TITUS
Skeireins
Part No. 8
Previous part

Page of edition: 8 
Line of edition: 1    ... πŒ°πŒΉπŒ½πƒπŒ·πŒΏπŒ½ πŒΏπƒπŒ»πŒ°πŒ²πŒΉπŒ³πŒ° 𐌰𐌽𐌰 𐌽𐌰 πŒ·πŒ°πŒ½πŒ³πŒΏπŒ½πƒ, 𐍄 π…πŒ΄πŒΉπŒ·πŒ°πŒΉ 𐌰𐌿𐌺 πŒΉπƒ πŒΌπŒ°πŒ·π„πŒ°πŒΉ πŒΏπŒ½πŒ°πŒ½πŒ°πƒπŒΉπŒΏπŒ½πŒΉπŒ±πŒ°
   ... (ains)hun uslagida ana <i>na handuns, <a>t weihai auk is mahtai unanasiuniba

Line of edition: 2    πŒΏπŒ½πƒπŒ΄πŒ»πŒ΄πŒΉπŒ½ 𐌹𐌢𐌴 𐌽𐌰𐌿𐌷 πŒ³πŒΉπƒπƒπŒΊπŒ°πŒΉπŒ³πŒ°πŒ½πŒ³πŒ΄πŒΉπŒ½ 𐌾𐌰𐌷 𐌽𐌹 πŒΏπƒπŒ»πŒ°πŒΏπŒ±πŒΎπŒ°πŒ½πŒ³πŒ΄πŒΉπŒ½ π†πŒ°πŒΏπ‚ 𐌼𐌴𐌻 πƒπŒΉπŒΊ 𐌲𐌰𐌷𐌰𐌱𐌰𐌽.
   unselein ize nauh disskaidand(e)in jah ni uslaubjandein faur mel sik gahaban.

Line of edition: 3    πŒ²πŒ°πŒ»πŒΉπŒΈπŒΏπŒ½ 𐌸𐌰𐌽 𐌸𐌰𐌹 πŒ°πŒ½πŒ³πŒ±πŒ°πŒ·π„π‰πƒ 𐌳𐌿 𐌸𐌰𐌹𐌼 πŒ°πŒΏπŒ·πŒΏπŒΌπŒΉπƒπ„πŒ°πŒΌ 𐌲𐌿𐌳𐌾𐌰𐌼 𐌾𐌰𐌷 π†πŒ°π‚πŒ΄πŒΉπƒπŒ°πŒΉπŒΏπŒΌ.
   galiΓΎun (ΓΎan) ΓΎai andbahtos du ΓΎaim auhumistam gudjam jah Fareisaium.

Line of edition: 4    πŒΈπŒ°π‚πŒΏπŒ· 𐌡𐌴𐌸𐌿𐌽 𐌳𐌿 𐌹𐌼 𐌾𐌰𐌹 𐌾𐌰𐌹𐌽𐌰𐌹: 𐌳𐌿𐍈𐌴 𐌽𐌹 πŒ°π„π„πŒ°πŒΏπŒ·πŒΏπŒΈ 𐌹𐌽𐌰?
   ΓΎaruh qeΓΎun du im [jai] jainai: duΖ•e ni attauhuΓΎ ina?

Line of edition: 5    πŒ½πŒ³πŒ·π‰π†πŒΏπŒ½ 𐌸𐌰𐌽 𐌸𐌰𐌹 πŒ°πŒ½πŒ³πŒ±πŒ°πŒ·π„π‰πƒ πŒ΅πŒΉπŒΈπŒ°πŒ½πŒ³πŒ°πŒ½πƒ: πŒΈπŒ°π„πŒ΄πŒΉ 𐌽𐌹 𐍈𐌰𐌽𐌷𐌿𐌽 πŒ°πŒΉπ… π‚π‰πŒ³πŒΉπŒ³πŒ° 𐌼𐌰𐌽𐌽𐌰 πƒπ…πŒ°πƒπ…πŒ΄
   <a>ndhofun ΓΎan ΓΎai andbahtos qiΓΎandans: ΓΎatei ni Ζ•anhun aiw rodida manna swaswe

Line of edition: 6    πƒπŒ° 𐌼𐌰𐌽𐌽𐌰.
   sa manna.

Line of edition: 7    πƒπ‰πŒ· 𐌸𐌰𐌽 πŒ°πŒ½πŒ³πŒ°πŒ·πŒ°π†π„πƒ 𐌳𐌿 πŒ²πŒ°πƒπŒ°πŒ·π„πŒ°πŒΉ, 𐌼𐌰𐌹𐌢𐌿𐌷 𐌸𐌰𐌽 𐌳𐌿 πŒ°π†πŒ³π‰πŒΌπŒ΄πŒΉπŒ½πŒ°πŒΉ 𐌾𐌰𐌹𐌽𐌰𐌹𐌢𐌴 𐌿𐌽𐌲𐌰𐌻𐌰𐌿𐌱𐌴𐌹𐌽𐌰𐌹
   soh ΓΎan andahafts du gasahtai, maizuh ΓΎan du afdomeinai jainaize ungalaubeinai

Line of edition: 8    π…πŒ°π‚πŒΈ.
   warΓΎ.

Line of edition: 9    πŒ°πŒ½πŒ³πŒ·π‰π†πŒΏπŒ½ 𐌰𐌿𐌺 𐌾𐌰𐌹𐌽𐌰𐌹𐌼 πŒ°πŒ½πŒ°πŒ·πŒ°πŒΉπ„πŒ°πŒ½πŒ³πŒ°πŒΌ 𐌹𐌼, 𐌹𐌽 𐌸𐌹𐌢𐌴𐌹 𐌽𐌹 πŒ°π„π„πŒ°πŒΏπŒ·πŒΏπŒ½ 𐌹𐌽𐌰, 𐌽𐌹 πŒ°πŒ½πŒ³πƒπŒΉπ„πŒ°πŒ½πŒ³πŒ°πŒ½πƒ
   andhofun auk jainaim anahaitandam im, in ΓΎizei ni attauhun ina, ni andsitandans

Line of edition: 10    πŒΎπŒ°πŒΉπŒ½πŒ°πŒΉπŒΆπŒ΄ πŒΏπŒ½πƒπŒ΄πŒ»πŒ΄πŒΉπŒ½, 𐌸𐌹𐌢𐌴 πŒ°πŒ½πŒ°πŒ·πŒ°πŒΉπ„πŒ°πŒ½πŒ³πŒ°πŒ½πŒ΄ 𐌹𐌼, 𐌰𐌺 πŒΌπŒ°πŒΉπƒ πƒπŒΉπŒ»πŒ³πŒ°πŒ»πŒ΄πŒΉπŒΊπŒΎπŒ°πŒ½πŒ³πŒ°πŒ½πƒ π†πŒΉπŒ½πƒ πŒ»πŒ°πŒΉπƒπŒ΄πŒΉπŒ½,
   jainaize unselein, ΓΎize anahaitandane im, ak mais sildaleikjandans fins laisein,

Line of edition: 11    πƒπ…πŒΉπŒΊπŒΏπŒ½πŒΈπŒ°πŒ±πŒ° 𐌹𐌽 𐌰𐌻𐌻𐌰𐌹𐌼 𐌰𐌻𐌰𐌼𐌰𐌽𐌽𐌰𐌼 π†πŒ°πŒΏπ‚πŒ°π…πŒΉπƒπŒ°πŒ½ π‚πŒ°πŒ·πŒ½πŒΉπŒ³πŒ΄πŒ³πŒΏπŒ½.
   swikunΓΎaba in allaim alamannam faurawisan rahnidedun.

Line of edition: 12    πŒΉπŒΈ 𐌾𐌰𐌹𐌽𐌰𐌹 𐌹𐌽 πŒΏπŒ½πƒπŒ΄πŒ»πŒ΄πŒΉπŒ½πƒ πƒπŒ΄πŒΉπŒ½πŒ°πŒΉπŒΆπ‰πƒ 𐌱𐌰𐌻𐌸𐌴𐌹𐌽 𐌹𐌢𐌴 𐌽𐌹 πŒΏπƒπŒΈπŒΏπŒ»πŒ°πŒ½πŒ³πŒ°πŒ½πƒ 𐌼𐌹𐌸 πŒ·πŒ°π„πŒΉπŒΆπŒ° πŒ°πŒ½πŒ³πŒ·π‰π†πŒΏπŒ½
   iΓΎ jainai in unseleins seinaizos balΓΎein ize ni usΓΎulandans miΓΎ hatiza andhofun

Line of edition: 13    π…πŒΉπŒΈπ‚πŒ° πŒΉπŒ½πƒ πŒ΅πŒΉπŒΈπŒ°πŒ½πŒ³πŒ°πŒ½πƒ: 𐌹𐌱𐌰𐌹 𐌾𐌰𐌷 πŒΎπŒΏπƒ πŒ°π†πŒ°πŒΉπ‚πŒΆπŒΉπŒ³πŒ°πŒΉ πƒπŒΉπŒΏπŒΈ?
   wiΓΎra ins qiΓΎandans: ibai jah jus afairzidai siuΓΎ?

Line of edition: 14    πƒπŒ°πŒΉ, 𐌾𐌰𐌿 πŒ°πŒΉπŒ½πƒπŒ·πŒΏπŒ½ 𐌸𐌹𐌢𐌴 π‚πŒ΄πŒΉπŒΊπŒ΄ 𐌲𐌰𐌻𐌰𐌿𐌱𐌹𐌳𐌴𐌳𐌹 𐌹𐌼𐌼𐌰 𐌰𐌹𐌸𐌸𐌰𐌿 𐌸𐌹𐌢𐌴 π†πŒ°π‚πŒ΄πŒΉπƒπŒ°πŒΉπŒ΄, 𐌰𐌻𐌾𐌰 𐍃𐍉
   sai, jau ainshun ΓΎize reike galaubidedi imma aiΓΎΓΎau ΓΎize fareisaie, alja so

Line of edition: 15    πŒΌπŒ°πŒ½πŒ°πŒ²πŒ΄πŒΉ, 𐌸𐌰𐌹𐌴𐌹 𐌽𐌹 𐌺𐌿𐌽𐌽𐌿𐌽 π…πŒΉπ„π‰πŒΈ, π†π‚πŒ°πŒ΅πŒΉπŒΈπŒ°πŒ½πŒ°πŒΉ πƒπŒΉπŒ½πŒ³.
   managei, ΓΎaiei ni kunnun witoΓΎ, fraqiΓΎanai sind.

Line of edition: 16    πŒΈπ‰πŒ· 𐌸𐌰𐌽 𐌼𐌹𐌸 πŒ±πŒ°πŒΉπ„π‚πŒ΄πŒΉπŒ½πƒ πŒΈπ…πŒ°πŒΉπ‚πŒ·πŒ΄πŒΉπŒ½πƒ π‚π‰πŒ³πŒΉπŒ³πŒ΄πŒ³πŒΏπŒ½, 𐌹𐌽 𐌸𐌰𐌼𐌼𐌴𐌹 πŒ»πŒΉπŒΏπŒ²πŒ°πŒ½πŒ³πŒ°πŒ½πƒ πŒ±πŒΉπŒ²πŒΉπ„πŒ°πŒ½πŒ³πŒ°,
   ΓΎoh ΓΎan miΓΎ baitreins ΓΎwairhein(s) rodidedun, in ΓΎammei liugandans bigitanda,

Line of edition: 17    πŒ΄πŒΉ 𐌽𐌹 πŒ°πŒΉπŒ½πƒπŒ·πŒΏπŒ½ π‚πŒ΄πŒΉπŒΊπŒ΄ 𐌰𐌹𐌸𐌸𐌰𐌿 π†πŒ°π‚πŒ΄πŒΉπƒπŒ°πŒΉπŒ΄ 𐌲𐌰𐌻𐌰𐌿𐌱𐌹𐌳𐌴𐌳𐌹 𐌹𐌼𐌼𐌰, πŒ°π„ 𐌽𐌴𐌹𐌺𐌰𐌿𐌳𐌰𐌹𐌼𐌰𐌿 𐌱𐌹
   ei ni ain(s)hun reike aiΓΎΓΎau fareisaie galaubidedi imma, at neikaudaimau bi

Line of edition: 18    πŒ²πŒ°π‚πŒ΄πŒ·πƒπŒ½πŒ°πŒΉ πŒ²πŒΈπƒ 𐌡𐌹𐌼𐌰𐌽𐌳𐌹𐌽 πŒ°π„ 𐌹𐌼𐌼𐌰 𐌹𐌽 πŒ½πŒ°πŒ·π„ 𐌾𐌰𐌷 𐌼𐌹𐌸 𐌱𐌰𐌻𐌸𐌴𐌹𐌽 π†πŒ°πŒΏπ‚ πƒπŒΏπŒ½πŒΎπŒ°
   garehsnai g(u)ΓΎs qimandin at imma in naht jah miΓΎ balΓΎein faur sunja

Line of edition: 19    πŒΉπŒ½πƒπŒ°πŒΊπŒ°πŒ½πŒ³πŒΉπŒ½ 𐌾𐌰𐌷 𐌡𐌹𐌸𐌰𐌽𐌳𐌹𐌽 𐌹𐌼: 𐌹𐌱𐌰𐌹 π…πŒΉπ„π‰πŒΈ πŒΏπŒ½πƒπŒ°π‚ πƒπ„π‰πŒΎπŒΉπŒΈ 𐌼𐌰𐌽𐌽𐌰𐌽 πŒΊπ„πŒ» 𐌾𐌰𐌷 πŒ»π‰πƒ πŒ°π„ 𐌾𐌰𐌹𐌽𐌰𐌹𐌼 𐌡𐌹𐌸𐌰𐌽𐌳𐌰𐌼
   insakandin jah qiΓΎandin im: ibai witoΓΎ unsar stojiΓΎ mannan [ktl jah los] at jainaim qiΓΎandam

Line of edition: 20    πŒΈπŒ°π„πŒ΄πŒΉ 𐌽𐌹 πŒ°πŒΉπŒ½πƒπŒ·πŒΏπŒ½ 𐌸𐌹𐌢𐌴 π‚πŒ΄πŒΉπŒΊπŒ΄ 𐌾𐌰𐌷 π†πŒ°π‚πŒ΄πŒΉπƒπŒ°πŒΉπŒ΄πŒΉ 𐌲𐌰𐌻𐌰𐌿𐌱𐌹𐌳𐌰, 𐌽𐌹 π†π‚πŒ°πŒΈπŒΎπŒ°πŒ½πŒ³πŒ°πŒ½πƒ πƒπ‰πŒΊπŒΏ πŒΈπŒ°π„πŒ΄πŒΉ πƒπŒ°
   ΓΎatei ni ainshun ΓΎize reike jah Fareisaiei galaubida, ni fraΓΎjandans sok[u] ΓΎatei sa

Line of edition: 21    π‚πŒ°πŒΉπŒ·π„πŒΉπƒ π†πŒ°π‚πŒ΄πŒΉπƒπŒ°πŒΉπŒΏπƒ π…πŒ°πƒ 𐌾𐌰𐌷 π‚πŒ°πŒ²πŒΉπŒ½πŒ΄πŒΉπƒ 𐌾𐌿𐌳𐌰𐌹𐌴 𐌾𐌰𐌷 πŒ°πŒΉπŒ½πƒ π‚πŒ΄πŒΉπŒΊπŒ΄ πŒΏπƒπ„πŒ°πŒΉπŒΊπŒ½πŒΉπŒΈπƒ πŒΏπƒ 𐌸𐌰𐌹𐌼
   raihtis Fareisaius was jah ragineis Judaie jah ains reike ustaikniΓΎs us ΓΎaim

Line of edition: 22    π†π‚πŒ°πŒ΅πŒΉπŒΈπŒ°πŒ½πŒ°πŒΌ π…πŒ°πƒ πŒ²πŒ°πŒ»πŒ°πŒΏπŒ±πŒΎπŒ°πŒ½πŒ³πƒ π†πŒΉπŒ½, 𐌳𐌿 πŒ²πŒ°πƒπŒ°πŒ·π„πŒ°πŒΉ 𐌾𐌰𐌹𐌽𐌰𐌹𐌢𐌴 πŒΏπŒ½πƒπŒ΄πŒ»πŒ΄πŒΉπŒ½πƒ π†πŒ°πŒΏπ‚ 𐌹𐌽𐌰
   fraqiΓΎanam was galaubjands fin, du gasahtai jainaize unseleins faur ina

Line of edition: 23    π‚π‰πŒ³πŒΎπŒ°πŒ½πŒ³πƒ.
   rodjands.

Line of edition: 24    πŒΉπŒΈ πŒ΄πŒΉπƒ 𐌽𐌹 πŒΏπƒπŒΈπŒΏπŒ»πŒ°πŒ½πŒ³πŒ°πŒ½πƒ πŒΈπ‰ πŒ²πŒ°πƒπŒ°πŒ·π„ πŒ°πŒ½πŒ³πŒ·π‰π†πŒΏπŒ½ πŒ΅πŒΉπŒΈπŒ°πŒ½πŒ³πŒ°πŒ½πƒ: 𐌹𐌱𐌰 𐌾𐌰𐌷 𐌸𐌿 πŒΏπƒ 𐌲𐌰𐌻𐌴𐌹𐌻𐌰𐌹𐌰 πŒΉπƒ?
   iΓΎ eis ni usΓΎulandans ΓΎo gasaht andhofun qiΓΎandans: iba jah ΓΎu us Galeilaia is?

Line of edition: 25    πŒΏπƒπƒπ‰πŒΊπŒ΄ 𐌾𐌰𐌷 πƒπŒ°πŒΉπˆ πŒΈπŒ°π„πŒ΄πŒΉ ...
   ussoke jah saiΖ• ΓΎatei ...

This text is part of the TITUS edition of Skeireins.

Copyright TITUS Project, Frankfurt a/M, 17.11.2023. No parts of this document may be republished in any form without prior permission by the copyright holder.