TITUS
Ramayana
Part No. 603
Previous part

Chapter: 96 
Adhyāya 96


Verse: 1 
Halfverse: a    avāṅmukʰam atʰo dīnaṃ   dr̥ṣṭvā somam ivāplutam
   avāṅ-mukʰam atʰo dīnaṃ   dr̥ṣṭvā somam iva_āplutam /
Halfverse: c    rāgʰavaṃ lakṣmaṇo vākyaṃ   hr̥ṣṭo madʰuram abravīt
   rāgʰavaṃ lakṣmaṇo vākyaṃ   hr̥ṣṭo madʰuram abravīt /1/

Verse: 2 
Halfverse: a    na saṃtāpaṃ mahābāho   madartʰaṃ kartum arhasi
   na saṃtāpaṃ mahā-bāho   mad-artʰaṃ kartum arhasi /
Halfverse: c    pūrvanirmāṇabaddʰā hi   kālasya gatir īdr̥śī
   pūrva-nirmāṇa-baddʰā hi   kālasya gatir īdr̥śī /2/

Verse: 3 
Halfverse: a    jahi māṃ saumya visrabdaḥ   pratijñāṃ paripālaya
   jahi māṃ saumya visrabdaḥ   pratijñāṃ paripālaya /
Halfverse: c    hīnapratijñāḥ kākutstʰa   prayānti narakaṃ narāḥ
   hīna-pratijñāḥ kākutstʰa   prayānti narakaṃ narāḥ /3/

Verse: 4 
Halfverse: a    yadi prītir mahārāja   yady anugrāhyatā mayi
   yadi prītir mahā-rāja   yady anugrāhyatā mayi /
Halfverse: c    jahi māṃ nirviśaṅkas tvaṃ   dʰarmaṃ vardʰaya rāgʰava
   jahi māṃ nirviśaṅkas tvaṃ   dʰarmaṃ vardʰaya rāgʰava /4/

Verse: 5 
Halfverse: a    lakṣmaṇena tatʰoktas tu   rāmaḥ pracalitendriyaḥ
   lakṣmaṇena tatʰā_uktas tu   rāmaḥ pracalita_indriyaḥ /
Halfverse: c    mantriṇaḥ samupānīya   tatʰaiva ca purodʰasaṃ
   mantriṇaḥ samupānīya   tatʰaiva ca purodʰasaṃ /5/

Verse: 6 
Halfverse: a    abravīc ca yatʰāvr̥ttaṃ   teṣāṃ madʰye narādʰipaḥ
   abravīc ca yatʰā-vr̥ttaṃ   teṣāṃ madʰye nara_adʰipaḥ /
Halfverse: c    durvāso'bʰigamaṃ caiva   pratijñāṃ tāpasasya ca
   durvāso_abʰigamaṃ caiva   pratijñāṃ tāpasasya ca /6/

Verse: 7 
Halfverse: a    tac cʰrutvā mantriṇaḥ sarve   sopādʰyāyāḥ samāsata
   tat śrutvā mantriṇaḥ sarve   sa_upādʰyāyāḥ samāsata /
Halfverse: c    vasiṣṭʰas tu mahātejā   vākyam etad uvāca ha
   vasiṣṭʰas tu mahā-tejā   vākyam etad uvāca ha /7/

Verse: 8 
Halfverse: a    dr̥ṣṭam etan mahābāho   kṣayaṃ te lomaharṣaṇam
   dr̥ṣṭam etan mahā-bāho   kṣayaṃ te loma-harṣaṇam /
Halfverse: c    lakṣmaṇena viyogaś ca   tava rāma mahāyaśaḥ
   lakṣmaṇena viyogaś ca   tava rāma mahā-yaśaḥ /8/

Verse: 9 
Halfverse: a    tyajainaṃ balavān kālo   mā pratijñāṃ vr̥tʰā kr̥tʰāḥ
   tyaja_enaṃ balavān kālo   mā pratijñāṃ vr̥tʰā kr̥tʰāḥ /
Halfverse: c    vinaṣṭāyāṃ pratijñāyāṃ   dʰarmo hi vilayaṃ vrajet
   vinaṣṭāyāṃ pratijñāyāṃ   dʰarmo hi vilayaṃ vrajet /9/

Verse: 10 
Halfverse: a    tato dʰarme vinaṣṭe tu   trailokye sacarācaram
   tato dʰarme vinaṣṭe tu   trailokye sacara_acaram /
Halfverse: c    sadevarṣigaṇaṃ sarvaṃ   vinaśyeta na saṃśayaḥ
   sadeva-r̥ṣi-gaṇaṃ sarvaṃ   vinaśyeta na saṃśayaḥ /10/

Verse: 11 
Halfverse: a    sa tvaṃ puruṣaśārdūla   trailokyasyābʰipālanam
   sa tvaṃ puruṣa-śārdūla   trailokyasya_abʰipālanam /
Halfverse: c    lakṣmaṇasya vadʰenādya   jagat svastʰaṃ kuruṣva ha
   lakṣmaṇasya vadʰena_adya   jagat svastʰaṃ kuruṣva ha /11/

Verse: 12 
Halfverse: a    teṣāṃ tat samavetānāṃ   vākyaṃ dʰarmārtʰasaṃhitam
   teṣāṃ tat samavetānāṃ   vākyaṃ dʰarma_artʰa-saṃhitam /
Halfverse: c    śrutvā pariṣado madʰye   rāmo lakṣmaṇam abravīt
   śrutvā pariṣado madʰye   rāmo lakṣmaṇam abravīt /12/

Verse: 13 
Halfverse: a    visarjaye tvāṃ saumitre   mā bʰūd dʰarmaviparyayaḥ
   visarjaye tvāṃ saumitre   mā bʰūd dʰarma-viparyayaḥ /
Halfverse: c    tyāgo vadʰo vā vihitaḥ   sādʰūnām ubʰayaṃ samam
   tyāgo vadʰo vā vihitaḥ   sādʰūnām ubʰayaṃ samam /13/

Verse: 14 
Halfverse: a    rāmeṇa bʰāṣite vākye   bāṣpavyākulitekṣaṇaḥ
   rāmeṇa bʰāṣite vākye   bāṣpa-vyākulita_īkṣaṇaḥ /
Halfverse: c    lakṣmaṇas tvaritaḥ prāyāt   svagr̥haṃ na viveśa ha
   lakṣmaṇas tvaritaḥ prāyāt   sva-gr̥haṃ na viveśa ha /14/

Verse: 15 
Halfverse: a    sa gatvā sarayūtīram   upaspr̥śya kr̥tāñjaliḥ
   sa gatvā sarayū-tīram   upaspr̥śya kr̥ta_añjaliḥ /
Halfverse: c    nigr̥hya sarvasrotāṃsi   niḥśvāsaṃ na mumoca ha
   nigr̥hya sarva-srotāṃsi   niḥśvāsaṃ na mumoca ha /15/

Verse: 16 
Halfverse: a    anuccʰvasantaṃ yuktaṃ taṃ   saśakrāḥ sāpsarogaṇāḥ
   anuccʰvasantaṃ yuktaṃ taṃ   saśakrāḥ sāpsaro-gaṇāḥ /
Halfverse: c    devāḥ sarṣigaṇāḥ sarve   puṣpair avakiraṃs tadā
   devāḥ sa-r̥ṣi-gaṇāḥ sarve   puṣpair avakiraṃs tadā /16/

Verse: 17 
Halfverse: a    adr̥śyaṃ sarvam anujaiḥ   saśarīraṃ mahābalam
   adr̥śyaṃ sarvam anujaiḥ   saśarīraṃ mahā-balam /
Halfverse: c    pragr̥hya lakṣmaṇaṃ śakro   divaṃ saṃpraviveśa ha
   pragr̥hya lakṣmaṇaṃ śakro   divaṃ saṃpraviveśa ha /17/

Verse: 18 
Halfverse: a    tato viṣṇoś caturbʰāgam   āgataṃ surasattamāḥ
   tato viṣṇoś catur-bʰāgam   āgataṃ sura-sattamāḥ /
Halfverse: c    hr̥ṣṭāḥ pramuditāḥ sarve   'pūjayan r̥ṣibʰiḥ saha
   hr̥ṣṭāḥ pramuditāḥ sarve_   _apūjayan r̥ṣibʰiḥ saha /18/ {E} {Pd}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.