TITUS
Visramiani
Part No. 7
Previous part

Chapter: 7  
Line of edition: 1  აქა შაჰი მოაბადისაგან საომრად გამართვა ვიროზედა


Line of edition: 2       რა ცნა ვირომან ამბავი შაჰი მოაბადისი, ვითა მასცა ემტერების
Line of edition: 3    და შაჰროსაცა, და ყოვლისა ქუეყანისა დიდებულნი და ლაშქარნი
Line of edition: 4    მივიდეს მისსა და შეყრილან, ვიროსასცა მრავალნი სახელოანნი
Line of edition: 5    აზნაურნი საქორწილოდ მისრულ იყვნეს: ადრაბადაგანელნი, რაელნი,
Line of edition: 6    გელანელნი, ხუზისტანელნი, ასტაბახრელნი, ასპაანელნი. ესე
Line of edition: 7    ყოველნი დიდებულნი ამა ქუეყანათა პატრონნი ვიროსასა იყვნეს
Line of edition: 8    სტუმრად და ამათი ცოლები შაჰროსასა იყვნეს. ჰქონდა სიხარული
Line of edition: 9    და სუმა.

Line of edition: 10       რა მოაბადისა ამბავი მიესმა და შეყრა ცნეს დიდებულთა,
Line of edition: 11    ყუელამან წიგნები გაგზავნეს და თავის-თავისი ლაშქარი უჴმეს. და
Line of edition: 12    ეგზომი ლაშქარი შეიყარა ვირომან სხუა, რომელ მინდორი და
Line of edition: 13    ველი ვერ იტევდეს. ყოვლისა ქუეყანისა ჭაბუკნი მივიდეს: ქუეითი
Line of edition: 14    დელამი და არაბი ცხენოსანი ეგზომი შეიყარა მისსა, რომელ
Line of edition: 15    ქუიშისაგანცა უმრავლე იყვნეს; და ყოვლით ქუეყნით ბერი-კაცები,
Line of edition: 16    მონახულნი და მეცნიერნი ომისანი, მოიყვანნა. შეიკაზმნა ლაშქარნი
Line of edition: 17    წინამავალნი ლაშქართა მისთანი გააჩინნა ვირომან.

Line of edition: 18       მუნით აგრევე შაჰი მოაბად შეკაზმა ლაშქარნი და გამოემართა
Line of edition: 19    მარავით. რა მისთა ლაშქართა სიარული დაიწყეს, მიწამან ძრვა
Line of edition: 20    დაიწყო მათ ქუეშე სიმძიმითა მათითა და სიმრავლითა; მათი მტუერი
Line of edition: 21    ასრე ამაღლდა, რომელ ჰგუანდა თუ მთვარე და მტუერი ხუაშიადსა
Line of edition: 22    იტყუიან ერთგან; ლაშქარნი მისნი მტუერსა შიგან ასრე
Line of edition: 23    ჩნდეს, ვითა თხელსა ღრუბელსა ზედათ მასკულავნი; ესეთი ღუარი
Line of edition: 24    მოვიდოდა ხორასნით, რომელ მზე და მთუარე მისითა შიშითა ცასა
Line of edition: 25    ზედან დამალულ იყვნეს. ეგზომ ჯავრით მოდიოდეს მოაბადის
Line of edition: 26    ლაშქარნი, რომელ მთა მინდორად შეექმნა და მინდორი -- მთად. ასრე
Line of edition: 27    მოდიოდეს ლაშქარნი აღშფოთებულნი და ჴელმწიფე გულ-მწყრალი.
Line of edition: 28    ორნივე ლაშქარნი დაეპირისპირნეს ერთმანერთსა და ჭაბუკნი
Line of edition: 29    გულოანნი აღშფოთებულ იყვნეს, ვითა დიდისა და ძლიერისა
Line of edition: 30    ქარისაგან ზღუა.


Next part


This text is part of the TITUS edition of Visramiani.

Copyright TITUS Project, Frankfurt a/M, 1.5.2014. No parts of this document may be republished in any form without prior permission by the copyright holder.