TITUS
Author: Nand. 
Nandikeśvara
Text: Abhinayad. 
Abhinayadarpaṇam


Electronically prepared by
Pietro Chierichetti,
Torino 2010;
TITUS version by Jost Gippert,
Frankfurt a/M, 20.7.2012


nandikeśvara-viracittam

abʰinayadarpaṇam


namaskriyā

Strophe: 1 
Verse: a    āṅgikaṃ bʰuvanaṃ yasya vācikaṃ sarvavāṅmayam \
Verse: b    āhāryaṃ candratārādi taṃ numaḥ sāttvikaṃ śivam \\ 1 \\

Strophe: 2 
Verse:        nāṭyotpattiḥ
Verse: a    nāyyavedaṃ dadau pūrvaṃ bʰaratāya caturmukʰaḥ \
Verse: b    tataśca bʰarataḥ sārdʰaṃ gandʰarvāpsarasāṃ gaṇauḥ \\ 2 \\

Strophe: 3 
Verse: a    nāṭyaṃ nr̥ṭyaṃ nr̥ttaṃ tatʰā nr̥tyamagre śambʰoḥ prayuktavān \
Verse: b    prayogamuddʰataṃ smr̥tvā svaprayuktaṃ tato haraḥ \\ 3 \\

Strophe: 4 
Verse: a    taṇḍunā svagaṇāgraṇyā bʰaratāya nyadīdiśat \
Verse: b    lāsyamasyāgrataḥ prītvā pārvatyā samadīdiśat \\ 4 \\

Strophe: 5 
Verse: a    buddʰvā 'tʰa tāṇḍavaṃ tāṇḍormartyebʰyo munayo 'vadan \
Verse: b    pārvatī tvanuśāsti sma lāsyaṃ bāṇatmajamuṣāām \\ 5 \\

Strophe: 6 
Verse: a    tayā dvāravatīgopyastābʰiḥ saurāṣṭr̥yoṣitaḥ \
Verse: b    tābʰistu tattaddeśīyāstadaśiṣyanta yoṣitaḥ \\ 6 \\

Strophe: 7 
Verse: a    evaṃ paramparāprāptamettalloke pratiṣṭitam \
Verse:        nāṭyapraśaṃsā
Verse: b    r̥gyajuḥ sāmavedebʰyo vedāccātʰarvaṇaḥ kramāt \\ 7 \\

Strophe: 8 
Verse: a    pāṭyaṃ cābʰinayaṃ gītaṃ rasān saṃgr̥hya padmajaḥ \
Verse: b    vyarīracaccāstramidaṃ dʰarmakāmārtʰamokṣadam \\ 8 \\

Strophe: 9 
Verse: a    kīrtiprāgalbʰyasaubʰāgyavaidagdʰyānāṃ pravardʰanam \
Verse: b    audāryastʰairyadʰairyāṇāṃ vilāsasya ca kāraṇam \\ 9 \\

Strophe: 10 
Verse: a    duḥkʰārtiśokanirvekʰedakʰedaviccedakāraṇaṃ \
Verse: b    api brahmaparānandādidamabʰyadʰikaṃ matam \\ 10 \\

Strophe: 11 
Verse: a    jahāra nāradādīnāṃ cittāni katʰamanyatʰā \
Verse:        naṭanabʰedāḥ
Verse: b    etaccaturvidʰopetaṃ naṭanaṃ trividʰaṃ smr̥tam \\ 11 \\

Strophe: 12 
Verse: a    nāṭyaṃ nr̥ttaṃ nr̥tyamiti munibʰirbʰaratādibʰiḥ \
Verse:        naṭanaprayogakālaḥ
Verse: b    draṣṭavye nāṭyanr̥tye ca parvakāle viśeṣataḥ \\ 12 \\

Strophe: 13 
Verse: a    nr̥ttaṃ tatra narendrāṇāmabʰiṣeke mahotsave \
Verse: b    yātrāyāṃ devayātrāyāṃ vivāhe priyasaṅgame \\ 13 \\

Strophe: 14 
Verse: a    nagarāṇāmagārāṇāṃ praveśe putrajanmani \
Verse: b    śubʰārtʰibʰiḥ prayoktavyaṃ māṅgalyaṃ sarvakarmabʰiḥ \\ 14 \\
Verse:        nāṭyam

Strophe: 15 
Verse: a    nāṭyaṃ tannāṭakaṃ cava pūjyaṃ pūrvakatʰāyutam \
Verse:        nr̥ttam
Verse: b    bʰāvābʰinayahīnaṃ tu nr̥ttamityabʰidʰīyate \\ 15 \\

Strophe: 16 
Verse:        nr̥tyam
Verse: a    rasabʰāvavyañjanādiyuktaṃ nr̥ttamitīryate \
Verse: b    etannr̥tyaṃ mahārājasabʰāyāṃ kalpayet sadā \\ 16 \\

Strophe: 17 
Verse:        sabʰāpatilakṣaṇam
Verse: a    śrīmān dʰīmān vivekī vitaraṇanipuṇo gānavidyāpravīṇaḥ \
Verse: b    sarvajñaḥ kīrtiśālī sarasaguṇayuto hāvabʰāveṣvabʰijñaḥ \
Verse: c    mātsaryadve ṣahīnaḥ prakr̥tihitasadācāraśīlo dayāludʰīṃro
Verse: d    dāntaḥ kalāvānabʰinayacaturo 'sau sabʰānāyakaḥ syāt \\ 17 \\

Strophe: 18 
Verse:        mantrilakṣaṇam
Verse: a    megʰāsustʰirabʰāṣaṇaguṇaparāḥ śr̥īmadyaśolampaṭā
Verse: b    bʰāvajñā guṇadoṣabʰedanipuṇāḥ śraṅgāralīlāyutāḥ \
Verse: c    madʰyastʰā nayakāvidāḥ sahr̥dayāḥ satpaṇiḍatā bʰānti te
Verse: d    bʰāṣābʰedavicakṣaṇāḥ sukavayaścāsya prabʰormantriṇaḥ \\ 18 \\

Strophe: 19 
Verse:        sabʰālakṣaṇam
Verse: a    sabʰākalpatarurbʰāti vedaśākʰopajīvitaḥ \
Verse: b    śāstrapuṣpasamākīrṇo vidvadbʰramaraśobʰitaḥ \\ 19 \\

Strophe: 20 
Verse:        sabʰāracanā
Verse: a    evaṃvidʰaḥ sabʰānātʰaḥ prāṅmukʰo niviśen mudā \
Verse: b    varteran pārśvayostasyakavimāntrimuhr̥jjanāḥ \\ 20 \\

Strophe: 21 
Verse: a    tadagre naṭanaṃ kuryāt tat stʰalaṃ raṅga ucyate \
Verse: b    raṅgamadʰye stʰite pātre tatsamīpe naṭottamaḥ \\ 21 \\

Strophe: 22 
Verse: a    dakṣiṇe tāladʰārī ca pārścadvamdve mr̥daṅgakau \
Verse: b    tayormadʰye gītakārī śrutikārastasantike \\ 22 \\

Strophe: 23 
Verse: a    evaṃ tiṣṭet krameṇaiva nāṭyādau raṅgamaṇḍalī \
Verse:        pātralakṣaṇam
Verse: b    tanvī rūpavatī śyāmā pīnotnatapayodʰarā \\ 23 \\

Strophe: 24 
Verse: a    prahalbʰā sarasā kāntā kuśalā grahamokṣayoḥ \
Verse: b    viśālalocanā gītavādyatālanuvartinī \\ 24 \\

Strophe: 25 
Verse: a    parārdʰyabʰūṣāsampannā prasannamukʰapaṅkajā \
Verse: b    evaṃvidʰaguṇopetā nartakī samudīritā \\ 25 \\

Strophe: 26 
Verse:        varjanīyapātrāṇi
Verse: a    puṣpākṣī keśahīnā ca stʰūloṣṭʰī lambitastanī \
Verse: b    atistʰūlāpyatikr̥śā atyuccāpyativāmanā \\ 26 \\

Strophe: 27 
Verse: a    kubjā ca svarahīnā ca daśaitā nāṭyavarjitāḥ \
Verse:        pātrasya prāṇāḥ
Verse: b    javaḥ stʰiratvaṃ rekʰā ca bʰramarī dr̥ṣṭaraśramaḥ \\ 27 \\

Strophe: 28 
Verse: a    medʰā śraddʰā vaco gītaṃ prātnaprāṇā daśa smr̥tāḥ \
Verse: b    evaṃvidʰena pātreṇa nr̥tyaṃ kāryaṃ vidʰānataḥ \\ 28 \\

Strophe: 29 
Verse:        kiṅkiṇīlakṣaṇam
Verse: a    sukʰarāśca surūpāśca sūkṣmā nakṣatradevatāḥ \
Verse: b    kiṅkiṇyaḥ kāṃsyaracitā ekaikāṅgulikāntaram \\ 29 \\

Strophe: 30 
Verse: a    badʰnīyānnalasūtreṇa grantʰibʰiśca dr̥ḍʰaṃ punaḥ \
Verse: b    śatadvayaṃ śataṃ vāpi pādayornāṭyakāriṇī \\ 30 \\

Strophe: 31 
Verse:        prārtʰanādikam
Verse: a    vigʰneśaṃ murajādʰipaṃ ca gaganaṃ stutvā mahīṃ prārtʰayet \
Verse: b    tattadvādyakadambakasya vidʰinā pūjāvidʰāmanasyet \
Verse: c    ālapyātimanoharān bahuvidʰīn saṃpādya bʰūyastatʰā \
Verse: d    gurvājñāmavalambya pātramucitaṃ śraṅgāramevārabʰet \\ 31 \\

Strophe: 32 
Verse:        raṅgādʰidevatāstutiḥ
Verse: a    bʰaratakulabʰāgyakalike bʰāvarasānandapariṇtākāre \
Verse: b    jagadekamohanakale jaya jaya raṅgādʰidevate devi \\ 32 \\

Strophe: 33 
Verse:        puṣpāñjaliḥ
Verse: a    vigʰrānāṃ nāśanaṃ kartuṃ bʰūtānāṃ rakṣaṇāya ca \
Verse: b    devānāṃ tuṣṭaye cāpi prekṣakāṇāṃ vibʰūtaye \\ 33 \\

Strophe: 34 
Verse: a    śreyase nāyakasyātra pātrasaṃrakṣaṇāya ca \
Verse: b    ācāryaśikṣāsiddʰyartʰaṃ puṣpāñjalimatʰārabʰet \\ 34 \\

Strophe: 35 
Verse:        nāṭyakramaḥ
Verse: a    evaṃ kr̥tvā pūrvaraṅgaṃ nr̥tyaṃ kāryaṃ tataḥ param \
Verse: b    nr̥tyaṃ gītābʰinayanaṃ bʰāvatālayutaṃ bʰavet \\ 35 \\

Strophe: 36 
Verse: a    āsyenalambayed gītaṃ hastenārtʰaṃ pradarśayet \
Verse: b    cakṣurbʰyāṃ darśayed bʰāvaṃ pādābʰyāṃ tālamācaret \\ 36 \\

Strophe: 37 
Verse: a    yato hastastato dr̥ṣṭiryato dr̥ṣṭistato manaḥ \
Verse: b    yato manastato bʰāvo yato bʰāvastato smaḥ \\ 37 \\

Strophe: 38 
Verse:        abʰinayaḥ
Verse: a    tatra svabʰinayasyaiva prādʰānyamit katʰyate \
Verse: b    āṅgiko vācikastadvadāhāryaḥ sātviko 'paraḥ \\ 38 \\

Strophe: 39 
Verse:        caturdʰābʰinayas-
Verse:        āṅgikābʰinayaḥ
Verse: a    tatra āṅgiko 'ṅgainīrdaśitaḥ \
Verse:        vācikābʰinayaḥ
Verse: b    vācā viracitaḥ kāvyanāṭakādi tu vācikaḥ \\ 39 \\

Strophe: 40 
Verse:        āhāryābʰinayaḥ
Verse: a    āhāryā hārakeyūraveṣādibʰiralaṃkr̥tiḥ \
Verse:        sātvikābʰinayaḥ
Verse: b    sāttvikaḥ sāttvikairbʰāvairbʰāvajñena vibʰāvitaḥ \\ 40 \\

Strophe: 41 
Verse: a    stambʰaḥ svedāmbu romāñcaḥ svarabʰaṅgo 'tʰa vepatʰuḥ \
Verse: b    vaivarṇyamaśra pralaya ityaṣṭau sāttvikā smr̥tāḥ \\ 41 \\

Strophe: 42 
Verse:        āṅgikābʰinayasādʰanāni
Verse: a    atrāṅgiko 'ṅgopāṅgaistredʰā prakāśataḥ \
Verse: b    aṅgānyatra śiro hastau vakṣaḥ pārśvau kaṭītaṭau \\ 42 \\

Strophe: 43 
Verse: a    pādāviti ṣaḍuktāni grīvāmapyapare jaguḥ \
Verse:        pratyaṅgāni
Verse: b    pratyaṅgānyatʰa ca skandʰau bāhū pr̥ṣṭaṃ tatʰodaram \\ 43 \\

Strophe: 44 
Verse: a    ūrū jaṅgʰe ṣaḍityāhurapare maṇibandʰakau \
Verse: b    jānunī kūrparāvetat trayamapyadʰikaṃ jaguḥ \\ 44 \\

Strophe: 45 
Verse:        grīvā syādapy-
Verse:        upāṅgāni
Verse: a    upāṅgantu skandʰa eva jagurbūdʰāḥ \
Verse: b    dr̥ṣṭirbʰr puṭatārāśca kapolau nāsikā hanū \\ 45 \\

Strophe: 46 
Verse: a    adʰaro daśanā jihvā cubukaṃ vadanaṃ tatʰā \
Verse: b    upāṅgāni dvādaśvai śirasyaṅgāntareṣu ca \\ 46 \\

Strophe: 47 
Verse: a    pārṇigulpʰau tatʰāṅgulyaḥ karayoḥ pādayostale \
Verse: b    etāni pūrvaśāstrānusāreṇoktāni vai mayā \\ 47 \\

Strophe: 48 
Verse: a    nr̥tyamātropayogīni katʰyante lakṣaṇaiḥ kramāt \
Verse: b    aṅgānāṃ calanādeva pratyaṅgopāṅgayorapi \\ 48 \\

Strophe: 49 
Verse: a    calanaṃ prabʰavettasmāt sarveṣāṃ nātra lakṣaṇam \
Verse:        śirobʰedāḥ
Verse: b    samamudvāhitamadʰomukamālolitṃ dʰutam \\ 49 \\

Strophe: 50 
Verse: a    kampitaṃ ca parāvr̥ttamutkṣiptaṃ parivāhitam \
Verse: b    navadʰā katʰitaṃ śīrṣaṃ nāṭyaśastraviśāradaiḥ \\ 50 \\

Strophe: 51 
Verse:        samaśiraḥ
Verse: a    niścalaṃ samamākʰyātaṃ tannatyunnativarjitam \
Verse:        viniyogaḥ
Verse: b    nr̥tyārambʰe japādau ca garve praṇayakopayoḥ \\ 51 \\

Strophe: 52 
Verse: a    stambʰane niṣkriyatve ca samaśīrṣamudāhr̥tam \
Verse:        udvāhitaśiraḥ
Verse: b    udvāhitaśiro jñemūrdʰvabʰāgonnatananam \\ 52 \\

Strophe: 53 
Verse:        viniyogaḥ
Verse: a    dʰvaje candre ca gagane parvate vyomagāmiṣu \
Verse: b    tuṅgavastuni saṃyojyamudvāhitaśiro budʰaiḥ \\ 53 \\

Strophe: 54 
Verse:        adʰomukʰaśiraḥ
Verse: a    adʰastānnamitaṃ vakta madʰomukʰamitoritam \
Verse:        vinoyogaḥ
Verse: b    lajjākʰedapraṇāmeṣu duścintāmūrcayostatʰā \\ 54 \\

Strophe: 55 
Verse: a    adʰaḥstʰitārtʰanirdeśo yujyate 'mbuni majjane \
Verse:        ālolitaśiraḥ
Verse: b    maṇḍalākāramudbʰrāntamālolitaṃ śiro bʰavet \\ 55 \\

Strophe: 56 
Verse: a    nidrodvegagrahāveśamadamadasūrcāsu tanmatam \
Verse: b    bʰramaṇe vikaṭoddāmahāsye cālolitaṃ śiraḥ \\ 56 \\

Strophe: 57 
Verse:        dʰutaśiraḥ
Verse: a    vāmadakṣiṇabʰāgeṣu calitaṃ taddʰa tam śiraḥ \
Verse:        viniyogaḥ
Verse: b    nāstītivacane bʰayaḥ pārśvadeśāvalokane \\ 57 \\

Strophe: 58 
Verse: a    janāśvāse vismaye ca viṣāde 'nīpsite tatʰā \
Verse: b    śītārte jvarite bʰīte sadyaḥpītāsave tatʰā \\ 58 \\

Strophe: 59 
Verse: a    yuddʰe yatne visedʰādāvamarṣe svāṅgavīkṣaṇe \
Verse: b    pārśvahvane ca tasyoktaḥ prayogo bʰaratādibʰiḥ \\ 59 \\

Strophe: 60 
Verse:        kampitaśiraḥ
Verse: a    ūrdʰvādʰobʰāgacalitaṃ taccʰiraḥ kampitaṃ bʰavet \
Verse:        viniyogaḥ
Verse: b    roṣe tiṣṭʰeti vacane praśne saṃkʰyopahūtayoḥ \\ 60 \\

Strophe: 61 
Verse: a    āvāhane tarjane ca kampitaṃ viniyujyate \
Verse:        parāvr̥ttaśiraḥ
Verse: b    parāṅmukʰīkr̥taṃ śirṣaṃ parāvr̥ttamitīritam \\ 61 \\

Strophe: 62 
Verse:        viniyogaḥ
Verse: a    tat kāryaṃ kopalajjādikr̥te vaktāpasaraṇe \
Verse: b    anādare kace tūṇyāṃ parāvr̥ttaśiro bʰavet \\ 62 \\

Strophe: 63 
Verse:        utkṣiptaśiraḥ
Verse: a    pārśvārdʰvabʰāgacalitanutkṣiptaṃ katʰyate śiraḥ \
Verse: b    gr̥hāṇāgaccetyādyartʰasūcane pariśoṣaṇe \\ 63 \\

Strophe: 64 
Verse: a    aṅgikāre prayoktavyamutkṣiptaṃ nāma śīrṣakam \
Verse:        parivāhitaśiraḥ
Verse: b    pārśvayoścamaramiva tataḥ cet parivāhitam \\ 64 \\

Strophe: 65 
Verse:        viniyogaḥ
Verse: a    mohe ca virahe stotre santoṣe cānumādane \
Verse: b    vicāre ca prayoktavyaṃ parivāhitaśīrṣakam \\ 65 \\

Strophe: 66 
Verse:        dr̥ṣṭibʰedāḥ
Verse: a    samamālokitaṃ sācī prālokitanimīlite \
Verse: b    ullokitānuvr̥tte ca tatʰā caivāvalokitam \\ 66 \\

Strophe: 67 
Verse: a    ityaṣṭau dr̥ṣṭibʰedāḥ syuḥ kīrtitāḥ pūrvasūribʰiḥ \
Verse:        samadr̥ṣṭiḥ
Verse: b    vīkṣaṇaṃ suranārīvat sānandaṃ samavīkṣaṇam \\ 67 \\

Strophe: 68 
Verse:        viniyogaḥ
Verse: a    nāṭyārambʰe tulāyāṃ cāpyanyacintāviniścaye \
Verse: b    āścarye devatārūpe samadr̥ṣṭirudāhr̥tā \\ 68 \\

Strophe: 69 
Verse:        ālokitadr̥ṣṭiḥ
Verse: a    ālokitaṃ bʰavedāśubʰramaṇaṃ spʰuṭavīkṣaṇam \
Verse:        viniyogaḥ
Verse: b    kulālacakrabʰramaṇe sarvavastupradarśane \\ 69 \\

Strophe: 70 
Verse: a    yāñcāyāṃ ca prayoktavyamālokitanirīkṣaṇam \
Verse:        sācīdr̥ṣṭiḥ
Verse: b    svastʰāne tiryagākāramapāṅgavalanaṃ kramāt \\ 70 \\

Strophe: 71 
Verse: a    sācīdr̥ṣṭiriti jñeyā nāṭyaśastraviśāradaiḥ \
Verse:        viniyogaḥ
Verse: b    iṅgite śmaśru saṃspatśe śaralakṣye śuke smr̥tau \\ 71 \\

Strophe: 72 
Verse: a    sūcanāyāṃ ca kāryāṇāṃ nāṭye sācīnirīkṣaṇam \
Verse:        pralokitadr̥ṣṭiḥ
Verse: b    pralokitaṃ parijñeyaṃ calanaṃ parśvabʰāgayoḥ \\ 72 \\

Strophe: 73 
Verse:        viniyogaḥ
Verse: a    abʰayoḥ pārśvayorvastu nirdeśe ca prasaṃjite \
Verse: b    calane buddʰijāḍye ca pralokitanirīkṣaṇam \\ 73 \\

Strophe: 74 
Verse:        mīlitadr̥ṣṭiḥ
Verse: a    dr̥ṣṭerardʰavikāśena mīlitā dr̥ṣṭirīritā \
Verse:        viniyogaḥ
Verse: b    āśīviṣe pāravaśye jape śyāne namaskr̥tau \\ 74 \\

Strophe: 75 
Verse: a    unmāde sūkṣmadr̥ṣṭau ca mīlitā dr̥ṣṭirīritā \
Verse:        ullokitadr̥ṣṭiḥ
Verse: b    ullokitamiti jñeyamūrdʰvabʰāge vilokanam \\ 75 \\

Strophe: 76 
Verse:        viniyogaḥ
Verse: a    dʰvajāgre gopure devamaṇḍale pūrvajanmani \
Verse: b    aunnatye candrakādāvapyullokitanirīkṣaṇam \\ 76 \\

Strophe: 77 
Verse:        anuvr̥ttadr̥ṣṭiḥ
Verse: a    urdʰvādʰo vīkṣaṇaṃ vegādanuvr̥ttamitīritam \
Verse:        viniyoga
Verse: b    kopadr̥ṣṭau priyāmantre anuvr̥ttanarīkṣaṇam \\ 77 \\

Strophe: 78 
Verse:        avalokitadr̥ṣṭiḥ
Verse: a    adʰastāddarśanaṃ yattadavalokitamucyate \
Verse:        viniyogaḥ
Verse: b    cāyāloke vicāre caryāyāṃ paṭʰanaśrame \\ 78 \\

Strophe: 79 
Verse: a    svāṅgāvalokane yāne 'pyavalokitamucyate \
Verse:        grīvābʰedāḥ
Verse: b    sundarī ca tiraścīnā tatʰaiva parivartitā \\ 79 \\

Strophe: 80 
Verse: a    prakampitā ca bʰāvajñairjñeyā grīvā caturvidʰā \
Verse:        sundarī grīvā
Verse: b    tiryak cañcalitā grīvā sundarīti nigadyate \\ 80 \\

Strophe: 81 
Verse:        viniyogaḥ
Verse: a    snehārambʰe tatʰā yatne samyagartʰe ca vismr̥te \
Verse: b    sarasatvānumode ca sā grīvā sundarī matā \\ 81 \\

Strophe: 82 
Verse:        tiraścīnā grīvā
Verse: a    pārśvayorurdʰvabʰāge tu calitā sarpayānavat \
Verse: b    sā grīvā tu traścīnetyucyate nāṭyakovidaiḥ \\ 82 \\

Strophe: 83 
Verse:        viniyogaḥ
Verse: a    kʰaḍgaśrame sarpagatyāṃ tiraścīnā prayujyate \
Verse:        parivartitā grīvā
Verse: b    savyāpasavyacalitā grīvā yatrārdʰacandravat \\ 83 \\

Strophe: 84 
Verse: a    sā hi nāṭyakalābʰijñairvijñeyā parivartitā \
Verse:        viniyogaḥ
Verse: b    śr̥ṅgāranaṭane kāntakapoladvayacumbane \\ 84 \\

Strophe: 85 
Verse: a    nāṭyatantravicārajñaiḥprayojyā parivartitāa \
Verse:        prakampita grīvā
Verse: b    puraḥ paścāt pracalanāt kapolīkaṇṭʰakampavat \\ 85 \\

Strophe: 86 
Verse: a    prakampiteti sā grīvā nāṭyaśāstre paśasyate \
Verse:        viniyogaḥ
Verse: b    yuṣmadasmaditi prokte deśīnāṭye viśesataḥ \\ 86 \\

Strophe: 87 
Verse: a    dolāyāṃ maṇite caiva prayoktavyā prakampitā \
Verse:        hastabʰedāḥ
Verse: b    atʰedānīntu hastānāṃ lakṣaṇaṃ procyate mayā \\ 87 \\

Strophe: 88 
Verse: a    asaṃyutāḥ saṃyutāśca hastatadvedʰā nirūpetā \
Verse: b    tatrāsaṃyutahastānāmādau lakṣaṇamucyate \\ 88 \\

Strophe: 89 
Verse:        asaṃyutahastāḥ
Verse: a    patākasripatāko 'rdʰapatākaḥ kartarīmukʰaḥ \
Verse: b    mayūrākʰyo 'rdʰacandraśca arālaḥ śukatuṇḍakaḥ \\ 89 \\

Strophe: 90 
Verse: a    muṣṭiśca śikʰarākʰyaśca kapittʰaḥ kaṭakāmukʰaḥ \
Verse: b    sūcī candrakalā padmakośaḥ sarpaśirastatʰā \\ 90 \\

Strophe: 91 
Verse: a    mr̥gaśīrṣaḥ siṃhamukʰaḥ kāmgulaścālapadmakaḥ \
Verse: b    caturo bʰramaraścaiva haṃsāsyo haṃsapakṣakaḥ \\ 91 \\

Strophe: 92 
Verse: a    sandaṃśo mukulaśceva tāmracūḍastriśūlakaḥ \
Verse: b    ityasaṃyutahastānāmaṣṭāviśātirīritā \\ 92 \\

Strophe: 93 
Verse:        patākahastaḥ
Verse: a    aṅgulyaḥ kuñcitāṅguṣṭaḥ saṃśliṣṭāḥ prasr̥tā yadi \
Verse: b    sa patākakaraḥ prokto nr̥tyakarmaviśāradaiḥ \\ 93 \\

Strophe: 94 
Verse:        viniyogaḥ
Verse: a    nāṭyarambʰe vārivāhe vane vastuniṣedʰane \
Verse: b    kucastʰale niśāyāṃ ca nadyāmaramaṇḍale \\ 94 \\

Strophe: 95 
Verse: a    turaṅge kʰaṇḍane vāyau śayane gamanodyame \
Verse: b    pratāpe ca prasāde ca candrikāyāṃ gʰanātape \\ 95 \\

Strophe: 96 
Verse: a    kavāṭapāṭane saptavibʰaktyartʰe taraṅgake \
Verse: b    vītʰipraveśabʰāve 'pi samatve cāṅgarāgake \\ 96 \\

Strophe: 97 
Verse: a    ātmārtʰe śapatʰe cāpi tūṣṇīṃbʰāvanidarśane \
Verse: b    tālapatne ca kʰeṭe ca dravyādisparśane tatʰā \\ 97 \\

Strophe: 98 
Verse: a    āśīrvādakriyāyāṃ ca nr̥paśreṣṭasya bʰāvane \
Verse: b    tatra tatreti vacane sindʰau ca sukr̥takrame \\ 98 \\

Strophe: 99 
Verse: a    sambodʰane puroge 'pi kʰaṇgarūpasya dʰāraṇe \
Verse: b    māse saṃvatsare varṣadine sammārjane tatʰā \\ 99 \\

Strophe: 100 
Verse: a    evamartʰeṣu yujyante patākahastabʰāvanāḥ \
Verse:        tripatākahastaḥ
Verse: b    sa eva tripatākaḥ syāsvakritānāmikāṅguliḥ \\ 100 \\

Strophe: 101 
Verse:        viniyogaḥ
Verse: a    makuṭe vr̥kṣabʰāveṣu vajre taddʰaravāsave \
Verse: b    ketakīkusume dīpe vahnijvālā vijr̥mbʰane \\ 101 \\

Strophe: 102 
Verse: a    kapote ṣatralekʰāyāṃ bāṇārtʰe parivartane \
Verse: b    yujyate tripatāko 'yaṃ katʰito bʰaratottamaiḥ \\ 102 \\

Strophe: 103 
Verse:        ardʰapatākahastaḥ
Verse: a    tripatāke kaniṣṭā ced vakritārdʰapatākikā \
Verse:        viniyogaḥ
Verse: b    pallave pʰalake tīre ubʰayoriti vācake \\ 103 \\

Strophe: 104 
Verse: a    krakace curikāyāṃ ca dʰvaje gopuraśr̥ṅgayoḥ \
Verse: b    yujyate 'rdʰapatākoa|yaṃ tattatkarmaprayogake \\ 104 \\

Strophe: 105 
Verse:        kartarīmukʰahastaḥ
Verse: a    asyaiva cāpi hastasya tarjanī ca kaniṣṭʰikā \
Verse: b    bahiḥ prasārite dve ca sa karaḥ kartarīmukʰaḥ \\ 105 \\

Strophe: 106 
Verse:        viniyogaḥ
Verse: a    strīpuṃsayostu viśleṣe viparyāsapade 'pi vā \
Verse: b    luṇṭʰane nayanānte ca maraṇe bʰedabʰāvane \\ 106 \\

Strophe: 107 
Verse: a    vidya dartʰe 'pye kaśayyāvirahe patane tatʰā \
Verse: b    latāyāṃ yujyate yastu sa karaḥ kartarīmukʰaḥ \\ 107 \\

Strophe: 108 
Verse:        mayūrahastaḥ
Verse: a    asminnābʰikāṅ guṣṭʰau śliṣṭau cānyāḥ prasāritāḥ \
Verse: b    mayūrahastaḥ katʰitaḥ karaṭīkāvicakṣaṇaiḥ \\ 108 \\

Strophe: 109 
Verse:        viniyogaḥ
Verse: a    mayūrāsye latāyāṃ ca śakune vamane tatʰā \
Verse: b    alakasyāpanayane lalāṭatilakeṣu ca \\ 109 \\

Strophe: 110 
Verse: a    nadyudakasya nikṣepe śāstravāde prasiddʰake \
Verse: b    evamartʰeṣu yujyante mayūrakarabʰāvanāḥ \\ 110 \\

Strophe: 111 
Verse:        ardʰacandrahastaḥ
Verse: a    ardʰacandrakaraḥ so 'yaṃ patāke 'ṅguṣṭʰasāraṇāt \
Verse:        viniyogaḥ
Verse: b    candre kr̥ṣṇāṣṭamībʰāji galahastārtʰake 'pi ca \\ 111 \\

Strophe: 112 
Verse: a    bʰallāyudʰe devatānāmabʰiṣa vanakarmaṇi \
Verse: b    bʰukpātre codbʰave kaṭyāṃ vintāyāmātmavācake \\ 112 \\

Strophe: 113 
Verse: a    dʰyāne ca prārtʰane cāpi aṅgānāṃ sparśane tatʰā \
Verse: b    prākr̥tānāṃ namaskāre ardʰacandre niyujyate \\ 113 \\

Strophe: 114 
Verse:        arālahastaḥ
Verse: a    patāke rajanī vakrā nāmnā so 'yamarālakaḥ \
Verse:        viniyogaḥ
Verse: b    viṣādyamr̥tapāneṣu pracaṇḍapavane 'pi ca \\ 114 \\

Strophe: 115 
Verse:        śukatuṇḍahastaḥ
Verse: a    asminnanābʰikā vakrā śukatuṇḍakaro bʰavet \
Verse:        viniyogaḥ
Verse: b    bāṇāprayoge kuntārtʰe vālayasya smr̥tikrame \\ 115 \\

Strophe: 116 
Verse: a    marmok tyāmugrabʰāveṣu śukataṇḍo niyujyate \
Verse:        muṣṭihastaḥ
Verse: b    melanādaṅgulīnāñca kuñcitānāṃ talāntare \\ 116 \\

Strophe: 117 
Verse: a    aṅguṣṭʰaścopareyuto muṣṭihasto 'yamīryute \
Verse:        viniyogaḥ
Verse: b    stʰire kacagrahe dārḍʰye vastvādīnāṃ ca dʰāraṇe \\ 117 \\

Strophe: 118 
Verse: a    mallānāṃ yuddʰabʰāve 'pi muṣṭihasto 'yamiṣyate \
Verse:        śikʰarahastaḥ
Verse: b    cenmuṣṭirunnapatāṅguṣṭʰaḥ sa eva śikʰaraḥ karaḥ \\ 118 \\

Strophe: 119 
Verse:        viniyogaḥ
Verse: a    madane kārmuke stambʰe niścaye pitr̥karmaṇi \
Verse: b    oṣṭʰapraviṣṭarūpe ca radane praśnabʰāvane \\ 119 \\

Strophe: 120 
Verse: a    liṅge nāstīti vacane smaraṇe 'bʰinayāntike \
Verse: b    kaṭibandʰākarṣaṇe ca parirambʰavidʰikrame \\ 120 \\

Strophe: 121 
Verse: a    gʰaṇṭānināde śikʰaro yujyate bʰaratādibʰiḥ \
Verse:        kapittʰahastaḥ
Verse: b    aṅguṣṭʰamūrdʰniśikʰare vakritā yadi tarjanī \\ 121 \\

Strophe: 122 
Verse: a    kapittʰākʰyaḥ karaḥ so 'yaṃ kīrtito nr̥tyakovidaiḥ \
Verse:        viniyogaḥ
Verse: b    lakṣmyāṃ caiva sarakʰatyāṃ naṭānāṃ tāladʰāraṇe \\ 122 \\

Strophe: 123 
Verse: a    godohane 'pyañjane ca līlākusumadʰāraṇe \
Verse: b    celāñcalādigrahaṇe paṭasyaivāvaguṇṭʰane \\ 123 \\

Strophe: 124 
Verse: a    dʰūpadīpārcane cāpi kapittʰaḥ saṃprayujyate \
Verse:        kaṭakāmukʰahastaḥ
Verse: b    kapittʰe tarjanī cordʰvamucitāṅguṣṭʰamadʰyamā \\ 124 \\

Strophe: 125 
Verse: a    kaṭakāmukʰahasto 'yaṃ kīrtito bʰaratāgamaiḥ \
Verse:        viniyogaḥ
Verse: b    kusumāvacaye muktāstragdāmnāṃ dʰāraṇe tatʰā \\ 125 \\

Strophe: 126 
Verse: a    śaramadʰyākarṣaṇe ca nāgavallīpradānake \
Verse: b    kastūrikādivastūnāṃ peṣaṇe gandʰavāsane \\ 126 \\

Strophe: 127 
Verse: a    vacane dr̥ṣṭibʰāve 'pi kaṭakāmukʰa iṣyate \
Verse:        sūcīhastaḥ
Verse: b    ūrdʰva prasāritā yatra kaṭakāmukʰatarjanī \\ 127 \\

Strophe: 128 
Verse: a    sūcīhastaḥ sa vijñeyo bʰaratāgamakovidaiḥ \
Verse:        viniyogaḥ
Verse: b    ekārtʰe 'pi parabrahmabʰāvanāyāṃ śate 'pi ca \\ 128 \\

Strophe: 129 
Verse: a    ravai nagaryāṃ lokārtʰe tatʰeti vacane 'pi \
Verse: b    yaccabde 'pi taccabde vijanārtʰe 'pi tarjane \\ 129 \\

Strophe: 130 
Verse: a    kārśye śalāke vapuṣi āścarye veṇibʰāvane \
Verse: b    catre samartʰe pāṇai ca romālyāṃ merīvādane \\ 130 \\

Strophe: 131 
Verse: a    kulālacakrabʰramaṇe ratʰāṅgamaṇḍale tatʰā \
Verse: b    vivecane dinānte ca sūcīhastaḥ prakīrtitaḥ \\ 131 \\

Strophe: 132 
Verse:        candrakalāhastaḥ
Verse: a    sūcyāmaṅguṣṭʰamokṣe tu karaścandrakalā bʰavet \
Verse:        viniyogaḥ
Verse: b    candre mukʰe prādeśe tanmātrākāravastuni \\ 132 \\

Strophe: 133 
Verse: a    śivasya mukuṭe gaṅgānadyāṃ ca laguḍe 'pi \
Verse: b    eṣāṃ candrakalā caiva viniyojyā vidʰoyate \\ 133 \\

Strophe: 134 
Verse:        padmakośahastaḥ
Verse: a    aṅgulyo viralā kiñcit kuñcitāstalanimnagāḥ \
Verse: b    padmakośābʰidʰe hastastannirūpaṇamucyate \\ 134 \\

Strophe: 135 
Verse:        viniyogaḥ
Verse: a    pʰale bilvakapittʰādai strīṇāṃ ca kucakumbʰayoḥ \
Verse: b    āvarte kanduke stʰālyāṃ bʰojane puṣpakorake \\ 135 \\

Strophe: 136 
Verse: a    sahakārapʰale puṣpavarṣe mañjarikādiṣu \
Verse: b    japākusumabʰāve ca gʰaṇṭārūpe vidʰānake \\ 136 \\

Strophe: 137 
Verse: a    valmīke kamale 'pyaṇḍe padmakośo vidʰīyate \
Verse:        sarpaśirṣahastaḥ
Verse: b    patākā namitāgrā cet sarpaśīrṣakaro bʰavet \\ 137 \\

Strophe: 138 
Verse:        viniyogaḥ
Verse: a    cāndane bʰujage mandre prokṣaṇe poṣaṇādiṣu \
Verse: b    devasyodakadāneṣu āspʰāle gajakumbʰayoḥ \\ 138 \\

Strophe: 139 
Verse: a    bʰujastʰāne mallānāṃ tu yujyate sarpaśīrṣakaḥ \
Verse:        mr̥gaśīrṣahastaḥ
Verse: b    asmin kaniṣṭʰikāṅguṣṭʰe prasr̥te mr̥gaśīrṣakaḥ \\ 139 \\

Strophe: 140 
Verse:        viniyogaḥ
Verse: a    strīṇāmartʰe kapole ca cakramaryādayorapi \
Verse: b    bʰītyāṃ vivāde nepatʰye āhvāne ca tripuṇḍake \\ 140 \\

Strophe: 141 
Verse: a    mr̥gamukʰe raṅgamallyāṃ pādasaṃvāhane tatʰā \
Verse: b    sarvasve melane kāmamandire catradʰāraṇe \\ 141 \\

Strophe: 142 
Verse: a    sañcāre ca priyāhvāne yujyate mr̥gaśīrṣakaḥ \
Verse:        siṃhamukʰahastaḥ
Verse: b    madʰyamānāmikāgrābʰyāmaṅguṣṭʰo miśrito yadi \\ 142 \\

Strophe: 143 
Verse: a    śeṣai prasāritau yatra siṃhāsyakaro bʰavet \
Verse:        viniyogaḥ
Verse: b    home śaśe gaje darbʰacalane padmadāmani \\ 143 \\

Strophe: 144 
Verse: a    siṃhānane vaidyapāke śodʰane saṃprayujyate \
Verse:        kāṅgulahastaḥ
Verse: b    padmakośe 'nāmikā cennamnā kāṅgulahstakaḥ \\ 144 \\

Strophe: 145 
Verse:        dʰutaśiraḥ
Verse: a    lakucasya pʰale bālakiṅkiṇyāṃ gʰaṇṭikārtʰake \
Verse: b    cakore kramuke bālakuce kahlārake tatʰā \\ 145 \\

Strophe: 146 
Verse: a    cātake nālikere ca kāṅgulo yujyate karaḥ \
Verse:        alapadmahastaḥ
Verse: b    kaniṣṭʰādyā vakritāśca viralāścālapadmakaḥ \\ 146 \\

Strophe: 147 
Verse:        viniyogaḥ
Verse: a    cakacābje katittʰādipʰale cāvartake kuce \
Verse: b    virahe mukure pūrṇacandre saundaryabʰāvane \\ 147 \\

Strophe: 148 
Verse: a    dʰammille cadraśālāyāṃ grāme coddʰr̥takopayoḥ \
Verse: b    taṭāke śakaṭe cakravāke kalakalārave \\ 148 \\

Strophe: 149 
Verse: a    ślāgʰane so 'lapadmaśca kīrtito bʰaratāgame \
Verse:        caturahastaḥ
Verse: b    tarjanyādyāstatra śliṣṭāḥ kaniṣṭʰā prasr̥tā yadi \\ 149 \\

Strophe: 150 
Verse: a    aṅguṣṭʰo 'nāmikāmūle tiryak ceccaturaḥ karaḥ \
Verse:        viniyogaḥ
Verse: b    kastūryāṃ kiñcidartʰe ca svarṇe tāmne ca lohake \\ 150 \\

Strophe: 151 
Verse: a    ārdre kʰede rasāsvāde locane varṇabʰedane \
Verse: b    pramāṇe sarase mandagamane śakalīkr̥te \\ 151 \\

Strophe: 152 
Verse: a    ānane gʰr̥tatailādai yujyate caturaḥ karaḥ \
Verse:        bʰramarahastaḥ
Verse: b    madʰyamāṅguṣṭʰasaṃyoge tarjanī vakritākr̥tiḥ \\ 152 \\

Strophe: 153 
Verse: a    śeṣāḥ prasāritāścāsau bʰramarābʰidʰahastakaḥ \
Verse:        viniyogaḥ
Verse: b    bʰramare ca śuke pakṣe sārase kokilādiṣu \\ 153 \\

Strophe: 154 
Verse: a    bʰramarākʰyaśca hasto 'yaṃ kīrtito bʰaratāgame \
Verse:        haṃsāsyahastaḥ
Verse: b    madʰyamādyāstrayoṅgulyaḥ prasr̥tā viralā yadi \\ 154 \\

Strophe: 155 
Verse: a    tarjanyaṅguṣṭʰasaṃśleṣāt karo haṃsāasyako bʰavet \
Verse:        viniyogaḥ
Verse: b    māṇgalye sūtrabandʰe ca upadeśaviniścaye \\ 155 \\

Strophe: 156 
Verse: a    romāñce maiktikādai ca dīpavartiprasāraṇe \
Verse: b    nikaṣe mallikādau ca citre tallekʰane tatʰā \\ 156 \\

Strophe: 157 
Verse: a    daṃśe ca jalabandʰe ca haṃsāsyo yujyate karaḥ \
Verse:        haṃsapakṣahastaḥ
Verse: b    sarpaśīrṣkare samyak kaniṣṭʰā praṣr̥tā yadi \\ 157 \\

Strophe: 158 
Verse: a    haṃsapakṣaḥ karaḥ so 'yaṃ tannirūpaṇamucyate \
Verse:        viniyogaḥ
Verse: b    ṣaṭ saṃkʰyāyāṃ setubandʰe nakʰarekʰāṅkaṇe tatʰā \\ 158 \\

Strophe: 159 
Verse: a    pidʰāne haṃsapakṣo 'yaṃ katʰito bʰaratāgame \
Verse:        sandaṃśahastaḥ
Verse: b    punaḥ punaḥ padmākośaḥ saṃśliṣṭo viralo yadi \\ 159 \\

Strophe: 160 
Verse: a    sandaṃśābʰidʰahasto 'yaṃ kīrtito nr̥tyakovidaiḥ \
Verse:        viniyogaḥ
Verse: b    udare validāne ca vraṇe kīṭmahābʰaye \\ 160 \\

Strophe: 161 
Verse: a    arcane pañcasaṃkʰyāyāṃ sandaṃśākʰyo niyujyate \
Verse:        mukulahastaḥ
Verse: b    aṅgulīpañcakaṃ caiva melayitvā pradarśane \\ 161 \\

Strophe: 162 
Verse: a    mukulābʰidʰahasto 'yaṃ kīrtyate bʰaratāgame \
Verse: b    kumude bʰojane pañcabāṇe mudrādidʰāraṇe \\ 162 \\

Strophe: 163 
Verse: a    nābʰau ca kadalīpuṣpe yujyate mukulaḥ karaḥ \
Verse:        tāmracūḍahastaḥ
Verse: b    makule tāmracūḍaḥ syāttarjanī vakritā yadi \\ 163 \\

Strophe: 164 
Verse:        viniyogaḥ
Verse: a    kukkuṭādau vake kāke uṣṭre vatse ca lekʰane \
Verse: b    yujyate tāmracūḍākʰyaḥ karo bʰaratavedibʰiḥ \\ 164 \\

Strophe: 165 
Verse:        triśūlahastaḥ
Verse: a    nikuccanayutāṅguṣṭʰakaniṣṭʰastu triśūlakaḥ \
Verse: b    bilvapatre tritvayukte triśūlakara īrite \\ 165 \\

Strophe: 166 
Verse:        vyāgʰrahastaḥ
Verse: a    kaniṣṭʰāṅguṣṭʰanamane mr̥gaśīrṣakare tatʰā \
Verse: b    vyāgʰrahastaḥ sa vijñeyo bʰaratāgamakovidaiḥ \\ 166 \\

Strophe: 167 
Verse:        viniyogaḥ
Verse: a    vyāgʰre bʰeke markaṭe ca śukto saṃyujyate karaḥ \
Verse:        ardʰasūcīhastaḥ
Verse: b    kapittʰe tarjanī ūrdʰvasāraṇe tvardʰasūvikaḥ \\ 167 \\

Strophe: 168 
Verse:        viniyogaḥ
Verse: a    aṅkure pākṣiśāvādau br̥hatkoṭe niyujyate \
Verse:        kaṭakahastaḥ
Verse: b    sandaṃśo 'pyurdʰvabʰāge tu madʰyamānāmikānvayā \\ 168 \\

Strophe: 169 
Verse: a    ------- -------- -------- kaṭako hasta ucyate \
Verse:        viniyogaḥ
Verse: b    etasya viniyogastu ------ ------ darśate \\ 169 \\

Strophe: 170 
Verse: a    āhvānabʰāvacalane ------ ------ \
Verse:        pallihastaḥ
Verse: b    mayūre tarja nīpr̥ṣṭʰo madʰyamena yuto yadi \\ 170 \\

Strophe: 171 
Verse: a    pallihastaḥ sa vijñeyaḥ pallyartʰe viniyujyate \
Verse: b    abʰinayavaśādeṣāṃ saṃyutatvaṃ prakīrtitam \\ 171 \\

Strophe: 172 
Verse: a    mārgapradarśānaṃ teṣāṃ kramāllakṣyānusāratḥ \
Verse:        saṃyutahastāḥ
Verse: b    añjaliśca kapotaśca karkaṭaḥ svastikastatʰā \\ 172 \\

Strophe: 173 
Verse: a    ḍolāhastaḥ puṣpapuṭa utsaṅgaḥ śivaliṅgakaḥ \
Verse: b    kaṭakāvardʰanaścaiva kartarīsvastikastatʰā \\ 173 \\

Strophe: 174 
Verse: a    śakaṭaṃ śaṅkʰacake ca sampuṭaḥ pāśakīlakau \
Verse: b    matsyaḥ kūrmo varāhaśca garuḍo nāgabandʰakaḥ \\ 174 \\

Strophe: 175 
Verse: a    kʰaṭvā bʰeruṇḍa ityete saṃkʰyātā saṃyutāḥ karāḥ \
Verse: b    trayāviṃśatirityuktāḥ pūrvagairbʰaratādibʰiḥ \\ 175 \\

Strophe: 176 
Verse:        añjalihastaḥ
Verse: a    patākātalayoryogādañjaliḥ kara īritaḥ \
Verse:        viniyogaḥ
Verse: b    devatāguruviprāṇāṃ namaskāreṣbanukramāt \\ 176 \\

Strophe: 177 
Verse: a    kāryaḥ śiromukʰorastʰo viniyoge 'ñjalirbudʰaiḥ \
Verse:        kapotahastaḥ
Verse: b    kapoto 'sau karo yatra śliṣṭāmūlāgrapāśvakaḥ \\ 177 \\

Strophe: 178 
Verse:        viniyogaḥ
Verse: a    praṇāme gurusambʰāṣe vinayāṅgīkr̥teṣvayam \
Verse:        karkaṭahastaḥ
Verse: b    anyonyasyāntare yatrāṅgulyo niḥsr̥tya hastayoḥ \\ 178 \\

Strophe: 179 
Verse: a    antarbahirvā vartante karkaṭaḥ so 'bʰidʰīyate \
Verse:        viniyogaḥ
Verse: b    samūhāgamane tundadarśane śaṅkʰapūraṇe \\ 179 \\

Strophe: 180 
Verse: a    aṅgānāṃ moṭane śākʰonnamane ca niyujyate \
Verse:        svastikahastaḥ
Verse: b    patākayoḥ sanniyuktaḥ karayormaṇibandʰayoḥ \\ 180 \\

Strophe: 181 
Verse: a    saṃyogena svastikākʰyo makare viniyujyate \
Verse:        ḍolāhastaḥ
Verse: b    patāka ūrūdeśastʰe ḍolāhasto 'yamiṣyate \\ 181 \\

Strophe: 182 
Verse:        viniyogaḥ
Verse: a    nāṭyārambʰe prayoktavya iti nāṭyavido viduḥ \
Verse:        puṣpapuṭahastaḥ
Verse: b    saṃśliṣtakarayoḥ sarpaśīrṣaḥ puṣpapuṭaḥ karaḥ \\ 182 \\

Strophe: 183 
Verse:        viniyogaḥ
Verse: a    nīrājanāvidʰau vāripʰalādigrahaṇe 'pi ca \
Verse: b    sandʰyāyāmardʰyadāne ca mantrapuṣpe ca yujyate \\ 183 \\

Strophe: 184 
Verse:        utsaṅgahastaḥ
Verse: a    anyonyabāhudeśastʰau mr̥gaśīrṣakarau yadi \
Verse: b    utsaṅgahastaḥ sa jñeyo bʰaratāgamavedibʰiḥ \\ 184 \\

Strophe: 185 
Verse:        viniyogaḥ
Verse: a    āliṅgane ca lajjāyāamaṅgadādipradarśane \
Verse: b    bālānāṃ śikṣaṇe cāyamutsaṅgo yujyate karaḥ \\ 185 \\

Strophe: 186 
Verse:        śivaliṅgahastaḥ
Verse: a    vāme 'rdʰacandro vinyastaḥ śikʰaraḥ śivaliṅgakaḥ \
Verse:        viniyogaḥ
Verse: b    viniyogastu tasyaiva śīvaliṅgasya darśane \\ 186 \\

Strophe: 187 
Verse:        kaṭakāvardʰanahastaḥ
Verse: a    kaṭakāmukʰyoḥ pāṇyoḥ svastiko maṇibandʰayoḥ \
Verse: b    kaṭakāvardʰanākʰyaḥ syāditi nāṭyavido viduḥ \\ 187 \\

Strophe: 188 
Verse:        viniyogaḥ
Verse: a    paṭṭābʰiṣeke pūjāyāṃ vivāhādiṣu yujyate \
Verse:        kartarīsvastikahastaḥ
Verse: b    kartarīsvastikākārā kartarīsvastiko bʰavet \\ 188 \\

Strophe: 189 
Verse:        viniyogaḥ
Verse: a    śākʰāsu cādriśikʰare vr̥kṣeṣu ca niyujyate \
Verse:        śakaṭahastaḥ
Verse: b    bʰramare madʰyamāṅgaṣṭʰaprasārāccakaṭo bʰavet \\ 189 \\

Strophe: 190 
Verse:        viniyogaḥ
Verse: a    rākṣasābʰinaye prāyaḥ śakaṭo viniyujyate \
Verse:        śaṇkʰahastaḥ
Verse: b    śikʰarāntargatāṇguṣṭʰa itarāṇguṣṭʰasaṅgataḥ \\ 190 \\

Strophe: 191 
Verse: a    tarjanyā yuta aśliṣṭaḥ śaṅkʰahastaḥ prakīrtitaḥ \
Verse:        viniyogaḥ
Verse: b    śaṇkʰādiṣu prayojyo 'yamityāhurbʰaratādayaḥ \\ 191 \\

Strophe: 192 
Verse:        cakrahastaḥ
Verse: a    yatrārdʰacandrau tiryañcāvanyonyatalasaṃspr̥śau \
Verse: b    cakrahastaḥ sa vijñeyaścakrārtʰe viniyujyate \\ 192 \\

Strophe: 193 
Verse:        sampuṭahastaḥ
Verse: a    kuñcitāṅgulayaścake proktaḥ sampuṭahastakaḥ \
Verse:        viniyogaḥ
Verse: b    vastvāccāde sampuṭe ca sampuṭaḥ kara īritaḥ \\ 193 \\

Strophe: 194 
Verse:        pāśāhastaḥ
Verse: a    sūcyāṃ nikuñcite śliṣṭe tarjanyau pāśa īritaḥ \
Verse:        viniyogaḥ
Verse: b    anyonyakalahe pāśe śr̥ṅkʰalāyāṃ niyujyate \\ 194 \\

Strophe: 195 
Verse:        kīlakahastaḥ
Verse: a    kaniṣṭʰe kuñcite śliṣṭe mr̥gaśīrṣastu kīlakaḥ \
Verse:        viniyogaḥ
Verse: b    snehe narmānulāpe ca kīlako viniyujyate \\ 195 \\

Strophe: 196 
Verse:        matsyahastaḥ
Verse: a    karapr̥ṣṭʰāpari nyasto yatra hastastvadʰomukʰaḥ \
Verse: b    kiñcitprasāritāṅguṣṭʰakaniṣṭʰo matsyanāmakaḥ \\ 196 \\

Strophe: 197 
Verse:        viniyogaḥ
Verse: a    etasya viniyogastu sammato matsyadarśane \
Verse:        kūrmahastaḥ
Verse: b    kuñcitāgrāṅgaliścakre tyaktāṅguṣṭʰakaniṣṭʰakaḥ \\ 197 \\

Strophe: 198 
Verse: a    kūrmahastaḥ sa vijñeyaḥ kūrmārtʰe viniyujyate \
Verse:        varāhahastaḥ
Verse: b    mr̥gaśīrṣe tvanyatare svoparyekaḥ stʰite yadi \\ 198 \\

Strophe: 199 
Verse: a    kaniṣṭʰāṅguṣṭʰayoryogādvarāhakara īritaḥ \
Verse:        viniyogaḥ
Verse: b    etasya viniyogaḥ syādvarāhārtʰapradarśane \\ 199 \\

Strophe: 200 
Verse:        garuḍahastaḥ
Verse: a    tiryaktalastʰitāvardʰacandrāvaṅguṣṭʰayogataḥ \
Verse: b    garuḍahastaḥ ityāhurgaruḍārtʰe niyujyate \\ 200 \\

Strophe: 201 
Verse:        nāgabandʰahastaḥ
Verse: a    sarpaśīrṣasvastikañca nagabandʰa itīritaḥ \
Verse:        viniyogaḥ
Verse: b    etasya viniyogastu nāgabandʰe hi sammataḥ \\ 201 \\

Strophe: 202 
Verse:        kʰaṭvāhastaḥ
Verse: a    cature caturaṃ nyasya tarjanyaṇguṣṭʰamokṣataḥ \
Verse: b    kʰaṭvāhasto bʰavedeṣa kʰaṭvāśivikayoḥ smr̥taḥ \\ 202 \\

Strophe: 203 
Verse:        bʰeruṇḍahastaḥ
Verse: a    maṇibandʰe kapittʰābʰyāṃ bʰeruṇḍakara iṣyate \
Verse:        viniyogaḥ
Verse: b    bʰeruṇde pakṣidampatyorbʰeruṇḍo yujyate karaḥ \\ 203 \\

Strophe: 204 
Verse:        devahastāḥ
Verse: a    atʰātra brahmārudrādidevatābʰinayakramāt \
Verse: b    mūrtibʰedena ye hastāsteṣāṃ lakṣaṇamucyate \\ 204 \\

Strophe: 205 
Verse:        brahmāhastaḥ
Verse: a    brahmāṇaścaturo vāme haṃsāsyo dakṣiṇe karaḥ \
Verse:        īśvarahastaḥ
Verse: b    śambʰorvāmv mr̥śirṣastripatākastu dakṣiṇe \\ 205 \\

Strophe: 206 
Verse:        viṣṇuhastaḥ
Verse: a    hastābʰyāṃ tripatākastu viṣṇuhastaḥ sa kīrtitaḥ \
Verse:        sarasvatīhastaḥ
Verse: b    sūcīkr̥te dakṣiṇe ca vāme cāṃsasamakr̥tau \\ 206 \\

Strophe: 207 
Verse: a    kapittʰake 'pi bʰāratyāḥ kara syāditi sammataḥ \
Verse:        pārvatīhastaḥ
Verse: b    ūrdʰvādʰaḥ prasr̥tāvardʰacandrākʰyau vāmadakṣiṇau \\ 207 \\

Strophe: 208 
Verse: a    abʰayo varadaścaiva pārvattyāḥ kara īritaḥ \
Verse:        lakṣmīhastaḥ
Verse: b    aṃsopakaṇtʰe hastābʰyāṃ kapittʰastu śriyaḥ karaḥ \\ 208 \\

Strophe: 209 
Verse:        vināyakahastaḥ
Verse: a    arogatābʰyāṃ hastābʰyāṃ kapittʰo vigʰrarāṭ karaḥ \
Verse:        ṣaṇmukʰahastaḥ
Verse: b    vāme kare triśūlañca śikʰaro dakṣiṇe kare \\ 209 \\

Strophe: 210 
Verse: a    ūrdʰvaṃ gate ṣaṇmukʰasya hastaḥ syāditi kīrtitaḥ \
Verse:        manmatʰahastaḥ
Verse: b    vāme kare tu śikʰaro dakṣiṇe kaṭakāmukʰaḥ \\ 210 \\

Strophe: 211 
Verse: a    manmatʰasya karaḥ prokto nāṭyaśāstrārtʰakovidaiḥ \
Verse:        indrahastaḥ
Verse: b    tripatākaḥ svastikaśca śakrahastaḥ prakīrtitaḥ \\ 211 \\

Strophe: 212 
Verse:        agnihastaḥ
Verse: a    tripatāko dakṣiṇe tu vāme kāṅgulahastakaḥ \
Verse: b    agnihastaḥ sa vijñeyo nāṭyaśāstraviśāradaiḥ \\ 212 \\

Strophe: 213 
Verse:        yamahastaḥ
Verse: a    vāme pāśaṃ dakṣiṇe tu sūcī yamākaraḥ smr̥taḥ \
Verse:        nirr̥tihasaḥ
Verse: b    kʰaṭvā ca śakaṭaścaiva kīrtito nirr̥teḥ karaḥ \\ 213 \\

Strophe: 214 
Verse:        varuṇahastaḥ
Verse: a    patāko dakṣiṇe vāme śikʰaro vāruṇaḥ karaḥ \
Verse:        vāyuhastaḥ
Verse: b    arālo dakṣiṇe haste vāme cārdʰapatākikā \\ 214 \\

Strophe: 215 
Verse: a    dʰr̥tā cedvāyudevasya kara ityabʰidʰīyate \
Verse:        kuberahastaḥ
Verse: b    vāme padmaṃ dakṣiṇe tu gadā yakṣapateḥ karaḥ \\ 215 \\

Strophe: 216 
Verse:        daśāvatārahastāḥ
Verse:        matsyāvatārahastaḥ
Verse: a    matsyahastaṃ darśayitvā tataḥ skandʰasamau karau \
Verse: b    dʰr̥tau matsyāvatārasya hasta ityuabʰidʰīyate \\ 216 \\

Strophe: 217 
Verse:        kūrmāvatārahastaḥ
Verse: a    kūrmahastaṃ darśayitvā tataḥ skandʰasamau karau \
Verse: b    dʰr̥tau kūrmāvatārasya hasta ityamidʰīyate \\ 217 \\

Strophe: 218 
Verse:        nr̥siṃhāvatārahastaḥ
Verse: a    vāme siṃhamukʰaṃ dʰr̥tvā dakṣiṇe tripatākikā \
Verse: b    narasiṃhāvatārasya hasta ityucyate buddʰaiḥ \\ 218 \\

Strophe: 220 
Verse:        vāmanāvatārahastaḥ
Verse: a    urdʰvādʰo dʰr̥tamuṣṭbʰyāṃ savyānyābʰyāṃ yadi stʰitaḥ \
Verse: b    sa vāmanāvatārasya hasta ityabʰidʰīyate \\ 220 \\

Strophe: 221 
Verse:        paraśurāmāvatārahastaḥ
Verse: a    vāmaṃ kaṭitaṭe nyasya dakṣiṇe 'rdʰapatākikā \
Verse: b    dʰr̥tā paraśurāmasya hasta ityabʰidʰīyate \\ 221 \\

Strophe: 222 
Verse:        rāmacandrāvatārahastaḥ
Verse: a    kapittʰo dakṣiṇe haste vāme tu śikʰaraḥ karaḥ \
Verse: b    ūrdʰvaṃ dʰr̥to rāmacandrahasta ityucyate buddʰaiḥ \\ 222 \\

Strophe: 223 
Verse:        balarāmāvatārahastaḥ
Verse: a    patāko dakṣiṇe haste muṣṭirvāmakare tatʰā \
Verse: b    balarāmāvatārasya hasta ityucyate buddʰaiḥ \\ 223 \\

Strophe: 224 
Verse:        kr̥ṣṇāvatārahastaḥ
Verse: a    mr̥gaśirṣe tu hastābʰyāmanyonyābʰimukʰe kr̥te \
Verse: b    āsyopakaṇṭʰe kr̥ṣṇāsya hasta ityucyate buddʰaiḥ \\ 224 \\

Strophe: 225 
Verse:        kalkyavatārahastaḥ
Verse: a    patāko dakṣiṇe vāme tripatākaḥ karo dʰr̥taḥ \
Verse: b    kalkyākʰyasyāvatārasya hasta ityabʰidʰīyate \\ 225 \\

Strophe: 226 
Verse:        atʰa tattajjātīyahastāḥ
Verse:        rākṣasahastaḥ
Verse: a    mukʰe karābʰyāṃ śakaṭau rākṣasānāṃ karaḥ smr̥taḥ \
Verse:        brāhmaṇahastaḥ
Verse: b    karābʰyāṃ śikʰaraṃ dʰr̥tvā yajñasūtrasya sūcane \\ 226 \\

Strophe: 227 
Verse: a    dakṣiṇena kr̥te niryag brāhmaṇānāṃ karaḥ smr̥taḥ \
Verse:        kṣatriyahastaḥ
Verse: b    vāmena śikʰaraṃ tiryag dʰr̥tvānyena patākikā \\ 227 \\

Strophe: 228 
Verse: a    dʰr̥tā yadi kṣatriyāṇāṃ hasta ityabʰidʰīyate \
Verse:        vaiśyahastaḥ
Verse: b    kare vāme tu haṃsāsyo dakṣiṇe kaṭakāmukʰaḥ \\ 228 \\

Strophe: 229 
Verse: a    vaiśyahasto 'yamākʰyāto munibʰirbʰaratādibʰiḥ \
Verse:        śūdrahastaḥ
Verse: b    vāme tu śikʰaraṃ dʰr̥tvā dakṣiṇe mr̥gaśīrṣakaḥ \\ 229 \\

Strophe: 230 
Verse: a    śūdrahastaḥ sa vijñeyo munibʰirbʰaratādibʰiḥ \
Verse: b    yadaṣṭādaśajātīnāṃ karma tena karāḥ smr̥tā \\ 230 \\

Strophe: 231 
Verse: a    tattaddeśajānāmapi evamuhyaṃ buddʰottamaiḥ \
Verse:        bāndʰavahastāḥ
Verse:        dampatihastāḥ
Verse: b    vāme tu śikʰaraṃ dʰr̥tvā dakṣiṇe mr̥gaśīrṣakaḥ \\ 231 \\

Strophe: 232 
Verse: a    dʰr̥taḥ strīpuṃsayorhastaḥ kʰyāto bʰaratakovidaiḥ \
Verse:        mātr̥hastaḥ
Verse: b    vāme haste 'rdʰacandraśca sandaṃśo dakṣiṇe kare \\ 232 \\

Strophe: 233 
Verse: a    āvartayitvā jaṭʰare vāmahastaṃ tataḥ param \
Verse: b    striyāḥ karo dʰr̥to mātr̥hasta mātr̥hasta ityucyate buddʰaiḥ \\ 233 \\

Strophe: 234 
Verse:        viniyogaḥ
Verse: a    jananyāṃ ca kumāryāṃ ca mātr̥hasto niyujyate \
Verse:        pitr̥hastaḥ
Verse: b    etasmin mātr̥haste tu śikʰare dakṣiṇena tu \\ 234 \\

Strophe: 235 
Verse: a    dʰr̥te sati pitr̥hasta ityākʰyāto manīṣibʰiḥ \
Verse:        viniyogaḥ
Verse: b    ayaṃ hastastu janake jāmātari ca yujyate \\ 235 \\

Strophe: 236 
Verse:        ścaśrūhastaḥ
Verse: a    vinyasya kaṇṭʰe haṃsāsyaṃ sandaṃśaṃ dakṣiṇe kare \
Verse: b    udare ca parāmr̥śya vāmahastaṃ tataḥ param \\ 236 \\

Strophe: 237 
Verse: a    striyāḥ karo dʰr̥taḥ śvaśrūhastastasyāṃ niyujyate \
Verse:        śvaśurahastaḥ
Verse: b    etasyānte tu hastasya śikʰaro dakṣiṇe yadi \\ 237 \\

Strophe: 238 
Verse: a    dʰr̥taśca śvaśurasyāyaṃ hasta ityucyate buddʰaiḥ \
Verse:        bʰartr̥bʰrātr̥hastaḥ
Verse: b    vāme tu śikʰaraṃ dʰr̥tvā pārśvayoḥ kartarīmukʰaḥ \\ 238 \\

Strophe: 239 
Verse: a    dʰr̥to dakṣiṇahastena bʰartr̥bʰrātr̥karaḥ smr̥taḥ \
Verse:        nanāndr̥hastaḥ
Verse: b    ante tvetasya hastasya strīhasto dakṣiṇe kare \\ 239 \\

Strophe: 240 
Verse: a    dʰr̥to nanāndr̥hastaḥ syāditi nāṭyavidāṃ matam \
Verse:        jyeṣṭʰakaniṣṭʰabʰrātr̥hastaḥ
Verse: b    mayūrahastaḥ pūrataḥ pārśvabʰāge ca darśitaḥ \\ 240 \\

Strophe: 241 
Verse: a    jyeṣṭʰabʰrātuḥ kaniṣṭʰasyāpyayaṃ hasta iti smr̥taḥ \
Verse:        putrahastaḥ
Verse: b    sandaṃśāmudare nyasya bʰrāmayitvā tataḥ param \\ 241 \\

Strophe: 242 
Verse: a    dʰr̥to vāmena śikʰaraṃ putrahastaḥ prakīrtitaḥ \
Verse:        snuṣāhastaḥ
Verse: b    etadante dakṣiṇena strīhastaśca dʰr̥to yadi \\ 242 \\

Strophe: 243 
Verse: a    snuṣāhasta iti kʰyāto bʰaratāgamakovidaiḥ \
Verse:        sapatnīhastaḥ
Verse: b    darśayitvā pāśahastaṃ karābʰyāṃ strīkarāvubʰau \\ 243 \\

Strophe: 244 
Verse: a    dʰr̥tau sapatnīhastaḥ syāditi bʰāvadido viduḥ \
Verse:        nr̥ttahastānāṃ gatayaḥ
Verse: b    bʰavanti nr̥ttahastānāṃ gatayaḥ pañcadʰā bʰuvi \\ 244 \\

Strophe: 245 
Verse: a    ūrdʰvādʰarottarā prācī dakṣiṇā ceti viśra tā \
Verse: b    yatʰā syāt pādavinyāstatʰaiva karayorapi \\ 245 \\

Strophe: 246 
Verse: a    vāmāṅgabʰāge vāmasya dakṣiṇe dakṣiṇasya ca \
Verse: b    kuryāt pracalanaṃ hya tannr̥ttasiddʰāntalakṣaṇam \\ 246 \\

Strophe: 247 
Verse: a    yatʰo hastastato dr̥ṣṭiryato dr̥ṣṭistato manaḥ \
Verse: b    yato manastato bʰāvo yato bʰāvastato smaḥ \\ 247 \\

Strophe: 248 
Verse:        nr̥ttahastaḥ
Verse: a    patākāsvastikākʰyaśca ḍolāhastastatʰāñjali \
Verse: b    kaṭakāvardʰanaścaiva śakaṭaḥ pāśakīhakau \\ 248 \\

Strophe: 249 
Verse: a    kapittʰaḥ śikʰaraḥ kūrmo haṃsāsyaścālapadmakaḥ \
Verse: b    trayodaśaite hastāḥ syurnr̥ttasyāpyupayoginaḥ \\ 249 \\

Strophe: 250 
Verse:        navagrahahastaḥ
Verse:        sūryahastaḥ
Verse: a    aṃsopakaṇṭʰe hastābʰyāmalapadmakapittʰakaḥ \
Verse: b    dʰr̥to yadi karo hyeṣa divākarakaraḥ smr̥taḥ \\ 250 \\

Strophe: 251 
Verse:        candrahastaḥ
Verse: a    alapadmo vāmahaste dakṣiṇe ca patākikā \
Verse: b    niśākarakaraḥ prokto bʰaratāgamadarśibʰiḥ \\ 251 \\

Strophe: 252 
Verse:        kujahastaḥ
Verse: a    vāme kare tu sūcī syānmuṣṭihastastu dakṣiṇe \
Verse: b    dʰr̥taścennāṭyaśāstrajñairaṅgārakakaraḥ smr̥taḥ \\ 252 \\

Strophe: 253 
Verse:        budʰahastaḥ
Verse: a    tiryagvāme ca muṣṭiḥ syāddakṣiṇe ca patākikā \
Verse: b    budʰagrahakaraḥ prokto bʰaratāgamavedibʰiḥ \\ 253 \\

Strophe: 254 
Verse:        guruhastaḥ
Verse: a    hastābʰyāṃ śikʰaraṃ dʰr̥tvā yajñasūtrasya darśanam \
Verse: b    r̥ṣibrāhmaṇahasto 'yaṃ guroścāpi prakīrtitaḥ \\ 254 \\

Strophe: 255 
Verse:        śukrahastaḥ
Verse: a    vāmoccabʰāge muṣṭiḥ syādadʰastāddakṣiṇe tatʰā \
Verse: b    śukragrahakaraḥ prokto bʰaratāgamavedibʰiḥ \\ 255 \\

Strophe: 256 
Verse:        śanihastaḥ
Verse: a    vāme kare tu śikʰarastriśūlo dakṣiṇe kare \
Verse: b    śanaiścarakaraḥ prokto bʰaratāgamakovidaiḥ \\ 256 \\

Strophe: 257 
Verse:        rāhuhastaḥ
Verse: a    sarpaśīrṣā vāmakare sūcī syāddakṣiṇe kare \
Verse: b    rāhugrahakaraḥ prokto nāṭyavidyādʰipairjanaiḥ \\ 257 \\

Strophe: 258 
Verse:        ketuhastaḥ
Verse: a    vāme kare tu sūcī syāddakṣiṇe tu patākikā \
Verse: b    ketugrahakaraḥ prokto bʰaratāgamadarśibʰiḥ \\ 258 \\

Strophe: 259 
Verse:        pādabʰedāḥ
Verse: a    vakṣyate pādabʰedānāṃ lakṣaṇaṃ pūrvasammatam \
Verse: b    maṇḍalotplavane caiva bʰramarī pādacārikā \\ 259 \\

Strophe: 260 
Verse: a    caturdʰā pādabʰedāḥ syusteṣāṃ lakṣaṇamucyate \
Verse:        maṇḍalabʰedāḥ
Verse: b    stʰānakaṃ cāyatālīḍʰaṃ proṅkʰaṇapreritāni ca \\ 260 \\

Strophe: 261 
Verse: a    pratyālīḍʰaṃ svastikaṃ ca moṭitaṃ samasūcikā \
Verse: b    pārśvasūcīti ca daśa maṇḍalānīritānīha \\ 261 \\

Strophe: 262 
Verse:        stʰānakamaṇḍalam
Verse: a    kaṭi spr̥ṣṭvārdʰacandrākʰyapāṇibʰyāṃ samapādataḥ \
Verse: b    samarekʰatayā tiṣṭʰet tat syāt syānakamaṇḍalam \\ 262 \\

Strophe: 263 
Verse:        āyatamaṇḍalam
Verse: a    vitastyantaritau pādau kr̥tvā tu caturastrakau \
Verse: b    tiryak kuñcitajānubʰyāṃ stʰitirāyatamaṇḍalam \\ 263 \\

Strophe: 264 
Verse:        ālīḍʰamaṇḍalam
Verse: a    dakṣiṇāṇgʰreśca purataḥ vitastitritayāntaram \
Verse: b    vinyased vāmapādaṃ ca śikʰaraṃ vāmapāṇinā \\ 264 \\

Strophe: 265 
Verse: a    kaṭakāmukʰahastastaśca dakṣiṇena dʰr̥to yadi \
Verse: b    ālīḍʰamaṇḍalamiti vikʰyātaṃ bʰaratādibʰiḥ \\ 265 \\

Strophe: 266 
Verse:        pratyālīḍʰamaṇḍalam
Verse: a    allīḍʰasya viparyāsāt pratyālīḍʰākʰyamaṇḍalam \
Verse:        preṅkʰaṇamaṇḍala
Verse: b    prasr̥tyaikapadaṃ pārśve pārṣṇideśasya pādataḥ \\ 266 \\

Strophe: 267 
Verse: a    stʰitvānte kūrmahastena stʰitiḥ preṅkʰamaṇḍalam \
Verse:        preritamaṇḍalam
Verse: b    santāḍyaikaṃ padaṃ pārśve vitastitritayāntaram \\ 267 \\

Strophe: 268 
Verse: a    tiryak kuñcitajānubʰyāṃ stʰitvātʰa śikʰaraṃ karam \
Verse: b    vidʰāya vakṣyasyanyena prasr̥tā ca patākikā \\ 268 \\

Strophe: 269 
Verse: a    pradarśayedidaṃ tajjñāḥ preritaṃ maṇḍalaṃ jaguḥ \
Verse:        svastikamaṇḍalam
Verse: b    dakṣiṇottarataḥ kuryāt pāde pādaṃ kare karam \\ 269 \\

Strophe: 270 
Verse: a    vyātyāsena tadā proktaṃ svastikaṃ nāma maṇḍalam \
Verse:        moṭitamaṇḍalam
Verse: b    prapadābʰyāṃ bʰuvi stʰitvā jānuyugmena saṃspr̥śet \\ 270 \\

Strophe: 271 
Verse: a    kramād bʰūtalamekaikaṃ tripatākakaradvayam \
Verse: b    kr̥tvā tanmoṭitaṃ nāma maṇḍalam katʰitaṃ buddʰaiḥ \\ 271 \\

Strophe: 272 
Verse:        samasūcīmaṇḍalam
Verse: a    pādāgrābʰyāṃ ca jānubʰyāṃ bʰūtalaṃ saṃspr̥śedyadi \
Verse: b    maṇḍalaṃ samasūcīti katʰitaṃ pūrvasūribʰiḥ \\ 272 \\

Strophe: 273 
Verse:        pārśvasūcīmaṇḍalam
Verse: a    stʰitvā pādāgrayugmeṇa jānunaikena pārśvataḥ \
Verse: b    saṃspr̥śed bʰūtalaṃ pārśvasūcīmaṇḍalamīritam \\ 273 \\

Strophe: 274 
Verse:        stʰānakabʰedāḥ
Verse: a    pādavinyāsabʰedena stʰānakaṃ ṣaṇvidʰaṃ bʰavet \
Verse: b    samapādaṃ caikapādaṃ nāgabandʰastataḥ param \\ 274 \\

Strophe: 275 
Verse: a    aindraṃ ca gāruḍaṃ caiva brahmastʰānamiti kramāt \
Verse:        sampādastʰānam
Verse: b    stʰitiḥ samābʰyāṃ pādābʰyāṃ samapādamiti smr̥tam \\ 275 \\

Strophe: 276 
Verse:        viniyogaḥ
Verse: a    puṣpāñjalau devarupe samapādaṃ niyujyate \
Verse:        ekapādastʰānam
Verse: b    jānvāśritya padaikena stʰitiḥ syādekapādakam \\ 276 \\

Strophe: 277 
Verse:        viniyogaḥ
Verse: a    ekapādaṃ tvidaṃ stʰānaṃ niścale tapasi stʰitam \
Verse:        nāgabandʰastʰānam
Verse: b    pādaṃ pādena saṃveṣṭya tatʰā pāṇiṃ ca pāṇinā \\ 277 \\

Strophe: 278 
Verse: a    stʰitiḥ syānnāgabandʰākʰyā nāgabandʰe prayujyate \
Verse:        aindrakastʰānam
Verse: b    pādamekaṃ samākuñcya stʰitvānyapadajānunī \\ 278 \\

Strophe: 279 
Verse: a    uttānite karaḥ nyasya stʰitiṃraindramitīritam \
Verse:        viniyogaḥ
Verse: b    vāsave rājabʰāve ca stʰānamaindraṃ niyujyate \\ 279 \\

Strophe: 280 
Verse:        guruṇstʰānakam
Verse: a    ālīḍʰamaṇḍale paścādatʰa jānutalaṃ bʰuvi \
Verse: b    saṃstʰāpya pāṇiyugmena vahan viralamaṇḍalam (?) \\ 280 \\

Strophe: 281 
Verse: a    stʰitistu garuḍastʰānaṃ garuḍe viniyujyate \
Verse:        brahmastʰanam
Verse: b    jānupari padaṃ nyasya pasasyopari jānu ca \\ 281 \\

Strophe: 282 
Verse: a    stʰitaṃ yadi bʰaved brāhmaṃ japādiṣu niyujyate \
Verse:        utplavanabʰedāḥ
Verse: b    atʰotplavanabʰedānāṃ lakṣaṇaṃ parikatʰyate \\ 282 \\

Strophe: 283 
Verse: a    alagaṃ kartarī vāśvotplavnaṃ moṭitaṃ tatʰā \
Verse: b    kr̥pālagamiti kʰyātaṃ pañcadʰotplavanaṃ buddʰaiḥ \\ 283 \\

Strophe: 284 
Verse:        alagotplavanam
Verse: a    utplutya pārśvayugalaṃ kaṭideśe tu vinyaset \
Verse: b    badʰvāṃkarābʰyāṃ śikʰarau alagotplavanaṃ bʰavet \\ 284 \\

Strophe: 285 
Verse:        utplavanakartarī
Verse: a    utplutya prapadaiḥ savyapādasyaikasya pr̥ṣṭʰataḥ \
Verse: b    kartarī vinyasedeṣā syādutplavanakartarī \\ 285 \\

Strophe: 286 
Verse: a    adʰomukʰaṃ ca śikʰaraṃ kaṭau hastaṃ nyasadiha \
Verse:        aśvotplavanam
Verse: b    paraḥ pādaṃ samutplutya paścātpādaṃ niyojayet \\ 286 \\

Strophe: 287 
Verse: a    dvau karau tu tripatākʰyau kr̥tvāśvotplavanaṃ bʰavet \
Verse:        moṭitotplavanam
Verse: b    paryāyapārśvotplavanaṃ kartarīva tu moṭitā \\ 287 \\

Strophe: 288 
Verse: a    tripatāke ca karayoḥ kr̥tvā śaśvatprakāśanāt \
Verse:        kr̥pālagotplavanam
Verse: b    pārṣṇimekaikapādasya kaṭau paryāyato nyaset \\ 288 \\

Strophe: 289 
Verse: a    ardʰacandrakalāmadʰye nyastamanyat kr̥pālagam \
Verse:        bʰramarīlakṣaṇam
Verse: b    bʰramaryā lakṣaṇānyatra vakṣye lakṣaṇabʰedataḥ \\ 289 \\

Strophe: 290 
Verse: a    utplutabʰramarī cakrabʰramarī garuḍābʰidʰā \
Verse: b    tatʰaikapādabʰramarī cakrabʰramarī garuḍābʰidā \
Verse: c    tatʰaikapādabʰramarī kuñcitabʰramarī tatʰā \\ 290 \\

Strophe: 291 
Verse: a    ākāśabʰramarī caiva tatʰāṅgabʰramarīti ca \
Verse: b    bʰramaryaḥ sapta vijñeyā nāṭyāśāstraviśāradaiḥ \\ 291 \\

Strophe: 292 
Verse:        utplutabʰramarī
Verse: a    stʰitvā samābʰyāṃ pādābʰyāmutplutya bʰrāmayodyadi \
Verse: b    sarvāṅgamantarāle syādumluttabʰramarī tvasau \\ 292 \\

Strophe: 293 
Verse:        cakrabʰramarī
Verse: a    bʰuvi pādau muhuḥ karṣaṃ stripatākau karau vahan \
Verse: b    cakravad bʰramate yatra sā cakrabʰramarī bʰavet \\ 293 \\

Strophe: 294 
Verse:        garuḍabʰramarī
Verse: a    tiryak prasārtʰekapādaṃ paścājjānu bʰuvi kṣipet \
Verse: b    samyak prasārya bāhū bʰrāmayed garuḍo bʰavet \\ 294 \\

Strophe: 295 
Verse:        ekapādabʰramarī
Verse: b    sā tvekapādabʰramarī bʰavediti vinisicatā \\ 295 \\

Strophe: 296 
Verse:        kuñcitabʰramarī
Verse: a    nikuṃcya jānubʰramaṇaṃ kuñcitabʰramarī bʰavet \
Verse:        ākāśabʰramarī
Verse: b    utplutya pādau viralau kr̥tvā pādau prasārya ca \\ 296 \\

Strophe: 297 
Verse: a    bʰrāmayet sakalaṃ gātramākāśabʰramarī bʰavet \
Verse:        aṅgabʰramarī
Verse: b    vitastyantaritau pādau kr̥tvāṅgabʰramaṇaṃ tatʰā \\ 297 \\

Strophe: 298 
Verse: a    tiṣṭʰed yadi bʰavedaṅgabʰramarī bʰarataditā \
Verse:        cāribʰedāḥ
Verse: b    atʰātra cāribʰedānāṃ lakṣaṇaṃ katʰyate mayā \\ 298 \\

Strophe: 299 
Verse: a    ādau tu calanaṃ proktaṃ paścāccaṃkramaṇaṃ tatʰā \
Verse: b    saraṇaṃ veginī caiva kuttanaṃ ca tataḥ param \\ 299 \\

Strophe: 300 
Verse: a    luṭʰitaṃ lolitaṃ caiva tato viṣamasañcaraḥ \
Verse: b    cāribʰedā amī aṣṭau proktā bʰratavedibʰiḥ \\ 300 \\

Strophe: 301 
Verse:        calanacāri
Verse: a    svastʰānāt svasya pādasya calanāccalanaṃ bʰavet \
Verse:        caṃkramaṇam
Verse: b    pādayorbāhyapārśvābʰyāmutkṣipyotkṣipya yatnataḥ \\ 301 \\

Strophe: 302 
Verse: a    gatirbʰaveccaṃkramaṇaṃ varṇitaṃ nāṭyakovidaiḥ \
Verse:        saraṇam
Verse: b    calanaṃ tu jalūkāvadekenānyasya pārṣṇinā \\ 302 \\

Strophe: 303 
Verse: a    tiryagākarṣayed bʰūmi karābʰyāṃ tu patākike \
Verse: b    dʰr̥tvā ca gamanaṃ yattu saraṇaṃ tadudīritam \\ 303 \\

Strophe: 304 
Verse:        veginī
Verse: a    pārṣṇināṃ vā padāgreṇa dra taṃ gatyā tu cālanam \
Verse: b    karābʰyāṃ cālapadme ca tripatāke tatʰākramam \\ 304 \\

Strophe: 305 
Verse: a    dʰr̥tvā naṭed yadi bʰaved vegavattvena veginī \
Verse:        kuttunam
Verse: b    pārṣṇinā vā padāgreṇa samastena talena vā \\ 305 \\

Strophe: 306 
Verse: a    yattaḍanaṃ bʰūtalasya kuttanaṃ tadudīritam \
Verse:        luṭʰitam
Verse: b    svastikastʰitipādāgre kuṭṭanālluṭʰitaṃ bʰavet \\ 306 \\

Strophe: 307 
Verse:        lolitam
Verse: a    pūrvavat kuṭṭanaṃ kr̥tvā mandaṃ mandamataḥ param \
Verse: b    aspr̥ṣṭabʰūmeḥ pādasya cālanaṃ lolitaṃ bʰavet \\ 307 \\

Strophe: 308 
Verse:        viṣamasañcaraḥ
Verse: a    veṣṭayitvā dakṣiṇena vāmaṃ vāmena dakṣiṇam \
Verse: b    krameṇa pādaṃ vinyasya bʰaved viṣamasañcaraḥ \\ 308 \\

Strophe: 309 
Verse:        gatibʰedāḥ
Verse: a    atʰātra gatibʰedānāṃ lakṣaṇaṃ vakṣyate kramāt \
Verse: b    haṃsī mayūrī ca mr̥gī gajalīlā turaṅginī \\ 309 \\

Strophe: 310 
Verse: a    siṃho mujaṅgī maṇḍūkī gatiṃvīrā ca mānavī \
Verse: b    daśautā gatayo jñeyā nāṭyaśāstraviśāradaiḥ \\ 310 \\

Strophe: 311 
Verse:        haṃsīgatiḥ
Verse: a    parivartya tanuṃ pārśvaṃ vitastyantaritaṃ śanaiḥ \
Verse: b    ekaikaṃ tat padaṃ nyasya kapittʰaṃ karayorvahan \\ 311 \\

Strophe: 312 
Verse: a    haṃsavadgamanaṃ yattu sā haṃsī gatirīritā \
Verse:        mayūrīgatiḥ
Verse: b    prapadābʰyāṃ bʰūvi stʰitvā kapittʰaṃ karayorvahan \\ 312 \\

Strophe: 313 
Verse: a    ekaikajānucalanānmayūrī gatirīrita \
Verse:        mr̥gīgatiḥ
Verse: b    mr̥gavad gamanaṃ vegāt tripatākakarau vahan \\ 313 \\

Strophe: 314 
Verse: a    purataḥ pārśvayoścaiva yānaṃ mr̥gagatirbʰavet \
Verse:        gajalīlāgatiḥ
Verse: b    pārśvayostu patākābʰyāṃ karābʰyāṃ vicaraṃstataḥ \\ 314 \\

Strophe: 315 
Verse: a    samapādagatirbʰandaṃ gajalīleti viśrutā \
Verse:        turaṅgiṇīgatiḥ
Verse: b    utkṣipya dakṣiṇaṃ pādamullaṇdʰya ca muhurmuhu \\ 315 \\

Strophe: 316 
Verse: a    vāmeṇa śikʰaraṃ dʰr̥tvā dakṣiṇena patākikām \
Verse: b    turaṅgiṇī gatiḥ proktā nr̥ttaśāstraviśāradaiḥ \\ 316 \\

Strophe: 317 
Verse:        siṃhīgatiḥ
Verse: a    pādāgrābʰyāṃ bʰuvi stʰitvā pura utplutya vegataḥ \
Verse: b    karābʰyāṃ śikʰaraṃ dʰr̥tvā yānaṃ siṃhagatirbʰavet \\ 317 \\

Strophe: 318 
Verse:        bʰujaṅgīgatiḥ
Verse: a    tripatākakarau dʰr̥tvā pārśvayorubʰayorapi \
Verse: b    pūrvavadgamanaṃ yattu sā bʰujaṅgī gatirbʰavet \\ 318 \\

Strophe: 319 
Verse:        maṇḍūkīgatiḥ
Verse: a    karābʰyāṃ śikʰaraṃ dʰr̥tvā kiñcit siṃhīsamā gatiḥ \
Verse: b    maṇḍūkī gatirityeṣā prasidvā bʰaratāgame \\ 319 \\

Strophe: 320 
Verse:        vīrāgatiḥ
Verse: a    vāme tu śikʰaraṃ dʰr̥tvā dakṣiṇena patākikā \
Verse: b    dūrādāgamanaṃ yattu vīrā gatirīritā \\ 320 \\

Strophe: 321 
Verse:        manavigatiḥ
Verse: a    maṇḍalākāravad bʰrāntyā samāgatya muhurmuhuḥ \
Verse: b    vāmaṃ karaṃ nyasya kaṭau dakṣiṇe kaṭakāmukʰam \\ 321 \\

Strophe: 322 
Verse: a    mānavī gatirityeṣā prasiddʰā pūrvasuribʰiḥ \
Verse: b    maṇḍalāni prayuktāni tatʰaivotplavanāni ca \\ 322 \\

Strophe: 323 
Verse: a    bʰramaryaścaiva cāryaśca gatayaśca paramparam \
Verse: b    ekaikabʰedasambandʰādanantāni bʰavanti hi \\ 323 \\

Strophe: 324 
Verse: a    etāśca nartanavidʰau śāstrataḥ sampradāyataḥ \
Verse: b    satāmanugraheṇaiva vijñeyā nānyatʰā bʰuvi \\ 324 \\

Strophe: * 
Verse:        kecit ślokāḥ -
Verse: a    kevalam emākʰyātapustake maṇḍalabʰedebʰyaḥ prāg dr̥śyate \
Verse: b    spaṣṭataḥ prakṣiptā iti te parityaktāḥ \

---

This text is part of the TITUS edition of Nandikeshvara, Abhinayadarpana.

---

Copyright TITUS Project, Frankfurt a/M, 16.9.2012. No parts of this document may be republished in any form without prior permission by the copyright holder.