TITUS
Dadestan-i denig
Part No. 4
Previous part

Chapter: 3  
Paragraph: 1     sidīgar pursišn ān ī pursīd kū mard ī ašō ēn mehīh čē čim rāy ast?
Paragraph: 2     pāsox ēd kū māzdēsn kāmišngarīh ī dādār rāy čē tāšīdan a-gumān kū rāh ī ō kāmišngarīh ī dādār šnāyišn ī-š kām ud ān kām šnāyišnīh pad xrad ī drust drust bawēd. ān ī xrad kē-š kām [ī] mēnōgān yazdān abar šnāsēd nē wht (?) be dēn ī rāst ī abēzag ī ast mēnōgān dānišn ud frahangān frahang ud *awestādān awestādīh ud tōhmag ī wisp dānišnān. ān-iz ī abēzag <ī> dēn ī māzdēsnān rawāgīh pad mard ī ašō.
Paragraph: 3     ī čiyōn-iš nimūd pad dēn kū: man dād spitāmān zardušt! mard ī ašō ī kat xrad. u-š be pāyēm menišn az duš-mat uzwān az duš-hūxt u-š be pāyēm dast az duš-xwaršt. u-š hāzēnēm tā ō ān ī pas ašō ī dānāg ī kat xrad. u-š *hamē-ōšmur dēn kē-š dād xwēšēnišn ī dahibed windišn ī ast dēn-burdār ī dānāg ī az zamānag ō zamānag tā-z ō ān abdom axwān wardēnišn *kē hu-tāšīd fraš(a)gird.
Paragraph: 4     čiyōn pad xrad dād ān ī ahlāyīh gēhān ud pad xrad ānābīhēd har(w) wattarīh ud pad xrad spūrrīgīhēd har(w) wehīh pahlom xrad ī dēn ī abēzag kē-š rawāgīh pad dēn burdārān. ān āfurīhist mehīh ī pahlomān mardān ī ašōgān kē andar wht' (?) ān ī čiyōn nimūd abar gayōmart ud zardušt ud sōšāns.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.