TITUS
Pahlavi Translation of the Avesta: Yasna and Vispered
Part No. 32
Previous part

Chapter: 31  Link to avesta Link to yasna
Yasna 31: Tā-wrat Hād bun


Paragraph: 1  Link to avesta Link to yasna
Verse: a    ān ī har dō wābarīgānīh ī ašmāh ōšmurom abestāg ud zand ud ōy-iz ī
Verse: b    aniyōxšīdār ahlomoγ pad gōwišn hammōzēm andar warōmandīh-ēw sē bār ō gōwišn
Verse: c    ud ka ēwar dānēd kū nē hammōxtēd sē bār
Verse: d    awēšān kē pad wābarīgānīh ī druz ān ī ahlāyīh gēhān bē marnǰēnēnd ka druz
Verse: e    pad wābarīgān dārēnd
Verse: f    ēg-iz awēšān pahlom hē ka rawāg dahišn hānd pad ān ī Ohrmazd kū awēšān-iz
Verse: g    ahlomoγān tis-ēw ēn pahlom hē ka dēn ī Ohrmazd rawāg kunēnd

Paragraph: 2  Link to avesta Link to yasna
Verse: a    kē pad nigerišn nē wurrōyēd ā-š pad ān agumānīgīh ka pad tis ī yazdān nē-iz
Verse: b    gumān kū ast abar nigēzišnīh weh ka-š pad handāzag ī gētīy bē nimāyēnd
Verse: c    ēdōn ō ašmāh harwist āyēnd kū har kas bē ō xwēšīh ī ašmāh āyēnd ka ēdōn
Verse: d    radīh ī Ohrmazd āgāh bawēnd kū abdīh ī Ohrmazd bē dānēnd
Verse: e    az Ohrmazd az awēšān ān rasišn ka az ahlāyīh abāgīh zīyom az amahrspandān
Verse: f    ā-m ēn nēkīh az Ohrmazd ka abāg kār ud kirbag ī-m ast ōh zīyom

Paragraph: 3  Link to avesta Link to yasna
Verse: a    ka-t dād pad mēnōyīgīh ātaxš ud Ašwahišt u-t čāšt ō pahikāryārān kū-t bōxt
Verse: b    ud ēraxt paydāg kard
Verse: c    u-t kē wābarīgānīh ō ōy ՚ym՚l-wizārdār ā-z dād nērang ī war dād ān ō amāh
Verse: d    Ohrmazd āgāhīhā gōwē dānāgīhā ān nērang ī war
Verse: e    pad uzwān ī tō pad dahan zīndagān harwistīn wurrōyēnd u-š pas guft bawēd kū
Verse: f    gōwēm

Paragraph: 4  Link to avesta Link to yasna
Verse: a    ka pad ān dahišn pad tan ī pasēn Ašwahišt xwāndār hānd ud Ohrmazd-iz kū-m
Verse: b    wehīh-ēw ī ēdōn bawād ī-m Ohrmazd ud Ašwahišt tuwān bawād xwānd
Verse: c    ōy-iz ī tarsagāh Spandarmad ā-š xwāndār hānd pahlomīh xwāhom Wahman mizd
Verse: d    manīgān-iz hāwištān ī man xwadāyīh az ōy ōzōmand kūšān pādixšāyīh az Sōšāns
Verse: e    dah kē pad ān ī ōy gurdīh kū-š pad abzār ī xwēš tuwān bawēd kardan wānīhēd
Verse: f    druz ay ēn dānom kū andar ān zamān druz stō šāyēd kardan

Paragraph: 5  Link to avesta Link to yasna
Verse: a    ān ō man wizard gōwē ud rōšnag gōwē kū ān mizd čiyōn ō xwēš šāyēd kardan kē
Verse: b    ō man pad ahlāyīh ka-m kār ud kirbag kard ēstēd dahišn ī weh kū-m ān mizd ī
Verse: c    weh ōh dahišn
Verse: d    āgāh-dahišnīh ī pad Wahman ō man ān dahē kū-m ān dānāgīh pad frārōnīh bē
Verse: e    gōwē kē man pad ān ī ōy ān ī ō Arš kū-m pad ān dānāgīh frārōnīh passox ō
Verse: f    Arš tuwān bawād dādan
Verse: g    ān-iz ī Ohrmazd nē ast ān ī ast rāy gōwēd kū gāhānīgīh rāy ī ast gōwēd kū nēst

Paragraph: 6  Link to avesta Link to yasna
Verse: a    ōy ast pahlom kē ō man āgāhīhā gōwē āškārag rōšnag kū hērbed weh kū hāwišt
Verse: b    mānsr hamāg-rawišn kū hamāg dām pad rāh ī mānsr abāz ō xwēšīh ī Ohrmazd
Verse: c    rasēd ī ka pad ahlāyīh dārēnd ՚wkww ā-š amarg-rawišnīh aziš bawēd andar ān
Verse: d    ī 57 sāl
Verse: e    Ohrmazd ān-and xwadāyīh čand andar ōy waxšēd Wahman kū-š pādixšāyīh pad tan
Verse: f    ī mard ān-and čand-iš Wahman pad tan mehmān

Paragraph: 7  Link to avesta Link to yasna
Verse: a    mad-iš paymān fradom kē-š ō rōšnīh gumēxt xwārīh ī Ohrmazd kē ēn kard kū
Verse: b    nēkīh īš ēdar āš ānōh abāg āš ēn tis mad ēstēd kū-š gāhānīgīh abāz rasēd
Verse: c    ōy dām kū dām ī frārōn ōy xwēš kē pad xrad ahlāyīh dārēd ud pahlom menišnīh
Verse: d    kū pad rāstīh ud frārōnīh dārēd
Verse: e    ān ī har dō Ohrmazd pad mēnōyīgīh waxšēnēd kū tis ī mēnōy ud gētīy ōy bē
Verse: f    abzāyēnēd kē nūn-iz ham xwadāy

Paragraph: 8  Link to avesta Link to yasna
Verse: a    ēdōn-im tō rāy menīd Ohrmazd kū-t pad zahagīh ēstēd Wahman fradom ud ka-m
Verse: b    Wahman ēdōn-it ā-m ēdōn menīd kū zahag ī tō
Verse: c    Wahman pid hē tō pid ī Wahman hē ka-m tō pad hamčašmīh ō ham grift hē kū-m
Verse: d    pad har dō čašm dīd hē ā-m ēdōn menīd kū pid ī Wahman hē
Verse: e    āškārag ān ī ahlāyīh dām rōšnag kū dām ī frārōn tō dād ud andar axwān pad
Verse: f    kunišn xwadāy hē kū pad wināh ud kirbag āmār kunēnd

Paragraph: 9  Link to avesta Link to yasna
Verse: a    tō ast Spandarmad kū tō xwēš pad tō ast ān ī gōspand ī tāšīdār xrad
Verse: b    pad mēnōyīgīh Ohrmazd ā-t ō ōy dād rāh kū-t rāh ī ēdar ō ōy dād
Verse: c    kē pad warzīdārīh āyēd kū-š kār ud kirbag kard ēstēd kē nē ast warzīdār ā-t
Verse: d    nē dād

Paragraph: 10  Link to avesta Link to yasna
Verse: a    ēdōn ān ī har dō bun ud bar ā-t az awēšān mardōmān ō ōy franāft ī warzīdār
Verse: b    ī pašušwēnīdār kū-t gōspand bun ud bar ō ōy dād ī tuxšāg ī paymānag
Verse: c    xwadāy ahlaw kē pašag pad Wahman kū sālārīh ī gōspandān pad frārōnīh kard
Verse: d    nē Ohrmazd ō ōy ī awarzīdār ahlomoγ dauuąscin pad ān ī xōb ōšmurišnīh
Verse: e    baxšēd pad dēn ī xōb ōh gōwēd kū ān-ānd-iz mizd čand ō dauuąs dahēnd ō
Verse: f    ahlomoγān nē dahēnd

Paragraph: 11  Link to avesta Link to yasna
Verse: a    ka-t ō amāh Ohrmazd fradom gēhān tāšīd ud dēn
Verse: b    pad ēd ī tō menišn ud xrad ā-t dād ka-t ō tanōmandān ǰān dād kū-t ǰān ō tan
Verse: c    ī Gayōmard dād ā-z ād ēd ī tō menišn ud crad dād
Verse: d    ka-t kunišn ud hammōxtišn dād kū-t kunišn hammōxtišn ī frārōn dād ā-z pad
Verse: e    ēd ī tō menišn ud xrad dād ka kē ō ānōh kāmag ā-t-iš kāmag dād kū ān kē
Verse: f    abāyēd ka bē ō ānōh rasēd ā-t-iš abāyist ēd ī ēdōn dād ī pad ān rāh bē ō
Verse: g    ānōh rasēd ā-z pad ēd ī tō menišn ud xrad dād

Paragraph: 12  Link to avesta Link to yasna
Verse: a    ānōh wāng ī buland ān ī drō guftār Ganāg Mēnōg ud ān-iz ī rāst guftār Ohrmazd
Verse: b    ān ī āgāh Ohrmazd ud ān-iz anāgāh Ganāg Mēnōg tā ō ān ī ōy dil ud menišn ī
Verse: c    Zardušt
Verse: d    pad ēzišn kū tā-š bē ēzēm kē pad bowandag-menišnīh pad ān ī mēnōy hampursēd
Verse: e    pad dēn ī mēnōy ā-š ānōh mēhan kē hērbedestān bowandag-menišnīhā kunēd ā-š
Verse: f    gāh ānōh bawēd

Paragraph: 13  Link to avesta Link to yasna
Verse: a    kē hampursēd pad ān ī āškārag kirbag ī āškārag abāyēd kardan Ohrmazd kē
Verse: b    hampursēd pad ān ī nihānīg wināh nihānīg wēš kunēd
Verse: c    kē pad ān ī kōdag kēn ān ī meh awezmāyīd bōzišn rāy kū wināh-ēw xwurdag bē
Verse: d    kunēd ud pas ēk stabr bē kunēd kū tā ān paydāg nē bawād
Verse: e    ān ī pad har dō čašm ēd kū wēnē ān pad gumēzag sālār hē wināh ī andar ō
Verse: f    kirbag gumēxt ēstēd abar ahlāyīh ā-z sālār hē ud abar wēnē harwist

Paragraph: 14  Link to avesta Link to yasna
Verse: a    ān ī har dō az tō pursēm Ohrmazd kē mad ud kē-iz rasēd
Verse: b    kē ābām dahēd az dāsrān az ān ō ōy ī ahlaw az ān čiyōn abāyēd dād
Verse: c    Ohrmazd kē-iz ō druwandān čiyōn awēšān hēnd hangirdīh ēdōn ēn kū ōy
Verse: d    dādestān čē ōy dādestān čē ā-m bē gōw

Paragraph: 15  Link to avesta Link to yasna
Verse: a    pursīhād-iš ēdōn ōy pad ān wināhišn pādifrāh-uš kunēd kē ō ōy ī druwand
Verse: b    xwadāyīh kunēd
Verse: c    ī duškunišn Ohrmazd kē nē zīndagīh pad-iz mizd niwēyēnēd kū ka-š pārag
Verse: d    dahēnd ā-z mardōm ī zīndag bē nē hilēd
Verse: e    ōy-iz ī warzīdār kēnēnēd kē pad pah ud wīr adruzišn kū mard-iz-ēw nēk kē
Verse: f    mardōm ud gōspand xōb dārēd ā-š kēn abāg dārēd

Paragraph: 16  Link to avesta Link to yasna
Verse: a    pursīhād-iš ēdōn ōy mizd-uš dahīhād kē-š ān ī hūdānāg andar gōw xwadāy kū-š
Verse: b    Ohrmazd pad mēnōyīh andar tan xwadāy kard ēstēd
Verse: c    u-š andar šōisr ān andar deh ān kē pad ahlāyīh frāyīhišnīh akōšīdār kū-š
Verse: d    pad gētīy ān kas xwadāy ī ka kār ud kirbag kunēd nē kōšēd
Verse: e    tō hāwand Ohrmazd pad ān dahišn kē ēdōn ān ast pad kunišn-iz

Paragraph: 17  Link to avesta Link to yasna
Verse: a    kadār ayāb ahlaw ayāb druwandwurrōyēd meh kū kasān ayāb ān ī ahlaw
Verse: b    tuxšāgīhātar wurrōyēd ayāb ān druwand
Verse: c    āgāhīh ī ōy ī āgāh rāy gōwē ud nē ōy ī anāgāh bawē az pasē tā-t bē gōwam
Verse: d    azdēn amāh Ohrmazd kū-mān bē dānēn u-mān pad Wahman frāz daxšagēn kū-mān
Verse: e    pad frārōnīh pad daxšag bē kun

Paragraph: 18  Link to avesta Link to yasna
Verse: a    ma kas ēdōn az ašmāh az ōy druwand mānsr niyōxšād hammōxtišn kū az
Verse: b    ahlomoγān Abestāg ud zand ma niyōxšēd
Verse: c    čē andar ān dman ud wīs šōisr deh dahēd
Verse: d    dušrawišnīh ud margīh ān ī ahlomog ēdōn awēšān ahlomoγān rāy sāzēd sneh

Paragraph: 19  Link to avesta Link to yasna
Verse: a    niyōxšišnīh kē paymān ahlāyīh padiš pad har dō axwān ēdōn āgāh Ohrmazd kū
Verse: b    ān kē paymān ī ahlāyīh padiš tis ī mēnōy ud gētīy dānēd kardan
Verse: c    aršuxt gōwišn ōy ī pādixšāy ī abēbīm pad uzwān kāmagēnišn kū-š ō gōwišn ī
Verse: d    rāst ī frārōn abāyist bē barišn
Verse: e    ēd ī tō ātaxš ī suxr ī Ohrmazd wizārišn bē dahēd ō pahikārdārān kū bōxt ud
Verse: f    ēraxt paydāg bē kunēd

Paragraph: 20  Link to avesta Link to yasna
Verse: a    kē āyēd ō ahlawān frēbišn ōy az pasē šēwan kū-š pad ruwān šēwan bawēd
Verse: b    u-š dagr āyišn andar tam kū-š dagr zamān ānōh abāyēd būdan ud dušxwarišn
Verse: c    kū-š vīšācā dahēnd ud anāg-rawišnīh gōwēd kū-š anāg mad ēstēd
Verse: d    ō tam axwān ašmāh kē druwandān hēd ā-tān kunišn ān ī xwēš dēn nayēd kardan
Verse: e    abāyist

Paragraph: 21  Link to avesta Link to yasna
Verse: a    Ohrmazd dād Hordad Amurdad
Verse: b    bowandag ō ōy kē ahlāyīh ān kū-š kār ud kirbag kard ēstēd u-š xwēš-padīh
Verse: c    pad ān ī ōy ī xwadāy-sālārīh kū pādixšāyīh ī-š ast pad dastwar dārēd
Verse: d    ān-iš Wahman wazdwarīh kū ān mizd ī Wahman dahēd ā-z ōy dahēd kē ōy ān ī
Verse: e    xwēš mēnōy pad kunišn dōst

Paragraph: 22  Link to avesta Link to yasna
Verse: a    paydāgīh-iš ōy ī hudānāg ka čiyōn-is āgāhīh dahēd menēd kū pad menišn ān
Verse: b    menēd ī-š axw ī dastwar
Verse: c    weh ān xwadāy kē ahlāyīh pad gōwišn pad-iz kunišn bē xāzēd kū ān ī frārōn
Verse: d    gōwēd pad-iz kunišn ōh kunēd
Verse: e    ān ī tō Ohrmazd burdār tan ast kū-t andar gētīy mehmānīh pad tan ī ōy



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.