TITUS
Novum Testamentum graece
Part No. 148
Previous part

Chapter: 13 
Verse: 1    ᾽Εὰν ταῖς γλώσσαις τῶν ἀνϑρώπων λαλῶ καὶ τῶν ἀγγέλων, ἀγάπην δὲ μὴ ἔχω, γέγονα χαλκὸς ἠχῶν ἢ κύμβαλον ἀλαλάζον.
Verse: 2    καὶ ἐὰν ἔχω προϕητείαν καὶ εἰδῶ τὰ μυστήρια πάντα καὶ πᾶσαν τὴν γνῶσιν, κἂν ἔχω πᾶσαν τὴν πίστιν ὥστε ὄρη μεϑιστάναι, ἀγάπην δὲ μὴ ἔχω, οὐϑέν εἰμι.
Verse: 3    κἂν ψωμίσω πάντα τὰ ὑπάρχοντά μου, καὶ ἐὰν παραδῶ τὸ σῶμά μου ἵνα καυχήσωμαι, ἀγάπην δὲ μὴ ἔχω, οὐδὲν ὠϕελοῦμαι.
Verse: 4    ῾Η ἀγάπη μακροϑυμεῖ, χρηστεύεται ἡ ἀγάπη, οὐ ζηλοῖ, οὐ περπερεύεται, οὐ ϕυσιοῦται,
Verse: 5    οὐκ ἀσχημονεῖ, οὐ ζητεῖ τὰ ἑαυτῆς, οὐ παροξύνεται, οὐ λογίζεται τὸ κακόν,
Verse: 6    οὐ χαίρει ἐπὶ τῇ ἀδικίᾳ, συγχαίρει δὲ τῇ ἀληϑείᾳ·
Verse: 7    πάντα στέγει, πάντα πιστεύει, πάντα ἐλπίζει, πάντα ὑπομένει.
Verse: 8    ῾Η ἀγάπη οὐδέποτε πίπτει. εἴτε δὲ προϕητεῖαι, καταργηϑήσονται· εἴτε γλῶσσαι, παύσονται· εἴτε γνῶσις, καταργηϑήσεται.
Verse: 9    ἐκ μέρους γὰρ γινώσκομεν καὶ ἐκ μέρους προϕητεύομεν·
Verse: 10    ὅταν δὲ ἔλϑῃ τὸ τέλειον, τὸ ἐκ μέρους καταργηϑήσεται.
Verse: 11    ὅτε ἤμην νήπιος, ἐλάλουν ὡς νήπιος, ἐϕρόνουν ὡς νήπιος, ἐλογιζόμην ὡς νήπιος· ὅτε γέγονα ἀνήρ, κατήργηκα τὰ τοῦ νηπίου.
Verse: 12    βλέπομεν γὰρ ἄρτι δι' ἐσόπτρου ἐν αἰνίγματι, τότε δὲ πρόσωπον πρὸς πρόσωπον· ἄρτι γινώσκω ἐκ μέρους, τότε δὲ ἐπιγνώσομαι καϑὼς καὶ ἐπεγνώσϑην.
Verse: 13    νυνὶ δὲ μένει πίστις, ἐλπίς, ἀγάπη, τὰ τρία ταῦτα· μείζων δὲ τούτων ἡ ἀγάπη.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.