TITUS
Vetus Testamentum graece iuxta LXX interpretes
Part No. 808
Previous part

Chapter: 19 
Verse: 1  ῾Υπολαβὼν δὲ Ιωβ λέγει
Verse: 2  ῞Εως τίνος ἔγκοπον ποιήσετε ψυχήν μου
καὶ καϑαιρεῖτε με λόγοις;
Verse: 3  γνῶτε μόνον ὅτι ὁ κύριος ἐποίησέ με οὕτως·
καταλαλεῖτέ μου, οὐκ αἰσχυνόμενοί με ἐπίκεισϑέ μοι.
Verse: 4  ναὶ δὴ ἐπ' ἀληϑείας ἐγὼ ἐπλανήϑην,
παρ' ἐμοὶ δὲ αὐλίζεται πλάνος
Verse: 4a  λαλῆσαι ῥῆμα, ὃ οὐκ ἔδει,
τὰ δὲ ῥήματά μου πλανᾶται καὶ οὐκ ἐπὶ καιροῦ.
Verse: 5  ἔα δὲ ὅτι ἐπ' ἐμοὶ μεγαλύνεσϑε,
ἐνάλλεσϑε δέ μοι ὀνείδει.
Verse: 6  γνῶτε οὖν ὅτι ὁ κύριός ἐστιν ὁ ταράξας,
ὀχύρωμα δὲ αὐτοῦ ἐπ' ἐμὲ ὕψωσεν.
Verse: 7  ἰδοὺ γελῶ ὀνείδει καὶ οὐ λαλήσω·
κεκράξομαι, καὶ οὐδαμοῦ κρίμα.
Verse: 8  κύκλῳ περιῳκοδόμημαι καὶ οὐ μὴ διαβῶ,
ἐπὶ πρόσωπόν μου σκότος ἔϑετο.
Verse: 9  τὴν δὲ δόξαν ἀπ' ἐμοῦ ἐξέδυσεν,
ἀϕεῖλεν δὲ στέϕανον ἀπὸ κεϕαλῆς μου.
Verse: 10  διέσπασέν με κύκλῳ, καὶ ᾠχόμην·
ἐξέκοψεν δὲ ὥσπερ δένδρον τὴν ἐλπίδα μου.
Verse: 11  δεινῶς δέ μοι ὀργῇ ἐχρήσατο,
ἡγήσατο δέ με ὥσπερ ἐχϑρόν.
Verse: 12  ὁμοϑυμαδὸν δὲ ἦλϑον τὰ πειρατήρια αὐτοῦ ἐπ' ἐμοὶ ταῖς // ὁδοῖς μου,
ἐκύκλωσάν με ἐγκάϑετοι.
Verse: 13  ἀπ' ἐμοῦ δὲ ἀδελϕοί μου ἀπέστησαν,
ἔγνωσαν ἀλλοτρίους ἢ ἐμέ·
ϕίλοι δέ μου ἀνελεήμονες γεγόνασιν.
Verse: 14  οὐ προσεποιήσαντό με οἱ ἐγγύτατοί μου,
καὶ οἱ εἰδότες μου τὸ ὄνομα ἐπελάϑοντό μου.
Verse: 15  γείτονες οἰκίας ϑεράπαιναί τέ μου,
ἀλλογενὴς ἤμην ἐναντίον αὐτῶν.
Verse: 16  ϑεράποντά μου ἐκάλεσα, καὶ οὐχ ὑπήκουσεν·
στόμα δέ μου ἐδέετο.
Verse: 17  καὶ ἱκέτευον τὴν γυναῖκά μου,
προσεκαλούμην δὲ κολακεύων υἱοὺς παλλακίδων μου·
Verse: 18  οἱ δὲ εἰς τὸν αἰῶνά με ἀπεποιήσαντο·
ὅταν ἀναστῶ, κατ' ἐμοῦ λαλοῦσιν.
Verse: 19  ἐβδελύξαντο δέ με οἱ εἰδότες με·
οὓς δὴ ἠγαπήκειν, ἐπανέστησάν μοι.
Verse: 20  ἐν δέρματί μου ἐσάπησαν αἱ σάρκες μου,
τὰ δὲ ὀστᾶ μου ἐν ὀδοῦσιν ἔχεται.
Verse: 21  ἐλεήσατέ με, ἐλεήσατέ με, ὦ ϕίλοι·
χεὶρ γὰρ κυρίου ἡ ἁψαμένη μού ἐστιν.
Verse: 22  διὰ τί δέ με διώκετε ὥσπερ καὶ ὁ κύριος,
ἀπὸ δὲ σαρκῶν μου οὐκ ἐμπίπλασϑε;
Verse: 23  τίς γὰρ ἂν δῴη γραϕῆναι τὰ ῥήματά μου,
τεϑῆναι δὲ αὐτὰ ἐν βιβλίῳ εἰς τὸν αἰῶνα
Verse: 24  ἐν γραϕείῳ σιδηρῷ καὶ μολίβῳS
ἢ ἐν πέτραις ἐγγλυϕῆναι;
Verse: 25  οἶδα γὰρ ὅτι ἀέναός ἐστιν ὁ ἐκλύειν με μέλλων ἐπὶ γῆς.
Verse: 26  ἀναστήσαι τὸ δέρμα μου τὸ ἀνατλῶν ταῦτα·
παρὰ γὰρ κυρίου ταῦτά μοι συνετελέσϑη,
Verse: 27  ἃ ἐγὼ ἐμαυτῷ συνεπίσταμαι,
ἃ ὁ ὀϕϑαλμός μου ἑόρακεν καὶ οὐκ ἄλλος·
πάντα δέ μοι συντετέλεσται ἐν κόλπῳ.
Verse: 28  εἰ δὲ καὶ ἐρεῖτε Τί ἐροῦμεν ἔναντι αὐτοῦ;
καὶ ῥίζαν λόγου εὑρήσομεν ἐν αὐτῷ·S
Verse: 29  εὐλαβήϑητε δὴ καὶ ὑμεῖς ἀπὸ ἐπικαλύμματος·
ϑυμὸς γὰρ ἐπ' ἀνόμους ἐπελεύσεται,
καὶ τότε γνώσονται ποῦ ἐστιν αὐτῶν ἡ ὕλη.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.