TITUS
Pahlavi Rivayat
Part No. 14
Previous part

Chapter: 14 
Ch. 14


Paragraph: 1    gyāg paydāg kū ohrmazd be ō gōspandān guft kū tan be ō gētīg dahēd tā-tān mardōmān ōh xwarēnd

Paragraph: 2    ud gōspandān anāgīh ī-šān nūn az mardōmān be awiš hamē rasēd ā-šān mēnōgīhā dīd u-šān abāg ohrmazd was dādestān pahikār kard

Paragraph: 3    ā-šān ohrmazd +pašt-ē abāg be kard kū tan be dahēd čē wināh kunēd ā-tān ō bun nē bawēd tā-šān tan be nē dād

Paragraph: 4    ud pas gōspandān guft wināh ī amā kunēm ō bun ī kē bawēd

Paragraph: 5    ohrmazd guft kū ōy kē gōšt ī ašmā xwarēd ud dast andar wināh dārēd hamāg wināh ī gōspand kunēd ōy ō bun bawēd

Paragraph: 6    čē kē-š māhīg ī kūc-ē +xward estēd ud wināh kunēd ka uštur-ē mard-ē be ōzanēd ā-z ōy ō bun bawēd

Paragraph: 7    gošt +az +nakkīrāyān ag-dēnān +wēš kū ē-bār nē pādixšā xrīdan ud ag-dēn bē ka pad ēd dārē kū be mīrēd enyā-š tis-iz nē abāyēd dād



Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.