TITUS
Ioane Petrici, Satnoebata kibe
Part No. 6
Previous part

Chapter: VI  
Line: 11  VI

Line: 12  სინანულისათჳს ესე არისვე


Strophe: 52  
Line: 13  Verse: a     *52.   სინანული -- ძალ   სულისა ხედვათაებრ,
Line: 14  Verse: b        იგ უბიწოი,   ესე რჩეული ნიჭი,
Line: 15  Verse: c        ნათესავთათჳს   სრულიად კაცთა არის,
Line: 16  Verse: d        არა სხჳსაა.   ესრეთ ვითარ თუ ჰხედავ,
Line: 17  Verse: e        ნუ ხარ, მიართჳ   აწ ცნობა, აღიხედე!

Strophe: 53  
Line: 18  Verse: a     53.   ნათლის-ღებასა სინანული ახალ-ჰყოფს,
Line: 19  Verse: b        ღმრთისათჳს აღსთქუამს ახალსა ცხოვრებასა,
Line: 20  Verse: c        მოიყიდის იგ მცირითა სავაჭროჲთა
Line: 21  Verse: d        დაულევარსა მართალთა საშუებელსა.
Line: 22  Verse: e        განემზადე შენ, მონანულო, კეთილად!



Strophe: 53X  
Line: 23       53. სინანული განმაახლებელი არს ნათლის-ღებისა, სინანული აღთქუმა არს
Line: 24    ღმრთისა მიმართ ახლისა ცხოვრებისა.




Page of ed.: 182  
Strophe: 54  
Line: 1  Verse: a     54.   სასოებისა არა წარკუეთა კეთილ,
Line: 2  Verse: b        ვინაჲთგან ესე განეკუთნვის მონანულს
Line: 3  Verse: c        და უფროჲს ყოვლთა კაცთა ესე აქუს ნიჭად,
Line: 4  Verse: d        სიკუდილი რათგან განმკუეთელად ცოდვისად
Line: 5  Verse: e        თქუეს წმიდათა და კაცთ-მოყუარების ნიშნად.

Strophe: 55  
Line: 6  Verse: a     55.   სინანული სჯის თავსა თჳსსა მოსწრაფედ,
Line: 7  Verse: b        სინანული სწმედს სჳნიდისსა მხილებით,
Line: 8  Verse: c        სინანული არს გზა ღმრთისა დაგებისა
Line: 9  Verse: d        და მიმყვანელი კართა სამოთხისათა.
Line: 10  Verse: e        შედი, მართალო, აღარ დაგეჴშვის კარი.

Strophe: 56  
Line: 11  Verse: a     *56.   გულის-თქმამან თუ გარდაუქციოს გზისგან,
Line: 12  Verse: b        და ნაცვლის-გებით გულის-წყრომამან სცოდოს
Line: 13  Verse: c        და გონებამან მარტივთა ხედვათა წილ
Line: 14  Verse: d        ესე ირჩიოს -- გრძნობითი, მრუმე, ბნელი;
Line: 15  Verse: e        მას სინანული ახალ-ჰყოფს მოქცევითა.

Strophe: 57  
Line: 16  Verse: a     57.   მონანულისა მუცელი მომყმარ არს და
Line: 17  Verse: b        სასა წყურვილსა განუჴმია მარადის;
Line: 18  Verse: c        ჴორცთა სიშიშულე მას თანა-აც თჳსებით.
Line: 19  Verse: d        მისცემს მოქენეთ, არას მიიღებს მათსა;
Line: 20  Verse: e        მისი სხუათა არს, სხუათა -- მისი ყოელ არა.



Strophe: 54X  
Line: 21       54. სინანული ასული არს სათნოებისა და უარის-ყოფაჲ სასოწარკუეთილობისაჲ.
Line: 22    55. სინანული დასჯა არს თავისა თჳსისა ურცხუენელი... სინანული დაგება არს
Line: 23    ღმრთისა მიმართ შესწორებულად ცოდვათაჲსა ქმნითა სიმართლისაჲთა. სინანული
Line: 24    განწმედა არს სჳნდისისა.

Strophe: 57X  
Line: 25       57. სინანული არს მოყმობა მუცლისა თჳსისა ძლიერად.




Page of ed.: 183  
Strophe: 58  
Line: 1  Verse: a     *58.   მონანულისა სიმდაბლე სხუებრ იხილე
Line: 2  Verse: b        და ცოდვას შინა მყოფთაცა განიცადე,
Line: 3  Verse: c        ხოლო მაღალსა სიყუარულსა ღმრთისასა,
Line: 4  Verse: d        სანატრელსა მას მოსრულსა სიმდაბლესა
Line: 5  Verse: e        შეესაკუთრე, იგი გაქუნდეს მარადის.

Strophe: 59  
Line: 6  Verse: a     59.   წყლული ახალი ადვილ საკურნებელ არს,
Line: 7  Verse: b        ხოლო ძუელ-ქმნილი, უდებებად მოსრული,
Line: 8  Verse: c        წამალთა დიდთა ჴელოვანთა მკურნალთა
Line: 9  Verse: d        მოქენე არს; და ესრეთ ხედვა ხან-გრძელი
Line: 10  Verse: e        მოჰკლავს სულისა სიწმიდესა კეთილსა.

Strophe: 60  
Line: 11  Verse: a     60.   მცირეთათჳსცა ცთომათათჳს ნუ ისმენ
Line: 12  Verse: b        გულის-სიტყუასა შენდამი მოსრულთასა;
Line: 13  Verse: c        ნეტარმცა დიდნი არა გექმნეს ესე რაჲ,
Line: 14  Verse: d        მისივე სწორი სათნოება მიუპყარ;
Line: 15  Verse: e        მცირედი ძღუენი დიდსა აცხრობს რისხვასა.

Strophe: 61  
Line: 16  Verse: a     61.   სჳნიდისისა დაცხრომასა ეკრძალე,
Line: 17  Verse: b        ნუთუ მოწყენა იყოს. დაცხრომა იგი
Line: 18  Verse: c        დაეთრგუნოს რაჲ, წარგეოტოს მხილება
Line: 19  Verse: d        და სინანული, ცოდვისა წარმდევნელი,
Line: 20  Verse: e        უქმად შენ შორის დაჴსნილობით მყოფობდეს.



Strophe: 59X  
Line: 21       59. წყლულება ვიდრეღა ახალ იყოს, ადვილ არს საკურნებელად, ხოლო დაძუელე\ბულნი
Line: 22    და უდებ-ყოფილნი ძნიად საკურნებელ არიან, და ფრიადი. შრომაჲ და მახჳ\ლი
Line: 23    წამალი და დაწვაჲ უჴმს მათ ამას საწუთოსავე.

Strophe: 60X  
Line: 24       60. ნუ ისმენ მისსა, რომელი გეტყოდის მცირეთა ცთომათა ზედა, ვითარმედ ნე\ტარ
Line: 25    თუმცა იგი რაჲმე არა დიდ გექმნა, თუ არა ესე არარაჲ არს, რამეთუ მრავალ\გზის
Line: 26    მცირემან ძღუენმან დიდი გულის-წყრომა მსაჯულისა დააცხვრის.

Strophe: 61X  
Line: 27       61. ვეკრძალნეთ, ძმანო, ნუ უკუე არა სიწმიდისაგან დაცხრომილ არს სჳნიდისი,
Line: 28    არამედ მხილებისაგან მოეწყინა და ამისთჳს არღარა გუამხილებს.




Page of ed.: 184  
Next part


This text is part of the TITUS edition of Ioane Petrici, Satnoebata kibe.

Copyright TITUS Project, Frankfurt a/M, 3.11.2016. No parts of this document may be republished in any form without prior permission by the copyright holder.