TITUS
Atharva-Veda: Vaitana-Sutra
Part No. 36
Previous part

Adhyaya: 7 
Khanda: 1_(36) 
Sutra: 1    atʰa rājasūyaḥ \\

Sutra: 2    taiṣyāḥ purastāt pavitraḥ \\

Sutra: 3    māsāntareṣu daśa saṃsr̥paḥ \\

Sutra: 4    māgʰyā abʰiṣecanīyaḥ \\

Sutra: 5    marutvatīyād bārhaspatyeṣṭiḥ \\

Sutra: 6-7    havirdʰānayoḥ purastād vaiyāgʰracarmopabarhaṇāyām āsandyām <bʰūto bʰūteṣu [ŚS 4.8]> ity ārohayaty abʰiṣiñcati ca \\

Sutra: 8    pʰālgunyā daśapeyaḥ \\

Sutra: 9    sāṃvatsarikāṇi cāturmāsyāni \\

Sutra: 10    saṃstʰiteṣu caitryāḥ pratyavarohaṇīyaḥ \\

Sutra: 11    vaiśākʰyā vyuṣṭidvyahaḥ \\

Sutra: 12    jyaiṣṭʰyāḥ kṣatradʰr̥tiḥ \\

Sutra: 13    āṣāḍʰyāḥ pavitraḥ saṃstʰityai \\

Sutra: 14    atʰāśvamedʰaḥ \\

Sutra: 15    pʰālgunyā brahmaudanam udgātr̥caturtʰebʰyo dadāti \\

Sutra: 16    hutāyāṃ prātarāhutau brahmaṇe varam \\

Sutra: 17    āgneyīṣṭiḥ \ pauṣṇī ca \\

Sutra: 18    <vātaraṃhā bʰava [ŚS 6.9.2]> ity aśvaṃ niyujyamānam anumantrayate \\

Sutra: 19    <abʰi tvā jarimāhita [ŚS 3.11.8]> ity unmucyāmānam \\

Sutra: 20    āśāpālīyenotsr̥ṣṭam \\

Sutra: 21    saṃvatsaraṃ sāvitryas tisra iṣṭayaḥ \\

Sutra: 22    pāriplavākʰyānāya dakṣiṇena vediṃ hiraṇmayeṣv āsaneṣu upaviśanti \\

Sutra: 23    kaśipūpabarhaṇaṃ brahmaṇaḥ \ kūrco yajamānasya \\

Sutra: 24    ākʰyāneṣu yatʰāvedaṃ vyāhr̥tīr vācayati \\

Sutra: 25    saṃvatsarānte dīkṣaṇam \ ekaviṃśatir dīkṣāḥ \\

Sutra: 26    abʰiplavapratʰamavat pratʰamam ahaḥ \ pr̥ṣṭʰyacaturtʰavad dvitīyam \\

Sutra: 27    bahiṣpavamānād aśvaṃ niyujyamānam anumantrayate <saṃ tvāṃ gandʰarvāḥ sam u yuñjantv āpo nadyoḥ sāṃvaidye parivatsarāya \ ye tvā rakṣanti sadam apramādaṃ tebʰya āyuḥ savitā bodʰi gopāya [-]> iti \\

Sutra: 28    <divyo gandʰarvaḥ [ŚS 2.2.1]> ity etayā kauśikaḥ

Sutra: 29    saṃjñaptaṃ mahiṣīm upaveśyādʰīvāsasā saṃprorṇuvanti \\

Sutra: 30    tau yajamāno 'bʰimetʰati <svargeṇa lokena saṃprorṇuvātʰām adʰāma saktʰyor ava gudaṃ dʰehi \ arvāñcam añjim ā bʰara yat strīṇāṃ jīvabʰojanam [cf. VSM 23.20 + TS 7.4.19.1]> iti \\

Sutra: 31    hotrabʰimetʰanād evaṃ vāvātāṃ brahmā <ūrdʰvām enām uccʰrayatād girau bʰāraṃ harann iva \ atʰāsyai madʰyam edʰatu śīte vāte punann iva [VSM 23.26-27]> iti \\

Sutra: 32    <ūrdʰvam enam> ity anucaryo brahmāṇam \\

Sutra: 33    sadasi hotradʰvaryvor brahmodyād brahmodgātāraṃ pr̥ccʰati \\

Next part


This text is part of the TITUS edition of Atharva-Veda: Vaitana-Sutra.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.