TITUS Texts: Hagiographical Texts from Synaxaria, ed. by K. Kekelidze

TITUS
Hagiographical Texts from Synaxaria, ed. by K. Kekelidze
Part No. 3

Text: Orent.soc.
Martyrium Orentii et sociorum eius

On the basis of the edition in
Ḳ. Ḳeḳeliʒe,
Eṭiudebi ʒveli kartuli liṭeraṭuris isṭoriidan IV,
Tbilisi 1957,
324-325
electronically prepared by Nino Chakhvashvili,
Tbilisi, 1.4.2015;
TITUS version by Jost Gippert,
Frankfurt a/M, 16.5.2015

Manuscripts:
Ms. A = A-193, 246b-247b;
Ms. B = A-626, 457-459

Page of ed.: 324
Page of ms. A: 246b
Page of ms. B: 457
Line of ed.: 1   თთუესა ივნისსა კ̂გ. წმიდისა მოწამისა ორენტისი და
Line of ed.: 2   ძმათა მისთაჲ

Section: (1)
Line of ed.: 3        წმინდაჲ ორენტი და ექუსნი ძმანი მისნი: ეროს, ფარნაკი, ფირმოს, ფირ\მინოს,
Line of ed.: 4     კჳრიაკოს და ლონგინოზ, იყვნეს დეოკლიტიანეს და მაქსიმიანესზე,
Line of ed.: 5     კერძოთაგან აღმოსავალისათა, ხოლო მჴედრობდეს გუნდსა შინა ათას ორასთა
Line of ed.: 6     ტირიონთასა როდონ კუვუკლარისა ქუეშე, ქალაქსა შინა ანტიოქიას, და მერმე
Line of ed.: 7     მოვიდეს კერძოთა თრაკისათა და დაეწესნეს სპასა შინა ლეგეანდროჲსსა. ხოლო
Line of ed.: 8     იქმნა მას ჟამსა ზედამოსლვაჲ, რომელთა წიაღმოვლეს დანობი და
Line of ed.: 9     წარტყუენეს თრაკი. რამეთუ მას ოდენ ჟამსა მომკუდარიყო დეოკიტიანე { Page of ms. A: 247a   }
Line of ed.: 10     და მაქსიმიანეს დაეპყრა ორთავე მეფობაჲ. ამისთჳსცა ზრუნვასა და უღონოე\ბასა
Line of ed.: 11     სასტიკსა მიეცა, უფროჲსღა მარმარუთ, სკჳთთა მთავრისათჳს, რომელი
Line of ed.: 12     იყო კაცი გოლიათი { Page of ms. B: 458 } და ძლიერი. რამეთუ ეტყოდა იგი მეფესა ვითარმედ "გა\მოავლინე
Line of ed.: 13     ვისიცა გნებავს და ვიბრძოლნეთ მარტოჲს-მარტო, და რომელმანცა
Line of ed.: 14     ვსძლიოთ, მასცა დაემორძჩილენ ძლიერებაჲ ბრძოლთაჲ". ამისათჳს, ვითარცა
Line of ed.: 15     ვთქუ, დიდსა საურავსა და მწუხარებასა შინა იყო, რამეთუ ვერვინ იკადრებდა
Line of ed.: 16     ბრძოლასა პირველჴსენებულისა მის ბარბაროზისასა.

Section: (2)
Line of ed.: 17        მაშინ ყოველთა მიერ წმიდაჲ ორენტი გამორჩეულ იქმნა, ვითარცა
Line of ed.: 18     ახოვანი და ძლიერი და ბრძოლათა შინა გამოცდილი, რამეთუ იყოცა სანა\ტრელი
Line of ed.: 19     ესე ქველ და გოლიათ და მძლე წინააღმდგომთ წყობასა შინა. ხო\ლო
Line of ed.: 20     იგი განვიდა და ქრისტეს სარწმუნოებაჲ, ვითარცა საჭურველ, შეიმოსა.
Line of ed.: 21     და ვითარცა ეწყო ბარბაროზსა მას, მეყსეულად დასცა იგი, რამეთუ ლახვარი
Line of ed.: 22     განავლო გულსა მისსა და მახჳლითავე მისითა მოჰკუეთა თავი მისი და მეფესა
Line of ed.: 23     მიუძღუანა და ძლევაჲ დიდი აღადგინა, რომლისათჳსცა მეფემან მსხუერპლსა
Line of ed.: 24     ძლევისასა კერპთა მიმართ შეწირვად ბრძანა. ხოლო წმიდამან ორენტი კადნი\ერად
Line of ed.: 25     აღიარა, ვითარმედ "არა ცუდთა ღმერთთა შეწევნითა, არამედ ძალითა
Line of ed.: 26     ქრისტესითა დავამხუ ზუავი იგი და უკეთური ბარბაროზი". ესმა რაჲ ესე მეფე\სა,
Line of ed.: 27     ფრიად შეწუხნა. გარნა მას ჟამსა შეიკდიმა დიდისა მისგან ახოვნებისა და
Line of ed.: 28     სარტყელი მოქადულისა მის ბარბაროზისაჲ, დიდფასისაჲ ფრიად, სხუათა
Line of ed.: 29     საბოძუართა თანა სამეუფოთა მიანიჭა წმიდასა ორენტის. ხოლო უკუანაჲ\სკნელ,
Line of ed.: 30     ვინაჲთგან ქრისტეს სარწმუნოებისაგან ვერ უძლო განყენებად მისა,
Line of ed.: 31     წარსცა იგი სატალეველთა ქალაქსა, რომელ არს სომხითისაჲ, ექუსთა ძმათა
Line of ed.: 32     მისთა თანა, და მიუწერა დუქსსა მას, რომელი იყო მუნ, ვითარმედ "განიკითხნე
Line of ed.: 33     რაჲ, უკუეთუ დაიჯერონ გებაჲ კერპთჲ, ჩემდავე წარმოავლინენ უკუეთუ კულა
Line of ed.: 34     არა დაირწმუნონ, წარავლინენ იგინი ექსორიად ქუეყანასა აფხაზეთისასა { Page of ms. A: 247b   }
Page of ed.: 325
Line of ed.: 1     ჯიქეთისასა". და ესრეთ { Page of ms. B: 459 } ბრძანებისაებრ მეფისა მიჰრაჲყვანდეს იგინი მგზავრ,
Line of ed.: 2     ვითარცა მიიწინეს ადგილსა, რომელსა ბანაკებ ეწოდების, წმიდაჲ ეროს, უხუ\ცესი
Line of ed.: 3     ძმაჲ, უფლისა მიმართ მიიცვალა თთუესა ივნისსა კბ. ხოლო წმიდაჲ
Line of ed.: 4     ორენტი რიზეონს რაჲ მიიწია, მოება ლოდი ქედსა მისსა და შთაიგდო ზღუასა,
Line of ed.: 5     რამეთუ ესრეთ განეჩინა მისთჳს. არამედ გარდამოსლვითა წმიდისა რაფიელ
Line of ed.: 6     მთავარანგელოზისაჲთა ჴმელად განვიდა უვნებელი და აღვიდა კლდესა ზედა
Line of ed.: 7     და ილოცა უფლისა მიმართ და აღმოუტევა წმიდაჲ სული თჳსი და მუნვე
Line of ed.: 8     დაეფლა თთუესა ივნისსა კდ. ეგრეთვე წმიდაჲ ფარნაკი კორდილოს რაჲ მი\იწია,
Line of ed.: 9     უფლისა მიმართ მიიცვალა თთუესა ივლისსა გ. ხოლო ფირმოს და
Line of ed.: 10     ფირმინოს აფსარონს რაჲ მივიდეს, საწუთროჲსა ცხოვრებისგან განვიდეს ზ
Line of ed.: 11     ივლისისა თთჳსსა. ხოლო წმიდაჲ კჳრიაკოს მოვიდა რაჲ ოვსეთისა ქუეყანასა,
Line of ed.: 12     ადგილსა, რომელსა ზიღანეოს ეწოდების, ძილი იგი მართალთაჲ დაიძინა იდ
Line of ed.: 13     ივლისისასა. ეგრეთვე ამათი ძმაჲ, ნეტარი ლონგინოზ, განვიდოდა რაჲ ზღუ\ასა
Line of ed.: 14     ოვსეთად, საშინელითა დუღილითა და ღელვითა ოთხნაკეცითა აღიძრა
Line of ed.: 15     ზღუაჲ, ხოლო მან ილოცა და სული თჳსი ღმერთსა შეჰვედრა და დაეფლა
Line of ed.: 16     პიტიოტას, რამეთუ შემდგომად ოთხისა დღისა მიერ განვიდა ნავი იგი.
Page of ms. A: _
Page of ms. B: _

This text is part of the TITUS edition of Hagiographical Texts from Synaxaria, ed. by K. Kekelidze.

Copyright TITUS Project, Frankfurt a/M, 21.8.2015. No parts of this document may be republished in any form without prior permission by the copyright holder.