TITUS
The Shatberd Codex
Part No. 33
Previous part

Chapter: A_1  
Page of ed.: 129  
Line of ed.: 4  
ა̂. თუალი სარდიონი


Line of ed.: 5        სარდიონ ამის გამო ერქუმის, რომელ ბაბილოვ[ნ]ს [იპოვების], რომლისაჲ
Line of ed.: 6     არს ხილვაჲ მისი მეწამულ, რამეთუ ფერსა და სახელსა თევზისასა სახელ-ედვა,
Line of ed.: 7     რომლისაჲ არს ფერი მისი სარდიონ-თევზისაჲ, ფერი სისხლისაჲ. რაჟამს
Line of ed.: 8     განაჴმიან თევზი იგი, იქმნის ფერი მისი, ვითარცა სისხლი. და ხილვითა
Line of ed.: 9     მით მიმსგავსებითა დაედვა სახელი თევზსა მას სარდიონ. ასურასტანს იპოვების.

Line of ed.: 10        და არს თავადი იგი თუალი მბრწყინვალების გამომცემელ და ძალი
Line of ed.: 11     კურნებისაჲ აქუს, რომელი მკურნალთა მიიღიან და დასდვიან საკურნებელად
Line of ed.: 12     და განაცოცხლიან მით მსივანებანი და გამოსხმული. და სხუაჲ-ცა წყლულებაჲ
Line of ed.: 13     კუეთილი მახჳლითა. დაასხიან მისგანი და მოსცხიან. და ცხებითა მით
Line of ed.: 14     წყლულებანი განიკურნნიან.

Line of ed.: 15        არს სხუა თუალ, რომელსა ჰრქჳან სარდიონ-ფრცხილ. და რომელთა-მე
Line of ed.: 16     ჰრქვან მას მოლოქას ფერისა მისთჳს და ძალისა, რომელ აქუს მსგავსება
Line of ed.: 17     ჭაკუნტლისა. Ms. page: 61v   რამეთუ რომელთა სჳან მისგან, მოაჩჩჳს მუცელი და
Line of ed.: 18     ჴსნილად უპყრიედ. და თჳთ Page of sec. ed.: 7  ფერი მისი არს ვითარცა მწუანვილისაჲ მის.
Line of ed.: 19     და რაოდენ ნოტიაებაჲ მისწუდის, უმეტჱს განაბრწყინის სიმწუანჱ თჳსი,
Line of ed.: 20     უფროჲს-ღა ჟამთა ზაფხულისათა და დღეთა აღვსებისათა.

Line of ed.: 21        არს სხუა-ცა თუალ მსგავსი ამათსა, რომელსა ჰრქჳან სარდაკად, რომელსა
Line of ed.: 22     ყოვლად-ვე აქუს სისპეტაკისა ფერი რაჲმე, ვითარცა თუალსა მას აკადსა, და
Line of ed.: 23     იქცევის. რაჲმე არს თავადი, ვითარ თქჳან, ბოროტ, და ერქუა მას დამამშჳდებელ.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.