TITUS
Beatrijs
Part No. 20
Previous part

Chapter: (20) 
Verse: 749    Doen waecte si den derden nacht.
Verse: 750    Een ste[m]me qua[m] van gods cracht

Verse: 751    Met enen ouer groten lichte
Verse: 752    Ende seide: 'Hets bi onrechte,

Verse: 753    Dat ghi niet en doet dat ic v hiet,
Verse: 754    Want v maria bi mi ontbiet.

Verse: 755    Ghi moecht beiden te lanc!
Verse: 756    Gaet inden cloester sonder wanc:

Verse: 757    Ghi vint die doren op en[de] wide ontdae[n];
Verse: 758    D[aer] ghi wilt moghedi gaen.

Verse: 759    V abijt vindi weder
Verse: 760    Ligghende opten outaer neder.'

Verse: 761    Als die ste[m]me dit hadde gheseit,
Verse: 762    En mochte die zondersse die d[aer] leit,

Verse: 763    Die claerheit mette[n] oghe[n] wel sien.
Verse: 764    Si seide: 'Nv en darf mi n[iet] twien,

Verse: 765    Dese stemme comt van gode
Verse: 766    En[de] es der magh[et] marien bode.

Verse: 767    Dat wetic nv sonder hone.
Verse: 768    Si comt met lichte soe scone.

Verse: 769    Nv en willics niet laten,
Verse: 770    Jc wille mi inden cloest[er] maken.

Verse: 771    Jc saelt oec doen in goed[er] trouwen
Verse: 772    Opten troest van onser vrouwen

Verse: 773    En[de] wille mijn kinder beide gader
Verse: 774    Beuelen gode, onsen vader.

Verse: 775    Hi salse wel bewaren.'
Verse: 776    Doen toech si vte al sond[er] sparen

Verse: 777    H[aer] cleder, daer sise met decte,
Verse: 778    Heymelike, dat sise niet en wecte.

Verse: 779    Si cussese beide aen haren mont.
Verse: 780    Si seide: 'Kind[er], blijft ghesont.

Verse: 781    Op den troest van onser v[ro]uwen
Verse: 782    Latic v hier in goed[er] trouwen.

Verse: 783    En[de] hadde mi maria n[iet] v[er]beden,
Verse: 784    Jc en hadde v niet begheuen

Verse: 785    Om al tgoet dat rome heeft binne[n].'
Verse: 786    Hoert wes si sal beghinnen!


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.