marter und   35
Line: 36    mit seiner urstend an dem dritten tag.

Page: 188  


Chapter / Strophe: 29     29.
Line: 1    
Line: 2    VON DEM FALKEN.



Line: 3    Falco haizt ain falk. der hât die art, daz er daz
Line: 4    haupt umb und umb reidet mit ainem reiden, alsô daz
Line: 5    sein prust doch unverriden beleibt. daz augenreiden des   5
Line: 6    falken ist sô behend, daz seineu augen zwainhundert augen
Line: 7    gleich kreftig sint mit erkennen. er lâgt dem raub vlei\zicleichen,
Line: 8    der nâch im ist gegen seinem ruck. er hât
Line: 9    krank nieren und ain starch prust und vertregt klain den
Line: 10    andern vogeln. er wil lusticleich gespeist werden. er   10
Line: 11    fleugt gar ungestüemicleich und ist im selber mit huot
Line: 12    unsicher. aber wenne er den raigel væht und der valken
Line: 13    zwên sint, sô vliegent si geselleich, ainer auf, der ander
Line: 14    nider pei der erd, dar umb, daz der in der hœhen den
Line: 15    raiger her nider slah und der pei der erd in begreif und   15
Line: 16    hab. ez sint zwairlai falken. ainerlai sint unedel, die
Line: 17    vâhent niht denn mit grôzem hunger und mit grôzer ar\bait.
Line: 18    die andern sint gar edel, die vâhent von nâtur mit
Line: 19    klainer gewonhait. der unedel falk wenn der den raigel
Line: 20    zuo der erd gesleht und wil in vâhen, sô læzt der raigel   20
Line: 21    ainen frischen visch auz dem kropf, den er gevangen hât,
Line: 22    den selben nimt der unedel falk und læzt den raigel
Line: 23    vliegen. alsô tuot der edel falk niht: wan sô der raiger
Line: 24    den visch auz dem snabel læzt, sô helt er in vester denne
Line: 25    vor. die pœsen falken bedäutent uns die pœsen prelâten,   25
Line: 26    pischölf, prœbst, dechant und all pœs rihter, die gelt ne\ment
Line: 27    von den schuldigen und lâzent die ledig umb daz
Line: 28    unrain guot. von den spricht Isaias, si machent den un\gerehten
Line: 29    gereht umb gâb. ez hât der falk ain scharpfez
Line: 30    pain an seiner prust, daz ist gar hert, daz hât im diu   30
Line: 31    nâtûr geben, daz er den raup dâ mit stôz. der falk ist
Line: 32    aller pest in der andern oder dritten mauze. ain wilder
Line: 33    falk wirt sô haimlich, daz man in sêr læzt erhungern und
Line: 34    in dar nâch äzt. alsô werdent wild läut zam nâch vil
Line: 35    arbait.   35

Page: 189  



Chapter / Strophe: 30     30.
Line: 1    
Line: 2    VON DEM FULKEN.



Line: 3    Fulica ist ain vogel, sam Ambrosius spricht, der hât
Line: 4    die art, wenn der adlar seineu kint auz dem nest ge\wirft,
Line: 5    sô speist er si in grôzer güeten und in miltikait   5
Line: 6    mit seinen kinden. Dâ pei verstê wir die milten läut, die
Line: 7    den ellenden menschen, witiben und waisen helfent und
Line: 8    si nerent.



Chapter / Strophe: 31     31.
Line: 9    
Line: 10    VON DEM FATER



Line: 11    Fatator ist ain vogel, der ist sô girig nâch seiner
Line: 12    gepurt, daz er ê der zeit vor dem lenzen airt, ê der win\ter
Line: 13    ain end nem. dar umb wirt er beraubt seiner erben,
Line: 14    dâ zuo er vast eilt, wan seineu air verderbent in dem
Line: 15    winter, daz si zuo der gepurt oft unnütz werdent. Dâ   15
Line: 16    pei verstê die geitigen, die zuo unzeitigem guot eilnt, die
Line: 17    werdent des oft entwert.



Chapter / Strophe: 32     32.
Line: 18    
Line: 19    VON DEM GRACENDER.



Line: 20    Gracocendron mag ain gracender haizen. daz ist ain   20
Line: 21    vogel in den landen gegen der sunnen aufganch. der
Line: 22    vogel ist von nâtûr gar rain, käusch und gar mæzig, wan
Line: 23    er unkäuscht neur ein stund und niht mêr in ainem ganzen
Line: 24    jâr. und daz ainig werch würkt er umb ain gepurt und
Line: 25    niht durch lustes willen. daz tuot kain vogel noch kain   25
Line: 26    tier auf ertreich mêr. Ach, schäm dich mensch, dû hâst
Line: 27    vernunft und der vogel niht. ich main dich, dem kain
Line: 28    stund noch kain zeit noch kain persôn dâ zuo versmâhet.
Line: 29    wizz, daz dû dein kraft, dein schœne, dein leben dâ mit
Line: 30    krenkest.   30

Page: 190  



Chapter / Strophe: 33     33.
Line: 1    
Line: 2    VON DEM GREIFEN.



Line: 3    Grifis haizt ain greife. daz ist ain vogel, sam Ja\cobus
Line: 4    spricht, der ist auzdermâzen grimme und übele
Line: 5    und ist des leibes sô starch, daz er ainen gewâpenten man   5
Line: 6    überwindet und in tœtt. er hât grôz scharpf klâen oder
Line: 7    kræuel, dâ mit er den menschen und andreu tier zereizt,
Line: 8    und die klâen sint sô grôz, daz in die läut köpf dar auz
Line: 9    machent und trinkväzzer. der vogel ist vierfüezig und
Line: 10    ist dem adlarn gleich an dem haupt und an den flügeln,   10
Line: 11    iedoch ist er verr grœzer. daz ander tail seines leibes
Line: 12    ist ainem lewen geleich. und wont auf den pergen, die
Line: 13    dâ haizent hyperborei. der vogel ist den menschen gar
Line: 14    veint und den pfärden. er legt in sein nest ainen stain,
Line: 15    der haizt agathes. waz kraft der hab, daz wirt her nâch   15
Line: 16    kunt, wenn wir von den edeln stainen sagen. Rabanus
Line: 17    spricht, daz die greifen golt auzgraben und sich gar sêr
Line: 18    fräuen, wenn si daz golt ansehen.



Chapter / Strophe: 34     34.
Line: 19    
Line: 20    VON DEM KRANICHEN



Line: 21    Grus haizt ain kranch. die kranch habent die art,
Line: 22    daz si nâch ainer ordnung vliegent und machent iren flug
Line: 23    gar mit witzen, wan sam die lêrer sprechent Solînus,
Line: 24    Jacobus, Ambrosius und Isidorus, wenn si auz vliegent,
Line: 25    sô schickent si ir schar, sam ain gepalierte ritterschaft   25
Line: 26    tuot gegen den veinden. der vorderst kranch, der die
Line: 27    andern laitt und füert, der schreit und üebt sein stimme,
Line: 28    dar umb, daz die andern niht auz dem rehten flug tre\ten,
Line: 29    und wenn der vorvliegend kranch haiser wirt von
Line: 30    seim geschrai, sô fleugt ain anderr an sein stat und üebt   30
Line: 31    daz selb amt. die kranch tailent ir schiltwacht des nah\tes
Line: 32    under sich, alsô daz ie der zehend kranch wachent
Line: 33    beleibt, und ir iecleicher der wacht der zeuht ainen fuoz

Page: 191  
Line: 1    auf von der erden und nimt ain stainl dar ein und stêt
Line: 2    auf dem andern fuoz. wenne daz stainel vellt, sô erwacht
Line: 3    er und schreit. alsô behüett er sich, daz er iht slâf. die
Line: 4    die andern slâfent, alsô daz si diu haupt verpergent un\der
Line: 5    ir flügel und wehselnt ir füez. aber ir hauptman   5
Line: 6    der hüett ir aller mit aufgerecktem kragen und siht sich
Line: 7    umb mit fleiz. wenn die kränch wolken sehent, sô schreient
Line: 8    si und manent iren vorvlieger, daz er paz eil, ê si daz
Line: 9    weter begreif. wenne si auf die erd gevallent durch ez\zens
Line: 10    willen, sô reckt ir hauptman sein haupt auf in die   10
Line: 11    hœch, dar umb, daz er der andern aller hüet, und sô ez\zent
Line: 12    die andern sicherleich. ist aber daz der hauptman
Line: 13    ainen menschen siht, sô schreit er, dar umb, daz sich die
Line: 14    andern besorgen. wenn die kränch vliegent, sô setzent
Line: 15    si sich wider den wint, und wenne si über daz mer vlie\gen   15
Line: 16    wellent, sô ezzent si sant, dar umb, daz si mæzig
Line: 17    sein an der swær, sam Solînus spricht, und dar umb ne\ment
Line: 18    si auch staindel in die füez zuo dem selben flug,
Line: 19    und wenn si sehent, daz si auf die mitt koment der schef,
Line: 20    sô lâzent si diu staindel vallen. des sint die schef läut   20
Line: 21    oft innen worden auf dem mer, alsô daz ez stain auf si
Line: 22    hât geregent in diu schef. und dar umb lâzent si den
Line: 23    sant niht êr auz irn hälsen, si sein danne sicher, daz si
Line: 24    daz weter auf dem mer niht betwingen müg. die kränch
Line: 25    habent oft ainen stain in irm magen, den lâzent si zeletzt   25
Line: 26    mit dem snabel. der selb stain geprant in ainem feur
Line: 27    wirt zuo golt. daz habent die gesagt, die ez versuocht
Line: 28    habent. wenne die kränich verr vliegent über mer, wel\her
Line: 29    dann under in müed wirt, den nement die andern
Line: 30    auf sich und füerent in, unz er sein kraft widerpringt.   30
Line: 31    die kränch werdent swarz in dem alter. die wilden
Line: 32    kränch werdent oft gevangen mit den haimischen. si
Line: 33    habent auch die art, daz der kranch, der der êrst ist
Line: 34    under in an dem flug, der wirt der letzt under in ân
Line: 35    allen haz und ân neit. Aristotiles spricht, wenn die   35
Line: 36    kränch den winter fürhtent, sô vliegent si über Egypten

Page: 192  
Line: 1    lant und kriegent mit klainen läuten, die sint kaum ainer
Line: 2    eln lang und haizent pigmêi. daz ist niht ain getiht,
Line: 3    sam Aristotiles spricht. ez spricht auch diu glôs über
Line: 4    Ezechielem: daz pigmêisch volk in deinen türnen. dâ
Line: 5    spricht diu glôs, daz daz volk sei in den landen gegen   5
Line: 6    der sunnen aufganch. daz volk ist kurzes lebens. der
Line: 7    kranch vehten ist sô stark und sô frävel mit enander,
Line: 8    daz man si mit der hant gevâhen mag. diu kränchinn
Line: 9    stêt, wenne si der kranch vogelt.



Chapter / Strophe: 35     35.
Line: 10    
Line: 11    VON DEM HANEN.



Line: 12    Gallus haizt ain han. der han hât die art, wenn er
Line: 13    singen wil, sô sleht er die flügel zesamen. er hât auch
Line: 14    die art, daz er in der naht läuter und vester singt, dar
Line: 15    umb, daz er dester munterr sei, und ze metten zeit singt   15
Line: 16    er sänftiger gegen dem tag. er hât auch die art, daz er
Line: 17    diu pfert sänftigt mit seinem gesang des nahts und macht
Line: 18    die kämel ungestüem. ez sprechent auch etleich, daz
Line: 19    der han des nahtes die unrehten und die grausamen für\sätz
Line: 20    oder daz grausam bedünken an krankmüetigen läu\ten   20
Line: 21    vertreib mit seim gesang. ez ist auch manig kraut,
Line: 22    daz den hanen widerpringt und daz doch andreu tier ertœtt.
Line: 23    er hât auch die art, wenn er slâfen wil, sô fleugt er hôch
Line: 24    auf und ruowet auf ainem pain. der leb fürht den wei\zen
Line: 25    hanen. Aristotiles spricht, daz der han kræe nâch   25
Line: 26    dem streit und nâch dem gesig und niht diu henn. wenne
Line: 27    der han und diu wahtel ir ebenpild sehent in ainem spie\gel,
Line: 28    sô swindet in ir kraft. er ruoft seinen weiben mit
Line: 29    seinem sänften quiteln zuo dem ezzen, sô er daz korn
Line: 30    vindet. ez geschiht auch ze stunden, sô der han alt wirt,   30
Line: 31    daz er ain ai legt, daz prüett denne ain krot auz und dâ
Line: 32    von kümt ain unk, der haizt ze latein basiliscus. sô die
Line: 33    henne all tôt sint von dem hann, sô nimt der han ab
Line: 34    vor laid und singt niht mêr von grôzem trauren.

Page: 193  


Chapter / Strophe: 36     36.
Line: 1    
Line: 2    VON DER HENNEN.



Line: 3    Gallina haizt ain henn. Augustînus spricht, daz diu
Line: 4    henn die art hab, daz si gar vleizig und fürsihtig sei ge\gen
Line: 5    irn kindlein, wan si sament si under ir flügel und   5
Line: 6    füert si und beschirmt si vor dem weien oder vor dem
Line: 7    hüenrarn. iedoch geschiht daz oft, daz diu üppigen
Line: 8    hüendl vliehent auz den getrewen flügeln der muoter
Line: 9    alsô verr, daz si die grimmen vogel hin füerent. dâ pei
Line: 10    verstên ich die läut, die dâ vliehent auz der gemain der   10
Line: 11    hailigen christenhait und ahtent niht des pannes und ver\smæhent
Line: 12    die flügel und die genâd der christenhait; die
Line: 13    füerent die pœsen gaist in daz ellend irr unsælichait.
Line: 14    Jacobus der maister spricht, man beraubet die hennen alle
Line: 15    tag irr air. iedoch lâzent si niht ab ze airn, wie lang   15
Line: 16    man in neur ain ai an dem nest læzt, und daz haizent
Line: 17    die gepäurinne ain pilgai, wan ez ist den hennen ain pild
Line: 18    ze airn. wenn die hennen ze vil airnt, sô sterbent si
Line: 19    schier. alsô beschiht den läuten, die sich ze vil under\windent
Line: 20    leipleicher werk. Johannes der maister spricht,   20
Line: 21    wenn die hennen an verporgen steten airnt, sô stênt si
Line: 22    auf mit ainem geschrai und öffent iriu air unz man ins
Line: 23    nimpt. wer nu haimleich früht suoch, der schrei klain
Line: 24    dâ von, ê die rauber im den schatz versteln. Plinius
Line: 25    spricht, die henn tregt diu air in der rehten seiten irs   25
Line: 26    leibes, dâ diu händl auz werdent, und tregt diu air in
Line: 27    der lenken seiten, dâ diu hennel auz werden. diu air,
Line: 28    diu an der spitz sinbel sint, dâ werdent hennel auz, aber
Line: 29    diu lang sint und vast spitzig, dâ werdent händl auz. diu
Line: 30    langen air sint paz gesmach und pezzer ze ezzen wan die   30
Line: 31    sinweln. ez sprechent etleich vorscher, daz die jungen
Line: 32    vögel mit den füezen des êrsten in die werlt gên. iedoch
Line: 33    diu andern tierl koment des êrsten mit iren haupten. aber
Line: 34    ich wæn, daz si dick die airschaln mit irn snäbeln öffen
Line: 35    und her für krappeln mit dem haupt des êrsten. diu   35

Page: 194  
Line: 1    henn arbait vast in dem airsetzen und singet doch nâch
Line: 2    der gepurt. alsô nâch dem smerzen gêt diu frawe scher\zen.
Line: 3    diu pest pruot kümt von der hennen vor des lenzen
Line: 4    ebennähten, daz ist vor sant Gerdruden tag in der vasten.
Line: 5    aber nâch sunwenden, daz ist umb sant Veits tag, sô vol\pringt   5
Line: 6    diu pruot ir rehten grœzen niht, alsô vil minner
Line: 7    und mêr ernstes dar zuo geschiht. daz schreibt Johannes
Line: 8    der maister von der nâtûr und daz verstên ich in den
Line: 9    haizen landen. iedoch in den kalten landen wæn ich,
Line: 10    daz diu pruot allerpest sei nâch sant Gerdruden tag umb   10
Line: 11    ôstern vor und nâch. Plinius spricht, diu henn mag niht
Line: 12    versêrt werden von der slangen, diu aspis haizt, an dem
Line: 13    tag und si geairt hât. diu henn ist auch ain erznei den
Line: 14    läuten, die gehecket sint von der selben slangen. die
Line: 15    slangen sint gelber varb oder wahsvar, als her nâch kunt   15
Line: 16    wirt, sô wir von den slangen sagen. ach, mein herzen\lieber
Line: 17    freunt, alsô scholt wir auch alle tag etswaz guotes
Line: 18    tuon, wie klain daz wær, daz uns der pœs gaist iht ge\sêren
Line: 19    möht. wilt dû wizzen, welhiu air guot sint zuo der
Line: 20    pruot, sô leg si in ain wazzer; welhez dann ob swimmet,   20
Line: 21    daz ist pœs und niht gar vol innen; aber daz ze podem
Line: 22    vellt, daz ist vol und guot. sô diu schafferinn ain hen\nen
Line: 23    über well setzen ze prüeten, daz schol sein nâch dem
Line: 24    und der môn new ist worden, wan hebt man ez ê an, sô
Line: 25    betreugt ez oft. ez verderbent auch diu prüetair dicke   25
Line: 26    von ainem gæhen donr oder von des habichs stimme.
Line: 27    iedoch hât man ain kunst dâ wider, daz in der donr iht
Line: 28    schad: der ainen eisnenn nagel nimt und legt in twerhs
Line: 29    zwischen diu air, oder inwendig setzet den nagel aufge\rihts,
Line: 30    sô schadet in der donr niht. Plinius spricht, ist daz   30
Line: 31    man golt zelæzt und ainer hennen glider dar zuo mischet,
Line: 32    sô verzernt si daz golt in sich, alsô daz man gesprechen
Line: 33    mag, die hennen sint ain vergift des goldes. wer ainen
Line: 34    totern nimt ains ais, daz gelegt ist in dem vollen môn,
Line: 35    und ain gemailt wüllein tuoch dâ mit reibt und dar nâch   35
Line: 36    wescht, daz verleuset seineu mail dâ von. Aristotiles

Page: 195  
Line: 1    spricht, ez sint vil vogel krummer vinger, die wênig
Line: 2    airent. er spricht auch, die langen air, diu spitzig haupt
Line: 3    habent, die pringent erl; aber sinwelliu air, diu an der
Line: 4    spitz sinwel sint, diu pringent siel, und die vogel werdent
Line: 5    an dem spitzigen tail. er spricht auch mêr, diu air ha\bent   5
Line: 6    zwuo varb, weiz und gel. daz weiz in dem ai ist
Line: 7    ain anvanch der gepurt, aber daz gel ist ain speis und
Line: 8    ain narung des vogels in der schaln und auch ain speis
Line: 9    des menschen. er spricht auch, daz kain ai perhaft sei
Line: 10    denn der gevogelten sien air, dâ des ern sâm zuo gemi\schet   10
Line: 11    ist. er spricht auch, daz daz hüendl volprâht werd
Line: 12    in zehen tagen. wenne daz ai volprâht ist, sô kümt daz
Line: 13    grœzer tail ê ze land und daz klainer dar nâch.
Line: 14    Ez ist auch ze wizzen, als die maister von der nâtûr
Line: 15    schreibent: allez gefügel wirt zwir geporn. von êrsten   15
Line: 16    werdent diu air, dâ nâch die vogel auz den airn werdent
Line: 17    geporn und geformiert in der schaln mit der muoter hitz.
Line: 18    diu air habent die kraft, wenne si in der pruot sint, ob
Line: 19    man ain holz dâ mit begeuzet, daz print niht und sint sô
Line: 20    zæher fäuht, daz man der gleser stuck dâ mit zesamen   20
Line: 21    leimt. ez spricht auch Aristotiles, wer daz weiz in den
Line: 22    airn nimt und læzt ez in ain trüebz getrank oder in ainen
Line: 23    syropp, daz macht ez lauter und dünn. alsô mach wir
Line: 24    in däutschen landen die trüeben wein und allermaist die
Line: 25    Botzner und Traminner in sölher temperung, diu dar zuo   25
Line: 26    gehœrt. ez ist ain puoch, daz haizt historia Jeronimi
Line: 27    und haizt ze däutsch daz puoch von den geschehen
Line: 28    dingen, daz Jeronimus hât gemacht, daz spricht, daz in
Line: 29    Egypten land der hüenr air die art haben, sei daz man
Line: 30    si werm sänfticleich pei dem feur, sô werden hüendl dar   30
Line: 31    auz ân der muoter pruot. und dar umb wie vil air ain
Line: 32    mensch hât, sô vil hüendl mag er in ainem tag gewinnen
Line: 33    mit der kunst. Aristotiles spricht, daz ain vorscher, der
Line: 34    die haimlichait der nâtûr ervorschen wolt, legt hüenrair
Line: 35    under ain küssein und sprach, er möht si sô lang dar   35
Line: 36    under halten, unz hüendl dar auz würden. die maister

Page: 196  
Line: 1    in der nâtûr haizent sölich wundrær egperimentatores.
Line: 2    nu habent etleicheu püecher ze latein: potator posuit ova
Line: 3    sub pulvinari et dixit, quod continuaret potum quousque
Line: 4    eztraherentur pulli; daz spricht ze däutsch: ain trinker
Line: 5    legt air under ain küssein und sprach, er möht sô lang   5
Line: 6    trinken, unz hüendl auz den airn slüffen. zwâr diu ge\schrift
Line: 7    ist valsch, wan die trinker ahtent sölicher witz
Line: 8    niht, und wæn, ain trinker hieze im diu air lieber sieden
Line: 9    oder prâten und æze si zuo seim trinken. Aristotiles
Line: 10    spricht, diu henn airt allzeit ân in den zwain mônn der   10
Line: 11    zwair sunwenden, daz ist umb sant Veits tag und umb
Line: 12    sant Lucien tag. er spricht auch, welheu hüenr vil airnt,
Line: 13    die sterbent schier, und welheu hüenr ob irn airn niht
Line: 14    ruoent, die siechent und werdent krank. welheu hüenr
Line: 15    man ätzt mit halbgekochter gersten, diu legent vil air   15
Line: 16    und grœzer air denn andreu hüenr. wenn der môn wehst,
Line: 17    sa schol man den hüenren ir air underlegen.



Chapter / Strophe: 37     37.
Line: 18    
Line: 19    VON DEM CAPPAN.



Line: 20    Gallus gallinacius haizt ain cappân und haizt dike   20
Line: 21    in der geschrift pepo, daz ist ain han, der seinr gezeug\lein
Line: 22    beraubt ist, und spricht man, si werden snell vaizt,
Line: 23    dar umb, daz si der unkäusch werk nit derr noch meger.
Line: 24    ez spricht ain vorscher in der nâtûr, der cappân wirt vaizt
Line: 25    mit den hennen, aber er macht die hennen niht fruhtbær;   25
Line: 26    er wirt gespeiset mit in, aber er beschirmt ir niht; er
Line: 27    singet niht und erkennt die zeit des tages und der naht
Line: 28    niht. die cappân sint zuo nihtiu nütz dan in die kuchein.
Line: 29    si habent pezzer flaisch wan kain ander gefügel, wan der
Line: 30    cappân flaisch macht guot pluot und fuoret gar wol. dâ   30
Line: 31    von sprach maister Jordan predigær ordens (sô sein got
Line: 32    zuo guot gedenk) in ainer pfaffenpredig, dô er rett zuo
Line: 33    den kôrherren und zuo andern pfaffen, die dâ besament

Page: 197  
Line: 1    wâren: Sobna der schreiber wirt über gefüert als ain
Line: 2    cappân. eiâ, wâ hin? treun, an kain ander stat danne in
Line: 3    des teufels kuchein. eiâ, war umb? treun, dâ singt er
Line: 4    niht und ist unperhaft und ist unwerleich. pei dem
Line: 5    schreiber verstê wir unser prêlâten und ander pfaffen, die   5
Line: 6    sint unperhaft in gaistleichen werken, wan si machent
Line: 7    niht gaistleicher kind: wolt got, daz si der leipleichen
Line: 8    auch niht machten; sie singent ir tagzeit niht: wolt got,
Line: 9    daz si si spræchen mit andâht und süngen niht werltlei\cher
Line: 10    lieder. sô singt der ainen Frawenlop, der ainen   10
Line: 11    Marner, der ainen starken Poppen. der poppen ist sô
Line: 12    vil worden, daz si der gotshäuser guot und êr verpop\pelnt.
Line: 13    si sint auch niht werleich, wan sie beschirment
Line: 14    iriu schæfel niht. weder mit gebet noch mit predig noch
Line: 15    mit gaistleichen strâfen. wê der verfluochten hirten, si   15
Line: 16    sint mietnemer. wenne die ir miet und ir gâb enpfangen
Line: 17    habent, kümpt ain wolf under diu schâf, sô vliehent si
Line: 18    und lâzent diu schæfel in angsten und in nœten. dar
Line: 19    umb sint si zuo nihtiu nütz dann in des teufels kuchein.
Line: 20    der vaizten cappân waiz ich laider vil. mit den cappân   20
Line: 21    tregt der pœs gaist die klainen spizvogel, sam die kôr\herren,
Line: 22    pfarrer, münich und ander gaistleich flaischleich
Line: 23    läut, in daz êwig leiden, die ir pfrüent nement ân fruht\pæreu
Line: 24    werk. nu lâz wir daz hie bestên, ez ist genuog
Line: 25    an daz zil gepolt, und sagen wir mêr von dem cappân.   25
Line: 26    Jacobus und Lapidarius (daz ist der von den edeln stai\nen
Line: 27    hât geschriben) sprechent, daz man die hanen oft
Line: 28    beraub irr gezeugel wenn si dreier jâr alt sein, und lâz
Line: 29    man si dar nâch leben fünf oder sehs jâr, sô vind man
Line: 30    in der cappân lebern ainen edeln stain, der haizt allec\torius,   30
Line: 31    und hiez ze däutsch wol der minnenzieher oder
Line: 32    der minnenzæmer, dar umb, daz er die frawen iren man\nen
Line: 33    minnenzæm macht. wenne der stain ist gewachsen
Line: 34    in der cappân lebern, sô dürst si niht mêr und trinkent
Line: 35    auch niht mêr, und dar umb, welher mensch den stain   35
Line: 36    in seinem mund tregt, dem vergêt der durst.

Page: 198  



Chapter / Strophe: 38     38.
Line: 1    
Line: 2    VON DEM VASANT.



Line: 3    Gallus silvester haizt ain walthan und haizt auch ain
Line: 4    vasant, als Plinius spricht. daz ist gar ain schœner vo\gel
Line: 5    und hât niht kamps auf dem haupt noch hât der   5
Line: 6    starken sporn niht, sam die haimischen hann habent an
Line: 7    den füezen. iedoch ist er gar ain küener vogel, und daz
Line: 8    wizzent die vogelær wol an im und machent ainen puk\lær
Line: 9    von weizem leineim tuoch und ze mitlist dar ein von
Line: 10    rôtem tuoch ain rôtez flekel. daz siht der vasant an mit   10
Line: 11    grôzem vleiz und nimt in sein wunder. in der zeit treibt
Line: 12    in der vogler mit dem schilt rücklingen in ain netz, daz er
Line: 13    im geriht hât. alsô væht man den walthanen. der vo\gel
Line: 14    bedäutt die läut, die irr augen zügel auz werfent in
Line: 15    die glüst diser werlt und vallent in des pœsen gaistes   15
Line: 16    netz. wê, aug, wie ain schalkhafter pot dû pist mensch\leicher
Line: 17    vernunft! dû zaigst uns golt und seiden, lieht
Line: 18    prehend stern auz weizen krausen wolken und lônest uns
Line: 19    laider übel zeletzt mit deiner potschaft. wer vellte Da\vit,
Line: 20    wer Salomôn und wer die weissten und die sterkesten   20
Line: 21    hie auf erden? eiâ, aug, des wære dû pot, als dû noch
Line: 22    vil dicke pist. Alexander der maister spricht, wer ainen
Line: 23    vasant vâhen well, der bedek sich mit ainem tuoch, dâ
Line: 24    der vogel angemâlet sei, und zaig sich dem vasant, sô
Line: 25    volgt er im unz an daz netz. sô schreit dan der voglær   25
Line: 26    oder sleht die hend zesamen und erschrecket den vogel,
Line: 27    daz er in daz netz vellt. der vasant hât die art, daz er
Line: 28    sein haupt in ain stauden verpirgt und wænt, er hab sich
Line: 29    ze mâl verporgen, und alsô væht man in dik. wê, mein
Line: 30    herz, wie dick daz geschiht, daz wir niemant sehen und   30
Line: 31    daz haupt unserr sêl verpergen, daz ist unser vernunft,
Line: 32    und daz uns der wol siht, der alliu dinch an schawet.
Line: 33    der vasant traurt in trüebem weter und verpirget sich
Line: 34    dann in den wälden und in den puschen. er gêt des
Line: 35    morgens und des âbends auz dem wald, und sô væht   35

Page: 199  
Line: 1    man in gar leiht. er verändert sein federn von der vaiz\tin
Line: 2    und vernewt sich alsô. er hât auch edler und senfter
Line: 3    flaisch danne ander waltvogel, und dar umb ist er ain
Line: 4    guot wilpræt.



Chapter / Strophe: 39     39.
Line: 5    
Line: 6    VON DEM HEHER.



Line: 7    Garrulus haizt ain heher, und ist ze latein als vil
Line: 8    gesprochen als ain klaffer, sam Isidorus spricht, wan er
Line: 9    ist kläffischer dan kain ander vogel und hât ain unmæzig
Line: 10    stimm. er fleugt von ainem vogel hinz dem andern und   10
Line: 11    klafft ümmer mêr und mag selten ain ander vogel für in
Line: 12    gevliegen oder gehupfen, den er niht anschrei. er äntert
Line: 13    all ander vogel mit der stimm, alsô daz er sein stimm
Line: 14    anderr vogel stimm geleicht, reht sam er ir spot. wenne
Line: 15    man den vogel alsô jungen væht und in zeuht in ainem   15
Line: 16    vogelhaus, sô lernt er reden und klaffet durch den tag,
Line: 17    alsô daz in der sparwær oft hin füert von seim klaffen.
Line: 18    des vogels federn habent sô mangerlai varb, daz er aller
Line: 19    anderr vogel varb hât. er wirt dicke tobent, sam die
Line: 20    vorscher sprechent, alsô daz er sô unsinnig wirt, daz er   20
Line: 21    sich erhæht in die zwislegen este auf den paumen. Pei
Line: 22    dem vogel verstên ich die nâchklaffer, die iedem men\schen
Line: 23    nâchredent und werdent doch gevangen oft von
Line: 24    êrbern läuten in irm valschen klaffen.



Chapter / Strophe: 40     40.
Line: 25    
Line: 26    VON DEM RUOCHEN.



Line: 27    Graculus haizt ain ruoch. der vogel ist krâen ge\slähtes,
Line: 28    aber er ist klainer an dem leib denne ain krâw.
Line: 29    er hât die art, daz er gern nistt auf gar hôhen paumen,
Line: 30    als auf den hôhen vorhen, und nistent ir sô vil zesamen,   30
Line: 31    daz man oft siben nest oder mêr auf ainem paum siht.
Line: 32    ez sint gar sänft vogel gegen enander, und dâ von be\leibent

Page: 200  
Line: 1    si pei enander. der vogel ist gar schraiig, iedoch
Line: 2    allermaist in der zeit der unkäusch, als in dem lenzen,
Line: 3    und in der selben zeit speist der er die sien vor rehter
Line: 4    lieb. der jungen ruochen flaisch ist guot ze ezzen und
Line: 5    aller pest wenn man in die haut ab gezeuht. Pei dem   5
Line: 6    vogel verstên ich die gaistleichen guoten läut, die fridsam
Line: 7    leben mit enander habent und ainz daz ander speiset gaist\leichen
Line: 8    mit guoter lêr oder leipleichen auch in gotes êr,
Line: 9    und daz geschiht allermaist in der zeit der götleichen lieb.



Chapter / Strophe: 41     41.
Line: 10    
Line: 11    VON DER SWALBEN.



Line: 12    Hirundo haizt ain swalb. der vogel wirt gespeiset
Line: 13    in seim flug von den snâken und von den mucken oder
Line: 14    von den fliegen in dem luft. Isidorus spricht, daz diu
Line: 15    swalb von den grimmen vogeln nümmer gelaidigt werd,   15
Line: 16    reht als ob si hailig sei. wenn den jungen swalben diu
Line: 17    äugel wê tuont, sô pringt in diu muoter ain kraut, haizt
Line: 18    celidonia, daz ist schellkraut, wan daz ist guot zuo den
Line: 19    augen. Plinius spricht, daz allein der vogel flaisch ezz
Line: 20    under allen vogeln, die niht negel habent an den vingern.   20
Line: 21    daz verstên ich von den vogeln, die zemâl niht negel
Line: 22    habent oder klâen. die swalben vliegent über mer und
Line: 23    beleibent den winter dâ, alsô sprechent etleich. si ha\bent
Line: 24    auch wênig flaischs und daz ist swarz und habent
Line: 25    vil federn und grôz flügel und dar umb ist ir flug gar   25
Line: 26    snel. wer der swalben pluot nimt under dem rehten
Line: 27    flügel, daz ist zuo den kranken augen guot. Solînus
Line: 28    spricht, daz diu swalb von nâtûr vor wizz, wenne ain haus
Line: 29    oder ain dach vallen well, und daz fleuht si danne. si
Line: 30    begert auch niht grôzer hœh zuo irm nisten. ez sint   30
Line: 31    etleich swalben, die tragent edel stain in irn leibeln und
Line: 32    ist etleicher der selben stain swarz und etleicher rôt und
Line: 33    haizt celidonius. der stain waz der kraft hab daz wirt
Line: 34    her nâch kunt, wan er ist den môntöbigen läuten guot,

Page: 201  
Line: 1    die ze latein lunatici haizent, und vertreibt die schäd\leichen
Line: 2    fäuhten in dem menschen. wenne man in mit
Line: 3    wazzer wescht, sô kreftigt er diu kranken augen. man
Line: 4    erkent die jungen swalben alsô die den stain habent,
Line: 5    wenn si die snäbel zuo einander habent in dem nest zuo   5
Line: 6    ainem zaichen irs frids gegen einander, wan die andern,
Line: 7    die des stains niht habent, die habent diu häuptel von
Line: 8    enander gekêrt. der swalben mist schatt den augen gar
Line: 9    sêr wenne er dar ein vellt, als man list von dem alten
Line: 10    Tobia, der dâ von plint wart. der swalben kindel sint   10
Line: 11    des êrsten plint. die sien werdent fruhtbær allain von
Line: 12    dem trahten des gailn gelustes. Aristotiles, Plinius und
Line: 13    Adelînus sprechent, sei daz man der swalben kindel plent,
Line: 14    in komen diu augen wider. die swalben werdent niht
Line: 15    haimisch und auch die mäus, und daz ist ain wunder,   15
Line: 16    seind doch der lewe und der elephant haimisch werdent,
Line: 17    die verr grœzer sint. Aristotiles spricht, daz die swal\ben
Line: 18    zwir airn in ainem jâr, iedoch verderbent diu winter\zeiten
Line: 19    von dem frost. daz verstên ich in den landen über
Line: 20    mer, wan pei uns airnt si neur ains mâls.   20



Chapter / Strophe: 42     42.
Line: 21    
Line: 22    VON DEM EIB.



Line: 23    Ibis haizt ain eib. daz ist ain vogel, der izt slangen
Line: 24    und slangenair und dar umb begegent die vogel den
Line: 25    vliegenden slangen, die auz dem land Arabia vliegent,   25
Line: 26    und frezzent si, ê si koment in diu land nâhent pei Arabi,
Line: 27    und dâ von wænent manig gramatici, daz sint der rede
Line: 28    maister, daz ibis ain storch haiz, wan ain storch izt auch
Line: 29    slangen. aber ich wæn, ez sei anderlai vogel, dem stor\chen
Line: 30    geleich an der nâtûr, dar umb, daz die maister von   30
Line: 31    der nâtûr sunderleich von in paiden schreibent. der flie\genden
Line: 32    slangen vergift ist sô snel in irm werk, daz si
Line: 33    den menschen tœtt, ê er des smerzen enpfind. Solînus
Line: 34    spricht, daz der vogel mit dem snabel seineu air geper,

Page: 202  
Line: 1    und wer seineu air izt, der stirbt. Isidorus spricht, daz
Line: 2    der vogel sich selber säuber in dem leib mit seim sna\bel,
Line: 3    alsô daz er des meres wazzer mit seim snabel in
Line: 4    den aftern geuzet und cristiert sich selber. er gêt tag
Line: 5    und naht pei dem mer oder pei andern wazzern und kümt   5
Line: 6    doch dar ein niht, wan er izt neur daz âs, daz auz den
Line: 7    wazzern kümt von vischen und von andern tiern. Pei
Line: 8    den vogeln maht dû verstên die vesten rihter, die mit
Line: 9    irem starken geriht die schedleichen läut vertreibent und
Line: 10    verderbent.   10



Chapter / Strophe: 43     43.
Line: 11    
Line: 12    VON DEM EISVOGEL.



Line: 13    Isida haizt ain eisvogel und hât den namen von sei\ner
Line: 14    stimme, wan er schreit ysi, ysi. der vogel hât zwên
Line: 15    vinger an dem fuoz und krum negel oder klâen dar an,   15
Line: 16    aber er hât ainen klainen slehten snabel. ez ist ain klai\ner
Line: 17    vogel, aber er ist gar schœn an den federn. gemain
Line: 18    läut wænent, wer dem tôten vogel die haut abzieh mit
Line: 19    den federn und spanne si an ain want, sô mauze sich diu
Line: 20    haut all jâr reht als an dem lebentigen eisvogel. Der   20
Line: 21    vogel bedäut die menschen, die ir alt pœs gewonhait le\bendig
Line: 22    niht lâzen wellent, die si doch alsô tôt lâzen
Line: 23    müezent, wan die enpfâhent in genem leben leiden und
Line: 24    pein umb ir wolgelust hie auf erden, und enpfâhent smer\zen
Line: 25    und êwigez trauren umb die kurzen fräud, die si hie   25
Line: 26    habent. auwê, wie ain wehsel daz ist! hilf, parmher\zigeu
Line: 27    muoter, auz disem kauf an unserm letzten end, sô
Line: 28    unser schier vergezzen wirt von aller diser werlt!



Chapter / Strophe: 44     44.
Line: 29    
Line: 30    VON DEM KEICHEN



Line: 31    Kiches haizt ain keich. der vogel hât mangerlai
Line: 32    stimm und verändert sein stimm vil nâhen all tag. wenn

Page: 203  
Line: 1    des selben vogels kinder sô stark worden sint und sô wol
Line: 2    gevidert, daz si gefliegen mügent, sô speisent si vater
Line: 3    und muoter und fristent ir leben in dem nest ân all ir
Line: 4    arbait. Ach got, wie hâst dû uns sô vil lêr geben an
Line: 5    den unvernünftigen crêatûren, dâ mit wir gemant werden   5
Line: 6    zuo tugentleichen werken. der vogel danket vater und
Line: 7    muoter der arbait, die si mit im heten, dô er sich niht
Line: 8    vermoht. nu sach ich ainen priester, der genuog het und
Line: 9    liez seinen vater von haus ze haus peteln gên. owê,
Line: 10    wie klain het der ainem frömden sein almuosen geben   10
Line: 11    mir oder aim andern armen, der doch selber des almuo\sens
Line: 12    ze vil het. pfui dich, dû geschriftlastrær, wâ tuost
Line: 13    dû dein verstantnüss hin?



Chapter / Strophe: 45     45.
Line: 14    
Line: 15    VON DEM LAUREN



Line: 16    Laurus haizt ain laur. der hât zwairlai nâtûr, wan
Line: 17    er lebt in dem wazzer und in dem luft. er swimmet in
Line: 18    dem wazzer und fleuget in dem luft und ist sein glust
Line: 19    in paiden elementen. Pei dem vogel verstên ich ainen
Line: 20    gedultigen menschen, der seinr tugent niht vergizzet in   20
Line: 21    glück und in ungelück. der fleugt in dem glück und
Line: 22    praitt die flügel seinr miltichait über arm läut, aber in
Line: 23    dem ungelück swimmet er und wet in mangem leiden und
Line: 24    ist im sein leiden lustik mit der vernunft durch des lei\dens
Line: 25    willen, daz Christus hât durch in erliten und auch   25
Line: 26    dar umb, daz unglück und glück peidiu ungewis sint und
Line: 27    unstæt.



Chapter / Strophe: 46     46.
Line: 28    
Line: 29    VON DEM LEUZEN.



Line: 30    Lucinia haizt ain leuz. von dem vogel spricht Am\brosius   30
Line: 31    in dem puoch exameron, wenn er seineu air prüett,
Line: 32    sô singet er die langen naht mit gar süezem gesang und

Page: 204  
Line: 1    ist sein mainung, er well seineu air lebendig machen mit
Line: 2    gesang und mit leipleicher hitz. alsô macht der leo
Line: 3    auch seineu welf lebentig mit geschrai, als Augustînus
Line: 4    und ander lêrer schreibent. Pei dem vogel verstên ich
Line: 5    die lêrer, die mit worten und mit werken ir junger le\bentig   5
Line: 6    machent in guoten werken und si schickent in
Line: 7    daz êwig leben. aber laider unser lêrer sagent uns weiz
Line: 8    und würkent swarz.



Chapter / Strophe: 47     47.
Line: 9    
Line: 10    VON DEM WEIEN



Line: 11    Milvus haizt ain wei. der vogel fleugt saim und
Line: 12    swebt in den lüften alsô, daz er die flügel niht vast wegt
Line: 13    in dem flug. der wei ist gar ain zucker und ain rauber
Line: 14    und lâgt aller maist haimischer vogel und ist dem ha\bich
Line: 15    gleich an den kræuln, an den füezen und an dem   15
Line: 16    snabel, aber er hât krum flügel niht aufgereht sam der
Line: 17    habich hât. ain vorscher spricht von dem weien, daz der
Line: 18    wei gar küen sei an klainen dingen, aber an grôzen dingen
Line: 19    sei er zaghaft. in jagt der sparwær, wie daz sei, daz der
Line: 20    wei dreistunt grœzer sei dan der sparwær. der wei mag   20
Line: 21    sein federn niht ab geziehen, er vlieg denne gegen mittem
Line: 22    tag an daz mer und trink des gesalzenn merwazzers; und
Line: 23    dar umb wenne diu zeit kümt, daz er sich mauzen schol,
Line: 24    sô læzt er daz lant seiner wonung und fleugt an die vor
Line: 25    genanten stat, und daz maint Jeronimus, wenn er spricht:   25
Line: 26    der wei hât sein zeit erkant an dem himel. Pei dem
Line: 27    weien verstên ich den sünder, der ist küen zuo allen
Line: 28    kranken werken, daz sint die wolglüst diser werlt, und
Line: 29    ist zaghaft zuo grôzen dingen, diu zuo den êwigen fräu\den
Line: 30    gehœrent. der sündær lâgt aller maist haimischer   30
Line: 31    dinge, daz sint des leibes wolgelüst. der sündær hât
Line: 32    krum flügel ze fliegen all krum weg. die alten federn
Line: 33    zeuht der sünder niht ab, denne er naig sich gegen mit\tem
Line: 34    tag, dâ der sunnen hitz allermaist ist, daz ist gotes

Page: 205  
Line: 1    parmherzichait, wan got ist diu wâr sunne. dâ schol er
Line: 2    trinken des gesalzenn wazzers, daz ist wâreu peiht und
Line: 3    ganzeu rew.
Line: 4    Mein herz pitet mich und mant mich der spiegel
Line: 5    meiner sêl umb sölich zuogâb in disem puoch, und   5
Line: 6    wærleich, ich vermag sein niht wol, wan ich vil arbait
Line: 7    hân in andern künsten, die mir vor frömd wâren, und
Line: 8    auch mit andern dingen, diu mich anvehtent.



Chapter / Strophe: 48     48.
Line: 9    
Line: 10    VON DER MERGANS



Line: 11    Meauca haizt ain mergans. daz ist ain vogel won\haft
Line: 12    in dem mer und ist grœzer denn ain änt und klai\ner
Line: 13    denn ain rehteu gans. der vogel ist girig allermaist
Line: 14    nâch menschleichem âs, und dâ von, wenn ain ungewiter
Line: 15    ist auf dem mer, sô schreit er ân underlâz meauce, meauce,   15
Line: 16    reht sam er sich fräw der läut, die auf dem mer ertrin\kent.
Line: 17    dar umb haizt man in auch meauca nâch seiner
Line: 18    stimm. des aller êrsten vâret er des augen an dem tô\ten
Line: 19    menschen. er lâgt der klainen tierl allermaist, wâ
Line: 20    diu sint gesament. Pei der mergans oder pei der meau\cen   20
Line: 21    verstên ich den pœsen gaist, der wartet unser in disem
Line: 22    ellenden mer der unstæten werlt und fräut sich des krie\ges
Line: 23    und des ungewiters, dâ von wir in tœtleich sünd ge\vallen.
Line: 24    der vârt uns des êrsten der augen, daz ist des
Line: 25    liehtes und der kraft unserr vernunft: wenn er uns dar   25
Line: 26    an verplendet, sô væht er uns leiht.



Chapter / Strophe: 49     49.
Line: 27    
Line: 28    VON DER AMSELN.



Line: 29    Merula haizt ain amsel und hiez hie vor ze latein mo\dula,
Line: 30    daz haizt ze däutsch ain süez sängel, dar umb, daz   30
Line: 31    der vogel süezleich singt und allermaist in dem lenzen,
Line: 32    wan winterzeiten sweigt er als ain stumm. diu haimisch

Page: 206  
Line: 1    amsel izt flaisch wider ir nâtûr und diu singt süezleicher
Line: 2    wan die andern. diu amsel mag kaum gevliegen vor
Line: 3    vaizten in dem winter. si padet sich gern und saubert
Line: 4    sich mit dem snabel und ist doch swarz. si wirt rôt nâch
Line: 5    swarzer varb, allermaist an dem snabel und an den füe\zen.   5
Line: 6    si verändert irn snabel alliu jâr an der varb. ie\doch
Line: 7    hân ich ain weize amsel gesehen, die het mein herr
Line: 8    von Hainberch tuomprobst ze Regenspurch. daz was dâ
Line: 9    von, daz der selb vogel von ainem kalten sâmen komen
Line: 10    was und daz sein vater ain kalt dinch gezzen het, sam   10
Line: 11    pilsensâm ist oder etwaz anderz, oder in der pruot ist ain
Line: 12    kaltez dinch zuo dem ai gevallen, wan in dem selben nest
Line: 13    wâren zwuo swarz amseln und zwuo weiz und ain swar\zeu
Line: 14    diu het ainen weizen zagel. daz aber diu kelten ain
Line: 15    ursach sei der weizen varb an den tiern, des nim war an   15
Line: 16    allen tieren in Norweien lant. daz ist gar ain kaltez lant
Line: 17    und dâ vint man weiz pern, weiz amseln, weiz raben und
Line: 18    vêh aichorn, die in den warmen landem rôt sint und swarz.
Line: 19    dû scholt auch wizzen, daz ainerlai amseln sint, die sint
Line: 20    vil grœzer wan die gemain amseln und sint wol als die   20
Line: 21    tâhen, si habent aber rôt snäbel und rôt füez; die hai\zent
Line: 22    ze latein caprimulgi, daz spricht ze däutsch gaizmelk,
Line: 23    dar umb, daz si in der hirten ställ vliegent und sitzent
Line: 24    auf der gaiz äuter und saugent die milich dar auz, und
Line: 25    von dem raub swint daz äuter und die gaiz verplindent.   25
Line: 26    die selben vogel gesehent under stunden niht, als man sagt.



Chapter / Strophe: 50     50.
Line: 27    
Line: 28    VON DER TAHEN.



Line: 29    Monedula haizt ain tâh und ist ze latein als vil ge\sprochen
Line: 30    als ain münzheb, sam Jacobus spricht, dar umb,   30
Line: 31    daz diu tâch gar gern pfenning auf hebt und hât die
Line: 32    münz liep. wenn diu tâch golt oder silber vint, daz ver\stilt
Line: 33    si und verpirgt ez. sein flaisch ist der art, daz ez
Line: 34    der tâhen ir haupt kräuselnt macht, und dâ von glust si,

Page: 207  
Line: 1    daz man si kräw auf dem haupt. Pei der tâhen verstên
Line: 2    ich die geitigen wuochrær, die tag und naht iren vleiz
Line: 3    und ir lieb auf gelt legent und verpergent ez, daz ez
Line: 4    dick weder in noch andern läuten nütz wirt. von dem
Line: 5    wuochrær spricht her Davit: er schatzsament und waiz   5
Line: 6    niht, wem er ez sament.



Chapter / Strophe: 51     51.
Line: 7    
Line: 8    VON DEM TAUCHERL.



Line: 9    Mergus haizt ain taucherlein, dar umb, daz ez sich
Line: 10    dick tauchet in dem wazzer. Ambrosius spricht, wenn   10
Line: 11    sich diu taucherlein an den grunt oft senkent, daz be\däut
Line: 12    ungewiter, wan si nement diu zaichen der unstæti\kait
Line: 13    an dem grund, und wenn si sehent, daz daz mer
Line: 14    gar ungestüem wil werden, sô vliehent si mit ainem ge\schrai
Line: 15    an daz gestat. daz taucherl hât die art, wenn man   15
Line: 16    ez slahen wil auf dem wazzer, sô tauchet ez sich under,
Line: 17    und bedäut die jungen läut: wenne man die strâfet, sô
Line: 18    entschuldigent si sich mit red und vliehent. ez spricht
Line: 19    ain vorschær, daz diu taucherl in dem winter vaizter sein
Line: 20    dann in dem sumer, dar umb, daz si minner wegung   20
Line: 21    pflegent und mêr ruoent in dem winter denn in dem su\mer,
Line: 22    wan ain iegleich tier fräut sich des liehten lautern
Line: 23    luftes mêr denn des trüeben.



Chapter / Strophe: 52     52.
Line: 24    
Line: 25    VON DEM SPARWÆR



Line: 26    Nisus haizt ain sparwær. daz ist ain edel vogel und
Line: 27    ist klainr an der grœz und an der sterch denne der greif\falk,
Line: 28    der herodius haizt, und habent doch paid ainrlai
Line: 29    varb, sam etleich sprechent. aber die alsô sprechent die
Line: 30    wænent, daz herodius ain gemainer valk haiz, und daz   30
Line: 31    ist niht wâr, als wir hie vor gesagt haben von dem greif\falken.
Line: 32    der sparwer fleuget mit dem falken, wie daz sei

Page: 208  
Line: 1    daz si paid nâhent ain varb haben, wan er ist ain häz\ziger
Line: 2    hôchvertiger vogel, und dar umb versmæht er seineu
Line: 3    geleichen und sein aigen gesläht durchæhtt er reht sam
Line: 4    ainen fremden vogel, und daz ist wider aller anderr vo\gel
Line: 5    siten, wan, sam Aristotiles spricht, ain iegleich raubent   5
Line: 6    vogel vertregt seinem gesläht, sam ain habich aim andern
Line: 7    habich und ain falk aime andern falken, aber des adels
Line: 8    hât der spärwær niht. alsô tuot der pœs mensch, der
Line: 9    seinen næhsten durchæhtt und tœtt. iedoch hât der spär\wær
Line: 10    ain tugent an im, daz er winterzeiten ainen leben\tigen   10
Line: 11    vogel, den er gevangen hât, die ganzen naht helt
Line: 12    under seinen klâen, daz im dester wermer sei, und læzt
Line: 13    in des morgens fliegen. alsô gedenkt er der guottæt, die
Line: 14    er enpfangen hât von dem gevangen vogel, sam Fulgen\tius
Line: 15    spricht. ach wie ain schœn ebenpild daz ist den   15
Line: 16    sänften pärmigen herzen! aber wê den, die allain en\pfangner
Line: 17    guottæt niht gedenkent, sunder si gebent übel
Line: 18    umb guot. der ist laider vil auf erden.



Chapter / Strophe: 53     53.
Line: 19    
Line: 20    VON DER ÄULEN.



Line: 21    Nocticorax haizt ain äul und ist ze latein als vil ge\sprochen
Line: 22    als ain nahtrab, sam Adelînus spricht, und haizt
Line: 23    auch noctua ze latein. der vogel hât die vinstern naht
Line: 24    liep und fleugt mit aufgerihter prust und schreit gar
Line: 25    tüsterleichen. er lebt von mensleicher unsauberkait und   25
Line: 26    singet wider übel, aber daz singen hieze paz greinen und
Line: 27    wainen. er hazzet daz lieht und hebt an ze wachen wenn
Line: 28    andreu tier slâfen gênt, und suocht in der naht sein na\rung.
Line: 29    wan flüg er des tages, sô schriren in all ander
Line: 30    vogel an und liezen in kain ruow haben. er hât ain grôz   30
Line: 31    haupt und daz ist niht geschikt sam anderr vogel haupt.
Line: 32    er hât auch ainen krummen snabel sam ain spärwær und
Line: 33    hât hâkot zehen gar scharpf an den füezen. die äuln
Line: 34    habent gar witzigen streit mit andern vogeln, wan sam

Page: 209  
Line: 1    Plinius spricht, wenn si der mensch oder ander vogel
Line: 2    laidigen wellent, sô vellt si an den ruck und wert sich
Line: 3    mit dem snabel und mit den füezen. aber der habich
Line: 4    hilft ir oft und schaidet den streit von der aigenchait
Line: 5    seiner nâtûr. wenn diu äul kümt in ain insel, haizt Creta,   5
Line: 6    sô stirbt si zehant. ir flaisch ist guot den kranken gli\dern,
Line: 7    diu daz paralis geslagen hât. Pei der äuln verstê
Line: 8    wir all pœs übeltætig läut, sam diep, schâcher, êprecher,
Line: 9    die hazzent daz lieht der wârhait, als unser herr spricht:
Line: 10    wer übel würkt, der hazzet daz lieht.   10



Chapter / Strophe: 54     54.
Line: 11    
Line: 12    VON DEM ANKRÄTEL.



Line: 13    Onocratulus mag ze däutsch ain ankrätel gehaizen.
Line: 14    daz ist ain vogel mit ainem langen snabel und wont in
Line: 15    den landen gegen der sunnen aufganch. wenne der vogel   15
Line: 16    sein stimm üeben wil, sô senkt er sein haupt in daz waz\zer
Line: 17    und rüehelt mit der stimm auz dem wazzer. die vo\gel
Line: 18    sint zwairlai, und ainrlai wont pei dem wazzer und
Line: 19    die andern wonent gern in der wüesten. Aristotiles
Line: 20    spricht, daz under allen vogeln allain dér vogel ân mil\zen   20
Line: 21    sei. Isidorus spricht, daz der vogel gar vil ezzens
Line: 22    in seinen leib vazze, und dar an prüeft man sein geitic\hait
Line: 23    und geleicht in den geitigen menschen. von den
Line: 24    spricht Job: die reichtüem, die si verslunden habent, die
Line: 25    habent si auz gedäut. wenn den vogel hungert, sô zeuht   25
Line: 26    er daz ezzen wider auz dem sack und izt ez anderwaid,
Line: 27    und dar umb muoz er haben etleicheu pälgelein pei dem
Line: 28    snabel, dâ er daz ezzen des êrsten ein schieb und ez dâ
Line: 29    nâch in den rehten leib schieb. wan er hât zwên säck:
Line: 30    den ainen an dem drüzzel, und den andern in dem leib,   30
Line: 31    dâ er daz ezzen inn kocht und däut. alsô habent ander
Line: 32    vogel niht.

Page: 210  



Chapter / Strophe: 55     55.
Line: 1    
Line: 2    VON DEM PELLICAN.



Line: 3    Pellicanus haizt nâch der aigenchait der latein ain
Line: 4    grâhäutel, wan sam Augustînus und Isidorus sprechent,
Line: 5    er hât grâvar federn. der vogel hât die art, daz er gern   5
Line: 6    wont in Egypten lant pei dem wazzer, daz Nilus haizt.
Line: 7    der vogel scherzt mit seinen kindeln von grôzer lieb, die
Line: 8    er zuo in hât, und in dem spil râment im diu kindel der
Line: 9    augen, dâ von wirt er derzürnt und tœt si. dâ nâch zeuht
Line: 10    er sein federn ab und traurt niht ain clain umb seineu   10
Line: 11    kindel und sleht sein prust oder sein seiten mit seinem
Line: 12    snabel, unz daz rôsenvarb pluot dar auz fleuzt, und be\sprängt
Line: 13    diu kindel dâ mit, und alsô macht er si wider le\bentig.
Line: 14    aber ander maister sprechent, daz der vogel sein
Line: 15    pluot vergiez umb seineu kindel wenne si versêrt werdent   15
Line: 16    von ainr slangen, die in lâg setzet. ez sint zwairlai pel\licân.
Line: 17    daz ain ist ain wazzervogel, der lebt der visch;
Line: 18    daz ander ist ain lantvogel, der wont auf dem land und
Line: 19    lebt der slangen. der pellicân lebt von der milch des
Line: 20    cocodrillen und wirt dâ von gespeiset. waz aber ain co\codrill   20
Line: 21    sei, daz wirt her nâch kunt, wenn wir von den
Line: 22    merwundern sagen. wan daz selb tier, ain cocodrill, ist
Line: 23    sô reich an milch, daz er si auz wirft an den steten, dâ
Line: 24    ain pfuol ist oder hüel, und dar umb volgt im der pel\licân
Line: 25    allzeit nâch. etleich maister sprechent, daz er dar   25
Line: 26    umb pellicânus haiz ze latein, wan wenn man sein haut
Line: 27    ab seim flaisch zeuht, sô ist si gestimt reht als si sing,
Line: 28    und nâch der aigenchait möht der vogel ze däutsch haizen
Line: 29    ein velsing. der vogel ist mager, wan als die maister
Line: 30    sprechent, waz er ezzens in sein gedirm nimt, daz gêt   30
Line: 31    als von im ungekochet und dâ von hât er wênig vaizten
Line: 32    und wirt gespeiset von clainem saf seiner narung.
Line: 33    Pei dem pellicân verstê ich unsern herren Jêsum
Line: 34    Christum. der kam in unser ellend, ze scherzen mit uns,
Line: 35    auz dem obern trôn der himel. wie scherzen? treun, mit   35

Page: 211  
Line: 1    grôzen zaichen, diu er tet in Moyses persôn in Egypten
Line: 2    lant in dem rôten mer und in der wüesten, und mit den
Line: 3    zaichen, diu er tet mit andern weishaiten. dô râmeten im
Line: 4    in den werken der gothait unser altväter der augen, daz
Line: 5    ist der übernâtürleichen werken, diu got allain vermag.   5
Line: 6    als wie? treun, dâ versmâhten si in in seinen grôzen
Line: 7    werken und petten ain kalp an gemacht von silber, und
Line: 8    sünten auch mit andern grôzen sünden vor und nâch unz
Line: 9    an die zeit, daz got mensch wart. in der selben zeit
Line: 10    wâren diu kint des edeln pellicâns, daz ist gotes, ze tôd   10
Line: 11    geslagen von im, alsô daz si ümmer muosten leiden in
Line: 12    dem vegfeur, wie grôz rew si hieten umb ir sünd, unz
Line: 13    daz der pellicân, Christus, gotes aingeporner sun, mensch
Line: 14    wart auz dem rainen käuschen taw der zarten rôsen Ma\rie
Line: 15    und seinen leichnam öffent mit dem fluz seins rôsen\varben   15
Line: 16    pluotes in der marter. diu wert mit ainem und
Line: 17    mit dem andern unz an den dritten tag, daz er von dem
Line: 18    mensleichen tôd erstuont. alsô macht er seineu kint wi\der
Line: 19    lebentig von dem êwigen tôd. Der pellicân ist zwair\lai.
Line: 20    der ain ist ain wazzervogel und lebt neur des waz\zers   20
Line: 21    der weishait, daz ist diu gnâd, diu dâ fleuzt von dem
Line: 22    almähtigen prunnen der gothait, und lebt der visch, die
Line: 23    in dem wazzer vliezent, daz sint die hailigen lêr der göt\leichen
Line: 24    geschrift. diu selben wazzervogel sint die hailigen
Line: 25    lêrer, die erläuht werdent, paideu von dem hailigen gaist   25
Line: 26    und der götleichen geschrift, die gotes stat verwesent auf
Line: 27    ertreich und sein reht vitztüem sint ze pinden und ze
Line: 28    lâzen, sam die pfaffen, die löbleich priester sint. der
Line: 29    ander pellicân ist ain lantvogel, der lebt der slangen.
Line: 30    daz ist diu werltleich ritterschaft, diu lebt auf dem land   30
Line: 31    des werltleichen wesens und lebt der slangen, daz ist des
Line: 32    schatzes und des zinses diser werltleicher gezierd. pei den
Line: 33    zwain pellicânen verstê wir diu zwai swert der hailigen chri\stenhait,
Line: 34    daz götleich und daz werltleich. iedoch ist daz
Line: 35    gaistleich verr über daz werltleich, reht als des menschen sêl   35
Line: 36    ist über den leichnam und als diu sunn ist über den mônen.

Page: 212  


Chapter / Strophe: 56     56.
Line: 1    
Line: 2    VON DEM PORPHIRI.



Line: 3    Porphirio haizt ain porphiri. daz ist ain vogel auz
Line: 4    der gewonhait und auz der weis anderr vogel, sam Jo\hannes
Line: 5    der maister spricht, wan er hât ainen praiten fuoz   5
Line: 6    ze swimmen und hât ainen andern gespaltenen fuoz ze
Line: 7    gên auf dem lande, und pei dem verstê wir, daz der
Line: 8    vogel lustig ist in den zwain elementen, auf der erd und
Line: 9    in dem wazzer, wan er swimt in dem wazzer sam die
Line: 10    änten und läuft auf dem land sam diu rephüenr. der   10
Line: 11    vogel hât die art under allen andern vogeln, daz er mit
Line: 12    seim praiten fuoz schöpfet daz wazzer und trenkt sich
Line: 13    selber, reht als ain mensch, der sich trenkt mit seinr
Line: 14    hant, und izt auch mit dem selben fuoz nâch menschlei\cher
Line: 15    art. Pei dem vogel verstên ich ainen gaistleichen   15
Line: 16    menschen, der hât ainen praiten fuoz seinr vernunft, wan
Line: 17    diu vernunft ist begreifleich aller dinge gotes und aller
Line: 18    crêatûr. mit dem fuoz trenkt sich der gaistleich mensch
Line: 19    mit dem wazzer aller gaistleichen werk. pei dem gespal\tenne
Line: 20    fuoz des vogels verstên ich daz wandel der gaist\leichen   20
Line: 21    läut in diser werlt, wan daz ist gespalten und
Line: 22    hât ain wegschaiden zuo den zwain worten: ez ist alsô,
Line: 23    ez ist niht alsô. der zweivel laufet in allen dingen diser
Line: 24    werlt. dâ von spricht sanctus Paulus: 'ich pin oft ver\râten
Line: 25    von den valschen prüedern.'   25



Chapter / Strophe: 57     57.
Line: 26    
Line: 27    VON DEM PFAWEN.



Line: 28    Pavo haizt ain pfâw. daz ist gar ain schœner vogel
Line: 29    und ist ain freunt aller schônhait und rainikait, sam Ari\stotiles
Line: 30    spricht. der vogel hât ainen langen geäugelten   30
Line: 31    zagel und hât ain saphirisch herz an der varb, wan er
Line: 32    hât ain plâw varb an der prust und ist an dem hals gar
Line: 33    liehtvar, reht als ain saphir ist von Orient. der vogel

Page: 213  
Line: 1    hât die art, daz er mit seim geschrai vertreibt alleu ver\giftigeu
Line: 2    tier, wan diu getürrent niht beleiben an den
Line: 3    steten, dâ si sein stimm hœrent. er hât ain graussam
Line: 4    stimm und ain ainfaltigen diepleichen ganch. Augustînus
Line: 5    spricht, daz des tôten pfâwen flaisch ain ganzez jâr frisch   5
Line: 6    beleib und niht vaul, als er spricht in dem puoch von
Line: 7    der stat gotes. er spricht auch, daz des pfâwen flaisch
Line: 8    nümmer vaul werd. Jacobus spricht, wenne man den
Line: 9    pfâwen schawt und in lobt, sô streckt er seinen zagel auf
Line: 10    in ains halben kraizes weis und zaigt seins zagels schœne   10
Line: 11    allermaist gegen der sunnen, wan dâ sint sein varb aller
Line: 12    liehtest und aller klârst. wenn der pfâw seinen zagel
Line: 13    gestreckt hât gegen der sunnen und sein ungestalt füez
Line: 14    ansiht, sô senket er den zagel wider auf die erden. alsô
Line: 15    spricht daz puoch von der aigenchait der ding. der pfâwe   15
Line: 16    verleuset seinen zagel alle jâr und mauzet sich, und in
Line: 17    der zeit sitzet er under ainen paum oder in ainen schaten
Line: 18    gar schämiger an im selber, unz im die selben federn wi\der
Line: 19    gewahsent. iedoch die haimischen laufent an daz lieht,
Line: 20    wie stumpf si sint. Plinius spricht, wenn der pfâw die   20
Line: 21    wol geverbten federn rêrt, sô traurt er und wirt dann
Line: 22    perhaft. wenn der pfâw in der vinster wachet und sich
Line: 23    selber niht gesehen mag, sô erschrikt er und schreit laut,
Line: 24    wan er wænet, er hab sein schœne verlorn. der pfâwe
Line: 25    zerpricht der pfæwinne air von dem lust, den er zuo ir   25
Line: 26    hât. dar umb gepirt si ir air an ainer haimleichen stat.
Line: 27    wenn der pfâw hôch auf steigt, daz ist ain zaichen des
Line: 28    künftigen regens. Aristotiles spricht, daz der pfâw sô
Line: 29    häzzig sei, daz er sein aigeneu kint niht ansehen well
Line: 30    unz daz si krônen auf dem haupt habent und im geleich   30
Line: 31    werdent.
Line: 32    Pei dem pfâwen verstêt man ainen iegleichen hailigen
Line: 33    prelâten, der ist gar schœn und rain an aller gaistleicher
Line: 34    wirdichait und an hailigen werken. der hât ainen langen
Line: 35    geäugelten zagel, daz ist, er hât vil weiser undertân, sam   35
Line: 36    ain pischolf hât pröbst, dechant und ander klain prelâten

Page: 214  
Line: 1    under im, die sint sein augen ze sehen und ze pezzern
Line: 2    allez daz, dâ er selber niht hin geraicht. und des zuo
Line: 3    ainem urkünd und zuo ainem ebenpild tregt man in ir
Line: 4    lang vell nâch in wälhischen landen. die pfâwen habent
Line: 5    saphirisch prüst und häls, daz ist stæter gelaub und stæ\teu   5
Line: 6    werk, wan pei plâwer varb verstê wir gemaincleich
Line: 7    stætikait, wan ez ist ain reht himelvarb. der pischof
Line: 8    schol alleu vergiftigeu tier in seinem pistuom, daz sint
Line: 9    ketzer, wuochrær und alle übeltætige laien und pfaffen,
Line: 10    vertreiben mit seinem geschrai, daz ist mit gaistleichen   10
Line: 11    strâfen und auch mit werltleichem swert, ob sein nôt ge\schiht.
Line: 12    er schol auch siticleichen gên und sleichen sam
Line: 13    ain diep, daz ist, er schol mæzicleichen und mit weisem
Line: 14    vorbetrahten ervorschen übel und guot und dar nâch
Line: 15    rihten. des pfâwen flaisch gefault nümmer, wan als diu   15
Line: 16    geschrift spricht, wer gelêrt ist und die läut lêrt zuo der
Line: 17    gerehtikait, der scheint an dem jungsten tag sam der
Line: 18    schein des liehten himels und sam der lieht sunnen schein
Line: 19    in der êwigen êwichait. wenn man daz haupt der gereh\tikait
Line: 20    ansiht in seinen rehten lautern werken, alsô daz   20
Line: 21    im sein undertân volgent, sô strecket er seinen zagel (daz
Line: 22    sint seineu guoteu werk) und loket sein undertânen üm\mer
Line: 23    in daz êwig leben. aber wenn der pfâw, daz ist der
Line: 24    pischolf, sein aigen füez ansiht (daz sint sein pœs rât\geben),
Line: 25    sô senket er sein schœnen zagel auf die erden,   25
Line: 26    daz ist, er vermæht sein guot pfaffen, die in zuo allen
Line: 27    guoten dingen laitent. der pfâw mauzet sich all jâr alsô,
Line: 28    daz er sein federn seiner hailigen lêr all jâr sträut un\der
Line: 29    sein pfaffen und strâfet si. und wenn er sein lêr
Line: 30    siht in der vinster, daz si niht fruhtpær scheint, sô schreit   30
Line: 31    er mit seinen gaistleichen strâfen. wenn der pfâw (daz
Line: 32    ist der pischof) hôch auf klimmet, daz ist, wenn er sein
Line: 33    strâfen beswært, daz ist ain zaichen künftiges regens, daz
Line: 34    ist künftiger strâf von got. wan Christus gab sant Peter
Line: 35    den gewalt: ʽwaz dû pindest auf ertreich, daz ist gepunden   35
Line: 36    in dem himel, und waz dû ledigst auf ertreich, daz ist

Page: 215  
Line: 1    geledigt in dem himel.' der pfâw (daz ist der pischof)
Line: 2    hât seineu kint niht liep, unz daz si im geleich sint wor\den
Line: 3    mit gehôrsam und mit allen guoten dingen. ich
Line: 4    fürht aber laider, daz auz den pfâwen oft raben werden.
Line: 5    daz müez got erparmen!   5



Chapter / Strophe: 58     58.
Line: 6    
Line: 7    VON DEM REPHUON.



Line: 8    Perdix haizt ain rephuon und hât den namen von
Line: 9    seiner stimm. Jacobus, Ambrosius und Isidorus spre\chent,
Line: 10    daz der vogel gar schalkhaft und ungetrew sei,   10
Line: 11    alsô vil, daz er anderr vogel air nimt und prüett diu auz.
Line: 12    aber diu schalkhait kümt im klain ze nutz, wan sô die
Line: 13    jungen vogel auz den airn sliefent und si hœrent die
Line: 14    stimm irr rehten nâtürleichen muoter, sô lâzent si die
Line: 15    pruothennen und volgent irr rehten muoter. daz rephuon   15
Line: 16    hât ain trucken hirn, mêr dan ander vogel, und dar umb
Line: 17    ist daz rephuon gar vergezzen und klainer gedæhtnüss,
Line: 18    dar umb vergizt ez gar leiht seins nestes und verleuset
Line: 19    seineu air und diu nimt ain ander rephuon und prüett si
Line: 20    auz. wenn ain mensch nâhent zuo des rephuons nest, sô   20
Line: 21    läuft diu si willicleich gegen dem selben menschen und
Line: 22    tuot als ob si krank sei an ainem fuoz oder an ainem
Line: 23    flügel, alsô daz man si zehant gevâhen müg. mit der
Line: 24    lugen betreuget si den menschen, unz er von dem nest
Line: 25    kümt. wenn diu jungen rephüendl sich fürhtent, daz man   25
Line: 26    si vâhen well, sô hebent si die ertschollen auf mit irn
Line: 27    füezen und verpergent sich dar under. wenn die ern mit
Line: 28    enander streitent umb die sien, die denne gesigent, die
Line: 29    fuoztretent die andern und undersetzent si in der un\käusch,
Line: 30    als ob si ir weiblein sein; und in der grôzen hitz   30
Line: 31    der unkäusch vergezzent si der underschaid an weibln
Line: 32    und an männln. diu rephüenr habent die art, wenn si
Line: 33    der vogler vâhen wil, sô denn daz êrst in daz netz kümt,
Line: 34    sô laufent diu andern alle nâch im und sichert sich daz

Page: 216  
Line: 1    nâchvolgent niht pei des vorgênden vall und wirt alsô
Line: 2    betrogen in der gesellschaft. pei dem verstê die tôren
Line: 3    diser werlt, die von pœser gesellschaft dick verlaitt wer\dent
Line: 4    in den êwigen tôt und treun auch dick in ir kurz
Line: 5    leben in diser werlt auf ertreich. dâ von spricht her   5
Line: 6    Davit: 'dû wirst hailig mit dem hailigen und wirst ver\kêrt
Line: 7    mit dem verkêrten.' der rephüenr sien sint alsô
Line: 8    durchhitzt mit unkäusch, daz si zuovâhent neur von dem
Line: 9    smak, der von dem ern gêt. wan sô der wint von den
Line: 10    ern wæt zuo der sien in der zeit irr unkäusch, sô gevæht   10
Line: 11    si zuo. sô deu zeit ist irr unkäusch, sô streckent si ir
Line: 12    züngel zesamen und hitzent alsô sêr in der prunst irs ge\lustes.
Line: 13    und merk, daz gesagt ist von dem rephuon, daz
Line: 14    ez zuo gevâh von dem wind, daz ist auch wâr von den
Line: 15    tauben, von den gensen, von den pfâwen und von den   15
Line: 16    hennen, wan si werdent niht allzeit reht gefügelt wenn
Line: 17    si perhaft air habent. an dem rephuon ist diu prust und
Line: 18    daz ober tail aller pest gesmach, aber daz under tail ist
Line: 19    niht sô guot. Plinius spricht, daz des rephuons gall mit als
Line: 20    vil honges gemischt macht des menschen augen gar klâr.   20



Chapter / Strophe: 59     59.
Line: 21    
Line: 22    VON DEM PRUODER PIRO.



Line: 23    Plumalis avis haizt aigenleich nâch der latein ain
Line: 24    federvogel, dar umb, daz er gar schœn geziert federn
Line: 25    hât, wan sein federn sint gemischt mit gel, weiz und   25
Line: 26    swarz, und ist der vogel an der grœz als ain rephuon.
Line: 27    aber wir haizen in ze däutseh pruoder Piro nâch seiner
Line: 28    stimm, wan er ruoft mit seinr stimm sam er sprech pruo\der
Line: 29    Piro. von dem vogel sprechent etleich, daz er neur
Line: 30    des luftes leb, und ist er doch vaizt. iedoch vint man   30
Line: 31    nihts in seim gedirm. Pei dem vogel verstên ich die reh\ten
Line: 32    christenläut, die neur des luftes der rehten gehôrsam
Line: 33    lebent und der lêr des hailigen rœmischen stuols und
Line: 34    kainen auzweg suochent fremdes gelauben, sam etleich

Page: 217  
Line: 1    ketzer tuont. der reht vest christen schreit ân underlâz:
Line: 2    pruoder Piro, pruoder Piro! waz bedäut daz? treun,
Line: 3    daz wil ich dir sagen. Piro in wälhisch haizt Peter und
Line: 4    sant Peter was der êrst pâbst und ain gruntvest des hai\ligen
Line: 5    rœmischen stuols, als Christus selber hinz im sprach.   5
Line: 6    zuo dem stuol schüll wir alle schreien. wol dann pruo\der,
Line: 7    hie ist Piro, daz ist sant Peter und ain iegleich pâbst
Line: 8    oder priester, der dâ zuo geweiht ist, daz er enpinden mag
Line: 9    den sünder von allen seinen panden.
Line: 10    Auz dem gelauben tretent etleich ketzer, die sich in   10
Line: 11    laienweis ân all weih an nement peiht ze hœren und ze
Line: 12    vergeben den läuten ir sünd, sam heur geschach in dem
Line: 13    jâr dô man zalt von Christi gepürt dreuzehenhundert jâr
Line: 14    und dar nâch in den neunundvierzigisten jâr, dô stuont
Line: 15    ain volk auf, daz hiez man die gaislær, die sluogen sich   15
Line: 16    mit gaiseln alsô nakent und vielen ir venie auf ir prust
Line: 17    und nâmen ir hundert oder zwaihundert oder mêr oder
Line: 18    minner ainen maister, der ain lauter lai was. der selb
Line: 19    hôrt ir peiht und satzt in puoz. wider die selben ketzer
Line: 20    schraib Clemens der pâbst, der sehst seins namen, dem   20
Line: 21    pischolf von Augspurch und aller der christenhait ainen
Line: 22    prief. des selben priefes sin wil ich hie kürzleich begreifen.
Line: 23    Ez ist ain volk daz gaiselt sich und vellt auf die
Line: 24    erden und bekent seiner sünd offenleichen vor allen läu\ten.
Line: 25    daz volk setzt im selber ainen maister aller irrung,   25
Line: 26    von dem nimt ez antlâz seiner sünd. die maister der
Line: 27    valschait stênt auf und predigent wider die gâb der hai\ligen
Line: 28    zwelfpoten, wan got gab den zwelfpoten und der
Line: 29    pfaffhait die gâb allain, daz si daz gotswort scholten pre\digen
Line: 30    und reht lêr vortragen andern läuten. nu werbent   30
Line: 31    die välscher die potschaft gotes, der si doch niht gesant
Line: 32    hât, und alsô laitt ain plinder den andern und vallent
Line: 33    paid in die gruob der êwigen verdampnüss. die äffer
Line: 34    legent ir hant an die archen der hailichait, sam Osa tet,
Line: 35    den got dar umb ertôt. die äffer tuont sam Dathan und   35
Line: 36    Abyron, die daz opfer gotes und diu rauchvaz angriffen,

Page: 218  
Line: 1    die gotes priester anhœrent. dar umb tet sich auf daz
Line: 2    ertreich und verslant si alsô lebentig. wizz, daz die
Line: 3    äffer dem teufel opfernt und niht got dienent. die äffer
Line: 4    wellent den rock tailn unsers herren, der kain stuck noch
Line: 5    kain nât nie gewan, dô in got truog, wan si wellent chri\stenleichen   5
Line: 6    gelauben verändern und verkêrn, und dar umb
Line: 7    versmæht die äffer diu zwelfpotisch lêr, diu dâ spricht,
Line: 8    daz niemant behalten werd auzerhalb des rockes, daz ist
Line: 9    auzerhalb der ainigung der hailigen christenhait. der
Line: 10    rock geleicht der arch der hailichait, wan diu paideu be\däutent   10
Line: 11    die ainigung der hailigen christenhait. wer auz
Line: 12    der funden wirt, sam Jeronimus spricht, der verdirbt in
Line: 13    der sinfluot, daz ist in dem letzsten geriht unsers herren.
Line: 14    die äffer sint die fühs, die unsers herrn Jesu Christi wein\garten
Line: 15    durchhölrnt und durchgrabent, von den spricht her   15
Line: 16    Davit in dem psalter: ain sunderleich wilt hât den wein\garten
Line: 17    abgefrezt. die äffer sint die fühs, die dâ wonent
Line: 18    in dem trucken tiergarten, dâ kain wazzer ist, daz ist dâ
Line: 19    kain weishait ist und kain rehteu lêr. die äffer tuont
Line: 20    wider Samuelis lêr des weissagen, der dâ sprichet: ʽge\hôrsam   20
Line: 21    ist pezzer denn kain leipleich opfer.' wann si sint
Line: 22    dem rœmischen stuol und got ungehôrsam. die äffer sal\zent
Line: 23    mit verworfem salz, daz zuo nihtiu nütz ist denn
Line: 24    daz man ez hin werf und daz ez die läut under die füez
Line: 25    treten, wan ez ist niht ain salz der weishait, ez ist ain   25
Line: 26    salz der irrung und der êwigen unsælichait. die äffer
Line: 27    wolten sant Peters keten zeprechen, daz ist, den vesten
Line: 28    gelauben wolten si vertilgen. die äffer sint die wâren
Line: 29    geleichsnær, die von andern läuten wellent geêrt werden,
Line: 30    als ob si kunst und gewalt und hailichait haben, und   30
Line: 31    sint doch rôch, ungelêrt, ungeweiht, verluocht gepaurn,
Line: 32    wan si tuont wider die offenne lêr unsers herren Jesu
Line: 33    Christi, der dâ spricht durch des weissagen munt: 'ir
Line: 34    sült rewig sein in ewern ruokämerleinne,' und spricht in
Line: 35    dem êwangeli: 'wenn dû deinen vater anruofen wellest,   35
Line: 36    sô gê in dein kämerlein und rüef in an mit beslozner

Page: 219  
Line: 1    tür.' und dô er zehen auzsetzel gesunt machet, dô sprach
Line: 2    er: 'gêt und zaigt euch den priestern.' er sprach niht:
Line: 3    gêt und zaigt euch den rôhen gepauern und den ketzern.
Line: 4    wider die äffer hât Amos der weissag gesprochen auz
Line: 5    gotes mainung: 'ich hân gehazzet und versmæht ewer   5
Line: 6    hôchzeitleiche tag und wil ewer opfer niht.' von den
Line: 7    spricht auch Beda über diu êwangeli Mathei: 'wer sich
Line: 8    schaidet von der ainung und von der gemain des hailigen
Line: 9    herren sant Peters, der mag niht enpunden werden von
Line: 10    seinen sünden und mag nümmer in der himel fräud ko\men.'   10
Line: 11    dar umb hât der vorgenant pâbst gepoten, wâ die
Line: 12    äffer hin komen und iriu werk üeben, dâ schol man drei
Line: 13    tag ungesungen sein. nu hab diu red ain end von den
Line: 14    gaislærn.



Chapter / Strophe: 60     60.
Line: 15    
Line: 16    VON DER AGLASTERN.



Line: 17    Pica haizt ain aglaster oder ain alster. daz ist gar
Line: 18    ain kündiger vogel, als Plinius spricht. man izt die jun\gen
Line: 19    alstern gern, dar umb, daz diu augen clâr werdent.
Line: 20    iedoch siedent si niht wol, man zieh in dann die haut ab.   20
Line: 21    die alstern habent kurz flügel und lang zägel. si deckt
Line: 22    ir nest und læzt zwai fenster dar ein gên: datz dem ainen
Line: 23    fleugt si ein, datz dem andern streckt si irn zagel auz.
Line: 24    Plinius spricht, daz der vogel in dem augst tobend werd,
Line: 25    alsô daz er sich selber erhenke ze stunden in den dorn\püschen.   25
Line: 26    in welhem häe oder garten die alster nistet,
Line: 27    dâ meldet si die haimleich wonenden läut mit ainem
Line: 28    grôzen geschrai. wenn si gevangen wirt in der jugent,
Line: 29    sô lernt si mensleicheu wort und stirbt mangeu von der
Line: 30    swærikait für ze pringen etleicheu wort. Pei dem vogel   30
Line: 31    verstêt man die läut, die sich mêr an nement wan si vol\pringen
Line: 32    mügent und beswærent sich mit fremden pürden,
Line: 33    die si niht angehœrent. der siht man mangen grœzleich
Line: 34    vallen.

Page: 220  



Chapter / Strophe: 61     61.
Line: 1    
Line: 2    VON DER SPERKEN.



Line: 3    Passer haizt ain sperk. der vogel hât die art, wenn
Line: 4    er auf der erden sitzt und vliegen wil, sô stœzt er die
Line: 5    erden mit den füezen und erhebt sich dan in die lüft. er   5
Line: 6    wirt gar snell zornig, aber der zorn wert nit lang, sam
Line: 7    ain vorscher spricht. die sperken sint mêr hitziger nâtûr
Line: 8    denn all ander vogel, und dar umb enzündent si daz
Line: 9    pluot und machent ez auz wallend, und dâ von sint si
Line: 10    auch gar unkäusch. dar umb habent si den namen ze   10
Line: 11    latein passer, daz ist ain leider, wan welhez tier diu prunst
Line: 12    der unkäusch vil rüert, daz hât vil leidens. dar umb spre\chent
Line: 13    die weisen: minner, martrer. des vogels mist ist
Line: 14    gar hitzig an dem auzwurf, aber er wirt gar snell kalt,
Line: 15    und bedäut die läut, die ain klain weil gelaubent und ze\hant   15
Line: 16    wider vallent, sam die bekêrten juden. ez bedäut
Line: 17    auch all kurzrewig läut, die an ainr predig haiz wainent
Line: 18    und zehant wider vallent. diu spirch kochet gar schier
Line: 19    in dem magen ir ezzen und dar umb wirt si selten vaizt.
Line: 20    si leident auch in etleichen landen daz vallend leit. daz   20
Line: 21    geschiht allermaist dâ von, daz si ezzent den sâmen ius\quiami,
Line: 22    daz haizt pilsensâm. si beraubent die tauben irr
Line: 23    nest. wenn die jungen spirken auz vliegent des êrsten,
Line: 24    sô helfent in die andern alten spirken, die nâhent pei in
Line: 25    genist habent, und volgent irn vätern und müetern, reht   25
Line: 26    als getrew nâchgepaurn, der sich ainr des andern êr und
Line: 27    nutz fräuet, und helfent die jungen spirken füeren, daz
Line: 28    si iht vallen.



Chapter / Strophe: 62     62.
Line: 29    
Line: 30    VON DER NAHTIGAL



Line: 31    Phylomena haizt ain nahtigal. diu ist sô lustig in
Line: 32    irm gesang, daz si selten izzet. aber wenn si izt, daz
Line: 33    tuot si gar snell und fürdert sich wider zuo dem gesang.

Page: 221  
Line: 1    si singet neur in dem lenzen, daz ist in der zeit von sant
Line: 2    Peters tag, als er auf den stuol gesetzt wart, unz an sant
Line: 3    Urbans tag und dar nâch die rehten sumerzeit, aber in
Line: 4    dem winter singt si nümmer. si singt gar ämsicleich und
Line: 5    gar fräuenleich über ir kraft alsô grœzleich, daz si sô   5
Line: 6    krank wirt, daz si sterben muoz, und welt ê den tôt, ê
Line: 7    daz si von irm gesang lâz. dar umb haizt si ze kriechi\scher
Line: 8    sprâch phylοmena, daz ist sô vil gesprochen sam
Line: 9    ain liepswinderinne, wan si swindet und nimt ab von reh\ter
Line: 10    lieb irs gesanges unz in den tôt. dû scholt auch   10
Line: 11    wizzen, daz zehant wenn diu nahtigal geunkäuscht hât,
Line: 12    sô verleuset si die klârhait irr stimm, sam Plinius spricht,
Line: 13    und gewinnet ain ander stimm und verändert auch ir
Line: 14    varb. diu nahtigal unkäuscht etswenn mit der spirken
Line: 15    und læzt sich drucken von der spirken. ach, wölt got,   15
Line: 16    daz ich des niht west von dem zarten vogel! diu nah\tigal
Line: 17    hât ain gar dünn zungen, daz kain ander vogel sô
Line: 18    ain dünne zungen hât. Pei der nahtigal verstên ich die
Line: 19    rehten maister der geschrift, die tag und naht mit übe\rigem
Line: 20    grôzem gelust lesent die geschrift und tihtent new   20
Line: 21    lêr alsô vast, daz irs leibes kraft abnimt und ir antlütz
Line: 22    plaich wirt. wenn die unkäuschent und si die sperken
Line: 23    diser werlt druckent, daz sint diu unkäuschen weip, sô
Line: 24    verändernt si ir stimm guoter lêr und enpfärwent sich
Line: 25    paideu leipleich und gaistleich.   25



Chapter / Strophe: 63     63.
Line: 26    
Line: 27    VON DEM SITICH.



Line: 28    Psitacus haizt ain sitich, daz ist ain vogel in Inden
Line: 29    lant, sam Jacobus und Solînus sprechent, und ist grüener
Line: 30    varb, aber sein halskraiz ist rôtvar und vil nâhent golt\var.   30
Line: 31    er hât ain grôz prait zungen und dar umb macht
Line: 32    er auch gestuckteu wort sam ain mensch, als schôn, sæhst
Line: 33    dû sein niht, dû wændest, ez wær ain mensch. er grüezt
Line: 34    den menschen und spricht: ave chere, daz spricht in wäl\hisch:

Page: 222  
Line: 1    got grüez dich, lieber, oder er grüezt mit andern
Line: 2    worten als er gelernt hât. iedoch lernt er in dem êrsten
Line: 3    oder in dem andern jâr allermaist und helt diu wort
Line: 4    allerlengst. des vogels snabel ist sô hert, daz er sich dâ
Line: 5    mit widerhabt auf ainem herten stain, wenn man in dar   5
Line: 6    auf wirft. er hât auch ain sô stark haupt, daz in die
Line: 7    läut mit ainem eisneinn zainl slahen müezent, wenn si
Line: 8    in twingen wellent, daz er menschleich stimm lern. er
Line: 9    ätzt sich selber mit seim fuoz als ain mensch mit der hant.
Line: 10    er nist auf dem perg Gelboe, dar umb, daz ez dar auf   10
Line: 11    nümmer geregent, wan er mag des regens niht gedulden,
Line: 12    wie daz sei, daz er ander wazzer leidt, iedoch stirbt er
Line: 13    von dem regenwazzer. er hüett seines swanzes mit grô\zem
Line: 14    vleiz und saubert sein federn gar mit vleiz mit sei\nem
Line: 15    snabel. die alleredelsten habent fünf zehen an den   15
Line: 16    füezen, aber die unedeln habent neur drei zehen. Aristo\tiles
Line: 17    spricht, daz der sitich gern wein trink und ist gar
Line: 18    ain unkäuscher vogel, und daz ist niht ain wunder, wan
Line: 19    der wein ist ain ursach der unkäusch. ez spricht auch
Line: 20    Aristotiles, wenn der vogel trunken wirt von wein, sô   20
Line: 21    schawet er gern junkfrawen an und ist an dem anplick
Line: 22    gar lustig.



Chapter / Strophe: 64     64.
Line: 23    
Line: 24    VON DEM STRAUZEN.



Line: 25    Strucio haizt ain strauz und haizt in kriechischer   25
Line: 26    sprâch assida und haizt auch camelοn, dar umb, daz er
Line: 27    gespalten füez hât als ain kämmel. der vogel hât die
Line: 28    art, wenn diu zeit kümt, daz er airt, sô hebt er seineu
Line: 29    augen auf gegen dem himel und schawet, ob der stern
Line: 30    aufgangen sei, der virgilia haizt, wan er legt sein air   30
Line: 31    niht unz der stern aufgegangen ist, dar umb, daz der
Line: 32    selb stern aufgêt sumerzeiten in dem häumônn, der ze
Line: 33    latein julius haizt, und sô ist daz ertreich warm. in der
Line: 34    selben zeit legt der strauz seineu air und verpirgt si in
Line: 35    den warmen sant und gêt dâ von und vergizt der air an   35

Page: 223  
Line: 1    der stat und kümt niht wider zuo den airn, wan ez ist
Line: 2    gar ain vergezzen vogel von nâtûr, und dar umb legt
Line: 3    er seineu air in der warmen zeit, daz im daz warm frid\sam
Line: 4    weter daz arbait und auch auzpring, daz er selber
Line: 5    sitzend ob den airn sölt auzprüeten. dar umb sô diu air   5
Line: 6    erwarmt werdent von der sunnen in dem sant, sô sliefent
Line: 7    jungeu sträuzel dar auz und die alten nerent si dan. der
Line: 8    strauz hât federn gevar als ain habich oder ain valk,
Line: 9    aber er ist træg ze fliegen. er izt eisen und verdäut daz,
Line: 10    wan er ist gar haizer nâtûr. er hazzet diu pfärd von   10
Line: 11    nâtûr und laidigt si wâ er mag, und dar umb fürhtent
Line: 12    in diu pfärt gar sêr und hazzent in alsô vast, daz si in
Line: 13    niht getürrent angesehen. der strauz läuft sô snell auf
Line: 14    der erd, daz er ain pfärt fürläuft, und wenn er gêt, sô
Line: 15    hebt er die flügel über sich. Plinius spricht, daz der   15
Line: 16    strauzen federn gar dünne sein. si habent auch augen\prâwn
Line: 17    an irn augen. si habent auch gezwiselt klâen an
Line: 18    irn füezen, dâ mit begreifent si stain wenn man si jaget
Line: 19    und werfent die jäger dâ mit. si sint sô tôrot, daz si
Line: 20    neur ir haupt verpergent in ainen pusch und wænent denn,   20
Line: 21    si haben sich zemâl gar verporgen, reht als der vasant
Line: 22    tuot. man spricht auch, daz der strauz mit ainem augen
Line: 23    den himel anseh und mit dem andern die erden. er hât
Line: 24    auch gar ain grôzez starkez pain in der prust in ains schil\tes
Line: 25    weis. daz hât im diu nâtûr gegeben zuo ainem schirm   25
Line: 26    seins grozen leibes, wan er ist nâhent als grôz sam ain
Line: 27    mitelmæziger esel. Plinius spricht, daz der strauz von
Line: 28    nâtûr kal werd und plôz; aber er hât ain sô dick haut,
Line: 29    daz in niht freuset, wenn er von den federn enplœzt wirt.



Chapter / Strophe: 65     65.
Line: 30    
Line: 31    VON DEM WUTSCH ODER ÄMRINCH.



Line: 32    Strix haizt aigenleich nâch der latein ain säuser oder
Line: 33    ain zandklaffer, und hât den namen von seinr stimm, sam
Line: 34    Isidorus spricht, wan sô er singt, sô säuset er mit der

Page: 224  
Line: 1    stimm, reht als ob er den luft durch die zend seih. dar
Line: 2    umb spricht Lucânus, daz der træg auf und der nähtleich
Line: 3    säuser klägleich singen, und dar umb sprechent etleich,
Line: 4    daz der säuser ain nahtvogel sei. aber daz ist niht wâr,
Line: 5    wan er fleugt des tages und singt auch an dem tag su\merzeiten,   5
Line: 6    und Lucânus haizt in dar umb nähtleich, daz
Line: 7    er als slæfleich singt, wan all säusend stimm machent
Line: 8    slâfend. dar umb säusent die ammen irn kinden pei den
Line: 9    wiegen. der vogel haizt auch ama oder ze däutsch ain
Line: 10    amer oder ain ämerinch nâch der latein (wan amor haizt   10
Line: 11    lieb) dar umb, daz der vogel seineu kinder gar liep hât.
Line: 12    iedoch müg wir sprechen, daz strix oder ama der naht\vogel
Line: 13    sei, der in etleicher däutsch wutsch haizt oder ain
Line: 14    stainäul, und ist ainr äulen geleich, danne daz er klainer
Line: 15    ist, und wenn er schreit, sô schreit er zitterent hu hu hu,   15
Line: 16    als ob in friese oder er zandklaffe vor froscht. der vo\gel
Line: 17    hât die art wider allen andern vogeln, daz er seinen
Line: 18    kinden ain fäuhten eintropft sam milch, wenn er si fuort
Line: 19    und speist, reht als diu tier, diu ireu kint seugent. der
Line: 20    vogel hieze wol aigenleich nâch der latein der zitrær oder   20
Line: 21    der zandklaffer von seiner stimm oder von seinem geschrai.
Line: 22    der sin ist gereht und mit dem bestêt der vorgeschriben
Line: 23    spruch Lucâni, und schüll wir sprechen, daz zwairlai vo\gel
Line: 24    sein, die ze latein strix haizent. der ain schol haizen
Line: 25    strix diurna, daz ist ain ämerinch, der ander strix noc\turna,   25
Line: 26    daz ist ain wutsch oder ain stainäul. iedoch seind
Line: 27    der ämerinch ain klainr vogel ist, sô mag er ze latein
Line: 28    stridula haizen und der wutsch schol strix haizen.



Chapter / Strophe: 66     66.
Line: 29    
Line: 30    VON DEM STARN



Line: 31    Sturnus haizt ain star. Plinius spricht, daz die starn
Line: 32    klain vogel sein, snell ze vliegen, und sint swarz vogel
Line: 33    mit weizen sprekeln. si vliegent scharot mit ainander
Line: 34    und in dem flug machent si ainen sinweln haufen, alsô

Page: 225  
Line: 1    daz iegleicher begert, daz er in der mitt sei. daz tuont
Line: 2    si durch der habich willen, die in lâg setzent. si besam\nent
Line: 3    sich des âbends und habent ain grôzez murmeln mit
Line: 4    enander und ruoent des nahtes, aber des morgens hebent
Line: 5    si an ze murmeln und dâ nâch tailnt si sich in klain   5
Line: 6    schar und fliegent an ir waid. si tuont auch grôzen
Line: 7    schaden in den weingarten herbstzeiten.



Chapter / Strophe: 67     67.
Line: 8    
Line: 9    VON DEM TROGOPEL.



Line: 10    Trogopales haizt ain trogopel. Solînus spricht, daz   10
Line: 11    der selb vogel in der môrn lant won, daz ze latein
Line: 12    Ethiopia haizt, und sei grœzer denn ain adlar und hab
Line: 13    hörner als ain wider. mit den hörnern verjagt er und
Line: 14    vertreibt all die vogel, die im wider sint. er ist eisenvar
Line: 15    an den vedern. er hât ain haupt als ain fenix, ân daz   15
Line: 16    er hörner vorn dar an hât, als wir vor gesprochen haben.



Chapter / Strophe: 68     68.
Line: 17    
Line: 18    VON DER TURTELTAUBEN.



Line: 19    Turtur haizt ain turteltaub. der vogel ist gar käusch
Line: 20    und schämig. diu si hât irn gemahel liep und helt im   20
Line: 21    allain trew, alsô vil, daz si ir kain ander liep nimt wenn
Line: 22    er gestirbt. und wenn si witib ist, sô fleugt si neur auf
Line: 23    die dürren est der paum und waint und ist traurig und
Line: 24    singt niht. si laidigt kainen vogel und ist ze mâl gar
Line: 25    gedultig wider all die vogel, die si laidigent. si macht   25
Line: 26    gar auz ain wênig ästleinen ain nest, dar inn si ruowet
Line: 27    und ir air auzprüett. Ambrosius spricht, daz diu turtel\taub
Line: 28    auzwendig umb ir nest ains krautes pleter werf, daz
Line: 29    haizt ze latein squilla und haizt merzwifal, als her nâch
Line: 30    kunt wirt, wenn wir von der kräuter kraft sagen. daz   30
Line: 31    tuot diu turteltaub dar umb, daz diu tier irn kinden iht
Line: 32    schaden, wan diu tier vliehent diu vergiftigen pleter des
Line: 33    krautes. der turteltauben art ist, wer ir pluot nimt auz

Page: 226  
Line: 1    dem rehten flügel und tuot ez dem menschen in sein
Line: 2    krank augen, den ist ez hilfleich. diu turteltauben mü\gent
Line: 3    niht wol gevliegen in dem wind, der von mittem
Line: 4    tag wæt, daz ist der sudenwint und haizt ze latein auster.
Line: 5    Pei der turteltauben verstên ich ain rain pider weip,   5
Line: 6    diu allain irm ainigen liep trew helt und ist gedultig mit
Line: 7    allen weipleichen zühten. si schilt sich mit niemant,
Line: 8    hœrt aber si oder siht ain unzuht von andern läuten, sô
Line: 9    wirt ir antlütz rôsenvar und schämt sich umb fremd un\zuht.
Line: 10    diu frawe schol ain vergiftigz kraut legen umb ir   10
Line: 11    haus und umb ir wonung, daz all aufmacherinne und
Line: 12    pœs werberinne oder werber vliehent. eyâ, waz ist daz
Line: 13    kraut? treun, vester muot und niht ôrnaigen und ver\slahen
Line: 14    mit rehtem ernst und mit zühtigem zorn allez üp\pigz
Line: 15    werben und unrainen schimpf. wer der zarten tur\teltauben   15
Line: 16    pluot nimt (daz sint ir weipleich gepærd) auz
Line: 17    irm rehten flügel (daz ist auz der klârhait irr vernunft
Line: 18    und auz irr weipleichen gestalt) und tuot ez in diu kran\ken
Line: 19    augen der krankmüetigen frawen, die werdent ge\sehent,
Line: 20    wan si schawent ir sünd und ir unzuht an in   20
Line: 21    selber in aime fremden spiegel, der ân mail ist. diu
Line: 22    fraw mag niht gevliegen, daz ist, si mag sich niht geüeben
Line: 23    an dem wind gegen mittem tag, daz ist gegen der hitz
Line: 24    der unstætichait.



Chapter / Strophe: 69     69.
Line: 25    
Line: 26    VON DER FLEDERMAUS.



Line: 27    Vespertilio haizt ain fledermaus und ist sô vil ge\sprochen
Line: 28    ze latein sam ain vespervliegerinne, dar umb,
Line: 29    daz si des âbends gern fleugt sumerzeiten; in dem win\ter
Line: 30    lauzet si. diu fledermaus hât kain vedern an dem   30
Line: 31    leib noch an den flügeln. si ist ainer maus aller ding
Line: 32    geleich. der vogel under allen vogeln gepirt allain seineu
Line: 33    kint als ain geperndez gêndez tier und säugt seineu kint
Line: 34    ân daz er fleugt sam ain vogel und die flügel habent ain
Line: 35    häutel, daz spannt sich und streckt sich in dem flug.   35

Page: 227  
Line: 1    Plinius spricht, daz der fledermäus pluot gar guot sei
Line: 2    wider der slangen vergift oder wider irn piz, wenn man ez
Line: 3    mischt mit ainem carduo. stüend aber dâ: mit coriandro,
Line: 4    daz wær ain anderz, als her nâch kunt wirt von den
Line: 5    kräutern. ez spricht auch Plinius, daz die fledermaus   5
Line: 6    scharrent stet suocht oder unrüewig stet mit kleppern und
Line: 7    mit hämern, daz ze latein strepidus haizt. ir pluot macht
Line: 8    hârplôz, wâ ez an die gehærten haut kümt. si hât auch
Line: 9    zend, der hât dehain ander vogel mêr. diu vleder\maus
Line: 10    ist in India in dem lant grœzer denn ain taub und   10
Line: 11    hât zend als ain mensch, dâ mit zereizt si daz mensch
Line: 12    under den augen und peizt im die nasen ab oder die ôrn
Line: 13    oder ander glider. Pei der fledermaus verstên ich die
Line: 14    valschen nâchreder, die den läuten in der vinster, daz ist
Line: 15    haimleichen, ir êr abpeizent und verderbent in daz ant\lütz   15
Line: 16    irs guoten leumundes und irs löbleichen namens.
Line: 17    wê den verluochten fledermäusen, war umb vliegent si
Line: 18    niht an daz lieht?



Chapter / Strophe: 70     70.
Line: 19    
Line: 20    VON DEM KLAGVOGEL



Line: 21    Ulula haizt ain klagvogel, dar umb, sam Isidorus
Line: 22    spricht, wan sô er rüeft oder schreit, sô tuot er sam er
Line: 23    wain oder klag, und bedäutt sein stimm ungelük, aber
Line: 24    sein sweigen bedäutt glük. alsô sprechent die vogelweisen,
Line: 25    die ze latein augures haizent, daz sint die sich annement   25
Line: 26    künftigeu dinch ze sagen von der vogel quiteln und von
Line: 27    irem gesang; aber ez ist oft valsch und vælt. Pei dem
Line: 28    vogel verstên ich die argen strâfer, die den läuten kainen
Line: 29    schimpf noch kain werk ze guot kêrent und all zeit ver\kêrent
Line: 30    zuo dem pœsten.   30



Chapter / Strophe: 71     71.
Line: 31    
Line: 32    VON DEM WIDHOPFEN.



Line: 33    Upupa haizt ain widhopf. der vogel ist uns verpoten
Line: 34    in der ê, daz wir sein iht ezzen, sam Isidorus spricht,

Page: 228  
Line: 1    wan ez ist ain unrain vogel. er nistet in unrainikait und
Line: 2    verunraint auch sein aigen nest. aber ez ist ain schœner
Line: 3    vogel und hât ainen vedreinen kamp auf dem haupt, den
Line: 4    füert er sam ainen gekrœnten helm. in dem winter ist
Line: 5    er verporgen und ist ain stumm, aber in dem sumer und   5
Line: 6    in dem lenzen sô ist er gar ungestüem mit seim geschrai
Line: 7    und hât neur ain gesank und ain stimm, wan er singet
Line: 8    neur hoz hoz hoz, sam der gauch singt guck guck.
Line: 9    ich hân auch dick gemerkt ze Megenperch, dô ich ain
Line: 10    kindel was, daz die zwên vogel zuo enander sâzen und   10
Line: 11    sungen mit aim wehsel, der gauch vor, der widhopf nâch,
Line: 12    und wând ich, der widhopf wær des gauches roz und daz
Line: 13    si stætes pei ainander wæren. die gar alten widhopfen
Line: 14    setzent sich in der jungen geviderten nest und mauzent
Line: 15    sich und sô speisent si die jungen, unz si wider koment   15
Line: 16    ze kreften. ez sprechent auch die maister, daz die jungen
Line: 17    widhopfen ain ander tugent haben gegen den alten, wan
Line: 18    sô die alten vor alter niht mêr gesehen mügent, sô prin\gent
Line: 19    die jungen ain kraut, daz ist von nâtûr in bekant,
Line: 20    und salbent der alten augen dâ mit, sô werdent si wider   20
Line: 21    gesehent. Jacobus spricht, wer den slâf an dem haupt
Line: 22    mit des widhopfen pluot salbt und gêt slâfen, sô be\dunket
Line: 23    in in dem slâf, daz in die pœsen gaist tœten
Line: 24    wellen. des widhopfen herz ist den zaubrærn gar nütz
Line: 25    und den haimleichen übeltætigern, aber daz schüll wir   25
Line: 26    niht auzlegen, ob got wil, ez sagt auch unser puoch ze
Line: 27    latein niht.
Line: 28    Pei dem widhopfen verstên ich ainen iegleichen men\schen,
Line: 29    der schœn pœs ist und ain unstætez herz hât, ich
Line: 30    main, der ainez in dem herzen hât und redt ain anderz   30
Line: 31    mit dem mund. die selben rüefent vast in dem sumer,
Line: 32    dâ si ez guot habent und in niemant begegent; aber dâ
Line: 33    si kempfen schüllent oder rehten mit den guoten, dâ
Line: 34    verstumment si. pfui dich, dû Schanden ritter, dû seist
Line: 35    lai oder pfaff, wie tregst dû der êren krôn in valschait   35
Line: 36    ân manleichz herz und ân alle wârhait!

Page: 229  



Chapter / Strophe: 72     72.
Line: 1    
Line: 2    VON DEM GEIRN.



Line: 3    Vultur haizt ain geir. des vedern habent die art, ist
Line: 4    daz man si prennt in aim feur, sô vliehent die slangen von
Line: 5    dem smack, sam Plinius spricht. er spricht auch, welher   5
Line: 6    mensch des geirn herz an seiner seiten hab, der sei sicher
Line: 7    vor den pœsen tiern und vor den slangen und vor andern
Line: 8    würmen. die geir smeckent daz âs über mer, reht als der
Line: 9    adlar tuot. Isidorus spricht, der geir vârt des augen des
Line: 10    allerêrsten auf dem âs. er volgt den raisern, dar umb,   10
Line: 11    daz er des âses vol werd, und fräut sich urleuges und
Line: 12    streites. der geir hât die art, wenne er gewechset, sicht
Line: 13    er daz sein muoter kranch ist und niht wol gevliegen
Line: 14    mag, sô tœtt er si. er hât auch die art, ist, daz ain ander
Line: 15    vogel, der halt wol sterker ist dan er, im seineu kindel   15
Line: 16    laidigen wil, sô wâget er sein leben umb diu kindel und
Line: 17    sleht mit den flügeln und wundet mit den kräuln. diu
Line: 18    muoter wert den kinden die stat, dâ si geporn sint, wenne
Line: 19    si nu gevidert sint. daz tuot si umb die narung, wan ain
Line: 20    par der vogel, daz ist ain er und ain si, bedürfent ainer   20
Line: 21    weiten stat zuo irr narung. si raubt auch niht an den
Line: 22    steten, die nâhent pei irm nest sint, dar umb, daz si die
Line: 23    läut, die ir nâchgepaurn sint, iht erzürn wider sich selber.
Line: 24    wenn der geir raubet, sô füert er den raup niht zehant,
Line: 25    er versuocht vor, wie swær er sei, und mag er den raup   25
Line: 26    gefüern, sô füert er in dann. Rabanus spricht, daz et\leich
Line: 27    geir perhaft sein ân unkäusch, alsô daz sich der er
Line: 28    niht veraint noch vermischet mit der sien, und leben iriu
Line: 29    kint hundert jâr. Plinius spricht, daz der geir raub von
Line: 30    mittem tag unz ze naht und ruow von morgens unz zuo   30
Line: 31    mittem tag, alsô daz er nihts niht raub. wenn er altet,
Line: 32    sô wehst im daz obertail an dem snabel über daz under\tail,
Line: 33    alsô daz er den snabel niht auf mag getuon, und sô
Line: 34    muoz er sterben vor hunger, wan er wetzet seinen snabel
Line: 35    niht an die stain sam der adlar tuot und kan sein unge\mach   35

Page: 230  
Line: 1    niht vertreiben, dar umb muoz er sterben. etleich
Line: 2    sprechent, wenn der geir wizze, daz er sterben müez, sô
Line: 3    verslind er sein aigen hirn, dar umb, daz ez den läuten
Line: 4    niht nütz werd, wan ez ist guot wider daz paralis. ist
Line: 5    daz er seineu kint vaizt siht, wenn er dan müezig ist,   5
Line: 6    sô hacket er in die füez niden auf mit dem snabel, dar
Line: 7    umb, daz si wider mager werden. er streit mit dem
Line: 8    greiffalken oder mit dem gemeinen valken und vellt auf
Line: 9    in; aber der falk ist im ze behend und ze snel, und dar
Line: 10    umb entweicht er dem geir, sô er auf in platzen wil, sô   10
Line: 11    mag sich der geir niht wider gehalten und stœzt sich ze
Line: 12    tôd. seind auch der geir alliu âs und allerlai gefügel
Line: 13    angreift, dar umb schäuht er der strick niht und der
Line: 14    vâchvallen. Ambrosius spricht, daz der geir des men\schen
Line: 15    tôd mit etleichen zaichen vor prüef. wan sô ain   15
Line: 16    her mit dem andern streiten wil, sô volgent die geirn
Line: 17    nâch, als ob si bedäuten, daz vil läut erslagen wer\den.
Line: 18    aber ich wæn, daz si daz haben von ainer gewon\hait,
Line: 19    dar umb, daz die alten daz vor gesehen habent,
Line: 20    oder si müezent ez haben von ainem einvall der nâtûr,   20
Line: 21    als vil anderr tier sint, diu künftigeu dinch bedäutent.
Line: 22    Pei dem geir verstên ich die geitigen zucker und geniezer,
Line: 23    si sein laien oder pfaffen, die sich anderr läut schaden
Line: 24    fräuwent, dar umb, daz si vol werden.
Line: 25    Mit der red haben die vogel nu ain end.   25




Next part


This text is part of the TITUS edition of Konrad von Megenburg, Buch der Natur.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.