TITUS
Denkard Book 6
Part No. 315
Previous part

Chapter: 310  
Paragraph: a     u-šān ēn-iz a'ōn dāšt ku andar dēn harw kas tuwān ēstādan ud be šudan ne bōzāgīhā, čē harw čiyōn mard kāmēd ō kāmag šāyēd sāxtan.

Paragraph: b     čē agar mard čiš az kāmag a'ōn ku abēr āzād-mard ud wuzurg-xwāstag [bawēm], ēg ka ēn abāg kunēd ku rād ud was-yazišn ud pādexšāy ud tuwān xwāstag ī was dāštan, [ēg pad ān ham čiš ahlaw bawēd].

Paragraph: c     ud agar [mard] čiš *az kāmag a'ōn ku abēr driyōš ud xwār-xwardīg ud xwār-wastarag ud andak-uzīnag bawēm, ēg ka ēn abāg kunēd ku ke ne a'ōn ne *awwēnēd ud tar ne menēd, ēg pad ān ham čiš ahlaw bawēd.

Paragraph: d     ud agar mard čiš az kāmag a'ōn ku was-abestāg ud was-zand ud kard-ērbadestān bawēm, ēg ka ēn abāg kunēd ku čāšīdār ud was-abzōn bawēd, ēg pad ān ham čiš ahlaw bawēd.

Paragraph: e     ud agar mard čiš *az kāmag a'ōn ku was-abestāgīh ud was-zandīh ne kunēm, ēg ka ēn abāg kunēd ku kār pad framān ī radān kunēd, ēg pad ān ham čiš ahlaw bawēd.

Next part


This text is part of the TITUS edition of Denkard Book 6.

Copyright TITUS Project, Frankfurt a/M, 4.1.2021. No parts of this document may be republished in any form without prior permission by the copyright holder.