TITUS
Denkard Book 6
Part No. 303
Previous part

Chapter: 298  
Paragraph: a     u-šān ēn-iz a'ōn dāšt ku harw mardom ēn 5 čiš dānistan xwēš-kārīh ud ke ne dānēd ērangīhā.

Paragraph: b     ēwag ēn ku čē hēm, mardom hēm ayāb dēw.

Paragraph: c     ud ēwag ēn ku az ku mad hēm, az garōdmān ayāb az dušaxw.

Paragraph: d     ud ēwag ēn ku abar čē ēstēm, abar čiš ī yazdān ayāb abar čiš ī dēwān.

Paragraph: e     ud ēwag ēn ku pas ī ke hēm, pas ī wehān ayāb pas ī wattarān.

Paragraph: f     ud ēwag ēn ku abāz ō ku šawēm, abāz ō wahišt šawēm ayāb abāz ō dušaxw šawēm.

Next part


This text is part of the TITUS edition of Denkard Book 6.

Copyright TITUS Project, Frankfurt a/M, 4.1.2021. No parts of this document may be republished in any form without prior permission by the copyright holder.