TITUS Texts: Vetus Testamentum graece iuxta LXX interpretes

Chapter: 56
Verse: 1 Εἰς τὸ τέλος· μὴ διαϕϑείρῃς· τῷ Δαυιδ εἰς
στηλογραϕίαν ἐν τῷ αὐτὸν ἀποδιδράσκειν ἀπὸ
προσώπου Σαουλ εἰς τὸ σπήλαιον.
Verse: 2 ᾽Ελέησόν με, ὁ ϑεός, ἐλέησόν με,
ὅτι ἐπὶ σοὶ πέποιϑεν ἡ ψυχή μου
καὶ ἐν τῇ σκιᾷ τῶν πτερύγων σου ἐλπιῶ,
ἕως οὗ παρέλϑῃ ἡ ἀνομία.
Verse: 3 κεκράξομαι πρὸς τὸν ϑεὸν τὸν ὕψιστον,
τὸν ϑεὸν τὸν εὐεργετήσαντά με.
Verse: 4 ἐξαπέστειλεν ἐξ οὐρανοῦ καὶ ἔσωσέν με,
ἔδωκεν εἰς ὄνειδος τοὺς καταπατοῦντάς με.
διάψαλμα.
ἐξαπέστειλεν ὁ ϑεὸς τὸ ἔλεος αὐτοῦ καὶ τὴν ἀλήϑειαν αὐτοῦ
Verse: 5 καὶ ἐρρύσατο τὴν ψυχήν μου ἐκ μέσου σκύμνων.
ἐκοιμήϑην τεταραγμένος·
υἱοὶ ἀνϑρώπων, οἱ ὀδόντες αὐτῶν ὅπλον καὶ βέλη,
καὶ ἡ γλῶσσα αὐτῶν μάχαιρα ὀξεῖα.
Verse: 6 ὑψώϑητι ἐπὶ τοὺς οὐρανούς, ὁ ϑεός,
καὶ ἐπὶ πᾶσαν τὴν γῆν ἡ δόξα σου.
Verse: 7 παγίδα ἡτοίμασαν τοῖς ποσίν μου
καὶ κατέκαμψαν τὴν ψυχήν μου·
ὤρυξαν πρὸ προσώπου μου βόϑρον
καὶ ἐνέπεσαν εἰς αὐτόν.
διάψαλμα.
Verse: 8 ἑτοίμη ἡ καρδία μου, ὁ ϑεός,
ἑτοίμη ἡ καρδία μου, ᾄσομαι καὶ ψαλῶ.
Verse: 9 ἐξεγέρϑητι, ἡ δόξα μου·
ἐξεγέρϑητι, ψαλτήριον καὶ κιϑάρα·
ἐξεγερϑήσομαι ὄρϑρου.
Verse: 10 ἐξομολογήσομαί σοι ἐν λαοῖς, κύριε,
ψαλῶ σοι ἐν ἔϑνεσιν,
Verse: 11 ὅτι ἐμεγαλύνϑη ἕως τῶν οὐρανῶν τὸ ἔλεός σου
καὶ ἕως τῶν νεϕελῶν ἡ ἀλήϑειά σου.
Verse: 12 ὑψώϑητι ἐπὶ τοὺς οὐρανούς, ὁ ϑεός,
καὶ ἐπὶ πᾶσαν τὴν γῆν ἡ δόξα σου. //

This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.