TITUS
Zamagirk
Part No. 4
Previous part

Page: 8   Line: 1     Մեղայ հոգւովս եւ զօրութեամբ սորա. մտօքս եւ
Line: 2     շարժմամբ սորա. մարմնովս եւ զգայութեամբ սորա։

Line: 3     Մեղայ զօրութեամբ հոգւոյս. խորամանկութեամբ,
Line: 4     անզգամութեամբ, յանդգնութեամբ եւ երկչոտութեամբ,
Line: 5     շռայլութեամբ եւ ժլատութեամբ, զեխութեամբ եւ
Line: 6     անիրաւութեամբ. չարահաւանութեամբ,
Line: 7     յուսահատութեամբ եւ թերամտութեամբ, մեղայ
Line: 8     Աստուծոյ։

Line: 9        Մեղայ չար խորհրդով մտացս. նենգութեամբ,
Line: 10     ատելութեամբ, խեթիւ, մախանօք, յաչաղանօք,
Line: 11     թուլութեամբ, պոռնկական խորհրդով, արուական,
Line: 12     իգական, անասնական, գրաստական, գազանական, ի գիշերի
Line: 13     եւ ի տուընջեան. երազական գիջութեամբ, եւ անրջական
Line: 14     գարշ աղտեղութեամբ, մեղայ Աստուծոյ։

Line: 15        Մեղայ ցանկութեամբ մարմնոյս. հեշտութեամբ,
Line: 16     պղերգութեամբ, յօրանջմամբ քնոյ, շարժութեամբ
Line: 17     մարմնոյս, եւ զազրագործութեամբ ի պէս պէս ախտս.
Line: 18     հեշտալրութեամբ լսելեացս, արատութեամբ աչացս,
Line: 19     ցանկութեամբ սրտիս, իգութեամբ ռնգացս,
Line: 20     պագշոտութեամբ բերանոյս. անժուժկալութեամբ,
Line: 21     շուայտութեամբ, եւ արբեցութեամբ, մեղայ Աստուծոյ։

Line: 22        Մեղայ չարաբանութեամբ լեզուիս. ստախօսութեամբ,
Line: 23     սուտ երդմամբ, երդմնազանցութեամբ, հակառակութեամբ,
Line: 24     վիճաբանութեամբ, բանսարկութեամբ, շոգմոգութեամբ,
Line: 25     քսու, դատարկաբանութեամբ,
Next part


This text is part of the TITUS edition of Zamagirk.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.