TITUS
Novum Testamentum graece
Part No. 173
Previous part

Chapter: 3 
Verse: 1    Τούτου χάριν ἐγὼ Παῦλος ὁ δέσμιος τοῦ Χριστοῦ [᾽Ιησοῦ] ὑπὲρ ὑμῶν τῶν ἐϑνῶν
Verse: 2    εἴ γε ἠκούσατε τὴν οἰκονομίαν τῆς χάριτος τοῦ ϑεοῦ τῆς δοϑείσης μοι εἰς ὑμᾶς,
Verse: 3    [ὅτι] κατὰ ἀποκάλυψιν ἐγνωρίσϑη μοι τὸ μυστήριον, καϑὼς προέγραψα ἐν ὀλίγῳ,
Verse: 4    πρὸς ὃ δύνασϑε ἀναγινώσκοντες νοῆσαι τὴν σύνεσίν μου ἐν τῷ μυστηρίῳ τοῦ Χριστοῦ,
Verse: 5    ὃ ἑτέραις γενεαῖς οὐκ ἐγνωρίσϑη τοῖς υἱοῖς τῶν ἀνϑρώπων ὡς νῦν ἀπεκαλύϕϑη τοῖς ἁγίοις ἀποστόλοις αὐτοῦ καὶ προϕήταις ἐν πνεύματι,
Verse: 6    εἶναι τὰ ἔϑνη συγκληρονόμα καὶ σύσσωμα καὶ συμμέτοχα τῆς ἐπαγγελίας ἐν Χριστῷ ᾽Ιησοῦ διὰ τοῦ εὐαγγελίου,
Verse: 7    οὗ ἐγενήϑην διάκονος κατὰ τὴν δωρεὰν τῆς χάριτος τοῦ ϑεοῦ τῆς δοϑείσης μοι κατὰ τὴν ἐνέργειαν τῆς δυνάμεως αὐτοῦ.
Verse: 8    ἐμοὶ τῷ ἐλαχιστοτέρῳ πάντων ἁγίων ἐδόϑη ἡ χάρις αὕτη, τοῖς ἔϑνεσιν εὐαγγελίσασϑαι τὸ ἀνεξιχνίαστον πλοῦτος τοῦ Χριστοῦ,
Verse: 9    καὶ ϕωτίσαι [πάντας] τίς ἡ οἰκονομία τοῦ μυστηρίου τοῦ ἀποκεκρυμμένου ἀπὸ τῶν αἰώνων ἐν τῷ ϑεῷ τῷ τὰ πάντα κτίσαντι,
Verse: 10    ἵνα γνωρισϑῇ νῦν ταῖς ἀρχαῖς καὶ ταῖς ἐξουσίαις ἐν τοῖς ἐπουρανίοις διὰ τῆς ἐκκλησίας ἡ πολυποίκιλος σοϕία τοῦ ϑεοῦ,
Verse: 11    κατὰ πρόϑεσιν τῶν αἰώνων ἣν ἐποίησεν ἐν τῷ Χριστῷ ᾽Ιησοῦ τῷ κυρίῳ ἡμῶν,
Verse: 12    ἐν ᾧ ἔχομεν τὴν παρρησίαν καὶ προσαγωγὴν ἐν πεποιϑήσει διὰ τῆς πίστεως αὐτοῦ.
Verse: 13    διὸ αἰτοῦμαι μὴ ἐγκακεῖν ἐν ταῖς ϑλίψεσίν μου ὑπὲρ ὑμῶν, ἥτις ἐστὶν δόξα ὑμῶν.
Verse: 14    Τούτου χάριν κάμπτω τὰ γόνατά μου πρὸς τὸν πατέρα,
Verse: 15    ἐξ οὗ πᾶσα πατριὰ ἐν οὐρανοῖς καὶ ἐπὶ γῆς ὀνομάζεται,
Verse: 16    ἵνα δῷ ὑμῖν κατὰ τὸ πλοῦτος τῆς δόξης αὐτοῦ δυνάμει κραταιωϑῆναι διὰ τοῦ πνεύματος αὐτοῦ εἰς τὸν ἔσω ἄνϑρωπον,
Verse: 17    κατοικῆσαι τὸν Χριστὸν διὰ τῆς πίστεως ἐν ταῖς καρδίαις ὑμῶν, ἐν ἀγάπῃ ἐρριζωμένοι καὶ τεϑεμελιωμένοι,
Verse: 18    ἵνα ἐξισχύσητε καταλαβέσϑαι σὺν πᾶσιν τοῖς ἁγίοις τί τὸ πλάτος καὶ μῆκος καὶ ὕψος καὶ βάϑος,
Verse: 19    γνῶναί τε τὴν ὑπερβάλλουσαν τῆς γνώσεως ἀγάπην τοῦ Χριστοῦ, ἵνα πληρωϑῆτε εἰς πᾶν τὸ πλήρωμα τοῦ ϑεοῦ.
Verse: 20    Τῷ δὲ δυναμένῳ ὑπὲρ πάντα ποιῆσαι ὑπερεκπερισσοῦ ὧν αἰτούμεϑα ἢ νοοῦμεν κατὰ τὴν δύναμιν τὴν ἐνεργουμένην ἐν ἡμῖν,
Verse: 21    αὐτῷ ἡ δόξα ἐν τῇ ἐκκλησίᾳ καὶ ἐν Χριστῷ ᾽Ιησοῦ εἰς πάσας τὰς γενεὰς τοῦ αἰῶνος τῶν αἰώνων· ἀμήν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.