TITUS
Megrelian Texts ed. Qipshidze
Part No. 6
Previous part

Text: IV  
Line: 3 
სქვამი ჩხომი


Part: 1   Link to qipshg
Line: 4    რდჷ ართი რჩინ კოჩი. თის ჸუნდჷ ართი სქუა მეჩხომე. ართიშახ
Line: 5    მეჩხომექ მიდართჷ ჩხომიში ოჭოფუშა; გილართჷ ბრელი, მარა ჩხომქ
Line: 6    ვააჭოფუ. ბოლოს ოჭოფუ ართი ჭიჭე, მარა ძალამი სქვამი ჩხომი.
Line: 7    მეჩხომეს შეეცოდჷ ე ჩხომქ დო ქიდნახუნუ წყარს კონი. ჸუდეშა
Line: 8    ქუმორთჷ ნი, მუმაქ კითხჷ:

Part: 2   Link to qipshg
Line: 9    -- ჩხომი ვა გიჭოფუნიავო? სქუაქ უწუ:

Part: 3   Link to qipshg
Line: 10    -- ართი ჩხომი ოფჭოფი, მარა ძალამი სქვამი რდჷ, შემეცოდჷ
Line: 11    დო კონი გუტევა.

Part: 4   Link to qipshg
Line: 12    მუმაქ გოლახჷ სქუა დო გეგნაჸოთ ჸუდეშე დო უწუ:

Part: 5   Link to qipshg
Line: 13    -- მუშენი მიჸოთი ღორონთიში ჭყოლოფუა?

Part: 6   Link to qipshg
Line: 14    მეჩხომექ მიდართჷ. შარას ქაუხვადჷ ხარაზიქჷ დო იდეს,
Line: 15    მიდართეს წორო. ენეფს ქაუხვადჷ მეწამალექ. მეჩხომექ, ხარაზიქ დო
Line: 16    მეწამალექ დეემოჯგირეს ართიანსჷ დო პიჯი ქიმეჩეს ართი-მაჟირას, მუთი
Line: 17    იშუანი მუშ-მუში ხელუათჷ ნი, ართი-მაჟირაწკჷმა შქაშა გიირთანი.
Line: 18    ათე დროს ართი მაფას ჸუნდჷ ოსურისქუა ლეხი. მაფაქ ბრელი ეცადჷ,
Line: 19    მარა სქუაშა მუთაქ მაახვარინ. უკულინეშე მაფაქ გამაცხადჷ: ""მით
Line: 20    დაასქილიდუანს ჩქიმი ოსურისქუას ნი, თის ჩქიმი ოსურისქუას ჩილო
Line: 21    ქეკუხუნუანქ".

Part: 7   Link to qipshg
Line: 22    მეწამალექ მიდართჷ მაფაში სქუაში ოწამალუშა. მუჟანსით
Line: 23    ქომორთჷ მაფაშა ნი, მეწამალექ გოლასირუ ლეკური, ლეხის დუს
Line: 24    ქიგიოდირთჷ ხეს ლეკური უკინებუდუნი, დო თეში თქუ: "გვერშაპი, მა
Line: 25    გიზოჯჷნქ ლეხის დეთხუე, ვარა დუს მერკვათჷნქ".

Part: 8   Link to qipshg
Line: 26    გვერშაპიქ ეშეელჷ ლეხიში ქვარაშე დო გიმილჷ გალე. მაფაში
Line: 27    ოსურისქუაქ დოსქიდჷ დო მაფაქ ქიმეჩჷ თინა მეწამალეს ჩილო.
Line: 28    მეწამალექ მოლეჸონჷ ჩილი დო დიიშაყარეს სუმიხოლო თაბუნენქ.
Line: 29    გი̄რთეს, მუთი ნაშიბი უღუდესჷ ნი. მეწამალექ მუში ჩილი დო მუქით
Line: 30    ქოხვადჷ ნი, ირიფელი მეჩხომეს ქიმეჩჷ დო უწუ:

Part: 9   Link to qipshg
Line: 31    -- ჩხომი, ნამუთი შიიცოდე დო გუტე ნი, მა ვორდი.

Part: 10   Link to qipshg
Line: 32    მუქ ათენა ქოთქუ დო უძირაფუო გორთჷ.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.