TITUS
Work: Denk. 
Dēnkard
Book: V 
Book 5

On the basis of the edition by
Amouzgar-Taffazoli
Dēnkard Book 7,
Tehran: Institute for Humanities and Cultural Studies 1381
electronically prepared by Mark Hale,
Concordia, 4.8.2018;
TITUS version by Jost Gippert,
Frankfurt a/M, 7.9.2019 / 9.1.2021


Page of ed.: 22 
Chapter: 1  
Paragraph: 1     pērōzgarīh dādār ohrmazd <ud> xwarrah ī wisp-dānāgīh axwīg dēn mazdēsn.

Paragraph: 2     panǰom abar gōwišn ī hu-fraward ādurfarrobay ī farroxzādān ī hu-dēnān pešōbāy būd pad-iz nēbēg ī simrā xwānīhēd.

Paragraph: 3     hangirdīg passox ī ādurfarrobay ī farroxzādān hu-dēnān pēšōbāy abar nišānagīg pursišn ē-čand ī yākob ī xālidān ī čiyōn-iš guft ōstīg nāf <ī> hāmist ramān ī-šān simrā-iz xwānēnd kē-šān im yākob wandīg frāz awiš rasišnīg
Paragraph: 4     abar sālārīh ī ēr-tōhmag waman šud<an> ī-šān niyāgān pad spāh sālārīh <ud> ham-dostīg <ī> spāhīgīh ī ān ram andar spāhbedīh ī bōxt-narsēh
Paragraph: 5     abar agārēnīdan ī abārōn-dādīh ud wad-kunišnīh ī banī-srāyīl ud garān dēw-yazagīh ud zyān ī azišān pad frēstīd<an> ī dahibed kay luhrāsp az ērān šahr abāg boxt-narsēh ō hrōm baitā makdis.

Paragraph: 6     ud ān kustag-mānišn ud hu-dēn-wurrōyišn pad drōštag mādayān dēnīg ristag ud pad ramīgān ham-uskārīh dēn-āgāhīh drōštag-ē did rāyēnišnīhā nihang zamānīg xwāstār pas az was ān ī pahikārišnīg ud uskārišnīg ud čim-wizōyišnīg pursišn ud passox ōy hāwišt wasānīg xwāyišnīhā passazag.

Page of ed.: 24 
Paragraph: 7     abar čiyōn padīriftan ī payāmbarān ī pēš az zardušt ēn dēn ud čiyōn mad<an> ī abēzag hu-fraward zardušt ī spitāmān ud kē āyēnd pas pas āwurdārān ī im abēzag weh dēn
Paragraph: 8     kū az payāmbarān ud frēstagān ud dēn padīriftārān būd kē hangirdīg ud bowandag padīrift čiyōn gayōmard būd kē drōštag aziš čiyōn mašē ud syāmak ud hōšang ud tahmurip ud ǰam ud frēdōn ud manuščihr ud sāmān ud kayān ud any-z was pēšōbāyān ī andar zamānag.

Paragraph: 9     ušān padīrišn passazagīhā andar āwām āwām ō kardag kard ud padiš dāmān petyārag spōxt ud sūd ud frāxīh xwāst ud gēhān rāyēnīd ud dādār ud weh dahišnān šnāyēnīd.

Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.