TITUS
Vetus Testamentum graece iuxta LXX interpretes
Part No. 617
Previous part

Chapter: 48 
Verse: 1  Εἰς τὸ τέλος· τοῖς υἱοῖς Κορε ψαλμός.
Verse: 2  ᾽Ακούσατε ταῦτα, πάντα τὰ ἔϑνη,
ἐνωτίσασϑε, πάντες οἱ κατοικοῦντες τὴν οἰκουμένην,
Verse: 3  οἵ τε γηγενεῖς καὶ οἱ υἱοὶ τῶν ἀνϑρώπων,
ἐπὶ τὸ αὐτὸ πλούσιος καὶ πένης.
Verse: 4  τὸ στόμα μου λαλήσει σοϕίαν
καὶ ἡ μελέτη τῆς καρδίας μου σύνεσιν·
Verse: 5  κλινῶ εἰς παραβολὴν τὸ οὖς μου,
ἀνοίξω ἐν ψαλτηρίῳ τὸ πρόβλημά μου.
Verse: 6  ἵνα τί ϕοβοῦμαι ἐν ἡμέρᾳ πονηρᾷ;
ἡ ἀνομία τῆς πτέρνης μου κυκλώσει με.
Verse: 7  οἱ πεποιϑότες ἐπὶ τῇ δυνάμει αὐτῶν
καὶ ἐπὶ τῷ πλήϑει τοῦ πλούτου αὐτῶν καυχώμενοι,
Verse: 8  ἀδελϕὸς οὐ λυτροῦται· λυτρώσεται ἄνϑρωπος;
οὐ δώσει τῷ ϑεῷ ἐξίλασμα αὐτοῦ
Verse: 9  καὶ τὴν τιμὴν τῆς λυτρώσεως τῆς ψυχῆς αὐτοῦ.
Verse: 10  καὶ ἐκόπασεν εἰς τὸν αἰῶνα καὶ ζήσεται εἰς τέλος,
ὅτι οὐκ ὄψεται καταϕϑοράν, ὅταν ἴδῃ σοϕοὺς ἀποϑνῄσκοντας.
Verse: 11  ἐπὶ τὸ αὐτὸ ἄϕρων καὶ ἄνους ἀπολοῦνται
καὶ καταλείψουσιν ἀλλοτρίοις τὸν πλοῦτον αὐτῶν,
Verse: 12  καὶ οἱ τάϕοι αὐτῶν οἰκίαι αὐτῶν εἰς τὸν αἰῶνα,
σκηνώματα αὐτῶν εἰς γενεὰν καὶ γενεάν.
ἐπεκαλέσαντο τὰ ὀνόματα αὐτῶν ἐπὶ τῶν γαιῶν αὐτῶν.
Verse: 13  καὶ ἄνϑρωπος ἐν τιμῇ ὢν οὐ συνῆκεν,
παρασυνεβλήϑη τοῖς κτήνεσιν τοῖς ἀνοήτοις καὶ ὡμοιώϑη // αὐτοῖς.
Verse: 14  αὕτη ἡ ὁδὸς αὐτῶν σκάνδαλον αὐτοῖς,
καὶ μετὰ ταῦτα ἐν τῷ στόματι αὐτῶν εὐδοκήσουσιν.
διάψαλμα.
Verse: 15  ὡς πρόβατα ἐν ᾅδῃ ἔϑεντο, ϑάνατος ποιμαίνει αὐτούς·
καὶ κατακυριεύσουσιν αὐτῶν οἱ εὐϑεῖς τὸ πρωί,
καὶ ἡ βοήϑεια αὐτῶν παλαιωϑήσεται ἐν τῷ ᾅδῃ ἐκ τῆς δόξης // αὐτῶν.
Verse: 16  πλὴν ὁ ϑεὸς λυτρώσεται τὴν ψυχήν μου
ἐκ χειρὸς ᾅδου, ὅταν λαμβάνῃ με.
διάψαλμα.
Verse: 17  μὴ ϕοβοῦ, ὅταν πλουτήσῃ ἄνϑρωπος
καὶ ὅταν πληϑυνϑῇ ἡ δόξα τοῦ οἴκου αὐτοῦ·
Verse: 18  ὅτι οὐκ ἐν τῷ ἀποϑνῄσκειν αὐτὸν λήμψεται τὰ πάντα,
οὐδὲ συγκαταβήσεται αὐτῷ ἡ δόξα αὐτοῦ.
Verse: 19  ὅτι ἡ ψυχὴ αὐτοῦ ἐν τῇ ζωῇ αὐτοῦ εὐλογηϑήσεται·
ἐξομολογήσεταί σοι, ὅταν ἀγαϑύνῃς αὐτῷ.
Verse: 20  εἰσελεύσεται ἕως γενεᾶς πατέρων αὐτοῦ,
ἕως αἰῶνος οὐκ ὄψεται ϕῶς.
Verse: 21  ἄνϑρωπος ἐν τιμῇ ὢν οὐ συνῆκεν,
παρασυνεβλήϑη τοῖς κτήνεσιν τοῖς ἀνοήτοις καὶ ὡμοιώϑη // αὐτοῖς. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.